رواية الأعمى
الفصل السادس والخمسون 56 والاخير الجزء الثاني
بقلم ليله عادل
الملجأ ٨م
يمسكها الظابط
أميرة : لحظة واحدة فى حاجة صغيرة لازم أعملها تنظر لشهد بابتسامة وفجأة تضربها بالقلم بشدة
ده تمن طيبتي وثقتي واستغلالك ليهم .. وتضربها بالقلم مرة أخرى .. والقلم ده بقى عشان فكرتي تاخدي جوزى مني .. تضربها بالقلم للمرة الثالثه .. والقلم ده عشان تعرفي اني مش مغفلة واني كسبتك بالآخر
أدهم : خدوها
شهد : ياخدو مين اصبر على رزقك بحركه سريعة تخرج مسدس من شنطتها وتوجهه على اميرة
بحركة سريعة يأخذها مروان خلفه لأجل ان يحميها
مروان : نزلي السلاح يا شهد
شهد : أوعى يا مروان دي متستهلكش
ادهم : نزلي السلاح يا شهد اللي بتعمليه ده غلط مش هيفيدك بحاجة نزلي السلاح احسلك
شهد : هتقتلونى ما انا كدا كدا ميته ، اموتها معايا وأحسركم عليها
لكن بحركة سريعة جدا يأخذ ادهم منها المسدس ويمسكها من كتفها بقوة ويقوم بصفعها عدد من الأقلام ورا بعض حتى نزفت من فمها يمسكها أحد الظابط
الظابط : خلاص يا ادهم هتموت فى ايدك
ادهم : تموت على الأقل تبقى ماتت على ايدي
الظابط : خدوها
شهد : وهى تخرج بانفعال وغضب .. انتي فاكره إنك كسبتى ، لا انتي هتفضلي فاكرانى. انا هفضل معلمة جواكي بثقتك بكل الناس اللي تهزت هتحلمي بيا هابقى كابوس حياتك يا أميرة
أميرة : بصوت عالي أنا نسيتك يا شهد ودست على ذكراكي بالجزمة
تخرج شهد مع رجال المباحث تنظر أميرة لمروان ويضمها ثم يقترب ادهم منهم
ادهم : بكرة هنكمل التحقيق
تنظر أميرة له
أميرة: هتتشنق
ادهم : أكيد ماتخفيش
أميرة : شكرا يا ادهم انا مديونالك بحياتي
ادهم : ده واجبي عن إذنكم
مديرية الأمن ٩ص
مكتب ادهم عمران
يجلس ادهم على كرسي مكتبه وشهد على الكرسي الامامى لا يبدو عليها الخوف او الندم وكان يجلس بجانب مكتب ادهم الحاجب ويقوم بمدونه الأقوال
ادهم : شيماء صفوت اباظه من الواحات العمر٣٦سنه فقدت أسرتها بعمر ,عشرين عاما اشتباه بفقدان الذاكره مؤقت اتحولت لمستشفى دكتور تيم للصحة النفسيه وبعدها النيابه حولتها لدار الرعايه ملجأ الزهور ها يلا أنا سامعك احنا مع بعض لمدة عشر سنين
شهد : عايز تعرف ايه
ادهم : كل حاجة
شهد : هات سيجاره
يخرج علبه السجائر ويعطيها لها تخرج سجاره وتشغلها وتبدأ بتدخينها
شهد : بعد ما تحولت للدار فهمت أني لو عرفو ان الذاكره رجعتلي همشي وانا بنت مش هلاقي مكان أقعد فيه لأن بصراحه محبتش أرجع البلد وأعيش مع اعمامي فضلت أمثل إني فاقده الذاكره... جه عم مصطفى اتبناني وكتبني باسمه راجل فقير. للأسف المهم دخلت كلية وأخدت كورسات كنت عايزة أعرف ازاي مروان اكتشف أني سليمة بعد سنتين اتعرفت على هشام حبيته بس طلع قواد ابن كلب كان واخد الجواز سلمه عشان يشغلني بالشمال تاني يوم قتلته مكنش لسه قربلي. وأخدت كل الفلوس اللي كان مخبيها في خزنه تحت الأرض في الفيلا بس عشان الناس متعرفش أصلا ان هشام معه كل الملايين دي المفروض قصاد الناس أنه زي حلاتي. كملت فى التمثيل
ادهم : وأميرة
شهد : تاخد سيجاره تانية وتبدأ بتناولها وتضع رجل على رجل .. مكنش بدماغى أأذيها ولا كنت حطتها بدماغي من الأساس ، مجرد زميلة عمل ، اه علاقتنا مع الأيام بقت قوية شوية ، لكن برضو كانت عادي ، مش انتيم يعني ، بس مش هنكر إني كنت مفروسة وغيرانة من علاقتها بنور ، بيحبو بعض أكتر من الاخوات ، لحد كدا تمام ، كنت بشوفها كتير مع مروان ، بأوضاع كدا مش دكتور و واحدة شغالة عنده ، بالأول افتكرتها بت شمال ، وبتعمل كدا معه عشان يخفف عنها الشغل ، لكن لما سألت هبه قالتلي انهم بيحبو بعض ،شغلت الجمجمة وعرفت قصتهم كلها وقصتك معها انت كمان
ادهم : من مين
شهد : كتير... معرفة قصتها مكنتش صعبة
ادهم : ليه بدأتى تأذيها
شهد :لاني شفت إنها متستهلش كل ده مفيهاش حاجة تستدعي إنكم تحبوها كدا وكل الحاجات الحلوة دي شغل وتعليم وأهل وأصحاب وحب. واخده كل حاجة حتى شكل وجسم ٢٤ قيراط
ادهم : غل نسوان يعني ، طيب خلينا نبدأ بالجد الرسائل عملتيها ازاي
شهد : اسأل حاجة غيرها دي كانت أتفه حاجة عملتها الخط الواحد مكنش بيكلفني أكتر من ١٠٠جنيه
ادهم :مسحتي الرسالة ازاي
شهد : تضحك. وتقفل السجاره بالطفايه. ههههههه أسهل حاجة واحدة زي أميرة دي، بتفاهتها ورومنسيتها يوم ما هتعمل باس ورد بتاعها ، هتعملوا يا بتاريخ عيد جوازها ،يا بتاريخ ميلاد جوزها ، يا بعيد ميلاد حبهم
ادهم : ده انتي حفظاها
شهد : أنت عارف يا حضرة الظابط عشان تكسب الحرب لازم تدرسها كويس ، وأنا كنت بركز بتفاصيل التفاصيل ، واميرة بصراحه كانت مسهلاها أوي
ادهم : كملي
شهد: كنت بمرة عندها بالمكتب ، مروان كان طالب منها شغل كتير ، تعبت فاطلبت مني بكل ثقه وعشم ، اكتبلها شوية عقبال ماتشرب النسكافيه ، وتريح عينيها ، فاستغليت إنها مريحة ظهرها وعينيها دخلت فيرس ومسحت كل حاجة
ادهم : والفلاشه
شهد : انا بدخل مكتب اميرة كتير أوي وهى مستأمناني ، فتحت الدرج وسرقتها ومسحتها ورجعتها مكانها
ادهم : ويوم الحادثه اتأكدتي منين ان شهاب هيركب عربية أميرة
شهد: تاخذ سجاره اخرى وتشغلها. أميرة اللي أكدتلي
ادهم :ازاي
شهد : أميرة بتحبني موت ، وزعلانة عليا قلبها طيب أوي ، وطبعا أخلاقها مش هتسمحلها تركب عربية شهاب ، هتعند وتقوله تعال نركب عربيتى وهي بصراحه مخلفتش ظني فيها
ادهم : افرضي كانت ركبت معه عربيته
شهد :أكيد فى خطه تانيه ، كنت محضراها ترله تدخل فيهم ، حادثة بتحصل كل يوم قضاء وقدر
ادهم : يعنى العربية نص نقل دى كانت مدبرة
شهد : عليك نور
ادهم : ده انتي تنفعي كاتبة أفلام أكشن كملي كملي
يخرج سجاره ويدخنها
شهد : بس شهاب عملي فيها راجل ونزلها وطلعت منها بشويه كدمات ليها عمر محظوظه بنت ال ..
ادهم : طب مفهوم.... حقدك وكرهك وغلك لأميرة سبب اللي عملتيه. ليه بقا قتلتي شهاب
شهد : لأنه افتكر انه ممكن يضحك على شيماء افتكر نفسه أذكى مني ده مصيره اللي يستاهله
ادهم : وعمرو
شهد : بقى كارت محروق بعد ماعرفته توصلو لمصطفى وسليمان ، كان سهل توصلو لعمرو ، وطبعا بعدها كل حاجة هتتكشف وتصلو ليا
ادهم : انتي تعرفي إن عمرو عايش
شهد : إيه
ادهم : اممم عايش. ادانا دول يخرج ملف من الدرج أدلة بصوت وصورة على كل جريمة عملتيها.
شهد : طب متلخص وحولنى على المحكمه. ليه كل الرغي ده
ادهم :حابب اسمع منك يا شيماء يا شبح مش عمرو كان بيناديكى بيه كملي بدلتي الدوا ازاي ومروان مركب كاميرات فى الفيلا
شهد : ههههههه ومين قالك اني بدلت الدوا بالفيلا
❤️_____ليلة عادل_____ ❤️
فلاش باك
مركز د/ مروان ٢م
الحمام
نرى أميرة وشهد تقفان أمام المرايه تقومان بتسريح شعرهما ووضع روج
أميرة : أنا هدخل التواليت. خدي بالك من الشنطه
شهد : حاضر
تدخل أميرة الحمام وتغلق الباب
تفتح شهد بسرعه الشنطه وتخرج الدوا وتبدله
ثم تقف وتكمل تسريح شعرها تخرج أميرة
أميرة: يلا
شهد : يلا يا حبيبتي
المشهد الحالي
شهد : بس للأسف معملش حاجة لأنها كانت بتاخد ادوية بتقلل المفعول ، جبتلها برشامه تانية من الآخر وحقنتها بالعصير اللي بتحبه وشربته ويومها سقطت وبردو قامت بالسلامة بسبعة ارواح بنت الكلب
ادهم : و ازاي التحاليل كانت بتطلع سليمه
شهد : أصل ميرو كانت بتخدني معها بكل مره تعمل تحاليل فيها ، خصوصا إن نور كانت تعبانه ونايمة على ظهرها معظم الوقت ، التحليل الواحد كان بيكلفنى خمسة الاف جنيه ، ولو كان كلفني عشرة ، عادي.. المهم أثبتت ان التحاليل سليمه عشان أجننهم
ادهم : لا ، لاعيبه لاعيبه ومش بتجيب غير اجوان من قبل ١٨ ، لازم أحييكي .. يصفق لها .. وليه معملتيش كدا بالحمل الأول
شهد : مين قالك ، أني معملتش ، أنا كنت عايزة. أتخلص من الجنين ومنها ،وتطلق ، حطيت لمروان حبوب هلوسه ومنشط جنسي ، تخيل انت بقى الاتنين ممكن يعملوا فى راجل ايه ، وخصوصا لما يكون هو أصلا قوي جنسيا ، وجسمه قوي وهي عصفورة جنبه مالك بتبص كدا ليه هو عمرو مش كاتب بالورق .. شكله نسي ، بس تخيل سامحته بعد كل ده ، وخدها واختفى ٤شهور مرجعوش غير وهى بنص الخامس ، وكان مروان حاطط حوليها ترسنت حرس ، وللأسف خلفت وجابت توأم وبقت زي القردة ، مع أني كنت بدعي تموت بس ربنا مستجبش
ادهم : هو ربنا ممكن يستجيب من واحدة زيك... حرقتي الشقة ليه كانت فاضية ليه مستنتيش مثلا لما تفرشها
شهد : اتغليت أوي لما عملت الشقة وبفلوسها كمان من غير أي مساعدة كانت فرحانه أوي. كان نفسي أسرق فرحتها وأقتلهلها. واخليها تتحسر ، كان نفسي احرق أحلامها أحرق قلبها عليها أوجعها بكل حلم حلمته وحققته
ادهم : أميرة عملت معاكي حاجات كتير كويسة عمرها ما صعبت عليكي وقولتي كفاية دي شرين صعبت عليها
شهد : ولا عمري حسيت ليها بشفقة أو رحمة أنا بفرح أوي لما بشوفها حزينة، شعور لذيذ جدا لما بشوفها بتعيط ومتنكده ضعيفه مكسوره بس بنت الكلب كل ماكانت بتقع بتقف تاني ، كأن ولا حاجة حصلت مافيش أي حاجة نفعت معاها ، كل مره كنت بحاول اعمل حاجة توجعها وتكسر قلبها ، كانت بتخرج سليمه واقوى من الأول ولا حاجة محوأه فيها ، بنت كلب ، كنت بتغل أكتر ، وقسوتي بتزيد أكتر ، ياريتني قتلتها ، انتم الاتنين كان لازم أقتلكم من زمان ، فرحانة أوي بالعاشق الولهان اللي بيموت فيها ، وبنفس الوقت عايزة تفضل بحضن جوزها ،دي انانية مشفتش تربية ، تستاهل الحرق صاحيه ، تستاهل أكتر من اللي عملته فيها ، لو كانت اتجوزتك كانت هتعمل نفس اللي بتعمله المفروض تشكروني لاني بربيهالكم ،
أنا اللي استاهل حياتها استاهل اعيش مع مروان ومع اهلها ومع اصحابها مش هي
ادهم :قبلت كتير بحياتي. لكن نفس قذارتك دي مشفتش ولا هشوف غلك يدرس ، اثبتي يا شهد إن الغل والحقد ، ممكن يخلي الانسان يصاب بالجنون ويعمل أى حاجة حتى لو القتل ، وميشفش الخير اللى بيتعمل ليه ، ميشفش غير الشر ، وانت مشيتى بشرك زى القطر اللي مش بيقف غير بآخر محطة ، وآخر محطة هى المشنقه .. فاروق كتبت اللي حصل
فاروق : تمام يا باشا
ادهم : تمام. قفل المحضر
يقف و يسير... ثم يقف أمامها مباشرة يشاور بايده لتقف تقف شهد تنظر له بضيق
شهد : خير
ادهم : كل خير حنين انتي اللي حطتلها الكاتر
شهد : اه عشان اخترتها هي
ادهم : ده من حسن حظي أني اخترتها
شهد : اكتب يا فاروق كمان أنا اللي حطيت السم بأكل بنت نور عشان تتريق عليا حلو... كنت عايزة أأذيها ببنتها ، وانا اللي بعت الناس تقتلك ، حظك زي حبيبتك حظ عوالم أصل المشنقه مرة واحدة هي موتة ولا أكتر فلازم أكون مرتاحة
ادهم : و ارتحتي
شهد :للأسف لا
ادهم : ولا عمرك هترتاحي ، يا شهد وزي ما قولتي هتتشنقي مرة واحدة ، انا سعيد بيكي يا شهد وفخور بيكي ، والله خسارتك بالموت خسارة الدماغ المتكلفه دي ، كان لازم تشتغلي معانا هنا ، بس اللي متعرفهوش ان قبل ماتتعلقي على المشنقه ، انتي منوراني هنا شوية ، وأنا ناوي ألحسك الأسفلت يا شيماء ...
يجز على أسنانه ويصفعها بالقلم بقوة تقع على الأرض من قوته ينظر لها وهي على الأرض ويخلع حزامه ويقترب منها ويبتسم
❤️_____ليلة عادل_____ ❤️
فيلا أميرة ومروان ٢م
نرى الجميع يجلسون فى الراسبشن مروان و اميره ، خالد وفريده ، وياسمين وكريم ، ونور وحمزه ومهم ادهم وعلى ملامح الجميع الضيق
فريدة. : يعني دلوقتي إيه اللي هيحصل يا ادهم
ادهم : بكرة هنستكمل التحقيق لازم كلكم تيجو للاستماع لاقوالكم
مروان : وبعدين
ادهم : تتحول للمحكمة
خالد : وايه أقل عقوبة ممكن تاخدها
ادهم : لو محامي عقر. مش هيجبلها أقل من مؤدب هي مش داخله بجريمة واحده كل جريمة وليها قضية وحكمها يعني لو مخدتش اعدام ممكن تاخد أحكام ب ١٠٠سنه
أميرة : بس هتاخد اعدام مش كدا
ادهم : ده شى أكيد لكن بقضيتك انتي احتمال لا
أميرة : هى مش كانت عايزه تقتلني مش ده يبقى سبق اصرار وترصد زي ما بتقولو
ادهم : معاكي بس المحامي ، ممكن يلاقى ثغرات لكن قتل شهاب قتل عمرو قتل هشام اعدام من غير مناقشه متخفيش. هتاخد اشد عقوبه
نور : قولتلك قبل كدا ان البنت دي مش تمام ومش سالكه وانتي مافيش فايده فيكي. فضلتي تدافعي عنها... اشربي بقى
حمزه : خلاص يا نور اللي حصل ، حصل المهم نتعلم من الجاي
نور : هى دي بتتعلم
كريم : خلاص يا جماعه الحمد لله كلنا اتخدعنا فيها مش أميرة بس
مروان : مظبوط حتى أنا اتخدعت مش هنحمل أميرة وحدها الغلط هي قدرت تضحك علينا وتمثل انها صديقه وإنها مننا
ادهم : مظبوط ، نور لازم تعرفي ان احساسك إنها مش كويسة جزء منه غيرة على أميرة ، وجزء تاني انها كدابه ومخبيه حاجات مش إنها مجرمه محدش فينا كان يتوقع انها بالاجرام ده وهي اللي بتعمل كدا
ياسمين : انا كنت زى أميرة بعزها وبثق فيها لحد امبارح لما عرفت والله فضلت مش مصدقه افتكرت أميرة بتعمل فيا مقلب
فريدة : بقولكم إيه غيرو الموضوع الزفت ده الحمد لله إننا عرفنا الحقيقة وتحبست الحمد لله دلوقتي بقينا بأمان المهم ان أميرة بعد كدا بلاش تثق بحد
أميرة :خلاص يا ماما مستحيل أدخل اي مخلوق حياتي تاني المره دي الضرب كسرتنى
مروان : ينظر لها ويمسك ايدها ، محدش يقدر يكسرك طول ما أنا عايش فهمه
ادهم : مروان كلم منير هو كمان لازم ييجى للتحقيق
مروان : هبلغه
نور : انا لو شفتها هقتلها كانت عايزة تقتل بنتي
حمزه ما خلاص يا شعلله
كريم : انت عارف يا حمزه شعلله لازم يشعللها
نور : معرفش انتم معندكمش دم ليه. دي كانت عايزه تقتل بنتك و تقتلك واختك معندكمش دم صحيح
ادهم : هتاخد جزائها متقلقيش يا نور ، متخفيش هي مش قعده بأوتيل دي نزلت الحبس وأنا موصي عليها أوي هخليها تقول حقي برقبتي. أنا لازم أمشي دلوقتي الساعه ٩ الصبح ، تكونو موجودين عن اذنكم
بعد رحيل ادهم. تدخل فاطمة عليهم
فاطمة : أحضرلكم الغدا
مروان : اه يا دادا ياريت
أميرة : انا هطلع اشوف الولاد عن اذنكم
خالد : نور اطلعي وراها متسبيهاش
نور : حاضر يا بابا
❤️_____ليلة عادل_____ ❤️
غرفة نوم مروان واميرة
نرى أميرة على السرير وترفع رجلها على بطنها وعيونها بها دموع تطرق نور الباب وتدخل تنظر لها بابتسامة وتجلس بجانبها
نور : مش أوحش من ولاء اللي. قالت لمستر عاصم انك بتغشي وتقفشتي وجبتي ملحق فى الفيزيا وطنط فريدة ضربتك وعاقبتك إنك متسافريش معهم تركيه وفضلتي قاعدة الاجازه فى الشرقيه عند جدتك
تبتسم أميرة لها بدموع
أميرة : معرفش حظي وحش بصحابي ليه مع أنى جدعه معاهم
نور : اه يا كلبه أمال أنا إيه
أميرة : انتي اختي مش صحبتي. تقبلها من خدها وتضمها ربنا يخليكي ليا أنا زعلانة أوي يا نور انا كنت بحبها حطتها فى مكانة كبيرة بقلبي
نور : متزعليش ،عادي هي أول مرة ، محنا ياما حطينا ناس بمكانة كبيرة ، وطلعوا ميستهلوش، الحمد لله ، اننا كشفناها بالوقت المناسب ، بصي يا حبيبتي يمكن هي قدرت تحرق ذكريات كتيرة. بس هي عملت حاجة حلوة أوي أوي خلتنا نقرب من بعض أكتر وعلاقتنا بقت أقوى من زمان ، كفايه ان بابا خالد ومروان بقوا أصحاب ، بصراحة مبسوطه أوي.. اخيرا هنقدر نقابل ادهم من غير مروان مايزعل مينفعش و عيب
أميرة :بس.. عشان أقسم بالله أنا مش مستوعبه لحد دلوقتي انهم بقوا أصحاب ده مروان فدى ادهم بروحه
نور ؛ ادهم حكالي مصدقتش قولتله زقك من قدام الرصاصه مش حطك قدامها هههههه
أميرة : يا سلام ياختي مروان يعمل كدا ليه... مروان اللي يتغار منه
نور : انتي شفتيها امبارح
تطرق ياسمين الباب وتدخل
ياسمين : ميرو روقي بقى
أميرة : تعالي اقعدي. مجبتيش عمر ليه
ياسمين : أجيبه بالنكد ده ازاي سبته مع حماتي
نور : ها عملتي ايه لما شفتيها
أميرة : تصدقي مشفتش نظرة ندم واحدة ، كانت واقفة قصادي وحاطه عينيها بعنيا ، ومشفتش أى أسف.. أي ندم كأنها معملتش حاجة تضحك نصف ابتسامة حزن لحد آخر لحظة كنت بتمنى تطلع مظلومه أول مشفتها داخله كدبت عيني قولت لا مستحيل ده حد شبهها نفس. الصوت نفس الشكل مش هي لما وقفت قصدها كانت زعلانه عشان مقدرتش تهزمني محستش بنفسى غير وأنا بضربها بالقلم كان كل قلم بينزل على وشها كان بيطفي نار نار قايدة جوه قلبي ربنا يسمحها
ياسمين : رينا ياخدها
نور : متزعليش نفسك عادي غارت بداهيه فرفشي كدا. مالك منكده ليه. دي ميتزعلش عليها دي يدوب تتنسي دي صفحه بحياتك من صفحات كتير اقطعيها وعدي
أميرة : قطعتها ودست عليها
نور : هو ده صح
ياسمين : عارفين احنا. كلنا لازم نحضر يوم المحاكمه واحنا لابسين ومتشيكين وجنب بعض كل واحدة تبقى جنّب جوزها ومسكه ايده ومعها عيالها ووضحكه من هنا لهنا ونفهمها إنها ولا حاجة
أميرة : هو ده اللي ناوية أعمله وهلبسلها أحمر شبه الجليه اللي هتلبسها ان شاءالله
ياسمين : نطلع من المحكمة على المطار. نقضي كم يوم حلوين لازم نرتاح من الهم ده
نور :صح نبدأ نظبط من دلوقت
أميرة : هقول لمروان
نور : مروان هيوافق ادهم ييجى
أميرة : خرجيني منها ، منك ليه ، انتي و مروان بقيتوا اصحاب
نور : أقوله مقولش ليه اضحكي يا بت وفرفشى ولا اطلعلك الدك يقضي ليلة حمرا معاكي ويفرفشك
أميرة : اتلمي
نور : هتعملى نفسك مؤدبة. على مامي
ياسمين : بقيتي ابيحة أوي
أميرة : لا هى من وقت ماتجوزت وهي كده
نور : هموت واعرف انتم بتعملوا إيه لما بتبقو بحضن جوزكم انتي وهي
أميرة: انزلي اسألي
نور : وأسأله ليه ماسأل صحبتي
اميره : ههههههه يخربيتك ضحكتيني
نور : ايوه اضحكي كدا فرفشي تقبلها من خدها وتضمها
❤️_____ليلة عادل_____ ❤️
شقة ادهم ٨م
يدخل ادهم الشقة ويحدف مفاتيح السيارة على الترابيزه ويجلس وهو مهموم. تخرج حنين وهى ترتدى الاسدال يبدو أنها كانت تقوم بالصلاه تقترب منه وتجلس
حنين : قبضتو عليها
ادهم : اه
حنين أميرة عاملة إيه
ادهم زعلانه حقها شئ صعب ان الغدر يجيلك من أقرب حد ليكي منتهى الاسى إن أحب الناس ليكي واللي عمرك ما تتخيلي انهم يطعنوكي ف ظهرك، في يوم من الأيام، هما اللي. يطلعوا أساس سواد حياتك هما اللى يطلعوا بيطعنوكى فى ظهرك وانتي مش واخده بالك
حنين : صح بس اميرة جنبها نور وحمزة صدقني مهما كانت شهد مقربة نور وحمزه حاجه تانيه الحمد لله ان مطلعش حد منهم
ادهم : الحمدلله عارفة أنا لما شكيت فى نور للحظه قولت أنا هدي مسدس لأميرة وأقولها اقتليها ومتخفيش احرقيها لأنه حقك لاني عارف نور ومنزلتها عند أميرة بس ميمنعش ان شهد كانت قريبة منها
حنين : البنت غلبانة
ادهم : غلبانة
حنين : دى مريضة نفسية
ادهم : انتي اللي مريضة دي واحده غلويا مريضه فى قلبها ده انا بكرة هافرمها. اعملي حسابك هتيجي بكرة عشان تحكي اللي حصل يوم الكاتر
حنين : ماشي. انت اللي هتحقق
ادهم : اه عادي دول كلمتين انتي شاهدة مش متهمه
حنين : ماشي
❤️_____ليلة عادل_____ ❤️
فيلا مروان وأميرة ٨م
حديقه الفيلا
نرى مروان واميرة و لبنى ومنير وفريدة وخالد يجلسون على الكراسي ويتحدثون
لبنى : عارفين أول ما منير حكالي. افتكرت حكاية حكتهالي جدتى ، قالتلي جارتهم جوزها له أخ ، مراته كانت حلوة ومتعلمه وحملت قبلها ، من كتر الحقد والغل، حرقتها ، بس وهى بتحرقها النار مسكت فيها،
سبحان الله سلفتها طلعت بجرح سطحي، وهي حرق من الدرجه الثالثه ، لما سألوها ليه عملتي كدا ،دي فتحتلك بيتها ،قالت عشان أحلى مني وحملت قبلي
، واعترفت كمان انها شربت. صحبتها وبنتها مية نار عشان بنت صحبتها عينيها ملونه و جوزها بيشتغل بالسعوديه كانو متهمين جوزها واتحبس وخرج لما اعترفت. وماتت واخدت جزائها
فريدة : ياستار يارب
لبنى : الغيره والحقد بيكوي قلب الإنسان بيخلوه أعمى ،عامل زي المجنون ، بيبقى عنده استعداد يعمل أي حاجة المهم النعمة دي ، تروح من ايد صاحبها
خالد : والله عندك حق جتلي ، حاله قبل كدا ، واحدة حرقت بنت ضرتها ، عشان جابت بثانوية عامه ٩٨وبنتها ٩٠ فاكرة لما حكتلك يا فريدة مصدقتيش
فريدة.. المجتمع بقى مرعب حقيقي
مروان : لأننا بعدنا عن ربنا بنمثل الفضيله والشرف والايمان ، واحنا منعرفش عنهم حاجة ، زي مثلا من كام يوم شفت فيديو على الفيس ، لبنت بترقص وسط شباب هو غلط وحرام أكيد ، لكن ربنا سترها الجرم كان على قد المكان على قد اللحظه اللي حصلت فيها ، لكن الناس صورتها وفضحتها وياريتها وقفت على كدا المجتمع بدل ما يسكت بقى عامل يشير الفيديو ، ويشير الفضيحه الموضوع بدل مكان مجرد رقصه فى قاعة وسط عدد معين بقت وسط ملايين ، ويقولو لازم تتحاسب ، مافيش تربيه. مع ان دينا علمنا إننا مانساعدش على نشر المعصية وإننا نستر... علمنا الستر لكن لا ، احنا بقينا شطار جدا فى نشر الفضايح وعدم الستر وحجات كتيرة بنقولها ونحرمها واحنا أساسا بنعملها بس بطرق تانيه
منير : عندك حق المجتمع بقى بشع جدا الحقد والكراهية بقوا منتشرين بشكل كبير ربنا يسترها على ولادنا الموضوع للأسف كل مادا بيزيد سوء
خالد : ما ده دورنا لازم ناخد بالنا. أكتر من الأول.. زمان حاجة و دلوقتي حاجة.. أديكم شايفين عينة اهي من الجيل الجديد
أميرة : شكرا يا حج
لبنى : أميرة دي مافيش زي أخلاقها والله انا نفسي أشوف بناتي زيها بس من غير طولت لسان عشان أنا من الأمهات اللي بتضرب
يضحكون
منير : احنا كدا يا حبيبي... هتعمل إيه بكرة
مروان : ولا حاجة بكرة هنروح النيابة لاستكمال التحقيق بس
منير : الصراحة متوقعتهاش مكنش باين عليها
أميرة : عرفت تمثل صح
لبنى : ما هو الوجع يا حبيبتي ما بيجيش غير من المقربين ، أقرب حد ليكي ، اللي متتوقعيش إنه هو ، يطلع هو اللي كان بيطعنك وبيطلعلك لسانه ، عشان كدا أول ما بتحصلي مصيبه ، بفكر بأقرب ما ليا
أميرة : بس ده شئ مؤلم جدا ومرهق نفسيا
لبنى : صحيح بس ما بتفضليش مغشوشة فيهم كتير
مروان : بقولكم ايه احنا مش هنديها أكبر من حجمها تعالو نشغل فيلم ونتفرج عليه لحد ما فاطمة تحضر العشاء
منير : فكرة حلوة. يلا بينا
اليوم التالي
❤️_____ليلة عادل_____ ❤️
مديرية أمن القاهرة ٩ص
النيابة
مكتب ادهم عمران
نرى الجميع يقوم بإدلاء أقوالهم فى النيابة وكل من أميرة ومروان وفريدة وخالد وياسمين وكريم ونور وحمزة شرين وحنين
المحكمة
نرى الجميع يجلسون فى قاعة المحكمه كانت أميرة ترتدي فستان أبيض بورد أحمر وتضع وردة بشعرها
وتجلس بالقرب من القفص ثم تدخل شهد القفص تراها أميرة وتقف أمامها
شهد : طبعا شمتانه
أميرة :بضحكة فرحة. آه أوي فرحانه فيكي مع إنه حرام بس معاكي حلال كسبتي إيه شوفي بقيتي فين ليه عملتي في نفسك كدا والله لو كنتى طلبتي أي شئ كنت عملتهولك أنا عارفه مشكلتك مش فلوس حقيقى مش لقيا كلام والله
شهد : لو الزمن رجع بيا هعمل نفس اللي عملته مع تغيير بسيط هقتلك على طول
أميرة : ليه بتكرهيني كدا
شهد : عشان أحسن مني ، عندك كل حاجة كان نفسي تبقى عندي أى حاجة من اللي عندك أهلي ماتو وتحرمت منهم اتحرمت أقول بابا وماما اتحرمت اخدهم بحضني ويطبطبه عليا اتحرمت من اخواتي وانتي معاكي أهلك وسبتيهم عشان راجل ممكن تعوضيه لكن أهلك مستحيل يتعوضه ، وحتى الحب حظك حلو فيه اتجوزتي واحد بيعشق التراب اللي بتمشي عليه بيتمنالك الرضى ترضي مع إنك عنيدة و مغرورة و تافهة برغم ذلك حبك ، وأنا محدش فكر يحبني يقولي كلمة حلوة كلهم كانو بيخدعوني ،
أميرة : لا انتي كان عندك أنا كنت بحبك
شهد : بس كنتي بتحبي نور أكتر كنتي بتحكلها كل حاجة متنكريش إن كان فى حجات كتيره معرفهاش عنك
أميرة : صح بس معتقدش إن ده سبب يخليكي تحسي إنك كمان معندكيش أصحاب أنا حبيتك يا شهد يعلم ربنا أنا كنت بحبك وبتكلم فى حقك ازاي وبعمل إيه عشان أشوفك بأحسن حال لكن موتي ضميرك ونسيتي ربنا ورحمته الواسعة وإنه حنون وزي ماأخد منك هيديكي أكتر بكتير سواء بالدنيا او بالآخرة.. ده رحيم يا شهد حقيقي مش لقيا كلمة برغم كل اللي عملتيه فيا بس مش هنكر إنك حقيقي صعبانه عليا ، لأن عقلك المريض السبب أوعي تفتكري موت أهلك ولا عشان حبيتى وما تحبتيش السبب تؤ انتي مريضة ياشهد حقودة كارهة تشوفي حد أحسن منك
شهد : أهي بقى طيبتك دي هي اللي خلتني أكرهك بزيادة ، أنت ليه طيبة كدا ، ليه نضيفة كدا ، انتي فيكي صفات كتيرة وحشة ، مستهتره ،عنيده ، ما بتشليش مسؤوليه ، بس دول بيترمو بالزباله ، جنب نضافة قلبك وأخلاقك وصدقك، انتي مشهوره بالكذب والتحوير،. بس انتي صادقه ومخلصة للي حوليكي ، نصيحة ، حاولي تتغيري عشان أنا مني كتير أوي يا ميرو ، شهد أو شيماء كتير أوي أوي ، وحوليكى بكل مكان
أميرة : شكرا على النصيحة ، عن إذنك ، هروح أقعد مع أصحابي وأهلي ، وجوزي حبيبي ، وأدهم وحنين، أصل طلعين كلنا على المالديف نغير جو ، أصلي بفكر أجيب بيبي من مارو بنوته حلوة زيي أصل مارو بيموت في البنات باي
تجلس بجانب مروان وتضع رأسها على كتفه ثم تبدأ المحاكمة ، يقف الجميع ثم يقوم القاضى بالنداء على القضيه ثم يقف ادهم ويبدأ بالمرافعة...
كانت أميرة تتبادل النظرات مع شهد بكره وتقوم أميرة بإغاظتها بالنوم على كتف مروان...
بعد فترة.. يقول القاضي... الحكم بعد المدواله وبعد قليل يدخل ويقول..
حكمت المحكمه حضوريا في قضية رقم١٤٥٧جنايات القاهرة بالحكم على المتهمة شيماء صفوت اباظه بإحالة اوراقها الى فضيلة المفتي رفعت الجلسة
يصفق الجميع وتعانق أميرة مروان بفرح
شهد : بصوت عالي وهم يخرجوها .. متنسيش يا أميرة شهد منها كتير حواليكى بكل مكان ، شهد هتموت بس الحقد ما بيموتش ، الحقد هيفضل في نفوس البنآدمين لحد يوم القيامة هتفضلي فاكراني مش هتنسيني حتى بعد موتي هافضل درس ، هأفضل جرح بقلبك كبير ،
تنظر أميرة لها وهى بحضن مروان بأسف ودموع..........
أميرة: فعلاً مريضة
يقترب منهم ادهم
ادهم : مبروك أظن.انا طلعت قد وعدي
مروان : حقيقي مهما شكرتك مش هقدر أوفيك حقك لولاك مكناش وصلنا لكل ده
ادهم : مش هقولك تاني ده واجبي. أنا أكلت عيش وملح في بيت أميرة وهى اخت وصديقه وانت كمان بقيت أخ وصديق ماينفعش اشوفكم فى محنة وأقف اتفرج بعدين ده شغلي
تقترب نور
نور : بمزح ... سيبك انت، إيه يا واد يا ادهوما ده ، يخرب بيت جمالك ، أنت لما علقت البتاعه دي اتحولت بقيت ادهم المرعب ادهم الشرس
ادهم : عشان تعرفى بس وتديني برستيچي
نور : من هنا ورايح هقولك ادهم المرعب
مروان: بقولكم ايه يلا على المطار فاضل ساعتين على الطيارة
ادهم : يلا.. ينظر لحنين حبيبي يلا
حنين : كنت قمر اوي
ادهم : انا قمر على طول
حنين : ايوه طبعا تقبله من خده هحضر معاك على طول
ادهم : ماشي
❤️_____ليلة عادل_____ ❤️
مشاهد سريعة و اماكن متفرقة وأوقات مختلفة فى المالديف
نرى الجميع سافروا الى جزر المالديف. أسرة اميرة الأب والأم واخواتها وأزواجهم. واصدقائها نور وحمزه وأيضا أدهم وحنين
ومنير و أسرته ..كان على ملامح الجميع السعادة. لكن المرة دى كانت من القلب بصدق ليس مجرد سعادة على الوجه تداري ما يخبئه القلب فقد تخلصو من الشجرة المسمومة التي كانت تكبر وسطهم كانت تاخد كل شئ جميلا منهم و تعطيهم الوجع والآهات والألم فهي كانت ليس مجرد اجازة لقضاء وقت سعيد بل احتفال على انتصارهم على القلوب العمياء التي أذتهم
فانراهم وهما يلعبون الكوره بتقسيم انفسهم الى فريقين فريق للشباب وفريق للبنات
وفوز البنات عليهم وهما يضحكون وسعاده تخرج من وجههم واخرى وهما يسبحون في البحر
وفي الليل نراهم يجلسون. ويستمتعون بالأجواء الرائعة ويستمعون للموسيقى الجميلة ويرقصون
ويلعبو الكوتشينه ويشاهدون الأفلام فقد قضوا أسبوع رائع سعيد حيث قويت علاقتهم أكثر وأكثر. ونرى ايضا علاقة ادهم ومروان والصداقة التي ولدت بينهم بعد عداوة وغيرة كبيرة
♥️____ليله عادل___ ♥️
شاليه مروان واميرة بالمالديف ٩ص
نرى مروان يرتدى شورت بحر وتيشيرت كات ويرش برفان. وبعد قليل تخرج اميرة من الحمام وهى ترتدى بيتش دريس كات وبرنيطة
اميرة :مارو أنا خلصت
مارو : ما لبستيش ليه
اميرة: لا لبست
مارو : فين ده
أميرة : ما أنا نويت أنزل بالمايوه الأبيض اللي اشتريته
مروان: مايو أبيض
أميرة : اممم أهو تقلع الدريس ده نسيته
مروان : عايزة تنزلي كدا
أميرة : اه محنا هنروح مكان مطرف محدش هيشوفنا فيه. سألت عنه. بعدين ممكن ناخد. مركب ندخل جوه خالص محدش هيلمحني انت اللي تسوق المركب
مروان : يلا يا ماما روحي البسي هدومك
أميرة : أمال انا مشترينه ليه ده ٧ الاف جنيه
مروان : ان شاء الله يكون ٧٠٠ ألف جنيه. لا يعني لا.
أميرة :مروان بلاش رخامه محدش هيشوفني
مروان : قولت لا قولى حاضر
أمير ه: يا مروان
مروان : قولى حاضر
أميرة : برضو.
مروان: يلا البسي هنتأخر
أميرة : رخم بجد طب مش نزله بقى وامشي من هنا كل حاجة تحكمات تحكمات
يقترب منها مروان يضع ايديه حولين خصرها. بنظرات كلها حب
مروان :محبش حد يلمح حتة منك غيري, مقدرش أنزلك كدا بره الأوضه , بس عندى فكرة حلوة لما ننزل مصر هعملك بيسين داخلي , نبلبط زي ماحنا عايزين والبسي اللي انتي عايزاه
أميرة : وعد
مروان : وعد
ينظر مروان لها بس عارفة المايوه حلو أوي وبيحرك المشاعر كدا جوة الواحد
أميرة : مشاعر ايه
مروان : هقولك حالا يقترب أكثر منها ويرفع ذقنها ويقبلها ووووو
وبعد كام شهر
شقة ادهم وحنين ٢م
غرفة النوم
نرى حنين تقف بغرفة النوم وعلى ملامحها السعادة ثم يفتح ادهم باب الشقه بالمفتاح
ادهم : حبيبي حنين
حنين : أنا هنا يا روحي
يدخل ادهم الغرفة
أدهم : عامله إيه استلمتي الشغل
حنين : امم.. دكتور مروان فضل ساعة يعتذرلي
أدهم : هههه لازم ما هو زعلك
حنين: كان غصب عنه المهم تعال أقولك حاجة مهمة
ادهم : إيه
تمسك حنين يد ادهم وتضعها على بطنها عايز ولد ولا بنت
ينظر أدهم بعدم تصديق احلفي
حنين والله وبالشهر التاني
يحضنها أدهم ويلف بها وهو سعيد جدا جدا
❤️_____ليلة عادل____ ❤️
فيلا مروان وأميرة ٥م
غرفة الأطفال
نرى أميرة ومروان ينظران لأولادهما وهما يزحفان ويقوم بتصويرهم وهما يضحكان وسعداء بهم.
اميره وهى تمسك هاتفها وتصور. زياد قرب قرب. ترجع. برجلها للخلف. ايوه قرب من ماما كمان روحى تحمله وتضمه تحمل ادم ايضا وتقبلمها يقترب مروان منها ويضمها من خلف ويقبلها ويضع يده على أطفاله فاخيرا عاشوا حياه عائليه طبيعيه بعد معاناه فهذه هى الحياه التى يردونها
بعد فتره
أحد المستشفيات
نرى أدهم. ومعه والدته وأسرة حنين أمام احدى الغرف وعلى وجهه التوتر. وبعد قليل يخرج الدكتور
الدكتور: مبروك جالكم. بنوته زي القمر
ادهم : الحمد لله. حنين عاملة ايه
الدكتور. : زى الفل
تخرج الممرضة معها البيبي يحملها ادهم ويضمها وهو سعيد جدا
بعد سنه
فيلا مروان واميرة
الهول
نرى مروان يجري خلف زياد وآدم. والألعاب على الأرض فهما أصبحا الآن بعمر سنتين
مروان : آدم تعال هنا. بس. تعال هنا مترحش هناك يمسكوا معرفش ماما اتأخرت ليه... يمسك هاتفه. منه امسكي زياد
بعد قليل تدخل أميرة
أميرة : فى إيه مجننين بابا ليه. دومي. يجرى آدم عليها تحمله وتقبله
مروان : اتأخرتي.
أميرة : معلش تقبله لكن آدم يضربه على وجهه فهو غيران على أميرة
مروان : على فكرة انا جوزها مراتى دى
آدم : بصوت بيبي لا ماما بوسة لا
أميرة : ايوة. ماما لا. ههههه أحسن جالك اللي هياخد تاري منك. مش بتغير عليا من بابا اشرب بقى ههه
مروان ماشي يا آدم
تنزل أميرة آدم على الأرض. أمل خدي ادم وطلعيه فوق وانتي يا منه
يصعدوا السلم
أميرة : عندي خبر ليك جميل
مروان : إيه
تأخذ أميرة يده وتضعها على بطنها يبتسم مروان ويضمها ويلف بيها
♥️♥️♥️♥️♥️♥️♥️♥️♥️♥️♥️♥️♥️♥️
ومرت هذه السنوات الجميلة بحب ودفا فقد شفي خالد تماما من مرضه لكن مازال يغار بعض الشىء على اميرة
ورجوع حنين للعمل عند مروان
كما أن نور أخذت الماجستير بعد معاناة
نرى تكون صداقة عائلية قوية بين أسرة ادهم ومروان
ليست فقط بين الكبار بل بين أولادهم
وخلال هذه الفتره.
رزق الجميع باولاد وبنات ليكونه اسره كبيره جميله
فقد رزق اميره ومروان بطفلين يونس وبعدها
بسنتين رزق. بنوته مثل القمر تالا
وبعد ما رزق ادهم بكارما بعدها بسنتين رزق ب ميرا وبعدها بسنه رزق بأمير
وايضا رزقت نور وحمزه بطفلتهما الثانية رغد
وايضا رزق كريم بطفلته التانية جودي
وايضا رزق منير بطفلته ليان بعد إلحاح من مروان عليه أن يخلف طفل ليكون قريب لأولاده
وايضا روزقت ياسمين بطفلها الثانى مصطفى
وفي نهاية روايتي... عاش الجميع بحب وسعاده وهناء
كانت الحياه بينهم جميله وهادئة وصادقة قلوبهم لا تحمل إلا الخير والمحبة بعد أن تخلصوا من القلوب الحاقدة الخائنة العمياء التي أذتهم
❤️_____ليلة عادل_____ ❤️
بعد مرور خمسة عشر عاما
أحد الحدائق ٦م
نرى أجواء احتفالية جميله جدا حركه فى كل مكان مصورين ومشاهير بكل مكان البعض يجلس والبعض يقف فهى حفله توقيع لكتاب أحد المشاهير ، بعد قليل نرى صور أميرة على احد البوسترات وهى تمسك كتاب. مكتوب عليه ( هكذا علمتني الحياة)
ثم يدخل أدهم الحفلة ومعه حنين و أولاده فقد كانت ملامح أدهم تغيرت قليلا جدا لكنه مازال محتفظ بوسامته و بنية جسمه القوية .. كان يحمل بايده بوكيه ورد ..فجأه تظهر أميرة وهى تقف مع نور فهي مازالت تلك الفتاة الصغيرة الشقيه التى لا تفارق الضحكه وجهها مازال ذلك الشعر المنسدل الجميل كما هو بقصتها الملفته التى تنزلها على عينيها مازالت تحتفظ بتلك الملامح البريئة الرقيقة ولم تتغير إلا قليلا جدا برغم وصولها لعمر الأربعين عاما تنظر لأدهم وتبتسم وتقترب منه
أميرة : ايه المفاجأة الحلوة دي
أدهم : ايه الحفلة خلصت
أميرة : ودى تيجي. نقدر نخلص الحفلة من غير أدهم باشا ما يحضر... ازيك يا حنين تحضنها وتقبلها.
حنين : ألف مبروك
أميرة الله يبارك فيكي. ازيك يا كارما تقبلها ازيك يا أمير أمال فين ميرا
حنين : تقصدي الغلبويه. مع جدتها لو كنت جبتها كانت جننتني
أميرة : ربنا يخليهالك
كارما : امال فين ادم
أميرة : شايفة جروب البنات ده تشاور بايدها .. هو في النص
أدهم : ماشاء الله طالع لخالو
أميرة : والله ولا خالو حتى ده طالع نسخة من منير والنبي تلاقيه قاعد جنبه
تقترب منهم احدي المذيعات
المذيعه : دكتور ممكن كلمة
أميرة : طبعاً عن اذنكم
أدهم : أميرة الورد
أميرة : ميرسى. يا أدهم
تقترب كارما من آدم
كارما : خير ان شاء الله يا أستاذ دم دوما
آدم : ايه ده الصوت ده ، مش غريب عليا... ينظر ها مراتي المستقبلية إن شاء الله
كارما : نفسي مرة أقفشك قاعد مع شباب
آدم : بمزح انتي لو قفشتيني قاعد مع شباب المفروض تخافي وتقلقي يخبطها على كتفها بكتفه وحشتيني
كارما : وحشك قطر يابن مروان واميرة
آدم : ربنا يخليكي ليا يا حبيبتي تعالي أاكلك سينابون .. يمسكها من كتفها ويشدها .. تعالي متبقيش تنحه زي زياد
كانت يقف أدهم وينظر أمامه ويبتسم. كان ينظر على آدم وكارما وهما يجلسان بجانب بعضهما ويضحكان فآدم الآن بعمر الخامسة عشر عاما وكارما بعمر الثالثة عشر عاما
تقترب أميرة منه
أميرة : مش عيب عليك بقيت راجل كباره وابنك سنتين وهيجيب طولك واقف لوحدك وبتضحك
أدهم : ههههههه
أميرة : إيه اتهبلت
أدهم : بصي كدا هتعرفي بضحك على ايه...
تنظر اميرة امامها وتبتسم ..
أدهم : اللي مقدرتش احققه زمان هيحققوه اولادنا.
تنظر له بابتسامة
أميرة : أنا كان نفسى تحب زياد أصله حته من باباه وأعقل كمان من مروان ، لكن آدم ماشفش بخمسه جنيه تربية أنا مش مسؤولة
يقترب منهم مروان
فانرى علامات كبر السن بدأت بالظهور قليلا على ملامح وجه مروان فهو الان بعمر ٥٥عام ، لكنه مازال جميل الوجه صاحب الوسامة الطاغيه فهذه الذقن الخفيفه وكم شعره بيضاء بها، زادت من جماله جمالا ، ومن وسامته أضعاف ومازال يحتفظ بقوته الجسدية وقوامه الممشوق ، وعضلاته وأناقته
فايقترب منهم بتلك الابتسامة التي تهز القلب التي تقشعر لها الأبدان ويهتز لها القلب
مروان :حبيبي انتي هنا عمال أدور عليكي
أميرة : روحي
تقترب منه تقبله من خده يحاوط مروان ذراعه على خصرها ويقربها منه
أدهم : كنت بورلها ابنك يا فندم وهو بيعطف وبيلطف مع بنتي ، لما ارمهولك بالنيل دلوقت ينفع
مروان : بابتسامة.. مش ده آدم حبيبك ابنك اللي مخلفتهوش ههههه
أدهم : بس دي بنتي برضو يا مروان وابنك ده طالع زير نساء مع انك مش كدا
أميرة.. والله اللي عنده معزة يلمها
أدهم : ماشاء الله نفس اللطافه. تعدي السنين ولسانك ماشاء الله كل سنة بيطول مترين
أميرة : اذا كان عاجبك
مروان : براحتها على فكرة
أميرة : قلبي يا ناس شايف الرجالة
أدهم : شايف يا ستي ربنا يخليكم لبعض
اقتربت منهم نور
نور : ميرو يلا عشان تقولي الكلمة
أميرة : بمزح يلا. تعالو هيكون أول كتاب وآخر كتاب. فاهم ياللي بتلعب بدماغي أنت
مروان : فاهم
أميرة : يلا تعالو شجعوني
تذهب اميرة وتقف على الاستيدج وكان الجميع يجلسون مروان و أولادها وأسرتها والأصدقاء وجميع الحاضرين للاستماع لها تقف أميرة أمام المايك وتبدأ بالتحدث
أميرة : مساء الخير على الجميع طبعاً بشكر كل واحد حضر النهارده وفضى نفسه وإداني من وقته عشان يدعمنى ويقف معايا بأول كتاب ليا ، من أول أساتذتي الكبار لحد عامل البوفيه ، شكراً ليكم كلكم
، ده أول كتاب ليا ،طبعاً كتبته بعد تردد وخوف شديد ، بدأت من سنتين ، سنتين وانا بكتب فيه..... مش هنسى تشجيع ولادى..
ودكتور مروان ليا ، كل مااكتب صفحة ، ولا كميه الشكولات اللي جبهالي عشان أكمل الكتاب ده ، يمكن يكون آخر كتاب لأنه أهم كتاب ليا.... كتاب حياتي كل وجع.. كل ضحكه... كل حاجة اتعلمتها وتخطتها هنا بالقصة دي .. القصة حقيقية جداً ، كل سطر بكل كلمه بكل حرف اتكتب .. من هنا تشاور على قلبها ..حقيقي ده كتاب حياتي وأيامي اللي عشتها......
الحياه مدرسة كبيرة أوي ، مهما تفتكر انك اتعلمت تطلع ولا اتعلمت أي حاجة ، كل واحد بيمر بحياتك بيعلمك ، حتى المتر اللي بيقدملك القهوة بيعلمك شئ ، بس احنا اللي بنبقى أعمياء عن كل شئ حوالينا ، بنعدي حاجات كتيره مع إنها بتكون واضحة قصادنا ، بس بنتعمي عنها ، بيكون نظرنا ستة على ستة ، لكن لابسين نظارة عميانا عن معرفة حقيقة الناس اللي حوالينا ، صدقوني ، كلنا لابسين نظارت عميانا ، ولما بنكتشف الحقيقة بنقول ياريتنا فضلنا لابسنها ومعرفناش الحقيقه ، وبعد السنين اتأكدت إن العمى الحقيقي هو عمى القلب... عمى البصيرة..
لازم كلنا نقلع النظارت حتى لو الحقيقة قاسية بس مش هتبقى أقسى من الكدب اللي عايشينه...... وأخيرا
عايزة أوجه كلمة لأكتر إنسان بحبه.... لأكتر إنسان وقف معايا ودعمني عشان أبقى دكتورة أميرة.... أكتر إنسان اتحربت عشانه ، لو مرت كل سنين العمر هفضل أحبك ، حتى بعد مليون سنة هحبك ، مهما كبرت وكرمشت هحبك ، القلب ده مش هيحب ولا هيشوف غيرك... أنت عينية اللي بشوف بيها العالم،
أنا اتحاربت لما اتجوزت دكتور مروان ،.. كتير منكم شافه إنه كتير عليا ، ازاي مروان عزت الجامد اللي شخصيته قوية وصارمة يتجوز أميرة الشقية اللمضة ، كتير راهنو على فشلنا ، لكن أنا كنت متأكدة وعندي يقين مهما السنين مرت هفضل شايفة نفس الابتسامة نفس النظرة بعينيه ، انا بحبك أوي أوي وهتفضل المكسب الوحيد اللي كسبته بحياتي
شكرا للجميع على حسن استماعهم
تنزل من على السلم
يقترب مروان منها ويمد يده تمسك يده و تقف أمامه يضع يديه الاتنتين على وجهها وينظر لها بعيون مليئة بالدموع والحب
مروان : انتي هتفضلي البنت العنيدة الشقية اللي خطفت قلبي بعنادها ومن وقتها وهي مجنناني بحبها ومخلياني مجنون أميرة.... عمري ماهندم اني اخترتك.. بحبك
أميرة تقترب منه ثم تقترب من أذنه. وأنا بموت فيك
يضمها ويلف بيها
أميرة :بس أنا بحبك اكتر على فكرة
مروان : لا أنا
أميرة : لا أنا بقا
مروان : بعشقك يا عنيدة
أميرة : مش هقولك تاني إن البنت العنيدة رزق
مروان : والله العظيم أحلى رزق
يضمها ويقترب منهما أولادهما الأربعة ويقبلوهم ويضموهم لأحضانهم
وعاش الجميع بسعادة وحب ودفااا وراحة باال
الأعمى قصة وسيناريو وحوار وتاليف ليلةعادل
ماذا تعلمتم من قصتي...
أننا جميعا أعمياء عن حقائق كثيرة...
اسم الرواية الأعمى ليس مجرد اسم عادي فهو اسم اسقاطي
فجميع من كانو بالرواية أعمياء البصيرة وليس البصر
روايتى الأولى الأعمى التي أتمنى ان تكون قد اسعدتكم ونالت رضاكم ورسمت الفرحة في قلوبكم والبسمة على شفاهكم
دمتم بالف خير وسعاده
تمت بحمد الله
لقراءة جميع فصول الرواية من هنا
وايضا زورو قناتنا سما للروايات
من هنا علي التلجرام لتشارك معنا لك