الفصل الثالث عشر 13
بقلم جنه ياسر
"بعد يومين من خطبه حمزه وماسه ..
"في الصباح في قصر النمر "
نذهب الي غرفه اسد كان واقف امام الشرفه وشكله حزين ثم تنهد وقال : انت شكلك كدا حبتها يا اسد ياتري لو روحت اعترفتلها هتوافق بيا ...
ثم توجه الي السرير وجلس عليه وقال : وليه متوافقش ...اكيد هتوافق بذات بعد الموقف اللي عملته معاها اخر مره ....
" ثم سرح وتذكر الليله خطوبه حمزه وماسه والذي صار .. "
"فلاااااااااش بااااااااااك "
حور كانت ركضت الي الخارج ثم صرخت ...اسد خرج خلفها بسرعه عندما سمع صراخها واتصدم عندما رأي
ان صلاح حامل يوسف وواضع سكينه حول رقبته...
حور بخوف : ابنننننننني
يوسف ببكاء : ماما الحقيني
صلاح بشر : ازيك يا اسد بيه اي رأيك في المفاجاة دي مكنتش اعرف انك بتحب حور اوي كدا
اسد : انت اي اللي بتقولوا ده يا حيوان وماسك الولد كدا ليه نزله ..
صلاح بغضب : خليك بعيد احسن ليك لو خايف علي الولد خليك بعيد ...انا انهارده هاخد حقي منك يا أسد الحديدي هدفعك التمن غالي في اللي عملته فيا ..
اسد : طيب نزل الولد ابعد عنه واوعدك هسيبك تاخد حقك مني بس طلع الولد من الموضوع ...
صلاح : لا مش هنزل وهخطفه ومش هتعرفوا طريقه خالص
حور : انت بتقول اي انت اكيد اتجننت سيب ابني يا صلاح ....
اسد مسك يد حور وسكتها ثم قال ببرود وضع يده في جيبه وقال : ماشي اعملها واخطفه وشوف هعمل فيك اي انا المره اللي فاتت سيبتك عايش المره دي يا ويلك مني
صلاح خاف بشده ثم بدأ يرجع للخلف واسد غمز ليوسف
وشاور بعينه له علي يد صلاح ويوسف فهم ثم عض يد صلاح بقوه لدرجه اتألم وترك يوسف ....ويوسف ركض الي حور بسرعه وصلاح ركض الي خارج الشقه وكان ينزل بس اسد لحقه ووقعه وفضل يضرب فيه ...
اسد بغل : انا مش هسيبك غير وانت ميت سبق وقولتلك لو قربت علي حور هموتك ..
حور صرخت وقالت : ابوس ايدك سيبه خلاص متوديش نفسك في داهيه...انا بلغت الشرطه ..
اسد مسك صلاح من ملابسه ودخله الشقه ووقعه في الارض ثم خرج من جاكت البدله ورقه ورماها له وخرج قلم ورمه له ....
ثم قال : امضي علي الورقه دي
صلاح بخوف : ورقه اي دي ...
اسد نزل لمستواه وقال بغضب : امضي وانت ساكت
صلاح مضي بخوف وبعد فتره أتت الشرطه واخذو صلاح وحور تنهدت بارتياح ...
حور : شكرا يا استاذ اسد علي كل حاجه عملتها عشاني
اسد مد لها الورقه وقال : انا مكنتش عاوز اعمل كدا عشان متمشيش احب اقولك ان شقة والدك رجعت ليكي من تاني ...
حور بفرحه : بجد يعني انا كدا ارجع شقتي تاني
اسد : لدرجه دي فرحتي ...
حور : انا بشكرك بجد اه طبعا فرحانه ان هيبقي ليا بيت من تاني انا كنت مكسوفه منك وانا قاعده هنا..
اسد بحزن : خليكي بيتي الليله دي وبكره ابقي امشي
حور ابتسمت وقالت : حاضر هعمل كدا
اسد ابتسم ثم ذهب لكن وقف عندما حور ندهت عليه ...وقف ونظر لها وحور ركضت اليه ثم حضنته واسد بادلها الحضن بكل حنيه وحب واستنشق رائحتها لقد سوف يشتاق لها كثيرا ...
وبعد فتره بعدت حور وقالت : بشكرك من كل قلبي علي مساعدتك ليا وعلي وقوفك جمبي بجد شكرا ..
اسد : انا معملتيش غير الصح اشوف وشك علي خير ...
ثم اسد نزل وهو حزين ثم توجه الي السياره وركبها وذهب ...
بااااااااااك
فاق اسد من شروده علي نداء غرام له ...
غرام : يا اسد انت يا ابني
اسد بصدمه : ماما انتي هنا من امتي ...
غرام : من بدري وانا عماله انده عليك سرحان في اي كده
اسد بتوتر : هااا مش في حاجه هو حضرتك كنتي عاوزه حاجه ..
غرام : لا مش عاوزه كنت بحسبك نايم كنت جايه اصحيك....
اسد قرب منها وقبل يده وقال : تسلمي يا ست الكل ...
غرام نظرت له وقالت : انا ليه حاسه ان في حاجه انت مخبيها عليا عيونك فضحاك
اسد بتوتر : ابدا مفيش هو النمر صحي وله لا .. .
غرام : اه ومستني حضراتكم عشان نفطر
اسد : ماشي روحي وانا جاي ...
غرام بعد ما ذهبت رجعت والتفتت لي اسد مره اخري
وقالت : هو انت متأكد مش عاوز تقولي حاجه
اسد : لا مفيش يا ماما
غرام بغيظ : ماشي يا اسد مسيرك هتقع وتيجي تقولي
ثم خرجت غرام وتوجهت الي الغرفه الخاصه لها هي وجاسر فتحت الباب ورأت جاسر فايق وواقف امام الشرفه ذهبت له بحب وعنقته من الخلف.
غرام بحب : صباح الخير يا حبيبي
جاسر التفت له وحاوطها بحب وقال : صباح النور يا غرام ...
غرام : مالك يا حبيبي شكلك مش عاجبني ...
جاسر بتنهد : قلقان يا غرام علي ماسه قلبي مش مطمن لاول مره اكون قلقان كدا وكمان اي اللي عاوزين يعملوا الفرح بعد شهرين...
غرام : بص يا جاسر انا عارفه كويس اللي انت حاسه وده شئ طبيعي احساس الاب اللي خايف بنته تبعد بس دي سنه الحياه وبعدين ماسه موافقه وعاوزاه وكمان اسد عرفه كويس والله انا حاسه أنه ابن حلال وكويس وجاهز من كل حاجه وشوفت ماشاء الله شايل اخته ووالده ازاي...
جاسر : بردو مش مرتاح لي وانا مش عاوزه لبنتي ...وانا مش موافق ان الفرح بعد شهرين ...
غرام بزهق : يوووه يا جاسر بقي ربنا يسهل متسبقش الأحداث يلا عشان نفطر هتلاقي الولاد مستنين ...
جاسر : ماشي يلا ...اه صح نسيت اقولك بابا انهارده عازمنا كلنا علي الغدي..
غرام : ياااه اخيرا هنتجمع في قصر الحديدي بقلنا زمان متجمعناش هناك ...
جاسر : اه فعلا هو عامل العزومة دي مخصوص عشان نديم وسيلا لان ملحقناش نرحب بيهم. يلا بقي ننزل
جاسر مسك يد غرام ونزلوا الي غرفه الطعام ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
في غرفه الطعام كانوا جالسين وينتظروا والديهم..
"كانت ماسه شارده في يدها وكانت تنظر الي تلك الدبله بشرود وتفكر كيف تتخلص من حمزه ...ياتري تذهب لوالدها وتخبره كل شئ انها مغصوبه علي كل هذا وهي لم توافق لكن تخاف لحمزه ينفذ تهديده لها أن يأذي والديها او اخيها ...هي تشعر انها في دوامه كبيره.حزينه كثيرا علي حالها كان تحب ان تفرح مثل كل البنات وكانت تتمني تتحب وتتخطب وتتزوج من راجل يحبها وهي تحبه هي ......هل معقول ممكن تحب حمزه يوم من الايام ..وسوف يعشون حياه مستقره ...لا لا يمكن يحصل انا بكره كثيرا وهفضل اكره طول حياتي ...
"لقد أتوا جاسر وغرام وجلسوا علي المقعد
ثم قالوا " صباح الخير ..
ردو الجميع ماعدا ماسه كانت مازالت شارده .
جاسر لاحظها وقال : ماسه...
ماسه لقد فاقت من شرودها علي نداء جاسر لها
قالت : هااا نعم يا بابا ...
جاسر : مالك يا حبيبتي فيكي حاجه ..
ماسه بابتسامه مصتنعه وقالت : لا يا حبيبي مفيش حاجه ...انا كويسه ..
جاسر : اتمني ... ...
اسر : خير يا والدي العزيز اي الحنيه اللي ظهرت فجاءه دي اشمعني ماسه
جاسر : اخرس يا حيوان عاوزكم تجهزوا نفسك علي اخر النهار جدكم عازمنا علي الغدي وكل العيله هتتجمع ..
اللي يروح شغله يروح واللي وراه كليه يروح ويخلص ويجي علي القصر علطول انا وغرام هنروح بدري ....
اسد : حاضر يا بابا .. انا همشي انا بقي اروح علي الشركه.
غرام : بس انت لسه مفطرتيش .
اسد : مليش نفس .. ووجه كلامه لاسر : انت مش رايح علي الشركه ...
اسر : لا هروح خدني معاك
اسد : ماشي يلا ..
قام اسد واسر وذهبوا الي الخارج ...
ماسه : وانا كمان همشي ...عاوزين مني حاجه ...
عشق : استني يا ماسه هاجي معاكي لان خلاص هبدأ تدريب من الأسبوع ده في المستشفي ...
ماسه : ماشي يلا ...
جاسر : خدو بالكم من نفسكم ومترحوش في حته من غير الحراس ...
عشق : حاضر يابابا باي ...
وخرجوا هما الاخرين وتوجهوا الي الخارج ...
جاسر : وانتي يا همس مش رايحه الكليه انهارده ...
همس : لا يا بابا مليش مزاج شويه كدا وهروح النادي اقابل صحابي ...
جاسر : ماشي خلي بالك من نفسك...هو اوس راح المدرسه يا غرام
غرام : اه ...
جاسر : طيب انا هروح اعمل مكالمه شغل
غرام : ماشي يا حبيبي ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
"فيلا إلياس الحديدي "
كانوا جالسين في الحديقه المنزل يفطرون فيها ..
إلياس قال : صح يا ديلان بابا انهارده عازمنا علي الغدي كلنا ياريت تظبطي حالك ونروح بدري شويه ...
ديلان : خلاص ماشي .
يامان : احم بابا ...
إلياس : خير ...
يامان : انا محتاج مبلغ كده صغير منك ..
إلياس : عاوز كام ...
يامان : حوالي 100الف
إلياس : نعم ميت اي ليه هتعمل اي بالمبلغ ده كله ...
يامان : انا عاوز افتح مشروح جمب شغلي اكسب منه.اهو حاجه تسعدني واقف علي راجلي ...
إلياس : ده شئ كويس وحلو بس قولي اي المشروع اللي عاوز تفتحه ...
يامان : هفتح جيم يا بابا انا حابب المشروع ده اوي ومن بدري وانا بفكر في بس كنت متردد اقولك ...وحاولت اجمع المبلغ بس مقدرتش واوعدك لما ان شاءالله المشروع ينجح ويقف علي رجله هرد ليك المبلغ تاني ويمكن باضعاف....
ديلان : انا فخوره بيك اووي يا يامان شوفت يا إلياس يامان اتغير ازاي وبقي يفكر بمستقبلوا .... اديلوا يا إلياس المبلغ وخليه يتوكل على الله ويبدأ يفتح المشروع...
إلياس : عارف يا يامان ان فرحت انك فعلآ بدأت تفكر وترتب لمستقبلك وطبعا هديك المبلغ واقف جمبك لحد ما تقف علي راجلك والمشروع ينجح ...
يامان قام وتوجه له ثم عنقه بحب ...
يامان قال : شكرا يا بابا اوي ربنا يبارك في حضرتك ...
إلياس خرج من جاكت البدله دفتر الشاكات وكتب شيك 200 الف ثم مد لي يامان الشيك.
ثم قال : ده شيك بي 200 الف يا يامان ....روح خد الفلوس وابدا بالمشروع علطول ...
يامان : حاضر يا بابا شكرا ...
تولين : مبروك يا ميمو ...
يامان : الله يبارك فيكي يا حبيبتي . طيب انا همشي بقي بعد اذنكم
ديلان : روح يا حبيبي ربنا معاك يارب ...
إلياس : متتأخرش علي الغدي جدك مأكد عليا ان الكل يكون موجود ...
يامان : حاضر يا بابا
خرج يامان وركب سيارته وذهب ...
إلياس : تولين
تولين : نعم يا بابا ...
إلياس : عرفتي ان فراس خرج من السجن ...
تولين بتوتر : هاااا خرج ده امتي وازاي ...
إلياس : معرفش ونش عاوز اعرف المهم انا هظبط مع جاسر يتفق مع شركه الحراس اللي بيتعامل معاها يجبلي كام حارس يبقي معاكي الواحد خايف ليتعرض ليكي وله يأذيكي ...
ديلان : ايوه يا إلياس اعمل كدة متضمنش صح ممكن يأذي تولين وينتقم بقي.
تولين : ااه طيب احم بابا هو انا اعرف حد ممكن يقوم بالمهمة دي ويكون حارسي الشخص ...
إلياس : ده مين ده
تولين بتوتر : احم واحد اعرفه معرفه سطحيه انا هعرفه عليك وانا حابه ان يكون هو يعني يبقي الحارس الشخصي وانا مش عاوزه غير واحد وانا متأكده ان يقدر يقوم بالمهمة دي لوحده ..
إلياس : ماشي يا تولين خلي يجي واتعرف عليه واشوفه انا اللي اقرر بقي يقدر لوحده يحميكي وله لا.
تولين بفرحه : ماشي يا بابي انا همشي عشان رايحه الكليه ...
وخرجت تولين وهي مبسوطه...
ديلان : انا مش مستريحه للبنت دي ...
إلياس : وله انا وخايف اوي عليها بذات بعض ما عرفت ان الحقير فراس خرج ...
ديلان بخوف : ربنا يستر ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند ماسه وعشق كانوا وصلوا الي مدخل البوابه المشفي ودخلوا وتوجهت الي مكتبها وبعتت لدكتور ايمن انه يأتي لها وبالفعل دكتور ايمن وصل المكتب ودق الباب ودخل ...
د/ايمن : صباح الخير...في حاجه يا دكتوره بعتوا ان انتي عاوزاني ...
ماسه : اه يا دكتور ايمن اتفضل اقعد ...اعرفك بأختي الدكتوره عشق هتبدأ تدرب لان هي في آخر سنه وطبعا محدش هيدربها الا انت انا طلعت من تحت ايدك وبقيت محترفه دلوقتي جه الدور علي عشق هي كمان تدربها ...
د/ايمن : ده ليا الشرف ياماسه يا بنتي ...والدكتوره عشق تخصصها اي ..
عشق : جراحه عامه ..
د/ايمن : تخصصنا يعني تمام يا دكتوره ماسه مش عاوزك تقلقي خالص علي اختك هي شكلها شاطره جدا تقديرك اي السنين اللي فاتت يا دكتوره عشق ...
عشق بغرور : امتياز طبعا وبطلع الاولي علي دفعتي ...
د/ ايمن : ماشاء الله تبارك الرحمن لا ده انتي شاطره جدا طيب يلا بينا نبدء الشغل وله اي انتي هتبدئ تدخلي اوضه العمليات معايا هتشوفيني بس لمده اسبوعين وبعد كدا هنبدأ بمرحله تانيه اتفقنا ..
عشق / تمام
د/ ايمن : جهزي نفسك وحصليني علي اوضه العمليات ....عاوزه حاجه مني يا ماسه. ..
ماسه : شكرا يا دكتور ...
خرج ايمن وماسه اخذت عشق الي غرفه تبديل الملابس وعشق ارتدت ملابسها وعقمت حالها كويس وتوجهت الي غرفه العمليات ...
وماسه بدأت تشرف علي المرضى...وتطمئن عليهم فجاءه وهي ذاهبه خبطت في شاب..
ماسه : اسفه ...اي ده محمد
محمد : ازيك يا دكتوره ماسه
ماسه : الحمدلله انت عامل ايه
محمد : الحمدلله ...ثم نظر الي الدبله
وقال : صح الف مبروك علي خطوبتك ...
ماسه : الله يبارك فيك بعد اذنك عشان عندي شغل ...
ذهبت ماسه كانت عاوزه تهرب من نظراته اليها ...
دخلت مكتبها وجلست علي كرسيها وبدأت تتبع عملها
ورن هاتفها برقم حمزه قالت بسرها : يا ساتر هو انا كنت ناقصاك ...
قررت لم ترد عليه عندا فيه وفجاءه الباب اتفتح وكان محمد الذي كان واقف معها من دقائق وقفل الباب خلفه ...
ماسه بخضه : اي ده انت ازاي تدخل كدا بعد اذنك افتح الباب...
محمد : احنا لازم نتكلم ...
ماسه بعصبيه : مفيش كلام ما بينا ...
محمد : لو سمحتي اسمعيني واديني فرصه ...انا لسه بحبك يا ماسه لا ده انا بعشقك ...
ماسه : نعم اي اللي بتقوله ده انا دلوقتي واحده مخطوبه وبحب خطيبي جدا لو سمحت اطلع بره انت كده هتعملي مشكله ...
محمد : معقول نسيتي اللي كان بينا يا ماسه معقول قدرتي تتخطبي عادي ...نسيتي حبنا ...
ماسه بقوه : اه نسيت ومش عاوزه افتكر اي حاجه اطلع بره بدل ما اطلب ليك الامن ...
محمد : ماسه ساعتها والله حصلت ظروف عشان كدا معرفتش اجي المقابله اللي حدتتيها مع والدك ...
ماسه بضحك : ظروف والله ضحكتيني طيب يا ابو ظروف اتفضل اطلع بره بالذوق بدل ما اطلب الامن مش هكرر كلامي تاني ...
محمد : ماشي يا ماسه همشي بس هرجع تاني هخليكي تسمعيني وتسامحيني وهنرجع لبعض ...وهقدر ارجع حبنا من تاني ..
ماسه : حب اي اللي عمال تقول عنه عمري ما حبيتك انت اللي حبيتني وله نسيت اسمع يا بابا بطل شغل الصعبنه دي عشان مش هياكل معايا حاجه ان عرفت انك كنت بتتقرب وتمثل الحب عليا عشان بس الفلوس طمعتب بن اني بنت اكبر اغنياء العالم هو انت فاكر ان ممكن اصدقك تاني كنت عبيطه زمان ماسه اللي عرفتها زمان حاجه و ماسه دلوقتي حاجة تانية خالص.. سامع يا محمد ...
جاء صوت من خلفهم يقال : هو اي اللي بيحصل هنا ده ..
ماسه التفتت لتري من يتحدث رأته حمزه ...
ماسه توجهت الي حمزه ووضعت يدها في ذراعه
وقالت بتمثيل : حبيبي هو انت جيت مقولتيش لي انك جاي ...
همس حمزه وقال : اتصلت بالهانم بس مردتش
ماسه نغزته ثم ابتسمت ابتسامه مصتنعه .
وقالت : اعرفك يا حمزه يا حبيبي...محمد صديقي من ايام الكليه ...حمزه خطيبي يا محمد
محمد قرب من حمزه ومد يده ونظر له بكره
وقال : اهلا وسهلا ...
حمزه مد يده وضغط علي أصابعه لدرجه ان محمد اتألم
وقال حمزه : اهلا بيك ..
محمد بتألم : مبروك ليكم هبقي اجي الفرح يا ماسه قولتيلي ان قريب مش كدا ...
ماسه كانت هتتحدث لكن حمزه جذبها له وحاوطها بذراعه وقال : اه قريب جدا ان شاءالله هتشرفنا ...
محمد نظر له بغموض وقال : ان شاءالله بعد اذنكم.
خرج محمد وماسه زقت حمزه...
وقالت له بغضب : انت ازاي تمسكني كدا ..
حمزه بغيره : مين ده ويعرفك منين
ماسه بمكر : حبيبي السابق ..
حمزه : نعم
ماسه : اي مسمعتش بقول حبيبي السابق ... كنا بنحب بعض اوي مش عاوزه اقولك كانوا في الجامعه مسمينا راميوا وجوليت...
حمزه بخبث : لا والله
ماسه : اه زي ما بقولك ...
حمزه : بس عيونك بتقول غير كدا ...
ماسه : وانت مالك بعيوني ...هو صح انت اي اللي جابك ...
حمزه : جاي اشوف خطيبتي
ماسه : استغفر الله العظيم يارب اتفضل يا بابا من هنا.
حمزه : لا مش همشي عاملك مفاجاءه
ماسه : مفاجاءه اي مش عاوزه منك حاجه ...
حمزه : تعالي معايا هنخرج نص ساعه وارجعك المستشفي تاني
ماسه : اجي فين انت مجنون
حمزه : اه مجنون وممكن دلوقتي اوريكي جناني واشيلك علي كتفي واخرج بيكي لبره والناس كلها تشوفك يا تطلعي بالذوق معايا يا هعمل كده ...
ماسه : اعلي ما في خيلك اركبه انا مش هسمع كلامك تاني ومش هخاف من تهديدك ...
حمزه قرب منها وهي كانت بترجع بخوف ...
ماسه بخوف : اقف مكانك والله اصوت والم عليك المستشفي كلها
حمزه : وله يهمني
قرب منها جدا وماسه كانت سوف تركض الي الباب حمزه لحقها وحملها بين يده وهي صوتت ...
ماسه : نزلني يا حيوان اللي انت بتعمله ده
حمزه : قولتلك مش هيهمني وانا قولتلك بذوق تعالي معايا ...
ماسه بصراح : طيب خلاص نزلني وانا هاجي معاك بس مينفعش اللي انت بتعمله ده ...
حمزه ابتسم ثم نزلها وقال : كان من الاول اتفضلي قدامي ...
ماسه وهي تدبدب في الارض مثل الأطفال
وقالت : ربنا يخلصني منك اووووف ...
ثم خرجت وهو ذهب خلفها وكان مبتسم بخبث وفي شعور انبساط حابه....
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
في الورشه الذي يعمل فيها مصطفي كان يعمل بسيط بسبب الجرح فجاءه أتي عزت من خلفه
يقول : مصطفي
مصطفي : نعم ...
عزت بغمزه : في حد عاوزك بره ....ولعه معاك يا عم ...
مصطفي ببرود : هو اي اللي ولعه معاك ومين عاوزني بره ...
عزت بمكر : اطلع وشوف
مصطفي نظر له بزهق وقال : اوعي من قدامي انت بقيت سئيل كدا من امتي ...
ضحك عزت عليه وخرج مصطفي الي الخارج الورشه رأي تولين واقفه وسانده علي سيارتها تولين لمحته كانت ت ترتدي نظاره شمس خلعتها وقربت منه وابتسمت
مصطفي بصدمه : انتي بتعملي اي هنا
تولين بخجل : جايه اطمن عليك ...
مصطفي : كويس الحمد لله في حاجه العربيه حصلها حاجه تانيه ...
تولين بخجل : لا العربيه كويسه بصراحه انا جايا عشان حاجه تانيه ...
مصطفي ببرود : خير...
تولين بتوتر : مش حابه اتكلم هنا ممكن نروح كافيه قريب لان الموضوع طويل مش هاخد من وقتك كتير ...
مصطفي نظر لها ثم قال لعزت بصوت عالي ...
: عزت انا رايح مشوار ومش هتأخر خلي بالك من الورشه ...
تولين كانت مبسوطه بشده ركبوا السياره وتوجهوا الي كافيه وصلوا بعد فتره وجلسوا علي ترابيزه...
مصطفي : اتفضلي قولي اي الموضوع اللي عاوزاني في ...
تولين : احم مش عاوز تقول حاجه او تفهم مين فراس اللي كان اتهجم عليا ...كان عاوز يخدني معاه
مصطفي : لو عاوزه تقولي اقولي انا ميهمنيش الموضوع ...
تولين : هحكيلك لان انت أنقذت حياتي فراس ده بيكون خطيبي السابق ...
مصطفي بصدمه : خطيبك ...
تولين : كنت اعرفه من اولي جامعه وحاول معايا كتير في الأول كنت بصده بس فضل ورايا لحد ما وافقت وحبيته وجه اتقدملي واتخطبنا في الأول كنا كويسين بعد كدا بدأ يطلب مني حاجات مش حلوه وبقي يتقرب مني وانا كنت بعدي بقول يعني خطيبي وبعد كام شهر هيكون جوزي اكيد مش قصده حاجه ....كان بابا مكنش موافق ومش مطمن لي بس انا اللي وقفت لي وقولتله ان بحبه مكنتش فاهمه ان كلام بابا صح ساعتها....المهم كان خلاص فاضل حوالي شهر علي الفرح جه في مره كنا مع بعض خارجين وفجاءه جاله اتصال او عمل نفسه ان بيكلم حد قال ان مامته تعبانه جدا ولازم نروح الشقه يطمن عليها طبعا انا مفهمتش ساعتها قولت عادي يعني ان مامته موجوده وكدا مش هيحصل حاجه طلعنا الشقه ودخلنا ولسه داخله وببص فين مامته لقت قفل الباب وانا ساعتها فهمت ان ضحك عليا خوفت في اللحظه دي وبدأ يقرب مني بطريقه مخيفه وانا ابعد وحاول حاول يعتدي عليا حاولت ابعده كتير لحد مالقت فازه وكسرتها عليه وقعدت منكشمه في نفسي وخايفه واتصلت ساعتها علي يامان وجالي وشافني ولاقه هدومي مقطوعه يامان ساعتها فهم وفقد اعصابه وكان هيموته بس انا منعته والشرطه قبضت عليه وخد حوالي ١٥ سنه سجن لان اتضح ان عليه قواضي كتير وانا طبعا دخلت في حاله نفسيه واكتئاب وروحت اتعالج وقعدت فتره كبيره مخرجش من البيت .
مصطفي : طيب وهو ازاي خرج وهو واخد ١٥ سنه سجن ...
تولين : مش عارفه ...المهم بابا عرف ان هو خرج ودلوقتي بابا خايف عليا بس هو ميعرفش اللي حصل وان حاول يخطفني هو عاوز يخلي حارس شخصي يحميني
مصطفي قاطعها : ايوه انا مالي بكل ده
تولين : احم انا عرفت يعني انك ملاكم عالمي ودخلت مسابقات وجسمك كويس انا قصدي من كل ده انك يعني تكون الحارس الشخصي بتاعي بابا لو جاب واحد هيأيدني وهيخنقني وانا مش هكون عارفه ...اما انت اعرفه وو انا مش عارفه ممكن توافق وله لا بس اعتبرها مساعده وكمان شغل ليك احسن من الورشه اللي انت واقف فيها اكيد مش بتجيب فلوس زي الشغلانه اللي جايبها ليك ...
مصطفي ببرود : مش حكايه فلوس يا انسه ومحدش طلب منك انك تجيبي ليا شغل انا مبسوط بشغلي والحمدلله...انا اسف ضيعتي وقتك علي الفاضي انا مش موافق علي الموضوع سبق وساعدتك وانقذت حياتك مش كل مره هساعدك ...بعد اذنك
قام وقف والتفت ليذهب تولين امسكت يده ...
تولين : لو سمحت وافق ...
مصطفي نظر لها ونظر لمسكه يدها ثم سحب يده ...
وقال : هفكر ...
تولين : طيب فكر براحتك لو وافقت تعالي علي العنوان اللي هديهولك ده ...
كتبت له عنوان الفيلا في ورقه ومدت يدها له ...
تولين : اتفضل ده عنوان الفيلا بتاعتنا هستناك تيجي وتوافق علي الشغل ...
مصطفي : ان شاءلله انا همشي ...
وخرج مصطفي وتولين خرجت وركبت سيارتها وتوجهت الي الفيلا ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
نذهب الي ماسه وصلوا امام فيلا كبيره وفاخمه
...حمزه توجه الي باب سياره ماسه وفتحه لها ...
حمزه : انزلي ...
ماسه نزلت با استغراب وقالت : احنا فين ...
حمزه : احنا في الفيلا اللي هنعيش فيها ونتجوز فيها هااا رأيك اي ...
ماسه : حلوه بس مش المفروض بابا وماما كانوا يشوفها قبلي ...
حمزه : لي هو احنا اللي هنعيش فيها وله هما ...
ماسه : بردو ...
حمزه مسك يدها وجزبها وقال : يلا تعالي افرجك عليها من جوه ...
دخلوا الفيلا كان في حديقه كبيره اوي وفي حمام سباحة...
ثم دخلوا الي الداخل كانت الفيلا لسه فاضيه ولم فيها أي عفش ...
ماسه ببرود : مش بطاله
حمزه : يعمي افهم اي والتناكه اللي فيكي دي
ماسه رفعت حاجبها وقالت : انا حره اقول اللي انا عاوزاه واعمل اللي انا عاوزه ...
حمزه بخبث بدأ يتقرب منها وقال : لا حظي اننا لوحدنا وممكن اعمل اللي انا عاوزه ..
ماسه بتوتر : اقف مكانك بدل والله ما اصوت والم عليك الناس...
حمزه بمكر : مفيش حد ساكن قريب مننا صوتي من هنا لبكره ...
حمزه كان بيقرب وماسه ركضت الي اتجه باب الفيلا وكانت وحده ركض خلفها ولحقها كانت لسه هتفتح الباب هو قفله بيده وحاوطها بذراعه...
ماسه : عااااا سيبني والله هضربك.
حمزه : طب وريني هتضربيني ازاي
ماسه بدون إنذار قربت علي حمزه لكمته بركبتها بغضب في بطنه حمزه بعد بوجع ومسك بطنه ...
ماسه بابتسامه : قولتلك هضربك انت متعرفنيش ده انا بنت النمر ...
حمزه قرب منها بمكر مسك زراعها ولوها الي ظهرها قربها منه جدا لدرجه لقد سامعين نفس بعض...حمزه كان عيونه علي شفتيها الكيرز وسرح وكان بيقرب اكتر وماسه لاحظت نظراته ثم في غمضة عين فكت ذراعها ومسكت ذراعها ولوتها ..لكن حمزه فك نفسه
حمزه بخبث : لا عجبتني يا ماسه طلعتي ذكيه وكمان بتعرفي تدفعي عن نفسك . .
ماسه : امال انت فاكر انا واخده بطولات في ملاكمه ..
حمزه : لا والله طيب وريني مهارتك ...
ثم قلع جاكت البدله وبخبث وعضلاته كانت بارزه وكان يراقب ماسه بطرف عينه كان باين علي ملامحها الخوف والتوتر ...
ماسه : انت بتقلع الجاكت لي وبعدين انا عاوزه امشي ...
حمزه : انتي مش قولتي واخده بطولات في الملاكمة طب وريني يا بنت النمر.
ماسه بخوف : خليك مكانك متقربش
حمزه : هعمل معاكي تحدي ونلعب ماتش ملاكمه مع بعض وخلينا نشوف مهارتك يا قطه ..
ماسه بتحدي : ماشي انا موافقه بس مترجعش تعيط
حمزه كان بيقرب وماسه بسرعه قربت منه ولكمته بوكس بقوه وغل واتألم حمزه من اللكمه .
حمزه بغضب : مش حمزه القيصري اللي يضرب ...لو خايفه علي وشك احمي ...
ضرب حمزه اول لكمه له صدتها ماسه ...
ونظرت له وابتسمت ...
حمزه بكل قوه قرب ولكمها اسفل فكها ووقعت ماسه من أثر الوقعه ...
حمزه بمشاكسه : اجمدي كدا احنا لسه بنقول يا هادي ..
اغتاظت ماسه بشده وحمزه كان ضهره لها كان يفرد كتفه ثم ماسه انتهزت الفرصه وقامت وقفذت علي ظهر حمزه ولفت ذراعها حوالين رقبته وبدأ حمزه يشعر بخنقه ...وفجاءه وقعوا هم الاثنين كانت ماسه تحته وحمزه فوقها ...ثبت يديها الاثنين بيد واحده
وامسك عنقها بيده الاخري ..
شعرت ماسه بالاختناق وحمزه ابتسم ثم قام ومد يده لها وهي تشعر انها دايخه وضعت يدها في يده ونظرت له وقامت وفجاءه ظهرت غمامه سوداء امامها وكانت هتقع لكن حمزه لاحظها مسكها وحاملها بين يده...نظرت له ...
وقالت : اي ده نزلني انت ازاي تشيلني كده هو انت استحلتها...
حمزه : يعني الحق عليا اني انقذتك بدل ما تقعي
وبعدين طلعتي فرفوره اوي انتي محتاجه
تشتغلي علي نفسك اكتر ..انا لو كنت عاملتك كراجل كنتي زمانك موتي
ماسه بغيظ : علفكره انت اللي استقويت اكتر عن اللزوم ....ونزلني بقي ...
نزلها حمزه ماسه : اتفضل يلا خلينا نتنيل نمشي من هنا ...
حمزه : اتكلمي باحترام احسن ليكي ..
ماسه : اوووووف
خرجت ماسه من الفيلا وحمزه ذهب خلفها وتوجهوا الي السياره ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
علي الساعه خامسا مساءا كان الجميع متواجدين في قصر الحديدي ...
كان جميع الفتيات كانوا يجهزوا الاكل ويضعوها في الأطباق....والرجال يجلسون في غرفه الطعام ينتظروا الطعام .
شهد بفرحه : اخيرا الحمدلله اتجمعنا هنا بقالنا كتير متجمعناش....
غرام بحنان : دايما كدا يا شهوده مجمعانا ومنتحرمش من وجودك ابدا ...
شهد : تسلمي يا غرام يا حبيبتي يلا بقي بسرعه اعرفوا الاكل عشان الرجاله مستنين ...
سيلا : حاضر ياطنط طب روحي حضرتك واحنا هنجيب الاكل والبنات معانا ...
شهد : لا انا عاوزه اقف معاكم يلا بس خلصوا ...
ديلان : تسلم ايدك يا طنط الاكل ريحته تجنن ...
شهد : تسلمي يا حبيبتي...
تاج : وايه وانا كمان عامله الاكل مع طنط مفيش تسلم ايدك ...
غرام : لا طبعا تسلم ايدك ياروحي وله تزعلي .
تاج : حبيبتي يا غرامي ...
بعد فتره وجلسوا علي السفره وبدأوا يتناولوا ...
يونس : هو فين اسد يا جاسر مجاش ليه...
جاسر : معرفش والله فين قال رايح مشاور مهم بعد الشغل ..مش هيعرف يجي ...
يونس : هو انا مش منبه عليك انك تخليهم كلهم يجوا ...
غرام: معلش يا انكل خليها عليك المرادي ...
يونس : طيب ابقوا كلموا وخلي يجي علي هنا مقرر انكوا هتباتوا معايا ونقضي بكره مع بعض طول النهار
نديم : الكلام ده لمين حدد لان مش هينفع ابات.
يونس : الكلام للكل ...وكلموا هتباتوا ...
سيلا : بس مش هينفع والله يا انكل ..
شهد : خلاص احنا مقررين انكوا مش هتمشي ...متزعلناش بقي ..
غرام : منقدرش نزعلكوا خلاص بقي يا سيلا ...
سيلا : ربنا يسهل ...
همس بهمس لعشق : انا مش عاوزه ابات طيب ..
عشق : ليه ده حته حبيب القلب هو كمان هيكون موجود ...
همس نغزتها بغضب : بس واطي صوتك ...
عشق : حاضر .
وبعد حوالي ساعه كان الجميع جالسين في الريسبشن ...
شهد : يلا يا ولاد قومي العبوا مع بعض ...او تمشوا
جاسر : لا يا ماما سيبيهم هما حلوين كدا ...
شهد : لا يا جاسر خليهم يخدوا نفسهم ويلعبون او يعملوا اي حاجه هيفضلوا قعدين ليه ...
اوس : جماعه تعالوا انا هلعبكم لعبه حلوه تعالوا ورايا
خرجوا الشباب والفتيات ماعدا مايه لان جاسر نده عليها...
ماسه نظرت لجاسر : نعم يا بابا. .
جاسر : عاوزك ...بعد اذنكم ثانيه جماعه ...
توجه الي ماسه ومسك ذراعها وتوجه الي غرفه ...
يونس : يا تري في اي ..
غرام : وله اعرف يا انكل دايما بيبقي في أسرار مابينهم ومس بيقولوا ...
يونس : هو لسه بردو مش مقتنع بحمزه ...
غرام : اسكت ياعمو ده انا هيجنني والله ده طلع اسخن من بابا الله يرحمه ...
إلياس : معلش يا غرام انتي عارفه ان جاسر متعلق بالبنات قد اي .
غرام : بس مش كدا ده عاوز يأجل الفرح ويبوظ كل حاجه ...
يونس : متخافيش انا هقف وهخلي يوافق غصب عنه المهم ماسه تكون موافقه ومرتاحه .
غرام : اه ماسه عاوزه ومرتاحه لي هو بيحبها ...
ادهم : طب وماسه بتحبه ...
غرام : لا مش عارفه مسألتيش ماسه وله اتكلمت معاها بس لو هي مش بتحبه هتوافق ليه ...
" نذهب الي جاسر وماسه كان جاسر جلس علي كرس في الغرفه وماسه جالسه علي السرير وكانت خائفه بشده...
قالت ماسه : خير يا بابا هو في حاجه ...
جاسر بنبره جهوريه قال : كنتي فين يا ماسه قبل ما تيجي علي هنا...
ماسه بخوف : كككنت في المستشفي ...
جاسر بغضب وقال بزعيق : لا كدابه انتي كنتي مع الزفت خطيبك صح ...
ماسه بخوف : اااه لا ..اه هو فيها حاجه يعني .
جاسر : هو انا مش منبه عليكي متروحيش في حته مع البني آدم السئيل ده...وكمان مخدتيش الحراس
ماسه مع سرها : هو فعلا سئيل يا بابا ....اوف هعمل اي دلوقتي ...الله يخربيتك يا حمزه الكلب ...
قالت بخوف : اصل يعني احنا مروحناش في حته احنا روحنا نشوف الفيلا اللي هنتجوز فيها ...
جاسر : هو مش المفروض المشاور ده اكون معاكي فيها ....واي تتجوزي دي اي مستعجله اوي .
ماسه : مش قصدي والله ....
جاسر قاطعها : حسك عينك تروحي معاه في مكان تاني سامعه ...
ماسه : حاضر يابابا ...احم عاوزني في حاجه تانيه ...
جاسر لا امشي ...
خرجت ماسه وتوجهت الي الحديقه لتجلس مع الشباب والبنات ..
كانو يلعبوا لعبه الصراحه ...
اوس : ماسه تعالي هتلعبي .
ماسه : لا انا هقعد اتمرجح كمله انتوا
اوس : ماشي يلا نكمل ...
اوس لف الازازه وجاءت علي يامان و همس ...
اوس : يامان يسأل همس يلا ...
يامان : صراحه وله جراءه .
همس بتوتر : صراحه ...
يامان نظر لها اوب ثم قال : بتحبي حد او معجبه في ...
اتعمد يسأل هذا السؤال خاصا يتأكد من مشاعرها ان الكلام الذي قاله كام حقيقي ام لا ...
همس : لا مش بحب وله عاوزه احب ....
اوس لف الاجازه مره اخري وجاءت علي اسر وشغف ...
اوس : شغف اسألي اسر...
شغف : صراحه وله جراءه ...
اسر : جراءه.
شغف : حلو قوم كدا زي الشاطر عند الشجره اللي هناك دي واحضنها وبوسها..
اوس : لا حلوه يلا يا أسر...
اسر : ماشي يا شغف ...
قام اسر وتوجه الي شجره وعنقها وقبلها وديما انهزت الفرصه وقامت بتصوير فديو ...
عشق : يعيني يا اخويا اتجننت علي علي اخر الزمن ...
اوس : يلا نكمل ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
نذهب الي منزل حور وكانت هي واختها حوريه جالسين في الصاله الصغيره...ويشاهدون فيلم ..
حوريه : ياااه انا مش مصدقه ان احنا اتجمعنا تاني ...
حور : اه الحمد لله لولا اسد مكنش ده حصل ...
حوريه غمزت لها وقالت : شكل كدا استاذ اسد ده حبك
حور بحزن : يحبني مره واحده يا بنتي انا فين وهو فين ....
حوريه : وفيها اي يأما ناس اغنيه اتجوزت ناس فقيره المهم الحب ...
حور : وانتي اشعرفك انه بيحبني.
حوريه : يعني هو معقول يعمل كل ده عشانك وحبسه لصلاح الزفت ورجع الشقه تاني لينا وضربه لي وغيرته عليكي كل ده مش بيحبك والله ده هتلاقي واقع فيكي ....
حور : لا استحاله يكون بيحبني يعني واحد زيه شاب لسه بيبدأ حياته هياخد ارمله لي استحاله ممكن يحصل . .
وانا كنت واعده عمار ان مش هتجوز من بعده ...الله يرحمه ...
حوريه : الله يرحمه ...
قطع كلامهم رن جرس الباب ...
حوريه كانت قايمه لاكن حور نادت عليها ...
قالت : استني انا هفتح ...عشان لو ام صلاح والله المره دي مش هسكت ليها ....
حور ذهبت وفتحت الباب واتصدمت عندما رأت اسد امامها ...
حور بصدمه : استاذ اسد ...
اسد باشتياق : ازيك يا حور ...
حور : الحمدلله...
اسد : اي مش هتقوليلي اتفضل ...
حور : لا طبعا اتفضل ...
اسد دخل وجلس علي الاريكه وحوريه رحبت فيه ودخلت الي الداخل لديهم مساحه يتحدثون لحالهم ...قامت وقفت حور
وقالو حور : تحب تشرب اي يا استاذ اسد .
اسد مسك يد حور وقال : اقعدي يا حور انا مش عاوز حاجه ...انا عاوزك في موضوع ..
حور بعدت يدها بخجل وقالت : خير يا استاذ اسد ...
اسد بتسرع نظر له بحب وقال : تتجوزيني يا حور ...يتبع
♥️♥️♥️♥️♥️♥️♥️♥️♥️♥️♥️♥️♥️♥️♥️♥️
بقلم / جنة ياسر ✍️🏼
انا اسفه جدا علي التأخير بس حصل ظروف معرفتيش 🥲و يارب البارت يعجبكم وانا طولته جدا عشان اعوضكم ....ياريت القي تفاعل لان بجد انا شغفي قل جدا ومبقتش عندي أفكار وله أحداث لروايه وانا فعلا ضاغطه علي نفسي جدا بسبب الروايه وحاسه انها مش حلوه وانا كنت الفتره اللي فاتت حقيقي كنت هوقف الروايه او أوقف كتابه خالص بسبب بجد حاسه بتعب ومش حاسه ان استاهل التفاعل ده ....اتمني تفرحوني وتكتبوا لية كومنتات ترفع من معنوياتي شويه وترجع شغفي من تاني 🥹🫠🫠