الفصل الثاني عشر 12 الجزء الثاني
بقلم يارا عبدالعزيز
زين بغضب
= ابوكي عايز ياخد ابني مني!
يعني دا جازتي اني مش عايز اسافر بيه برا لاهلي عشان ميبعدش عنكوا
يقوم هو عايز يبعده عني!
انا مش هسحمله مش هسمح تاخدوا مني الحاجة الوحيده اللي فاضللي
و انتي جايه ليه بقى!
عشان تطمنيهم ان كل حاجه تمام و ان المُحضر جيه و ان القضيه اترفعت
حور بدموع و عدم استيعاب
= و الله أنا ما اعرف اي حاجه عن الموضوع دا و مش عارفه ليه بابا يعمل كدا الاحسن تروح و تتكلم معاه يمكن حاجه حصلت
اتنهد و هو بيمسح على وشه بغضب و بيمدلها ايديه
= هاتيه هاتي ابني
حور ادتهوله بخوف من انه ياخده و يمشي
اتكلمت بتلعثم
= زين انا عايزه ياسين
و الله ما اقدر اعيش من غيره
زين بحده
= انا مش زيكوا يا حور يلا هنروح عندكوا و اشوف حل للمصيبه اللي ابوكي حاطني فيها
صحيت من النوم و هي بتحرك ايديها على السرير جانبها
لتتفاجئ لما ملاقتش فيه حاجه جانبها
فتحت عينيها باستغراب و اتكلمت بصوت عالي نسبيا
= تميم
سمعت صوت رنين هاتفها
رديت و اتكلمت بهدوء
= الو
بقلمي يارا عبدالعزيز
عاصم بسخريه= لسه فاكرني يا رحيل!
اوعي تكوني نسيتي صوتي!
همست بخوف شديد
= عمي!
عاصم بغضب
= كويس انك عارفه ان ليكي عم يبنت اخويا بس حلوه الڤيلا اللي انتوا فيها هاديه و صغيره على ادكوا بيعرف يختار ابن النصراوي
الا هو فين صحيح يعني ينفع يقف كدا في البلكونه من غيرك
اممممم بس شكله حلو و هو واقف مالي مركزه
بس تصدقي صعبان عليا من اللي هيحصل فيه المره اللي فاتت خدها في كتفه المره دي اديهله فين قولي انتي كدا باخد رأيك
رحيل بخوف شديد و دموع
= لا يعمي ابو.س ايديك هو ملوش اي ذنب انا اللي روحتله ارجوك متعملوش حاجه
ضحك بسخريه و اتكلم بفحيح
= هفكر و اشوف
بقلمي يارا عبدالعزيز
قال كلامه و قفل المكالمه
قامت بسرعه و لبست قميصه على عَجل و طلعت تجري من الاوضه و نزلت تحت لاقته واقف في البلكونه الرئيسية للڤيلا
جريت عليه بسرعه و اتكلمت بلهفه و هي بتقف قدامه
= تميم تعال نمشي من هنا تعال نرجع القصر احسن
رفع حاجبه بأستغراب و اتكلم بمرح
= انتي زهقتي مني بسرعه اوي كدا
اتكلمت بدموع و خوف شديد
= تميم انا مش بهزر احنا لازم نمشي من هنا و دلوقتي يلا انا هطلع اغير و انت كمان و نمشي
كانت لسه هتمشي بس مسك ايديها و شدها عليه
اتكلم بحده
= فيه ايه!
انا مش فاهم حاجه ما تفهمني عايزه نمشي ليه و انتي اصلا خايفه كدا ليه
رحيل بدموع
= عشان عمي مش هيسبنا في حالنا اكيد هيستغل اننا هنا لوحدنا و من غير حراسه و هيأ.ذيك في القصر امن حتى هنبقى في وسط اهلك
اتنفس بغضب و اتكلم بحده
= انتي خايفه ليه كدا منه
انتي شايفه يعني ان ابويا و الحرس هم اللي بيحموكي و اني مش هقدر اقف قصاده و احميكي
هزيت راسها بالنفي و اتكلمت ببكاء
= لا و الله أنا بس خايفه عليك اوي ارجوك يا تميم ارجوك ريحيني و خلينا نمشي من هنا ارجوك يا تميم انا و الله ما مستحمله
بقلمي يارا عبدالعزيز
كانت بتتكلم بتوسل و خوف ، مسك ايديها بحنان و اتكلم بحب
= اهدي يا رحيل متخافيش هو مش هيقدر يعمل حاجه يحبيبتى اهدي و متخافيش
رحيل بغضب و بكاء
= انا عايزه امشي يا تميم عايزه امشي من هنا يلا مش هنعقد هنا ثانيه واحده كمان
تميم بحنان و هو بياخدها في حضنه
= طب ليه يروحي انا عايز نعقد مع بعض شويه لوحدنا متخافيش انا جانبك و عمك ميقدرش يعملنا اي حاجه
رحيل بدموع و هي بتمسك فيه بقوه و خوف
= عمي كلمني و قعد يهددني بيك و انا مش هقدر استحمل يحصلك اي حاجه انا ما صدقت انك قولت انهم نقلوك هنا
كور ايديه بغضب و اتنفس بغضب مفرط و هو بيحاول يطلع غضبه كله فيه
اتكلم بحنان و هو بيقـ.بل راسها
= و هو لو عايز يعمل اي حاجه كان عمل من غير ما يقول هو بس عايز يخوفك مش اكتر عايزاك ديما تفضلي تحت طوعه و انتي مينفعش تستسلمي كدا يعمري صح خليكي قويه انا معاكي
بقلمي يارا عبدالعزيز
هزيت راسها باطمئنان و هي بتمسك فيه بقوه
شالها بحنان و طلع بيها غرفتهم و وضعها على السرير و نام جانبها و ضمها لحضنه اكتر
اتكلم بعشق و هو بيحرك ايديه على شعرها بحنان
= اهدي انا كويس و مش مستاهله اننا نمشي و نسيبه هو يحركنا زي ما هو عايز
هزيت راسها بهدوء و هي بتد.فن نفسها فيه اكتر
زين كان قاعد في منزل والد حور
اتكلم ببعض الغضب
= يعني ترفعوا قضيه حضانه لابني
دا ابني انا و المفروض يبقى معايا
عبدالله بحده
= و استنى بقى لما تتجوز و تجبله مرات اب تعامله وحش ما انت راجل و اكيد مش هتفضل عايش لوحدك و الولد محتاج رعايه واحدة ست في السن دا انت مش هتنفع و هنا جدته و خالته موجودين
زين بغضب
= عمي عبدالله انت لازم تروح و تسحب الدعوه دي ياسين هيفضل معايا انا خلينا حبايب و بلاش تختبر صبري في حته ابني دي بالذات
عبدالله بغضب مفرط
= و مش كفايه بنتي اللي راحت عايز تاخد مننا الحاجه الوحيده اللي فاضله منها احنا بحاجه لياسين و ياسين بحاجتنا اكتر منك انا مش هستنى لما تجيب واحدة تمنعنا من اننا نشوفه حتى
زين بهدوء
= و مين قال اني هعمل كدا انا لسه بعشق شهد و مستحيل ادي لاي واحدة مكانها لو سمحت سبهولي هو انا مانعكوا عنه انتوا بيتي ديما مفتوح ليكوا ليه توقفنا قصاد بعض في المحاكم
عبدالله بحده
= انا قولت اللي عندي يا زين ياسين جدته ام امه اللي هتمسك حاضنته و انت ابقى تعال شوفه وقت ما تحب
حور بدموع
= يا بابا ما انا ديما بروح هناك و الله زين مش مخليه عايز حاجه و ياسين بيرتاح معايا و انا بفضل معاه طول اليوم
عبدالله بغضب مفرط
= انتي تسكتي خالص
لما الجيران يشوفوكي داخله خارجه عنده و بتعقدي بالساعات جوا هيقولوا عليكي ايه يا انسه يا اللي لسه متجوزتيش
اتنفس زين بغضب مفرط و اتكلم بهدوء منافي تماما لي اللي جواه
= و لو انا اتجوزت حور هتاخد مني حضانه ياسين!
بصله عبدالله و رقيه مراته و حور بصدمه كبيره
كمل زين بهدوء
= قولت ايه يعمي اظن كدا تضمن ان مراتي هتعامل ابني افضل معامله و محدش هيتكلم على حور نص كلمه
عبدالله بتفكير
= بس حور ممكن متوافقش
حور بدموع
= انا موافقه يا بابا عن اذنكوا
بقلمي يارا عبدالعزيز
قالت كلامها و دخلت اوضتها و قفلت على نفسها الباب و هي بتمنع صوت شهقاتها و كله تحت نظراتهم و نظرات الحزن من زين اللي حس بالذنب الشديد من ناحيتها و انه اد ايه كان اناني و هو بيعمل كدا
بس كان كله اللي في دماغه ياسين و انه مش هيقدر يبعد عنه
قام وقف و اتكلم بجمود
= شوفوا المعياد اللي يناسبكوا عشان اجيب الماذون و نكتب الكتاب عن اذنكوا
قال كلامه و خد ياسين على ايديه و مشي
في منزل عدي
صحي عدي و هو حاسس بالم شديد في رأسه
بدأ يفتح عينيه لينصدم بقوه من تيا اللي كانت نايمه على صدره ، بص لمنظرهم و اتنفض بغضب
= تيا!
صحيت بخوف شديد و اتكلمت بارهاق و دموع
= و الله قولتلك انت سكـ ران و حاولت امنعك بس انت
مكملتش كلامها و فضلت تبكي بقوه
اتكلم بغضب مفرط
= بطلي عياط و امشي من قدامي دلوقتي يلاااا
هزيت راسها بخوف شديد بس بصيت لنفسها و بصتله بخجل
اتنفس بغضب مفرط و لبس بنطلونه و خرج يعقد في الصاله
بعد شويه لاقها خارجه و هي لابسه بيجامه مقفوله
اتكلمت بحده
= عدي انا لازم امشي من هنا احنا الاتنين قاعدين نوجع في بعض و اللي انت بتعمله دا ملوش اي لازمه
كل واحد فينا شايل كتله وجع من التاني و وجودنا مع بعض هيزودها
بصلها بغضب مفرط و قام وقف جانبها و مسكها من شعرها بقوه
= و هو مين السبب في كل اللي حصل مش انتي
مش انتي اللي وصلتينا لهنا
اتحوزتني ليه يا تيا مثلتي عليا الحب ليه
كنتي عايزه فلوس منصب كنتي عايزه ايه بالظبط
بصتله بدموع و اتكلمت بحده
= انت بجد مبقتش طبيعي انت ازاي بقيت كدا!
طلقني يا عدي انا مش عايزة ابقى معاك حرام عليك كل اللي انت بتعمله فيا دا و الله العظيم انا مظلومه
عدي بفحيح و عيون حمره من الغضب
= ادخلي البسي اللي انتي كنتي جايه بيه و اطلعي برا و مش عايز المح طيفك في اي مكان انا موجود فيه
لو لمحت طيفك همـ.وتك يا تيا فاهمه يعني ايه همـ.وتك
قال كلامه و رمها على الارض بغضب ، لبس هدومه و اتكلم بحده و تحذير
= ارجع ملاقكيش
خرج من الشقه ، بصيت لطيفه بالم شديد و فضلت تبكي بقوه على نفسها و اللي بيحصل فيها بسبب حاجه هي ملهاش اي ذنب فيها
فاقت على صوت هاتفه اللي نسيه على الكنبه
بصيت لهوايه المتصل و خديت نفس عميق و فتحت المكالمه
اتكلمت رندا بخوف
=. عدي انت فين بكلمك من انبارح بليل مش بترد!
تيا بدموع
= عدي مش هنا يا ماما هو مشي و نسي تلفيونه و مش عارفه هيرجع امتى
رندا بصدمه و غضب
= انتي بتعملي ايه مع ابني!
اسمعي يا تيا أنتي ملكيش اي دعوه بيه خالص سبيه في حاله و كفايه اوي اللي حصله بسببك
لمتابعه باقي الروايه اعمل متابعه لصفحه الكاتبه يارا عبدالعزيز بتنزل عندها قبل اي حد
تيا ببكاء
= ماما انا كنت ممكن مردش عليكي بس انا رديت عشان اقولك خلي عدي يبعد عني ارجوكي من ساعه ما جيه هنا و هو مش شايف قدامه غير غضبه مني و بس لو سمحتي خليه يرجع القاهره و يسبني في حالي انا واحدة فقيره مليش اي حد غير خالتو و قاعدة معاها هنا مش هينفع اسيب اسكندريه عشان مليش حد اروح عنده لو سمحتي خليه يمشي ابو.س ايديك خلي اي حد يكلموا خلي بابا أو خالو ريان هو بيعملهم حساب و بيسمع كلامهم ارجوكي خليه يمشي ارجوكي
قالت كلامها و قفلت المكالمه و فضلت تعيط بانهيار ، قامت بسرعه تلبس و مفيش في دماغها غير ادم
في باريس
مليكه بصيت للڤيلا بانبهار و اتكلمت بلهفه
= مع ان الڤيلا هنا في مكان مقطوع بس بجد شكلها حلو اوي انا اصلا بحب جو الانعزال دا اوي و خصوصاً لو مع حد بنحبه
فارس راح عندها و مسك ايديها و قبـ.ل باطنها بحنان
= بنحبه ازاي
مليكه بلهفه و هي بتحاول تتهرب من نظراته
= تعال بقى فرجني على باقي الڤيلا طبعاً احنا مش هنام في اوضه باباك و مامتك صح
فارس ببأبتسامه
= اكيد انتي عايزه ريان باشا يجي يطردنا و لا ايه
اي حاجه تخص ماما عند بابا خط احمر
مليكه ببأبتسامه
= امممم عارفه و الله و بحب حبهم لبعض اوي ياريت لو الاقي شبه
همس قدام شفايفها بحنان
= دوري انتي بس و هتلاقي و الله قريب منك اوي
بصيت لعينه بتوهان و اتكلمت برقه
= طب ما انا عارفه بس لسه مشفتوش
همس بعشق و هو بيقرب منها اكتر و بيبص على شفايفها
= تحبي اوريهولك دلوقتي
حطيت ايديها على خده و ابتسمت بمكر
= مش هتوريني باريس انا عايزه الفها مكان مكان في الوقت اللي هنعقده هنا ممكن
ابتسم بقله حيلة و مسك ايديها و اتكلم بهدوء
= طب اطلعي ارتاحي الاول و انا هروح الشركه اظبط اشوف شويه حاجات و رجعالك و نخرج زي ما انتي عايزه
مليكه بخوف
= فارس انا مش عايزة اقعد هنا لوحدي خدني معاك و الله ما هعملك اي ازعاج خالص هعقد اتابعك بس و كمان اتعلم منك ارجوك يفارس
فارس بحنان
= يحبيبتى ما انتي فضلتي صاحيه طول الليل و كمان خرجنا بدري فاكيد عايزه ترتاحي انهاردة بس خليكي هنا و بعد كدا هبقى اخدك معايا
مليكه ببأبتسامه
= حلوه اوي
فارس باستغراب= هي ايه!
مليكه بخجل = حبيبتي
متبطلش تقولها
فارس بصلها بحب و اتكلم بحنان
= طب يلا اطلعي ارتاحي
هزيت راسها بالنفي و اتكلمت بغضب طفولي
= لا انا عايزه اروح معاك يااا متروحش خالص المهم متسبنيش هنا لوحدي
بقلمي يارا عبدالعزيز
حاوط كتفها بايديه و اتكلم بعشق
= تعالي يا اخره صبري و ابقي قوليلي بقى انا عايزه انام
في المساء
" في قصر النصراوي"
فريده كانت قاعدة في بلكونه اوضتها في المورجحيه بتاعتها و بتبص للسما و سرحانه في اسر و دموعها على خدها
دخلت حياة و شديت كرسي و قعدت قدامها
مسكت ايديها و اتكلمت بحنان
= اعمل ايه عشان الدموع دي متظهرش تاني قوليلي ايه اللي يرضيكي و انا مستعده اعملك اي حاجه
فريده بدموع و صوت متحشرج
= جوايا حاجه مكسوره حاسه ان عمرها ما هتتصلح مبقتش فاهمه انا عايزه ايه او فين مصلحتي
بس انا عارفه انكم عارفين مصلحتي اكتر مني و اكيد اللي انتوا بتعملوه عشاني هو الصح
حياة بهدوء = و انتي عايزه ايه يفريده يعني شايفه مصلحتك فين
رفعت كتفها دليل على جهلها و اتكلمت بدموع و صوت متحشرج عصر قلب حياة عليها من الالم اللي في عينيها و صوتها
= مش عارفه انا واحده لسه مراهقه و معندهاش شخصيه قويه تقدر تحدد بيها ايه هو الصح اللي بالنسبالها بضعف قدام قلبي لحد اما وصلت لهنا
عارفه يا ماما جوايا شعورين اقوى من بعض
شعور عايز يبعد عن اسر لانه مينفعش بعد كل اللي نعرفه عنه أمن على نفسي و انا معاه
و شعور تاني خالص بيحس بالامان و السعاده و هو جانبه
حياه بدموع
= تعرفي يفريده كان عندي واحده صاحبتي و هي في سنك كدا حبيت واحد لا يصلح ليها و كانت النتيجه انها خسرت كتير اوي اوي بسببه لدرجه انها كانت هتمـ.وت في مره بسببه بس تعرفي بمجرد ما دخل حياتها الشخص الصح نسيت كل حاجه و دلوقتي عايشه و بتحب جوزها اوي و خلفت منه و بقيت اسعد انسانه في العالم
انتي بتفكرني بيها اوي و انا مستحيل اسمح انك تعيشي ربع اللي هي عشيته امشي ورا عقلك يفريده عشان هو الصح دلوقتي يبنتي و احنا جانبك بس بالله عليكي ما عايزه اشوف دموعك دي تاني انا و ابوكي و اخواتك بنتقطـع عشانك و مش عارفين نعملك اي حاجه احنا نتمنالك تكوني مبسوطة و تلاقي الشخص الصح متخليش مشاعرك اللي انتي فاهمها غلط تندمك عمرك كله على اختيار غلط
اتنفست بالم و هزيت راسها بهدوء منافي تماما للبركان اللي جواها
اتكلمت ببابتسامه و هي بتبص لعربيه ريان اللي دخلت الجنينه
= بابا جيه اهو روحيله بقى عشان هو بدأ يغير مني شكله كدا
حياة خدتيها في حضنها و اتكلمت بدموع
= اوعي تاني مره تداري المك عليا و تخفيه ورا ابتسامه مزيفه انتي مش عارفه الحركه دي بتوجعني عليكي اد ايه
عيطي يعين ماما و طلعي كل اللي جواكي خرجي اللي جواكي ليا متراكميش اي حاجه جواكي
فضلت فريده تعيط بانهيار في حضن حياة
ريان كان معدي من قدام باب الاوضه و سمعها ، غمض عينيه بالم و حزن و خبط على الباب
فريده طلعت من حضن حياة بسرعه و مسحت دموعها
دخل ريان و اتكلم بحنان
= تيجوا ننزل المطبخ انا هطبخ و انتوا ساعدوني ايه رأيكوا
هتساعدوني و لا اعمل انا كل حاجه لوحدي
حياة ببأبتسامه
= و هو احنا نقدر برضوا يلا يا ديدا
هزيت فريده راسها ببأبتسامه و نزلوا مع بعض
رحيل كانت في حضن تميم ، بيحرك ايديه على ضهرها برقه و بيقـ.بل كتفها بحنان
اتكلمت بخجل
= تميم مين نقلك هنا
تميم ببأبتسامه
= اكيد ريان النصراوي طبعاً مين يقدر يعمل كدا غيره و طبعا بعد ترجي ماما
رحيل بحب و هو بتحضن خده بايديها
= و انت زعلان!
اتنهد بعمق و اتكلم بحنان و هو بيمسك ايديها
= مش فكره زعلان انا بس مضايق لاني مش بحب الوسطه في شغلي دا مش بس نقلني الشرطه دا نقلوني الادراه انا بحب اوصل لاي حاجه بكافئتي مش لاني ابن ريان النصراوي
رحيل بحب
= تعرف الناس عندنا في سوهاج كانوا ديما بيقولوا من ساعه ما جيه البلد و هو ظابطها حتى الجرايم اللي بتحصل بيكون قابض على المجرمين في نفس اليوم و انه من ساعه ما جيه و احنا حاسين بالأمان
انت بتثبت نفسك في كل مكان بتروحه دا لانك ظابط شاطر جدا و اي مكان انت موجود فيه هتحقق فيه
طب اقولك حاجه انا واثقه ان قرار نقلك دا هم كانوا مبسوطين جدا و هم بيوفقوا عليك ان هينضم ليهم ظابط بكفائتك دا اكبر مكسب ليهم و الله ما عشان انت جوزي انا بشوفك كدا من وقت ما سمعت عنك و من قبل ما حتى اشوفك و لا اعرفك
تميم قبـ.ل خدها بعشق و اتكلم بهمس
= لا هو بعد الكلام القمر دا انا مش. عايز اي حاجه خالص
يكفي انك شايفني كدا يا رحيل و متخافيش طول ما انا جانبك محدش فيهم يقدر يعملك حاجه يروحي
هزيت راسها بخجل و هي بتد.فن وشها في صدره و بتهرب من نظراته
همس بحب
= على فكره يا رحيل انا لسه معرفتش مشاعرك من ناحيتي
بقلمي يارا عبدالعزيز
غمضت عينيها بخجل و اتكلمت بهمس
= اممممم انا عايزه انام دلوقتي ممكن
هز راسه و قبـ.ل راسها بحنان
= تصبحي على خير ياللي مجناني
في قصر النصراوي
و بالتحديد مطبخ القصر
كان ريان واقف هو و حياة و فريده في المطبخ و ريان بيعمل الاكل بمهاره تحت نظرات الابتسامه من فريده و حياة
و ريان من حين و الاخر بيحضن فريده و يقبـ.ل رأسها بحنان محاوله منه بانه يهون عليها بس كان بيزود احساسها بالذنب من ناحيتهم اكتر
دخلت الخدامه و اتكلمت باحترام
= ريان باشا عثمان برا بيقول ان الشخص اللي انت قولتله يمشيه لما تشوفه قريب من الست فريده واقف برا و مُصر يقابل حضرتك بيقول لحضرتك يضر.بوه و لا يعملوا معاه ايه هم مستنين اوامر حضرتك
فريده كانت قاعده على كرسي السفره اول اما سمعت الخدامه قامت بخوف شديد و اتكلمت بتلقائية و دموع
= لا يا بابا خليه يمشي من غير ما يضر.به
اتنهد ريان بغضب مفرط و
يُتبع.....