الفصل السادس والعشرون 26
الجزء الثاني
بقلم يارا عبدالعزيز
الجمله وقعت عليها كالصاعقة
هي اه كانت بتتمناها بس مكنتش تعرف انها هتبقى بتوجع اوي كدا
دموعها نزلت بتلقائية و ملاحظتش اللحاف اللي انشد من عليها ليظهر نصفها العلوي
غض بصره عنها و هو حاسس بسكـا.كين بتقطع في قلبه
اتكلم بالم و هو حاسس بكتله في قلبه
لانها دلوقتي متحقلوش و انها خلاص مبقتش على زمته
اتكلم بهدوء
= انا هخرج البسي و تعالي برا عشان عايزاك
قال كلامه و خرج بسرعه من الاوضه تحت نظرات الالم الشديد منها
بصيت لطيفه و حطيت ايديها على فمها و هي بتحاول تمنع صوت شهقاتها
مقدرتش و بدأت تنهار من العياط
كان واقف ورا الباب و سامع صوت شهقاتها
غمض عينيه بالم و هو بيمنع نفسه بالعافيه من انه يدخل و ياخدها في حضنه
مشي بسرعه من قدام الباب و خرج الصاله
رحيل كانت بتلبس هدومها و هي أشبه بالضايعه
نفسها يطلع كابوس و تقوم منه تلاقيه جانبها
اتكلمت بشهقات و هي بتبص لنفسها في المرايا
= مش دا اللي انتي كنتي عايزاه هاااا
مش انتي كنتي عايزاه يطلقك بتعيطي ليه دلوقتي نسيتي خاينته ليكي و كل حاجه عملها بالسرعه دي
فوقي بقى فوقي و بطلي تمشي ورا قلبك لانه بيتوجع في الاخر
دخلت الحمام و غسلت وشها و كملت لبس و خرجت
وقفت على باب الصاله و اتنفست بعمق و هي بتمسح دموعها
لاقته قاعد و دا.فن وشه بين ايديه
اتكلمت بهدوء منافي تماما للالم اللي جواها
= عايز ايه
بقلمي يارا عبدالعزيز
بصلها بسرعه ليبستم بالم شديد و هو لاقيها في كامل سترها قدامه بدايه من الطرحه لي لبسها الواسع
اتكلم بهدوء
= هتيجي تعيش عندنا في القصر
متخافيش انا همشي منه لحد اما تولدي بس عشان اكون مطمنه و بعدين نبقى نشوف حل
اتكلمت بصوت متحشرج ملئ بالالم
= هتروح تعيش عندها صح!
اتنفس بغضب و مردش عليها
هزيت راسها بالم و اتكلمت بدموع
= ربنا يهنيكم
انا اسفه لكل حاجه عملتها انا عارفه اني ظهرت مره واحده في حياتك و بوظت كل مخطاطتك
هدخل اجهز شنطتي و جايه عن اذنك
قالت كلامها و دخلت الاوضه و هي بتتهرب منه
حطيت ايد على جانبها و الاخري على بطنها بالم
اتكلمت بدموع
= هو عمره ما حابني و لا هيحبني في يوم انا اللي نسيت هو اتجوزني عشان ايه
بدأت تحضر شنطتها و خرجت و هي بتجرها وراها
مشيت معاه و وصلوا القصر
اتكلمت بهدوء
= مش عايزه اقعد في الاوضه بتاعتك ممكن اقعد في اي اوضه تانيه لو سمحت
هز راسه بهدوء و اتكلم بهمس
= اللي يريحك
انزلي يلا
هزيت راسها بهدوء و دخلت معاه
كانت حياة و مليكه قاعدين في الريسبشن و بيتكلموا
بمجرد ما شوفها بصولها و خصوصاً مليكه اللي كانت مصدومه من شكل بطنها
أتكلمت حياة بفرحه
= حمد لله على سلامتك يحبيبتى كنتي وحشانا و الله
تعالي ارتاحي
رحيل راحت عندها و حضنتها بقوه و فضلت تعيط بانهيار
اتكلمت بهمس و هي في حضن حياة
= تميم
تميم طلقني
برقت حياة عينيها بصدمه و هي بتبص لتميم اللي شافت في عينيه كميه حزن و الم مشفتهاش طول حياته
ربطت على ضهر رحيل و اتكلمت بحنان
= اهدي يحبيبتى
متعمليش في نفسك كدا على الاقل عشان اللي في بطنك يبنتي
مليكه كانت بتبصلها بحزن و كانت مصدومه من انهم وصلوا لهنا
دخل فارس و معاه ريان
ريان بص لرحيل و اتكلم بحنان
= حمد لله على سلامتك يا رحيل
كمل و هو بيبص لتميم بحده
= تعال معايا عايزاك
اتنهد تميم بحزن و دخل مع ريان غرفه المكتب
اتكلم ريان بحده
= انت ازاي عملت كدا
بابا انا هطلق رحيل و هجيبها تعيش معانا هنا و بعدين تقفل و متردش
و اتز.فت انا و افضل ارن على البيه عشر مرات على ما يرد
ايه عملي فيها الزعلان اللي عايز ينعزل عن الكل حتى نفسه
تميم بدموع
= يعني انت كنت عايزيني اعمل ايه
رفعت على نفسها المسد.س بسبب انها مبقتش طايقني و لا عايزه تعيش معايا
بابا انا مش عارف المهمه دي هترسى على ايه
ممكن انكشف و اول حد هيتأ.ذي هي و ابني و في نفس الوقت مش عارف برضوا اقولها عشان لو عرفت هبقى بعرض حياتهم للخـ.طر
مكنش ينفع اكون اناني زي ما فكرت في نفسي لازم افكر فيهم
ريان بغضب
= عايزاك تبعد!
دي منهاره برا بسبب طلاقكوا
الصوت اللي كان بيقولك طلقني دا كان صوت كرامتها اللي اتأ.ذت باللي عملته لكن قلبها و حتى عقلها منطقهوش
هي كل حاجه فيها عايزاك
تميم بالم
= ابو.س ايديك خلاص انا تعبان و الله
انا همشي دلوقتي هاخد هدومي و امشي خد بالك منها و انا هبقى اجاي كل يوم اطمن عليها من بعيد
عن اذنك
ريان قرب منه و حط ايديه على كتفه
دخل تميم جوا حضنه و عيط بكل قوته كان بيصرخ من الالم
طلعت رحيل الاوضه اللي كان قاعد فيها اسر
و حطيت هدومها في الدولاب
قعدت على السرير و طلعت صورته اللي معاها و بصتلها بدموع
فاقت على صوت خبط الباب
دخلت الخدامه و اتكلمت باحترام
= حياة هانم قالتلي ابعت لحضرتك الاكل دا
هزيت رحيل راسها بهدوء و اتكلمت بهمس
= شكرا
الخدامه كانت لسه هتمشي بس وقفتها رحيل و هي بتتكلم بلهفه
= هو تميم مشي
الخدامه باحترام
= لا هو لسه عند الباشا في المكتب بس قالنا نحضر شنطه هدومه عايزه مني اي حاجه تانيه يهانم
هزيت رحيل راسها بالنفي
مشيت الخدامه و رحيل بصيت للصوره بحزن
= لو مكناش عرفنا بعض كان هيبقى احسن
الحمد لله خير
بقلمي يارا عبدالعزيز
في غرفه فارس
فارس كان بيخلع بدلته و باين عليه الحزن
اتكلمت مليكه برقه
= بس هو ليه يطلقها!
كان ممكن يشوف اي حل تاني
بس عارف انا حاسه بيها
اللي عمله تميم مفيش اي واحده هتقدر تستحمله عارف حتى لو مش بتحبه هتتوجع لانه بيحسسها انها و لا حاجه
ما بالك بقى هي بتحبه الله يكون في عونها
بس صدمتنا بموضوع حملها دا
معقول يكون تميم مش عارف الوقت دا كله!
فارس بحزن
= مكنش يعرف يا مليكه
انتي مش شايفه شكله عامل ازايي
انا هخرج معاه اشوفه هيروح فين و هفضل معاه شويه
لو سمحتي يا مليكه ممكن تطلعي هدوم انا هدخل اخاد دش بس بسرعه عشان الحقه قبل ما يمشي
مليكه بدموع
= ماشي
بصلها باستغراب و اتكلم بهدوء
= انا قولت ايه يخليكي تعيطي
طلعلي كلمه واحده
هو انتي عايزه تنكدي و خلاص
شايفه ان الوضع يستحمل!
اتكلمت بصوت متحشرج
= ادخل انا كويسه
قالت كلامها و دخلت غرفه الملابس
دخل وراها و اتكلم بحنان
= طب فيه ايه!
حتى لو حاجة عبيطه قولي بس متعيطيش
مليكه بدموع
= انت مش عايز تخلف!
مش عايز تبقى اب
فارس بحده
= تاني
احنا بقالنا اد ايه متجوزين
مكملناش ست شهور هنروح لدكتور نقوله ايه لو سمحت يا دكتور احنا الخلفه اتأخرت عندنا و احنا مبقلناش ست شهور متجوزين
مليكه بدموع و الم
= طب ما رحيل و فريده و تيا برضوا نفس الشئ و مع ذلك حوامل و خلاص كلها كام شهر و هيخلفوا
فارس بحده
= ارضي يمليكه عشان ربنا يرضيكي و اعقلي شويه يحبيبتى
مليكه بدموع
= راضيه و الله
بس نروح و نشوف عشان لو فيه حاجه نعلاجعا بسرعه
اتنهد بغضب و اتكلم بحده
= طب ممكن نشوف الموضوع دا بعدين
تسمحيلي دلوقتي اروح اشوف اخويا عن اذنك
قال كلامه و لبس القميص بتاعه بسرعه و نزل و مفيش في دماغه غير تميم
بصيت مليكه لطيفه بحزن و دموعها نزلت بتلقائية و مسكت فونها و رنيت على رندا
اتكلمت بدموع
= ماما انتي في البيت
طب انا جايلك دلوقتي
قفلت المكالمه من قبل ما رندا ترد عليها
رندا بخوف
= مليكه
هيكون حصل ايه!
تيا دخلت و شالت ادم من على الأرض و حطيته جانبها على الكنبه
اتكلمت تيا باستغراب
= مالك يا ماما!
رندا بخوف
= مليكه كلمتني و هي بتعيط باين و بعدين قفلت و بكلمها دلوقتي مش بترد
بس هي قالت انها جايه
تيا بهدوء
= ما هي جايه و لما تيجي هنعرف كل حاجه هتبقى كويسه باذن الله
انتي عارفه مليكه حساسه زياده متقلقيش يا ماما
هزيت رندا راسها بحزن و اتكلمت بهدوء
= هو عدي فين
تيا بحزن
= مش عارفه وصلني هنا و مشي على طول
ممكن يبقى راح المستشفى
لو عايز الفصل الجاي اعمل متابعه لصفحه يارا عبدالعزيز
رندا بحزن
= مش كفايه كدا!
و الله العظيم هو خلاص مد.مر على الاخر
طب يرضيكي اللي هو فيه
تيا انتي عارفه انك زي مليكه و مش عشان ابني بس حاولي يبنتي عشان الحب اللي ما بينكم طب لو مش عشانكم عشان ولادكم هم يستاهلوا يعيشوا معاكوا مبسوطين صح يحبيبتى
تيا بدموع
= ربنا يرحمنا
تميم كان ماشي بعربيته ، سمع اذان العشاء
وقف بعربيته قدام المسجد و دخل صلى جماعه و بعدها قعد في ركن في المسجد و فضل يعيط متجاهل كل الناس اللي كانت بتبصله
كان جواه جبال من الالم و مش قادر يطلعهم
فارس وصل شقه تميم و خبط على الباب بس بدون اي جدوى
مسك فونه و رن على كذا حد من صحابه بس محدش يعرف عنه حاجه
رن على عدي و اتكلم بحده
= انت فين
عدي بهدوء
= في المستشفى
فيه حاجه و لا ايه
فارس بخوف
= تميم مجلكش أو كلمك
عدي باستغراب
= لا
انا مشفتش تميم خالص انهاردة
فارس بغضب و خوف
= هيكون راح فين
اختفى و مش لاقيه خالص
عدي تعال على شقته انا واقف هناك تعال بس و لما تيجي هفهمك كل حاجه
في عياده النسا
كانت مليكه قاعدة جنب رندا و منتظره دورها
كانت ماسكه في ايد رندا بخوف شديد
اتكلمت رندا بحنان
= متخافيش يحبيبتى
مليكه هزيت راسها و هي حاسه بخوف من اللي الدكتور ممكن تقوله
ندات الدكتورة على اسمها و دخلت و معاها رندا
فحصتها و اتكلمت بهدوء
= فيه شويه تحاليل لازم نعملها الاول هكتبلك عليها اعمليها و هاتيها نشوفها
مليكه بخوف
= هو ظهر اي حاجه ممكن تاخر الحمل في الفحص
يعني كل حاجه طبيعيه و لا فيه حاجه مش كويسه
الدكتوره ببأبتسامه
= انتي مالك خايفه كدا ليه!
اهدي كدا
كل حاجه هتبان في التحاليل و خير باذن الله
هزيت مليكه راسها بخوف و خديت منها ورقه التحاليل و خرجت مع رندا
اتكلمت رندا بحنان
= تعالي نروح دلوقتي و نروح بكره الصبح نعمل التحاليل عشان بس محدش يقلق عليكي لو اتأخرتي
مليكه بخوف
= محدش فاضلي اصلا يا ماما حتى فارس مشي
انا مش بلومه هو اكيد زعلان على اخوه بس انا مش هقدر اقعد كدا الدكتورة قلقتني اكتر لما طلبت التحاليل مش هعرف انام الا لما اعرف و اطمن
رندا بقله حيله
= ماشي يحبيبتى تعالي يلا
رجع تميم شقته
لاقى فارس و عدي قاعدين قدام الشقه على السلم
رفع حاجبه بأستغراب و اتكلم بهدوء
= ايه اللي مقعدكم كدا!
اتنهدوا الاتنين براحه كبيره
اتكلم فارس بلهفه
= كنت فين
بندور عليك و مش عارفين نوصلك
خوفتنا عليك
تميم ببأبتسامه
= متخافوش مش همـ.وت نفسي!
قال كلامه و فتح الباب و دخل قعد على الكنبه و فرد رجليه على الارض و بص للسقف بشرود
اتكلم عدي بهدوء
= مستغربك يا تميم و لاول مره مفهمكش
تميم ببأبتسامه و هو لسه باصص للسقف
= ايه اللي مش مفهوم يا دكتور
ما انا زي الفل اهو انتوا مخوفين نفسكوا على الفاضي
كمل و هو بيبصلهم
= اطلبلكوا ايه انا جعان
فارس راح عنده و قعد جانبه و اتكلم بدموع و حزن
= متمثلش انك تمام
انت كدا بتمـ.وتني عليك يا تميم
تميم ببأبتسامه
= انت اللي مالك
و انت يا دكتور
جايين تطمنوا و انتوا كل واحد فيكم محتاج اللي يطمن عليه
عارف المشكله في ايه
في الحب محدش بيحب مرتاح
مفيش مرتاح غير جوز اختك
الوحش عايش مبسوط و اللي بيعشق مد.مر
لسه مصلحتش تيا
هز عدي راسه بالنفي و اتكلم بحزن
= ناقص اقلب اراجوز عشان تحن عليا
مبقتش عارف اعمل ايه
سيبك مني احنا هنا عشانك
بقلمي يارا عبدالعزيز
مليكه خلصت الفحوصات بتاعتها و رجعت للدكتوره
كانت قاعدة بتبص للدكتوره بخوف شديد
اتكلمت بصوت مرتعش
= فيه حاجه يا دكتوره
الدكتوره بحزن
= فيه شويه مشاكل في الرحم
مليكه بصتلها بالم و اتكلمت بدموع
= يعني انا عمري ما هبقى ام!
رندا بحزن
= اهدي يا مليكه اكيد هنلاقي حل صح يا دكتوره
الدكتوره بهدوء
= هو فيه عمليه بس نسبه خطورتها هتكون عاليه و للاسف هي الحل الوحيد
مليكه بلهفه
= موافقه اعملها امتى
الدكتوره بهدوء
= اول حاجه انا لازم اقعد مع جوزك و فيه اقرار لازم هو اللي يمضي عليه قبل العمليه غير كدا مش هقدر ابدأ في اي حاجه
مليكه اتكلمت بلهفه و دموع
= تمام
في شقه تميم
فارس كان بيفكر في مليكه و هو قاعد معاهم و انه خارج و هو مزعلها
رن عليها بس مردتش عليه
رن على تلفيون البيت و رديت عليه الخدامه
اتكلم ببعض الحده
= اديني مليكه هانم
الخدامه باحترام
= الهانم مش في البيت يا فارس باشا
خرجت من حوالي ساعتين
اتكلم فارس بخوف
= راحت فين!
الخدامه باحترام
= هي مقالتش لحد مشيت على طول و كانت بتعيط
قفل فارس المكالمه و مسك دماغه بغضب
اتكلم ببعض الحده
= بقولكوا ايه انا همشي هبقى ارن عليك يا تميم
تميم باستغراب
= فيه حاجه و لا ايه
فارس و هو بيبص لعدي
= لا مفيش عن اذنكوا
قال كلامه و مشي بسرعه و رن على رندا
اتكلم باحترام
= عمتي مليكه عندك
رندا بهدوء
= مليكه معايا متخافش عليها
اتنهد فارس براحه كبيره و اتكلم بهدوء
= انتوا في البيت هعدي اخدها
رندا كانت لسه هتتكلم بس قاطعتها مليكه و هي بتاخد منها الفون و بتتكلم بدموع
= فارس
فارس كان لسه هيزعقلها عشان خرجت من غير اذنه بس بمجرد ما سمع صوتها اتكلم بحنان ممزوج بخوفه عليها
= عيونه
مالك يحبيبتى
انا اسف و الله ما كنت قاصد اتعصب عليكي قبل ما اخرج بس انتي عارفه اني زعلان على تميم
انتي فين يحبيبي عشان اجاي اخدك
اتكلمت بصوت متحشرج
= هبعتلك عنوان تعال عليه
اتكلم فارس باستغراب
= هو انتي مش في بيت خالي!
مليكه بدموع
= لا بس حاول تيجي بسرعه لو سمحت الموضوع ضروري
قالت كلامها و قفلت من قبل ما يرد
زود الخوف عنده و مشي بسرعه على العنوان اللي بعتته
وصل قدام العياده و اتنهد بغضب و طلع لاقها قاعدة مع رندا
اتكلم بحده
= هو انا مش قولت هنروح بس مش دلوقتي
انتي ليه عنيده اوي كدا!
مليكه بمجرد ما شافته مسكت ايديه بكل قوتها
بصلها بخوف و اتكلم بهمس
= هو فيه ايه!
انتوا دخلتوا
بقلمي يارا عبدالعزيز
هزيت مليكه راسها بالايجاب و دموعها كانت مايله عينيها و كانت بتترعش
حس برعشه ايديها ليحاوط كتفها بايديه
اتكلم بحنان
= ايه يحبيبتي!
رندا بحزن
= الدكتور جوا عايزاك
الكشف اللي جوا اخر كشف
هندخل بعد ما اللي جوا تخرج
فارس كان لسه هيتكلم بس قاطعه الممرضه اللي نادت على مليكه
دخلت و هي ماسكه ايد فارس و خايفه من رد فعله
قعد فارس و قدامه مليكه و رندا كانت مستنيهم برا
بدأت الدكتوره تشرحله حاله مليكه و العمليه اللي هتعملها
بص فارس لمليكه لاقها بتبصله بدموع و بتترجاه بعينيها
اتكلم بحده و هو بيبص للدكتوره
= يعني فيها خطوره عليها
الدكتوره بهدوء
= مش هكدب عليك و اقولك لأ
انتوا ليكوا حريه القرار لو انتوا الاتنين ادتوني موافقتكوا هنبدأ في كل حاجه من بكرا
بس تمضيلي الاول على الإقرار دا
حطيت الدكتورة قدامه ورقه الاقرار
فارس خد منها الورقه و قرأها و بص لمليكه اللي كانت بتبصله بخوف و دموع
مسك الورقه و قطعها قدام عين مليكه اللي كانت بتبصله بغضب و صدمه
قام وقف و اتكلم بحده و هو بيرفع سبابته قدام الدكتورة
= مش عايز عيال
و قسما بالله لو عرفت انك سمعتي كلامها و عملتي حاجه زي كدا لهكون قافلك العياده دي و موديكي في ستين داهيه
قال كلامه و مسك ايد مليكه بغضب و قوه و خرج برا اوضه و
يُتبع.....