الفصل السابع عشر 17
بقلم ليله عادل
سطح عماره اميره 9م
اميره وحمزه ونور وياسر قاعدين مع بعض مشغلين اغانى وعلى الترابيزه اكل وحلويات يبدو عليهم السعاده
نور ... ها كلمك تانى
اميرة ... لاء هو جاب المذكرات ومشى
ياسر ... شكله مغرم
اميرة ... هو عشان راجل محترم وجدع لازم يبقا معجب
نور ... لاء بس النظرات والطريقه بتبين
اميرة ... (تمسك مج ثم ترجع ظهرها للخلف على ظهر الكرسى بلا مبالا ) يعجب زى ما يعجب انا مابفكرش فيه
حمزة ...(ينظر لها بستغراب ) انتى لسه بتفكرى فى مروان بعد كل ده
اميرة ... ايه كل ده
حمزه ... كنتى هتروحى فى داهيه بسببه بس
اميرة ... لاء مش بسببه هو ملهوش ذنب بالعكس هو مظلوم ومكسور اكتر منى انت فاهم هو كان فى ايه
حمزه ... هو اللى مغفل
اميرة ...(بشده ) حمزه مسمحلكش تتكلم عنه بطريقه دى
ياسر ... اهدو يا جماعه
حمزه ...(بضيق ) لاء استنى انت يا ياسر ايه يا اميره هتتخانقى معايا عشانه خلاص حبك عميكى للدرجه دى
اميرة ...(تضع المج على ترابيزه ) حمزه انت مكبر الحوار ليه انا بقولك متغلطش فيه , ده انسان مسكين وحيد مالهوش حد وكمان الانسانه الوحيده اللى وثق فيها خانته
نور... خلاص بقا اهدو احنا طلعنا عشان ننبسط مش نتخانق
اميره ... متقوليلو
حمزه ... انا نازل ( يقف ويتركهم ويرحل )
نور ... يا حمزه يابنى
اميره ... شفته دماغ الاطفال مش هيكبر
نور ... خايف عليكى بصراحه عنده حق , حبك ده كان هيضيعك اميره كفايه لحد كدا فوقى مروان مش بيحبك ولا هيبقا ليكى
اميره ... بيحبنى وهيتجوزنى وبكرا كلكم تشوفه انا نازله (تتركهم وترحل)
ياسر ... انتى يابنتى انتى كمان استنى يووو اوف ...ايه يا نور ما تهدى انتى كمان عليها
نور ... انت شايف ان فارق معها اصلا هى بتهرب من حقيقه , بس انا خايفه عليها
ياسر ... نور متكدبيش على نفسك اميره مش هتفوق غير لما مروان بنفسه يقولها كدا , غير كدا ولا انا ولا انتى ولا اى حد فى الدنيا هيرجعها عن اللى فى دمغها
نور ... عندك حق غبيه ربنا رزقنى بصحبه غبيه وعنيده قدرى هعمل ايه يلا يلا ننزل مالهاش لازمه قعدتنا
ياسر .. عندك حق يلا
- شقه منير 1م
- غرفه النوم مروان يقف يبدو على ملامحه الحزن ويسند ظهر على الدلاب ويشرب سجاير ومنير يقوم بتحضير الشنطه اثناء تحضيره يتحدث
منير ... يابنى خليك بطل عند
مروان ... معلش عشان خاطرى انا كدا هبقا مرتاح كفايه الفتره اللى فاتت تعبتك معايا واخدك من اولاك
منير ...(يقفل الشنطه ويقترب منه ثم يضع ايده على كتف مروان ) بلاش الكلام ده انت مش معتبرنى اخوك ولاه ايه
مروان ... لو كان ليا اخ مكنش هيعمل معايا اللى بتعمله ربنا يخليك ليا
منير ... ويخليك ليا يا حبيبى .. طيب هتقعد ازاى لوحدك فى الشقه
مروان ... لا منا كلمت دادا فاطمه وعوض هيرجعو ونعيش سوى
منير ... ماشى هقولك ايه عنيد
شقه مروان الجديده على النيل 3 م
شقه فى احد الاحياء الراقية على النيل اثاثها يبدو انه غالى الثمن لكنه بسيط يفتح منير باب الشقه وهو ماسك ايد مروان وخلفه البواب يحمل الشنط
منير ... نورت بيتك يا حبيبى
البواب ... حاجه تانى يا باشا
منير.... (يضع ايده بجيبه ويطلع مبلغ ويعطه لبواب ) لا شكرا روح انت
(يخرج البوب ويقفل الباب)
مروان ... منير بقولك ممكن تساعدنى اقعد فى البلكونه
منير ... اوى اوى
(يدخل مروان الى البلكونه يقف على السوار)
مروان ... ببتسامه ...بزمتك مش هنا احلى
منير ... (ينظر الى منظر النيل) ... بصراحه اه منظر يجنن
(يسرح مروان يتذكر كلام اميره معه عندما كان يجالسون فى المكتب باحد المرات)
( مشهد فلاش باك )
- فيلا مروان 6 م
مكتب مروان- مروان جالس على كرسى المكتب واميره امامه تكتب ثم يقوم مروان باخارج سجاره وعندما يبدء بتشغلها تنظر له اميره وتفضل تكح تكح
مروان ... هههههه مش قفلها و بلاش تمثيل
اميره .. لا هتقفلها بقى (تشدها من ايده وتقفلها وتاخد علبه السجاير ) افضل اشترى من وريا وانا اخدهم منك ههههه
مروان ماشى يا لمضه
اميره ... بقولك هو انت ما بتفكرش تعزل
مروان ... بتجيبى الافكار دى منين
اميره ... من كارفور هههههههههههه
مروان ... والله طب جبيلى كيلو مشكل معاكى
اميره ... عينيا ههههه بكلمك جد مافكرتش
مروان ... اعزل ليه انا اتولدت هنا وزكرياتى هنا , بعدين دلوقتى بقا صعب انا حافظ اماكن كل حاجه , لكن لو روحت مكان جديد هواجه مشاكل , غير هنا او اى مكان تانى بنسبه ليا واحد
اميره ... كئيب اوى
مروان ... انا بقول الحقيقة
اميره ... لاء اول شئ الذكريات فى القلب والعقل مش فى المكان , ثانيا كون ذكريات جديده فى مكان جديد فى دنيا جديده , ثالثا حوار حفظ الامكان ده سهل جدا , رابعا حوار ان كل الامكان وحده شوف المكان بقلبك مش بعينك يا كئيب
مروان ... والهانم ام لسان اطول منها تحب موصفات المكان الجديد ايه
اميره ... ها شقه حلوى تكون عفشها بسيط مش كتير عشان نتفاده الخبطات تكون على النيل , تخيل كدا نصحى الصبح على 10 كدا نقعد فى البلكونه تشرب انت القهوه وانا النسكافيه مع صوت فيروز والنيل قصادك ونسيم الهوا تخيل كدا هيييييح
مروان ... ممكن سؤال
اميرة ... (بمزح ) يس يس
مروان ... مين نق هى مفروض تقعد مش نقعد
اميره ... انا وانت , ايه ده انا اللى راسمه الخطه تبعنى كدا والله عيب عليك
مروان... ههههههههههه لاء يا ستى مش هبيعك اوعدك انى هفكر
(نرجع للمشهد السابق مره اخرى لمروان هو يبتسم )
منير ... مروان يابنى
مروان ... ايه
منير ... سرحان فى ايه
مروان ... ولا حاجه روح انت هات فاطمه وعوض
منير... طيب مش هتاخر عليك سلام
(يخرج منير ويجلس مروان على الكرسى)
- شقه اميره 3 م
فى الراسبشن الاب والام قاعدين على الكنبه يتحدثون ثم تخرج اميره من غرفتها وهى ترتدى ملابس خروج
اميره ... بابا انا هخرج
الاب ... على فين
اميره ... هروح لدكتور مروان من وقت ماخرجت مطمنتش عليه
الاب ... لا مافيش كلام ده تانى انسى مروان ده نهائى
اميره ... ده من امتى
الاب ... من دلوقتى
اميرة ... لاء افهم من امتى حضرتك بتمنعنى من الخروج
الاب ... (بنرفزه يقف ) للاسف مكنتش عارف انى لما اسيبك بحريتك توصلنى لكدا انا فى عمرى ده ادخل قسم البوليس
اميرة ... ومروان ذنبه ايه
الاب ... (بنرفزه ) هو السبب فى كل القرف ده معرفتك بيه اللى وصلتك لكدا كفايه اوى الحصل لحد كدا
الام ... (تقف تحاول ان تهدء الامر ) اهدى يا خالد
الاب ... انتى مش شايفه ردها
الام ... اميره ادخلى دلوقتى الاوضه
اميره ... بضيق ... يا ماما
الام ... بحسم . بقولك ادخلى اوضتك دلوقتى
(تدخل اميره الاوضه وهى متعصبه)
الاب ...(بغضب وصوت عالى ) .. يكون فى علمك مافيش دخول ولا خروج من غير اذنى
الام ...(تضع ايده على صدره وتبططب عليه ) خلاص اللى عايزه هيتنفذ اهدى بس
تدخل اميره الى الغرفتها وهى متعصبه وتفكر تتحدث مع نفسها اوف هعمل ايه دلوقتى فى القرف ده ثم تجلس على السرير غاضبه جدا
- شقه مروان 4 م
يدخل منير معه فاطمه وعوض ومروان يجلس فى الراسبشن ثم تجرى عليه فاطمه
فاطمه... حبيبى ... (تاخده بحضنها) ... حقك عليا والله معرف اللى حصل سافرنا البلد وانت عارف احنا ملناش فى النت
مروان ... ولا يهمك انا بخير
عوض ... اوعى تزعل انسى وعيش حياتك متستهلش تفكر لحظه فيها
مروان ... الحمد الله مع انا زعلان منكم كدا متسالوش عليا ولا تتصلو
فاطمه ... حق علينا
مروان .. ولا يهمكم المهم انكم بخير
منير... خلاص تعالو اوريكم الاوض بتعتكم
(بعد مرور 10 ايام)
- شقه اميره 2 م
المطبخ- تجلس الام على كرسى ترابيزه المطبخ وتقوم بتقطيف الملوخيه ثم تدخل عليها اميره
اميره ... ماما مش محتاجه مساعده
الام ... من امتى
اميره ... اصلى زهقانه قولت اطبخ معاكى
الام ... لا شكرا خطيب اختك جاى على العشاء التجارب بتعتك النهارده متنفعش
اميره ... طب انا زهقانه
الام ... اطلعى لنور
اميره ... خرجت هى وحمزه بيشترو شويه حاجات للشقه عشان خلاص الفرح اخر الشهر ما انتى عارفه كل شويه يتاجل
الام ... طب اعملك ايه
اميره ... ونبى سبينى اروح النادى
الام ... خدى اختك معاكى
اميره ... ازاى يا ماما عماد جاى لازم تقعد تظبط نفسها وكدا والله ماهتاخر نص ساعه
الام ... انا مش قد خالد
اميره ... هيعرف منين هوجاى ساعه 6 دلوقتى لسه 2 ونبى يا ماما والله ما هتاخر
الام ... طيب روحى
اميره ... حبيبتى انتى يا ماما يا احسن ام فى الدنيا
الام ... بكاشه والله
اميره ... طب ايه
الام ... ايه انتى
اميره ... هروح كدا من غير فلوس ولا تليفون
الام ... كمان .. تليفونك فى الدروج مكتب خالد تاخديه وترجعيه مكانه فاهمه وخدى حلوين دول (فلوس )
اميره ... اه وكتير كمان شكرا يا ففة
- شارع اميره 3م
تقف ميره فى الشارع امام عمارتها تنتظر تاكسى ثم تركب تاكسى تطلب منه ان يوصل الى الفيلا مروان عند الوصول للفيلا تتفاجئ انه تم بيعها تقوم بالاتصال بمنير
اميره ... استاذ منير عامل ايه
منير ... الحمد الله ايه يا بنتى فينك مختفيه
اميره ...(بمزح) الحج خالد كان عامل عليا حظر تجول
منير ...هههههه فقر
اميره ... بقولك انتم بعتو الفيلا
منير ... اه مروان اخد شقه تانيه
اميره ... ممكن العنوان
منير ... حاضر هبعتهولك حالا فى رساله
اميره ... متشكره جدا
- شقه مروان 3 م
تقف اميره وهى تمسك بوكيه ورد ثم تطرق على الباب ثم تقوم فاطمه بفتح الباب
اميره ... مساء الخير دكتور مروان هنا
فاطمه ... اه نقوله مين
اميره ... ممكن ادخله يعنى عايزه اعملها مفاجاه بصى انا طالبه عنده هو يعرفنى كويس
فاطمه ... اميره صح
اميره ... اه انا حضرتك تعرفينى
فاطمه ... طبعا حقك عليا يا بنتى نسيت ادخلك اتفضلى
اميرة ... لا عادى ولا يهمك هو فين
فاطمه ... فى الاوضه اللى هناك دى (تشاور بادها )
اميره ... شكرا
فاطمه ... تشربى ايه
اميره ... ممكن شاى
فاطمه ... الحمد الله مش قهوه
اميره ... محبهاش بس اشمعنا
فاطمه ... اصل اللى ما تتسمه اول ما دخلت عليه قالتله بحب القهوه يلا اسيبك ادخليله
(تطرق اميره على الباب)
مروان ... ادخلى يا دادا
مروان يجلس على الكرسى الامامى من المكتب عند دخولها تجرى مسرعه وتضع الورد على الترابيزه
اميره ... بشوق تمسكه من ايده وحشتنى
مروان ...( يسحب ايده ) اميرة عامله ايه
اميره ... (تجلس امامه ) الحمد الله وحشتنى وحشتنى وحشتنى مهما اقولك مش هعرف اوصلك انت وحشتنى قد ايه
مروان ... لسه مجنونه زى مانتى
اميره .... بقولك وحشتنى تقولى مجنونه لا زعلانه
مروان ...(بجفاء ) اخبارك ايه
اميره ... الحمد الله بس عارف الفيو هنا روعه
مروان ... باباكى خرجك ازاى
اميره ... عرفت منين ان بابا كان حبسنى
مروان ... حسيت
اميره ... عنده حق بصراحه الرجل كان هيتشل منى دخل القسم والمديريه على ايدى كويس انه متجلطش (برومنسيه )......وحشتنى
مروان ... (كانه لا يستمعها ) يعنى جايه من وراه
اميره ... يس
مروان ... و ده ينفع
اميره ... طب اعمل ايه وحشتنى وهموت واشوفك واطمن عليك هما اللى وصلونى لكدا
مروان ... امممم
اميره ... (باستغراب ) ما وحشتكش؟.
مروان ... ها قوليلى عامله ايه دلوقتى
اميره ... انا كويسه ... ( تنظر الى المكتب ) ... هو ايه ده
مروان ... برنامج جديد
اميره ... حلوى اوى استنى كدا ... (تفتح الاوراق ) ... لا بصراحه العرض حلو والقناه متشافه ليها جمهور انا منهم اقبل
مروان ... لسه بفكر
اميره ... بص البرنامج حلقه فى الاسبوع بس , وتدى محاضره فى المركز مره بردو فى الاسبوع , يومين بقا لاعداد الحلقه والمحاضره , ويومين بقا لينا مره نسافر مره نخرج نتفسح , جو شغل طول الاسبوع ده انساه , واليوم الاخيراللى هيفضل هسمحلك نقعد فى البيت تستريح ., انت بس سبيلى نفسك هعملك جدول روعه
مروان ... باى صفه
اميره ... مش فاهمه
مروان ...(بقله زوق ) باى صفه نخرج ونتفسح ونسافر سوى , اه الباقى لانك مديره اعمالى مع انى بحلك من ده انا كفايه عندى منير
اميره ... بصفتى انى بحبك وانى هبقا مراتك
مروان ... (بسخريه) ... مراتى ايه يا اميره وايه اللى انتى بتقوليه ده
اميره ...(بستغراب وتوتر ) بقول ايه ما انت عارف انى بحبك وعايزه اتجوزك
مروان ... (بجديه ) انا زمان كنت بخدك على قد عقلك بس واضح انى غلطت اميره مينفعش تعدى حدودك معايا كدا
اميره ... (بستغراب ). ... بتاخدنى على قد عقلى حدودى معاك ايه اللى بتقوله ده
مروان ...(يقف ويسير قليلا ويتحدث وهو معطيها ظهره) اميره معلش انا عندى ميعاد
اميره ... (باستغراب وهى تجلس ) ميعاد انت بترفضنى ليه انا مش عجباك
مروان ... اميرة انا موعدتكيش باى حاجه
اميرة ..(.تذهب اليه وتقف امامه ) يمكن مقولتش حاجه بلسانك بس انا حستها وانا احساسى مبيخونيش
مروان ...(بجفاء ) للاسف احساسك المر دى خانك
اميره ... مستحيل
مروان ... على فكره ادهم بيحبك
اميره ... انا مالى بادهم انا بحبك انت
مروان ... واحسن منى شاب صغير قريب من سنك هيعرف يخرجك ويبصتك انا راجل عجوز واعمى منفعش ليه تظلمى نفسك معايا
اميره ... بس بس انا فهمت انا مش فارق معايا كل ده , انت بتعمل كدا عشان الموضوع ده انا والله ما فارق معايا , انا نفسى ابقا جنبك واعيش معاك اللى فاضل من عمرى وبس حبى ليك وحبك ليا كفايه
مروان ... الجواز مش فسح ولا سفر الجواز حاجات تانيه افهمى بقا
اميره ... انا فهماك وبقولك مش فارق معايا , بعدين الجواز تفاهم واحتواء واحترام ده موجود بنا والحب كمان
مروان ... (باستغراب ) الحب موجود ازاى
اميره ... منا بحبك
مروان ... حب من طرف واحد
اميره ... بس انا متاكده انك بتحبنى
مروان ... انا فعلا بحبك بس زى اختى وبس
اميره ... اختك
مروان ... اه اختى الصغيره
اميره ... (تبكى ) ... بس انا بحبك بحبك اوى , بحبك ومش عارفه اعيش حياتى من غيرك , الفتره اللى كنت مسجونه فيها كنت بفكر فيك انت عامل اية كان نفسى ابقا جنبك فى الوقت ده , عارف انا بحلم فى اليوم اللى هنبقى فيه سوى , انا انا اخترت القاعه وفستان الفرح والمطرب اللى هيغنى حتى الاغانى والمكان اللى هنقضى فيه شهر العسل ده حتى سميت اولادنا , انا حياتى وقفه عليك انا مهما اقولك انا بحبك قد ايه مش هعرف لو فى كلمه ممكن توصف احساسى وحبى هقولك
مروان ... ( ببرود يلف جسمه يعطها ظهره) ... وانا ما بحبكيش يا اميره ولا عمرى حبيتك
اميره ... (تبكى بحرقه تلف تقف امامه وتمسك ايده ) ... طب قولى انا اعمل ايه انا بحبك طب طب ادينى فرصه وانا هخليك تحبنى واتحداك مروان انت ليه مش حبتنى زى ما حبيتك
مروان ... (ببرود وقلة زوق ينزع ايده ) اعمل ايه يعنى محبتكيش
اميره ... طب ادينى فرصه تانية
مروان ...(بنرفزه يييو بقولك مش بحبك ولاعمرى حبيبتك (بسخريه ) وبصراحه مش انتى الست اللى افكر اتجوزها
اميره ... (بزهول ودموع ) ... ايه اللى بتقوله ده طب كل اللى حلمت بيه اعمل فيه ايه
مروان ... (بجديه وبرود ) اميره انتى بنسبه ليا طالبه عندى وبنت جدعه وقفت جنبى وبس , مش ذنبى بقا انك عشتى خيالات و اوهام مالهاش اى اساس من الصحة , متحاسبنيش عن خيالاتك واوهامك انا مالى اظن انى عمرى ما قولتك بحبك او حسستك بده , انا لما افكر اتجوز تانى اكيد هتجوز واحدة زايي مناسبه لسنى شبهى , مش انتى مش عيله طايشه متهوره
اميره .... ( نظرات اندهاش على ما تسمعه دموع مع صدمه ) ... هشششششششش
مروان ... ايه
اميره ... (صوت عالى بغضب دموع) ... شششششششششششش انت ازاى كدا انت ازاى قاسى كدا ازاى قلبك قاسى عليا كدا انت ازاى كدا ....انت ازاى ..تقولى انا كدا ها
مروان ...(بجديه يمسك ايدها ) واطى صوتك اهدى
اميره ... اوطى صوتى اوعى ايدك دى عنى
مروان ... بقولك اهدى قولى حاضر
اميره ... (بغضب)... مش هوطى صوتى مش هقول حاضر مش انت بتكره صوت العالى والعصبيه (تحدف بعض الاشياء المتجوده بجانبها ثم يمسك ايدها مروان) ,مش هوطى صوتى اوعى كدا متحطش ايدك عليا بقولك انا بكرهك
مروان ...(بهدوء ) اميره اهدى من فضلك
اميره ... (انفعال وبكاء) ... اهدى لا مش ههدى بعد كل اللى عاملتة معاك تعمل فيا كدا , انت ازاى قاسى كدا ازاى قلبك كدا انا ازاى كنت معميه كدا , ازاى ما شفتش كل القسواه دى عادى كدا بكل سهوله مابحبكيش ماليش دعوه , للدرجه دى هنت عليك للدرجة دى انا و قلبى روخاص , انا مكنتش عايزه منك حاجه غير نظره حب واحده اشوفها فى عينك كلمه واحده تقولها تغير حياتى , انا كنت هنعدم عشانك اخترت اسكت لانى خفت عليك تعرف الحقيقة فضلتك انت عن نفسى وعن اهلى وكل البشر , انت ازاى كدا.. ازاى قولى ..ازاى كدا.. انا بكرهك بكرهك
مروان ... (يمسك ايدها )اميره طب اسمعينى
اميره ... (تسحب ايدها ) اسمعك هتقول ايه تانى انت قولت كل حاجه كسرت قلبى برافو دمرتلى حياتى برافو فى لحظه هديت كل شى بكل سهوله , عارف انا مكنتش عايزه حاجه غير انك تحبنى حتى لو كدب والله كنت هقبل كفايه انى هاعيش جنبك
مروان ... اميره من فضلك اهدى وحياتى عندك
اميره ... وحياتى عندك..طب حياتى انا فين انا فين قولى (ثم تمسح دموعها وصمت قليلا) عارف اه دلوقتى بعيط ومكسوره بس انا هبقا احسن منك , عارف ليه عشان انا جنبى ناس بتحبنى ,(يلف وجهه ثم تمسك اميره وجه لتجها ) بصلى وانا بكلمك بقولك بصلى وانا بكلمك ... (ينظر لها ) .. هتعب اه هنهار اه بس بكرا هنسى واعيش حياتى واكمل وانت هتعيش عمرك كله ندمان على اللى عملته فيا يا مروان , عارف انت مش هتلقى حد جنبك لانك انسان قاسى وظالم واعمى القلب والاحساس والمشاعر , ربنا بعتلك رسايل كتير بس قسوه قلبك عمتك اوعى تفتكر عمى عينك ده سبب مشاكلك , لا انت ضعيف على قد الحب اللى حبيتهولك على قد مكرهتك وكرهت اليوم اللى عرفتك واتمنيتك فيه تبقى ليا , انت بنسبه ليا دلوقتى صفحه ملعونه فى حياتى وهحرقها ..(.بغضب صوت عالى) ... اوعى من واشى
(تخرج اميره منهاره خارج الغرفه ثم تجرى مسرعه خارج الشقه يدخل منير على مروان غرفه مستغرب
منير ... ليه كدا يا مروان
مروان... (بغضب) ... مشيت
منير ... يابنى رد
مروان ... بقولك مشيت
منير ... ايوا
مروان ... اطلع برا واقفل الباب
منير ... بس
مروان (بغضب شديد ) ... بقولك اطلع برا واقفل الباب
منير .... حاضر
بعد غلق منير الباب . مروان متعصب جدا ويكسر المكتب وكل شى فيه ثم يقع الارض ويصرخ ااااااااااااااااااااااااااااااااه ويبكى بحرقه
- شقه اميره 5 م
ترجع اميره الى البيت وهى منهاره من العياط تفتح لها اختها
ياسمين ... (بلهفه ) ... اميره مالك...مالك يا ماما الحقى
الام ... في ايه (تجرى الام مسرعه تمسك اميره من ايدها)
اميره ... (تبكى) ... ما بيحبنيش يا ماما طلع مش بيحبنى بعد كل ده ما بيحبنيش
الام ....اهدى اهدى .. (تنظر الى ياسمين ) .. اتصلى باباكى بسرعه
اميره ...(تنظر لها بدموع وكسره ) رفضنى يا ماما قالى ما بحبكيش ولا عمره حبنى هوانا وحشه , ليه مش حبنى ها ليه قلبى بيوجعنى اوى (بتقطيع فى كلام وبحرقه ) قلبى بيوجعنى اوي يا ماما بيوجعنى اوى يا ماما ... (ثم يغم عليها)
الام ..... اااااااااميره؟؟
شقه مروان 7 م
يدخل منير الغرفه ويجلس بجانب مروان على الارض ثم ويضع ايده على كتفه وينظر له بستغراب وحزن
منير ... عملت ليه كدا
مروان ... عشان بحبها بحبها اوى
منير ... تحبها تعمل كدا انت كسرت قلبها انت مكنتش شايف دى كانت منهاره من العياط
مروان ... (بحزن ) عارف هو ده صح عشان تفقد الامل
منير ... ليه يعنى اميره مش وحشه وبتحبك
مروان ... مينفعش انا كلها 10 سنه وكمل50 هى هتبقى لسه يدوب 35 عارف يعنى ايه
منير ...عادى كتير دلوقتى بيتجوزه بنات صغيره بعدين انت شكلك صغير وبتلعب رياضه
مروان ... (يقف ) منير افهم مش هقدر اسمع الناس هما بستكتروها عليا ولا اتحمل الاحساس ده , غير انى اعمى مش هعرف اعملها اى حاجه غير انى احبها بس , اميره تستحق حد احسن منى
منير ... (يقف ) على فكرا فقدان بصرك مش عاقك انت قادرتتجوز وتخلف عادى حتى لو عندك 70 قادر على ده , الجواز مش جنس وفسح وسفر وبس مش ده كلامك
مروان ... انت مش فاهم حاجه
منير ... انا اللى فهمه انك محتاج حد جنبك ويحبك ويفهمك , و اميره اكتر حد كان بيفهمك ويحبك , مروان انت غلط حتى لو مش عايز تتجوزها كان ممكن تقولها بطريقه احسن من كدا , انت كسرتها و ضيعت منك اكتر انسان حبك فى الدنيا
مروان ... دى الطريقه الوحيده اللى هتخلى اميره تشيلنى من دمغها وقلبها
شقة اميره 7 م
غرفه اميره - اميره تنام على السرير والاب يقوم بفحصها واعطائها ابره مهدئ والام وياسمين جنبها على ملامحهم القلق والخوف وعيونهم ممتلئ بدموع وعند انتهاء يقف
الام ... ايه يا خالد مالها
الاب ... عندها انهيار عصبى ادتها حقنه مهدئة هتنام ..ممكن افهم ايه الحصل
الام ... هحكيلك
(بعد مرور خمس ايام )
تدخل نور على اميره الغرفه حاملة صنيه بيها سندوتشات الشورما اميره متسطحه على السرير وتسند راسها على ظهر السرير يبدو على ملامحه التعب والحزن
نور... ميرو عامله ايه يا كئيبه
اميره ... (بحزن ) ... الحمد الله
نور... جبتلك شورما من عند المطعم اللى بتحبيه حتى الواد السورى سال عليكى قولته مكتئبه ههههههه يلا كلى وحياتى ... (تاخذ اميره قطمه)
نور ... خدى حته كمان وحياتى
اميره ... نوركفايه والله مقدره
نور ... ولحد امتى هتفضلى كدا
اميره ... انا زعلانه لانى فى الحالة دى وهو مبسوط وعايش حياته وانا كدا بالضعف ده
نور ... خلاص انسى تعالى نسافر.......(اميره تسرح) ... اميره امييييره يابنتى
اميره ... شايفه الصوره اللى هناك دى
نور ... (تلتف للخلف ) ... انهى فيهم
(تقوم اميره وتاخذ احد صور ليها وهى ومروان وهم جنب احد الخيول ثم تجلس بجانب نور على السرير
اميره ... انا اللى رجعتو يركب الخيل تانى بعد مخلصنا قولته لازم ناخد صوره شفتى كنا حلوين ازاى
نور ... اه فعلا
(تاخد اميره الصوره بحضنها وتنام تنظر نور بحزن وتبكى على صديقتها ثم تخرج خارج الغرفه الى الراسبشن
الام ... ايه يا نور اكلت
نور... زى كل يوم طنط لحد امتى هنسبها كدا لازم نشوف حل اميره بضيع
الام ... ياجى بس خالد
ياترى ايه اللى هيحصل واميره هتعمل ايه وليه مروان عمل كدا
هنعرف
رجاء محدش ينسى الليك