رواية الأعمى
الفصل السابع عشر 17 الجزء الثاني
بقلم ليله عادل
- شقه / مروان 10م
- غرفة مكتبه
مروان يجلس على كنبه يبدو على ملامحه الزعل وضيق يرتدى ملابس خروج تدخل عليه فاطمه
فاطمه : بردو ماشفتهاش
مروان : لا
فاطمه : ما تطلعلها
مروان : اخاف ااذيها بابها صعب انا متاكد انها هتظهر اصل
مستحيل تفضل قاعده فى البيت كل ده
- يطرق الباب بقوه نظرات استغراب متبادله بين مروان فاطمه
مروان. : استنى انا هفتح ... يذهب مروان ويفتح الباب يتفاجأ باميره
مروان : اميره
اميره : مروان كويس انك هنا ..
تدخل للداخل وتقف فى منتصف الراسبشن ...
اميره : احنا لازم نتجوز ها لازم مش هينفع غير كده
مروان : يمسكها من أيدها بفرح ... انتى كنتى فين
اميره : بجديه ... احنا لازم نتجوز النهارده, انا كنت فاكره أن بابا هيستكفى أنه يبعدنا عن بعض اتاري بيظبط لجوازة تانيه, انا مستحيل مستحيل ابقى لحد غيرك
مروان :. براحه بس فهمينى
اميره. : تفهم بعدين, يلا ننزل نشوف اى ماذون فاتح ونتجوز
مروان : اهدى بس , مآذن ازاى فهمينى براحه اللى حصل
اميره : ايوه انت لازم تتجوزنى النهارده بابا مصمم انى اتجوز أكمل عايز نعمل فرح وخطوبه نفس اليوم
مروان : ده مش هيحصل
اميره : منا عشان كده بقولك يلا نتجوز دلوقتى احنا حولنا نفهمه هو مش عايز يفهمه
مروان. : انتى عايزنى اتجوزك من وره اهلك
اميره : هما اللى اطرونا نعمل كدا
مروان : انا هكلمه تانى تعالى بس نقعد
اميره : بنرفزه .. ايه برود إللى انت فيه ده , بقولك بابا مصمم انى اتجوز واحد غيرك وتقولى اقعدى
مروان : خلينا نقعد نفكر
اميره : مافيش تفكير,لان مافيش حل , احنا نتجوز ونقولهم وخلاص بس كدا
مروان : انا مستحيل اتجوزك من وره اهلك مينفعش انتى اتجننتى
اميره. : خلاص بلاش نقولهم أننا اتجوزنا كده وكده
مروان.:بس جنان اقعدى هنا خلينا نتكلم بهدوء
اميره : ليه رافض
مروان : لان مينفعش اتجوزك من وره اهلك وخليهم يزعلوا منك وتخسريهم, انتى بكده بتخسريهم للابد
اميره : هما سبب هما اللى حرمونى منك , مع انهم عارفين قد ايه بحبك,انا كنت فاكره انى لما ابعد عنك بابا هيسبنى فى حالى وهعيش كدا طلع لا , انا حولت معه وماما وكريم بس هو مصمم انت متعرفش بابا بعدين انا مش قادره ابعد عنك اكتر من كدا .... خلاص بص بلاش جواز نقولهم أننا غلطنا سوى وانى حامل منك
مروان : نعم
اميره : وانى اكتشفت انى حامل من يومين ولازم نتجوز
مروان. : يعنى انا رفضت اتجوزك فى الحلال اقوم اقولهم انى غلطت معاكى انتى مجنونه
اميره : يعنى انت نمت معايا بجد ده كدا وكدا, عشان بابا يوافق ونتجوز
مروان : بجديه .. اميره بطلى جنان فى ايه اهدى قولتلك هنلقى حل غير الأفكار مجنونه دى
اميره : بسخريه ونرفزه .. افكار مجنونه طب هتلى بقى فكره عقله
مروان : مش عارف يعنى هنقعد ونفكر
اميره : بسخريه. . نقعد ونفكر انت صح انا ليه متعصبه كدا ومتنرفزه كدا , المفروض اقعد هنا واشربلى كوبايه ليمون ساقعه ,واقولك مروان اسكت هههههه بابا هيجوزنى اكمل, لا ء مره دى بابا حالف عليا لو فكرت انى اقول لأكمل هيبقى يومى اسود وامى هتطلق اولالالا او كيسكليا
مروان :بشده وقوه ..اميره متبدائيش اهدى
اميره : بسخريه .. منا هاديه هههه ايه يا واد البرود ده ونبى قولى بتجيبه منين الوحد نفسه يبقى بارد زيك كدا
مروان : اميره بس واهدى
اميره : بنرفزه .. مش هدى ومش هابس وبطل البرود بتاعك ده شويه بقى, فى ايه
مروان : بحده ..عايزنى اعمل ايه اتجوزك من وره اهلك ويغضبه عليكى. وتخسريهم ولا اقولهم معلش بنتكم اللى وثقته فيها وربتها احسن تربيه .انا نمت معها فاتكثرى ظهر ابوكى و اخوكى , واحترام كل الناس ليكى , عايزنى اوفقك على جنان ده انا ابقى مش راجل لو وفقتك على هبل ده فوقى
اميره : بغضب وسخريه .. انت صح هبل فعلا هو انا مصدومه فيك ليه ما ده طبيعى بتاعك, احسن واحد تهرب وقت الجد فجاه تبقى منطقى وعاقل’ازاى تجوزك وانا اكبر منك بسن , ازاى اتجوزك وانا اعمى ووتتحجج بحجج فارغه ودلوقتى. تقولى اهلك وثقتهم فيكى. يا تمثال الشهامه والرجولة
مروان : بضيق ..اميره ماتستفزنيش
اميره : بسخريه وغضب ..لا ونبى استفز نفسى اشوفلك راكشن واحد عصبى , خدلك موقف و اتعصب ثور ورينى انفعالك كفايه بردو بقى
مروان : بنرفزه ..انتى عايزه ايه دلوقت
اميره : مش عايزه اشوفك وشى تانى. لانى فعلا بكرهك بكرهك وبكره اليوم اللى حبيتك فيه تضربه على صدره عدد ضربات سريعه وهى تبكى
مروان يحاول ان يهديها اهدى بس افهمينى
اميره : مش هدى بجد بكرهك اوعى ( تمشى قليلا)
مروان : بنرفزه شديده وعصبيه وقوه يمسكها من كتفها بشده ويشدها ويقربها اليه حتى يبان على ملامح وجهها انها تتالم من شدد مسكته ..
مروان :بغضب شديد ... تعالى هنا لاء جنان زمان ده تبطليه فهمه , اقعدى واهدى بقى عشان نحل المشكله دى
-يقوم مروان بزق اميره , بقوه شديده على كنبه كادت ان تقع على الارض يمسكها يرفعها الاعلى و يزقها على كنبه وهو غضبان جدا , فاتجلس اميره و تنظر له بستغراب , ثم يجلس بجانبها وينظر لها ويمسح مروان وجه ويحاول ان يهدا كانت اميره تجلس وتنظر له دون ان تتحدث
مروان : يقترب منها ويطبط على كتفها بحنان ..اميره انا اسف انى انفعلت عليكى بشكل ده بس انتى استفزتينى اوى
اميره : مافيش حاجه انت صح متتاسفش يا دكتور
مروان : اميره ارجواكى بلاش طريقتك دى دلوقت بصى انا هروح اعملنا ليمون عشان نهدى ونفكر فى حل فى المصيبه دى
اميره : ماشى
بلفعل ذهب مروان يقوم بعمل ليمون وكان اثناء قيامه بعمل ليمون اميره تفكرثم يقترب منها مروان حامل بايده صنيه بيها ليمون يجلس بجانبها ويبتسم لها يعطها كوبايه اليمون ..
مروان : اشربى
اميره : شكرا تشرب قليلا
مروان : يطبط على رجلها ثم يقبلها من ايدها ..اميره انا اسف حقك عليا متزعلش
اميره: متتاسفش يا مروان انا كنت رخمه واسلوبى كان وحش اوى ومستفزه اوى بس غصب عنى الفتره اللى فاتت كنت تحت ضغط عصبى , انت متعرفش الفتره اللى فاتت كنت بمر بايه ,بابا كان صعب اوى لدرجه انه ضربنى بابا عمره ما عملها فاعشان كدا كنت منفعله جدا , مش عارفه احط كنترول على كلامى
مروان : كان لازم اقدر ده واتحمل انفعالك واهديكى مش انفعل بشكل ده المهم احنا لازم نفكر فى حل
اميره : اه بس انا لازم امشى انا قولتهم هنزل اشترى شويه حاجات من سوبر ماركت اتاخرت , فكر وكلمنى انا هشيل بلوك فكر ورد عليا بس غير بابا لان بابا مافيش امل منه شوف حل تانى , يا دكتور اعتبرنى مريضه جيالك عايزه حل لمشكلتها ... تقف ةتنظر له .... مروان فكر فى علاقتنا يعنى شوف انت صح اختيارك فى محله يعنى احنا كنا مفروض بنحل مشكله اتخنقنا يعنى فكر كدا قرارنا كان سليم يعنى هنبقى حلوين ولاهيطلع كلامهم صح فكر كويس فكر فى علاقتنا عيد تفكيرك
مروان : انا مش هرد عليكى لانى عارف انك تحت ضغط مش مدركه اللى بتقولى
اميره : اممم بس فكر يلا سلام
مروان : استنى هوصلك
اميره : لا انا هروح لوحدى
مروان : بحسم .. مافيش كلام ده هوصلك استنى هجيب مفتاح عربيه
-عربيه مروان ٩م
مروان يقوم بسوقه اميره تجلس بجانبه تنظر من شباك ثم تنظر له
مروان : ينظر مروان لها بابتسامه يمسك ايده يقبلها .. حياتى انتى
تنظر اميره لها ببتسامه ذائقه دون كلام
عند وصلهم عند العماره
اميره : هكلمك
مروان : هستناكى اميره
اميره : اممم
مروان : انا مش محتاج افكر ,واعيد حسابتى انا واثق فى القرار الصح اللى اخته تنظر اميره له وتبتسم ثم تنزل من عربيه تدخل داخل العماره ثم يقوم مروان بسواقه
شقه اميره ١٠م
الاب والام واخواتها يجلسوان براسبشن يتحدثوان وثم تفتح اميره الباب بلمفتاح ومها اكياس حلوه وتدخل
اميره : السلام عليكم تجلس على الكنبه بجانب كريم
فريده وكريم : عليكم السلام
خالد : كنتى فين
اميره : كنت بشترى شويه حاجات من سوبر ماركت انا هدخل انام ماما
فريده : مش هتتعشى
اميره : تو مش جعانه
كريم : دى بيتزا
اميره : مش قادره والله يلا تصبحوا على خير
تدخل اميره غرفته نومها
كريم : شكلها تعبان اوى متكتبلها يا بابا على اى فتامين ولاه مكمل غذئى
خالد: مش محتاجه فتامين محتاج تروح العباسيه انا هدخل انام عندى عمليات الصبح وانت قوم روح عشان متتاخرش على مراتك
كريم : ايه يا فريد سكته ليه
فريده : عايزنى اقول ايه طيب ابوك مش هيبطل اللى بيعمله غير لما اختك تقع قصاده
- شقه منير11م
الراسبشن مروان يجلس على كنبه ومنير امامه على كرسى يتحدثوان
مروان : ها انا غلطت فى حاجه قولى بقا كنت وفقت على جننها ده
منير : لا مره دى انت صح اميره اتصرفت غلط بس كان ممكن
مروان : كان ممكن ايه يا منير , كان ممكن ايه , انا لو كنت بصتلها بصه واحد كنت هوافق , كنت هضعف , منير انا بقيت ضعيف معها عن الاول يمكن عشان بقيت شيفها او لانى بحت بالى بقلبى مش عارف كل اللى اعرفه انى مش بقيت بعرف اقولها لا
منير : المهم انكم اتصلحتم
مروان : مفروض بس كلام اللى قالته فى الاخر ده معرفش بتفكر ازاى
منير : هما ستاتت كلهم كدا لما بيتعصبه بيبقوا قنبله النكدا يدور على اى حاجه يعمل عليها مشكله المهم انت لازم تفكر فى حل
مروان : امال انا جيلك ليه
منير : هى مالهاش عم او كبير عائله اى حد يقف ابوها اللى عامل زى الثور الهيج ده
مروان : اه عندها اعمام بس ابوها الكبير
منير : وجدتها اللى بدبى دى
مروان : معرفش تقدره تغيره تفكيره ولا لا اكيد لو تقدر كانت اميره دخلتها من زمان , دماغى هتتشل من تفكير
منير : روق كدا و تعال نتعشى لبنى عامله مسقعه بلحمه المفروض ناكل نحبس بشاى نقعد نتكتك سوى
مروان : ماليش نفس
منير : تعال بس متبقاش رخم
مروان : لا انا همشى سلام
يخرج مروان ويغلق الباب
سياره مروان 12 م
يقوم مروان بسوقه يبدو على ملامحه الضيق والحزن ثم يركن سيارته بجانب الطريق يرجع راسه للخلف ويفكر ثم ينظر بعينه الى مدليا المتعلقه بمريا يمسكها ويبتسم
(مشهد فلاش باك)
اميره تجلس بداخل سياره مروان تنتظره بعد قليل يد خل مروان السياره
مروان : اتاخرت عليكى
اميره : تو .. تمسك الميداليا.. ها مش ملاحظ حاجه
مروان : ينظر لها .. لا ملاحظ جميله
اميره : عشان كل متركب العربيه تفتكرنى
مروان : مش محتاج انتى بالى وبقلبى على طول
ثم يتذكر مواقف اخرلاميره وهى بداخل السياره وفتحه التبلوا وتضع فيه قلم روج برفان وفرشه شعرها ومروان يجلس بجانبها ينظر لها بستغراب
مروان : دى عربيتى على فكره
اميره : واخده بالى
مروان : طب يعنى ايه ده
ميره : عشان لو فى اى وحده ركبت معاك تعرف انك مربوط بيا
مروان : هههههه مربوط بيكى
اميره : عندك اعتراض
مروان : انا اقدر بعدين انتى مش محتاجه تعملى كدا انا بقدراوقف كل وحده عند حدها ...يقبلها من ايدها
اميره : بردو هحطهم
مروان ببتسامه : ماشى ياستى العربيه وصاحب العربيه ملك ايدك وتحت امرك
(نرجع مره اخره لمشهد لمروان هو فى سيارته يمسك الفرشه يتحدث الحرب دى حربى لازم اكسبها يضع الفرشه بداخل التبلو ويسوق السياره )
شقه اميره 1 ص
غرفه اميره
اميره تجلس على السرير تفكر ثم تمسك هاتفها تبداء ان تتصفح صورها مع مروان هى تبتسم وبعد دقائق يرن تليفونها متصل اكمل
اكمل : نمتى
اميره : لا عامل ايه
اكمل الحمد الله وانتى
اميره تمام
اكمل : كنت عايز اتكلم معاكى شويه فاضيه نتقابل بكره
اميره : خليها بعدو لانى بكره عندى محاضرت بجامعه
اكمل : ماشى طب ساعه 2 كدا فى نادى ينسابك
اميره : هنبقا مع بعض على فون
اكمل :تمام سلام
اميره : سلام
بعد ان تغلق اميره هاتفها تقوم بفتح صفحه الفيس خاصه باكمل تنظر الى صوره بابتسامه ثم تخرج تدخل تنظر الى صور مروان بابتسامه اكتر ثم تقول لا انت اطعم واحلى بس لو دماغك دى مش نشفه وبارد كنت هتبقى اعسل ماانت عسل هيييح ثم يرن هاتفها متصل عشقم (مروان )
اميره : مصدقت افك بلوك ده مكملتش ثوانى
مروان : وحشتينى
اميره : وانت كمان ما تفتح كام كدا
مروان : يلا ايه قمر ده
اميره :لسه كنت بتغزل بصورك قبل مترن بقولك ايه وانت طالع عسل لماما ولاموز لبابا
مروان هههههههههه والله واخد عيوان ماما وملامح بابا
اميره : يييا كان نفسى يبقوا عايشين عشان اشكرهم على مكس جامد ده ايه ده
مروان : فى ايه
اميره : هات الكاميرا يمين شويه شويه كمان فوق بقى ( تجد صوره لها على حائط ) ايه ده معرفش انك حاطت صورتى فى اوضه نومك
مروان : مش دى بس يقوم يقف يقترب من الحائط الامامى للسرير تجد به برواز على صور اميره بطول كبيره ...عشان اول فتح عينى وغمضها مشفش غيرك
اميره : ده انت مغرم بقى
مروان : يغنلها مغرم ياليل يا ليلى مغرم ياليلى بسهر ليل مغرم يا ليل يا ليلى مغرم وقلبى مايل ميل ميل لقمرى وغنى له وقمرى مش واخد باله ماحلى القمر مااحلى جماله فى كل ليلة بشوفه جميل يا ليلى
اميره .. تسقف له لالالا مقدرش على كدا كمان بتغنيلى
مروان : بحبك
اميره : وانا بموت فيك
احد شوارع القاهره بلمعادى٤م
اميره تجلس على سيارتها امام احد السيارت التى تقوم بعمل القهوه بعد قليل يدخل عليها مروان بسيارته يركنها ينزل منها ويقترب منها
مروان : بابتسامه اتاخرت
اميره : تو
مروان : ينظر حوليه حلوه مكان عرفتيه منين
اميره : استنى لما تدوق قهوه بعتهم كمان هتعجبك
مروان : اجبلك معايا
اميره :لا خانتك وشربت مقدرتش اقوم الريحه
مروان : ماشى يا خاينه .. يقوم مروان بشراء القهوه من عربيه ثم يرجع حامل بايده كوب القهوه يقف بجوار اميره وهى تجلس على عربيتها
اميره : ها فكرت فى حل
مروان :والله مانمتش من كتر تفكير
اميره : ووصلت الايه
مروان : لسه موصلتش
اميره : اعترف وقول مالقتش غير حلولى هى اللى تنفع
مروان : مش هتجوزك من ورا اهلك يا اميره
اميره : احسن بردو
مروان : فى مليون حل غير الحلول دى
اميره : اهتلى حل واحد من المليون دول
مروان: حاضر يومين بس
اميره : طيب بقولك ايه رايك ايه بقهوه
مروان : فعلا حلوه عرفتى مكان ده منين يا اروبه
اميره : ادهم
مروان : انتى بتخرجى مع ادهم
اميره : يعنى مرتين فى الفتره اللى كنا مش بنكلم بعض فيها
مروان بنرفزه : اممم يعنى انا كنت هموت عليكى وهتجنن واعرف اخبارك وانتى دارى تتسرمحيلى مع ادهم
اميره : انت بتزعق ليه وايه تسرمحى دى
مروان: بجديه انا لسه مزعقتش
اميره : مروان واطى صوتك للمره الف بقولك محبش حد يعلى صوته عليا ولا بحب الاسلوب ده بكلام
مروان: بنرفزه .. والمفروض احتفل ولا اقولك ايه ده بجد مش كنتى تاخدينى معاكى والله مكنتش هعمل داوشه
اميره : تصدق انا غلطانه انى بقولك على حقيقه
مروان : انتى عايزه تكدبى كمان
اميره : تنزل من عربيتها .. هو انت ليه كل حاجه بعملها غلط تزعق يعنى مفروض انك راجل ودكتور , واكبر منى بسن بفرق كبير وعندك خبره , ممكن تفهمنى غلطى بطريق افضل من كدا يعنى انا شايفه رد فعلك زى رد فعل شاب مراهق اصغر منى , مش انسان عاقل خالص
مروان : والله لو انا مكانك وخرجت هتعملى ايه
اميره : لو عارفه ان فى اصحاب مشتركين هسالك كانو معاكم او خرجت ليه هفهم بعدين هحكم مش ههجمك على طول وزعق
مروان : اسف انا راجل مقدرش اخد الموضوع بلبساطه دى , ومقبلش ابدا ان حببتى اللى هتبقا مراتى تخرج مع واحد , وكمان كان جوزها وبيحبها وهى متاكده انه وعايز يرجعلها
اميره : انت كل حاجه بتاخده بشكل مش بسيط يا مروان , وبجد انا زهقت قرفت من علاقه اللى كلها نكد دى
مروان : انا بقول نمشى احسن
اميره : احسن
تركب اميره سيارتها وهى مدايقه جدا تسوق وتغادر ينظر مروان لها ثم يركب سيارته يغادر
النادى المعادى ٢ م
اميره تجلس مع اكمل على احد الترابيزات وعلى ترابيزاه فنجاين قهوة واكمل يدخن سجائر
اميره : ها مش هتقول ايه الموضوع
اكمل : اناعايز اتجوزك
اميره : تتجوزنى
اكمل : مستغربه ليه كدا
اميره : يعنى اصل الجواز ده مسؤليه مفروض اى اتنين يبقا بنهم
اكمل: حب
اميره : مش حب بس على لاقل فى بنهم تناغم كميا بعدين ياخده قرار الجواز ده
اكمل :اكيد هيكون فيه فتره خطوبه
اميره : بص انا حبيت اوى انك جبت من الاخر قولت انت عايز منى ايه , انا كمان هجبلك من الاخر وقولتك انا يسعدنى جدا اننا نكون سوى بس انا فعلا عمرى مشفتك غير اخ , انا اسفه يا اكمل بس فعلا انا عمرى مشفتك ولا هشوفك غير اكمل اخويا
اكمل : فى حد تانى
اميره : مش ده سبب انا حاليا كل تركيزى فى شغلى والدكتوره عايزه احقق هدفى يكون عندى عيادى باسمى واكون من اهم محللين نفسيا فى مصر وبصراحه كما انا فى علاقه مشوشانى
اكمل : مشوشكى
اميره : اه يعنى انا وهو مختلفين بحاجات كتير اوى وده بيسبب زعل بنا
اكمل : حد اعرفه
اميره : مش مهم بس الكلام ده بنا اكمل ممكن الكلام ده يكون بنا يعنى متقولش لبابا قوله انك لما فكرت كويس لقتنا مش مناسبين
اكمل : مافيش مشكله يعنى اقطع الامل
اميره : هومافيش امل من الاساس عشان تقطعه
يدخل عليهم مروان حامل بايده بوكيه ورد
مروان : مساء الخير
اكمل : مساء الخير دكتور مروان اتفضل
مروان : مش عايز ازعجكم
اميره : مافيش ازعاج يا دكتور
مروان : ميرسى انا هقعد لحد الشخص اللى مستنى ياجى
اكمل : هتنورنا
مروان : وانت عامل ايه يا اكمل مشفتكش من وقت ما كنا بسينا تقريبا
اكمل : ده صحيح حضرتك عارف شغلى , ده انا بقالى شهرين والله ماخدتش اجازه
مروان : ربنا معاك
اكمل شكرا .. يقف طب يا ميرو همشى انا اعتقد اتكلمنا بكل شى
اميره : خد بالك من نفسك اوعى تزعل
اكمل : يطب على شعرها ازعل ايه انتى مجنونه عادى وانا عند وعدى ليكى سلام ..سلام يا دكتور امبسط انى شفتك
مروان : يقف مروان ويصفحه وانا كمان
اكمل : سلام
مرون : يجلس ينظر لاميره مافيش فايده فيكى
اميره : ايه ممنوع كمان مقعدش مع اكمل
مروان ايو ممنوع
اميره : بنرفزه خفيفه .. انت مش من حقك تقولى تقعدى مع مين ومتقعديش مع مين عارف انا غلط زمان لما تهونت معاك واعطيتك حق مش من حقك , بابا بس هو اللى يقولى تقعدى مع مين ومتقعديش مع مين انت فاهم
مروان : لامن حقى
اميره : مش من حقك مش من حقك اى حاجه
مروان : والله
اميره : اه والله
مروان : بشده انا مش عايز اعالى صوتى..هو مش الشخص ده اللى ولدك حلف على ولدتك بطلاق وضربك وغصب عليكى تتجوزيه وجيتيلى منهار بليل عشان اتجوزك مش هو ده , وعادى قاعده معه عادى
اميره :ايوه بس ( قبل ان تكمل كلامها)
مروان : بغضب .. بس ايه انا حسيت انى زعلتك قولت اجاى اصلحك تعملى كدا اخلص من ادهم يطلعلى اكمل , بعدين انا عمرى مدخلت نفسى بحياتك ولاقولتك تقعدى مع مين , بس ادهم او اكمل مينفعش يبقى بينك وبنهم اى كلام طلما حضرتك فى راجل فى حياتك , مافيش راجل بيسمح بده هما لو مكانى كان رد فعل كل واحد فيهم اعنف منى الف مره , فى ايه لازم تعرفى ان اللى بتعملى غلط تعالى تعالى نوقف اى حد ونحكيله هيقولى انت ليك الجنه انك قابل بلوضع ده , انا فعلا غلطت لما سكت وكنت بعديهالك من غير ماخد موقف صريح
اميره : طيب لعلمك بقا اكمل قبلته عشان انهى معه كل شى , لان اكمل الوحيد اللى هيوقف قرار بابا والرجل رحب جدا ووعدنى انه هينهى كل شى , بس انت لازم تزعق لازم تتعصب بتقول عليا انا اللى مندفعه ومجنونه ماشاء الله على العقل بتاعك , فعلا انا لازم اعيد حسابتى من تانى لان كدا كتير كتير اوى .... تتركه وتمشى
شقه اميره 8م
غرفة مكتب خالد خالد يجلس على كنبه يتحدث فى هاتفه
خالد: خالص هنستنكم بكره على الغدا مع سلامه يغلق التليفون ويخرج خارج مكتب لراسبشن ويقف بقرب من كنبه
خالد : فريده طه هياجى بكره انا عزمتهم على الغدا
كريم : بابا انت استعجلت
فريد: كريم اللى بابا شايفه صح يعمله هو اضرا باللى بيعمله
خالد : من امتى العقل ده كله
فريده : من النهارده انت حر فى قرارك منك لبنتك انا ماليش دعوة طه ميهمنيش فى شى هو صحبك انت , بس فى حاجه صغيره احب انك تاخد بالك منها كويس اكمل مش ادهم ولا طه زى اهل ادهم هيسكته ,والموضوع هايعدى بهدواء ولا اميره هتخضعلك وتوافق لان مروان حبها وحس بيها وبنتك هتحارب عشان تحافظ على مروان
خالد : وانا عندى بنتى تموت ولا تتجوز مروان ثم يتركها ويخرج خارج الراسبشن
مركز مروان 9 ص
عند الاسنسير كانت تقف اميره تنظر الاسنسير ومعها شهد ثم يقف مروان بجانبهم
مروان : صباح الخير يا دكاتره
اميره وشهد : صباح النور
مروان : بهتمام .. عامله ايه يا شهد لسه تعبانه
شهد : الحمد الله احسن
مروان : اتفضلوا
يقف الثلاثه فى الاسنسير ويتحدثوان
مروان : شهد
شهد : افندم
مروان : لو فاضيه تعالى نشرب قهوه سوى نتكلم مع بعض شويه
شهد : اه فاضيه
يقف الاسنسير ويخرجه للخارج لكن تقف اميره تنظر لهم بتعجب
مروان: يلتفت لها وبمكر دكتوره مش معانا ولا ايه ... لكن اميره سرحانه لا تجيبه يقترب منها .. اميره
اميره : ايوه
مروان : روحتى فين مافطرتيش ولا ايه
اميره : اه معلش مخدش بالى اسفه عن اذنكم
مروان : رايحه فين
اميره : مكتبى مش عايزه اعطلكم .. تتركه اميره وتدخل داخل تقفل باب بشده
شهد : تقترب من مروان .. دكتور مش هندخل المكتب
مروان : يلا
مكتب مروان
يجلس مروان على كرسى مكتبه وشهد امامه
مروان انا كلمتلك دكتور تميم ممكن ترحيله النهارده على 1 كدا فى جامعه
شهد : شكرا يا دكتور جدا
مروان : ها قولى بقى ناويا تعملى الرساله فى ايه
شهد : هقولك
مكتب اميره
تجلس اميره فى مكتبها تفكر مستغربه من طريقه مروان معها ثم تتحدث بصوت
اميره : يعنى مبارح ميردش عليا والنهارده يتعامل انى هو يعنى غلطان ومقموص ماشى يا مروان
شقه نور 4م
تجلس نور واميره على كنبه الراسبشن يتحداثون
اميره : عايزه اصلحه
نور : هو مش بيرد عليكى من وقتها
اميره : تو بيسمع الرسايل مش بيرد حتى بقى بيتعامل معايا بحدود فى مركز ولا هزار نافع ولا برومانسية مره دى قافش جامد
نور : هو حقه بصراحه يزعل بس مفروض يرد عليكى ايه شغل العيال ده بيتنك على ايه ده , طب ماتروحيله البيت
اميره : روحت مكنش هناك بس انا حاسه انه كان هناك ورفض يقبلنى
نور : بقولك ايه سيبك منه انتى قدرتيه وكلمتيه بدل مره عشره خالص , بعدين بقولك مفروض تنسى خالص , بابا خالد قفلها انتى عامله تجرى وره كدا ليه , كدا احسن عشان تعرفى تنسى لانكم مستحيل تبقى لبعض ,وبصراحه احسن هو مينسبكيش روحى اتجوزى واحد قدك تستمتعى معه مش رايحه تتجوزيلى واحد قد ابوكى وبعد سنه ميقدرش يشيلك من الغضروف
اميره : بضيق وبصوت مخنوق بدل متقوليلى ان شاء الله هتتحل وتدينى طاقه ايجابيه وتقفى جنبى وانا كل حاجه بتتحطم قدامى , انتى كمان بتتخلى , كلكم بتتخلى عنى كدا ليه تصدقى انا غلطانه انى باخد رايك فى حاجه ولوسمحتى متتكلميش عن مروان كدا تانى ماشى
نور : بتزعقيلى عشان مروان
اميره : بدموع ..لا عشان انتى كمان بتتغيرى اتغيرتى يا صحبتى تقف تنظر لها عن اذنك
♥️__ليلةعادل___♥️
سياره اميره 6م
تجلس اميره بسيارته امام عماره مروان تقوم بلاتصال
اميره : الو ازيك يا استاذ منير
منير : عامله ايه يا مجنونه
اميره :لا مارو بس اللى يقولى كدا هو مروان فين
منير : معايا بس انا بعيد شويه
اميره : حلو ممكن تدينى العنوان اصلى عايزه اصلحه هو سايق الدلال على ميرو هتساعدنى ولا هتقف جنب صحبك
منير : اكيد بس خدى بالك معانا ناس غريبه خليكى على الهادى لان مروان مضايق منك اوى
اميره : حاضر متقلقش
احد المطاعم داخل احدى البواخر النيليه 5م
يجلس مروان ومنير واصدقاء مروان يبدو على ملامح وجههم السعاده مع الاستماع الى ضحكتهم تدخل عليهم اميره وهى ترتدى فستان بسيط لكنه جميل ومعها شنطه هدايا تنظر لهم بستغراب
اميره : دكتور مروان ازى حضرتك ايه الصدفه الجميله دى تنظر امامها اسفه مساء الخير
منير : عامله ايه يا دكتور ايه الصدفه جميله دى
اميره : ميرسى دكتور ممكن كلمه
مروان : حاضر
يسير مروان واميره حتى يصلون الى سور الباخره ثم يقفون وجه لوجه
اميره : بابتسامه كل ده زعل انا مقدرش بعدين مش وقت انك تاخد موقف يعنى نحل مصيبه اللى احنا فيه بعدين ازعل وتقمص براحتك
مروان : بجديه وجمود انتى شايفه ان ده مكانه ووقته
اميره: اعمل ايه ما انت مش بترد عليا حتى جتلك مرتين البيت مكنتش موجود
مروان : طيب امشى دلوقتى و هانتكلم بعدين مينفعش الكلام هنا يومين اكون هديت هتصل بيكى لوحدى
اميره : مروان بلاش كدا انا تعبانه لوحدى , كل حاجه حوليا بتفكك علاقتى باهلى علاقتى باصحابى , علاقتى بنفسى , كل حاجه بتتهد , العلاقه الوحيده اللى لسه زى ما هى ومتشعبته فيه بكل ما تبقى ليا قوه هى علاقتى بيك , بلاش تعمل فيا كدا دلوقت ارجوك انا محتجالك جنبى
مروان : انتى اللى بتعملى فيا مش انا , وانا مش هسامح يا اميره وعدى زى زمان ببساطه لانى لما عملت كدا انتى تدستى على رجلتى وكرامتى وتمديتى فيها
اميره : انا جايه وبقولك انا اسفه بعدين اعملك ايه قولتك مليون مره ادهم هيفضل فى حياتنا بابا بيحبه واكمل خلاص انتهى هو طلع محترم ووعدنى هينهى كل شى مع بابا , كدا فاضل انه يوافق , وانا بقولك مستحيل ,تعال نعمل اللى قولتك عليه لان مافيش حل غيرو
مروان : اميره روحى وانا لما ابقى اهدى هبقى اكلمك
اميره :بدموع وكسره تنظرله لما اقسى عليك اوعى تقولى قسيتى ليه , لانك قسيت عليا فى الوقت اللى انا بنهارفيه , سبت ايدى فى الوقت اللى الكل بيتخلى عنى فيه تمسح دموعها انا جتلك وقدرتك و كلمتك كتير بس كبرياء دكتور مروان اكبر منه واكبر من حبه , واضح انك واخد الموضوع بشكل شخصى تمسح دموعها انا اسفه لو اخدتك من اصحابك عن ازنك
تتركه وترحل يمسح مروان وجه ينظر على الارض يجد شنطه التى كانت تمسكها اميره يمسكها ويفتحها يجد بروز فارغ يجد بيه كارت مكتوب بيه حبيت اعيد الذكرايات انا لحبيبى وحبيبى الى فاكر انا متاكده ان البروز ده هيبقى فى صوره فرحنا بوعدك بحبك انا اسفه يسمح مروان وجه يقوم بنداء عليها
مروان : اميره
تلفت لها اميره يتبادلون النظرات ثم يجروان على بعض ويضمها بشده يقبلها من جيبينها ويضع راسها على صدره ويطبطب على شعرها وينظر لها ويمسح دموعها
مروان : متعيطيش دموعك اغلى منى مقدرش اشوفك دموعك مقدرش اتحمل احاسس انى سبب فى نزلهم يقبلها من ايدها
اميره : انا كمان مقدرش اتحمل فكرت انك زعلان منى ولا الطريقه اللى كنت بتعملنى بيها صدقنى انت فهمت غلط
مروان : يضع اصابع يده على شفايفها ..هشش خلاص انسى هروح اعتذر منهم وجيلك ماشى
♥️__ليلةعادل___♥️
شقه مروان 6م
يدخل مروان واميره الشقه وهما يمسكون يد بعضهم حتى يصلون الى الراسبشن ويجلسون على كنبه
اميره : امال فاطمه فين
مروان : مسافره البلد بنت اختها بتتجوز
اميره : يعنى لما جتلك اول مبارح فعلا مكنش حد هنا
مروان : امممم
اميره : وانا كنت فاكره انك مش عايز تفتحلى الباب
مرروان : انا زعلان بس مش للدرجه دى
اميره : عشان كدا كنت بتتعامل معايا بجفاء , انا مخنوق اوى اتخنقت مع نور او بلمعنى الادق هى كمان بدات تتخلى كل بيخذلنى فيه مافيش حد واقف جنبى حتى ماما سلبيه مش قادره تقف بوش بابا بس انا عذرها اكيد مش هتخرب بيتها عشانى خصوصا انى بابا صعب بس نور ليه تعمل كدا عشان كدا مش عايزك تقسى عليا انت كمان كفايه الدنيا كلها قسيه عليا انت الحاجه الحلوه اللى مصبرانى على الدنيا دى
مروان : يضع ايده على خدها.. مقدرش اقسى عليكى
اميره : مارو متوفق بقى والله العظيم مافى حل تانى اقنعى ليه مش موافق
مروان : ممكن متفتحيش الموضوع ده تانى لانى مافيش حاجه هتخلينى اغير راى
اميره : تبقى بهدواء فهمنى ليه
مروان : هتخسرى اهلك مقدرش اكون سبب فى ده
اميره : ما هو مافيش حل تانى اكيد هيتفهمه ده عشان خاطرى وافق طب نتجوزعلى ورق بس ها قول ماشى
مروان ابوس ايدك ساعدينى انى مضعفش ساعدينى افضل محافظ على وعدى مع ولدتك اميره انتى حاجه كبيره اوى عندى مينفعش معاكى اى حاجه غلط مينفعش معاكى اى حاجه فى ضلمه انتى ليكى النور مينفعش انتى يتعمل معاكى كدا ابوس ايدك ما تتغطيش عليا لانى مش عارف لحد امتى اقدر على المقاومه
اميره : حقيقى مش عارفه اقولك ايه انا لازم امشى
مروان : هتزعلى
اميره : نبره حزن وياس لا مزعلتش بطلت ازعل اعملوا اللى تعملهوا بقى ,انا تعبت حرفيا
مروان :يضع يده الاثنين على وجهها ..اميره انا بحبك بحبك اوى رافضى ده خوف عليكى والله
اميره : انا عارفه بس اعمل ايه تعبت مش لقيا حل غيرو
مروان : بصى نرجع من المؤتمر وانا هحسم الامر ده بوعدك بس تعالى هنا ايه الهديه جميله دى
اميره : بعدلك ذكريات زمان بما انك رجعت تتعامل معايا زى زمان يابو قلب جامد
مروان :انا قلبى جامد ميقدرش طب مافيش حاجه حلو تانى كدا
اميره لافى فى امبارح ماما كانت مشغله الراديو سمعت غنيه كنت بسمعهالك زمان يا ابو قلب حجر استنى هسمعهالك
(تفتح هاتفها تشغل اغنيه محمد فوزى تملى بقلبى يا حبيبى )
تملي في قلبي يا حبيبي وأنا غايب بعيد عنك تملي ولا أنت داري بي وأنا بشكي إليك منك
تملي في قلبي يا حبيبي وأنا غايب بعيد عنك تملي ولا أنت داري بي وأنا بشكي إليك منك
انا بشكي اليك منك ياحبيبي يا ساكن في الهوي قلبي وساكن في الديار جاري
جمالك كل يوم جنبي آسرني وأنت مش داري معاك بعينيا وكفايه تنور ليا دنيايا
أنا بشكي إليك منك يا حـبيبي ثم توقف اميره الاغنيه
مروان قفلتها ليه
اميره : ركز اوى فى الكوبليه الجاى عشان انا كنت بنهار عياط لما بسمعه
مروان : حاضر
تقوم اميره بتشغيل الاغنيه مره اخرى
ياريت أخطر في أحلامك واشاغلك واشغلك مره <ياريت تلمحني أيامك واعيش فيها لو نظر, ياريت أخطر علي قلبك ولو تكرهني وأحبك أنا بشكي إليك منك يا حبيبي
مروان : انتى مش بس بتخطرى على قلبى انتى سرقه قلبى منى سرقه روحى وحياتى منى شغلى بالى وتفكير فى كل لحظه يقبلها من خدها ينظر لها بحب يتبدلوان النظرات بحب ثم يقبلها مروان من شفيفها برقه ونعومه ويتبادلون القبله ثم يبتعد مروان ببطى عن شفيفها ببطى ينظر مروان لاميره ويضع جبيبنه على جبنها ويضع يده الاتنين على خدها مع الاستماع الى صوت دقاق قلب اميره ونظرتها الخجوله له ثم تبداء ان تتحدث انا لازم امشى
مروان : ماشى يبتعد عنها يلا عشان اوصلك
اميره : خليك عربيه بتعتى معايا
مروان : اسمعى الكلام
اميره : حاضر
سياره اميره
تقوم اميره بسوقه مروان بجورها
اميره : هترجع ازاى
مروان : اوبر
اميره : اوك
شقه خالد 4م
غرفه السفره الجميع على السفره يتناولوان الغداء واهل اكمل على سفره واكل على لون وعلى ملامحهم السعاده
طه: سفرا دايما
خالد : متكلم اكلك هتعمل مكسوف
منى : ده بتنا يا خالد تسلم ايدك يا فريده طول عمرك نفسك جميل
♥️__ليلةعادل___♥️
الراسبشن 6م
تجلس اميره والاب والام فى الراسبشن بعد مغادره عائله اكمل
خالد : غريبه مفتحوش معايا الموضوع مع انهم عارفين ان النهارده كنت هنحدد ميعاد خطوبه اميره انتى اتكلمتى مع اكمل فى حاجه
اميره : لا مشفتهوش خالص
خالد : وانتى يا فريده
فريده :هو انا قدك عشان اتكلم معهم فى حاجه
خالد : غريبه
فريده : ولا غريبه ولا حاجه اسال طه وفتح معه انت الموضوع
خالد : انا لا يمكن اقلل من بنتى اللى عايز بنتى لازم يتشقلب عشان ياخدها
اميره : بابا لو سمحت كفايه انا مش عايز اكمل هتجوزنى غصب عنى
خالد : انتى بتعلى صوتك عليا يابنت
اميره : انا اسفه بس حضرتك بتظلمنى وعايزنى اظلم اكمل مش كفايه عذاب الضمير اللى بحسه كل مره بشوف فيها ادهم
خالد : مره اللى فاتت كان قلم ولو فتحت بوقك بكلمه تانى صدقينى هتندمى بعدين هو انا مش قولت مافيش شغل تانى فى المركز
اميره : انا سبت مركز وشغلت بمركز تانى تابع للجامعه
خالد : لو طلعتى بتكدبى عليا متلوميش الا نفسك
غرفه اميره
اميره تنام على سرير ثم تدخل عليها فريده تجلس على كرسى امامها
فريده : اميره انتى نمتى
اميره : تفتح عينها لا لسه لو مكنتيش دخلتى الاوضه كنت نمت فى حاجه
فريده : اللى كنتى بتقولى برا لخالد ده مينفعش ابوكى مينفعش معه التحوير
اميره :تجلس ترجع شعرها لورا ...طب اعمل ايه قوليلى مقدرش اسيب شغلى
فريده : خدى اجازه طويله وفهمى مروان لان خالد لو عرف انتى عارفه ممكن يعمل ايه
اميره :متخافيش انا فعلا بروح مركز تانى بدى فيه حصص تدريبيه لو سال هيلقى جدولى واسمى انا مرتبها متقلقيش
فريده : مش ملحظه ان فى حاجه غلط النهارده طه متكلمش مع خالد
اميره : ولا غريبه ولا حاجه
فريده : ازاى ده اكمل كان بيلح على خطوبه كل شويه
اميره : اه ده قبل ماقبله
فريده : انتى كلمته
اميره اه قولته انى رافضه وانه اخ ليا ووعدنى انه مش هيقول لبابا وان الرافض من عنده وانه شافنا مش مناسبين
فريده : ازاى متقوليليش
اميره : معلش يا ماما اصل كان فى موضوع شغلى تفكيرى فتره اللى فاتت
فريده : ماشى يا حبيبتى ربنا يهديلك الاحوال تصبحى على خير
اميره : وانتى بخير
تخرج الام وتغلق الباب
♥️__ليلةعادل___♥️
- مركز د كتور مروان 10 ص
شهد تجلس على مكتبها تكتب فى الاوراق واضح عليها التركيز ثم تدخل عليها شرين تمسك بايدها قهوه
شرين ببتسامه : صباح الخير يا شهد
شهد بهتمام : صباح النور ازيك يا دكتور
شرين : جبتلك قهوه معايا (تعطها قهوه ) يعنى بقالى شهر مش بشوفك
شهد تقف:جت بوقتها شكرا اصل من وقت ما اميره مابقتش تاجى وشغل فوق راسى
شرين : هى قدمت استقالتها
شهد : معرفش
شرين تجلس : انا قولت دى بنت لاعبيه محدش صدقنى مهم دى فرصتك بقى
شهد : هى تعبانه جدا الفتره دى عشان كدا دكتور مروان اعطها اجازه مفتوحه بس حضرتك تقصدى ايه استغل فرصه
شرين : انا قولت عليكى دماغك كبيره وزكيه كدا هتخلينى ازعل منك
شهد :ازاى
شرين : يعنى مافيش مانع انك تاخد مكتبها ده (تشاور بايدها ) واحده بشطرتك وحلوتك لازم مكانها يبقا كبير ويلق باسمها لازم تثبتى لمروان انك قد المكانة اللى حطك فيها , ده اختبار ولازم تنجحى فيه بردو ممكن مش بس تاخدى مكان المكتب ممكن قلب
شهد : بتعجب ..القلب
شرين : ليه لا انتى زى القمر الف واحد يتمناكى بعدين مروان دلوقتى محتاج حد جنبه ينسيه احزانه ادخليله من حته دى اى راجل فى دنيا لما يلقى ست حلوه بتهتم بيه ووقفه جنبها بيحبها
شهد : متاخذنيش بسؤال اشمعنا انا ما فى احسن منى كتير هنا
شرين : بلؤم .. حبيبتك مش عارفه ليه من اول مشفتك دخلتى قلبى على طول اصلك بتفكرينى بيا زمان وانا قدك بعدين قولتك انتى انسب واحده لمروان بكره هتقولى شيرى قالت عموما ده اقتراح المهم عندى تبقى نجمه بشغلك انا هقوم عندى محاضره
تجلس شهد تفكر فى كلام شرين تسرح قليلا وتبتسم
نادى الظباط 4 م
داخل قاعه البولينج تلعب اميره البولينج لكن اثناء دخول ادهم القاعه يشاهدها يسير نحوها ليتحدث معها
ادهم : اخدتى على مكان هنا
اميره و:هى تلعب هههه جدا بيخرج طاقه فظيعه
ادهم : ازاى
اميره : اصلى بتخيل الاشكال اللى فى حياتى اللى مديقنى مكان عرائس بلولينج بعدين اروح حدفهم بلكوره بدماغهم شعور جميل
ادهم : ههههههههههههههه ياستى قوليلى مين مدايقك وانا اعلقه
اميره : والله يا حضره الظابط الدنيا كلها مزعلانى
ادهم : اكيد عشان موضوع جوازك من اكمل
اميره :عرفت منين
ادهم : نور قالتلى ان دكتور خالد غاصب عليكى
اميره : بس واضح انك مسمعتش الاخبار الجديده
ادهم : خير
اميره : اتكلمت مع اكمل ونهيت كل شى بصراحه طلع جدع وقال لبابا اننا مش منسبين
ادهم : هو شكله محترم
اميره :جدا انا بصراحه حرمت بعد اللى حصل معاك اتعلمت من اخطائى
ادهم :تعرفى برغم كل ده لسه بحبك
اميره : ادهم وحياتى عندك بلاش نفتح الجرح
ادهم : الجرح لسه مفتوح كنت فاكره اتقفل بس بعد ما نور حكاتلى على موضوع جوزك لقيتنى مخنوق , نفسى ماتحاش اتاكد انى لسه بحبك , بس مش عايز اتجوزك اصلى بصراحه يعنى كل ما بص بعينك بشوف مروان ..حتى نفسك دقات قلبك بين كل دقه ودقه اسم مروان اكيد انا مش حط نفسى بلموقف ده تانى بس مش هنكر انك غاليا اوى عندى وانا بحبك
اميره : ارجوك بلاش كلام ده
ادهم : ليه عشان مروان
اميره : ادهم انت اجمل قلب صدفته بحياتى . ادهم انا بحبك بحبك جدا وانت غالى عاليا عارف انا و مروان اتخنقنا سوى كتير بسبك لانه شايف انى مينفعش بنا يبقا فى اى تعامل, بس انا مش عارفه ابطل اكلمك وجودك فى حياتى بقا شى مهم , مقدرش استغنى عنه , بس حبى ليك مش حب الزوج وزوجه حب تانى زى حمزه على فكره انت مفروض تغير منه لانك محطوت فى مكانه كبيره اوى عندى, ارجوك حافظ على حدودنا سوى انا مش عايزه اخسرك
ادهم : حاضر مش هضيقك تانى ولا هفتح موضوع معاكى بس انا مقدرش اوعدك انى هبطل احبك
تنظر له اميره بياس ثم تحدف الكوره
♥️__ليلةعادل___♥️
مركز مروان 12 م
الكافيترا
تجلس اميره على احد الترابيزات تشرب عصير ثم يرن هاتفها متصل ادهم تقوم اميره برد عليه
ادهم : ميرو ازيك
اميره : تمام وانت
ادهم :بخير بقولك عايزك بموضوع مهم فاضيه
اميره : فاضيه تعال المركز نتكلم
ادهم : ماشى نص ساعه وابقا عندك
اثناء تحدثها مع ادهم تدخل عليها شهد تشاور اميره بايدها لها
اميره : ماشى يا اهم مستنياك سلام
اميره : تقف تسلم على شهد وتقوم بمعنقتها ... وحشتينى جدا
شهد : وانتى والله ايه يابنتى الغيبه دى كلها
اميره :تجلس .. كنت تعبانه
شهد : تجلس.. انتى شكلك خاسس سلامتك مالك
اميره : الله يسلمك يا حبيبتى برد
شهد : طب بقيتى احسن
اميره : الحمد الله ورجعت شغل خالص
شهد : طب كويس لانك وحشتينى جدا مش هتمشى
اميره : مستنى ادهم
شهد : ادهم انتى رجعتى الادهم
اميره : هههههه لا طبعا انا وادهم لسه اصحاب بس ممكن اظبطك معه عادى ولاهو مش عجبك
شهد : هو المز ده ميعجبش حد ده قمر شبه الممثلين الاتراك بس فى ناس كدا مابتفهمش
اميره : هههههه ياستى نصيب خلاص خالى موضوع ده عليا بس وانبى شيلى عدسات انثى الهاسكى دى الود كدا هيطفش
شهد : انتى بتجرحينى كدا
اميره اجرحك انا احسن ميجرحك هو , يابنتى والله وحشه , بعدين لو عايز تظبطى مع ادهم , لازم تخفف مكياج ,ادهم بيحب البساطه ماشى تنظر اميره من بعيد تشاهد ادهم يقترب .. اهو جه اظبطى الاداء بقا
ادهم : مساء الخير
شهد : مساء النور
اميره : ادهم شهد صحبتى وشغاله معانا هنا
ادهم : اهلا وسهلا
شهد :احنا اتقبلنا قبل كدا بس واضح ان باشا نسينا
اميره : لا ادهم طول ما هو بره مكتبه اسمه ادهم ادهوم كدا مالكيش دعوه بطبنجه دى انتى بتعت علم نفسه وعارفه دى نرجسيه عايز يعرف الكل انه ظابط
ادهم : انا نرجسى يا اميره ماشى يا ستى
شهد : لالا اكيد معه عشان ظروف شغله
اميره : تحليل منطقى
ادهم : شفتى الناس اللى بتفهم يا ظالمه المهم انا كنت عايزه بحاجه مهمه
شهد : طب عن اذنكم انا
ادهم : ليه خليكى مافيش حاجه
شهد : مش عايزه اكون مضايكم
اميره : ياستى الترزعى بقا ها يا ادهم خير
ادهم : بصى انا ليا صديق ابنه عنده توحد كنا محتاجين مركز محترمه للحاله بتعته قولت مافيش احسن منك ترشحيلى لان مركز اللى دكتور رشحه مش قد كدا
اميره : هنا طبعا عندنا دكاتره ممتازين
ادهم : هو فى هنا قسم مخصص لاطفال
اميره : مركز دكتور مروان معروف ان فى كل حاجه حتى الادمان لما تفكر تدمن وتتعالج تعاله
ادهم : سكر يخربيت السكر طيب ايه تفاصيل
اميره : بص معرفش تفاصيل لان مش شغلى انا هاخدك عند دكتوره حنين هى تقولك
ادهم : وانا ممكن اقبلها امتى
اميره : حالا تعال معايا عن ازنك يا شهد ولاه تاجى معانا
شهد : لا يا ستى انا هروح عشان مترو دلوقتى يبقا فاضى
اميره : ماشى سلام
قسم الاحتياجات الخاصه
يدخل ادهم ومعه اميره داخل القسم ثم الى احد الصالات التى يوجد بها اطفال كانت تجلس فى منتصف احد الفتيات تقوم بلعب مع الاطفال حنين
حنين احد شخصيات الجزء تانى تعمل فى مركز دكتور مروان فهى اخصائيه توحد ويوجد صداقه بسيطه بين اميره وحنين هى فتاه محجبه عيوان مثل الغزلان خضرا اللون راشيقه القوم قصيره القامه صاحبه الملامحه جميله
اميره : حنون
حنين : تنظر لها ميرو اخيرا ظهرتى تسير نحوها ويتبادلو الاحضان والقبولات
اميره : وحشتينى ادهم
حنين : عارفه يابنتى نسيتى ان حضرت كتب كتاب بس ايه رجعته لبعض
اميره : هو فى ايه كل ماحد يشوفنا يقولنا كدا ونبى اصحاب احنا عالم اوبن ميند
حنين : هههههههه ياستى ربنا يخليكم لبعض انا بحترام جدا الناس اللى لما بتنتهى علاقتهم ببعض بيفضل بنهم ود واحترام
اميره : بصى بقا ادهم ليه صديق ابنه ذاتوى عايز يجبه مركز لان مكان اللى كان فيه مكنش كويس
حنين : تمام بس انا لازم اقابل الوالدين الاول عشان اعرف تفاصيل واعمل جلسات مع الطفل اعرف هو فى انهى مرحله
ادهم : امتى ممكن ابلغهم
حنين : بكره على 12 لو ينسبهم
ادهم : تمام متشكر جدا على فكره انا بعرف اتعامل معه وبسيبنى احط ايدى عليه
حنين : ده تقدم هايل وواضح ان نسبه عنده ضعيفه خلاص يبقا كدا ممكن نحتاجك فى بعض الجلسات
ادهم : ياريت انا بحب الاطفال كدا خصوصا الاطفال اللى بيكون عندهم تاخر ذهنى بيكون محتاجين لاهتمام وحب غير اى حد غير انهم بيكونه طيبين جدا اكتر من الاطفال العادين
اميره : بس مش سهل التعامل معهم
حنين : لكن مش اصعب من مرضى الاكتئاب والانفصام اللى بتقعدى معاهم
اميره : انا لما بيجيلى مريض عنده انفصام بخلع وبسيبه لدكاتره كباره اصلا لازم يقعده مع الدكاتره طبيب يعنى عشان بياخده علاج
ادهم : امال انتى ايه
اميره : لا انا حدودى سلوك بص هفهمك يعنى انا اقدر اتكلم معاك اعملك جلسات اديك حلول لكن لحد الادويه وبقف عشان كدا فى هنا اطباء ,لان فى بعض الامراض لازم جلسات علاج نفسى وجلسات طب نفسى لان فى فرق بين العالج النفسى والطبى النفسى موضوع كبير اكبر منك مش لازم تفهمه
ادهم بمزح : انا بقول كدا بردو مروان ايه
اميره : معالج نفسى بس انا بحس ان من كتر خبره اللى عند مروان ممكن يادى ادويه عادى جبار
حنين : دكتور مروان ده مفروض ياخد جايز نوبل بجد عالمى فى مهنته
ادهم : سبحانه الله مع انى بحس انه مابفهمش حاجه ,عموما انا همشى عشان وريا ميعاد ميرسى استاذه حنين بكره على ميعاد عن ازنكم
حنين : ان شاء الله ...تنظر لاميره بعد مغادره ادهم شكله لسه بيحبك وبغير من مروان
اميره : بحيره .. والله ما عارفه اعمل ايه معه
حنين : ولا حاجه مهم اوعى تاديه امل يييا عارفه نفسى اتحب كدا
اميره : اهو عندك ياختى خديه
حنين : لا ياختى شكرا انا مش عايزه اخسرك وانتى عارفانى غيوره موت
اميره : انتى هتقوليلى ههههههههههه
لقراءة جميع فصول الرواية من هنا