رواية غصون
الفصل الثاني والعشرون 22
بقلم يارا عبدالعزيز
قام وقف بمجرد ما سمع صوتها و هي بتعيط
قلبه انقبض بقوه لما سمعها و هي بتقول ان يوسف انخطف... و في ثانيه كان جري بسرعه و خرج من الشقه
كان واخد السلم كله جري اتكلم و هو بيركب العربيه و أنفاسه كانت مسموعه لغصون
= انتي فين
منى خديت منها الفون لان غصون مكنتش قادره تتكلم و بدأت تقوله العنوان
طلع يونس على المكان و هو سايق بسرعه جنونيه لحد اما وصل في رقم قياسي
لاقى غصون قااعده على الارض و بتعيط في حضن. منى و منى بتحاول تهديها بس مش عارفه
نزل لمستواها و خدها من حضن... منى و ضمها لصدره لاقها بتتنفض بخوف و مش مبطله عياط
اتكلم بهدوء منافي تماما للخوف الشديد اللي جواه و يمكن اكبر منها
= اشششش اهدي هجيبه و الله حتى لو فين اهدي عشانه عشان نعرف نتكلم
مسكت فيه بقوه و اتكلمت بانهيار
= انا عايزه ابنيي هاتولي يوسف
كملت و هي بتبصله و بتتكلم بلهفه خوف و بكاء
= هيعملوا فيه ايه!!!!
هيموتوه... ابني عايزه ابني انا عايزاااه هاتولي يوسف ابني هاتلي ابني يا يونس
اتنفس بخوف و اتكلم بنبره صوت مليانه بالخوف اللي مقدرش يسيطر عليه
= متخافيش مش هيعملوا فيه حاجه لو كانوا عايزين يأذوه... مكنوش خدوه معاهم كانوا عملوا فيه اي حاجه قدامك هجيبه و الله بس انتي حاولي تهدي اهدي ماااشي
كان لسه هيكمل كلامه بس قاطعه رساله جيت لفونه من المحامي بتااعه
= ايوا يباشا حضرتك مطلوب في النيابه
يونس باستغراب
= نيابه ليه!!!!
بقلمي يارا عبدالعزيز
بدأ المحامي يحكيله موضوع مي و يونس مكنش مهتم لاي حاجه مكنش فيه في دمااغه غير ابنه
اتكلم يونس بحده
= انا مش فاضي لنيابه دلوقتي اعمل اي حاجه مش هروح في حته
المحامي بخوف
= للاسف يباشا لازم تروح و مفيش اي مخرج هم شويه اسئله مش هتكمل نص ساعه و تيجي على طول
قفل يونس المكالمه و بص لغصون اللي مبطلتش عياط
وقفها و هو لسه واخدها في حضنه...
و اتكلم بحنان و هو بيمسك ايديها
= هوصلكوا القصر و هروح مشوار و هاجي متخافيش و الله هرجعه لحضنك تاني
بصتله بحده من فكره انه هيسيبها في وقت زييي دا و هي في اشد الحاجه ليه و بعدت عنه و هي بتهز راسها بسخريه
اتنهد بحزن و هو حاسس بالضياع
وصلهم القصر و طلع على النيابه
بعد ما خلص التحقيق معاه مي طلبت تشوفه و موفقش الا لما بلغوه ان الموضوع مهم جدا
كان قاعد هو و مي في غرفه وكيل النيابه لوحدهم
اتكلم يونس بصوت عالي خلاها تتنفض
= اخلصي و قولي اللي انتي عايزاه انا مش فاضيلك
فركت ايديها بخوف و اتكلمت بدموع
= انا عارفه اني عملت كتير اوي و اني غلطانه بس و الله العظيم ندمانه
ندمانه من وقت ما بعدت عنك عرفت قيمتك و عرفت اني كنت معاك ملكه بس خلاص مش هيفيد بحاجه الكلام دلوقتي يونس انا حامل من جاسر و انا اكيد هينحكم عليااا بالاعدام... ابني امانه في رقبتك متسلمهوش لبابا انا مش عايزاه يطلع زييي ربيه انت و غصون
كان قاعد بيبصلها بانتباه اتكلم بحده
= انتي كنتي حامل بي ابني
مي بدموع
= اااه و الله كنت حامل بس جاسر غصب عليااا انزله... جاسر هو اللي موته.. و انا موته... عشان كان عايز يموت... اللي في بطني و عشان انتقم.. لابننا
كور ايديه بغضب و قام وقف جانبها و مسك شعرها بقوه
= اااه يا بنت الـ******
هو خلاص مات... و انتي انا اللي هوصلك لحبل المشنقه..
ابنيييي ذنبه.. ايه
ذنبه ايهههههه!!!!!!!!!!
اتكلمت ببكاء
= و الله غصبن عني انا مستحيل اموت... ابني غصبن عني و الله ارجوك سامحني انا كمان خلاص انكتب علياا الموت...
انا جبتك هنااا عشان اقولك الكلمتين دول و عشان اعرفك حاجه مهمه انت لازم تبقى واخد بالك منها
ساب شعرها و بصلها بانتباه
كملت مي بخوف و دموع
= انا عارفه انك دلوقتي مُدمن..!!!!
انا اللي كنت بحطلك حبوب المخدرات.. في العصير
بصلها بكره... و غضب مفرط و وقع... التربيزه بغضب
كان لسه هيقرب... منها بس اتكلمت بصوت مرتعش...
= بس هي اللي قالتلي هي اللي جبرتني... اعمل كدا معاك و انا مكنتش عايزه انا بحبك و عمري ما فكرت آذيك
يونس بصلها بانتباه و اتكلم بحده
= هي مين!!!!!
بلعت لُعابها بخوف و اتكلمت بتوتر
= عمتك نبيله!!!!
هي اللي طلبت مني اعمل كدا و احطلك حبوب المخدر... في العصير مقابل انها متعرفكش اني رميت.. الزيت على غصون
كملت و هي بتبص لملامح وشه اللي كانت مليانه بالصدمه
= انا عارفه انك ممكن تكون مش مصدقاني بس دي الحقيقه و انا معايا الدليل معايا تسجيل لاتفاقها معايا
طلعت التسجيل و بدأت تسمعه ليونس اللي كان بيسمعه بصدمه كبيره
خد منها التسجيل و كان لسه هيخرج من الاوضه بس وقفته و هي بتتكلم ببكاء
= ابنييي يا يونس ابنييي امانه في رقبتك ارجوك خد بالك منه
كان بيبصلها بملامح مش مفهومه بالنسبالها خرج من الاوضه و هي بصيت لطيفه و بدأت تنهار...
ركب عربيته و فضل يفكر
طلع فونه و رن على واحد من رجالته و اتكلم بحده
= نبيله البسيوني و حامد جوزها تراقبهم و تعرفني كل مكان بيروحوه اول باول انت فاهم
قال كلامه و قفل المكالمه
كان لسه هيدخل القصر بس جاتله مكالمه من الرجال بتااعه رد بسرعه عليه
= ايوا يباشا حامد دخل مخزن تبع مصنع احنا عرفنا انه بتااعه و هو حاليا هناك
يونس بلهفه
= ميغيبش عن عينيك لحظه انا جااي حالا
قال كلامه و طلع بسرعه على العنوان اللي اتبعتله
وصل قدام المصنع و دخل لوحده و هو بيتسحب
بص من الشباك و هو متابع حامد اللي كان شايل في ايديه يوسف و بيدي رجالته التعليمات
يونس بصله بفرحه و دموع
مسك فونه و رن على الشرطه اللي جيت في اقصى سرعه و دخلوا المخزن و قبضوا على حامد
حامد كان بيبص ليونس بخوف شديد و صدمه
خد يونس منه يوسف و ضمه لصدره بقوه كبيره
اتكلم الظابط بهدوء
= حتى لو حامد اعترف على عمتك هي ممكن تنكر بكل سهوله احنا محتاجين دليل أو اعتراف منها هي عن كل اللي عاملته
بقلمي يارا عبدالعزيز
هز يونس راسه بغضب و اتكلم بحده
= تمام انا هجبلك كل اعترافتها و هقولك نعمل ايه
وصل يونس القصر و معاه يوسف
بص على فونه لاقى مكالمات كتير من جده
دخل القصر و بمجرد ما دخل بصتله غصون بدموع الفرحه و جريت عليه و خديت منه يوسف و ضمته لحضنها بقوه و قبلت... كل انش في وجهه بلهفه كبيره و فرحه
يونس كان بيبصلها و بيبستم قاطعه نبيله اللي اتكلمت بخوف شديد و حده
= ازايي!!!!!
يونس بصلها بسخرية و راح عندها و اتكلم بهدوء ما قبل العاصفه
= تعرفي لاقيت مين هناك يعمتي
حامد جوزك!!!
و تعرفي عمل ايه اعترف عليكي انك انتي العقل المدبر اعترف على كل بلاويكي و طلع كل الادله اللي معاه ضدك و شويه و الشرطه هتيجي تاخدك
بصتله نبيله بصدمه كبيره و بلعت لُعابها بخوف شديد
اتكلم يونس بغضب
= ليييييييه!!!
ليييه يعمتي ليه دا حفيدك و ان و غصون ولاد اخوكي
ازاييي تطلعي كدا ازاييي
نبيله بصتله بكره.. و اتكلمت بغضب مفرط
= انا مش وحشه انتوا اللي وحشين ابوك و ابوها و ابويا هم اللي وحشين هم اللي خدوا بنتي مني و هي لسه مولوده و قتلوها.... و هي ملهاش اي ذنب... كل ذنبها.. ان ابوها ضحك عليااا موتوها... و جوزني لحامد الغفير دمروني...
ايوا يا يونس حامد كلامه صح انا اللي خطفت... ابنك و كنت هموته.. و انا اللي دبرت اللي حصل مع غصون عشان انت تموتها... و اخلص.. منكم انتوا الاتنين و احرق.. قلب جدك و ابوك زي ما حرقوا.. قلبي على بنتي و انا اللي حرضت.. مي تحطلك مخدرات... في العصير لحد اما بقيت مُدمن.. و انا برضوا اللي جبت نورا تضحك عليك و تفهمك انك غلطت.. معاها و صورتكم مع بعض بس في الحقيقة انت معملتش اي حاجه و لا قربت منها مكنتش شايف وقتها غير غصون و بس و رفضت تقرب منها بس وجعت قلوبكم صح و دا المهم و دا كان هدفي
الكل كان بيبصلها بصدمه و غصون بصيت ليونس بدموع
كامل راح عندها و ضربها... الم... قوي على وشها
نبيله بصتله بكره و اتكلمت بغضب مفرط
= بتضربني... ما انت السبب انت السبب الاساسي في كل اللي حصل و كل اللي انا عاملته لما موتت... بنتي
كامل بغضب مفرط
= انا مموتش... بنتك اللي فهمك كدا ضحك عليكي و انا عارف هو مين جمال الجابري صح
جمال الجابري اكبر عدو ليااا في البلد روحتي صدقتيه اد ايه طلعتي هبله دمرتي.. ولاد اخوكي عشان شويه كلام غلط
هاتيه هنا يوجهني بالكلام دا و يثبت اللي بيقوله بنتك ماتت.. قضاء و قدر لا انا و لا اخواتك عاملنا فيها اي حاجه
معقول انا هموت... حفيدتي!!!!!
نبيله بصدمه و دموع
= بس هو جاب الدكتور اللي ولدني و قالي ان كلامه صح و انك فعلا موتت... بنتي
رأفت بغضب
= كداب... اكيد هو اللي متفق معاه احنا معملناش كدا مستحيل نعمل حاجه زي كدا
نبيله بصتله بصدمه و عدم استيعاب
حسيت هي اد ايه مُغفله!!!!!
دخلت قوات الشرطه اللي سجلوا كل اعترافتها وقتها و قبضوا عليها
و هي كانت لسه في صدمتها و مش عارفه تصدق مين!!!!
كامل قعد على الكنبه و مسك قلبه بتعب شديد و كلهم جريوا عليه
اتكلم يونس بخوف
= جدي انت كويس
كامل بحزن و دموع
= انت بتتعاطى!!!!
اتنهد يونس بعمق و اتكلم بهدوء
= متخافش هتعلاج
يمكن في الاول مكنش عندي سبب اتعالج عشانه
كمل و هو بيبص لغصون و يوسف اللي على ايديها
= بس دلوقتي هتعالج عشانكم
غصون بصتله و ابتسمت بدموع
كانت لسه هتروح عنده بس قاطعتها هنا اللي وقفت جانبها و حطيت ايديها على كتفها
= انا اسفه انا طلعت بحبك اوي لما انتي اختفيتي انا كنت خايفه عليكي و الله بس كنت بمثل انك مش فارقلي عمتي هي اللي كانت بتحرضني... عليكي كانت بتقولي ان ماما بتحبك اكتر مني بس انا دلوقتي عرفت هي بتعمل كدا ليه انا اسفه يا غصون متزعليش مني ارجوكي سامحيني
بقلمي يارا عبدالعزيز
غصون بصتلها بدموع و اتكلمت بحنان
= انتي اختي الصغيره و مفيش اخوات بيزعلوا من بعض متحطيش في دمااغك المهم انك دلوقتي تعرفي ان ماما بتحبنا احنا الاتنين زي بعض و مش بتفرق ما بينا و الله
منى كانت بتبصلهم بدموع الفرحه
هنا راحت عندها و حضنتها و اتكلمت ببكاء
= انا اسفه يا ماما
ضمتها منى بقوه و اتكلمت بحنان
= اهدي يحبيبتى خلاص انا اسعد واحده في العالم و انا بشوف حبك لاختك لاول مره
بعد مرور ست شهور
غصون كانت واقفه في البلكونه و بتبص للسما بشرود جيه يونس و حضنها من ضهرها و اتكلم بهمس
= بتفكري في ايه!
التفتت ليه و مسكت ايديه و اتكلمت بحب
= مبسوطه اوي عشان انت بقيت كويس و اتعالجت و مبسوطة و انا شايفه يوسف بيكبر قدام عيني و حياتنا خلاص بقيت مُستقره
مالك باين عليك مضايق
اتنهد بعمق
= مي انتحرت...!!!!
بصتله بصدمه و اتكلمت بحزن
= ايه!!!
يونس بحزن
= من بعد ما ابنها نزل... و هي دخلت في حاله انهيار و ودوها المستشفى و انهاردة لاقوها انتحرت...
غصون بحزن
= ربنا يرحمها و يسامحها
حقيقي صعبانه علياا برغم كل اللي عاملته
همس بحنان
= تعرفي ان قلبك طلع ابيض و طيب اوي
ابتسمت بعشق و اتكلمت بحنان و هي بتحضن.. خده بكف ايديها
= تعرفي اني بحبك
ضمها لصدره بحنان و اتكلم بعشق
= و انا بعشقك
#تمت
خلصت روايه غصون اتمنى تكون عاجبتكم اتمنى انكم تقولوا رأيكم فيها بكل صراحه و تدعولي دعوه حلوه من قلوبكم و شكرا لدعمكم 🥰🩷🩷🩷🩷🩷🩷
تمت بحمد الله
لقراءه جميع فصول الرواية من هنا