الفصل الثاني والعشرون 22
بقلم مريم احمد
خالد...مراد بيه طالب ايدك يا نغم مستني ردت
اختفت ابتسامتها تدريجيا و احتلت الصدمه ملامحها
لاحظ خالد
خالد...نغم؟
ردت عليه بهدوء و هي بتقول
نغم...ايوا يا خالو
خالد...قولتي ايه يا بنتي
حاولت تمنع نفسها من العياط و قالت
نغم....قوله ان طلبه مرفوض يا خالو
اتصدم خالد من رفضها لأن مراد بني ادم كويس و ناجح في شغله و ليه اسمه و اسم شركاته معروفه و هو عن نفسه فرح جدا لنغم اول م مراد طلب منه انه يتجوزها
خالد...طيب ليه كدا يا بنتي
هنا مقدرتش تمنع نفسها من العياط اكتر من كدا و نزلت دموعها بقهر و قالت
نغم....اوافق عشان اعيد نفس الحكايه تاني يا خالو اوافق عشان امه و اخته يفضلوا يضايقوه مني و ف الاخر يجي يضربني انا و يزعقلي من غير حتى م يسمعني!! اوافق عشان اعيد نفس كل دا تاني!!!
زعل خالد جدا عليها و قالها
خالد...حبيبتي مش معنى ان حسن كان بيضربك و اي حاجه صباح و سجده يقولوها يصدقها و ميسمعلكيش يبقى كلهم كدا انا شايف انك تدي نفسك و مراد فرصه لأني شايف انه كويس و بيحبك بجد
ضحكت نغم بوجع و قالت بصوت كله حزن
نغم...خالو يا حبيبي حسن كان بيحبني جدا و مع ذلك كان بيضربني
اتنهد خالد و هو مش عارف يقولها ايه
خالد...طيب بصي..
قاطعته نغم لما قالت
نغم.....خااالو الموضوع بالنسبالي منتهي انا مش هتجوز تاني خلاص انسى
خالد...م هو مينفعش كدا يا نغم اادنيا مبتقفش على حد ولا عشان حاجه حصلت الكل بقى وحش مفيش الكلام دا
عيطت نغم و هي بتقول
نغم...و افرض طلع زي حسن يا خالو ...افرض ضربني زي م حسن كان بيضربني
قالها و هو بيحاول يطمنها و يأكدلها ان مش كل الناس زي حسن و صباح و سجده
خالد....انا واثق ان مراد مش هيعمل كدا يا حبيبتي
هزت نغم راسها و مسحت دموعها
ابتسم خالد و قالها
خالد...هاا؟ اخليه يجيب اهله و يجوا؟
ابتسمت نغم و هزت راسها بالموافقه
في الوقت دا جت شيرين و هي بتقول
شيرين....مين دول الي يجوا
بصت لنغم و قالتلها بضحك
شيرين...في عريس ولا ايه يا نغوم
هزت نغم راسها و هي مبتسمه
صرخت شيرين بفرحه كبيره و هي بتقول لنغم
شيرين....بجدددد!!!!!
ضحكت نغم عليها و خالد الي قالها بفرحه و ضحك
خالد...بتعرفي تزغرطي يا شيري؟
قالتله شيرين بتأكيد و فخر بنفسها
شيرين....طبعاااااا حتى اسمعوا كدا
و في ثواني كانت بتزغرط بصزت عالي لم عليهم كل الي في البيت
ضحكت نغم عليها من قلبها و سجده الي قالت لشيرين بزهق
سجده....ايه ايه فاكره نفسك في الشارع!!!
شيرين...و انتي مالك انتي واحده و فرحانه لبنت عمتها
صباح...طب م تفرحونا معاكوا
سكتت نغم و متكلمتش و شيرين قالت
شيرين...نغومه متقدملها عريس
فرحت هيام جدا و قالت لنغم بابتسامه و فرحه
هيام...بجد الف مبروك
ابتسمت نغم على حب مرات خالها ليها و قالتلها
نغم...الله يبارك فيكي يا احلى يومه في الدنيا
بصت سجده لنغم و قالتلها
سجده...و دا مين دا بقى يا نغم
قالت نغم بهدوء
نغم...مراد رضوان
اتصدمت صباح و قالتلها
صباح...نعم!!!
سجده...مراد رضوان صاحب شركات M.R !!!!
هزت نغم راسها بهدوء
اضايقت سجده جدا بس اضطرت تبتسملها و دا طبعا ميمنعش ان الغل و الحقد بان في صوتها و هي بتقول
سجده...مبروك!
خافت نغم من كميه الحقد الي بان في صوت سجده و قالتلها
نغم...الله يبارك فيكي
خالد...ايه يا صباح مش هتباركي لنغم ولا ايه
بصت صباح لنغم و قالتلها
صباح...الف مبروك
اكتفت نغم بإنها تبتسملها بهدوء و صباح الي دخلت القصر تاني هي و سجده
بص خالد لبنته بغضب و قالها
خالد...كان لازم تتكلمي و تقولي ان في عريس جاي يتقدم لنغم
شيرين...مكنش قصدي
قاطعتها نغم و قالتله
نغم...عادي يا خالو هو كدا كدا جاي و هما هيعرفوا
هز خالد راسه...ربنا يستر
ابتسمت نغم و قالتله
نغم...متقلقش كله خير ان شاء الله
............
كانت سجده قاعده في اوضتها هتموت من كتر غيظها و هي بتدعي من كل قلبها ان الجوازه دي تبوظ و ان فرحة نغم متكملش ابدا
اتفتح الباب و دخلت صباح و هي باين على وشها الغضب
اتنفضت سجده من مكانها بخوف بسبب صريخ امها في وشها و هي بتقول بقهر
صباح....شوووفتي عشان قعدت اقولك انزلي اشتغلي في شركة خالك و انتي تقوليلي لأ مش عايزه اشتغل انا اقعد مكاني و الكل يخدمني في الاخر مراد هيتجوز نغم !!
سجده....مش دا كان كلامك ليا من زمان مش كنتي بتفضلي تقوليلي انتي ملكه و المليكات مبتعكلش اي حاجه و الكل بيخدمها و طلباتها اوامر مش دا كان كلامك برضو
تضايقت صباح من نفسها جدا لأن فعلا هي قالتلها كدا
صباح...شششش اخرسي مش عايزه اسمع صوتك خالص لحد م اعرف هنعمل ايه!!
سجده بغل...الجوازه دي لازم تبوظ بأي شكل من الاشكال يا ماما
صباح...طبعا يا حبيبتي لازم نبوظلها الجوازه دي يإما انتي كمان لازم تتجوزي واحد ناجح في شغله زي مراد بالظبط
ابتسمت سجده بسخريه و قالت
سجده...مفيش حد ناجح في شغله زي مراد يا ماما
صباح...خلاص يبقى الجوازه تبوظ
سجده...ازاي بقى
صباح بخبث...اسمعي الي هقولك عليه و نفذيه بالحرف الواحد ووووو
..................
تاني يوم كانوا كلهم قاعدين بيفطروا في صمت
قطعت نغم الصمت دا لما قالت
نغم...خالو ممكن مروحش انهارده الشركه معلش؟
سابت شيرسن الاكل و بصتلها و هي بتقولها
شيرين...ايه الهبل دا هتسيبينس اروح لوحدي يعني ولا ايه
بصتلها نغم و متكلمتش
خالد...انهارده في اجتماع مهم لازم تحضريه يا نغم انتي عارفه في حاجات ممكن تخسر الشركه انا مبخدش بالي منها
نغم...بس يا خالو معلش مش لازم انهارده ممكن
اتكلم خالد بخبث و هو بيقولها
خالد...متقلقيش مش هيجي انهارده غير اخر اليوم عشان يعرف رأيك
بصت نغم في طبقها و هي مكسوفه لأنها عرفت ان خالها فهم انها مش عايزه تروح الشركه عشان لو مراد هيروح لخالها انهارده
ضحكت شيرين عليها و اتكلمت بصوت واطي عشان محدش يسمعها غير نغم و هي بتقول بضحك
شيرين...اوعي و انتي بتقدميلهم الشربات تقعي
نفخت نغم بتوتر و قالتلها
نغم...خلاص يا شيري انا اصلا متوتره لوحدي
ضحكت شيرين عليها و هي فرحانه جدا ليها
خالد...يلا يا نغم اطلعي هاتي شنطتك و انتي كمان يا شيري عشان منتأخرش على الشركه
هزت نغم راسها و راحوا للشركه
....................
كانت خديجه مامة مراد قاعده في جنينة قصرهم بتقرأ اذكار الصباح و هي سامعه صوت العصافير الي كانوا طايرين حواليها في الجنينه
جيه مراد و قعد على الكرسي الي قدامها و هو بيسمعلها
بتدعيله هو و اخته
ابتسملها بحب كبير و هي قالتله
خديجه...صباح الخير يا حبيبي
باس ايدها و قالها بحب
مراد....صباح النور على احلى ديچا في الدنيا
ابتسمتله خديجه و قالتله
خديجه... استنى هقوم اقولهم يحضرولك الفطار
مراد... لا لا خليكي يا حبيبتي انا متأخر اصلا لازم اروح الشركه
خديجه... مش ناوي تتجوز بقى يا مراد و تفرح امك
ابتسملها و قالها
مراد... انا اصلا جاي اتكلم معاكي في الموضوع دا
فرحت خديجه جدا و قالتله و هي مش مصدقه
خديجه... لاقيت عروسه!!!!
ضحك و قالها
مراد... ايوااا
زغرطتت بفرحه كبيره و هي حسه ان قلبها هيقف من كتر الفرحه
ضحك مراد جامد و قالها
مراد... بس بس الكومباوند كله صحي على صوت الزغروطه
خديجه... سيبني افرح يا مراد
مراد...يا حبيبتي افرحي بس انا اصلا لسه معرفش هي وافقت ولا لأ
خديجه...و دي مين دي الي ترفضك اصلا؟؟؟
بصلها مراد و هو بيضحك
مراد...و ايه المشكله يعني لو رفضت الجوازه عادي
رفعت خديجه حاجبها باستنكار و قالتله
خديجه...ايه الكلام الاهبل الي انت بتقوله دا قال ترفض الجوازه قال
قالها مراد بتوجس
مراد...بقولك ايه يا امي انتي طيبه اصلا متخليش شغل الحماوات دا يخليكي شريره بدل م اجيب فيلا ليها و نعيش هناك و اسيب القصر
زعلت خديجه منه جدا و قالتله
خديجه...انت بتهددني يا مراد انك هتسيب البيت من قبل م تخطبها حتى!!
مراد...يا حبيبتس انا مقصدش كدا انا عارف انك طيبه ف مش عايزك تزعلي ولا هي تزعل
بص في ساعة تليفونه و قالها
مراد..يلا انا هروح بقى الشغل
خديجه...ماشي يا حبيب ي مع السلامه
ابتسملها و قالها
مراد...سلام
....................
خبطت على باب مكتب خالها و لما سمعت صوته و هو بيإذن بالدخول فتحت الباب و دخلت
نغم...خالو جيت افكرك ان الاجتماع كمان نص ساعه
خالد...ايوا يا حبيبتي انا فاكر متقلقيش
ابتسمتله نغم و بعدين قالتله بتوتر
نغم...خالو هو انت متأكد يعني ان ان يعني مراد بيه دا يعني مش جاي انهارده
ضحك خالد من قلبه و قالها
خالد....مراد بيه دا؟؟؟
ضحك تاني في هي اتكسف و ضحك هي كمان و قالتله بتوتر و ضحك
نغم....يا خالو مكسوفه اقول مراد بس
ضحك خالد و قالها
خالد...متتخيليش يا نغومه انا فرحان قد ايه بجد
ابتسمت نغم بهدوء و هي كمان فرحت بس متمنعش انها برضو لسه خايفه انه يضربها
قالتله نغم مره واحده بخوف و الدموع في عينيها
نغم...خالو هو انت قولتله اني مطلقه
هز خالد راسه يمين و شمال بنفي و قالها
خالد...لأ مقولتش حاجه
نغم...خالو هو ممكن لما يعرف اني مطلقه يسيبني
سكت خالها بحيره و بعدين قالها
خالد...مش عارف يا نغم بس مظنش ان مراد هيعمل كدا
نزلت دموعها و قالتله
نغم...انا مش هستنى يا خالو لما قبلني يتكسر قوله اني مش موافقه و خلاص
خالد...لأ لأ يا نغم متخاغيش هو مش هيعمل كدا انا متأكد انه فعلا بيحبك يا حبيبتي
عيطت و هي بتقوله بحزن
نغم...انا خايفه يا خالو
صعبت عليه و هو مضايق جدا من اخته و من حسن و سجده
خالد...متخافيش يا حبيبة خالو متقلقيش
...............
عدى اليوم و جيه مراد الشركه لخالد
في مكتب خالد كان مراد قاعد و هو بيقوله
مراد..حضرتك عرفت نغم ؟
هز خالد راسه و هو بيقوله بابتسامه
خالد...ايوا يا سيدي قولتلها
مراد...طيب و هي رأيها ايه
خالد...هي موافقه يابني و احنا في انتظاركوا عشان نقرأ الفاتحه
فرح مراد جدا و قاله
مراد...بكره مناسب اجيب اهلي اجي؟
خالد...طبعا في انتظاركوا
ابتسمله مراد و شكره و مشي
.................
في القصر كانوا متجمعين كلهم و خالد الي قال
خالد...رحمه روحي اندهي بقيت الخدم و تعالوا
هزت رحمه راسها و راحت جابت بقيت زميلاتها و جم
بصت نغم لخالها باستغراب و قالتله
نغم...في ايه يا خالو
تجاهل خالد سؤالها و قال للخدم
خالد...جهزوا البيت عشان بكره قراية فاتحة نغم هانم
كل الي موجودين الفرحه ظهرت على وشهم معادا طبعا صباح و سجده
كلهم فضلوا يباركوا لنغم بفرحه كبيره
حست نغم بفرحه بس خوفها من انه يسيبها لما يعرف انها مطلقه زي الي بيحصل في الطبيعي لأي واحده مطلقه لأن المجتمع بيشوفها هي السبب و انها متنفعش تفتح بيت و انها الجاني مش المجتمع مبيشوفش ابدا ان وارد تكون هي ملهاش ذنب و انها اختارت الطلاق عشان تحافظ على كرامتها من ان جوزها يهينها و يضربها
................
تاني يوم كانت واقف و شايفه كل التجهيزات الي بتحصل في البيت و الحلويات الي بتتعمل في المطبخ و هي مش فاهمه ليه كل دا حسه ان كل الي بيتعمل كتير اوي على قراية فاتحه او خطوبه صغيره و دا طبعا عشان هي اول مره يحصلها كدا لأن ساعة جوازها من حسن مكنش في اي تجهيزات في البيت ولا اي حاجه مجرد انهم كتبوا الكتاب و جم القصر
حضنتها شيرين و هي بتقولها بفرحه حقيقيه
شيرين...الف مبروك يا روحي
نغم...شيرين هما ليه بيعملوا كل دا
بصتلها شيرين باستغراب
شيرين...دا طبيعي يا حبيبتي لازم العريس و اهله يجوا يلاقوا البيت شكله كويس و كمان لازم يكون في حاجه تتشرب و حلويات كدا عشان تقدميهالهم
بصتلها نغم بخضه
نغم...ايه اقدمهالهم!!
هزت شيرين راسها بأكيد
نغم...لا لا طبعا قديميها انتي و انا هقولهم ان انا الي قولتلك تعملي كدا
دورت شيرين عينيها بزهق من نغم و قالتلها
شيرين...هو ايه الهبل الي انتي بتقوليه دا
نغم...ايييه يا شيرين فيها ايه يعني
جت هيام و هي بتقولها
هيام...مالك بس يا عروسه مضايقه ليه
نغم....يا طنط بقولها تقدملهم هي الشربات مش راضيه مع اني هقول ان انا الي قولتلها تقدمه بدالي
ضحكت هيام و قالت لنغم
هيام...يا حبيبتي مينفعش
نغم...لييه بس يا طنط
هيام...عشان العروسه هي الي بتقدم الشربات يا عمري
قالت نغم بحزن
نغم...طب افرضي وقعت هيبثى شكلي وحش
هيام...لا يا حبيبتي خليكي واثقه كدا في نفسك و متتوتريش خالص
نغم...هو ممكن يسبني بجد لما يعرف بموضوع الطلاق دا
سكتت هيام شويه و بعدين قالتلها
هيام...مظنش يا حبيبتي متخافيش
هزت نغم راسها و قالت
نغم...انا هطلع انام بقى
مسكت هيام ايدها بسرعه قبل م تطلع و قالتلها
هيام...لأ تنامي اييييه..مفيش وقت
بصت لشيرين و قالتلها
هيام...اطلعي يا شيري جهزيلها فستان حلو كدا
هزت شيرين راسها بابتسامه و خدت نغم و طلعوا
..................
في اوضة نغم كانت شيرين واقفه في غرفه الهدوم و هي بتشوف لنغم فستان تلبسه
و نغم الي كانت ولقفه في البلكونه و هي سرحانه و حسه بكمية مشاعر كتير اوي مش عارفه تحددها من خوف و توتر و فرح
عجب شيرين فستان طويل و بكم لونه أوف وايت و شكله رقيق جدا
خرجت من غرفة الملابس و ورته لنغم و قالتلها
شيرين....هو دا انسب حاجه استني بقى اشوفلك الطرحه
نغم...لا طبعا يا شيرين دا لونه اوف وايت
بصتلها شيرين بدهشه و قالتلها بسخريه
شيرين...عايزه فستان اسود يعني ولا ايه مش فاهمه؟؟؟
نغم...لأ مش اسود يعني بس برضو مش اوف وايت يا شيري
شيرين...هو دا اللون الي طالع مودا دلوقتي و اقولك على حاجه كمان البنات دلوقتي بقت بتلبس فساتين لونها ابيض في خطوبتها
هزت نغم راسها و قالتلها بابتسامه
نغم...يعني الفستان دا حلو؟
هزت شيرين راسها بتأكيد و قالتلها
شيرين...حلو جداااا و رقيق اوي يا نغومه بجد
كملت و هي بتقولها
شيرين...تعالي كدا
خرجت نغم من البلكونه و قفلتها و راحت لشيرين
خدت شيرين طرحه. لونها قريب من نفس لون الفستان و قالتلها
شيرين...الطرحه دي بقى هتبقى حلوه اوي بجد
ابتسمت نغم و خدت الطرحه من شيرين
نغم...بجد شكرا اوي يا شيري على تعبك دا
شيرين...انتي ايه الي بتقوليه دا بس انتي متتخيليش فرحتي بيكي عامله ازاي يا حبيبتي
سمعوا صوت خبط على باب الاوضه و سمحوا للطارق بالدخول
دخلت هيام. و هي بتقول لشيرين
هيام...ها لقيته فستان حلو
خدت شيرين من نغم الفستان و ورته لمامتها و هي بتقولها
شيرين...دا وحش يا ماما!!!
هيام.....لا طبعا دا جميل اوي و رقيق جدا جدا
شيرين...قولي لنغم بقى
بصت هيام لنغم و قالتلها
هيام...الفستان تحفه يا نغومه
ابتسمتلها نغم بفرحه
قالت هيام لشيرين
هيام...تعالي يا شيري معايا نشوف الحلويات الي عملوها
هزت شيرين راسها و خرجت هي و امها
...................
في اوضة سجده كانت قاعده هي و امها الي قالتلها
صباح...اوعي تنسي تعملي الي قولتلك عليه يا سجده
ابتسمت سجده بخبث و قالتلها
سجده...متقلقيش يا حبيبتي
صباح...جدعه
.................
عدى وقت و كانت مراد و اهله بيتكلموا مع خالد و هيام في الصالون
و كانت نغم واقفه في المطبخ حسه ان قلبها هيقف من كتر خوفها و كل م تمسك الصنيه تسيبها تاني على رخامة المطبخ و هي متوتره
رحمه...ايه يا نغم مينفعش تتأخري اكتر من كدا خالد بيه بقى شكله وحش قدامهم لازم تقدميلهم الحاجه
نغم...انا مش فاهمه يعني كان فيها ايه لو انتي او اي حد قدمها بدالي م ناس كتير بتعمل كدا و انا هكون قاعده معاهم عادي بس على الاقل مش هبقى متوتره كل التوتر دا
رحمه...معلش انتي عارفه ان خالد بيه بيحب يكون زي الناس العاديه يعني في المناسبات و كدا و زي العادي يعني ان العروسه هي الي بتقدم الشربات
هزت نغم راسها و لاقت هيام دخلت المطبخ
هيام....ايه يا نغم ينفع كل دا متجيش بالحاجه!!!
نغم...انا اسفه يا طنط بس خايفه اخرج
هيام...لا يا حبيبتي متخافيش يلا بقى تعالي
هزت نغم راسها و خدت الصنيه و خرجت و هيام معاها
..............
كانت شايله الصنيه و هي متوتره من نظراتهم ليها و كلام خديجه مامة مراد على شكل نغم الجميل و ادبها
سلمت عليهم بعد م قدمتلهم الشربات
اتكلم سليمان ابو مراد و هو بيقول لخالد
سليمان...شوف يا خالد بيه انا عايزك تتأكد ان كل طلباتكوا اوامر و اني هكون اب لنغم و خديجه هتكون امها و لو لا قدر الله حصل و مراد زعلها احنا اول ناس هتجيبلها حقها
حست نغم انها اطمنت شويه انهم مش زي خالتها
قال مراد لخالد
مراد ...انا بس عايز اطلب من حضرتك طلب
خالد....اتفضل يابني
مراد...بلاش فترة خطوبه و خليها فترة كتب كتاب افضل
فرح جدا خالد بطلب مراد و احترمه جدا و هو متأكد انه هيحافظ هلى بنت اخته و مش هيزعلها ابدا
بص خالد لنغم و قالها
خالد...رأيك ايه يا نغم
ردت عليه نغم بكسوف و هي باصه في الارض
نغم...الي حضرتك تشوفه يا خالو
ابتسم خالد و قاله
خالد...و انا مرحب جدا بالفكره دي و موافق
سليمان...يبقى نقرأ الفاتحه
قرأوا الفاتحه و هما مبسوطين كلهم و نغم حست انه فعلا شخص كويس و مش هيزعلها
خلصوا قراءة الفاتحه و سجده الي قالت
سجده...انا بس عايزه اقول حاجه
بصتلها نغم بقلق و هي بتتمنى الي في بالها ميحصلش
بس دمعت عينيها لما سمعت سجده بتقولهم
سجده...هي نغم قالتلكوا انها مطلقه؟؟!!! وووووو
يتبععععع
ضحية عشق
بقلمي مريم احمد
استغفر الله العظيم و اتوب اليه
لا اله الا الله