رواية مهرة النعمان
الفصل الرابع 4 والخامس 5
بقلم فريده الحلواني
داخل احدي ارقي المدارس الخاص التي لا يرتادوها الا ابناء الطبقه الثريه
في فناء المدرسه في مكان بعيد الي حدا ما عن تجمعات الطلبه و ضجيجهم نجد ثلاث فتيات رغم جمالهم و ثراء عاءلتهم الا انهم يرتدون ملابس محتشمه عكس معظم فتيات جيلهم او من معهم في هذه المدرسه
زينه متحدثه بسخط : اووف بقي انا مش عارفه ايه الي يخلينا نيجي المدرسه واحنا في تالته ثانوي ياريتنا كنا في مدرسه حكومي كان زمنا بنام براحتنا و بنعتمد عالدروس وخلاص
لميس بهدوء : خلاص بقي يا زينه هانت كلها شهرين ونخلص منها خالص ولا ايه رايك يا مهره
اين مهره فهي في عالم اخر لا تشعر بمن حولها
زينه باستغراب : مهره مهررررره
مهره بخضه : ايييه يا زفته في حد يصرخ كده مانا جانبك اهو خضتيني
زينه بغيظ : والله يا حبي انتي جنبنا بجسمك بس انما عقلك وروحك في حته تانيه انتي كنتي بتعملي اسقاط نجمي ولا ايه
مهره : هاهاهاها خفه يابت
لميس : مالك بس يا ميمو انت فعلا من الصبح مش معانا خالص شكلك مدايق
مهره بغلب : انا مش مدايقه انا هطق مقهوره قهره السنين ومش لاقيه حل للي انا فيه
زينه بتعقل : انتي الي جايبه وجع القلب لنفسك احنا ياما حزرناكي من حبك المجنون لبدر وهو مش شايفك اكتر من بنته وامانه عمه الي سبهاله بس انتي مصره توهمي نفسك باحساسك الغلط
هو مش شايفك اصلا انتي طفله بالنسباله
لميس بحزن علي حال مهره نهرت زينه وقالت : بس يا زينه ايه الي بتقوليه ده عيب كده كلامك بيوجع براحه عليها مش كده انتي مش شايفه حالتها عامله ازاي
زينه بعصبيه : مانا عشان شايفه حالتها لازم افوقها لازم تعيش حياتها الي موقفاها في انتظار كلمه منه وهو ولا حاسس بيها
مهره بحزن : ومين قالك انه مش حاسس بيه ده مافيش حد في الدنيا بيفهمني ويحس بيه اده ومهما تقولو او تحاولو تقنعوني انه مش بيحبني اضعاف حبي ليه مش هقطنع
انا وبدر روح واحده بجسدين كل واحد بيحس بالي جوه التاني ويفهمه من غير ما يتكلم بس هو الي مش عايز يفهم احساسه بيه او بالاصح فاهم بس رافض يصدق
زينه بحده : خليكي في الوهم ده لحد ما تلاقيه متجوز ومخلف وانتي واقفه محلك سر انا عمري ما شوفت واحده لاغيه شخصيتها كده عشان واحد بتحبه مع انك اصلا اقوي شخصيه فينا بس بتيجي لحد بدر وبتلغي عقلك وتسبيه هو يمشيكي بكيفه
انا برغم اني بحب مصطفي وواثقه في حبه ليا بس عمري ما هلغي شخصيتي علشانه ولا اتنازل عن كرامتي قدامه
لميس بزعل : زينه كفايه كده بقي انتي ايه مش حاسه بالدبش الي بتحدفيه انتي من امتي كده
مهره بحزن بين : سبيها يا بسكوته انا خدت علي كلامها ومش هقعد كل شويه افهمها لان الي بيني وبين بدر عمر ما حد هيفهمه غيرنا
ثم نظرت لزينه واكملت
صدقيني يا زينه انتي لو بتحبي مصطفي قد ما هو حبك مش هتقولي كده انا شايفه انه بيتنازل كتير في بعض المواقف انتي بتيقي غلطانه فيها بس هو بيحاول يراضيكي
بس للاسف انتي بتحبيه اه بس بتحبي نفسك اكتر
وعالعموم خلي رايك لنفسك وياستي لما حياتي تبوظ و اجي اشتكيلك ابقي قولي مليش دعوه
زينه : يا مهره متزعليش انتي عارفه انا بحبك اد ايه وخايفه عليكي ثم احتضنتها وقالت
حقك عليا ياميمو والله مش قصدي
ثم اكملت بهزار حتي تخفف من حده الموقف
ياختي انتي ليل نهار بتقراي روايات لما قرفتينا وانا متاكده ان هي الي بوظتلك دماغك
مفيش اي فكره فيها تنفع تعمليها مع بدر يمكن ينطق
ضحكت مهره بغلب وقالت : كل الروايات بتحكي عن البطل الي اكبر من البطله وهو الي بيحاول معاها يعني حتي في الخيال مفيش في خبتي
بعدين تلاقي البطله طفله بريءه ومش عارفه حاجه في الدنيا طب انا هجيب البراءه منين
ضحكت الفتاتان عليها بشده واكملو يومهم الدراسي حتي يحين موعد المغادره
في شقه الجد كانت تجلس الجده وكنتاها وابنتها يحتسون الشاي ويتحدثون في مواضيع شتي
فهم بعد ذهاب رجال العاءله للعمل والفتيات يذهبن الي الجامعه او المدرسه يقومون بتوضيب المنزل ثم يجلسون لاخذ استراحه بسيطه ثم يقومن لاعداد الطعام قبل عوده الجميع وهكذا كل يوم نفس الروتين
وجدن الباب يطرق رغم انه مفتوح فعلمو ان من جاءهم ضيف
ام فتحي جارتهم في نفس الحي طرقت الباب واردفت : العواف عليكم ياحجه نعمه
من الداخل قامت فاطمه زوجه ياسر ترحب بها وتسطحبها الي حيث يجلسن
فاطمه : يا اهلا يا ام فتحي اتفضلي يا حببتي خطوه عزيزه
ام فتحي : يعز مقدارك يا حببتي ازيك يا حجه ليكي وحشه والله قالت هذا للجده ثم سلمت علي نوال وريهام وجلست
الجده : يا بكاشه لو وحشينك كنتي تطلي علينا ده انا بقالي ييجي ٣شهور مشوفتكيش
ام فتحي : معلش يا حجه والله الدنيا تلاهي وانا يدوب علي ما بفطر الرجاله قبل ما ينزلو واخلص شغل البيت والاكل يبقي اليوم خلص ومقصوفه الرقبه بنتي مش بتمد اديها في حاجه قال ايه بتذاكر ومرات فتحي مبتنزلش من شقتها قبل الظهر اكون انا خلصت
مش زي النبي حارصهم بناتكم اديهم باديكم في كل حاجه
كبرت نوال في سرها خوفا علي الفتيات من الحسد وقالت : والله يا ام فتحي كل البنات كده مين الي قال انهم بيعملو حاجه معانا انتي شوفتيهم يعني
ام فتحي باحراج : لالا اشوفهم فين انا افتكرت انهم بيساعدوكم يعني عشان اسم الله عليكي انتي و مرتات اخواتك شطار وايدكم علي ايد بعض فكل حاجه فاكيد البنات زيكم
ريهام بغيظ حتي تنهي هذا الحديث المستفز فالمراءه تحسدهم جهرا دون حياء: تشربي ايه يام فتحي ولا احضرلك فطار احسن
ام فتحي : لا يا ام بدر يدوم العز انا لسه فاطره وشاربه الشاي مع الحج قبل ما اجيلكم ثم نظرت للجده واكملت
انا جايه للحجه وقصداها في موضوع طول الليل بدعي ربنا ان يحصل قبول
الجده بحكمه فهي استشفت ما تريد التحدث عنه ولكن اثرت الصمت حتي تسمع منها : خير قولي ولو في ايدي حاجه مش هتاخر
ام فتحي : ده العشم يا حجه يا نوارتنا وان شاء الله بايدك الخير كله
القصد امبارح كان ابني اسم النبي حارصه وصاينه نبيل مانتي عارفاه يا حاجه مهندس اد الدنيا في الخليج ونزل اجازه من يومين المهم كان واقف مع ابوه وشاف ست العرايس مهره حغيدتك وهي واقفه مع الحج ولما سال ابوه عنها عرفه تبقي مين جالي جري عالبيت ويقولي جوزهالي ياما
ثم ضحكت بسماجه واكملت
كان مصمم اجيلكم بالليل قولت يابني ما ينفعش الصباح رباح وانا من النجمه هاروح اطلبهالك ها يا حجه نقول مبروك
دخل عليهم اعصار قد يدمر الاخضر واليابس ومن غيره بدر فهو قد عاد الي المنزل لنسيانه بعض اوراق العمل وسمع ما تحدثت به تلك البلهاء
بدر بهمجيه : مبروك علي ايه يا حجه معلش
ارتعبت السيده من مظهره الذي يدل انه قد يقتل احدا
ولطمت امه وعمته وزوجه عمه وجوههم لمعرفتهم ماذا سيحدث لاحقا
اما الجده كانت تجلس باريحيه وهي مبتسمه علي شىء ما في نفسها
ام فتحي برعب : ااااايه يا معلم بدر في ايه داااا دااااا اه دا نبيل ابني شاف المحرو....
قطع كلامها بصراخ : طب لو انتي عايزه تحافظي علي عين ابنك او حياته ايهما اقرب يعني خليه يرجع الخليج لان لو شوفته في الشارع عليا الحرام من ديني لاهخذالو عينو الي بص بيها علي بت من بنات النعمان
فاااااااااهمه
قامت السيده تجري نحو الباب وهي تقول برعب : خلااااص يا معلم هخليه يسافر لااااا هو سافر خلاص
واختفت خارج المنزل وهي تهرول حتي تنقذ ابنها من براثن هذا الوحش
نوال بعصبيه : انت يا ولا هتفضل همجي كده مفيش تفاهم بالعقل ابدا
بدر : اااه هفضل كده طول مانتو مصممين تدخلو في حاجه متخصكمش
ريهام : يابني انت شوفتنا وافقنا بعدين يعني هو اول واحد يتقدملها ماهو جالها كت....
قطعت كلامها حينما رات تحوله واصبح اكثر هياجا
التقط بدر المنضده التي تتوسط الغرفه ورفعها عاليا ثم قذفها لتنزل علي الارض قطعا صغيره من خشب او زجاج وهو يصرخ بهن
كمااااان يعني بيجلها عرسان وانا معرفش انتو لغيتو وجودي ازاااااي
الجده بعصبيه : في ايه يابني هي اول ولا اخر بت يتقدملها عرسان بعدين الكل عارف ان البنات كلها مخطوبه مش فاضل غيرها ثم اضافت بخبث كي تثيره اكثر بعدين البت فايره وحلوه وعليها العين والف مين يتمناها يكش هي بس الي مش عايزه توافق علي حد
جن جن بدر عالاخير وصرخ
انتو كمان بتاخدو رايها في العرسان وهي بترفض
لحقت نوال الموقف فهي فهمت قصد امها
لالالالا يابني والله ماحد جبلها سيره دا احنا لما بنتكلم عادي معاها انها ربنا يرزقها ونفرح بيها زي البنات هي بترفض وتقول انا مش بفكر في الجواز دلوقت
بدر باهتياج : طب مش تعرفوني ولا انا خول مليش لازمه
صاحت به الجده بعد ما فاض بها : ماتتهد بقبي يا ولااا ايه الصياعه الي انت فيها دي انت محدش مالي عينك لما حد بيتقدملها انا بقول لجدك ولا انت هتعمل كبير علي جدك كمان
بدر وهو يستدير ليترك المنزل حتي لا يحطم باقيه
لااا يا ستي ولا كبير ولا زفت ربنا ياخدني عشان ارتاح و اريحكو انا غاير في داهيه
ذهب سريعا وكان شياطين الارض تلاحقه
اخذ يمشي سريعا حتي وصل الي سيارته القابعه امام احد محال النعمان صعد داخلها و انطلق سريعا حتي اصدرت عجلات السياره صوتا قويا اثر احتكاك عجلاتها في الارض
ولم ينتبه الي نداءات ابيه او جده هو لم يسمعها من الاساس
الجد لعادل : خير يارب مال بدر
عادل : مش عارف يا حج ده لسه من شويه قالي انه طالع البيت عشان يجيب ورق الارض بتاع الساحل
الجد : طب اتصل بيه يابني طمني عليه جيب العواقب سليمه يارب
اخرج عادل هاتفه من جيب بنطاله واخذ يحاول الاتصال مرارا و تكرارا ولكن لم يتلقي اي رد وفي الاخير وجد الهاتف اغلق
عادل : مردش يا حج و قفل التليفون خالص
الجد بقلق : طب انا هدخل اتصل علي امك في البيت يمكن حصل حاجه
دلف الجد داخل المعرض الذي يعد من اكبر معرض الاثاث واحد الافرع المملوكه له ولكن هذا المعرض تحديدا له مكانه خاصه لدي النعمان نظرا لانه اول محل يمتلكه قبل ان تنتشر فروعه في شتي الانحاء
لذلك هو داءم التواجد به وباقي الفروع يتولي ادارتها اولاده واحفاده
امسك الجد سماعه الهاتف الارضي واتصل علي منزله وانتظر حتي يجيب احدا عليه وهو قلق للغايه
الجد : ايوه يا فاطنه اديني الحاجه
فاطمه : حاضر يا حج اهه معاك
الجده : ايوه يا حج اامرني ياخويا
الجد : هو في حاجه حصلت في البيت
الجده بقلق من معرفت النعمان بما حدث
الجده : لا ياخويا انا قاعده اهو مع بناتك هو في حاجه
الجد وقد استشعر توترها : امال بدر ماله نازل مالبيت واخد في وشه و جري بالعربيه ايه الي حصل
لم تجد الجده بدا من اخباره فقصت عليه كل ماحدث من اول زياره ام فتحي حتي تحطيم بدر للمنضده وصراخه عليهم
الجد : ماشي يا حجه اقفلي وانا هتصرف بس محدش يفتح كلام في الي حصل ده معاه او مع اي حد
واغلق معها ووجد ولده ينظر له بقلق ينتظر معرفه ما حدث لولده
عادل : خير ياحج
الجد سرد له ما حدث وبعدما انتهي وجد ابنه غاضب جداا مما حدث
عادل : طب والله لما يرجع لاعرف شغلي معاه هو عشان رباها خلاص هيتحكم فيها ماهي مسيرها للجواز ولا هي هاتترهبن يعني مش كفايه كل اخواتها البنات اتخطبو الا هي انا هعرف اوقفه عند حده
الجد بغيظ لعدم فهمهم لبدر فهو الوحيد الذي يعرف بما يشعر به حفيده حتي ان لم يكن حفيده نفسه يعرف او يعترف بما داخله
والله انكم كلكم بهايم وما فاهمين حاجه
عادل باستغراب : في ايه يابا هو انا قولت حاجه غلط
الجد بغلظه : بس ولا قولت ولا ماقولتش وملكش دعوه ببدر ومتفتحش الموضوع ده معاه خالص ولا كانك عرفت حاجه
عادل : ايوه يابا بس ااا
قاطعه الجد بحده : خلااااص يا عادل انا هتصرف بس محدش يتكلم او يدخل وربنا يعمل الي فيه الخير
داخل جامعه الفنون الجميله
اخرجت لوجي هاتفها من حقيبه يدها واتصلت برقم ما وانتظرت الرد الذي جاء سريعا
سليم بخضه :حببتي في حاجه حصلتلك انتي مش لسه قافله معايه من عشر دقايق ودخلتي المحاضره
لوجي سريعا؛ اهدي يا حبيبي مافيش حاجه بس المحاضره اتلغت فاقولت ابلغك عشان اروح
سليم : طب اعمل ايه دلوقت انا في الساحل و كنت عامل حسابي ان قدامك ثلاث ساعات علي ما تخلصي اكون خلصت شغلي وجتلك
ومش هينفع تستني كل ده لوحدك خصوصا ان مها مرحتش انهارده معاكي
لوجي : خلاص خليك كمل شغلك وانا هوقف تاكس
قاطعها سليم سريعا : لالالا ماينفعش تركبي مع حد غريب لوحدك اقفلي خمس دقايق بس هتصل بحد من الشباب هاشوف مين الاقرب ليكي يجي ياخدك
لوجي : يا حبيبي الموضوع مش مستاهل ده كلها ربع ساعه بالتاكس من الجامعه لحد البيت وعشان متبقاش قلقان خليك معايه عالفون لحد ماوصل و اهي فرصه تحب فيه شويه يا بشمهندس الا انت ناسيني خالص اليومين دول
سليم بحب : دا انا انسي روحي ولا انساكي بس انتي عارفه ضغط الشغل اليومين دول والله غصب عني
واخذ يتحدثان معا حتي اوقفت لوجي احد سيارات الاجره وركبت بها واملته العنوان واكملت حديثها مع سليم حتي تصل الي المنزل
فهي قد تم خطبتها علي سليم منذ عام بعد انتهاءها من المرحله الثانويه علي ان يتم الزفاف بعد الانتهاء من الدراسه الجامعيه وهذا ما اغضب سليم كثيرا لاضطراره الانتظار اربع سنوات ولكن لا حيله له امام اوامر الجد
فهو فعل ذلك عند خطبه كل من احمد ومها و زينه ومصطفي وايضا وليد و لميس
حكم الجد عليهم جميعا باتمام الزواج بعد انتهاء الفتيات من التعليم الجامعي
هذا ما قاله الجد للجميع ولكن بداخله وامام رفيقه دربه الحاجه نعمه فقط من تعلم السبب الاساسي لتاجيل زواج الاحفاد
ويدعو الله داءما ان لا تطول فتره الانتظار لما يتمنون
بعد مده من الوقت وصلت لوجي امام باب منزل النعمان وحاسبت الساءق وترجلت من السياره و ما زال سليم معها علي الهاتف
لوجي : خلاص يا سولي وصلت اقفل بقي واما اطلع اغير هدومي واريح شويه تكون خلصت شغلك واكلمك
اغلقت معه واخرجت مفتاح الباب الخارجي للمنزل من حقيبه يدها وفتحت به وهي حريصه الا تصدر صوت حتي تستطيع ان تفتعل مقلب من مقالبها مع نساء البيت كما تعودت
ولكن ما سمعته جعلها تقف كالصنم لا تستطيع التحرك
بالداخل بعد تنظيف المكان من اثر الحطام الذي حدث
جلسن السيدات يتناقشن فيما حدث
نوال : والله ياما انا ما عارفه اخره الي بيعمله الولد ده ايه مينفعش كده موقف حال البت
الجده : يابنتي ماهو غصب عنه برده يعني تبقي مراته وكل شويه يجيلها عريس
ريهام : طب ما الناس هتعرف منين ياماما ده البت نفسها متعرفش انها متجوزه انت ناسيه شرط الحج وقتها وكانت ايه سبب الجوازه اصلا
سرحت الجده فيما حدث قبل خمس سنوات حين اتمت مهره الثالثه عشره وقد بلغت وبدا يظهر عليها علامات الانوثه طلب الجد من بدر ان يرجع يقيم في بيت ابيه لان مهره اصبحت انسه ولا يجوز وجوده معها في نفس المكان دون رابط نظرا لانها اصبحت كبيره وبالاكيد انها لا تستطيع ان اكون علي راحتها سواء في لباس البيت ترك شعرها امامه دون حجاب فوجوده سيقيد حريتها
رفض بدر هذا القرار فعرض عليه الجد الزواج منها اذا كان يريد المكوث معهم كما كان والتعامل معها بحريه كما اعتاد
رفض بدر في بادىء الأمر ولكن علمه العلم انه مجرد زواج سوري ويعلم به احد حتى تشهره ثمانية عام لها وقتها اذا ارادها زوجه له فليطلبها ويأخذ رايها وان كان علي رايه انها مجرد ابنته وقتها ويتركها لمن يختاره النصيب
وافقت على التمتع بكرم الزواج دون بالفعل معرفه مهره او البنات نظرا لان الجد قانونا هو الوصية عليها
وجميع من في العاءله يعرف ذلك الأمر الا فتيات
مرجعت الجده من تلك الذكري علي قول فاطمه
فاطمه : طب هنعمل ايه ادي الله وادي حكمته وبصراحه كده كويس ان البت متعرفش حاجه انا هاسه لان ميله له وبتحبه بس هو ولا هو هنا حاجه تقهر
نوال : طب واحنا بادينا ايه اعمله مافيش علي لسانه غير انها بنته وامانه عمه هنخليه يتحملها عافيه
الجده : لذلك انتو حمير مفيش حد فيكو فاهم حاجه
ريهام : طب رسينا ياماما علي حل ينوبك ثوابت
الجده بخبث : حل ايه يا معدوله ابنك بيموت في التراب الي بتمشي عليه مهره و بيغير عليها مالهوا الطاير بس هو مش عايز الطبه وبيداري اميله وغيرته عليها بحكايه امانه عمه
طب مش لوجي اخته بنت امه وابوه مبيعملش معاها ربع الي بيعمله مع مهره
ده رغم انه قافل عليها ومش بتتنفس غير باذنه الا انه ميقدرش يرفض ليها طلب ويهد الدنيا لو حس انها مدايقه وبعد كامل دهولي بنته مش بقولكم عبط
بهتت لوجي مما سمعت من حقاء متخفيه عليهم
عادت بظهرها سريعا ولكن بحرص حتى لا صوتا ويشعرو بها
نزلت جري علي سلم بحلول صباح يصل الي وصلت الى البيت ودخلت الي الشقه الجذري لعدة مجموعات عرفيه التي يقيمها الجد لفضي
دخلت بسرعة واخرجت هاتفها من الحقيبه بايدي مرتعشه تاثرا بما في ذلك سمعت وهي تقول لنفسها يا حبتي يا مهره كل ده حاصل من وراكي وسايبينك تتعذبي
طب والله يا بدر لهتشوف ايام سوده بحق كل دمعه نزلت من مهره بسببك
اتصلت سريعا باحد الارقام وانتظرت الرد علي حر من الجمر و......
يا تري ماذا سيحدث
سنري
انتظرووووني
بقلمي / فريده الحلواني
الفصل الخامس
داخل مصنع ال النعمان نجد العم صالح رءيس العمال يذهب الي مكان خالي حتي يستطيع التحدث دون ان يسمعه احد
اخرج هاتفه من جيب بنطاله وطلب رقما وتمني ان ياتي الرد سريعا
عم صالح : الو يا احمد باشا عامل ايه معلش هعطلك
احمد : لا ولايهمك ياعم صالح خير اامرني
صالح : والله يابني ماعارف اقولك ايه المعلم بدر وصل من شويه ومن ساعتها وهو مبهدل الدنيا ومتعصب عالاخر حتي طرد تلات عمال غير الخصم الي اخدوه نص العمال ومن شويه لقيت السكرتيره بتاعت مكتبه نزله تجري عليه مرعوبه لما سمعته بيكسر في مكتبه
اتصلت ببشمهندس مصطفي مردش وبشمهندس سليم في الساحل ملقيتش غيرك قدامي تيجي تلحقنا
احمد : طب يا عم صالح متخليش حد يحتك بيه وانا نص ساعه واكون عندك
صالح : اللهي يجبرك يابني توصل بالسلامه
واغلق معه وهو يدعي ربه ان ياتي سريعا قبل ان يطال غضب هذا البدر احدا اخر
عند لوجي
اتصلت سريعا بمهره وحينما لم ياتيها الرد علمت انها بالاكيد بداخل الفصل تتلقي احدي دروسها ولا يمكنها الرد
فارسلت اليها رساله عبر الواتساب لتنبهها بضروره محادثتها فور خروجها
(مهره اول ما تخلصي حصصك كلميني ضروري جدااااا
لازم اكلمك قبل ما توصلي البيت )
اوصدت هاتفها وصعدت الي الاعلي لتسلم علي نساء البيت سريعا ثم صعدت الي شقت ابيها حتي يتثني لها التفكير فيما سمعته وكيف ستخبر مهره وما سيكون رد فعلها حينما تعلم ان عشقها ومحور الكون بالنسبه لها كما تقول داءما يكون زوجها حلالها
في مدرسه الفتيات
قد انتهي اليوم الدراسي وخرجن الي فناء المدرسه
اخرجت زينه هاتفها كي تتصل بمصطفي فهو من عليه الدور اليوم في ايقال الفتيات
وجدته يهاتفها فردت سريعا : ايوه يا مصطفي احنا اهو خارجين
مصطفي : طب يلا بسرعه انا واقف بره سلام واغلق معها دون انتظار الرد
زينه بغضب : اهو مصدرلي الوش الخشب من اولها
كانت في هذه الاثناء تطلع مهره علي رساله لوجي وقد اصابها القلق فهمت بمحادثتها
زينه : بتكلمي مين يامهره خلصي مصطفي واقف بره و شايط مش عايزين نتاخر عليه
نظرت مهره لها بعصبيه دون ان ترد عليها ووضعت الهاتف علي اذنها في انتظار رد لوجي
حتي انفتح الخط
مهره سريعا : في ايه حد حصله حاجه
لوجي : لالا متخافيش كلهم بخير
انا بس عايزاكي في حاجه مهمه
مهره وقد وصلت للسياره فاكملت وهي تركب في المقعد الخلفي هي ولميس في حين ان زينه استقلت المقعد الامامي بجانب خطيبها مصطفي
مهره : طب قولي في ايه وجعتي بطني
لوجي بسرعه : انتي ركبتي العربيه
مهره : ااااه اخلصي بقي
لوجي : بس يا زفته اصبري ومتبينيش حاجه قدام مصطفي اسمعي و مترديش
اول ما توصلي البيت غيري واطلعيلي بيتنا علي طول موضوغ ضروري يخص بدر هيغير حياتك كلها
مهره بقلق بالغ وهي تحاول الا تفسر ردها : طب قولي ايه علي ماوصل بالله عليكي
لوجي : مش هينفع الكلام عالفون يلا انا هقفل عشان محدش ياخد باله سلام
واغلقت سريعا لانها تعلم جيدا انها لم تكف عن مواصله الحديث حتي ترضي فضولها وتعرف فيما تريدها
زينه موجهه حديثها لمصطفي فهي تعلم انه غاضب منها منذ الصباح
ايه يا صاصا مفيش سلام ولا كلام كده
نظر لها بغضب ولم يرد
زينه بغضب وصوت عالي نوعا ما : خلاص بقي يا مصطفي قولتلك ده ملمع مش روج وبعدين ما كل البنات بتحط ميكب كامل كمان اشمعني انا يعني
مصطفي بعصبيه منها لعلو صوتها اولا ثانيا لانه حزرها كثيرا الا تتناقش في امورهم الخاصه امام احد
اولا متعليش صوتك وبعدين في بنات بتلبس محزق وبنات بتلبس لبس ملوش صله بالحجاب ايه هتعملي زيهم
جاءت لترد عليه قاطعها بعصبيه وحده
زيييينه اقطمي في الكلام لحد ما اجيلك البيت عندكم ونبقي نتفاهم تماااااام
سكت زينه علي مضض فهي لم تعترف بخطاها ولكن لم تطل الحديث حتي لا يتسبب لها بالحراج امام صديقتها من اسلوبه معها
اما مهره ولميس لم يحاولن التدخل لعلمهم ان مصطفي لا يحبذ التدخل في خصوصيته دون ان يطلب هو فاثرن الصمت
بعد وقت ليس بقليل مر في صمت مطبق عليهم وصلو اخيرا
همت زينه بالنزول اولا واغلقت الباب بحده ذادت من غضبه اكثر نزلن الفتاتان دون حديث ودخلا الي منزل النعمان سريعا
وصلت زينه الي شقتها القابعه في المنزل المقابل لمنزل النعمان
وجدت امها وجدتها يجلسن في صاله المنزل
لاحظو عليها تجهم وجهها فسارعت جدتها في سؤالها
الجده ناديه : مالك يا زينه البنات مين زعلك يابيضه
زينه بعصبيه : هو في غيره الي ربنا ابتلاني بيه
امها عزه بحده وغضب : اخرسي يا قليله الربايه والله ده هو الي اتبلي بيكي انا عارفه بيحب فيكي ايه ولا ايه الي مصبره عليكي وانتي كل يوم والتاني حرقه دمه
زينه : انتي علي طول كده تدافعي عنه هو انتي امي انا ولا هو
عزه : لا يابت بطني امك انتي بس انا ميعجبنيش الحال المايل وانا من قبل ماتنزلي الصبح نبهت عليكي وقولتلك بلاش عشان متجبيش لنفسك المشاكل نشفتي راسك وادي النتيجه
زينه : ماهو الي كل حاجه يقول عليها لا انا زهقت وعايزه اعيش سني
الجده بحكمه : يابنتي ماهو بيعمل مع اخته كده واكتر واهو انتي شايفه البنات عندهم كلهم مافي واحده بتحط كحله في عنها
هو لو مش بيحبك ويخاف عليكي مش هايعمل كده
زينه : مليش دعوه بحد انا حره ابويا موجود وهو الي ليه حكم عليه
امها بغضب وصراخ : طب والله يازينه لما ييجي ابوكي وسليم لاقولهم علي عمايلك السوده وشوفي بقي هيعملو معاكي ايه
قامت زينه بغضب وقالت وهي تتجه لغرفتها : بدل ما تقفي في صفي زي الامهات بتعملي فيه كده اقولك احفري تربه وادفنيني فيها احسن
واختفي صوتها حين ولجت غرفتها واغلقت الباب بشده وغضب
تحت انظار امها الحزينه من افعالها وتوعدتها باعاده تاهيلها من جديد
صعدت مهره الي لوجي بعد ان بدلت الزي المدرسي وارتدت بيجامه انيقه وفوقها الاسدال تحسبا لرجوع اي من الشباب فجاه كما يحدث
فتحت الباب بالمفتاح الموجود خارج الباب داءما حتي يسهل علي اي شخص الدلوف
مهره بصوت عالي وهي تبحث عن لوجي
فينك يالي وقفتي قلبي من الرعب انتي يابت
خرجت لوجي من المرحاض وهي تهتف : خلاااص ياحجه كنت في الحمام ولا بلاش كمان
مهره : يابت منك لله قلبي هيقف انطقي قولي في ايه
اخذتها لوجي من يدها ودلفت بها الي غرفتها الخاصه وهي تقول : تعالي بس نقعد عالسرير وانا بحكيلك عشان لو اغمي عليكي تبقي في الامان
مهره بعصبيه : اقسم بالله لو ما نطقتي لانا الي هخليكي يغمي عليكي من كتر الضرب اديني اترزعت انطقي بقييييييي
نظرت لها لوجي بتعاطف وهي لا تستطيع استنتاج رد فعلها وبدات بالحديث
انابعد الي هقوله ده مش عارفه هيبقي رد فعلك ايه بس اي كان اوعديني واحلفي بحياه بدر انك مش هتجيبي سيره لحد ان قولتلك
مهره بفقدان صبر : وانا من امتي طلعت سر حد بره ومع ذلك يا ستي وحياه بدر مش هقول لحد حاجه هااااا بقي
ازدردت لوجي لعابها في وجل وبدات تقص عليها كل ما سمعته دون زياده او نقصان
وبعد فتره
صمت صمت صمت
كل ما يسمع هو صوت انفاسهن معا
لوجي تجلس مترقبه و متوجسه من رد فعل مهره
ومهره تحاول اعاده كلمات لوجي داخل عقلها حتي تستطيع استيعابها
ماذا يقولون
زوجته منذ خمس سنوات
ينتظر اتمامي ١٨ عام ليتركني
اختار غيره
وهل انا من الاصل اري غيره حتي اختار
هل من الاساس يوجد رجل غيره في هذا العالم
يالك من قاسي ايها البدر
بعد فتره صمت قطعتها لوجي بتوجس : ايه يا ميمو رحتي فين بالله عليكي ما تزعلي نفسك هو الخسران
نظرت لها مهره بتيه ولم تستطع النطق
وفجاءه تضحك بقوه وهي تضرب كفا باخر ودموعها تنزل بغزاره
ولندعو لوجي تحديد هذا بكاء ام ضحك حد البكاء
ولكنها حقا متعبه علي اختها كثيرا اخذتها سريعا بين زراعيها لحلها تهدا في احضانها ولكن....
تري ماذا ستفعل
سنري
انتظروووووني