رواية الأعمى
الفصل الحادي عشر 11 الجزء الثاني
بقلم ليله عادل
الريسبشن
- يجلس الاب والام واكمل فى الريسبشن يتحدثون وعلى الترابيزه طبق فاكهه.
الام : اثناء تقشيرها الموز ... بصراحه مش هتلقى احسن من اميره بنوته زى القمر ودكتوره كفايه انها تربيه فريده وخالد
اكمل : مافيش اختلاف على الكلام ده بس انا حاسس انها مش بتبادلنى شعورى يمكن فى حد تانى فى حياتها
الام : تعطى موزه و بثقه .. لا انا سألت خالد اكدلى مافيش حد وبخصوص ادهم قالى هو اللى عايز يرجع واميره رافضه
الاب : انت بتحبها وعايزها ولا لا
اكمل : مش بحبها بس فى اعجاب استلطاف واكيد مش هلقى احسن من اميرة زوجه ليا
الاب : خلاص بكره هتكلم مع خالد وطلبها منه رسمى
اكمل : من رأي حضرتك تستنى لما افتح مع اميره الموضوع الاول
الاب : زى ما تحب بردو والدتك تسال والدتها لو فى حد انا عارف انهم مش بيخبوا اى شى عليه (ينظر للام ) منى كلمى فريده واعزميها بكره على شاى وتكلمى معها
منى :ماشى
_--~*ليلة عادل ❤️✍️🌹~*_
مركز د / مروان 9ص
مكتب مروان
- مروان يجلس على كرسى المكتبه وهو معطى ظهره و ينظر من النافذه ويفكر بعد قليل يطرق الباب تدخل شهد ويتحدث معها وهو معطى ظهره لها.
شهد : صباح الخير يا دكتور
مروان : صباح النور
شهد : دكتور فى مشكله بسيطه
مروان : بعدين يا شهد اتكلمى مع منير وهو يحلها
شهد : استاذ منير لسه مجاش
مروان : ايه الموضوع
شهد : اميره مجتش النهارده كمان
مروان: ..يلف بكرسى وينظر لها .. ها عارف وزعى شغلها هى ممكن متجيش الاسبوع ده كله
شهد : اه البرد مبهدلها طب حضرتك ترشح حد معين
مروان : بزهق .. اى حد يا شهد اتكلمى مع هدى شوفى الجداول او الغى محاضرات الاسبوع ده انا مش فاضى للتفاهات دى
- تطرق شرين الباب وتدخل
شرين : ازيك يا شهد
شهد : الحمد الله يا دكتور وحضرتك
شرين : ..تجلس .. تمام ايه
مروان مافيش ازيك
مروان : عامله ايه يا شرين
شرين : بخير على فكره يا مروان شهد دى من افضل الاخصائين معاك ممتازه جدا انا باعتمد عليها فى حاجات كتير و طلعت قدها
مروان : عارف ممكن تتفضلى يا شهد واعملى اللى قولتك عليه
شهد : حاضر عن اذنكم ( تخرج شهد )
مروان : كان فى حاجه ياشرين
شرين : هو مينفعش نشوف بعض غير فى حاجه
مروان : يقف بجانب الشباك وينظر منه .. شرين انا مش فاضى ممكن تتفضلى
شرين : تقف تنظر حوليها وتقترب منه مش شايفه يعنى ان فى حاجه مهمه تقترب منه اكثر ووتلمس قميصه باغراء ... انت زعلان عشان بقالك يومين ما بتشفش حبيبة القلب
مروان : يمسك ايدها بقوة وشده يبان على ملامح وجه شرين انها تتألم بنظرات حاده ..... شرين لو فكرتى تعدى حدودك معايا مره تانيه قبل متكملى جملتك ورقة رفدك هتستلمها ثم يترك ايدها
شرين : بضحكه كلها شر وسخريه ... لا على ايه ، اسفه مبسوط كدا ، عن اذنك - -
تاخذ حقيبة يدها وتنظر له بعيون كلها غل وكراهيه وتخرج خارج الغرفه ويقف مروان يفكر وينظر من النافذه
مكتب شهد ١٢م
- شهد تجلس على مكتبها وتنظر الى اللاب الخاص بها وتقترب منها شرين
شرين : فاضيه نتكلم شويه
شهد : ترفع عينها الى اعلى ببتسامه .. طبعا يا دكتور اتفضلى تقفل اللاب تشربى ايه
شرين : قهوة ساده
- تطلب شهد من احد العاملين يقوم بعمل قهوة.
شرين : انتى مالكيش مكتب هنا؟
شهد : الدكاتره بس اللى ليهم مكاتب خاصه والمدربين زى ما حضرتك شايفه لكن طبعا وقت الجلسات لينا غرف خاصه
شرين : مفهوم بس انتى من اهم الاخصائين هنا بصراحه انا بشوفك اشطر من دكاتره كتير اميره مثلا انتى افضل منها
شهد : بالعكس انا اتعلمت منها كتير هى تبان انها لعبيه بس وقت جد بتبقى دكتور مروان جدا فى نفسها ، انا اتمنى انى اوصل للكفاء بتاعتها
شرين : بلعكس انت اكفء هى اميره بس فرصها حلوه والحظ حليفها، يعنى والدها وعلاقاته ساعدوها كتير ، انها تعمل ماجستير بسرعه وانها وقفت مع مروان كتير طبعا ده خلى مروان مدينلها بحاجات كتير ، عشان كدا تلاقيه مدلعها شويه انا متاكده لو عملتى ماجستير ودكتوراه هتبقى افضل منى شخصيا
شهد : بابتسامة .. شهاده اعتز بيها بس صدقينى دكتور مروان صارم جدا معاها انا بشوفه
-يدخل العامل ويضع فنجان قهوه تاخذ شرين وتشرب وهى تنظر بخث وتتحدث
شرين : بسخريه ... هههه صارم اه واضح انتى معملتيش ليه ماجستير؟
شهد : يعنى بصراحه ظروفي الماديه لا تسمح الفلوس اللى بتيجى من شغلى هنا يدوب مكفية البيت لانى بساعد اهلى اصلى من طبقه متوسطه
شرين : تضع ايدها على ايده شهد .... لازم تفتخرى بنفسك لانك وصلتى لمكانتك دى رغم ظروفك ... ترجع ظهرها تصمت قليلا ثم تتناول القليل من القهوه ... كلمى مروان وهيساعدك لعلمك مروان بيحترم جدا ، الاشخاص اللى بتسعى انها تطور من مستواها الثقافى وتعليمى ااكدلك انه هيساعدك سواء كانت مساعدات ماديه او نفسيه لانى متاكدا انه مهتم بيكى اوى
شهد : دكتور مروان انسان بجد مافيش منه تانى انسان راقى جدا فى تعامل وخلوق وبيساعد اى محتاج مش بيبخل على اى حد بشى مهما كان
شرين : طبعا بس انا متاكده انك غير اى حد يعنى باين من طريقته معاكى ( تصمت قليلا ) كلميه وانا متاكده انه هيوافق ،انا لازم اقوم ياريتك تخلى يشرف على رسالتك. (تقف وتنظر لها) شهد انتى كم سنه
شهد : هكمل 33 كمان 4شهور
شرين : وهو 41 مناسبين والله
شهد : مش فاهمه
شرين : بابتسامة ساخره ... يعنى حرام بنت زى اميره تبقى قاعده على مكتب ده... تشاور بايدها ...وانتى ده سلام
احد الكافيهات القاهره 6م
ادهم يجلس هو وحمزه على احد الترابيزات ،يدخن ادهم السجاير ويبدو انه منزعج.
ادهم : مش فاهم دكتور خالد عايز ايه شويه انا شويه اكمل
حمزه : انت مالك ومال انكل خالد خليك مع اميره
ادهم : تقصد ايه
حمزه : اميره بتحب مروان مش بتحب ولا هتحب غيرو ، لازم تقتنع بده عيش حياتك فوق يا ادهم ، بلاش تبقى جزء من معركه انكل خالد ، انابحبك وبجد خايف عليك لان محدش هيخسر فى معركه دى غيرك انت وبس
ادهم :مابحبش نرمين
حمزه: مش بالضروره نرمين ، ومش بضروره ترتبط اصلا دلوقت انت محتاج تكسب نفسك مره تانيه ترجع ادهم بتاع زمان وتفوق بقى من وهم ان اميره تبقى ليك ، صدقنى يا صحبى لو فى امل واحد فى الميه كنت شجعتك انك تكمل ، بس لانى فاهم وعايش الحكايه من اولها بقولك انت بتجرى وره المستحيل
ادهم : ينظر له بتاثر وخيبة امل ... كان نفسى ، بس فعلا لازم انسى كفايه جرى وره حب بلا امل
_~*ليلة عادل ❤️✍️🌹~*_
عياده دكتور خالد 8م
يدخل مروان العياده وينظر له جميع المرضى ثم يقترب من مكتب الممرضه وهى تكتب فى الاوراق .
مروان : من فضلك ممكن اقابل دكتور خالد
الممرضه : ترفع عينيها ثم تفتحها وبزهول تقف وبسعاده ...دكتور مروان ازى حضرتك انا بحب حضرتك جدا يعنى بجد اتعلمت منك كتير والله
مروان : بابتسامة .. ميرسى
الممرضه : ينفع اتصور معاك
مروان : اكيد ...يلمح اسمها .. انسه مروه
الممرض : يالهوى على جمال احلى مروه سمعتها فى حياتى ( يلتقط صوره ) ثوانى هبلغه
مروان : بصى انا حابب اعملهالو مفاجأه ممكن
اللممرضه : ماشى بس لما اللى جوه يخرج
مروان : انا افضل انى انتظر لحد ما كل المرضى ينتهوا من الكشف انا مش مستعجل واتمنى من جميع كمان محدش يبلغه
الممرضه : تنظر للجميع بصوت عالى... اه محدش يقوله حاجه الدكتور عامل لدكتور خالد مفاجاه
يجلس مروان وينتظر اكثر من ساعتين واثناء جلوسه كان الجميع يقوم بلتقاط الصور معه ثم تتحدث معه الممرضه
الممرضه : دكتور ممكن حضرتك
تتفضل دلوقت مروان يبتسم لها ويطرق الباب ويدخل
خالد : ايه يا مروه لسه فى حد تانى.. ينظر له تتغير ملامح وجهه للغضب انت ازاى دخلت هنا
مروان : انا اللى طلبت منها انها متقولكش لاننا اصدقاء حبيت اعملها مفاجئه
خالد : يقف ويقوم بخلع البالطو بسخريه... مش عيب دكتور بسنك ومكانتك يكدب
مروان : ده مش كدب ، دى وسيله مشروعه لأنى متاكد لو كانت بلغتك كنت هترفض تقابلنى
خالد : ياريت تقول عايز ايه لان وقت مابيسمحش
مروان : حضرتك عارف
خالد : بسخريه .. اعرف منين حضرتك انا دكتور جراح مش بتاع تلات ورقات
مروان : يمسح وجهه وبابتسامة .. انا عايز اتجوز اميره
خالد : وانا معنديش بنات للجواز ممكن بقى تتفضل لانى لازم اروح
مروان : بحده ويقترب منه .. لا حضرتك هتقعد وهتسمعنى انا مش فاهم حضرتك ليه معاند كدا انا متأكد ان موضوع السن مش هو ده سبب اكيد فى سبب تانى
خالد : بحده لكن بعقل ... معنديش اسباب اظن انا حر اقبل او ارفض ، بعدين مش انت الرجل اللى يملى العين ، كنت مليت عين مراتك مش تروح تخونك مع عيل اقل شئ ممكن يوصفه انه منحرف و قذر
مروان : يجز على سنان ويقفل ايده يحاول ان يمتلك اعصابه ... بص قول مهما تقول مش هغلط معاك واتعصب دكتور حضرتك بتحكم على بنتك بالعذاب ، انا واميره بنحب بعض مافيش حاجه هتخلينا نبعد عن بعض مهما حصل ومهما كان ، لو انت عايزها حرب نخليها حرب بس انا متاكد انى هكسب الحرب دى
خالد : يقترب منه وينظر بعينه بكل ثقه ... نصيحه خدها من راجل اكبر منك اوعى تدخل حرب وانت واقف على ارض من الازاز عشان هتاخدك وتبلعك بنتى مش ليك
مروان : بثقه والله ليا
( يتركه ويرحل )
شقه د / خالد 12م
- الريسبشن
- تجلس اميره فى الريسبشن وهى تسند راسها على ظهر الكرسى يبدو على ملامحه الضيق والسرحان ... يقوم الاب بفتح باب الشقه بالمفتاح وهو يحمل بايده اكياس كنتاكى
خالد : مساء الخير ... يضع الكيس على الترابيزه
اميره : مساء النور حمد الله على سلامتك حضرتك اتاخرت النهارده
خالد : يجلس ويفتح أزرار البدله .. اليوم كان طويل افتحى وكلى جيبهولك
اميره : تقف تفتح الاكياس ..عارفة انها رشوه بس مش هتنفع ...تجلس على طرف كرسي الاب بابا والنبى توافق حضرتك عمرك ما غصبتنا على حاجه
خالد : بلطف .. اميره مروان مينفعلكيش
اميره : انا بحبه بحبه اوى ارجوك يابابا توافق انا متحمله نتيجه اختيار ، بعدين مروان ده انسان جميل اوى والله العظيم حضرتك لو عرفته هتحبه جدا وبنفسك هتجوزنى ليه اديه فرصه
خالد : فريده فين ؟
اميره : نامت من بدرى شكلها تعبان
خالد : يقف ... طب هروح اغير هدومى واطمن عليها
اميره : طب مش هنكمل كلامنا
خالد : هروح اطمن على ماما
بعدين نتكلم كلى ها ونامى بدرى
اميره : طب مش هتاكل
خالد : لا اكلت تصبحى على خير يقبلها من خدها
اميره : وحضرتك بخير ..تجلس اميره على كنبه تضع ايدها على خدها تفكر ثم تمسك العلبه تفتحها وتاخذ قطعه فراخ والله انتى اللى مصبرانى على الهم ده وتاكلها
_~*ليلة عادل ❤️✍️🌹~*_
- مركز د / مروان 10ص
- مكتب مروان يقف مروان امام النافذه المطله على الحديقه و ينظر منها ثم تطرق اميره الباب وتدخل يلتفت لها بشوق تجرى اميره اليه وتقوم بعناقه وتتحدث وهى بحضنه.
اميره : وحشتنى اوى اوى
مروان : انت كمان وحشتينى اوى ..عندما تبتعد يمسكها يقربها منه.. تؤتؤ خليكى شويه خليكى قريبه من قلبى بعد دقائق من صمت ومروان مازال واخد اميره بحضنه ترفع اميره راسها وتتحدث.. هتفضل كدا كتير
مروان : زهقتى
اميره : تؤ انا نفسى افضل مستخبيه جو حضنك على طول عملت ايه اليومين اللى فاته
مروان : بفكر فيكى وتخيل صورتك جمبى بكل لحظه ها اعصابك ارتاحت .. اميره تشاور برأسها له لا...
مروان : ماتخافيش انا معاكى وهعمل المستحيل عشان نبقى سوى (يقبلها من راسها ) تطرق السكرتير الباب فتبتعد اميره عنه وتجلس على الكرسى.
مروان : اتفضل
السكرتيره : دكتوره اميره فى واحد اسمه اكمل منتظرك فى مكتبك.
-ينظر مروان واميره لبعض باستغراب ثم تنظر اميره للسكرتيره
اميره : تمام انا جايه اعمليلوا حاجه يشربها عصير برتقال فرش
السكرتير : تمام. ( تخرج وتقفل الباب)
- تقف اميره ويقترب مروان منها وينظر لها بستغراب دون تحدث.
اميره : بتبصلى كدا ليه انا اتفاجئت زى زيك اهدى
مروان : بسخريه وغيره.. وكمان عارفه بيشرب ايه وبيحب ايه
اميره : هروح انا عشان متاخرش
مروان : ماشى يقبلها من راسها
تذهب عند الباب وتفتح مروان واقف ينظر لها ثم تلتفت له بابتسامة وتقول بحبك وتغلق الباب.
يتحدث مروان بصوت داخلى : اما نشوف بقى استاذ اكمل ده كمان عايز ايه
_~*ليلة عادل ❤️✍️🌹~*_
- مكتب اميره
تدخل اميره المكتب هى تبتسم وكان اكمل جالس على كرسى المكتب فى انتظارها واثناء سيرها نحوه تتحدث.
اميره : ايه المفاجأة الحلوه دى
اكمل : يقف .. اتمنى مكنش معطلك
اميره : بمزح... فى الحقيقه معطلني جدا هههههه مالك يا اكمل انت تيجى اى وقت طنط منى وانكل طه عاملين ايه وجى جى
اكمل : الحمد الله بخير
اميره : تجلس بكرسى المكتب مقابل لها ... اقعد هنفضل واقفين
اكمل : بصى انا جيلك فى شغل ، كنا عايزين نعمل محاضرات للجنود والظباط انتى عارف الاحداث اللى بنمر بيها ففكرنا إننا نعمل ليهم زى محاضرات تدريبيه للثقه وتأهيل النفسى
اميره : فكره رائعة بس الموضوع ده اكبر من ان اخد اى قرار فيه لازم دكتور مروان
اكمل : تمام ممكن اقابله امتى
اميره : حالا يلا هو فى المكتب دلوقت
- ويذهب لغرفه مروان تقف امام مكتب السكرتيره.
اميره : هبه الدكتور جوه
السكرتيرا :لا راح لاستاذ منير
اميره : طب ممكن تبلغيه اننا مستنينه فى المكتب
هبه : حاضر
__~*ليلة عادل ❤️✍️🌹~*__
- مكتب مروان
تدخل اميره واكمل الغرفة يجلسوا على كراسى المكتب الاماميه.
اميره : لعلمك انا متأكده ان دكتور مروان هيرشحلك شهد
اكمل : مين شهد
اميره : من احسن الأخصائيين النفسيين فى المركز
اكمل : تمام بس عارفه مكتبك ظريف شبهك مجنون زيك
اميره : هههههه هيجيبو من بره يعنى هههههههههههه
اكمل : ههههههههههههه اكيد لا
( يضرب كفه بكفها)
اثناء ضحكهم يدخل مروان ينظر بغيرة ويجس على اسنانه يقف اكمل واميره لاستقباله.
مروان : خليكم مستريحين ازيك يا اكمل
اكمل : اهلا بحضرتك كويس ان حضرتك لسه فاكرنى
مروان : ينظر لاميره بعينه ثم ينظر له لا انا مبنساش بسرعه اتفضل اقعد
اميره : دكتور اكمل عايز نعمل مجموعه من الجلسات الجماعيه وبعض الانشطه التدريبه للعساكر والظباط ، يعنى عايزهم متأهلين نفسيا لاى حدث ممكن يحصل
مروان : تمام انا عملت محاضرات كتير وندوات من النوع ده مش اول مره
اكمل : انا عارف عشان كدا سيادة اللواء رشحك انا قولتله اننا معرفه وهقدر اقبلك بشكل شخصى واتكلم معاك
مروان : انا معنديش اى مانع اهم حاجه جهز الموافقات الامنيه
اكمل : كله جاهز فاضل موافقة حضرتك
مروان : وانا كمان جاهز بس ادينى يومين نظبط الجداول والمواعيد
اميره : انا من رأيي كمان نعمل جلسات للعساكروالظابط الى فى سينا مش بس اللى لسه مجندين جديد ، لان اعتقد كل اللى بيشتغل بسينا بيبقى عنده صراع نفسى بسبب اللى بيشوفه هناك
اكمل : ده حقيقى
مروان : اكيد ده فى الخطه
اميره : حضرتك ترشح مين
مروان : لسه بس بشكل مبدئى اكيد هيكون شهد وحمزه و دكتور مصطفى ضمن المجموعه
اميره : مش قولتك هيقولك شهد (تنظر لمروان ) ايه ده وانا فين
مروان : لا انتى هتبقى هنا محتاجك هنا وانا مش موجود متنسيش مؤتمر الاقصر
اميره : ودى اى حد غيرى انا عايزه ابقى معاكم
مروان : بحسم وجديه .. قولتك مش هينفع
اكمل : طب انا همشى عشان لازم اكون فى الوحده كمان ساعه
مروان : يقف تمام .. مع سلام وبلغ تحياتى لسيادت اللوا حبيب
اكمل : اكيد سلام يا مرمر
اميره : سلام
- بعد خروج اكمل وغلق الباب تنظر اميره بغضب لمروان
اميره : هى الغيره المرضيه دى هتبقى كمان فى الشغل
مروان : فين الغيره انا هبقى مشغول الفتره الجايه جدا و انتى افضل وانسب حد ياخد مكانى
اميره : انا عايزه اجى معاكم لان ده هيفدنى جدا خالى شرين هى اللى تسافر المؤتمر
مروان : انا دكتورك وبقولك مش هيفيدك باى شئ شرين هاتبقى معايا
اميره : بنرفزه... والله يعنى انت تغير من اكمل عادى وعايزنى اتقبل وجود اللى اسمها شرين جنبك عادى
مروان : مافيش مشكله حاضر بلاش شرين نخليها فى المركز مبسوطه
اميره : بضيق .. انا ماشيه
- تذهب اميره عند الباب ومروان خلفها تفتح الباب لكن يقوم مروان ويغلق الباب ويضع ايده الاتنين عليه تلتفت اميره وتنظر له وهى بين الباب ومروان
مروان : ينظر لعيونها بحب ... رايحه فين لسه مقعدناش مع بعض
اميره : هامشى عشان لو قعدت اكتر من كدا هنتخانق
مروان : انت شايفه انى ماليش حق اغير عليكى من واحد انتى متاكده انه معجب بيكى
اميره : بالتقاط انفاس وتقطع فى كلام ما ما مافيش كلام ده واوعى كدا .
تنزل ايد لكن هو يمسك ايدها برومانسية مع ملامسة اصبعها ويشبك اصابع يده باصابع ايده ينظر لعيونها برومانسية
مروان : هتروحى فين
اميره : بتوتر .. قولتلك همشى
مروان : ليه
اميره : هو هو احنا مينفعش نتكلم واحنا على مكتب
مروان : لا انا حابب نتكلم هنا
اميره : تتزداد ضربات قلبها .. ها هو جو حرر ليه كدا هو انت مش عندك محاضرة دلوقت
مروان : تو
اميره : بخجل وبتسامه .. اممم مروان بس بقى اوعى كدا
- تنزل ايده تدفعه بهدوء وتجلس على المكتب يقف مروان يبتسم لها ويذهب خلفها ويجلس على سن التربيزه امامها ويقترب منها.
مروان : على فكره انا روحت لدكتور خالد امبارح
اميره : وقالك ايه ..ينظر مروان لها بأسف .. بقولك انا مش عايزه اتكلم تعال نتكلم بأي شى تافه
مروان : تاجى نخرج
اميره : تو
مروان : .. ينظر الايدها ... اممم لون منكير ده حلو ومختلف
اميره : تنظر لايدها ثم تنظر له .. اه اول مره احط لون ده بس مش اوى كدا احنا هنتكلم بتفاهة بس مش لدرجه لون منكيرى
مروان : طب نتكلم بلون الروج
اميره : ههههههههههههههههههههه
مروان : يلمس وجهها باصبعه بابتسامة ايو كدا اضحكى عشان ضحكتك هى اللى بتحلى ايامى وتنورلى حياتى
اميره : بابتسامة تمسك ايده وتقبلها ثم تضع ايدها على خده بحبك
_~*ليلة عادل ❤️✍️🌹~*_
- شقه نور وحمزه ٤م
- المطبخ تقف اميره فى المطبخ مع نور و هى تقوم بتحضير الغداء واثناء قيامها بالتقليب فى احد الاوانى تتحدث.
نور : هههههههه عنده حق يغير بعدين هو شكله فهم ان اكمل عايز يخطبك
اميره : فهم ده متاكد
نور : اميره بصراحه هو عنده حق اكمل مش بيتعامل معاكى زى زمان خفى هزار
اميره : والله يا بنتى بتكلم معه بحدود طريقتى متغيره معاه بحاول افهمه بطريقه غير مباشره انى مش عايزه الموضوع وانه اخويا
نور :انتى لو الموضوع دخل بجد وش كدا روحيلوا وقوليلوا عشان متعمليش نفس اللى عملته فى ادهم
اميره : طبعا انا اتعلمت بقولك هتعرفى تنزلى الجلسات مروان قالى اسالك يكتب اسمك ولا
نور : بصراحه نفسى جدا الموضوع ده هيفيدنى فى رساله الماجستير بس اميره بقا اعمل فيها ايه
اميره : سبهالى او سبيها لطنط الهام
نور : بحيره .. مش عارفه
اميره : بصى انا هقول لمروان يظبط الجدول و يديكى اقل عدد جلسات والموعيد متقلقيش
نور : عارفه احلى حاجه فى علاقتك بيه الوسطى بصراحه مروان بالشغل معندهوش رحمه هههههه
اميره : عشان تعرفى علاقتى بيه مفيده ليكم كان زمانكم لسه فى اكتوبر
نور: خلاص كلمى هو مين جاى
اميره : مش عارفه بس لحد دلوقتى حزومى و دكتور شهاب ومصطفى ودليا وحبيبتك
نور : شهد
اميره : يس
نور : شهد بتعت عدسات انثى الهاسكى
اميره : بس بقى عيب بلاش تنمر
نور : لا ده مش تنمر بس عليها عدسات تعدمها
اميره : هههههه هى فعلا لونها صعب بس هى كيوت
نور : ماشى يا بتاعت الكيوت المهم دلوقت هتعملوا ايه دلوقت فى موضوعك انتى ومروان
اميره : والله ما عارفه بس هو قالى انه هيكلمه تانى يومين كدا
نور : بصى بابا خالد كلامه صح بس مع انك تجربى
اميره : انا متاكده انى هبقى سعيده معه وحياتى هتبقى كله سعاده وحب وكلكم هتقوله انكم غلطنين
نور : تقترب منه ياريت اتمنى ان ابقى غلطانه مش هكره لاختى انها تبقى سعيده فى جوزها ايه رايك اكلملك بابا يكلم بابا خالد هما اصحاب ممكن يقنعه
اميره : ياريت بس هو اصلا مرحب بالموضوع
نور : ميرحبش ليه ده اكتر شخص هيبقى موافقك ، انتى عارفه بابا اوبن ميند على الاخر ومع التربيه الايجابيه وان الابناء لازم يختاره طريقهم بانفسهم والبلا بلا ده
اميره : البلا بلا ده هو اللى خلاكى كدا متنسيش انك تربيته ولا انت شايفه ايه
نور : اميره يا خالد متشغليش دماغك عليا روحى حطى الاطباق على سفره يلا
اميره : ههه طيب ياختى مش هنستنى حمزه
نور : لا حمزه عنده شغل لبعد المغرب
اميره : ماشى
❤️