الفصل السابع عشر 17
الجزء الثاني
بقلم يارا عبدالعزيز
خفضت رأسها بخوف و اتكلمت بتلعثم و هي بتفرك ايديها بتوتر
همست بخوف
= بابا
ريان بصلها بحزن و اتكلم بحنان و هو بيقوم من على كرسي مكتبه و بيعقد على الكنبه
= تعالي يا ديدا
راحت قعدت جانبه و بصتله بدموع
اتكلم ريان بحنان
= انتي عندك اي شك اني عايزك مبسوطه ديما!
هزيت راسها بالنفي و اتكلمت برقه
= لا و الله لأ
ريان بحنان و هو بيمسك ايديها
= يبقى تحكي يحبيبتى و من غير ما تخافي
انا عارف اني قسيت عليكي انبارح بس دا من صدمتي و خوفي عليكي
كمل و هو بيتنهد بعمق
= بس اللي حصل حصل يلا احكيلي يحبيبتى اللي عايزه تحكيه انادي لمامتك تيجي تعقد معاكي عشان تطمني
فريده بهدوء
= لا انا مش خايفه منك يا بابا انا بس خايفه من تأثير اللي هحكيه عليك بس حضرتك لازم تعرفه
ريان بهدوء
= ايا كان اللي هتقوليه انا هقبله و هكون هادي جدا متخافيش
يلا يحبيبتي
بقلمي يارا عبدالعزيز
فريده بدأت تحكيله كل اللي حصل و ريان كان بيسمعه و هو مكور ايديه بغضب كان بيحاول يتغلب على غضبه عشان ميخوفهاش و يسمعها للاخر
اتكلمت بلهفه و رقه
= بابا انا كنت طول ما انا في سوهاج اسر مكنش بيغصبني على حاجه و كان بيعاملني كويس
حتى لما خوفت بعد اللي حصل بينا لما انتوا تعرفوا قالي قوليلهم انك مكنتيش في وعيك و هاتي اللوم كله عليه هم كدا كدا شايفني وحش و برغم من ان حضرتك كنت ممكن تمـ.وته متكلمش
بابا اي قرار حضرتك هتاخده انا واثقه انه لمصلحتي و مش هعارض عليه و عمري ما هقول لحضرتك اي حاجه حتى لو قلبي بيتعصر بس حضرتك كان لازم تعرف كل اللي حصل
هز ريان راسه بهدوء و اتكلم بحنان
= بتحبيه!
بصيت للارض بخجل مفرط و مقدرتش تتكلم
هز راسه بهدوء و اتكلم بحنان و هو بيقـ.بل رأسها
= هتقدري تروحي المدرسه انهاردة عشان اوصلك و لاهتعقدي ترتاحي
فريده باستغراب من رده
= هروح يا بابا
ريان بحنان
= طب روحي يلا غيري و البسي لبس المدرسه و افطري كويس عشان اوديكي قبل ما اروح الشركه
هزيت راسها بهدوء و مشيت ، بص لطيفها و اتنهد بعمق
طلع فونه و رن على امجد مدير اعماله
= ايمن عادل النويري عايزاك تعرفلي عنوانه
و اسر الجابري عايزاه في الشركه انهاردة بعد الضهر
في باريس
فارس كان قاعد في الجنينه و هو شارد
خرجت مليكه و قعدت جانبه و اتكلمت برقه
= مالك يحبيبي من انبارح و انت باين عليك زعلان من حاجة
فارس بحزن
= انبارح كانت اول جلسه في قضيه طلاق فريده رنيت على بابا عشان اطمن
قالي حصلت مشكله اجلت القضيه بس صوته مكنش طبيعي كان باين فيه حاجه كبيره حصلت حتى ماما برضوا كان صوتها مخـ.نوق
انا مش مطمن و حاسس انه فيه حاجه حصلت هناك
مليكه بهدوء
= اممم طب ارن على ماما ممكن تبقى عارفه
فارس بحزن
= محدش هيقول حاجه يمليكه احنا لازم نسافر انا هحاول اخلص كل حاجه في يومين و هبعت لحد يجي مكاني هنا و هنسافر القاهره كمان يومين
معلش يا مليكه انا عارف ان عاجبك المكان و احنا ملحقناش نعقد بس متعوضه هجيبك هنا تاني
هزيت راسها بالنفي و مسكت ايديه و حطيت راسها على صدره
= ينهار ابيض يفارس اعمل اللي انت عايز تعمله يحبيبي المهم تطمن و باذن الله مش هيكون فيه حاجه
انا مش عايزة اشوف نظره الحزن و الخوف دي تاني
ماشي يحبيبي
كملت و هي بتمسك ايديه
= تعال
مشي معاها ببأبتسامه و استغراب ، شديت ايديه و نزلوا في البيسين
اتكلم فارس ببأبتسامه
= بهدومنا كدا
اتكلمت برقه و هي بتحاوط رقبته بايديها
= دي احسن حاجه
طب بذمتك مش حركه حلوه هتشيل عنك التوتر
اتكلم بعشق و هو بيحاوط خصرها بايديه
= بعشقك
حضنته بقوه و اتكلمت برقه
= و انا بموت فيك
في الزمالك
و بالتحديد في منزل ايمن
خرج ولاده من الاوضه بغضب بعد ما سمع الجرس اللي مبطلش يرن
فتح و بلع ما في جوفه بخوف و هو شايف اتنين من حرس ريان واقفين
اتكلم بتلعثم
= انتوا مين
فتحوا الطريق ليدخل ريان المنزل و دخلوا الحراس بتوعه وراه
قعد على الكنبه في الريسبشن و حط رجل على رجل
و اتكلم ببرود
= بكل هدوء هتصفي كل شغلك هنا و تاخد مراتك و ابنك و تسافر لاي مكان برا مصر
عادل بخوف شديد
= ليه يباشا
احنا زعلنا حضرتك في حاجه و الله أنا ماشي جنب الحيط
بقلمي يارا عبدالعزيز
ريان بضغب مفرط
= ابقى اسأل ابنك اللي المفروض مكنش يتجرأ يبص لبنتي حتى
فريده النصراوي جوا دايره ريان النصراوي و اي حد بيدخل جوا الدايره دي و يأ.ذي حد فيها بفعصه
قدامك اسبوعين اتنين بالظبط على ما المحروس ابنك يخرج من السجن
هند بخوف شديد
= ابني
ابني في السجن ليه!
ريان بفحيح
= بيخلص شويه من اعماله هخرجه بس بعد ما يتعاقب شويه عشان بعد كدا يفكر الف مره قبل ما يفكر بس انه يأ.ذي بنتي اظن كلامي واضح و انا قولت اللي عندي دا لو عايزين تعيشوا في سلام و المحروس يطلع
و اصلا الاصح تاخده و تسافر اصل يعيني مفيش مدرسه و لا جامعه هيقبلوا بيه هنا و مستقبله هيد.مر اكتر ما هو مد.مر
قال كلامه و خرج برا البيت و وراه حراسه
وصل شركته و دخل بكل هيبته ، كان اسر قاعد في مكتب السكرتير
بصله ريان بحده و دخل
اسر بص لطيفه بخوف و عدم فهم اتكلم بهدوء
= هو انا هدخل امتى
السكرتير بهدوء
= لما الباشا يديني امر
لاحظ اسر دخول شخص كمان الاوضه ورا ريان
وقف شكري و اتكلم باحترام
= كل الورق اللي حضرتك طلبته جاهز يباشا
هز ريان راسه بهدوء و شاور بايديه يخرج ، خرج شكري و ريان بص للورق و ابتسم بخبث و بعدين طلب اسر
دخل اسر و قعد بعد ما ريان شاورله على الكرسي
رفع عينيه من على الملفات اللي قدامه و اتكلم بهدوء
= وحشتني الكام ساعه اللي فاتوا من انبارح يا عم اسر
اصلك عامل زي عفريت العلبه بنلاقيك ناطط في كل مكان و لا حالتك الصحيه لا تسمح
اسر بهدوء
= انا هنا ليه!
ريان ببأبتسامه
= جدع و بتحب تقصر
انت عايز من فريده ايه!
اسر بهدوء
= فريده مراتي و انا عايزاها في حياتي و دا الطبيعي
اتكلم ريان بهدوء
= حلو
و انا موافق بس عندي شرطين
اسر بصله بفرحه كبيره و اتكلم بلهفه
= موافق المهم ابقى معاها
اي حاجه من غير ما اعرف موافق عليه
ريان بهدوء مسك ورقتين من الملف اللي قدامه و رفعهم لمستوى نظر اسر
= طب ما تستنى تعرف الشروط الاول
دول ورقتين
ورقه طلاقك من فريده و الورقه التانيه ورقه تنازل لفريده عن كل املاكك انت المطلوب منك تختار واحدة من الورقتين دول و تمضي عليها معاك خمس دقايق تفكر
اسر اتكلم بلهفه
= همضي على ورق التنازل و هعمل اي حاجه انت عايزاه بس توافق على اني ابقى مع فريده
خد اسر منه ورق التنازل و خد قلم و مضى عليه تحت نظرات الابتسامه من ريان
خد ريان منه ورق التنازل و قطعه تحت نظرات الصدمه من اسر
اتكلم ريان بهدوء
= كدا اول شرط
الشرط التاني تجيب حاجتك و هتيجي تعقد معانا تحت عيني لحد اما انا اقولك خدها
اسر بفرحه
= موافق مش مهم هعقد انا و هي فين المهم ابقى معاها
ريان بهدوء
= لا ما انت مش هتبقى معاها و لا هتقربلها انت هتبقى منفصل تماما عنها
مجرد ضيف عندنا مش اكتر و لا اقل
اتنهد بحزن و اتكلم بهدوء
= لحد امتى!
طب خليني ابقى معاها في نفس الاوضه و انا مش هقربلها
ريان بحده
= هي دي شروطي عايز تيجي انهاردة القصر
مش عايز ادينا ماشيين في القض
قاطعه اسر و اتكلم بلهفه
= موافق و هثبتلك اني استحقها هروح دلوقتي بسرعه اجيب حاجتي
بس ياريت تبلغهم في القصر
ريان بهدوء
= انا هاجي معاك لما تخلص ابقى كلمني
هز اسر راسه بفرحه كبيره و مشي بسرعه و هو في قمه سعادته و مفيش في دماغه غير فريده
في منزل محمود
تيا كانت نازله و على ايديها ادم ، بصيت لرندا اللي قاعده في الريسبشن و اتكلمت باحترام
= ماما انا هروح الكليه
ممكن تاخدي بالك من ادم لو سمحتي
رندا بحده و هي بتاخد منها ادم
= مش هتوصيني على حفيدي
و بعدين شغل الاحترام اللي انتي فيه دا مش هيدخل عليا انتي خلاص انكشفتي
تيا بصتلها بدموع و اتكلمت بصوت متحشرج
= و الله مظلومه
و الله العظيم مظلومه انا معلمتش كدا يا ماما
بصتلها بالم لما لاقيت نظرات الجمود في عينيها اتكلمت بدموع
= هحاول متأخرش عشان ادم عن اذنك
قالت كلامها و مشيت بسرعه و هي بتكتم صوت شهقاتها
خرجت من الڤيلا لاقيت عدي بيركب عربيته
بصلها بحده و ركب العربيه
اتنهدت بحزن و طلعت وقفت قدام الڤيلا تطلب تاكسي
لاقته خارج بالعربيه من قدامها
اتكلمت و هي بتبص لطيفه بدموع
= دا انا لو حد غريب هيقفله
ليه يا عدي
ليه ظهرت تاني فتحت جر.وح كتير كنت مفكره انها خلاص انقفلت رجعتني لنقطه الصفر
اتنهدت بعمق و اتكلمت بهدوء
= معلش يا تيا معلش استحملي عشان ادم
بقلمي يارا عبدالعزيز
فاقت على صوت عدي اللي رجع بعربيته و وقف قدامها و اتكلم بحده
= اركبي
تيا بحده
= لا شكرا انا هاخد تاكسي
عدي بغضب
= مفيش تاكسي بيقف هنا في الوقت دا هتتأخري على محاضرتي و مش هدخلك
تيا بحده
= هطلب اوبر شكرا لذوقك يا دكتور
اتكلم بصوت عالي خلاها تتنفض
= ما تركبي الز.فته خليني اطلع مش فاضيلك
اتنفضت بخوف و ركبت و اتكلمت بجراءه منافيه تماما للخوف اللي جواها
= هركب بس عشان متأخرش
ابتسم بسخريه و طلع بالعربيه وقف قبل باب الكليه بشويه و اتكلم بحده
= انزلي يلا و مش عايز اي حد يعرف اننا متجوزين
ابتسمت بالم و اتكلمت بحده
= متخافش يا دكتور
فتحت باب العربيه بغضب و طلعت ، و فضلت ماشيه تحت نظراته دخلت الكليه تحت نظرات الخبث من أحد الطلاب اللي دخل وراها
اتكلم بخبث و هو بيبصلها
= من ساعه ما جت و هي عامله فيها الشر.يفه و انا لسه شايفها طلع من عربيه دكتور عدي
بس على مين هاخد منها كل اللي انا عايزاه و انهاردة
بعد الضهر
تيا كانت قاعدة في الكافتيريا
جيه نادر و شد كرسي و قعد جانبها
اتكلمت تيا
= ايه قله الذوق دي!
لو سمحت قوم
نادر بسخريه
= حلو دكتور عدي صح
دكتور و مالي مركزه برضوا حقك
بس انا عايز ينبوني من الحب جانب برضوا
تيا بغضب مفرط
= امشييي بدل ما و الله هنادي الامن و هقول انك بتضايقني
نادر بسخريه
= امممم همشي بس افتكري اني حذرتك سلام يحلو
قال كلامه و مشي تحت نظرات الغضب و الغيره الشديدة من عدي
راح عند تيا و اتكلم بحده و هو بيخبط على التربيزه بغضب و قوه
= عايزاك في مكتبي
بصلها بخوف شديد لما كوبايه الشاي الساخن وقعت على ايديها
قامت وقفت و هي بتمسك ايديها بالم
= ااااه
عدي بخوف
= وريني كدا اتحر.قت
اتكلمت بدموع
= هروح الحمام اغسلها و بعدين هاجي عن اذنك
مدتلوش الفرصه يتكلم و مشيت بسرعه ، دخلت الحمام و حطيت ايديها تحت المياه
و فضلت تعيط بقوه و هي ماسكه ايديها بالم
مسحت دموعها و اتنهدت بعمق و طلعت لاقته واقف على مسافه صغيره من الحمام
راح عندها و اتكلم بخوف
= وريني يا تيا ايديك
مسك ايديها بخوف و بدأ يفحصها ، بصيت باحراج للبنات اللي كانوا واقفين يبصوا عليهم
اتكلم عدي بغضب مفرط و هو بيبصولهم
= واقفين ليه
زميلتكم ايديها اتحر.قت و بشوفهلها كل واحدة تروح على محاضرتها يلااا
اتنفضوا بخوف شديد و مشيوا
اتكلمت تيا بدموع و هي بتبعد ايديها عنه
= هو دا اللي قدرت عليه
هيقولوا ايه عليا دلوقتي بدل ما تقولهم مراتي
انت ايه بجد!
حسبي الله ونعم الوكيل فيك
قالت كلامها و مشيت بسرعه من قدامه ، خديت تاكسي من قدام باب الكليه و مشيت
وقفت قدام كافيه و دخلت قعدت على الكرسي بغضب و دفنـ.ت وشها بين ايديها و فضلت تعيط تحت نظرات كل اللي في الكافيه
فضلت قاعدة و هي سانده راسها على الشباك و دموعها مجفتش
في المساء
عدي وصل البيت ، لاقى رندا قاعدة و بتلعب مع ادم بحنان
ادم اول ما شاف عدي جري عليه ، نزل عدي لمستواه و شاله و اتكلم بحنان و دموع و هو بيبص لرندا
= بقى يعرفني
رندا بحنان
= ربنا يباركلك فيه يحبيبى
قعد على الكنبه و هو شايله على ايديه بحب و اتكلم بحنان
= وحشتني اوي اوي يحبيبي
كمل و هو بيبص لرندا
= تيا فوق
رندا بحده
= مرجعتش من الصبح
بصلها عدي بخوف شديد و اتكلم بخوف
= يعني ايه دي خارجه من الكليه من بعد الضهر هتكون راحت فين
طلع فونه و رن عليها بس مكنتش بترد ، اتكلم بخوف
= ماما خلي ادم معاكي انا هنزل اشوفها
ركب عربيته و طلع بيها و فضل سايق و هو ضايع و الخوف بينهش في قلبه
= ردي بقى ردييي
متخوفنيش عليكي اكتر من كدا
معقول تكون سافرت اكيد لا مش هتسافر و تسيب ادم
راحت فين بس
فضل يلف بالعربيه لحد اما لاقها واقفه على النيل
اتنهد براحه كبيره و طلع من العربيه بسرعه
راح عندها و اتكلم بهدوء و هو بيبص للنيل
= برن عليكي مش بتردي ليه
همست بدموع
= يمكن سرحت و مسمعتوش
اعمل متابعه لصفحه يارا عبدالعزيز الروايه بتنزل عندها قبل اي حد
كان لسه هيتكلم بس قاطعته و هي بتتكلم بدموع و صوت متحشرج
= مش قادره اتكلم ارجوك
قالت كلامها و مشيت من قدامه و راحت ركبت العربيه تحت نظراته
اتنهد بغضب و ركب العربيه و طلع بيها من غير ما يتكلم
وصل قدام باب الڤيلا ، اتكلم بهدوء و هو بيديها شنطه على التابلو
= المرهم دا كويس للحر.ق اللي في ايديك
خدته منه و طلعت من العربيه من غير ما تتكلم ، بص لطيفها بغضب و طلع بالعربيه
وصل قدام ملـ.هى ليلي و دخل قعد على البا.ر و فضل يشرب كتير
وصل ريان و معاه اسر
دخلوا القصر و كانت رحيل و تميم قاعدين مع حياة في الريسبشن
بصولهم بعدم فهم
اتكلم ريان بهدوء
= فريده فين
حياة باستغراب
= فوق في اوضتها
كملت و هي بتشاور على اسر و بتتكلم بصدمه
= جاي معاك!
هز ريان راسه بهدوء و طلب من الخدامه تقول لفريده انه عايزها
اتكلم تميم بغضب
= دا بيعمل ايه هنا يا بابا!
ريان بحده
= تميم صوتك ميعلاش
تميم باحترام
= اسف يا بابا بس دا بيعمل ايه هنا
ريان بص لفريده اللي كانت نازله بتبص لاسر باستغراب
اتكلم ريان بحنان
= تعالي يحبيبتى
راحت فريده عنده و بصيت لاسر اللي كان بيبصلها و بيبتسم بحب باستغراب
اتكلم ريان بهدوء
= اسر هيعقد معانا هنا تحت عيني فتره و لو ثبت انه فعلا بيحب فريده هنعلن جوزاهم اما بقى لو حصل العكس مش هسيبه الا لما ينفصل عنها تماما
فريده بصتله و ابتسمت بفرحه و حضنت ريان بقوه ، و حياة ابتسمت بحب و هي بتبص لريان
اما رحيل فمكنتش فاهمه اي حاجه
اتكلم تميم بغضب مفرط
= مستحيل!
مستحيل يعقد هنا
على اساس ايه تقعده هنا ما تفهمنا يا بابا
ريان بحده
= و انت خليت فيها بابا!
مش لما تبقى تحترم وجودي الاول انت قاعد تغلط كتير و انا بعديلك
تميم بهدوء
= انا مش موافق على أنه يعقد معانا
ريان بحده
= مش لازم توافق
انا قولت اللي عندي و اللي انا شايفه صح
حياة بخوف
= خلاص يا تميم اكيد بابا عنده وجهه نظر يحبيبي و هو مش هيعمل حاجه تضر فريده
تميم بغضب مفرط
= ايه اللي حصل
ايه اللي جد يخلي واحد زي دا يجي يعقد هنا معانا انت مش خايف على فريده منه
حياة بحده
= تميم اتكلم مع ابوك باحترام هو اكيد ادرى بمصلحه اختك عننا
اتنهد تميم بغضب و مسك ايد رحيل بغيره و اتكلم بهدوء و هو بيهز راسه
= تمام يا انا يا هو!
عدي كان قاعد على البا.ر و بيبتسم بالم و هو بيحاول ينسى المه
فاق من اللي هو فيه و هو شايف الشخص اللي شافه مع تيا في اوضتهم و
يُتبع....