الفصل التاسع عشر 19
بقلم مريم احمد
كانت نغم واقفه بتسمع الكلام الي سجده عماله تقولهلها و هي الصدمه ماسكه لسانها مش عارفه حتى تقولها ايه نزلت دموعها بحزن شديد و هي لسه بتسمع كلام سجده الي مبيخلصش
اتكلمت سجده بتريقه على عياط نغم و هي بتمثل الزعل
سجده....يا روووحييي !!! لا يا نغومه متزعليش انا مقصدش ازعلك
كملت بسخريه...انا بس عايزه افكرك زي م قولتلك كدا انك ملكيش اي حد ولا صحاب ولا اي حاجه و هتعيشي و هتموتي لوحدك حاولي بقى تعملي اي حاجه تخلي الناس تفتكرك بيها بعد موتك
بصتلها نغم و هي نفسها تجيبها من شعرها
بصتلها سجده بسخريه و قالت
سجده...ايه يا نغونه مبترديش ليه؟
مسحت نغم دموعها و قالتلها
نغم...عارفه يا سجده لولا ان خدك متخيط كان زماني دلوقتي اديتك حتة قلم يفكرك بمقامك الي نسيتيه.. زي كدا القلم الي ضربتهولك على وشك في الجنينه
احمر وش سجده من كتر الغضب و قالتلها بغل
سجده...يعني ايه
تجاهلت نغم كلام سجده و كملت كلامها و هي بتقول
نغم..بس في حل تاني عادي
رفعت سجده حاجبها باستنكار و قالتلها بزهق
سجده...خير؟
و في ثواني كانت ايد نغم نزلت على خد سجده السليم بضربه قويه
نغم...اتمنى تكوني افتكرتي مقامك يا سجده انا قولتلك وقتها لو اتكلمتي معايا بأسلوب معجبنيش مش هيهمني حد و هضربك نفس القلم
في الوقت دا دخلت شيرين و هي بتقول لنغم
شيرين...ايه يا نغم في ايه
بصتلها نغم و هزت راسها و قالت
نغم...ابدا كنت بفكر سجده بمقامها بس
قفلت شيرين حواجبها باستغراب ف كملت نغم
نغم...اصل الهانم كانت بتعايرني يا شيري اني مليش حد ولا ليا اخوات ولا عيله ولا حتى صحاب
بصت شيرين لسجده الي كانت دموعها نازله بغل بس القلم الي نغم ضربتهولها
شيرين...ايه الي انتي قولتيه دا يا سجده!!!
بصتلها سجده بغضب و قالت
سجده....متصدقيهاش دي كذاابه دي جت عشان تشمت فيا و ف التخر ضربتني بالقلم يا شيري
اتنهظت شيرين بزهق و تعب و قالت
شيرين...طيب خلاص انتوا الاتنين متزعلوش من بعض ممكن انتوا اخوات و مينفعش كدا !!
فرحت سجده جدا مش عشان هتصالح نغم اكيد لأ ..هي فرحت عشان افتكرت ان شيرين صدقتها
قالت سجده بخبث و غل
سجده...بس انا بقى مش هسكت و لازم الكل يعرف
و خرجت بسرعه من اوضتها
بصت نغم لشيرين بخوف و قالتلها
نغم...هيصدقوها يا شيري و هبقى انا الي وحشه و حقوده
اتنهدت شيري بحزن و هي بتحاول تفكر هل فعلا هيصدقوا سجده ولا لا و بعدين قالتلها
شيري...مش مهم هقول اني كنت سامعه كل حاجه سجده قالتها
اتنفضت نغم بخضه و خوف و الدموع بتنزل من عينيها لما سمعت صوت حسن الغاضب و هو بينده عليها بعصبيه كبيره
...................
كانوا كلهم متجمعين و هما بيحاولوا يفكروا هيعملوا ايه عشان سجده متبقاش زعلانه عشان وشها الي اتشوهه
لحد م لاقوها نازله بتعيط بقهر و حزن كبير و هي رايحه على مامتها
قامت صباح و الكل و هما مصدومين من منظر عياط سجده
قالتلها صباح بخضه
صباح...مالك يا حبيبتي فيكي ايه
اتكلمت سجده بعياط وسط شهقاتها و هي بتقول
سجده ...نـ نغم ضربتني يا ماما
اتصدم خالد و قالها بدهشه
خالد...اييييه!!!
بصتله سجده و قالت بعياط
سجده...طلعت تشمت فيا و تقولي انا بقيت اجمل منك انتي وشك بقى متشوهه و بقيتي وحشه و اول م غرز الخياطه تتشال الناس هتقرف تبص في وشك يا سجده و هتموتي من كتر الزعل و الاكتئاب
قالت هيام باستغراب
هيام...بس نغم مش كدا نغم عمرها م تقول لحد الكلام دا ابدا ولا تشمت في حد
هنا سجده كانت جابت اخرها من كتر حب النلس لنغم و. قد ايه هما مش بيصدقوا عليها اي كذبه سجده بتقولها
صرخت في وشهم بقهر و هي بتقول
سجده ...و انــا هــكــذب لـــيــه يــعـــنـــي!!!
يونس....اهدي يا سجده محدش قال انك بتكذبي
بصتله سجده بعياط و قالت
سجده...طنط هيام مش مصدقاني
بصتلهم سجده و قالتلهم كلهم و هي بتشاور على خدها السليم الي كان محمر و باين فيه ايد نغم مكان ضربتها
سجده...اهو لو مش مصدقين انها ضربتني
اتصدموا كلهم و حسن الي اضايق جدااا
صرخ بصوته كله و هو بينده على نغم بغضب كبير ووووو
يتبعععع
ضحية عشق
بقلمي مريم احمد
استغفر الله العظيم و. اتوب اليه
لا اله الا الله