الفصل الثالث والعشرون 23
الجزء الثاني
بقلم يارا عبدالعزيز
دخلت الحمام و معاها الاختبار
و بعد بضع دقائق كانت خرجت من الحمام و هي ماسكه في ايديها الاختبار و عينيها مليئه بالدموع
اتكلمت الخدامه بخوف
= رحيل هانم انتي كويسه
وشك اصفر اوي
رحيل بدموع و ارهاق
= انا كويسه متحطيش في دماغك
بلاش الفطار افطري انتي انا طالعه ارتاح
قالت كلامها و طلعت اوضتها
مسكت اختبار الحمل و ايديها بتترعش و دموعها نازله منها بغزاره
خبطت الاختبار في الحيطه بقوه و انكسر
اتكلمت بدموع و صوت مرتعش
= ليه!
لييه انا كنت عايزة اكمل و انساه
حطيت ايديها على بطنها و اتكلمت ببكاء
= دلوقتي بقى جوايا حته منه هيفكرني بيه
بس لا مفيش اي حاجه هتمنعني عن اللي عايزة اعمله
و انت مش هتبقى عائق
قالت كلامها و قامت بسرعه غيرت هدومها
خديت تاكسي و وصلت قدام عياده نسا و حجرت دور و فضلت منتظره لحد اما دخلت
الدكتور فحصتها و قعدت على كرسي المكتب و رحيل قعدت قدامها على الكرسي
الدكتوره بهدوء
= الجنين حالته كويسه بس يا ريت تبعدي عن اي توتر و اتغذي كويس و انا هكتبلك على شويه.....
رحيل بمقاطعة و دموع
= انا مش جايه هنا عشان اطمن على الجنين
انا جايه عشان انز.له شوفي ايه الحاجات اللي ممكن اعملها عشان ينزل
الدكتوره بصدمه
= تنز.ليه!
ليه هو ...
بقلمي يارا عبدالعزيز
رحيل بحده
= لا طبعاً أنا متجوزه بس انا مش عايزة الطفل و اعتقد انه عادي صح هو لسه مكملش شهر
الدكتوره بحزن
= بس انا مقدرش اعمل دا من غير موافقه جوزك انتوا الاتنين لازم تمضولي على الاقرار دا عشان انزله غير كدا انا اسفه مش هقدر
بصي يا بنتي انتي اد ولادي نصيحه مني بلاش دا ابنك
مهما كان عندك مشاكل هتتحل بس الطفل مش هترجعيه
فيه غيرك كتير بيتمنوا و مش طايلين
فكري كويس و اتكلمي مع جوزك و اوصلوا لقرار غير الإجهاض
رحيل بصتلها و بدات تعيط بقوه و هي حاسه بالم و غصه في قلبها
الدكتوره قامت و وقفت جانبها و حطيت ايديها على كتفها و اتكلمت بحزن
= اهدي يبنتي
استهدي بالله مفيش حاجه مستاهله ايا كان كله بيعدي
رحيل بشهقات
= انا مش عايزة انزله بس هو هيفكرني بحاجات انا مش عايزه افتكرها
دكتورة هو انا وحشه!
هزيت الدكتورة راسها بالنفي و اتكلمت بحنان
= دا انتي زي القمر
دا انتي اول ما دخلتي قولت مين الاجنبيه اللي دخلت دي
رحيل بالم و صوت متحشرج
= طب هو ليه خا.ني!
هي فيها ايه احسن مني
طب ليه قالي انه بيحبني و هو عمره ما حبني
هو انا استاهل الوجع دا كله!
بصتلها الدكتورة بدموع و خديتها في حضنها و اتكلمت بحنان
= اهدي و عيشي
عيشي عشان ابنك هو يستاهل يعيش و يستاهل تكملي عشانه
مسحت رحيل دموعها و هزيت راسها بهدوء و اتكلمت بدموع
= شكرا ليكي
انتي غيرتي كتير من افكاري عن اذنك
قالت كلامها و خرجت من العياده
بمجرد ما نزلت رنيت على اسر و اتكلمت بهدوء
= ايوا يا اسر
لو سمحت انا عايزه اسافر في اقرب وقت
ايوا قرار نهائي يا ريت بسرعه على اي دوله عربيه المهم برا مصر
في قصر النصراوي
و بالتحديد في جناح ريان و حياه
اتكلمت حياة بدموع
= تميم مرجعش من انبارح و مش بيرد على تلفيونه خالص ما تشوفه فين
ريان بهدوء
= بيدور على رحيل و الحراسه معاه و انا لما امشي هروحله متخافيش يحياه
حياه بدموع
= و هو هيفضل يدور على رحيل العمر كله
انا مش عارفه ايه اللي بيحصل فينا دا و تميم ليه يعمل كدا ادام بيحبها اوي كدا
انا مش فاهمه
ريان بحنان و هو بياخدها في حضنه
= حياة اهدي هتكون راحت فين هيلاقيها و بالنسبه لموضوع جوازه عليها دا
اكيد هنعرفه في اقرب وقت المهم دلوقتي بطلي عياط احنا لازم نقويه مش نضعفه
مسكت فيه بقوه و اتكلمت بدموع
= مش قادره و انا شايفاه موجوع اوي كدا
ربنا ييسر حالهم
قبـ ل رأسها بحنان
= كل حاجه هتتحل قريب يحبيبتى
بس انتي اهدي يعمري انا اللي مش هقدر اشوفك كدا
بعد مرور يومين
تميم يعتبر مرجعش البيت و لا بيروح شغله و بيدور على رحيل في كل مكان زي المجنون في كل مكان و سأل عليها في الصعيد من غير ما يعرف عمها باختفأها بس بدون اي جدوى
اسر كان لسه هيدخل اوضه فريده بس وقفه ريان اللي اتكلم بهدوء
= حلوه الشركه بتاعتك يا اسر بتمنالك التوفيق
اسر ببأبتسامه
= دا انت مراقبني بقى
بقلمي يارا عبدالعزيز
ريان بهدوء
= مفيش اي حاجه بتتخبى عني
اعرف دا كويس
امممم تقدر تاخد فريده على بيتكم
اسر بصله بصدمه و اتكلم بفرحه كبيره
= اخدها تعيش معايا!
يعني تبقى معايا في بيتي ديما صح
انت بتتكلم بجد!
مش مصدقك اخدها هااا هاخدها و نمشي دلوقتي
هز ريان راسه ببأبتسامه و اتكلم بحده مزيفه
= امشي يا اسر قبل ما اغير رأيي
اسر بفرحه
= لا انا ما صدقت هدخل بقى اقولها ماشي عن اذنك
دخل اسر بسرعه تحت نظرات الابتسامه من ريان
فريده كانت واقفه في البلكونه فجاه لاقته دخل و حضنها من ضهرها بلهفه و حب و اتكلم بفرحه
= ابوكي وافق اخدك و نروح بيتنا
التفت ليه و اتكلمت بفرحه
= بجد هو قالك كدا!
اسر ببأبتسامه
= ااه و الله يلا انا مش هقدر استنى
تعالي يلا انا هحضر الشنط و انتي اقعدي ارتاحي ماشي يلاا
بصتله فريده ببأبتسامه و مشيت معاه
كانت بتبص لفرحته و قلبها طاير بحبه ليها
خلصوا الشنط و لموا حاجتهم و اسر طلع على شقته مش الڤيلا عشان رحيل قاعده في الڤيلا
اتكلم بحنان
= تعالي يحبيبى
دخلت وراه الشقه و بصتلها بخجل و هي بتفتكر اللي حصل ما بينهم اول مره في الشقه دي
اتكلمت برقه
= دخل الشنط جوا انت هتفضل شايلهم على ايديك كدا
اسر ببأبتسامه
= من فرحتي و الله مش عارف انا بعمل ايه
مسك ايديها و اتكلم بحنان
= تعالي
دخل بيها الاوضه و حط الشنط و قعد على السرير و قعدها جانبه و اتكلم بحنان
= فاكره الشقه دي و الاوضه دي
فريده بدموع
= ااه و فاكره الكلام اللي قولته وقتها
انا اسفه يا اسر بس غصبن عني انت عارف اللي
قاطعها و هو بيحط ايديه على شفايفها و بيتكلم بحنان
= ششش انا مش بقولك كدا عشان تقوليلي اسفه
انا نسيت اللي قولتيه اصلا و مش عايز افتكره لاني عارف انه مكنش من قلبك
بلاش نفتكره احسن ماشي
هزيت راسها ببأبتسامه و دموع و اتكلمت برقه
= ماشي
ضمها ليه بقوه و قبـ ل خدها بعمق
غمضت عينيها بخجل ، فاقت عليه و هو بينيمها على السرير و بينام جانبها
حاوط خصرها بحنان و د.فن وشه في عنقها و قبـ لها برقه
و هو بيضمها ليه اكتر
اتكلم في نفسه بقوه و هو لسه ماسك فيها و مش قادر يبعد عنها
= لما تستاهلها الاول يمكن ابوها وافق بس انت عارف من جواك انك لسه حتى مخطتش اول سلمه
فتح عينيه و بصلها بعشق و بعد بصعوبه
فتحت عينيها و بصتله باستغراب ، اتكلم بتوتر
= جعانه احضر العشا
استغربت بعده عنها و اللي ملاحظه بقالها ايام
هزيت راسها بالنفي و اتكلمت برقه
= لا انا هقوم اخاد شاور و بعدين هنام
قالت كلامها و قامت تحت نظراته
اتكلم بغضب من نفسه
= يا تقولها ياا تمسك نفسك بعد كدا بلاش تجرحها كدا
تميم كان سايق عربيته
ماشي و هو اشبه بالضايع
فاق على صوت رنين هاتفه ، رد بهدوء
= ايوا يفندم
خيري بحده
= تميم انت مروحتش لي لميس من ساعتها
تميم بحده
= لا مروحتش
خيري بغضب
= ازاي يا تميم!
انت عايزاها تشك فيك انت لازم تروحلها و تعتذر منها على غيابك اتحجج بأي حجه
تميم باللي انت بتعمله دا بتصعبها علينا اكتر و بدل ما نقرب بنبعد
تميم بضيق
= حاضر هروحلها
اي اوامر تانيه
خيري بهدوء
= لا و فكر كويس يا تميم عشان انت بقيت بتغلط كتير
تميم باحترام
= تحت امرك يفندم
اتنهد بغضب و راح عند لميس البيت بمجرد ما شافته داخل
جريت عليه و اتكلمت بحزن
= كنت فين يا تميم!
برن عليك بقالي يومين و انت مش بترد اختفيت من ساعه ما مراتك كانت هنا
هو انت زعلان عشان هي عرفت بجوازنا
تميم بهدوء
= و انا ازعل ليه!
هي بس عملتلي شويه حوارات في البيت و انتي اكيد بتسمعي عن ابويا فكان شويه مشاكل كدا
هزيت لميس راسها ببابتسامه و اتكلمت برقه و هي بتحرك ايديها على صدره
= و لا يهمك يحبيبي انا هنسيك كل اللي حصل
تزعلك الدنيا و تراضيك لميس حبيبتك و مراتك
تميم بهدوء و هو بيشيل ايديها من عليه
= لميس انا بقالي يومين منمتش محتاج انام
انا تعبان دلوقتي عن اذنك
قال كلامه و دخل الاوضه و فرد جسمه على السرير
نزلت دموعه بحزن كبير و هو بيفتكر رحيل حاسس انه مضايق و مخنوق من فكره ان فيه واحدة غيرها قريبه منه
بيمـ.وت من بعدها عنه
همس بدموع
= يا رب عايز بس اعرف هي فين و هسيبها
اشوفها و اطمن عليها حتى لو من بعيد
يا رب ساعدني
بقلمي يارا عبدالعزيز
في الصباح
و بالتحديد في شرم الشيخ
تيا نزلت لعدي اللي كان قاعد في الريسبشن و اتكلمت بحده
= عدي انا عايزه امشي لو سمحت
عايزه ارجع القاهره كفايه كدا ابني وحشني هنفضل هنا لحد امتى
عدي بدموع و هو بيمسك ايديها
= انا اللي المفروض اسألك السؤال دا
هنفضل هنا لحد امتى
هنفضل في الوضع دا لحد امتى
مش كفايه يا تيا
كفايه بقى ارجوكي اتعاقبت و اتوجعت
ليه نعاند و احنا عايزين بعض
تيا بدموع
= لما قلبي ينسى كل اللي حصل منك
دلوقتي لو سمحت انا عايزه ارجع
وجودنا هنا ملوش اي فايده و مش هيصلح اي حاجه
هز عدي راسه بالايجاب و اتكلم بهدوء
= تمام هنمشي انهاردة جهزي نفسك
في منزل اسر
صحيت فريده و هي بتبصله بدموع من تعامله معاها اللي مش لاقيله اي سبب
حسيت بغصه في قلبها
سندت بايديها على صدره و ايديها التانيه حركتها على خده برقه
اتكلمت بدموع و همس و هي بتبصله بحب
= هو انا زعلتك في حاجه!
ليه بتبعد عني
ميلت على وشه و قبـ لت على خده برقه اتحولت لعده قبلا ت على كل وشه
صحي على لمساتها و مسك ايديها اللي على خده و قبـ لها بعشق
= دي ايه الصباح القمر دا
صباح القمر على اجمل عيون
اتكلمت بدموع و هي بتحرك ايديها على خده
= هو انت بتحبني بجد
يعني مش فاهم مشاعرك غلط من ناحيتي مثلا
او بتكمل في لعبه انتقامك من اخويا
رفع حاجبه بأستغراب و اتكلم بمرح
= شكلك لسه مفوقتيش و انا بقول ديدا مالها حنينه كدا ليه
فريده بدموع
= بس انا فايقه و بتكلم بجد
اسر بحده و هو بيتعدل
= بعد كل اللي عاملته!
و بتسألي السؤال دا
من يومين برضوا اتهمتني اني بفكر في رحيل و دلوقتي بتقولي اني مش بحبك
مش حرام بجد يفريده
مش حرام هو انا هلاقيها منك و لا من ابوكي و لا من اخواتك و لا من اهلي
انا واقف قصاد كل دا عشانك و قدام عينيك عملت كتير اوي و في الاخر تقوليلي اني بعمل كل دا عشان انتقم من اخوكي
فريده محدش غيري بيتأذي
الدنيا كلها جايه عليا و واقفه قصادي و انا بصبر نفسي بوجودك جانبي لكن انتي كمان عايزه تبقي ضدي حتى انتي
فريده بدموع
= ما انت اللي مش طبيعي من وقت موضوع رحيل و انا حاسك بتتعامل معايا بجفا
بقيت بتبعد عني يا اسر
حتى على طول مشغول
انت بتروح فين طول النهار لو مخبي عليا حاجه قولي
قالت كلامها و حسيت بالم في بطنها
غمضت عينيها بالم و اتكلمت بضعف
= اااه
قرب منها و اتكلم بحنان
= مالك!
انتي كويسه
هزيت راسها بهدوء و اتكلمت بارهاق
= كويسه
هدخل الحمام عن اذنك
قالت كلامها و دخلت وقفت على الحوض و هي ماسكه بطنها بالم
اسر كان واقف على الباب خبط عليه و اتكلم بخوف
= فريده انتي كويسه
تعالي غيري و بعدين نروح المستشفى
اتكلمت بالم من ورا الباب
= انا كويسه
قاطعها و هو بيدخل الحمام بسرعه و بياخدها في حضنه بخوف
= ايه يحبيبتي فيه ايه
مضايقه عشان زعقت انا اسف حقك عليا تعالي يلا نروح المستشفى
اتكلمت بدموع و هي بتحاوط كتفه بقوه
= انا بس كنت عايزاك تطمني
كنت عايزاك تقولي كلامك غلط و انا بحبك
مكنش قصدي ازعلك مني
اتكلم بحنان و هو بيقـ بل رأسها
= هفضل اقولها كل لحظه انا بجد بحبك و كل اللي في دماغك دا غلط و تصرفاتي معاكي هتعرفي هي ليه بعدين
تعالي
شالها بحب و حاطها على السرير برفق و اتكلم بحنان و هو بيزيح خُصله شارده من شعرها ورا اذنها
= انا اسف حقك عليا
فريده برقه
= قولي دلوقتي عشان دماغي بتدمرني و الله اعمل ايه بقى
اسر بحنان
= تثقي فيا هو دا كل اللي طالباه منك و تدعيلي ممكن
اتكلمت برقه
= اكيد
اتكلم بخوف
= بطنك لسه وجعاكي
اعمل متابعه لصفحه يارا عبدالعزيز الروايه بتنزل عندها قبل اي حد
اتكلمت برقه و هي بتمسك ايديه و بتحطها على بطنها
= شويه صغيرين خالص
هو غالبا من التوتر الدكتورة كانت محذراني منه
اتكلم بحنان و حب
= يبقى لازم تاكلي بقى هقوم احضرلك الفطار و جاي
مسكت ايديه و اتكلمت برقه
= لا مش دلوقتي
انا دلوقتي محتاجه تبقى جانبي متسبنيش ماشي خليك معايا انهارده
ابتسم بحب و خدها في حضنه و اتكلم بحنان
= اكيد يعمري
في منزل رحيل
واقفه بتحضر شنطتها عشان السفر
لاقيت مسدج مبعوته من اسر
" رحيل انا بجد اسف مش هقدر اجاي اوصلك لاني مع فريده دلوقتي مش هعرف اسيبها
هبعتلك عربيه بسواق معلش "
اتنهدت بعمق و بعتتله ڤويس
= مفيش داعي للسواق انا هطلب اوبر أو هاخد تاكسي شكرا جدا يا اسر
وصلت رحيل المطار
اتنفست بعمق و دخلت و هي بتحط ايديها على بطنها و بتتكلم ببأبتسامه
= هنبدأ انا و انت حياه جديده بعيد عنه هو ميستاهلش اي حد فينا لا انا و لا انت خلي اللي معاه تنفعه
في منزل اسر
اسر كان في الحمام و فريده كانت قاعده على السرير بتلعب في فونها
بمجرد ما سمعت اشعار الرساله فتحت الفون و شافت الرساله من برا بس معرفتش تفتح الفون
بصيت للهاتف بغيره و دموع
في منزل لميس
صحي تميم على صوت رنين هاتفه
رد بهدوء
= الو يا طارق
طارق بلهفه
= تميم انت مراتك اسمها رحيل نوح الجابري صح
تميم بلهفه و هو بيتعدل
= ايوا
ايوا هي
طارق بهدوء
= طب هي دلوقتي في مطار القاهره
حجزت تذكره طيران على الامارات انا قولت اقولك لاني عارف انك بدور عليها
تميم بلهفه و خوف
= ايه
اوعى يا طارق اوعى تسافر امنعها انا جوزها و من حقي ارفض
طارق بهدوء
= انت لازم تيجي و تاخد الاجراء دا بنفسك الطايره ربع ساعه و هتطلع
قفل تميم المكالمه من غير ما يرد و لبس قميصه بسرعه و خرج متجاهل تماما لميس
ساق عربيته بسرعه جنونيه و وصل قدام المطار و دخل بسرعه البرق تحت نظرات كل الموجودين
اتكلم طارق بحزن
= للاسف الطياره طلعت
تميم بدموع و غضب
= ايه!
ازاييي ازاييي تسافر من غير اذني ازاييي
طارق بخوف
= انت عارف اني مش شغال هنا و هي ورقها كله كان سليم و محدش قدر يمنعها
تميم كان لسه هيتكلم بس قاطعه صوت المايك
= الى المسافرين في طائره الامارات عذرا سوف يتم تاجيل الاقلاع لمده عشر دقائق لوجود عطل فني نعمل على إصلاحه
تميم بصله بفرحه كبيره و جري بسرعه البرق و معاه افراد الامن
رحيل كانت قاعدة في الطياره بملل
غمضت عينيها بارهاق منتظره اقلاع الطايره
بس فاقت على صوت واحد من فرد الامن و هو بيتكلم بهدوء
= لو سمحتي يهانم حضرتك لازم تنزلي انتي ممنوعه من السفر
رحيل بصتله بعدم فهم و اتكلمت بحده
= و السبب!
= تعالي معانا و انتي هتعرفي و من غير شوشره لو سمحتي
أتكلمت رحيل بغضب
= تمام
مشيت رحيل معاهم و دخلوا مكتب في المطار
اتكلمت بحده و هي بتبص للمدير المطار
= اقدر اعرف انا ممنوعه من السفر ليه!
تميم وقتها دخل و اتكلم بحده
= بسيطه عشان مخدتيش موافقه جوزك يمدام
يُتبع.....