رواية غصون
الفصل الثامن 8
بقلم يارا عبدالعزيز
اتكلمت بغضب و بكاء
و هي بتمسك في لايقه قميصه بقوه
= انطققق موت... ابني
جاسر بسخريه
= اومال انا جايبك هنا ليه!
ما اكيد نزل
بس ايه رأيك محستيش بحاجه اهو عشان تعرفي اني جايبك للدكتور شاطر
بصتله بصدمه و غضب و فضلت تضربه... بقوه في صدره و هي شبه منهاره
= ااه يا زباله... يا واطي...
و الله العظيم لهندمك ندم عمرك
هخليك تبكي بدل الدموع دم... هموتك... يجاسر زي ما موتت... ابني
و كل دا ليييه عشان ابن يونس
انت عارف لو يونس عرف انك موت... ابنه هيعمل فيك ايييه
جاسر بسخريه
= و مين اللي هيقوله
انتي!!!!!
هتقوليله ايه بقى جاسر اللي بخونك... معاه موت... ابنك
بقولك ايه يا مي بلاش نضحك على بعض
متعقديش تمثلي عليا انك زعلانه على ابنك و انت موتت... حته مني وووو و كل الكلام الاهبل دا عشان انا عارفك كويس أوي
انتي اصلا مكنتيش عايزه تخلفي بس فرحتي بموضوع الحمل دا لسبب واحد و اللي هو انه هيكون السبب في ربط يونس بيكي و هيبعده عن غصون
و اللي عاملته دلوقتي انتي هتشكريني عليه بعدين
بس حاولي تهدي و اسمعي كل الكلام اللي هقولك عليه و نفذيه بالحرف الواحد
في المصنع
جري كامل و بعد يونس عن احمد بالعافيه
اتكلم يونس بغضب
= الزباله... دا ميعقدش في المصنع ثانيه واحده
كامل بحده
= اهدا و فهمني فيه ايه
ايه اللي حصل لكل الغضب اللي انت فيه دا!!!!
بقلمي يارا عبدالعزيز
يونس كان لسه هيتكلم بس قاطعه كامل و هو بيتكلم بحده
= انتوا واقفين كدا ليه
كل واحد فيكم على شغله يلااااا
مشيوا العمال بخوف و استغراب من تحول يونس المفاجئ
جت غصون و وقفت ورا كامل و هي بتبص ليونس اللي كان واقف بغضب بخوف شديد
اتكلم يونس بغضب
= الاستاذ جاي يطلب مراتي مني!!!!!!!!
احمد بخوف
= و الله يا كامل باشا مكنتش اعرف يعني انا سألت و قالولي انها لسه بتدرس و مش مخطوبه حتى
يونس كان لسه هيتكلم بس قاطعه كامل و هو بيتكلم ببعض الحده
= يونس مش عايز اسمع منك اي حاجه
كمل و هو بيبص لاحمد
= عندك استعداد تتجوز غصون حتى لو مطلقه
بصله يونس و غصون بصدمه
اتكلم يونس بغضب مفرط
= انت بتقول ايييه!!
انت بجد عاقل!!!
كامل بغضب
= الزم حدودك و انت بتتكلم معايا انت فاهم
و بعدين ما دي الحقيقه انت قولت بلسانك انك هطلقها و هتاخد مراتك و تمشي
يعني انت تعيش و تكمل و هي ينكتب عليها الوحده و الحزن طول العمر
كور ايديه بغضب و اتكلم بفحيح و هو بيقف قدام كامل
= و الله العظيم لولا انك جدي و بحترمك انا كان هيبقى ليا تصرف تاني خالص معاك
كامل بغضب مفرط
= يوووووونس
يونس بفحيح و هو بيروح عند غصون و بيمسك ايديها
= لما انت تيجي و تقف قدامي و توافق على جواز مراتي هاااا مراتي من واحد تاني بحجه انها هتطلق مني دا مش اصول و لا كلام انا هسمح بيه
غصون مراتي و على زمتي
كمل كلامه و هو بيبص على احمد بنظره ارعبته
= ابقى فكر بس مجرد تفكير في انك تبصلها
انا بقولها و قدام كل الموجودين اهو لو قربت من مراتي انا هموتك.... تمام
قال كلامه و مسك ايد غصون و مشي بيها بسرعه
من غير ما ياخد باله من رجليها اللي بتألمها بشده
من خوفها منه مقدرتش تقوله رجلي وجعاني
كان عباره عن كتله غضب ماشيه على الارض
دخل بيها مكتبه
اتكلمت بغضب و هي بتبعد ايديها عنه
= انا مش فاهمك
مش انت قولتي انك هطلقني
ليه مش عايز تسبني اعيش حياتي
ايه الانانيه دي!!!!
اتنهد بغضب شديد و قرب منها
بصتله بخوف و بعدت لحد اما خبطت في حيطه وراها
حاوط خصرها بايديه و ضغطت عليه بقوه و اتكلم بغضب وصوت عالي خلاها تتنفض
= انتي عايزاه!!!!
بصتله بخوف و حسيت ان لسانها انشل عن الحركه و مقدرتش تتكلم من خوفها
اتكلم بصوت عالي ارعبها
= ما تنطقييي
عاجبك!!!
عايزه تتجوزيه
اتنفست بخوف و حاولت تقوي نفسها و اتكلمت بتحدي
= هو او غيره
انا مسيري هتجوز و بشمهندس احمد كويس و
قاطعها و هو بيقرب منها و بيقبلها... بعنف
حاولت تبعده بس مسك ايديها و هو بيقيد حركاتها لحد اما ثبتت مكانها
حس بدموعها على خده لتتحول قبلته... لقبله.... شغوفه و حنينه فضل كدا بضع دقائق و مش قادر يبعد عنها
حاسس بمشاعر جميله مش عايزاها تبعد و لا تروح منه
بعدت غصون بسرعه بعد ما الباب اتفتح
ابتسم كامل و اتكلم بهدوء
= مش هتروحي يا غصون انا هروح دلوقتي
غصون كانت باصه للارض باحراج شديد و خدودها كلها احمرت
كانت لسه هتتكلم بس قاطعها يونس و هو بيتكلم بهدوء
= هتبات معايا هنا يجدي
انا و هي هنرجع الصبح
هز كامل راسه بهدوء و مشي
غصون باحراج
= كنت عايزه اروح معاه
انا مقولتش لماما اني هبات هنا و قولتلها هاجي بدري زمانها دلوقتي قلقانه عليا
بقلمي يارا عبدالعزيز
يونس بهدوء
= جدي هيقولها
اقعدي هنا
انا هنزل تحت شويه و طالع
خليكي متنميش فيه حاجات عايز اتكلم معاكي فيها
هزيت راسها بخجل
بصيت لطيفه و هو بيمشي و ابتسمت بتلقائية و هي بتحط ايديها على شفايفها
اتحولت ابتسامتها لحزن شديد و هي بتفتكر مي و حملها
قعدت على الكنبه و مددت رجليها عليها بالم و نامت مكانها
طلع يونس بعد حوالي ساعه و بصلها راح قعد جانبها على طرف الكنبه و فكلها طرحتها و ملس... على شعرها بحنان
كان لسه هيفرد الكنبه بس ابتسم بعشق و قعد و فرد رجليه و فتحها و نيميها ما بين رجليه
دفن... وشه في رقبتها و اتنفس ريحتها بعمق و اتكلم بهمس
= يمكن لو كنت اكتشفت حبي ليكي في ظروف احسن من كدا كان زمانا دلوقتي مع بعض
انا اللي غلطت لما مشيت ورا عقلي و لازم اتحمل عواقب افعالي انتي و مي و ابني ملكوش اي ذنب في مشاعري ناحيتك هسيبك تكملي حياتك بس بعد ما انا امشي مش هقدر اشوفك مع واحد تاني غيري قدام عيني
قال و قبل... عنقها بلهفه و عشق كبير لحد اما نام
وصلت مي القصر و طلعت الجناح
اتنهدت براحه كبيره لما ملاقتش يونس
حطيت ايديها على بطنها و فضلت تعيط بقوه
اتكلمت بشهقات
= مع اني مكنتش عايزاك
بس قلبي وجعاني اوي عليك انا ملحقتش احس وجودك ملحقتش افرح بيك
بس و الله العظيم لهاخد حقك بس لما اتأكد ان يونس بقى ليا انا لوحدي
في الصباح
صحيت غصون و هي حاسه بكتله صلبه تحت راسها
بصيت وراها لاقيت يونس و هو دافن... وشه في رقبتها و محاوط خصرها بقوه
حاولت تقوم بس معرفتش
همس بعشق و هو لسه دافن... وشه في رقبتها
= لسه بدري نامي شويه ساعتين كدا و هنمشي
اتكلمت بخجل و رقه
= هو أنت ليه مفردتش الكنبه
اتكلم بهمس و هو بيحرك ايديه على خصرها بحنان
= علقت و مرضيتش تتفرد
في المساء
و بالتحديد في جناح يونس
دخل الجناح و اتكلم بحنان و هو بيبص لمي
= عامله ايه دلوقتي
مي بحده
= كويسه
انت رجعت الصبح مع غصون
هي كانت بايته معاك!!
هز راسه بالايجاب و خد هدومه
كان لسه هيدخل الحمام بس قاطعته و هي بتقف قدامه و بتتكلم بحده
= الموضوع زاد عن حده اوي يا يونس
اومال لو بتحبها بقى!!!!!
انت مش واخد بالك انك مهتم بيها زياده
هو فيه ايه يا يونس
يونس بهدوء
= مفيش حاجه
هي جت انبارح عشان مشكله مع عامل و باتت هناك اكيد مكنتش هسيبها تروح لوحدها يعني
انا هدخل اخاد دش اجهزي يلا عشان نروح لدكتوره نطمن عليكي و على اللي في بطنك
جسمها اترعش بخوف و اتكلمت بتلعثم
= ما انا روحتلها انبارح
حسيت بشويه دوخه و روحت و هي قالتلي تعالي كمان شهر
يونس بحده
= و مقولتيش ليه انك رايحه!!!
مي بخوف
= ما انا قولت انك اكيد مشغول جامد في المصنع محبتش اشغلك بيا اكتر فروحت لوحدي الزياره الجايه ابقى تعال معايا
هز راسه بشك و دخل الحمام
اتنهدت براحه كبيره و اتكلمت بهمس
= انا لازم اتصرف في الموضوع دا بسرعه قبل ما انكشف و يعرف ان البيبي نزل...
بعد مرور اسبوع
و بالتحديد في مدرسه غصون
كانت واقفه مستنيه العربيه تيجي تروحها
فضلت واقفه بملل
رنيت على السواق و اتكلمت بهدوء
= ايوا يا عمي عبده هو انت فين
انا مستانيك بقالي نص ساعه قدام باب المدرسه
عبده باحترام
= يونس باشا قالي انه هو اللي هيجي ياخد حضرتك يست غصون و قالي متروحش
قفلت غصون باستغراب و اتكلمت بضيق
= امممم يا ترى عايز ايه تاني!!
انا اخاد تاكسي و امشي لوحدي احسن مش ناقصه مي تشوفنا مع بعض
المره اللي فاتت وقعت الزيت على رجلي مش عارفه المره دي ممكن تعمل فيا ايه
كنت المفروض اقولهم ان هي اللي عملت كدا و اخاد موقف بس اللي شافته هو اللي ساكتني ما هو جوزي
قاطعها الصوت اللي جيه من وراها و اتكلم بهدوء
= بتكلمي نفسك!!!
بقلمي يارا عبدالعزيز
بصيت وراها لاقيت احمد واقف قدامها
اتكلمت بخوف شديد
= انت!
احمد بحب
= ايوا
انا جيت عشان عايز اتكلم معاكي تعالي اركبي نعقد في اي كافيه و نتكلم
اتكلمت بغضب و خوف و هي بتبص على الطريق
= اركب ايه!!!
انت بجد مجنون محرمتش من العلقه... اللي خدتها انبارح دا انت وشك معلم
احمد بعشق
= فداكي اي حاجه
غصون انا من ساعه ما شوفتك و انا بجد عايزاك تبقي مراتي و معنديش اي مشكله مع موضوع انك هتكوني متجوزه و اني مش اول واحد في حياتك
و مستعد استنى لحد اما يونس يطلقك و نتجوز ايه رأيك
وافقي و الله ما هتندمي
كانت لسه هتتكلم بس قاطعها عربيه يونس اللي لمحتها من بعيد اتكلمت بخوف شديد
= يونس جاي ارجوك امشي انا مش عايزة مشاكل و لا فضايح.. هنا انت قدام مدرستي لو سمحت امشي
احمد بهدوء
= انتي خايفه منه كدا ليه
مش هو مقرر انه يطلقك هو ماله بحياتك
غصون بغضب
= ايا كان متنساش اني دلوقتي على زمته و هو من حقه يضايق لما يشوفك واقف و بتتكلم معايا لو سمحت امشي انا مش عايزة مشاكل
احمد كان لسه هيتكلم بس قاطعته غصون و هي بتمشي من قدامه بسرعه
احمد بص لطيفها بضيق و بص لعربيه يونس اللي قربت منها بخوف
كلامه بيرن في ودنه مقدرش يسيطر على خوفه
استخبى بسرعه عشان ميشفهوش
وقف يونس لما لاحظ غصون اللي كانت واقفه بعيد عن المدرسه
اتكلم باستغراب و هو بيبصلها
= ايه اللي موقفك هنا
ركبت العربيه بسرعه و اتكلمت ببعض الخوف
= كنت بوقف تاكسي لما لاقيت عمي عبده اتأخر
اطلع يلا
بصلها باستغراب و طلع بالعربيه
وصلوا القصر و طلعت غصون اوضتها
كانت لسه هتدخل الاوضه بس وقفت و هي حاسه ببعض الدوخه
جري عليها و مسك ايديها و اتكلم بخوف
= مالك
مسكت فيه و اتكلمت بارهاق
= دوخت مره واحده
شالها بسرعه
دفنت... وشها في صدره بارهاق
حاطها على السرير و هو لسه واخدها في حضنه و اتكلم بخوف
= هرن على الدكتور يجي يشوفك
اتكلمت برقه و هي بتمسك ايديه و بتمنعه
= مش مستاهله
هي دلوقتي هتروح انا هنام بس شويه و هصحى كويسه
قالت كلامها و فردت جسمها على السرير و غمضت عينيها
فتحت عينيها بارهاق و اتكلمت بأستغراب
= انت هتفضل قاعد!!
بقولك عايزه انام
اتكلم بحنان و هو بيملس... على شعرها
= نامي انا هفضل جانبك لحد اما تبقي كويسه
اتكلمت بتلقائية و هي بتبص في عينيه
= هو انت بتحبني!
بصلها بصدمه من سؤالها و مردش عليها
اتكلمت باحراج و هي بتتحاول تتجنب النظر ليه
= انا اسفه
بس هو فيه واحدة صاحبتي هي مخطوبه خطيبها حنين عليها و بيخاف عليها زيك عشان هو بيحبها اوي
بس انا شكلي نسيت اننا اصلا ولاد عم و طبيعي تخاف عليا
ميل بوشه عليها و همس قدام شفايفها
= فيه حاجات كتير كبيره على عقلك انه يفهمها
بقلمي يارا عبدالعزيز
بصتله باستغراب و خجل
قرب من شفايفها.. و قبلها.... بعشق و هو بيضمها لحضنه بعمق ليأخذها معاه الى عالمهم الخاص بهم
بعد مرور ساعه
مي كانت قاعدة و حاسه بملل
خرجت البلكونه و وقفت فيها
لاحظت عربيه يونس واقفه
اتكلمت باستغراب
= غريبه رجع و مجاش حتى يغير هدومه هيكون راح فين
يمكن عدا على جده الاحسن انزل اشوفه
قالت كلامها و غيرت هدومها و نزلت تدور عليه
بصيت للخدامه و اتكلمت بغرور
= يونس فين!
الخدامه باحترام
= اخر مره شوفته فيها كان مع ست غصون و دخلوا الاوضه بتاعتها و من ساعتها مشفتوش تاني
بصتلها مي بغضب و اتكلمت بغضب مفرط ارعب الخدامه
= غورييي من وشي
جريت الخدامه بخوف و مي طلعت اوضه غصون
كانت دافنه.. وشها في حضنه و حاطه ايديها على كتفه و دموعها نازله على صدره
حرك ايديه على ضهرها و اتكلم بحزن
= غصون انا اسف بس و الله.....
قاطعته و هي بتتكلم بدموع
= انا حتى مش عارفه اقولك ابعد
انت ليه بتعمل فيا كدا ليه ديما بتستغل ضعفي قدامك
كان لسه هيتكلم بس قاطعته مي اللي فتحت باب الاوضه عليهم بدون اي استئذان و
يُتبع....
معلش الفصل صغير بس عندي دور برد و سخونيه لا اتمناهم لالد أعدائي و لولا اني منزلتش انبارح مكنتش هنزل انهاردة
الباقي من هنا 👈 يارا عبدالعزيز
#غصون
#الفصل_الثامن
#بقلم_يارا_عبدالعزيز
الفصل التاسع من هنا