الفصل التاسع 9
بقلم مريم احمد
نغم...طبعا انتي كنتي مستنيه تسمعي خبر موتي يا خالته
اتصدمت صباح من شجعاتها
حسن.. ايه يا نغم الي بتقوليه دا ماما بتحبك زيك زي سجده
ضحكت نغم و هي بتبص لصباح و قالتلها بخبث
نغم...ايه يا صبوحه دا انا بهزر معاكي مالك...اضحكي كدا
كملت بخبث اكبر
نغم....ولا انتي مضايقه بجد اني بقيت كويسه و هقرفك و افضل اضايقك ؟ بصتلها صباح بنفس نظرة التحدي و قالتلها
صباح...و انا هكرهك ليه يا بنت اختي
قالتلها نغم بقوه...معرفش والله شوفتي انتي يا خالتو
في الوقت دا جيه يونس و سجده
سجده...حمدلله على سلامتك يا نغم
هزت نغم راسها بهدوء...الله يسلمك
يونس ....طيب يلا يا جماعه عشان نمشي
هزت نغم راسه و كلهم مشيوا
كانت صباح قاعده في العربيه حسه ان دماغها هتنفجر من كتر الصداع الي جالها من بعد م نغم اتكلمت معاها
عرفت ان ضغطها علّي
اتنهدت بضيق و هي بتقول في نفسها
صباح....حتى لو ايه مش هسمحلك تاخدي فلوسي يا بنت احلام انتي
...............
اول م العربيه وقفت قدام القصر نزلت نغم على طول و راحت للجنينه
قالت سجده بصوت واطي لصباح
سجده....شايفه البجاحه؟
هزت صباح راسها بزهق
سجده...فاكره نفسها ف بيت ابوها ولا ايه
اتكلم حسن الي كان سمعها
حسن...لأ فاكره نفسها في بيت جوزها
بلعت سجده ريقها بخوف و صباح قالتله
صباح...اه طبعا يا حبيبي
سجده...يلا بقى ندخل القصر ولا هنفضل واقفين هنا
صباح...يلا يا حبيبتي
و دخلوا كلهم القصر
..........
كانت قاعده على المرجيحه الي ف الجنينه و هي بتبص على البسين بحزن على الي خالتها بتعمله
لحد م لاقيت عصفوره جت و وقفت جمبها على المرجيحه
بصتلها نغم بإبتسامه و مدت ايدها تمسح عليها بحنان
و العصفوره وقفت على ايدها لما حست انها طيبه و مش هتإذيها
ضحكت نغم بفرحه و هي مبسوطه
و قربت ايدها باست راس العصفوره
نغم...انتي جميله اوي اوي تبارك الله
بس مره واحده العصفوره طارت
اتنهدت نغم و هي مبتسمه على جمال العصفوره و فضلت تسبح ربنا و تبارك على شكل العصفوره الجميل
بس اختفت ابتسامتها لما سمعت صوته و هو بيقولها
حسن...نغم
اتنهدت بحزن و ضيق و قامت عشان تمشي بس هو وقفها لما قال
حسن...نغم من فضلك اسمعيني
بصتله و هي في دموع متحجره في عينيها و متكلمتش
حسن...عارف اني غلطت لما ضربتك بس انتي كمان غلطتي ازاي تتعاملي مع امي كدا و هي مأذيتكيش ف حاجه
ضحكت نغم بسخريه و قالت
نغم...مأذتنيش ف حاجه كل الي حصل دا و مأذتنيش في حاجه
حسن...ايوا يا نغم انتي الي اذيتيها و كنتي بتزعقي في وشها لما بتطلعلك عشان تقعد معاكي عشان تحسسك ان امك لسه عايشه و كنتي بتترديها من الاوضه
نغم...تصدق انها ولا مره طلعت تطمن عليا يا حسن
و لا طلعت ناحية اوضتي اصلا
قفل حواجبه باستغراب
نغم...عرفت بقى هي اذيتني ف ايه ضحكت عليك و اتبلت عليا و قالت كلام محصلش و اني بزعقلها عشان تضايق مني و تطلع تضربني و بالفعل كل الي هي خططتله حصل
حسن...يعني انتي معملتيش حاجه بجد
نغم...معلش يا حسن هو انت عملت كدا و انت المفروض عارف كل حاجه و انها بتعاملني وحش و عايزه تمشيني من البيت بأي شكل اومال لو مكنتش عارف بقى كان هيحصل ايه كنت هتجيب سكـ ـينه و تقتلني؟؟؟
قالها بندم...نغم انتي عارفه انا بحبك قد ايه و مش عايزك تزعلي مني
صرخت في وشه و هي دموعها نازله بقهر
نغم...انـــت ضـــربـتــني و هنـتـــني من اول خــطــه خـالتـو خطتتلها
حسن...حقك عليا يا نغم حطي نفسك مكاني لو عرفتي ان حد بيعمل كدا في امك و بيعاملها وحش اكيد كنتي هتضايقي
مسحت دموعها و هزت راسها
نغم...خلاص مفيش حاجه
ابتسملها و قالها
حسن...يلا عشان تتغدي
هزت نغم راسها و دخلوا القصر
............
سجده....انتي هتسيبيها يا ماما راحه جايه في البيت كدا!!!
صباح...اسمعي يا بت انتي انا مش عايزاكي تتكلمي خالص ملكيش دعوه انتي بدل م حسن ولا يونس يسمعوكي انا هتصرف
سجده...هو ايه دا الي متكلمش انا قاعده في بيتي اومال اسيبها هي الي تتكلم و انا اخرس
صباح...انا مش فاهمه انتي مالك كدا كل حاجه تقارني نفسك بيها هو عشان انتي تسكتي يبقى هي الي تتكلم
بصتلها سجده و هي جواها غل من نغم
لاقتهم جايين ناحيتهم على السفره
تليفون حسن رن
قال حسن لنغم
حسن...اقعدي كلي انتي جاتلي مكالمه تبع الشركه
هزت راسها بهدوء
و هو كان لسه هيرجع للجنينه بس سمع صوت امه الي كان فيه زعل و هي. بتقول
صباح...ايه يا حسن مش هتاكل ؟
حسن..جاتلي مكالمه تبع الشغل يا ماما هخلصها و جاي
صباح...طيب يا حبيبي يلا يا نغم اقعدي
مشي حسن و هو بيتكلم في التليفون
و نغم الي اضايقت انه سابها لأنها حست ان في حاجه هتحصل و كانت خايفه
سجده...مالك ؟ مكسوفه تاكلي ولا ايه؟؟
بصتلها نغم بابتسامه و قالت بخبث
نغم...في واحده هتتكسف تقعد تاكل في بيتها؟
و بعدين بصت لصباح و ضحكت
نغم...ما هو بيت جوزي بقى يا خالتو
اتنهدت سجده بغضب و صباح الي ابتسمتلها و هي هتموت من كتر غيظها
في الوقت دا كانت سجده شافت رحمه الي جايه ماسكه صنيه الشربه الي كانت بطلع دخان بسبب انها لسه معموله و ملحقتش حتى تبرد
ابتسمت جواها بخبث
و قامت من على السفره و مشيت ناحية رحمه الي كانت يعتبر واقفه جمب نغم
ابتسمت سجده بشماته و خبطت رحمه في كتفها و للأسف الصنيه وقعت على ايد نغم. الي صوت صريخها الي كان كله ألم بسبب الشربه الي حر'قت ايدها في ثانيه لم عليها القصر كله ووووو
يتبععع