الفصل الخامس 5
بقلم نجلاء فتحي
قرر نوح يفسح زوجتة لأنها محسوبة فى المنزل ٧ أيام بسبب خطورة وضع الحمل المفروض ٣ أيام راحة لكن شكل نوح أستغل هذا حتى تضع مولودهم الأول 🤣🤣🤣
____
دخلت الملكة وهى معلقة زراعها فى زراع زوجها وكانت ترتدى عباية سمراء باهظة الثمن [عارفين العبايات السواريةالغالية بتاعة المناسبات الأسعارها غالية دى كلها فصوص وشغل عالى ونوع الخامة لوحدها فخامة هى دى🤣🤣 ] ولفة حجاب أسود تبع العباية ربع شعرها نازل على وشها ومن خلف رأسها لافة الحجاب عالية،،ومكياج تقيل ،تعالوا نوصف العباية ضيقة من فوق واسعة من الأسفل وكم العباية واسع حين ترفع إيدها يظهر الأساور الذهبية السميكة فى كل زراع ١٠ أساور غير الخواتم الذهبية كبيرة الحجم والسلاسل بأحجامهم المختلفة ورغم وزنها وظروف حملها ترتدى حذاء أحمر بكعب رفيع وشنطة حمراء مربعة تعلقها بشكل متحضر وريحة برفانها تقيل من يراها يقول خليجية أو صاحبة مصنع ذهب لترتدى هكذا طبعا عزيزى القارى تعتبر كدة غيرت من لبسها إللى متابع عارف بتلبس العباية الرجالى البيضاء حتى يوم فرحها لابستها ،،،،،أما نوح يرتدى بنطلون 👖 جينز أزرق وعلية تيشرت أبيض وكوتشى أبيض ومع جسمة المتناسق ولون عينة العسلى وبشرتة التى تشبة الفلتر الواد مز ،،جلسوا أمام بعض فى الكافية
شمس/ تعال أقعد جنبى
نوح/ أنا قدامك أهو شايفة حد لازق فى حد
شمس/ مش عاجبنى بينا الترابيزة دى أوووف
نوح/ دة وضع ،برستيج
شمس شوحت فى وشة وقالت :- بلا نيلة ثم قالت لفظ خارج&&&
نوح بتوتر/ أوبا أوبااااااا، ،هوش وطى صوتك ،،جبتك فى مكان رومانسي وموسيقى هادية ودلع
نفخت الملكة وفتحت زراعها بعشوائية/ متقول كدة من الصبح عايز دلع
نوح بتوتر وهو ينظر للناس/ مش إللى فى دماغك أقصد رومانسية غير قلة الأدب ،ثم قال بهيام أتغزل فيكى أقولك بحبك وكدة
الملكة وهى تنظر لأيدها تحتضن إيدة / يلا على بيتنا يا واد
أبعد نوح إيدة ورجع ظهرة للخلف على الكرسى ونفخ وقال بضيق / بنت فقر ملهاش غير فى البهايم والعجول
الملكة/ بتقول أية سمعنى
نوح بضيق/ تشربى أية
الملكة/ شيشة
نوح/ نعم وإللى فى بطنك بتشربى من ورايا
الملكة بكذب/ يعدم عدوى محصل ،أنا عبيطة وإللى فى بطنى
نوح براحة/ الكلام دة مش هنا
الملكة/هات قهوة محوجة بالمستكة والحبهان
نوح/ أوووف مفيش هنا ،مفكرة نفسك فى قهوة الحسين
الملكة بعشوائية/ لا بقولك أية انا جاية أنبسط الأماكن دى مش تاكل معايا يا أخويا
نوح بتوتر بلع ريقة الجميع ينظرون لها وهنا لمحت فلاش كاميرا أتى عليها، ،وقفت وذهبت للشاب الذى ألتقط لها الصورة مسكتة من قفاة وهنا رجعت الملكة شمس ملكة الضرب الأحمر صح ،،وقالت بعشوائية وصوت عالى :- جرا أية يا حليتها كاميرا تليفونك خرمت عينى مين أنت علشان تقتحم خصوصيتى أنا والواد بتاعى هاااااا رد دة أنا هطلع؟******** النهاردة
نوح/ نهار أسود ،،، أهدى محصلش حاجة
الملكة/ أسكت بقولك ودينى لخلى إللى ميشترى يتفرج ،،ثم أمسكت تليفونة ألقتة تحت قدميها وأتلفتة بكعب حذائها وأعطت الشاب علقة سخنة،،حاول نوح يفض المشكلة أنتهت بمشكلة أكبر
[وبعد وقت ]
مدير المكان قدم فروض الطاعة للملكة فهو يعلم مين هى الملكة فلا يوجد تلفيات بالمكان ودة مهم عندة ،،،والشاب أعتذر للملكة مما زاد غرورها ،وأنتهت الخروجة ونوح لسانة لم يخاطب الملكة ولأول مرة منذو زواجهم ينام فى غرفة أخرى منفصلة وهذا جننها لأنها لم تحترمة أمام الناس وقتها شعر بندم لتزوجة الملكة فهو أول مرة يتعرض لهذا الموقف معها شعر بفقرة أمامها ،،،
تفتكروا نوح صح ولا غلط والحل أية لو أنت شاب ومكانة ؟؟؟
بقلم نجلاءفتحى عاشقةالكلمات
________
[فى شقة سويلم ]
سويلم/ روحى متعرفيش نوح متخانق مع شمس ولا لا
روحية بلوية بوز حما أصيلة/ و أية الجديد عادى بنتك قوية ومفترية على أبنى ،،،،لاحظت حزن زوجها ،،،فقالت بأسف:- يقطعني يا أخويا مقصدش بس اكيد نوح كتوم أووى وشكلة من نوعية الرجالة سر بيتة ميطلعش لحد حتى أنا أمة معرفش
سويلم بتفهم/ بعد الشر عنك ،،،شمس نزلت الشغل تانى وهو كان مقعدها لحد متولد
روحية/ شكل الموضوع كبير بقالى أسبوع مش بسمع صوت زعيقهم ولا لأمؤخدة كدة ولا كدة وهى معاها فى الأوضة، ،،،،ماهى صوت بنتك عالى معاة يكونوا آتحسدوا
سويلم/ أزاى محدش يسمع غيرنا علشان الشقتين جنب بعض ،إللى فوق وإللى تحت مستحيل يسمعوا ،وبعدين ،حاولى تتكلمي مع أبنك
روحية/إللى على لسانة الحمد لله ذى الفل
سويلم بحيرة/ وشمس برضو كدة
روحية/ لو يتخانوا ساعتها من صوتهم نفهم الخصام دة أية
سويلم/ نوح بقالوا يومين مش بيقعد فى المحل
روحية/ شوفتة النهاردة الساعة ٦ تقريبآ الصبح معاة ورق وخارج برا الحارة
وقع قلب سويلم فى رجلة خوفآ أن يطلق بنتة
[عزيزى القارى مش هتفهم سويلم وروحية والقصة كلها غير لما تقرآ الجزء الأول دة مفتاح الألغاز الفصل دة ]
【【تانى روحية أم نوح ومرات سويلم أبو شمس وتبقا حمات شمس فى نفس الوقت
سويلم أبو شمس وحما نوح وجوز أمة محدش يتوة
سويلم وروحية أتجوزا قبل نوح ميتجوز شمس ودة مذكور بالتفصيل فى الجزء الأول تمام كدة 】】
_________
فى شقة منتصف
الأكل جميل تسلم إيدك
زينب بخجل/ تسلم وتعيش ويبارك فى عمرك ألف هنا
منتصف وهو بياكل بنهم شديد/ أي الروعة دى الكفتة أحلى من بتاعت الحاتى
زينب/ بلاش إحراج ،حاجة على قدى
منتصف/ بقيت ذى الفيل من طبيخك طلعتى ممتازة فى كل حاجة،،،، مالك زعلتى لية حاجة ضيقتك مش أقصد أنا ٠٠
زينب بأبتسامة حزن/ شكلى مش حلو ملامحى كبيرة
منتصف بأبتسامة صدق/ الجواز أقدام وأنتى قدم الخير قبل حتى مفكر أتجوزك مجرد أول يوم شوفتك وساعدتك أشتغلت فى مكنتش حتى أحلم أتدرب فيها وأنتى بدعاكى وهدوئك جميلة لو على الشكل فأنا مش ذى نوح واد مز فى نفسة لا أنا برضو أسمرانى وفيها عيوب كفاية لما أصحى من النوم بريحة بنفسى تقرف
زينب بتسرع/ السمار فى الرجالة الجمال كلة ،ريحة نفسك عمرى مأرف منها دى أدمانى لو أطول تكون عطرى المفضل أعملها وأنت صاحى من نومك أنت أميرى حد يقول لأمير فيك حاجة وحشة أنت كتير عليا يا دكتور والله كتير
منتصف لأول مرة تكون جريئة معاة كدة اعتدل فى جلستة وضمها لصدرة من صدق كلامها الذى يخرج من القلب وأخترق سهامة قلبة تنهد / أنتى إللى كتيرة عليا ربنا يحميكي ليا ويبعد عنا العين ،،أنتى إللى ملكة وملكة اليوم منتصف وطول اليوم فى النبطشيات ذى المراهق إللى متعلق ببنت صغيرة عايز أسمع صوتك لما بكلمك فى التليفون بحس ذى المخطوبين بخجلك وأدبك بتدينك،،علاقتنا مش أتنين متجوزين ياريت نفضل طول العمر كدة علاقة عشاق قبل زوجين
زينب/ كلامك يحسينى من عالم تانى مفيش راجل متجوز يقول لمراتة كدة
منتصف/ علشان مفيش واحد بيحب مراتة بجد لو عامل مراتة حتة منة يخاف عليها يقدر تعبها يحترم أى حاجة تعملها لية ،كل العلاقات أولها فرحة مزيفة نصفها مشو ة،،،،، أخرها ألم وفراق ونتجتها أطفال بلا مأوى وضياع
زينب/ مش فاهمة حاجة
منتصف/ هوووش مش مهم خليكى فى حضنى شوية قبل البنت متصحى من النوم
بقلم نجلاءفتحى عاشقةالكلمات
__________
أستيقظت الملكة كالعادة بحزن / وجدت الفطار جاهز على السفرة حتى وهما متخاصمين مجهز لها الطعام لم تأكل أرتدت ملابسها ونزلت للمحل تود تسمع صوتة أمامها والتجاهل بينهم كم هذا العقاب للعاشقين مؤلم للغاية ،،
جلست على كرسى مكتبها فى المحل وندهت على الصبى وقالت:- الأستاذ نوح فين
الفتى/ جالوا تليفون ومشى وقال مشوار ٤ ساعات وجاى
الملكة/ متعرفش راح فين
الفتى/ لا
الملكة/ غور من وشى ولا أقولك هات الأصتباحة
الصبى/ أنتى حامل
الملكة بغضب/ هتخاف على أبنى أحسن منى أجرى هات الشيشة وأياك تبلغ الأستاذ نوح
الصبى/ من يوم جوازكم بلغتة
الملكة/ متقدرش روحك فى إيدى وهات معاها كرسين معسل زيادة
الصبى/ عنيا للملكة ثم جرى للقهوة يجرى طلب الملكة
الملكة بحيرة/ راح فين دة وهنا دب الشك جواها أن زوجها على علاقة بأنثى غيرها لكنها أبعدت هذة الفكرة فنوح يخاف ربنا وأكبر دليل على ذلك ترك وتجهيز لها الطعام وقت الخلاف ،أخذت تفكر بكلام الصبى ،،وقالت :- يا ترى الورق إللى معاك بتاع أية ،،،،وبتروح فين بقالك يومين بدرى يا نوح ،، ثم أنتبهت على صوت أنثوى