رواية أنين القلب الفصل الاول 1بقلم ليله عادل

 رواية أنين القلب

الفصل الاول 1

بقلم ليله عادل 

فى احدى العيادات النفسية بالقاهرة ٦م

كان يجلس كامل  فى صالة الانتظار يرتدى  قميص ابيض وبنطلون أزرق يبدو من مظهره الأناقة  والساعة الماركة التى يرتديها...والقفاز الأبيض فى يده ينظر الى الجميع بنظرات  استغراب ويحدق بعينيه بكل المرضى بعد قليل  تقوم الممرضة بالنداء عليه

الممرضة : استاذ كامل  اتفضل دورك

يدخل كامل الى الغرفة ويمسح الكرسى بالمنديل ويضع بعض المناديل على الكرسى ثم يجلس على الأمامي للمكتب   الدكتور  وبابتسامة وسعادة تخرج من عينيه

كامل :  شفتها امبارح تاني

وافى: وايه اللى حصل

كامل : قربت منها وكلمتها

وافى :  عظيم وقالتلك ايه 

❤️_____بقلمى ليلةعادل _____❤️

جامعه اسكندريه ١٠ص

مكتبة الكلية

يقترب كامل من  فتاة لكن بحذر شديد.  أثناء بحثها فى رف الكتب   يقترب منها  وهو يمسك احد الكتب بمنديل ويتحدث 

كامل :  الكتاب ده جميل قرأته مرتين 

وردة :   تأخذه ميرسي   هقرأه

كامل : انا كامل 

وردة : عارفة  ده احنا سوا من ٣سنين  تمد ايدها لتصافحه لكنه لم يمدها يتبادلان النظرات بصمت شديد...  ثم تتحدث

وردة : طب اشوفك مرة تانية

تتركه وترحل

العيادة

وافى : ليه مسلمتش عليها

كامل : مقدرتش كان جوايا صراع بيقتلني  كان نفسي لكن مقدرتش 

وافى: عايزك تفهم شيء واحد مجرد وجودك بالقرب منها بالشكل ده خطوة ممتازة

بحزن كاد أن يخرج من قلبه وضيق ويأس

كامل : بس انا تعبان  مابقتش قادر مش عارف أعيش حياتي مرتاح ولاد أختى كانوا امبارح عندنا  ياسين الصغير وقع فضلت أبص عليه وانا مش قادر ألمسه. دخلت أختي فضلت تبص بعنيا ، كأنها بتصرخ وتقول كفاية بقى. سنين واحنا بعذاب ومتحملينك امشى وابعد عننا

 أنا نفسي أعيش مرتاح يا دكتور نفسى أعيش زى الناس ،

 بقالي ٤ سنين ، ٤سنين ،بجيلك كل اللي  قدرت أعمله اني مصحاش كل شوية

اتأكد ان الباب مقفول...

إن التليفون عالشاحن ...

ان المنبه مظبوط

مغسلش الحاجه عشر مرات

تعبت تعبت

❤️___بقلمى ليلةعادل ___❤️

شقه كامل ٧م

فى أحد المناطق الشعبية فى مدينة الإسكندرية الجميله، شقة بسيطة تتكون من ثلاث غرف وصالة يعيش كامل مع والدته بعد وفاة الأب منذ اكثر من ٧سنوات

الأم كريمة : حمد لله على سلامتك

كامل : الله يسلمك. يقترب من الكرسي  يأخذه بعض  المناديل يمسحه.  ثم يجلس  

تجلس الأم بالكنبه المجاورة له وتتحدث 

الام : الدكتور قالك ايه

كامل : زى كل مرة مجرد كلام ولا بيودى ولا بيجيب   انا مش هروح تاني 

الأم : ليه اليأس ده

كامل : مش يأس لكن أنا متصالح مع نفسي عارف إني هفضل كدا

يأخذ مناديل أخرى ويمسح قدم الأم   ثم يخرج من الدرج قماشة ويضعها على قدم الأم ويضع رأسه عليها تسكن فى عين الأم الدموع فهى لا تعرف ماذا تفعل مع   أبنها فهو ضائع منكسر فترفع عينيها لأعلى. لكي تدعو له

❤️___بقلمى ليلةعادل ___❤️

شقة عم جميل ١٠م

عم جميل رجل فى منتصف الستينات يعيش فى الطابق الأعلى لكامل فهو  جاره وصديقه الوحيد

نرى عم جميل يجلس فى الصالة ويشرب النعناع   وعندما تدق الساعة  العاشرة م  يذهب ويفتح الباب يجد امامه كامل 

جميل :  تعال

يدخل كامل وهو يمسك بايده فنجانه المفضل وبه قهوة  ثم يدخل ويجلس على احد الكراسي  دون مسحه

جميل : شكلك مش رايق

كامل : وانا امتى كنت رايق  سيبك منى أنا اتعودت  عامل ايه

جميل :  عامل زى البشر. بقول أني كويس وانا تعبان

كامل : طارق بردو

جميل :  يوم ماتولد افتكرت انه هيبقى سند ليا لما أكبر طلع هو كسرت ظهرى اللي الدنيا كانت مخبيها ليا

كامل :  بنبره  وحزن.. الدنيا كسرت كل الناس ، لكن كل واحد بشكل ، عاملين نلزق. ونخيط فى نفسنا ، لحد ما بقينا زى عرايس ماريونت ، عاملين نتراقص يمين وشمال ، متعلقين بحبال ديبه ، عاملين نعافر مع الدنيا اللى سرقت مننا كل شئ ، العمر ، الاهل ،الاصديقاء ، الحبايب ، حتى الاحلام ، ولسه عاملين نضحك على نفسنا ونقول بكره احلى  

جميل : ما هو احلى بلاش نبره اليأس دى يابنى الحياه متقلبه بستمرار شويه تضحكنا وشويه تبكينا وشويه تقسى وشويه تطبطب هى دى الدنيا وهتفضل كدا ليوم الدين خليك واثق بربك ، ربك كريم ورحيم بعباده

❤️___بقلمى ليلةعادل ___❤️

جامعه الاسكندريه  ١٠ص

مكتبة الكلية

نرى وردة وهى تجلس على أحد الترابيزات وتقرأ الكتاب الذى قام كامل باعطاءه لها  لكنها كانت تنظر بعينيها على باب المكتبة بعد قليل يدخل  كامل عندما تراه يقترب منها. تنظر بالكتاب كإنها لا تراه  يبتسم كامل لها عندما يقترب منها  يقوم بمسح الكرسي بالمنديل  ويبعده قليلا عنها ويتحدث

كامل : صباح الخير 

ورده : بابتسامه صباح النور

كامل : ينظر الى ما بين يديها ..عجبك

ورد : كتاب رائع بيناقش الحب والصراع النفسي  اللي بيعيش فيه كل طرف ، لكن   معجبنيش بنقطة

كامل : هى إيه

ورده : انه لا يؤمن بالتضحيه فهى فقط مجرد كذبه.. كذبه لكي  يفصح العاشق عما بداخل قلبه 

كامل : ايوة ما أنا مش بعمل حاجة كبيرة أنا بعمل الصح ، حبي  للشخص ده هو اللي بيقودني يا إما للهلاك يا إما للسعادة

وردة : وأنت شايف ايه

كامل : شايف ان الحب  هو الفرحة.. كل حياتنا متبلوره بالحب ... يعنى مثلا لو دكتور مش بتحبيه صعب تجيبى بالمادة درجة عاليه لأنك مش هتعرفي تحبي المادة بسبب اللاشعورى اللى مسيطر عليكى فتلاقى نفسك جبتى تقدير ضعيف او تشليها مع ان الامتحان كان سهل  ..

لو  مش لقيا أصحاب بجد بيحبوكي  هتعيشي منعزلة مع إنك ممكن تعيشي لوحدك لكن احتياجك لصديق يحبك ومش لقياه وجعك ..لو بتحبي شخص هو مش  بيبادلك نفس مشاعرك  هتحزني ..

الحب بيتحكم فينا فى رغباتنا واحتياجاتنا. مزاجنا مسيطر عليا بكل شئ

وردة : بنظره انبهار .. واو أنت طلعت فيلسوف يا كامل وانا معرفش

كامل : شكرا

وردة : ماتيجى نشرب حاجة بالكافتيريا

كامل : لا 

وردة : ليه بس

كامل : زحمه محبش الزحمة

  تضع وردة ايدها على كتفه .. يلا بس 

ينظر لها كامل باتساعه عينيه ويجري مسرعا إلى الحمام ويخلع قميصه ويقوم بغسله الكم. أكثر من مرة  ويغسل كتفه أكتر من مرة بشكل هستيري وجنوني. وهو منفعل ومشدود فهي قد لمسته لكن اثناء غسله يتذكر الذي حدث يبتسم للحظة ويغمض عينه. ثم يبكي  بحرقة

❤️___بقلمى ليلةعادل ___❤️

العيادة ٣م

يقف كامل وهو  شبه مبلل ويبدو على ملامحه الانهيار والقلق ثم يقترب من مكتب الممرضه

كامل : عايز أقابل الدكتور دلوقت

الممرضة : مش معادك يا كامل

كامل : اسمعي الكلام ادخلي قوليله أنا عايزه بموضوع مهم مهم 

الممرضة : حاضر

تدخل الممرضة للداخل. وتخرج  اتفضل

مكتب الدكتور

ينظر الدكتور باستغراب  فكامل كان على غير عادته يأتي بموعد غير موعده فهو شديد الالتزام بالمواعيد منذ  اربع سنوات وهو يحافظ على جدول المواعيد بدقيقه وثنيه

كامل : بخضه .. لمستني

وافى.. ايه شعورك

كامل.. فرحت أوي سبتها تحط ايدها عليا ومسكت ايدها أنا كمان جسمى مكنش خايف منها مكنتش شايفها جرثومه متحركة  قلبي دق شعور لذيذ أوي بس بعد شويه فتحت عنيا لقتني فى الحمام بغسل كتفي  طلعت امنيه زى أخواتها

وافى : لكن هى لمستك وانت هربت مظبوط

كامل : يجلس بيأس مظبوط

ينظر الدكتور له ثم يدون بالورقه شئ فاكامل جلس دون مسح الكرسى كا غير عادته

وافى : كامل انت بتتقدم أنا مش عايزك تخاف كدا وخوفك وانعزالك عن المجمتع هو سبب عدم تحسنك.  صدقنى انت افضل انت تقدر تتغير سيطر على خوفك

كامل : أنا سمعت كلامك من سنتين وسفرت وأنت فاهم ايه حصل يومها

وافى : دي مشكلة عادية وبتحصل  

كامل : أنا 

وافى : عايش تعيش طبيعي 

كامل : عايز المجتمع يتقبلني 

وافى : المجتمع. متقبلك

كامل : لا بيتريقه عليا  

وافى : تعال نرجع لوردة بتحس بايه لما تشفها

كامل :  بالأمان والحنان أني سعيد بحس اني عايش يا دكتور  وإني بنيآدم زي الناس عنده قلب بيحس وبيدق وممكن يحب

وافى : وهي 

كامل :معرفش

وافى : اسألها

كامل : تفتكر هترضى بيا

وافى  :لو بتحبك هترضى 

كامل : هي بتضحكلي

وافى : لما بتضحكلك بتحس بايه

كامل : بابتسامه امل  انى عايش

❤️___بقلمى ليلةعادل ___❤️

شقة كامل ٥م

غرفة كامل

نرى غرفة منظمة جداً ونظيفة جداً جداً 

ليس بها الكثير من الأثاث  بها سرير ودولاب وشماعة ومكتبه صغيره بيها بعض الكتب ومنبه وساعة حائط فقط

خالية من أي صور أو أي براويز  أي شئ يسودها  السكون ..

لم يفارق كامل  غرفته خلال  أسبوع بعد ما قامت وردة بلمسه

وخلال هذه الفتره نرى عادات كامل  وهو يتفحص كل شئ  المنبه الساعة السرير  اكثر من مره  وهو يأكل لوحده فى غرفته بطبقه ومعلقته الخاصة 

نراه وهو  يفكر  بوردة مرة بابتسامة ومرة  بدمعة

ثم نراه يقترب من مكتبته ويفتح أحد الكتب ويأخذ منه صور... كانت صورة وردة كانت تجلس فى حديقة الجامعة ينظر كامل للصورة بابتسامة ويلامسها بأطراف أصابعه ملامح وجهها ثم يغمض عينيه  

نراه. وهو يجلس بجانب وردة بأحد المقاعد بالجامعة وشعرها الناعم مثل الحرير يتطاير  على خدها الناعم ويقوم كامل بملامسة وجهها بابتسامة عشق ثم يطرق الباب يضع كامل صوره بسرعة فى الكتاب ويرجعه مكانه بالظبط ثم يظبط وضعه ينظر له ثم يظبط وضعه مرة أخرى. 

فلا نعرف ما راى كامل كانت ذكرايات عاشها مع وردة  أم أمنية 

كامل  : اتفضل

تدخل جميلة أخت كامل الكبرى

جميلة  : ممكن أدخل 

كامل. اتفضلي

تدخل جميلة الغرفة 

يقوم كامل بأخذ أحد الكراسي التى تفتح وتغلق (كرسى محمول)  امسكي اقعدى هنا

جميله : ماشي تجلس. ها بقالك أسبوع مش بتسيب أوضتك

كامل : مش عايز أقولك السبب متضغطيش عليا عشان محبش أكدب وخصوصا عليكي 

جميلة : على راحتك , أنت زعلان من إيناس. 

كامل : لا هي خايفة على ابنها رد فعل طبيعي للفعل اللي حصل

جميله : ايناس بتحبك وكلنا بنحبك

كامل : وانا بحبكم  لكن فاهم انكم زهقتوا مني حقكم أنا زهقت من نفسي 

جميلة : بس أنا شايفه إنك بتتحسن على فكرة فى مميزات كتيرة حلوة عندك. إنك بتاكل أكل صحي منتظم جداً بمواعيدك

كامل : وفي  حاجات كتير سلبيه  متعبه ومرهقه نفسيا عليا وعليكم  

جميلة :  ركز بالجانب الايجابي عشان متتعبش. شفت وردة 

كامل : آه اه  وو لل  ..ولمستني

جميلة  : وأنت عملت ايه 

كامل :جريت

جميله :عشان كدا مش بتروح الجامعة 

كامل :خايف أشوفها

جميله: قولها أصلي افتكرت ميعاد مهم

كامل :محبش أكدب  

جميلة : الدكتور قالك ايه

كامل :  قالي قول كل اللي بقلبك

جميله : قررت ايه

كامل : هقولها

   ❤️___بقلمى ليلةعادل ___♥️

جامعه اسكندريه ١٠ص

المكتبة

يدخل كامل المكتبة يجد وردة تجلس على إحدى الترابيزات لكن هذه المرة تنظر مباشرة  للباب   ينظر لها بترقب ، ثم  يقترب من إحدى الترابيزات القريبة منها ويمسحها   بالمنديل ويمسح الكرسي   ثم يخرج قماشة من  حقيبة ظهره ويضعها على الكرسي ويجلس ، لكن تقترب منه وردة وهي تبتسم وتجلس بكرسي مجاور له  ينظر لها كامل. باستغراب وتوتر وقلق فقد تسارعت دقات قلبه وكان العرق يملئ وجهه و يبدأ التوتر يبان على  ملامح وجهه وأصابع يده التى بدأت ان تتحرك بسرعة ثم  تبدأ  وردة بالتحدث

وردة : عارف  أنا عندي فوبيا الأماكن العالية بترعبني وبيجيلي ضيق تنفس ، ولا خوفي من القطط والكلاب ، ههههه وهى تضحك .. مرة وأنا طالعة على السلم ، لقيت قطة  ، رأعت بالصوت والجيران افتكرو ان حد مات هههههه ،. ده كله كوم ويوم الامتحان كوم   مرة وأنا  بااللجنه القطة دخلت  سبت الامتحان وطلعت على بينج وفضلت أصوت. والمراقب يزعق وأنا أصوت واللجنة كلها تضحك. هههههه مش عارفة أعمل ايه أنا بشوف القطط كأنهم ديناصورات ههههه لا ده أنا  ليا قصص تموت من الضحك

كامل  : يبتسم لها....أنا... أنا   أنا كامل

وردة : بابتسامه جميله .. وأنا وردة ..  مشيت المرة اللي فاتت ليه ؟ وليه بقالك أسبوع ما بتجيش؟

كامل : برتباك وتقطيع  بالكلام ونبرة خوف ... يعنى أصل يقترب منها  ، أنا .......

الى اللقاء في الفصل القادم من قصة انين القلب...

               الفصل الثاني من هنا 

  لقراءة جميع فصول الرواية من هنا

تعديل المقال