رواية ليلة الفهد
الفصل الثاني 2
بقلم امال محمود
فى المساء في قصر فهد المنياوى
يدخل فهد يجد عمته وفاء جالسه يذهب لها
فهد :مساء الخير
وفاء:مساء النور ياحبيبي عامل ايه
فهد :الحمد لله تمام..منه عامله ايه
وفاء:تمام الحمد لله... لسه في السنتر
فهد :هبعت مالك (السواق) يجيبها
وفاء:ماتتعبش نفسك هى هتبات النهارده عند ليله
فهد وقد جذبه الاسم ولا يعرف لماذا :ليله مين؟!
وفاء:صاحبتها
فهد:اسمها ليله
وفاء:ماله الاسم
فهد :لا استغرت انه مش ليلى لا ليله.... بس بصراحه حلو
وفاء:امال لو شوفتها هتقول فتنه ماشيه على الارض وياما نصحتها انها تلبس نقاب بس دايما تاخدها بهزار وتقولى انى بس الى شايفاها كده عشان بحبها
فهد :مش للدرجادى يعني عادى بنت عاديه
وفاء:هههههههه معزور اصلك عمرك ماشوفتها ده غير طيبتها وبرائتها وروحها الحلوه البنت دى كفيله انها تطلعنى من اجمد مود اكتئاب
فهد وقد احس ان الحديث عن هذه الفتاه قد اخذ اكتر من الازم وهو الامر الغير معتاد عليه:تمام.
وفاء :اطلع ياحبيبي غير هدومك على مااقولهم يحضرو العشا
فهد:اوك
صعد فهد الى الجناح الخاص به فهو لا يسمح لاحد بدخوله حتى زوجته رانيا لها جناح خاص بها وقد حاولت كثيرا وباستماته ان تعيش معه فى نفس الجناح ولكنه دائما كان يقابلها بالصد والرفض. دخل الى حمامه واخد دوش سريع وارتدى بطال بيتى اسمر مع تى شيرت ابيض اظهر ضخامته وعضلات جسده. دقائق ودق الباب وكانت الخادمه تبلغه بأن العشاء جاهز وانصرفت من على الباب فى غير مسموح لها بالدخول..
نزل فهد الى حيث السفره الكبيره والتى توجد مقابل درج السلم وجلس على راس الطاوله وقد كانت عمته جالسه على جانبه وبجانبها كرسى منه الفارغ وبجانبها حسن شقيق فهد وعلى الجهه الآخرة توجد سهير ام رانيا دقائق ونزلت رانيا كانت ترتدى فستان قصير يكشف عن معظم صدرها وعارى الظهر وتضع مكياج صارخ وترتدى كعب عالى. فقد كانت وكأنها ذاهبه لحفل او عرس وليس لتناول العشاء ولكن لم يندهش اى منهم فهى دائما ترتدى هكذا
رانيا :مساء الخير ياحبيبي
فهد :مساء الخير يا رانيا
رانيا بعتاب:مش تقولى حمدالله على السلامه كل مره كده ارجع ماتبقاش موجود
فهد بلا مبالاه:انتى طيارتك كانت راجعه الفجر وقلت اكيد هتيجى تنامى على طول وعموما حمد الله على السلامه
حسن:هى منه فين. ابتسم فهد ورفع حاجبه بتسليه
وفاء:بايته عند ليله صاحبتها
حسن:اووووو الصاروخ الأرض جو دى
فهد وقد انتبه لكلام حسن لتانى مره يذكر اسمها امامه وفى نفس اليوم اسمها الذى له صدى غريب على أذنيه ولكن مهلا لما يتغزل الجميع في جمالها هكذا وليس اى شخص انه حسن الذى لا يعجبه العجب. خرج من افكاره على حديث عمته وفاء
وفاء:حسن لم نفسك انت عارف انا بحب البنت دى جداً دى بنت مؤدبه ومحترمه وبتحب منه جدا ومنه بتموت فيها
رانيا وقد غارت كثيرا من الحديث عن هذه الفتاة نعم فهى تعلم انها اخت زوجها المتوفى آدم
رانيا :على فكره يعني ياحسن عاديه جدا
حسن بنظرة استحقار لرانيا:لا طبعا مش عاديه ده يابخت امه الى هيتجوزها
وفاء:خلاص نجوزهالك
انتبه فهد لجملة عمته ونظر الى حسن الذى قال:يااااريت
وفاء:تمام...
حسن:لا الى فى القلب فى القلب وانتى ادتينى كلمه بعد فرح غاده هنتجوز هى صحيح هترجع امتى
فهد :خلاص كلها شهر وتناقش وترجع وهنعمل الفرح على طول خطيبها وأهله مستعجلين اوى وهى كمان طولت سنتين بتاخد الماستر
رانيا:مش عارفة ايه لازمته هى مصاريف وخلاص.. فهد وقد رماها بنظرات ناريه كافيه لقتلها
رانيا :اسفه... نظر لها الجميع شزرا تحت نظرات امها الغاضبه لتفوها بحماقات لن تغير شئ. واكمل الجميع طعامه في هدوء
*******في منزل ليله
كانت الفتيات قد انتهين من المذاكره
منه:اووووووه اخيرا بكره اجازه ومافيش مدرسه
ليله :من اسعد ايام حياتشى
لين :تعالو نعمل كيكه
ليله:اراك توزع من مال امك������
لين:خلاص بلاش كيكه... وقد التمعت عيناها نخليها مكرونه بشاميل
ليله بصدمة :دلوقتى
منه:اه يا سلام وانتى الى تعمليها كمان
لين:يلا ياليله بقا
ليله :انتو ليه محسسنى انه البيت بيتكو
لين ببجاحه هزت اكتفها بلا اكتراث:ماهو البيت بيتنا فعلا
منه بنفس البجاحه:يابنتى انا متربيه هنا
ليله:بس دى الساعه واحده بالليل
لين:ده انتى الى هتعمليها كمان
ليله :نعم
لين ومنه بصوت واحد :عايزن ليله عايزين ليله عايزين ليله
ليله :بس يامجانين بس هتصحوا الجيران
لين بهيام:هيييييييح �� ياريت يصحوا
منه وليله:هههههههههه
ليله:على فكره لازم تتقلى شويه
منه:اه صحيح ده انتى اول مابتشوفيه عنيكى بتطلع قلوب على طول
لين :اعمل ايه بمووت فيه... ثم هتفت فجاءه يلا المكرووووونه يا ليلتى
ليله وهى تذهب إلى المطبخ:امرى لله يلا ورايا نهد المطبخ... وذهب الثلاثة فتيات للمطبخ. منه وهى تقوم بتشغيل كاميرا الفيديو وتقوم بتسجيل فيديو لهذه اللحظات المرحه بينهم كما اعتادو دائما
منه :يلا يابنات هنسجل فيديو
لين:ايوه بقا ويالا
ليله وهى تتحدث للكاميرا :مش عايزاكو تيجو بيتى تانى
لين محدثه الكاميرا ايضا:والنهارده الشيف ليله البحراوى بنفسها هتعملنا مكرونه بشاميل وبانيه
منه:وكيك بالشكولااااا
ليله:عاااااااااااا ارحمنى يارب
منه:وهاخد منها لماما كمااااااان.. ثم قاموا جميعا ياللعب بالدقيق والبيض والعجين والشكولا السائحه وقد التقطوا صورا عديده لهم وهم بصنعون المكرونه واخرى كثيره وهم يقذفون بعض بالدقيق والعديد والعديد وهم ملطخون من سائل الشكولا على فمهم ووجههم واخرى لصور الطعام الشهى الذى صنعته ليله
منه:امممم واو ياليله انتى بجد لازم تروحى مسابقة الطبخ
لين:انا شبعت جدا بس مش قادره ابطل اكل
ليله:وجدعنه منى هعملكوا بكرا فوتوسيشن فرى بعد الفطار كمان
منه ولين فى صوت واحد:وااااااااو
ثم ذهبوا للنوم فى سباط عميق بعد هذا اليوم الشاق من المدرسه والدروس والمذاكره واخيرا وصلة المرح المتعبه هذه
********فى قصر فهد المنياوى داخل مكتبه كان فهد سارح فى حياته التى يعيشها ويتذكر كلام صديقه فجاءه دق الباب اذن للطارق بالدخول وكانت عمته وفاء
وفاء :لسه صاحى ياحبيبي ده الساعه بقت2
فهد:ماده العادى بتاعى يعنى انتى ايه اللي مسهرك
وفاء:كنت بكلم منه اطمن عليها
فهد باستغراب:ايه ده هى لسه صاحيه اصلا
وفاء :لسه صاحيه ده المجانين قاموا عملوا اكل دلوقتى ونازلين رقص وهيصه خالص
فهدوقد حاول الا يتحدث عن هذه الفتاة (ليله) مره اخرى:بس لازم تنام الوقت اتاخر
وفاء:لا ماهى نامت خلاص... هبعتلها مالك بكره يجيبها
فهد :هو عارف طريق بيت صاحبتها
وفاء :اه طبعا مش وصلها كتير هناك
فهد:تمام
وفاء وقد لاحظت لمحة الحزن في عينيه فقالت وبدون اى مقدمات:اتجوز تانى يافهد
فهد :اول مره تقوليها
وفاء:انت تعبت كتير فى حياتك لا عمرك فرحت ولا عيشت طفولتك ولا حتى شبابك.. رانيا بنت اخويا صحيح بس مش كويسه من جواها عايشه فى دور سيدة القصر والنوادى والجمعيات وسيدات المجتمع... انت محتاج تعيش محتاج واحدة تعيشك الحياه وتطلع فهد الى بجد مش فهد رجل الاعمال الملياردير الارستقراطى الى بيحافظ على الشكل الاجتماعي المنمق
فهد بتنهيده حاره:هو انتى وكمال متفقين عليا النهاردة ولا ايه
وفاء:عشان انا وهو اكتر اتنين عارفين انت تعبت اد ايه وجات عليك ايام صعبه ونفسك فى صدر حنين يضمك وواحده تاخدك وتطير بيك وتعودك عمرك الى راح منك في المناقصات والبورصه وتكبير شركاتك.. رانيا عايشه لنفسها وبس يا فهد
فهد بياس :انا خلاص اخدت على الحياه دى وشوفت ستات كتير وقليل مافيش واحده قدرت تدخل قلبى لحد مابقيت متأكد انها مش موجودة
وفاء:اسمها لسه ماقبلتهاش بس ما اكيد موجوده وحاسه انك هتقابلها قريب اووى
قهقه فهد عاليا :انتي ايه حكايه انتي وكمال لسه قايل نفس الكلمه وانا بقولك عمره ماهيحصل مافيش واحده تقدر تهز كيان فهد المنياوي وتدخل قلبه
وفاء:ربنا يعملك اللي في الخير يابني ...يلا اطلع نام
فهد:اوك
وفاء: تصبح على خير
فهد: وانتي من اهله
ذهبت وفاء للنوم وبعدها بدقائق كان فهد يصعد درجات السلم لذهاب لجناحه ولكن قابلته رانيا وهى تغادر غرفة والدتها : ايه هتنام
فهد: اه تصبحي علي خير
رانيا وهى تحاول اغراءه : طيب تعالى افرجك علي الحاجات اللي اشتريتها
فهد وقد فهمها: تمام بعد وقت كان فهد في فراش رانيا يقوم بالتقاط سيابه
رانيا: طب بات معايا ...رمها فهد بنظرات كافيه لاسكاتها
فهد: وانا امتى عملتها انتي عارفه اني عمري ماهعملها ..ثواني وكان يغادر جناحها ودخل الي جناحه اخذ دش سريع واستلقي علي الفراش يحاول النوم ولكن جاء حديث عمته وصديقه كمال في اذنيه مره اخرى لكن نفض كل هذه الأفكار من رائسه واستسلم للنوم
*******
كانت منه تدخل لحديقه القصر حيث تجلس عائلتها وتجري وتقفز بمرح
منه:صباح الحلويات الشرقيه علي عائلتي الكريمه
فهد : امممممم شكلك جايه مبسوطه منه وهى تقفز من السعادة جدا ياعمو
ابتسم فهد: وياترى ايه سبب السعادة معقول كل ده عشان كنتي بايته عند صاحبتك
منه: امممممم اكتر
وفاء::هى عامله ايه
منه بضحك : طلعنا عنيها... هههههههههه قالتلنا هعملكوا فوتوسشين فرى هريناها تصوير ده انا اتصورت صور لسنتين قدام
وفاء: طب ليه كدا تتعبيها
منه: بصراحه لاقيتها فرصه فقولت اغتنمها
فهد: وليه كده ماانا اجيبلك احسن فوتوغرافر في مصر كلها
منه: لأ طبعا عمره ماهيكون زي ليله
رانيا: بغيظ لأ شغلها عادي خالص
وفاء: لأ خالص البنت فعلاً موهوبه
حسن: فعلا
وفاء: مع انها بنتي بس كل مره بتصورها ليله بتخليني اشوفها بعين تانيه حاجات كتير مستخبيه هى بس اللي بتقدر تطلعها
فهد: معقول
منه: باندفاع وحماس طبعا لازم تشوف وقامت منه بعرض الصور الخاصه بها هى ولين والتى قامت ليله بالتقاطها ..وقد لفتت حقا اعجاب فهد بجدارة
فهد: معقول دي مصوره مبتدءه لأ فعلاً برافو
حسن: ماتخليها تعملي فوتوسيشن يا منه منه وقد ارادت الا ترد اول طلب لمعشوقها نعم فهي تعشقه من صغرها : طب ثواني هكلمها...التقطت منه الهاتف وقامت بمحادثه ليله
منه: صباح الخير
ليله: صباح الزفت علي دماغك ..عايزه ايه تاني منه بضحكه عاليه جذبت الجميع حتى فهد الذي كان يجاهد نفسه حتى لا يتابع اى حديث يخص هذه الليله ولكنه لم يستطيع
منه: اكيد وحشتك
ليله: لأ وبصي مش عايزه اشوفك انتي والحيوانه التانيه لمدة شهر عااااااااا
منه: هههههههههه ربنا يخلينا ليكي ونطلع عينك
ليله: حرام عليكوا مكرونه وبانيه وكمان كيك شكولا وانتي يا مفتريه تتصوري 340صوره
منه: شكلك كان يموت من الضحك وانتي بتتسحبي تجيبي الكاميرا
ليله: بضحكه اه شوفتيني وانا بطفش القفل
منه: بضحكه عاليا لأ وانتي سيبانا نراقبلك الجو طب وادينا اتقفشنا وتعالت ضحكات منه وسط اندهاش فهد ومحاوله كبت ضحكاته علي ماحدث ولكن ظهرت ابتسامته وسط ضحكات وفاء وحسن وحنق رانيا ووالدتها
منه: المهم ياليلتي
ليله: اطلبي انا برضو قولت الاتصال دا مش لوجه الله
منه: بصراحه اه ..حسن ابن عمي عايزك تعمليلو فوتوسيشن
ليله: اعاااااااا حرام عليكوا هتموتني ناقصه عمر وبعدين دا مش اخو فهد باشا جوز الهانم لأ والف لا
منه بصوت خافت:ليله ده حسن هاا
ليله وقد فهمت فهى تعرف بحب منه لحسن عشان خاطرك انتي بس
منه: حبيبي ياصغنن
ليله: هههههههههه انتي كمان
منه: ماهى تيتا فايزه هى السبب..المهم ميعادنا بكره تمام
ليله: تمام سلام بقا ماما بتنده هروح أنصف المطبخ من الجريمه اللي عملناها حسبي الله ونعمه الوكيل فيكوا
منه: هههههههههه سلام ياصغنن
فهد: ايه صغنن دي
منه : جدتها ومامتها بيدلعوها بيه
حسن: ها اتفقتوا
منه: تمام بكره بعد المدرسة
وفاء: يلا افطري ياحبيبتي
منه: لأ ليله عملتلنا كيك تحفه اكلناها انا ولين كلها عشان مانسيبلهاش خالص كان شكلنا يموت من الضحك ضحك الجميع حتى فهد الذى حاول كبت ضحكاته ولكنه فشل
********عند ليله
كانت ليله ولين جالسون يتحدثون
ليله: هنعمل ايه يالين مافيش حل تاني غير الجواز
لين: عندك حق اوعي تعملي كده ده جواز مش هزار
ليله :طب وايه البديل الجواز هو الحاجه الوحيده اللي هتخليني اقدر ادخل بيتها واعرف عنها بلاويها وساعتها هلاقي الف دليل ودليل انها هي قتلت اخويا أن شاء الله حتى اسجلها
لين: طب وجوزها ده هتعملي فيه ايه
ليله بتهكم فهد الاقتصاد هل الدنجوان هههههه ماتخافيش مش هياخد باله من وجودي اصلا انا بالنسباله ضيفه وهو سيبه غرقان مع الستات اللي حواليه
اااااه الله يرحمه ابيه ادم كان بيحبها ومش شايف غيرها عمره ماقدر يشوف اى واحده غيرها بس هى قتلته عشان تروح تتجوز واحد بيخونها مع ستات الدنيا كلها وهى عارفه وعادي عشان الفلوس قوليلي ايه لازمه الفلوس بقا بس اقولك هما الاتنين يستاهلوا بعض اكيد هوا انسانه زباله زيها
لين: اهدي يا ليله وحاولي تنسى
ليله: هنسى بس بعد ما انتقم وارتاح ولحد ماعمل كده هفضل في نفس التعب والوجع كل يوم عشان كده لازم ننفذ بسرعه .سكتت ليله فجاءه
لين: ايه سكتي فجاءه ليه
ليله: هنعمل ايه في ماما وتيتا دول مايعرفوش حاجه وفاكرين ابيه ادم مات بازمه قلبيه والاهم من كده شادي هو الي عارف كل حاجه ورافض فكره اني انتقم اعمل ايه
لين: شادي مقدور عليه وهلاقي حل اما مامتك وجدتك هما دول المشكله الكبيره
ليله: تيتا المفروض انها تسافر تعمل عمليه قلب مفتوح بس مانا اجلتها عشان امتحاناتي فاضل عليها شهر والعمليه هتاخد وقت طويل ممكن يكون شهور وماما مستنيه اخلص امتحانات الثانويه العامه الأول
لين: خلاص يبقي هوا دا معادنا بس انا خايفه لاتكون مامتك ناويه تاخدك معاهم
ليله: يانهار ابيض دي تبقى قفلت من كل ناحيه...قطع حديثهم صوت طرقات علي الباب فذهبت لين وفتحت وجدت شادي يقف امامها
شادي: بابتسامة جذابه : صباح الخير يا ليو
لين: بخجل صباح الخير يا شادي اتفضل
ليله: من ورائهم شيفاكي بتقولي اتفضل وكده والعشم وخدك اووي هو أنتي ليه محسساني انه بيتكو..ضحك لين وشادي على حديثها ودخل شادي واغلق الباب خلفه وقام بأحتضان ليله وهى أيضا قامت باحتضانه
شادي:كده طول اليوم امبارح ماشوفتكيش
ليله: غصب عني والله انت أصلا وحشتني جدا وكنت هطلعلك النهارده
شادي:انا طول الليل سامع عندكو تخبيط واصوات عاليه كنتو بتعملوا ايه يا مجنونه انتي وهى
لين بحماس وضحك هههههههههه عملنا مكرونه بالبشاميل وبانيه وكمان كيك بالشكولا الساعه واحده الفجر
شادي: اه يامجانين قال هذا وهو يمسك بوجنتي ليله بيديه فقالت ليله سيب خدوودي مش هتبطل الحركه دي عقدتني
شادي: ماهما الي مقلبظين ومدورين يا صغنن .. تعالوا يلا اشرحلكو الي عايزين تفهموا وانتي ياست لين هاتي دروس الفيزياء اللي مغلباكه
جرت لين وليله بحماس وذهبوا لجلب الكتب الخاصه بهم
******بعد مرور شهر كانت ليله ولين يستعدون لامتحانات نهايه العام وفهد منشغل بإدارة شركاته ويعاونه صديقه كمال اما رانيا ووالدتها فكانوا منشغلين بالسهرات والحفلات وسط طبقات المجتمع الراقي
*******في مكان آخر وهو قصر ضخم لعائله البحراوي يجلس الجد في حديقة المنزل ويدخل اليه شاب في الثلاثين من عمره انه مروان البحراوي مدير شركات البحراوي جروب
مروان: صباح الخير يا جدو
الجد: بحزن صباح الخير
مروان:والله ياجدو ما ساكت انا عرفت انها موجوده وماماتتش زي ما امها قالت
الجد: طب عايشين فين .. اكيد مش في القاهره عشان مانقدرش نوصلها
مروان: انا فكرت في كده برضو وناشر رجلتي في محافظات مصر كلها المشكلة أن مش عارفين شكلها ايه ولا معانا حتى صوره ليها وهى صغيرة
الجد: لاقيتها يا مروان بأى طريقه وباى طمن
مروان: حاضر ياجدي
الجد: اخبار الشغل والمجموعه ايه
مروان: تمام وداخلين شغل جديد مجموعة المنياوي
الجد: مش دي اللي صاحبها فهد المنياوي مسمينه فهد الاقتصاد ده انا اسمع انه راجل صعب اووي
مروان: جدا مابيهزرش ومافيش اي حاجه تهزه وماعندوش عزيز ولا غالي بس بصراحه الشغل معاه هيفدنا كتير الشهر الجاي هنسافر الجونه عشان القريه اللي بتتبني هناك وهوا هيكون موجود عشان الخبراء الالمان جايين
الجد: علي خيرة الله بس حرس منه يابني
مروان: ماتخافش ياجدي العقد اللي بينا فيه ضمانات كتير اووي
الجد: تمام
******
في المدرسه عند ليله بعد انتهاء الاختبار
ليله: ها عملته ايه يا بنات
لين: تمام ممكن اوقع درجه او درجتين
منه: وانا كمان انشاء الله درجه كده ..عملتي ايه
ليله : انا احتمال كبير اقفل
منه ولين: طول عمرك دحيحه
ليله: الله أكبر الله أكبر خمسه عليا خمسة ضحكوا جميعاً علي هزار صديقتهم المشاكسه
ليله:مابقاش في وقت ولازم نبدأ نحط الخطه الامتحانات قربت تخلص
لين: طب تعالوا نقعد هنا ونتكلم وبالفعل جلست الفتيات وكل واحده منهم بفكره حتى توصلوا إلى وضع الخطه النهائية بعد وقت طويل
منه: كده تمام وانا اول ما اروح هنفذ علي طول
لين: تمام اووي انتي مامتك هتسافر امتى ياليله
ليله: بعد اخر امتحان ليا يعني الاسبوع الجاي هى خلاص جهزت الورق وكل حاجه وكمان شادي طالع رحله اسبوعين مع صحابه يعني دا انسب وقت عشان نحطه قدام الأمر الواقع
لين: الخوف أن مامتك تكون هتاخدك معاها
ليله: لأ طبعا خايفه تخرج بيا من المطار لانها عارفه نفوذ جدو واصل لحد فين وكدا هيقدرو يوصلولي وانا قولتلها اني هقعد طول اليوم معاكي انتي وطنط وكمان شادي هياخد باله مني
منه: تمام يبقي نبدا التنفيذ بس انتي وعدتيني ياليله عمو فهد مش هيتاذي
ليله: والله ياستي ماهيتاذي ارتاحي بقا
منه: بتنهيده ارتياح تمام يلا بينا
في شركه فريد النجار المنافس الاول لفهد المنياوي
فريد لاحد رجاله:اخد الصفقه برضو ماشي يا ابن المنياوي انا هوريك
المساعد:يافريد باشا ده فهد الاقتصاد ماحدش يقدر يقف قدامه
فريد بغضب: انا هوريه اتفضل انت من قدامي خرج مساعده وجلس فريد علي مكتبه
وقال: هنشوف انا ولا انت ياابن المنياوي
******في المساء في قصر فهد المنياوي دخل فهد وجد وفاء جالسه والقلق باين علي وجهها فذهب اليها وقال مساء الخير وفاء مساء النور ..كويس انك جيت
منه: عندها مشكله كبيره اوووي بتقول هتواديها في داهيه ومستنياك وبتقول انك الوحيد اللي تقدر تساعدها ورافضه تحكي اي حاجه لاي حد
فهد: خلاص خليها تجيلي علي المكتب
وفاء: حاضر وذهبت مسرعه لمنه التى نزلت مدعيه الحزن الشديد طرقت علي غرفة المكتب فاجأها صوت فهد الرجولي الجذاب ادخل ...دخلت منه تتخبط من الارتباك وقد وجدت والدتها جالسه مع فهد ولكنها استجمعت شجاعتها امامهم
فهد: ايه اللي حصل يا منه
منه: انا عملت مصيبه يا عمو والي هيتاذي في اعز صحباتي..عقد فهد حاجبيه بعدم فهم فاستطردت منه تحكي ماحدث
منه: انت انت عارف ياعمو اننا بعرف في شغل الهكر وساعات بأخذها كترفيه يعني بس من يومين قبل الامتحان اتراهنت انا وزميلتي في المدرسه اننا ندخل موقع المدرسه ونعرف نجيب الامتحان .. اتسعت عين فهد ووفاء من الصدمه فابتلعت منه ريقها واردفت بتوتر وهى تفرك يدها بس انا والله ماغشيت أنا بعد ماجبت الامتحان لاقيت مبعوتلي رساله علي موبيلي من رقم غريب ففتحتها ولاقيتها من سبايدر ..عقد فهد حاجبيهه باستغراب
وقال..مين سبايدر دا
منه: دا واحد محترف هاكر وماحدش يعرف اسمه الحقيقي ولا عمره ولا حتى منين كل اللي معروف عنه أنه اسمه سبايدر
فهد: وهو عايز مني ايه
منه: ببكاء مصطنع كان مراقب الجهاز الي انا داخله من عليه وعملي فيديوهات وانا بخترق جهاز المدرسة ودلوقتي بيهددني انه هيقدم الفيديوهات دي للمدرسه ويرفدوني او ياخد مليون جنيه
وفاء بنحيب: ينهار اسود يانهار اسود مستقبلك هيضيع يانهار اسود
فهد: بغضب طب خليه يقدمها كده وشوفي انا هعمل في ايه .
منه: مش هتعرف توصلوا ياعمو فهد مصر كلها بتدور عليه ومطلوب من المافيا الروسية كل دول مش قادرين عليه
فهد: خلاص ياخد المليون جنيه ويحل عننا انت هديهمله مالكيش دعوه
منه:ماهو خلاص مابقاش عايز مليون جنيه وكمان وعدني يسلمني اصل الفيديوهات
فهد: ودا مقابل ايه
منه: يتجوز ليله... شهقت وفاء
وقال فهد هيستغني عن مليون جنيه عشان يتجوز واحده
وفاء ماعذور مانت ماشفتش ليله بس ياحبه عيني هى ذنبها ايه تضحي بنفسها عمرها ماهتوافق
منه: بعياط : وافقت وافقت ياماما هتضحي بنفسها عشان مستقبلي بس انا اتصرفت
فهد: ازاي
منه: قولتله انها متجوزه
فهد:وسكت بالسهولة دي
منه: سكت وخاف لما عرف هى متجوزه مين
فهد: مين
منه: احم قولتله متجوزه رجل الأعمال فهد المنياوي ...شهقت وفاء وانتفض فهد بغضب انتي بتقولي ايه انتي ازاي تعملي كده
منه: مش دي المشكله ياعمو المشكلة ياعمو انه اخترق موقع الوزارة وعرف أن مافيش اي قسيمه جواز باسمها رجع كلمني في نفس اليوم وجدد تهديده تاني بس انا قولتله أن حصلت ظروف وانكو هتوسقوا العقد كمان يومين انتي اتجننتي يامنه هتجوز عيله
منه: انت اضمن منو ياعمو ده واحد مانعرفش عنه حاجه انا كل اللي اعرفه انه دايما بيسافر وهما تلات شهور بس الي قاعدهم في مصر وبعد كده تطلقها لكن هوا لو اتجوزها كده تبقى ليله ضاعت
فهد: واهلها هنعمل فيهم ايه وهتقنعهم ازاي
منه: مامتها وجدتها مسافرين بكره عشان جدتها هتعمل عمليه قلب مفتوح وهيقعدوا هناك كذا شهر علي مايرجعوا هيكون هوا سافر وتطلقوا والحكايه تخلص
وفاء: وافق يافهد انت راجل مش خسران حاجه ذنبها ايه ليله تشيل غلط بنتي بس هى عشان صاحبه جدعه ضحت بنفسها يكون جزاتها كدا
فهد: بعد الضغط عليه خلاص الي تشفوه
********خلص البارت وياترى ايه اللي هيحصل وفهد هيتعامل مع ليله ازاي ؟
ليله هتعيش ازاي في قصر المنياوي ؟
وياترى رانيا هتسيبها في حالها ؟