الفصل الثالث الثلاثون 33 والاخير
الجزء الثاني
بقلم يارا عبدالعزيز
تميم و خيري بصوله بصدمه و كان حد جاب جردل مياه متلجه و دلقه عليهم
و خصوصاً تميم اللي مكنش مستوعب أو مصدق اللي قاله
فضل واقف لحد اما خيري اداله الاشاره انه يهجم
اتكلم بحده و هو لسه في صدمته
= اثبت انت و هو خدهم يعسكري هنرجعهم مكانهم
جابر بغضب
= و انت كدا مفكر انك ضحكت عليا
انت حفرت قبر.ك بايديك يخيري انت و ابن النصراوي خافوا عليها عشان هتسمعوا خبرها قريب
تميم بصله بحده و كان لسه هيروح عنده بس وقفه خيري لما مسك ايديه و هز راسه بهدوء
رجعوه السجن و رجع خيري مع تميم في عربيه تميم
اتكلم تميم بعدم استيعاب
= اكيد كداب هو عمل كدا عشان يخرج مستحيل يفندم اللي بيقوله دا
خيري ببأبتسامه
= مش مستحيل يا تميم
احساسي انا و امها بيها مش مستحيل الشبه اللي ما بينهم كل انجذبنا ليها كل دا بيقول انها بنتي فعلا
جابر اكد اللي جيه في دماغي مش اكتر
المهم دلوقتي رحيل لازم تعرف جيه الوقت اللي تكون معانا فيه مع اهلها الحقيقين كفايه عشرين سنه بعيد عن حضننا فيهم اطلع دلوقتي على الڤيلا بتاعتي هنجيب ساره و باسم و هنروح القصر عندكم
بقلمي يارا عبدالعزيز
تميم بهدوء
= بس يفندم......
خيري بمقاطعة و حده
= نفذ يا حضره الظابط
هز تميم راسه بخوف و مفيش في دماغه غير رحيل و ايه هيكون رد فعلها لما تعرف و خصوصاً انها لسه تعبانه
في قصر النصراوي
رحيل كانت قاعدة تحت مع روان و حياة و حاطه يوسف على ايديها
دخل ريان و اتكلم بحنان
= عامله ايه دلوقتي يا رحيل
رحيل ببأبتسامه
= كويسه يعمي
ريان راح قعد جانبها و خد منها يوسف و بصله بحب
دخل تميم و معاه خيري و ساره
ساره بمجرد ما دخلت جريت على رحيل و حضنتها بقوه و فضلت تعيط
اتكلمت بشهقات
= و الله العظيم كنت حاسه
بصولها الجميع باستغراب و خصوصاً روان
بص ريان لتميم و تميم بصله بقله حيله
اتكلم تميم بهدوء و هو بيقف قدام روان
= خيري باشا و مدام ساره هم أهل رحيل الحقيقين
بصتله روان بصدمه و دموع و كانت هتقع لولا ايد حياة اللي مسكتها بسرعه
رحيل بصتله باستغراب و اتكلمت بعد استيعاب و هي بتطلع من حضن ساره
= مش فاهمة!
انت قولت ايه من شويه!
انا سمعتك غلط صح
ساره بدموع
= لا يحبيبتي انتي سمعتي صح
انتي بنتي انا
انا اللي حملت فيكي تسع شهور و جبتك الدنيا دي
انا اللي حرموني منك عشرين سنه
انا و بس اللي امك
رحيل بعدت عنها و وقفت قدام روان و اتكلمت بدموع
= ماما هي بتقول ايه!
انا مش فاهمه حاجه
كملت و هي بتبص لساره
= حضرتك اكيد فاهمه غلط انا مش بنتك انا بس شبهها زي ما انتي قولتي بس انا اسمي رحيل نوح الجابري و ماما تبقى روان انا مش بنتك
ساره بغضب و بكاء
= و الله العظيم بنتي انا
كملت و هي بتبص لروان و بتتكلم بغضب مفرط
= قوليلها
قوليلها انها بنتي انا انتي مخلفتيهاش هي بنتي انا
ابو.س ايديكي قوليلها انها بنتي و انك مش امها الحقيقة كفايه عشرين سنه موجوع قلبي عليها قوليلها انها بنتي انا ارجوكي قوليلها هي هتصدقك
روان بدموع
= رحيل انتي بنتها بجد
هي اللي حملت فيكي و خلفتك انا مبخلفش
انتي كنتي النجده اللي جاتلي من عند ربنا عشان تعوضيني عن كلمه ماما اللي انحرمت منها
انا ااه مش امك اللي خلفتك بس يعلم ربنا اني اعتبرتك كأنك بنتي و اكتر انتي بنتي يا رحيل
رحيل ببكاء و هي بتهز راسها بالنفي
= لا مستحيل
طب ليه مقولتليش
ليه معرفتنيش حاجه زي كدا انا كان من حقي اعرف
اتحطيت في موقف مكنتش عمري اتخيل اني ابقى فيه
تميم راح عندها و مسك ايديها و اتكلم بحنان
= حاولي تهدي
احنا بس بنعرفك الحقيقة عشان هم من حقهم يعرفوا الدنيا كلها ان بنتهم لسه عايشه
بدل ما كان عندك ام واحده بقوا اتنين و بدل اب بقوا اتنين
بقلمي يارا عبدالعزيز
رحيل بدموع
= مش بالسهولة دي يا تميم
انا معرفش اي حد غير ماما روان و بابا نوح
اللوا خيري بالنسبالي هو مدير جوزي في الشغل و هي تبقى مراته مش بالسهوله دي هعرف اشوف حد تاني ماما غير ماما روان انت متعرفش معزه ماما روان عندي اد ايه متجيش دلوقتي تقولي دي مش امك و المفروض تقولي لواحدة تانيه ماما غيرها انا لسه مش مستوعبه اللي انتوا بتقولوه
كملت و هي بتبص لساره و بتمسك ايديها
= مش عارفه مع الوقت انا ممكن اقبل اللي انتي بتقوليه دا و لا لأ
بس انا مش هكون انانيه انا عارفه انتي بتحبي بنتك اد ايه و مقدره زعلك عشانها
ساره بدموع و هي بتحضن خدها بايديها
= بس انتي بنتي
بنتي عايشه و طلعت انتي
و انا مستحيل اتنازل عن حقي فيكي لو كنتي معايا انا واثقه اني كنت هديكي حب اضعاف اللي هي ادتهولك كنت هخليكي تتعلقي بيا اكتر منها بس اللي حصل فينا خلاكي تبعدي عني و خلاني دلوقتي واقفه بترجاكي تقبلني ام ليكي مع اني امك فعلا
رحيل بصتلها بحزن و دموع ، حسيت ان كل حاجه بتحصل كبيره عليها و فوق طاقتها
بصيت لروان بدموع و شافت الكسره جوا عينيها
مقدرتش تستحمل اللي هي فيه و طلعت بسرعه و هي بتعيط
ساره بصتلها بدموع و كانت لسه هتطلع وراها بس خيري واقفها و اتكلم بهدوء
= سبيها هي اكيد عايزه تبقى لوحدها دلوقتي
يمكن تعرف تفكر و تقرر
ساره ببكاء
= بس انا مش هسيبها
مش هسيبها يخيري انا ما صدقت طلعت عايشه
كملت و هي بتبص لروان و بتتكلم بغضب
= انتوا السبب
ليه مسالتيش على اهلها
و لا انتي ما صدقتي عشان مبتخلفيش
ذنبي انا ايه تبعدي بنتي عني كنتي رجعتهالي و روحتي اتبنتي اي واحدة معندهاش أهل
انا مستحيل اسامحك مستحيل اسامحكوا
انا عايزه بنتي يخيري مش بعد ما لاقتها تبعد عني مش هتحرك من هنا الا لما تيجي في حضني و اسمع منها كلمه ماما
خيري حضنها بحنان و اتكلم بدموع
= هيحصل يحبيبتى
بس هي دلوقتي عشان مصدومه من اللي حصل بعدين هترجعلنا
تميم بصلهم بحزن و طلع بسرعه ورا رحيل
روان كانت واقفه و الدموع متجمعه في عينيها و جسمها كله بيتنفض ، فاقت على ايد حياة اللي مسكت ايديها بقوه
اتكلمت حياة بحنان
= تعالي معايا
طلعت معاها روان و دخلوا الجناح بتاعها هي و ريان
بمجرد ما دخلوا حياة خدتها في حضنها و كانت اشاره لروان انها تطلع كل اللي جواها
اتكلمت بشهقات
= مكنتش اعرف اهلها فين و الله كنت مفكره انهم قصدين يحطوها في الشارع معرفش انهم بيدورا عليها
رحيل خلاص هتضيع مني يحياة بنتي خلاص بقى ليها ام تانيه غيري لسه لحد دلوقتي بتعاقب على اللي عملته فيكي يحياة العقاب قاسي اوي مع اني ندمت على كل اللي عاملته ياريتني كنت موت قبل ما يحصل كل دا
قبل ما اشوف واحدة تانيه جايه تاخد بنتي مني
نزلت الدموع من عين حياة و اتكلمت بصوت متحشرج
= رحيل مقدرتش تدي مكانك لحد حتى بعد ما عرفت الحقيقة دا معناه انها بتعتبرك امها و بعدين الام مش اللي حملت و خلفت بس الام اللي ربيت كمان و رحيل محظوظه عشان عندها اموين و الاتنين بيحبوها متعيطيش يا روان رحيل عمرها ما هتضيع منك هي بتحبك زي ما انتي بتحبيها
روان طلعت من حضنها و مسحت دموعها
اتكلمت بدموع
= و انتي يحياة!
مش كفايه كدا يصاحبتي
حياة ببأبتسامه
= امممم
صاحبتك مسامحكي من كل قلبها فريده حكتلي على كل اللي عاملتيه معاها
كفايه كل اللي حصل معاكي و انا المفروض اكون الدعم ليكي بدل ما زودها عليكي
تعرفي يا روان احلى حاجه حصلت في جواز تميم برحيل اننا رجعنا تاني اصحاب
ابتسمت روان بفرحه كبيره و خدتها في حضنها بكل قوتها
في غرفه تميم و رحيل
اتكلمت رحيل بشهقات و هي بتبص لتميم
= انا غلط صح
تميم بحنان
= انتي قولتي اللي حاسه
و انا و كل الموجودين مقدرينه بطلي عياط انتي مش مجبوره على اي حاجه اتعاملي مع الكل باللي انتي حاسه و بس
بس تعرفي اننا نقدر نغير احساسنا
بصتله رحيل باستغراب
اتكلم تميم بهدوء و هو بيمسك ايديها
= احنا بيتولد جوانا مشاعر ناحيه اللي حوالينا من تعاملهم معانا يعني بالاهتمام و الحنيه بتتولد جوانا مشاعر حلوه ناحيتهم بس احنا نديهم الفرصه انهم يتعاملوا معانا اصلا منطردهمش من حياتنا خيري باشا و مراته حنيانين اوي و بيحبوا بنتهم اوي بطريقه انتي عمرك ما هتتخيلها
عارفه انا لو منك اعمل ايه
قولي ايه
رحيل برقه
= ايه!
تميم بحنان و هو بيحضن خدها بايديه
= اديهم فرصه و بدل ما باخد حنان من واحد اخده من تلاته
رحيل بدموع
= انت تقدر تدي مكان طنط حياة لحد تاني
تميم بهدوء
= لا طبعاً و انا مطلبتش منك تديها مكان طنط روان انا بس بقولك اديها فرصه على الاقل عشانهم هم دا حقهم يا رحيل
رجعيلهم روحهم برجوعك لحضنهم من تاني
هزيت رحيل راسها بتفكير ، فاقت على صوت خبط على الباب ، فتح تميم و لاقى ساره و روان و خيري
رحيل بصيت لساره بحزن و خصوصاً بعد ما شافت الدموع في عينيها
بصيت لروان و روان بصتلها و هزيت راسها ببأبتسامه
جريت رحيل على ساره و حضنتها بقوه
= انا اسفه مش قصدي ازعلك بس انا و الله ما كنت مستوعبه انا عارفه انتي اد ايه زعلانه عشاني و انك من زمان موجوعه عليا
بقلمي يارا عبدالعزيز
ساره ببكاء
= هتقوليلي يا ماما صح
رحيل بصيت لروان و روان اتكلمت بحنان
= دي امك يا رحيل و مش ذنبها انك ضعيتي منها يبنتي
رحيل بدموع و هي بتحضن ساره بقوه
= اكيد يا ماما
ساره ابتسمت بفرحه كبيره و فضلت ماسكه فيها بقوه كبيره و هي بتشبع من وجودها
اتكلم خيري ببأبتسامه
= طب ما على فكره انا ابوكي انا كمان
بعدت ساره عن رحيل بصعوبه و خيري قرب من رحيل و حضنها و اتكلم بحنان
= وحشتني اوي يبنتي
دخل باسم بسرعه و هو بينهج و اتكلم بدموع
= طب و اخوها ملوش من الحب جانب
ضمهم خيري لحضنه هم الاتنين و باسم غمز لرحيل ببأبتسامه و رحيل ابتسمتله تحت نظرات الغيره الشديده من تميم
رحيل قربت من روان و اتكلمت بدموع و هي بتحضنها
= انتي اعظم ام في الدنيا كلها
روان بحنان
= و انتي هتفضلي بنتي و اغلى ما عندي
في منزل زين
كان قاعد في غرفه مكتبه
دخلت حور و اتكلمت بدموع
= زين هو انا وحشه!
زين بصلها بانتباه و اتكلم باستغراب
= ليه بتقولي كدا!
حور ببكاء
= عشان انا خاينه يا زين
اتنفس بغضب و اتكلم بحده
= يوااه يا حور كل يوم نفس الكلام قولتلك انسي كل اللي حصل كأنه محصلش
حور بشهقات
= بس انا خاينه عشان انا بحبك بحبك من لحظه ما شوفتك لما جيت و اتقدمت لشهد بس دوست على قلبي عشانكم عشان انتوا بتحبوا بعض
و انا دلوقتي استغليت مو.تها عشان اخليك معايا يبقى انا خا.ينه يا زين
انا اللي خليتك تضعف قدامي انا اللي خليتك تخو.ن شهد انا خو.نت اختي
قام وقف و راح عندها و حضنها بعمق
= بس انتي معملتيش حاجه انتي كنتي ديما بتحطي حدود ما بينا مع ان حقنا نكون قريبين من بعض انا حبيتك لوحدي من غير اي مجهود منك
حبيتك بدرجة اكبر بكتير من حبي ليها يمكن مشاعري ناحيتها كانت مجرد انبهار عشان كنت شايفها شبهي في تفكيري و كل حاجه مدتيش نفسي فرصه اشوفك و لا اشوف حبي ليكي خلينا نبدأ حياتنا من جديد و خلاص شهد مبقتش موجودة و احنا مخونها.ش خلينا نمشي ورا قلوبنا و حبنا لبعض
مسح دموعها و قبـ.ل اسفل عينيها برقه ، حاولت تبعده عنها
اتكلم بحنان و هو بيمسك ايديها
= كفايه بقى يا حور كفايه نوجع في بعض و في نفسنا اكتر من كدا احنا متجوزين و بنحب بعض و مفيش اي حاجه تمنعنا نبعد عن بعض
هزيت راسها ببأبتسامه و حضنته بكل قوتها و د فنت وشها في عنقه و هي بتستنشق ريحته
اتكلمت برقه
= بحبك اوي يا زين
زين بعشق
= و انا بعشقك يا قلب زين
في سوهاج
دخل اسر المطبخ و اتكلم بهدوء
= ناديه اعملي كوبايه لبن و خرجيها لفريده هانم برا
ناديه باحترام
= تحت امرك يا اسر بيه
شوق كانت بتبصلهم و اول اما لاقيت اسر خارج استخبيت
دخلت بسرعه بعد ما خرج و اتكلمت بحده
= ناديه خالتي بتناديلك برا
ناديه خرجت بسرعه و شوق بصيت لكوبايه اللبن و حطيت فيها حبيتين اجهاض و قلبتهم
دخلت ناديه و اتكلمت باستغراب
= طلعت مش عايزيني يست شوق
شوق بتوتر
= مش عارفه سمعتها بتنادي عليكي
هزيت ناديه راسها بهدوء و خديت كوبايه اللبن ، حطيتها قدام فريده
اتكلمت فريده بحزن و هي بتبص لاسر
= بقر.ف منه يا اسر
اسر بحنان
= معلش يحبيبى مفيد عشانك يلا
بصتله بقله حيله و كانت لسه هتاخدها و تشربها بس اشجان جت بسرعه و خدتها منها و وقعتها على الارض
بصتلها فريده و اسر باستغراب و شوق بصتلها بخوف
اتكلمت اشجان بخوف
= اللبن دا منتهي الصلاحيه
ناديه فكرته صابح لسه
قالت كلامها و بصيت لشوق و اتكلمت بحده
= تعالي معايا يا شوق عايزكي
فريده بصيت لطفيهم باستغراب
اتكلم اسر بحنان و خوف
= كويس انك مشربتيهوش
هزيت فريده راسها بهدوء و حضنته بقوه و اتكلمت برقه
= هتخرج
اسر بحنان
= نص ساعه بالظبط يروحي و مش هتأخر عليكي
قال كلامه و قبل خدها برقه و مشي
طلعت اشجان و معاها شوق اوضه شوق
شوق كانت لسه هتتكلم بس قاطعتها اشجان لما ضر.بتها قلم قوي على وشها
أتكلمت شوق بخوف و دموع
= بتضـ.ربني يخالتي!
اشجان بغضب و هي بتطلع شريط الإجها.ض
= دا وقع منك و انتي خارجه من المطبخ يبنت اختي
عايزه تمو.تي حفيدي وصلتك بيكي لدرجه دي!
انتي عارفه لو كنت قولت لاسر دلوقتي اللي انتي عاملتيه كان عمل فيكي ايه كان د.بحك
شوق بدموع
= انا بحب اسر و هو حقي انا و انتي عارفه
أشجان بغضب
= و انا قولتلك هطلع البنت دي من حياته بس لما تخلف و ايا كان نوياكي دا ميديكيش اي حق في انك تمـ.وتي حفيدي
انتي دلوقتي هتلمي هدومك و هتطلعي برا القصر دا انا مش هامن على حفيدي طول ما انتي موجوده
شوق كانت لسه هتتكلم بس قاطعتها اشجان و هي بتتكلم بحده
= قسما بالله يا شوق لو ممشتيش لهكون قايله لاسر على اللي كنتي هتعمليه و هخليه هو اللي يتصرف معاكي بنفسه
و احمدي ربنا انك بنت اختي لو مش كدا كان زماني مو.تك بايدي كله الا ابني و حفيدي
شوق ببكاء
= سامحني يا خالتي انا هعمل كل اللي تقوليلي عليه بس متزعليش مني
حقك عليا
بقلمي يارا عبدالعزيز
طلعت اشجان شطنتها و لميت كل هدومها و خرجتها برا القصر تحت نظرات الاستغراب الشديد من فريده
بمجرد ما شوق خرجت اشجان حسيت بدوخه قويه و كانت هتقع بس فريده مسكتها بسرعه و اتكلمت بخوف
= حضرتك كويسه
اشجان بارهاق
= مش قادره حاسه ان الدنيا كلها بتلف بيا
فريده بخوف
= طب تعالي ارتاحي
قعدتها فريده و جابت جهاز الضغط و بدأت تقيس ضغطها
أتكلمت بخوف.
= الضغط واطي
قامت بسرعه و وقفت على الباب و نادت على واحد من الغفر
اتكلمت بخوف و هي بتديله ورقه
= هات الحاجات دي من اي صيدليه قريبه و تعال بسرعه
قالت كلامها و دخلت بسرعه لاقيت اشجان قاعدة و مغمضه عينيها بارهاق
اتكلمت فريده بخوف
= تعالي يطنط استريحي فوق في اوضتك
انا هرن على اسر دلوقتي
اشجان بارهاق
= بلاش اسر كفايه عليه اللي هو فيه
انا شويه و هبقى كويسه
اسندني بس اطلع الاوضه
فريده بدموع
= حاضر
طلعت الاوضه و الغفير جيه بدات فريده تعلق المحلول و فضلت قاعدة جنب اشجان
دخل اسر و اتكلم بخوف
= مالها ماما يفريده
فريده بهمس
= ششش متخافش انا علقتلها المحلول و لما يخلص هقسلها الضغط تاني هو وطي شويه و داخت بس متقلقش
اسر بدموع و همس
= انا هروح اجيب الدكتور يشوفها
كان لسه هيخرج بس وقفته اشجان و هي بتتكلم بارهاق
= اسر
جري عليها و قعد جانبها اتكلم بدموع
= مالك يا ماما
اشجان بحنان
= متخافش يحبيبي انا كويسه مش محتاجه دكتور مراتك عملت الواجب و زياده
اسر بص لفريده و ابتسم بعشق
اتكلمت اشجان بحنان و هي بتبص لفريده
= تعالي هنا
فريده راحت عندها اتكلمت اشجان بحنان
= متخليهوش يسبني انا مبقاش ليا حد غيره هو ابني الوحيد قوليله يعقد معايا هنا هو بيسمع كلامك و انا و الله العظيم ما هعملك حاجه بالعكس هاخد بالي منك و من ابنك بس متخليهوش يمشي و يسابني
فريده بدموع
= انا هفضل في المكان اللي جوزي فيه و معنديش اي مانع افضل هنا باقي عمري
بصيت اشجان لاسر بترجي
مسك اسر ايد اشجان و اتكلم ببكاء
= و انا مستحيل اسيبك يا ماما حاولي ترتاحي متتعبيش نفسك
فريده حسيت بالم في بطنها حاولت تتغلب عليها بس مقدرتش ، مسكت في ايد اسر و ضغطت عليها بقوه
اتكلمت بالم شديد
= الحقني يا اسر
اسر بصلها بخوف
اتكلمت بدموع و الم مفرط
= مش قادره يا اسر الحقني حاسه اني بولد
اتكلم بخوف شديد
= ايه!
لسه اسبوعين
اتكلمت بالم شديد
= مش قادره
ااااه
اشجان شالت المحلول من ايديها و اتكلمت بخوف
= تعال نوديها المستشفى بسرعه
اسر بصلها بخوف شديد و شالها بسرعه و طلعوا على المستشفى
حاطوها على الترولي كانت ماسكه في ايد اسر و بتتكلم بالم و دموع
= ماما عايزه ماما رن عليها خليها تيجي بسرعه
هز راسه بخوف و اتكلم بحنان
= حاضر يحبيبتى
دخلوها غرفه الولاده و اسر رن على حياة و فضل منتظرها تخرج و هو مرعوب عشانها و اشجان كانت بتحاول تهديه
في قصر النصراوي
اتكلمت حياة بخوف شديد و هي بتركب عربيه ريان
= بسرعه يا ريان
ريان بخوف
= حاضر
متخافيش هتبقى كويسه
تميم ركب ورا و اتكلم بخوف
= يلا يا بابا
في المستشفى
خرجت فريده من غرفه الولاده و نقلوها غرفه عاديه
اتكلمت بارهاق
= اسر
اسر جري عليها بسرعه و قعد جانبها و خدها في حضنه
= ايوا يروحي
فريده بارهاق
= بنتي فين
عايزه اشوفها
اسر بحنان
= الممرضه هتجبها و تيجي دلوقتي يحبيبتى
دخلت الممرضة و معاها البنت ، فريده خدتها منها و ضمتها ليه بقوه
أتكلمت فريده بدموع الفرحه
= عسوله اوي
اسر بعشق و هو بياخدهم هم الاتنين في حضنه
= شبهك
دخلت حياة و معاها ريان و تميم بسرعه
أتكلمت حياة بخوف شديد و بكاء و هي بتحضن فريده
= حقك عليا يحبيبتى
حقك عليا اني مكنتش جانبك في وقت زي دا
عامله ايه يروحي
حاسه بي ايه يحبيبتي فيه حاجه وجعاكي هااا
الدكاتره قالوا ايه بعد ما خرجتي ولدتي قبل معيادك ليه يحبيبتى
انتي كويسه صح
فريده برقه
= و الله كويسه متخافيش يا ماما
بصيت للصغيره و اتكلمت بدموع
= بنتي يا ماما
انا بقيت ام للقمر دي
ريان و تميم و حياة بصولها بفرحه
اتكلم ريان ببأبتسامه
= مُبارك يحبيبتى
تتربى في عزك انتي و ابوها
اشجان ببأبتسامه و دموع الفرحه
= زي القمر طالعه لامها
بقلمي يارا عبدالعزيز
بصولها باستغراب
اتكلمت اشجان بهدوء
= انا عارفه انكم متعرفوش عني غير الوحش بس انا ام و كنت شايفه ابني بيبعد عني و كان بالنسبالي بنتكم هي السبب بس انا عمري ما إذ.تيها و لا هفكر اني إذ.يها دي مرات ابني و هعتبرها زي بنتي
حياة بصيت لريان و ريان هز راسه بهدوء
اتكلمت حياة بهدوء
= هترجعي القاهره امتى يحبيبتى
اشجان بهدوء
= اسبوع بس كدا تشد حيلها و بعدين هنرجع كلنا هناك على بيت ابني
كملت و هي بتبص لاسر
= انا ميرضنيش تعقد هنا و تبعد عن حياتها و اهلها
هاجي معاكوا و كلنا نبقى مع بعض
فريده بصتلها بدموع الفرحه و حضنتها بكل قوتها و اتكلمت برقه
= شكراً
تميم ببأبتسامه
= هتسموها ايه بقى
فريده ببأبتسامه
= انا و اسر اتفقنا على تاليا
اسر بحنان
= اسر برضوا و لا انتي اللي قررتي لوحدك
اشجان ببأبتسامه
= حقها هي اللي تعبت و حملت و خلفت
اسر ببأبتسامه
= هتتفقوا عليا من دلوقتي تمام
بعد مرور سنه
في غرفه فارس و مليكه
فارس بصوت عالي نسبيا
= مليكه حبيبتي يلا عشان منتاخرش على الكليه
خرجت مليكه و هي ماسكه بطنها و حاطه ايديها على فمها بارهاق
اتكلم فارس بخوف
= مالك يحبيبتى
مليكه بارهاق
= دايخه بس شويه و حاسه ان معدتي قالبه
فارس بخوف
= طب تعالي هخلي ماما تشوفك
هزيت راسها بالنفي
= مفيش داعي هتلاقيهم شويه برد لو التعب زاد نبقى نشوف
فارس بخوف شديد
= لا انا مش هستنى عليكي كدا انا هخرج بسرعه انادي ماما
هزيت راسها بقله حيله ، خرج بسرعه و هي قعدت على السرير بارهاق
دخلت حياة و معاها فارس و اتكلمت بخوف
= مالك يحبيبتى
مليكه بارهاق
= دايخه اوي يعمتي و حاسه ان معدتي قالبه خالص
حياة بصتلها و ابتسمت اتكلمت بحنان
= طب ارتاحي يحبيبتى هكشف عليكي
فرديت جسمها على السرير و حياه بدأت تفحصها
فارس بخوف
= ايه يا ماما
حياة بفرحه
= انتي حامل يا مليكه
مليكه برقت عينيها بفرحه و فارس حضنها بكل قوته
اتكلمت بدموع الفرحه
= انا حامل بجد
فارس انا حامل فيه في بطني بيبي و انا هبقى ام
فارس بفرحه
= الحمد لله يحبيبتى
قولتلك ربنا هيكرمنا
حياة بصتلهم بفرحه و اتكلمت بحنان
= تابعي مع دكتوره نسا بقى عشان نطمن عليكي و على البيبي
هزيت مليكه راسها بفرحه كبيره و حياة سابتهم و خرجت
افتكرت فرحتها لما عرفت انها حامل في تميم بعد ما كانت فقدت الامل في انها ممكن تبقى ام
نزلت دموعها بتلقائية و ابتسمت بفرحه كبيره
في منزل زين
حور كانت بتنيم ياسين
دخل زين و هو بيتسحب و اتكلم بهمس
= نام
حور بهمس
= اااه
مسك ايديها و اتكلم بحنان
= تعالي كدا
مشيت معاه باستغراب ، فتح شنطه كانت على الكومود و طلع منها لبس بيبي صغير
اتكلمت حور باستغراب
= دا هيبقى صغير على ياسين!
زين بحنان
= بس دا مش لياسين دا لي اللي في بطنك كلها اربع شهور و هيشرف
ابتسمت حور و حضنته بقوه و اتكلمت برقه
= بحبك
د.فن وشه في عنقها و غمض عينيه
= و انا بعشقك
في منزل عدي و تيا
تيا كانت بتجري ورا ادم و بتتكلم بعصبيه
= يحبيبى اقف عايزه البسك
دخل عدي و ابتسم بحب
= كل يوم على الحال دا!
تيا بضيق
= ما هو ابنك اللي مش بيسمع الكلام طالعالك
عدي بحنان
= ابني يعمل اللي هو عايزاه هاتي انا هلبسه
تيا بتحدي
= هتعرف
خد منها الهدوم بتحدي و مسك ادم بحنان و بدأ يلبسه تحت نظرات الاستغراب من تيا
اتكلمت تيا باستغراب
= اومال معلبني ليه يا استاذ ادم!
عدي بحنان
= بيدلع عليكي يحبيبتي عشان عارف انك ام عسل
تيا راحت عندهم و حضنت عدي بحب
= ربنا يديمك لينا
عدي بهمس
= و يديمك لينا يعمري
في كليه الطب
كانت رحيل خارجه بعد ما خلصت محاضراتها
اتفاجات بتميم واقف قدام عربيته
اتكلمت باستغراب
= مش قولتلي عندك شغل كتير و مش هتعرف تيجي تاخدني
اتكلم بحب
= امممم خلصته كله بسرعه و جيت عشان اخدك وحشتني اوي اوي
ابتسمت بحب و ركبت العربيه
اتكلمت باستغراب
= تميم دا مش طريق البيت!
تميم بحنان
= ما احنا هنروح الڤيلا
اتكلمت باستغراب
= ليه!
تميم بهدوء
= قاعد اقول وحشتني وحشتني
ايه!
ابتسمت بخجل
= ايه!
مسك ايديها و قبـ.لها بعشق
وصل الڤيلا رحيل بصتلها بدموع الفرحه لما لاقتها متزينه
اتكلمت برقه
= فكرتني باول يوم قولتلي فيه بحبك
اتكلم بعشق
= مقولتش بحبك قولت بعشقك
اتكلمت ببأبتسامه
= هتفرق
اتكلم بعشق و هو بيمسك ايديها
= طبعا العشق اكبر بكتير من الحب و لو فيه كلمه اكبر من العشق كنت قولتلهالك لاني عدتيه هو كمان
حضنته بعمق و اتكلمت بدموع الفرحه
= بحبك اوي يا تميم
في قصر النصراوي
حياة كانت قاعدة في البلكونه و بتبتسم
دخل ريان و بصلها باستغراب و قعد جانبها
= اممم و ايه سبب السعاده دي بقى
فرحني معاكي
حياة ببأبتسامه
= مليكه حامل
ريان ببابتسامه
= عرفت
حياة بفرحه
= افتكرت حملي بتميم اول ما عرفت و افتكرت ولاده فارس و فريده مبسوطة عشان كلهم دلوقتي فرحانين و كلهم مع الحب اللي يستاهلوه امنيتي اتحققت يا رب يفضلوا ديما كدا مبسوطين عارف انا اكتشفت ان سعادتي بتيجي بسعادتهم
ضمها لصدره بحنان
= عشان دعواتك ديما ملازمهم و اخيرا و بعد كل اللي شوفناه كلهم مرتاحين احنا ربنا عوضنا بيهم
حياة بحب
= انا ربنا عوضني بيك انت يا ريان
كل السعاده و كل حاجه حلوه بتحصل بتكون بفضلك انت بعد ربنا ربنا يباركلنا في عمرك يحبيبى و تفضل ديما معانا
ريان بعشق
= بعشقك يحياة
تمت بحمد الله