رواية الأعمى
الفصل التاسع عشر 19 الجزء الثاني
بقلم ليله عادل
فيلا ايمى صديقه حنين10م
تجلس حنين فى حديقه الفيلا معها ايمى
ايمى : يعنى يوم لما حنين قلبها يدق ميدقش ويرجع يعيش متلقيش غير ده
حنين : مالوا يعنى ادهم وحش
ايمى : لا مش وحش بس كان خاطب اميره والنادى كله يعرف قصتهم
حنين : مش عارفه حبيته عارفه يا ايمى انا معجبه بيه من زمان من وقت ماسمعت قصته مع اميره واللى عمله معها قولت هو فى حد يحب حد كدا هو مابيحبهوش
ايمى : بس انتى بترهنى غلط من كلامك وكلام اللى بسمعه فى النادى واضح انه لسه بيحبها
حنين : لا مش بيحبها هو بس متعلق بيها محتاج حد ينسى اميره ويملى فارغ اللى سبته , اميره عمرها ما قدمت حاجه لادهم عشان يحبها
ايمى : مش عارفه
حنين : انا بس محتاج تساعدينى قوليلى اعمل ايه عشان اشوفه بستمرار يعنى حجه الجلسات دى مش نفعه لانه مش بياجى بستمرار
ايمى : خليه يعلمك ضرب النار
حنين : ضرب النار
ايمى : اه مش هو ظابط انتى قبليه فى النادى صدفه وقعدى اتكلمى باى حاجه بعدين اطلبى منه يعلمك ضرب نار وانتى علميه الاسكواش اى حاجه تخلى فى اسباب للمقبله فهمتى
حنين : فكره حلوه
ايمى : المهم لازم تتاكدى فعلا شال اميره من قلبه ونسيها ولا لا لانى كنت بالنادى من يومين وشفت صحبتها الانتيم كانت قاعده مع وعد صحبتنا لقتها فرصه وقعد معاهم بعد شويه ادهم اتصل بيها شغلتك دماغى وسالتها هى اميره رجعت قالتلى لا انا نفسى بس اميره اللى رافضه بس احنا بقينا اصحاب .. غمزت لوعد من تحت لتحت راحت سالها طب وادهم قالت مابقتش بحس بشغفه بتاع زمان وبعدين نور غيرت الموضوع
حنين : انا بس اعرف اشوفه بستمرار وهعرف اظبط كل شى
شاطى البحر 11م
تفتح اميره عينها وهى ملقى على الرمله ثم .. تقف تنظر حوليها بخوف وزعر ثم ترى مروان واقف بعيد عنها قليلا تجرى مسرعه اليه
اميره : مروان انت هنا ايه اللى حصل مين دول .. لكن مروان ينظر لها دون تحدث ... انا مش عارفه دخلو عليا الاوضه ومش عارفه الباقى مين دول انت مش بترد ليه .. تنظر له هو ينظر لها بابتسامه ... انت اللى عملت كدا تضربه على ايده .. انت تجننت بتبعت حد يخطفنى ايه شغل مراهقين ده
مروان : اعملك ايه عايز اصلحك بعتلك حمزه ينزلك رفضتى تنزلى معه , ابعتلك منير تقفلى الباب بوشه تقوليه مش عايزه اشوف وشك انت ولا صحبك فاقرارت اعمل كدا متخفيش دول مش غرب
اميره : والله
مروان :اه والله حمزه شهاب
اميره : لما اشفهم هعمل منهم بطاطس محمرا اوعى تكون فاكر انك كدا حطتنى قصاد الامر الواقع ووخدنى مكان منعزل هوافق اصلحك لا يا حبيبى انا همشى
مروان : امشى انتى شيفانى مسكك
اميره : همشى تنظر حوليها لا تعرف اين تذهب ثم تنظر الى اعلى .. القمر من ناحيه دى يبقى همشى كدا .. تتركه وتمشى ويمشى خلفها ويقوم بحدف على مياه على قدميها
اميره : بس ..مره اخرى يرش .. ماتبس بقى
مروان :على فكره انتى ماشيه غلط اخر طريق مقفول ... تقف اميره وتنظر له .. انا عمرى كدبت عليكى
اميره : عادى هامشى الناحيه التانيه
بحركه سريعه يقوم مروان بمسكها بلقبض على يدها الاتنين خلف ظهرها ويقربها منه يمسكها بقوه
اميره : سيب
مروان : لا
اميره : بقولك اوعى
مروان : تو
اميره : كدا طب انت اللى جبته نفسك ... تقوم بدوس على قدميه بقوه
مروان : اااه .. لكن تزداد قبض يده عليها .. بس مش هتروحى فى حته غير لما تسمحينى
اميره : اسمحك على ايه ولا ايه
مروان : كل حاجه اسف
اميره : وصرفها من انهى بنك دى ان شاء الله
مروان : بنك قلبك
اميره : قلبى
مروان : امم طول عمرك قلبك كبير
اميره : بح رصيدك خلص ده انت كل غلطه وغلطه قد كدا
مروان : يعنى دكتور مروان عزت اللى كنتى بتحبيه من طفوله وبتجيبه امتياز فى مادته ميستهلش فرصه كمان ها مارو حبيبك ابو زياد
اميرة :لا
مروان : عينى فى عينك
ميره : اهو
مروان : ونبى قمر خلاص بقى وحيات مارو
اميره : سبنى افكر
مروان : فكرى
اميره : طب اوعى
مروان : فكرى وانتى كدا بمزح .. وبعدين انتى هسمحينى بدل محققلك امنيتك وخليكى تصحى الصبح شعرك منعكش
اميره : بدلع .. اذا كان الحكايه فيها نعكشه مش هسمحك
مروان : بابتسامه بحبك
اميره : عارف لو عملت كدا تانى
مروان : توبه والله توبه . يضحكون سوى ثم يضمها مروان يلف بها ثم ينزلها يخرج الخاتم من جيبه ثم يمسك ايدها ويلبسها خاتم بنظرات حب متبادلة يقبلها من ايدها تعالى
اميره : على فين
مروان :هتعرفى
اميره :ماشى
يسيروان قليلا وهما يمسكون يد بعضهم ثم يشور مروان باصبعه فجاه تنير الانوار ثم تجد اميره شموع وورد بشكل رومانسى جدا وقلب على الارض بلورد الاحمر وشموع مكتوب فيه (I love you amira) وترابيزه عليها طعام وعازفين
اميره : تنظر له بابتسامه انت بتعمل الحاجات دى ازاى وامتى انت فظيع
مروان : لومكنتش اعمل كدا للملكه بتعتى اعمل لمين
اميره :مكنتش عارف تقولى انك هتخطفنى ده منظر ينفع مع الاجواء ومع الشياكه دى
مروان : فين المنظر انا شايف قدامى قمر
اميره : عشان تعرف انى مزه فى جميع احولى اهو خطفتنى فجاه شوف مزه بردو
مروان : تحبى ترقصى
اميره : بمزح ... بالبنطلون وتيشرت وشبشب ده
يمسك مروان ايدها ويقوم برقص على احد الاغانى الهادى الاجنبيه وبعد انتهاء من الرقص يجلسوان على الترابيزه ويتناولون الطعام يقوم مروان بطعام اميره بيفمها وهى ايضا
مروان : ها عجبتك المفاجاه
اميره : لازم تعجبنى
مروان بابتسامه يمسك أيدها ويقبلها منها. انا هرفد شرين لانها تجاوزت حدودها
اميره : لا اوعى تعمل كدا بلعكس هى كدا هتفتكر اننا محرقين منها وخايفين من اللى هتعمله لكن لما تشوفنا اننا لسه مع بعض ومسكين فى بعض هتولع اكتر. ونار هتحرقها اكتر واكتر سبها انا هعرف ازاى اربيها.
مروان : اميره احنا مش ناقصين وجع دماغ ولا ناس مريضه كفايه اللى احنا فيه مش كمان شغل مؤامرات
اميره : احترم رغبتى. لو سمحت عايزه اشوف شكلها بكره لما تشفنى معاك من فضلك. بعدين يلا بقى قول ماشى عشان نغير الموضوع ونستمتع بالجو الجميل ده
مروان : حاضر بس لو عملت حاجه تانى. انا مش هرفدها بس انا هخليها تبكى بدل الدموع دم
اميره : طلعت شرانى يا دك
مروان : اى حد يقرب منك او يفكر يزعلك امحى من على وش الدنيا
اميره : عمرى انا تاكله بوقه بحبك
مروان : وانا بموت فيك يا صغنن
❤️___ ليلة عادل____ ❤️
شاطى البحر 12 م
تنام اميره ومروان بجانب بعضهم وهما يمسكون يد بعضهم وينظرون الى السماء
اميره : شكل السما مع النجوم جميل , عارف وانا صغيره ماما كانت بتقولى ان النجوم دى هى أحلامنا ، كل ما نحلم حلم بيتحول لنجم ، بيفضل يبص علينا ويستنى نحققه , كنت كل ما اتمنه حلم اقف فى البلكونه وقوله ههههههه كنت مامنه ان كل ان النجوم اللى فوق بتنا هى احلامى كان فيهم نجم كبير كنت مسميه مروان ، بعتبار ان اكبر حلم حلمته ، وافضل اقوله عامل ايه يا مروان ، وحكيله بقى اللى حصل معايا كنت مجنونه خالص
مروان : بابتسامه .. لوكل انسان امن وصدق حلمه هيحقق مش لازم النهارده ولا بكره بس هياجى يوم ويتحقق انتى اكبر مثل على ده
اميره : صح بس انا لسه فاضلى حلم الى ربع محققتهوش
مروان : هيتحقق والله ليتحقق يقبلها من ايدها تنظر له اميره بابتسامه تقترب منه وتقبله من خده و تنام على كتفه يقوم بضمها
❤️___ ليلةعادل___ ❤️
اليوم التالى
تنام اميره على الرمل بعد قليل يرش مروان على وجهها ماء تبداء ان تفتح عينها
اميره : ايه ده
مروان : يلا قومى
اميره : فى حد بيصحى حد كده
مروان : مانتى محسسانى انك نايمه بسرير بتكم يلا قومى يشدها من ايدها
اميره : خلاص ايه نشاط وطاقه دى
مروان : فوقى كده وركزى عشان يومنا طويل انتى بتنامى يحملها ... انتى هتفوقى ولا ارميكى بالبحر
اميره : خلاص خلاص نزلنى .. ينزلها ... ها عايز ايه بقى على الصبح
مروان : امسكى .. يعطيها ملابس سباحه
اميره : تمسكها ايوه اعمل بيها ايه يعنى
مروان : لبس بحر واحنا فى بحر يبقى اكيد هننزل البحر يلا
اميره : لا مش قادره
مروان : يقترب منها ... انتى هتروحى تلبسى ولا البسك انا
اميره : بس بس اهدى وانا هلبس فين بصحرا دى
مروان : اسهل جاحه يشاور بايده .. هتمشى كدا على طول هتلقى توليت
اميره :عيل مزز
مروان : متتاخريش
بعد رجوع اميره وهى ترتدى ملابس البحر يمسك مروان ايدها
مروان : جاهزه
اميره :لا
بحركه سريعه يحملها مروان ينزل بيها البحر مشاهد سريعه لمروان واميره هما بالبحر يلعبون سوى ويركبها لبانانا بوت (الموزه ) يلعبه سوى فى منتهى السعاده ثم يقف عند حد باراشوت البحر
اميره :لالالا انسى بخاف
مروان : انا معاكى
اميره : لا والله ده لما بسافر مع اصحابى بيتحيلو عليا مش بركبه بص اركب انت وانا اصورك من اللانش
مروان : لا هنركب سوى متخفيش هتخافى وانتى معايا يلا اركبى
اميره : لالا بخاف ونبى بلاش
مروان : قولتك انا معاكى
اميره : اوووف تنظر اميره الى صاحب اللانش بقولك ايه يا كابتن ممكن متمشيش بمكان فى صخور
الشاب : مافيش صخور بس ليه
اميره : عشان لو قعنا
الشاب : انتى فاكره لو وقعتى من مسافه دى هتعيشى
اميره تنظر لمروان ثم تنظر للشاب
اميره : على بركه يلا بينا
وبالفعل يركبوا باراشوت البحر كانت اميره على ملامحه نظرات الخوف فى البدايه ثم تحولت الى سعاده وانبساط وتصرخ بفرحه
اميره : حلو اووووى مروان خليه يدينا لف كمان بجد تحف
بعد نزولهم
مروان : يلا
اميره : على فين
مروان : لسه المفاجأت مخلصتش
❤️___ ليلةعادل___ ❤️
-مشاهد سريع امكان مختلفه اوقات متفرق
ياخذ مروان اميره لاحد المحلات ليغيرو مالابسهم ويرتدو ملابس كاجول ..بعد ذلك ياخذ مروان اميره ليستمتعون بمشاهده الامكان السياحيه بمدينه السلوم و كانت على ملامحهم السعاده مع التقاط الصور وركوب الجمال والخيول والبيتش باجى ياتى عليهم الليل وهم فى الصحراء فى حفله بدويه يستمتعون بتراث البدوى الجميل
الفندق السلوم 8م
اميره ومروان يسيرون فى ممر الغرف وهما مشبكين ايدهم ببعض ثم تقف اميره بجوار غرفتها تنظر الى مروان بحب وتبداء ان تتحدث ولكن اثناء تحدثهم سوى تسمعهم شهد ثم تقف وراء الباب تسرق الاستماع ثم تفتحه الباب قليلا دون ان يلاحظ مروان واميره
اميره : شكرا على اليوم جميل ده متتصورش فرق معايا ازاى الفتره اللى فاتت كانت صعبه اوى بجد شكرا
مروان : انا اللى بشكرك انك سمحه لوحد زى يكون بحياتك , يقبلها من ايدها مع نظرات حب متبادله ثم يقوم بملامسه وجهها ... بحبك ... ويضمها اليه ويضمون بعضهم ثم ينظر لاميره ويتحدث ما تيجى تقعدى معايا ونكمل اليوم سوى
اميره : ومنير
مروان : عادى نوزعه
اميره : ههههههههههه يلا تصبح على خير
مروان : مصممه يعنى
اميره : اممم كده احسن انت بقى يتخاف منك وبقيت بتضعف
مروان :يعض على شفايفه كده ماشى يقبلها من خدها تصبحى على خير
اميره : وانت بخير
تاجى تمشى يشدها من ايدها يقربها منه يلف ايده حولين خصرها يقبلها من خدها بعشق يتبادلوان النظرات قليلا
ثم تفتح اميره باب غرفتها وتدخل وتغلق الباب وهى سعيده وهيمانه كانت تجلس شهد على السرير تنتظرها بعد اقتراب اميره من السرير
شهد : بهتمام .. كنتى فين
اميره : كنت بجنه
شهد : بستغراب .. جنه
اميره : اقصد يعنى كنت بتفسح كدا فسحه جامده لفيت السلوم
شهد : مع د كتور مروان ...مكنتش عارفه انكم مع بعض
اميره : مع بعض!!!
شهد : اه متصحبين
اميره : اسمها مرتبطين على فكره الموضوع قديم اوى
شهد : كمان قديم وانا معرفش
اميره : بصى انا عارفه ان مفروض احكيلك بس انا مش واخده على كدا, خصوصا ان تقريبا مصر كلها عارفه حكيتنا , انا افتكرتك عارفه بس مش عارفه تفاصيل الحكايه ,عموما متزعليش انا هحكيلك كل حاجه , بس اخد شور لاول اوك
شهد : اوك
تقوم اميره وتفتح الدلاب وتخرج بيجاما بعد غلق الدلاب تنظر لشهد
اميره : هو انتى عرفتى منين انى كنت مع مروان
شهد : سمعت صوتك وانتى بتتكلمى معه
اميره : تمام
❤️___ ليلةعادل___ ❤️
مركز/ د مروان 10ص
تجلس شهد على مكتبها ثم تدخل عليها شرين وتجلس
شرين : ايه يا شهد مختفى من وقت مرجعنا
شهد : كنت اجازه لسه راجعه النهارده
شرين : اتمنى تكون اجازه سعيده
شهد : دكتور شرين حضرتك ليه عملت فيا كدا , وحطينى فى موقف ده كنتى هتوقعى بينى وبين اميره
شرين : مش فهمه
شهد : حضرتك فهمه كل شى ممكن تفهمينى ليه عملتى كدا
شرين : بحبك وعايزكى انتى اللى تبقى مكنها اميره
متستهلوش عامله مروان زى اليويو وشويه عايزه وشويه لا
شهد : مش مقتنعه بكلامك بصراحه عموما انا عمرى ما هحط نفسى بموقف زى ده تانى
شرين : بضحكه خبث شهد اوعى تكونى فاكره انى اخترتك دونن عن كل عادى انا لو مش عارفه كويس مين شهد مكنتش دخلتك اللعبه بس واضح انك عايزه تلعبى لوحدك ونويتى تحترفى الملعب جوو
شهد : عن اذنك
تقف شرين منزعجه من كلام شهد لكنها مازلت تخطط
❤️___ ليلةعادل___ ❤️
شقه ادهم 6 م
المطبخ
_ تقف الام امام البوتاجاز تقوم بتحضير الطعام ثم يدخل عليها ادهم على ملامح وجه السربعه
ادهم : يلا يا امى الناس على وصول وحضرتك لسه مجهزتيش
الام : يا حبيبى متخفش انا مابخدش عشر دقايق بلبس احمر باقى الحمام
ادهم : لا روحى انتى انا هحمرهم
الام : محبش الاستعجال بعدين من امتى يعنى واضح انها فيها سحر
ادهم : تقصدى ايه
الام : اصل الهفه اللى يشفها بعينك مشفتهاش من ايام اميره
ادهم : وايه لازمتها السيره دى
الام : لا مافيش بس لازم تعرف حاجه مدام بدات فى قصه جديده لازم تقفل كل القديم
ادهم : انا فعلا قفلته
الام : يبقى مالهاش لازمه المكالمات ومقبالات انت اكيد لو الموضوع العكس مش هتقبل بده خدى بالك هروح اجهز ربنا يصلحلك الحال يابنى
السفره
يجلس ادهم ولدته وحنين ولدتها على السفره وعلى ترابيزه السفره اكل على كل لون
علياء والده ادهم : حنين ما بتاكليش ليه
حنين : كل ده ومش باكل تسلم ايدك يا طنط الاكل فعلا جميل
علياء والده ادهم : انا كنت عامله حمام اكتر من كدا بس فى حد كدا حرق الباقى
ادهم : ليه الفاضيح دى بس
زينب والده حنين : كل الشباب كدا عندى مراد كدا مش بيعرف يسلوق بيضه , لكن حنين حبيبتى اشطر منى بعاميل الاكل بتعمل اصناف جديده انشاء الله تشرفونا ودوقه من ايدها
ادهم : ان شاء الله
علياء والده ادهم : ادهم متاخد حنين تفرجها على المنظر النيل من البلكونه المنظر هنا هيعجبك يا حنين طبعا بعد اذن مدام زينب
زينب والده حنين : طبعا
البلكونه
يقف حنين مع ادهم فى البلكونه ينظروان الى منظرالنيل
حنين : منظر من هنا مريح للاعصاب
ادهم : والله هى نظره بعيوك هى اللى مريحه للاعصاب انا قولتك قبل كدا انى بعشق العيون الخضرا
حنين : تو
ادهم : بحبهم اوى بس قوليلى انتى ليه رفضتى تاجى لوحدك لما عزمتك على الغدا
حنين : لان مينفعش اجاى بيتك لوحدى
ادهم : حتى لو فى خطوبه
حنين : المبداء واحد بنسبه ليا خطوبه زيها زى الصداقه
مينفعش اروح بيت راجل غريب لوحدى
ادهم : يعنى ماما منورنا بكل زياره
حنين : عندك مانع
ادهم : اكيد لا ...انتى بقة عندك مانع من الطلب اللى امى بتطلبه من ولدتك دلوقت
حنين : اللى هو
ادهم : بتاخد منها ميعاد عشان اجاى اطلب ايدك راسمى
تبتسم حنين بخجل ثم تنظر الى النيل
❤️___ ليلةعادل___ ❤️
احد اكبر القاعات فى احد الفنادق الكبيره 8م
اجواء احتفال صاخبه زغرايط تعم المكان حضور مشاهير المجتمع الفرحه وسعاده تملى المكان مع الاستماع الى موسيقى هادئة , ثم نرى اميره هى تنزل من على السلم مع والدها وهى ترتدى فستان زفاف فى غايه الجمال وهى تشبه الاميرت عيوها بيها دموع 😢