رواية الأميرة والمغترب
الفصل المائة و تسعه 109 جزء ثاني والاخير
بقلم آلاء اسماعيل
-انا مش عايزة أبقى عروسة ولا عايزة فرح 😮💨
اقترب منها بدر و احتضنها: مش عايزة فرح ازاي !! مش قبل شوية كنتي طايرة من الفرحة ! ايه اللي حصل بقى !!
حنان بصوت متحشرج من أثر البكاء : لا مش هأنزل...هأنزل ازاي بشكلي ده !! انا والدة قيصري و بطني اترهل و وزني زايد من الرضاعة هيتريقوا عليا 😫
لتبدأ في البكاء فقال و هو يمسح عيناها : مش فاهم ماله شكلك بس... أعتقد انتي مأفورة ...مش اكثر
حنان بغضب : مأفورة ازاي !! بص كدة و انت تعرف !!😤
و أشارت الى هيئتها فتأملها بدر مليا ثم قال بصرامة و جدية مصطنعة: لا بقى ...احنا ما اتفقناش على كدة ! 😤
اتسعت عيناها الباكية بدهشة و نظرت الى نفسها بتوجس
قائلة : ما اتفقناش على ايه !! شكلي وحش اوي عشان الولادة و الرضاعة و كدة ....صح ! !!😫😥
تقدم نحوها و تلقفها بكلتا يديه محتضنا إياها بحب ثم مسح دموعها بحنان قائلا بنبرة خشنة لكن حانية: ما اتفقناش انك تبقي قمر كدة على طول ! 😍😉
لكزته بتذمر قائلة : وقعت قلبي
-سلامة قلبك يا قلبي 🥰
نظرت اليه بقوة محاولة أن تستشف الصدق في حديثه ثم قالت -يعني بجد شكلي حلو ؟! 🥺
غمزها بدر بعبث: و الله بقى انتي كدة كدة عاجباني في أي وقت بس انا ممكن اثبتلك دلوقت حالا انك عاجباني جدا بشكلك اللي يجنن ده 😋
حنان ببلاهة مصطنعة: ازاي !!
لم يعطها اجابة بل سحبها من خصرها سريعا ليجلس على السرير و يجلسها على قدميه و هو يثبت جسدها على جسده بقوة بينما يقبل شفتيها بشغف
اغلقت عينيها و استسلمت لقبلاته الرقيقة التي سرعان ما تحولت لتصبح اكثر الحاحا و شغفا
خفق قلبها بشدة من لمساته الجريئة و تبدل مزاجها تماما
شعرت و كأنها في عالم خيالي رائع فهي تحبه بجنون..تعشق لمساته ...قبلاته..همساته.. عطره ..ملمس ذقنه الخشن على بشرتها تعشق كل شيء يخصه..
لكن اليوم هو يوم مميز ..حفل زفافهم
حاولت تنبيهه الا يتأخروا عن الحفل اكثر لكنه لم يبتعد
ففكرة شكها في نفسها جعلته يشعر بالضيق..اذا فقد أراد أن يثبت لها بطريقته الساحرة ان ولادتها جعلتها أجمل و اكثر انوثة و لم تزدها إلا سحرا ..
حاولت التملص و الابتعاد و هي تقول : بدر !!
-ممم
قالها بهيام و هو منشغل بمداعباته فأجابته بتذمر طفولي
-هنتأخر 😟
اجابها و هو يقبل رقبتها برغبة: مش مهم !! نتأخر 😁
لتبادله قبلة أخيرة قبل أن توقفه بدلال انثوي
-حبيبي مش انت بتقول أنه فرحنا؟ يعني حلوة نسيب الناس تستنى !!
بدر بزعل مصطنع:يعني معلش استنى انا عادي ؟! 😒
حنان : هأبقى ليك طول الليل ...هأعوضك صدقني .. بس لازم ننزل دلوقت 😊
بدر بتساؤل مصطنع : طب وبالنسبة الفستان اللي مكانش عاجبك ده ؟؟ 🤨
حنان بفرحة: لا خلاص عجبني 🥰
-ايوة كدة 😁 ...امو"ت انا في الواثق من نفسه 😍😉
-بعد الشر عليك ...ان شاء الله اللي يكرهنا ☺️❤️
في الأسفل
وصل ضيوف ياسين من رجال الأعمال و الاصدقاء و الاقارب و غيرهم و قد سمح لبعض الصحفيين بتغطية اجواء الحفل العامة بشرط ألا ينتهكوا خصوصية الباقين فالحفل لا يخصه هو فحسب
حضرت عائلة ياسين قبل الزفاف بيوم الا حسام ابن عمه يوسف اضطر للتأخر الى حين موعد الحفل بسبب تواجده في مهمة.
وصل ايضا أحمد و اسرته من كندا و استقبلته أم أحمد بشوق كبير
سلبت اميرة كل الانظار و هي تتألق بفستانها الملكي و جمالها الشرقي الساحر لتلمع كنجمة في سماء صافية
كل الانظار كانت متجهة نحو ثوبها المرصع بذهول شديد
وصل باقي أفراد عائلة خالد من ألمانيا و كذا اصدقاؤهما من كندا :حاتم و فادي و منذر .
اكتملت فرحة الجميع بنزول بدر و حنان و انطلقت الزغاريد و التصفيق و الهتاف من جهة عائلة بدر و معارفه فهذا بدر محبوب الجميع...
مشيا وسط القاعة الواسعة بشموخ الى أن وصلا سويا في المكان المخصص لهما
نظرت اليه بحب و ذرفت عيناها الدموع من شدة الفرح
و همست له : انا مش مصدقة اللي بيحصل ...حاسة اني في حلم ! 🥰فإقترب منها قائلا : لا امسكي نفسك المفاجآت لسة ما خلصتش 😁
-الف مبروك يا بنتي 😊
قالها صالح بسعادة و هو يقترب منهما
-الله يبارك فيك يا بابا 🥰
اجابته حنان بسعادة غامرة
-جوزك سيد الرجالة يا حنان خلي بالك منه ...الرجالة اللي زي بدر عملة نادرة اوي في الزمن ده يا بنتي
حنان بحب : من غير ما توصيني يا بابا ...ده ابو ولادي 😊فاردف صالح و هو يبكي: الحمد لله اني اتطمنت عليكم انتو الإثنين ..لو مت بعد كدة هأمو"ت مرتاح
-بعد الشر يا بابا ربنا يديك طول العمر
بدر بإحترام -ربنا يخليك لينا يا عمي ..ثم نظر الى حنان و اردف بمزاح : و بعدين مو"ت ايه بس اللي بتتكلم عنه ! انت لسة شباب حتى اننا بنفكر نجوزك !😁
صالح بضحكة: لا جواز ايه كفاية اني افرح بيكم و بولادكم ده عندي بالدنيا كلها.....عن اذنكم يا ابني هشوف المعازيم 😊
بدر: اتفضل يا عمي
غادر صالح فهمس بعتاب مصطنع: ابو ولادك بس ؟؟
حنان : اومال هقوله ايه ؟؟ حبيبي؟؟ دي حتى تبقى عيبة ف حقك
بدر: احبك و انتي فاهماني يا قشطة 😉
وصلت سلمى مسرعة الى الحفل و قابلت عمها : عمي صالح ...سحر بتناديلك ...
صالح : طيب يا بنتي...
اقتربت سلمى من بدر و همست له : انا خلصت يا بدر 🥰
بدر بحب: تسلم ايدك يا سلمى عقبالك يا روحي 😊
حنان بتساؤل : خلصت ايه ؟
بدر بحب: بعد شوية هتعرفي 😉
ياسين :حبيبتي ايه رأيك نرقص؟
-لسة على معاد الرقص
-هو الرقص ليه مواعيد؟؟
-مش في آخر الحفل بيرقص العريس و العروسة سلو ؟ اهي الحفلة في أولها
-يبقى خلينا نخالف القاعدة و نطلع احنا نرقص في الأول !!
اميرة بخجل: لا و النبي أصلا متوترة و حاسة إن الناس كلها بتبص عليا لو قمت ارقص أكيد هاتكعبل و اقع و تبقى وكسة
-هأمسكك ..مش هسيبك تقعي
اميرة : معلش سيبنا كمان شوية محتاجة شوية وقت بس
-براحتك يا قمري 🥰...خذي وقتك انتي نجمة الحفل 😉
توردت وجنتيها و كانت ستجيبه لكن فجأة همست بسعادة بينما تنظر الى تلك القادمة ثم اليه : ناااانسي !!! 😍
اقتربت منهما مبتسمة و ما إن وصلت إليهما : مبروك سيد ياسين
-شكرا نانسي ... أخيرا وصلتما !!
عانقت اميرة بحب: اميرة ...اشتقت اليك 🥰...
بادلتها اميرة الحضن قائلة : انا أيضا اشتقت اليك ...كنت اخشى ألا تحضري بالموعد !
نانسي بحب: لم أكن لأفوت مناسبة كهذه !
امسكت يدها و نظرت اليها بإعجاب قائلة : انظري اليك 🥰 ساحرة و متألقة كعادتك ...تهانينا لكما ..تليقان ببعضكما كثيرا 😊
قالتها لياسين الذي أمسك يد أميرة بحب قائلا : شكرا نانسي ...أين مرافقك؟؟
-أنا هنا 😊... السيدة نانسي اسرعت لحضور الحفل و تركت لي الاهتمام بأمر الحقائب و كل شيء آخر
ياسين -ادوارد صديقي ...سعيد انك استطعت الحضور ☺️
عانقه إدوارد بحرارة قائلا : لا يمكنني تفويت فرصة كهذه !! فهو حدث مهم بلا شك .. هناك الكثير من الماكولات الفاخرة
ياسين بضحك : كعادتك تضع الاكل في أولى اولوياتك !! 😂
إدوارد : بالتأكيد فلا شيء يضاهيه لذة ...ثم اقترب من اذن ياسين و همس : سوى النساء 😉
غمز لها و هو يكمل : امزح فقط ...صديقي العزيز يتزوج ..بالتأكيد ساترك كل انشغالاتي و أحضر ☺️ ...تهانينا يا بطل ☺️
نظر الى أميرة : تهانينا سيدتي
اميرة بإحترام: شكرا سيد إدوارد !
ياسين : تفضلا الى طاولتكما رجاءا
نانسي لأميرة : لكن سأعود اليك بعد قليل احتاجك في كلمتين على انفراد ☺️
اميرة بلطف: و هو كذلك 😊
-عن اذنكما ..تمن لي الحظ السعيد
قالها إدوارد و هو يغمز لياسين بعبث ،
فهم هذا الاخير اشارته و اومأ بالإيجاب
ما إن ابتعدا حتى اقتربت اميرة منه : هي ايه الحكاية ؟
-حكاية ايه ؟؟🙄
-نانسي و إدوارد ..
-مالهم ؟🤨
-ايه اللي مالهم ؟ ايه لم الشامي عالمغربي ؟؟ و بعدين ايه اللي تتمناله الحظ السعيد ؟
-يا ستي هو اتلخم في الشغل لآخر لحظة عشان كدة اقترحت عليه يجي مع نانسي في طيارتي الخاصة اللي بعثتها مخصوص عشان تجيبها
-بس كدة؟؟ مش عشان حاجة تانية يعني ؟! 😁
ابتسم ياسين قائلا : انتي شايفة ايه ؟
-شايفة استلطاف ما بينهم
-هو كدة ...إدوارد معجب بيها من زمان و كان محتاج فرصة و اديني جمعتهم مع بعض الدور و الباقي عليه بقى
-ربنا يسهلها ما بينهم.. نانسي طيبة اوي
كان ياسين سيتكلم لكن حسام اقترب منهما مبتسما و برفقته اخواته التوأم : ألف مبروك يا ابن عمي...مبروك يا عروسة
ياسين - حبيبي يا حسام الله يبارك فيك
اميرة : الله يبارك فيك عقبالك با حضرة الضابط
-يا رب ☺️
اندفعت البنات نحو اميرة يهنئنها بينما انفرد حسام بياسين
أحلى عريس و الله
-الله يبارك فيك يا حسام عقبال ما نفرح بيك انت كمان .
حسام و هو ينظر بإتجاه سلمى: يا رب ☺️...اصلكم بصراحة فتحتو نفسي للجواز أوي 😊
اقترب ياسين قليلا قائلا بهمس دون إن تسمعه اميرة و التوأم : ايوة بس خلي بالك انت بتبص لمين و خف النظرات شوية يا روميو أحسن ما تتفرم الليلة و بدل ما نفرح بيك هنحلي بيك بعد العشاء يا ناصح 😂
همس حسام بخوف: يا ساتر يا رب ! ليه يعني هي تبقى بنت زعيم ع"صابة!!
-لا يا شاطر دي تبقى سلمى الراوي
تهلل وجه حسام بفرحة هامسا: اسمها سلمى 😍
ثم نظر اليه بتساؤل : قلت الراوي !! قصدك إنها تبقى...
فأردف ياسين ضاحكا : أخت بدر 🙂
الكل كان منبهر بمظاهر الفخامة و معجب بذوق الحفلة الراقي في كل شيء تقريبا
لكن يبدو انه لم يكن جميعهم يشعر بالسعادة على غرار العرسان
فقد كانت اسراء و كوثر تنظران بغل الى حنان و فرحتها و اهتمام بدر بها و تتآكلهما نار الغيرة و الحسد
كوثر -صدق اللي قال الدنيا حظوظ بت يا اسراء ! بصي ازاي عامل لها كل الهلمة دي عشان بس ترضى !
-معاكي حق و الله 😒
- اذا كان احنا اللي اسمنا بنات بنوت ما اتعملناش كل ده في فرحنا 😏
اسراء بتذمر -اه و الله يا كوثر ...بنت الخا"طية حظها يقلق الصخر..
كوثر - لا و اللي يغيظ اكثر انها خذت قلب أحسن واحد في عائلة الراوي مع إنها استغفر الله.....
-ايه ؟؟! كملي يا كوثر !! 😤
التفتت الإثنين و قد بهت لون وجهيهما و هما تريان هنادي تقف خلفهما بغضب تحاول أن تخفيه كي لا تفسد سعادة ولدها في ليلته المميزة
اقتربت منهما و همست : و الله العظيم ثلاثة ان ما لميتي لسانك انتي و هي لأكون مكلمة اجوازكم و هتسافروا دلوقت حالا ...
كوثر : مرات خالي 😥 انتي فاهمة غل....
قاطعتها هنادي بحدة : اخص عليكم نسوان عرة 😤 ده بدل ما تفرحولها ..انتو اكثر ناس عارفة انها خذت عقوبتها بزبادة كمان !
اسراء : يمة الموضوع...
-كلمة زيادة في حق حنان هتمشي كل وحدة منكم على بيت ابوها و معاها ورقتها فاهمين !!!ا ده عرض ابني و شرفه
نظرت كوثر لإسراء بتوتر و قالت: حاضر يا مرات خالي 😥
غادرت هنادي نحو بدر فهمست اسراء بضيق : عاجبك كدة! ادينا اتهزقنا بسببك
-و انا مالي !! ما تقوليش ليه بسبب الهانم 😒...طبعا . .ما هي بقت أم الولاد مين هيسترجي يجيب سيرتها 😒
-طب اسكتي لأحسن ترجع تسمعنا تاني و تبقى فضي"حتنا بجلاجل
في طاولة عائلة خالد
-يبدو خالد سعيدا جدا برفقتها أليس كذلك ايلينا ؟ 🥰
قالتها اولغا بحب و هي تنظر إليهما
ايلينا : اجل يبدو كذلك ..كم هما منسجمان معا ☺️
كلارا : أجل يليقان ببعضهما كثيرا 😊
هيلدا بغيرة: خالد جذاب جدا لا اراه منسجما معها اطلاقا بالعكس ...برأيي هي أقل من العادية و هو يستحق افضل منها 🙄
اولغا: هيا يا هيلدا ..انهما رائعين سويا ...اعترفي انك تشعرين بالغيرة فقط لأنك كنت معجبة به ..
هيلدا : أنا لا انكر اني كنت معجبة به 🙄
فهمست كلارا لاولغا : و لا تزال صدقيني 😬🙄
بينما اكملت هيلدا بتصنع الدهشة : لكن اغار من تلك 😳 !! هل جننتِ يا اولغا !!! اعني انظري إليها ؟؟ الفتاة بحجم كف يدي !!
هانا بنهر : كفى يا هيلدا ...منذ متى نحتقر الناس بهذه الطريقة !! هي الآن زوجة خالد ستحترمينها شئت أم ابيت هل هذا مفهوم !!
هيلدا بتذمر : لم أقل شيئا ماما ! انها اولغا من بدأت الكلا...
قاطعتها ايلينا : يكفي ...لا أريد جدالا في أهم ليلة في حياة خالد ..هيا سنذهب إليهم للتهنئة
وقفت و هي تنظر الى هيلدا: و اياك ان تتفوهي بكلام غير مناسب ! سحر اصبحت بمثابة ابنتي و اي كلمة تسيء إليها تسيء الي شخصيا هل هذا مفهوم هيلدا؟؟ 🤨
-مفهوم ايلينا 😒
ثم توجهن جميعهن لتهنئة خالد و سحر
كانت سلمى تنتقل بين كل من سحر و حنان بسعادة غامرة .. غافلة عن تلك العيون التي تراقبها بشغف اينما ذهبت
كانت متألقة في ثوبها الأخضر الملكي الذي اظهر لون عينيها الزيتوني و ذلك التبرج غير المتكلف الذي جعل جمالها هادئا لكنه ساحر في نفس الوقت ..
-لا ما اعتقدش هيوافق ...انت ايه رأيك يا حسام ؟
قالتها والدته صفاء و هي تنظر إليه و قد توجهت انظار الجميع نحوه
-هااا !! 😕🤔
قالها حسام بعدم انتباه فضحك الجميع و اردفت
والدته : بنتكلم عن ياسين يا ابني ..أبوك بيقول نعزمه هو و عروسته عندنا قبل ما يسافر
-ها.. اه فكرة كويسة
قالها حسام بشرود
تالا: كويسة ايه ! ده سايب مشاغله من شهر و قاعد في مصر أكيد هياخذ مراته و يطير على كندا فورا
رندة: كندا ايه انتي كمان يعني مش هيعملها شهر عسل!! ده ياسين المنشاوي !!
تالا : اديكي قلتيها يا ناصحة عشان هو ياسين المنشاوي أكيد مش هيقضي شهر عسله في مصر ..
صمتت لبرهة ثم قالت بتفكر: ألا صحيح هو ما قالكش رايح فين يا حسام !!...حسااااام !! 😟
حسام بعدم تركيز -هاا !!
تالا -لاااا .. ده انت مش معانا خاااالص !! 😂
نظرت تالا لأمها و قالت بعبث: اللي واخذ عقلك يا حضرة الضابط🙂
حمحم حسام بإحراج و هو ينظر الى والده قائلا : انا ..احم طالع أشم شوية هوا ..عن اذنكم
يوسف :اتفضل يا ابني
خرج حسام فقالت صفاء بصرامة : ما تبطلي لعب عيال و سيبي اخوكي في حاله يا تالا ...هو جاي من الشغل على هنا على طول ما لحقش يريح من المشوار حتى ! أكيد مش هيبقى مركز 😤
تالا: طول عمره بيجي من الشغل و مع كدة دايما بيهزر معانا
يوسف : امك معاها حق ...فيه أوقات الهزار فيها بيكون بايخ يا تالا
تالا بزعل طفولي : يعني اتفقتو عليا انتو الإثنين ! هو انا عملت ايه يعني !! 😔 هو اللي من لما وصلنا و هو مسهم🥺
رندة : بقولك ايه يا تالا ما تجي نروح عند سحر نباركلها !
قالتها و هي تغمز لها بمكر دون إن ينتبه والداها
نظرت تالا الى حيث سحر فوجدت سلمى معها فقالت بتصنع التذكر : اه صحيح يا ماما نسينا ما باركناش لسحر !!
صفاء : ماشي .. روحي انتي و هي بس تباركولها و ترجعو هنا على طول مفهوم ؟
-حاضر يا ماما ☺️
قالتاها بصوت واحد و ما إن اتبتعدتا حتى همست تالا : بت يا رندة ! بتفكري في اللي انا بأفكر فيه ؟😉
-طبعا 😉 ..خلينا نروح نتعرف على مرات اخونا 😁
كان خالد منشغل مع عائلته حين وصل التوأم تالا و رندة الى سحر و قدمتا التحية بإحترام و هما تسترقان النظر لسلمى
تالا -ألف مبروك يا عروسة ☺️
سحر -الله يبارك فيكم ☺️
رندة -احنا بنات عم ياسين اتقابلنا قبل كدة في بيت ياسين
-اه طبعا فاكراكم...عقبالكم
تالا و هي تنظر الى سلمى : يا رب ☺️ ..بس يتجوز الضابط بتاعنا الاول ..اصلنا بندورله على عروسة و ماما حالفة ما تجوزناش الا لما تبقى عندها كنة تملى عليها البيت ..
رندة: مش تعرفينا عالقمر ؟
سحر بلطف : اه طبعا ... دي سلمى بنت عمي
سلمى بلطف : أهلا و سهلا بيكم تشرفنا ☺️
كانت تالا ستتكلم لكن هنادي أشارت الى سلمى فإعتذرت بلطف: عن اذنكم يا جماعة 🙂
لاحظت سحر منهما اهتماما غير طبيعيا و نظرات فضول تتبعانها بها فقالت بتعجب : خير هو فيه حاجة ؟
رندة -لا مفيش بس البنت دي عسل اوي ☺️
تالا :يا بخت اللي هيتجوزها 😁..يالا يا رندة اتاخرنا .. مبروك مرة تانية
قالتها تالا و هي تسحب رندة عائدتين الى طاولتهما
-مش ملاحظ حاجة غريبة با خالد ؟
- ايوة ملاحظ ... حسام وقع و ما حدش سمى عليه 😁
وصلت فقرة رقصة السلو ، حيث قام كل عاشقين
للرقص على أنغام الموسيقى الكلاسيكية الهادئة
ياسين: انا النهاردة اسعد انسان في الدنيا عارفة ليه ؟؟
اميرة بخجل -ليه ☺️
-عشان أخيرا هتبقي ليا
ضحكت اميرة و همست :لو مش واخذ بالك ...فأنا ليك من شهر يا استاذ
-لا ما حصلش...انا قصدي تبقي ليا بكل جوارحك ...من غير تفكير و لا خوف ولا حاجة تبوظ وجودنا مع بعض ... عايز اكون معاكي من غير ما اعمل حساب حاجة أبدا
-فهمت قصدك ..
كانت تعلم أنه يقصد مسألة الحمل التي كانت تقلقها مما جعلها غير مرتاحة طيلة الشهر المنصرم و هو الشيء الذي اضطرهما الى اتخاذ تدابير لمنع حدوث اي شيء قبل اعلان الزفاف
أميرة (بابتسامة خجولة) معاك حق ... وأنا كمان مبسوطة اوي اننا أخيرا هنكون لبعض من غير قيود
كانت يرقصان بطريقة راقية فياسين رجل معروف و عدسات الصحفيين تلاحقه في كل مكان و كل حركة منه يجب ان تكون مدروسة ..
ياسين و هو يهمس لها : كان نفسي اكون على حريتي اكثر من كدة معاكي بس انتي عارفة .
-من غير ما تقول يا حبيبي ...المهم وجودك جنبي 🥰
فاطمة: شايف عريس بنتك عاملها ايه ؟؟
رجب : ربنا يحميهم و يبعد عنهم كل حاسد
فاطمة بسعادة -يا رب يا رجب ...أخيرا اتطمنت عليها ..لو متت بعد كدة هأموت مرتاحة
رجب: بعد الشر عليك .. تسيبينا لمين انا و ندوش ؟
ميل على اذنها هامسا: و انا اللي مستني امنى تتجوز ندى كمان عشان اعملك شهر عسل تاني !
فاطمة: الاعمار بيد الله يا رجب
رجب بحب: ربنا يطول في عمرك و يخليكي ليا و يجعل يومي قبل يومك يا حبيبة قلبي 🥰
-بعد الشر عليك يا تاج راسي ☺️
خالد وسحر
خالد (يمسك بيدها برقة) حاسس إني ملكت الدنيا كلها النهاردة. كنت دايمًا بحلم باليوم ده ..من اول يوم شوفتك فيه في الميناء ..معقولة الحلم اللي كنت شايفه ف يوم من الايام مستحيل اتحقق و بقيتي مراتي خلاص !! لالا انا مش قادر اصدق ...
همست سحر بمزاح في ااذنه: اديك قلم عشان تصدق ؟؟🙄😂
خالد: بايخة 🙄
-بارد🙄
-عبيطة
-سم
-بحبك 😍
-اممم
-سكتتي ليه ؟ ولا لسانك ما يعرفش ينقط غير دبش ؟
-دبش ف عينك ...
-طب مش المفروض تقولي انا كمان بحبك 😒
-انا بحبك يا خلودي
-لا مش ...انتي قلتي ايه 😳؟؟؟
سحر بخجل: يوووه بقى ! خلاص خلينا نرجع نقعد احسن بنات خالتك هيوقعوني من طولي بعينيهم الملونة دي... خصوصا الصفرا هيلدا
-يا سلام !! هي الشقرا بقت صفرا دلوقت !! يعني انا أصفر ؟ 🤨
- انا مقلتش كدة ...طب نروح بعيد ليه ..بص و انت تعرف ...من لما ابتدينا رقص و هوما عينيهم هتطلع علينا خصوصا اللي اسمها هيلدا دي
خالد بكيد: هي لسة بتبص ؟
نظرت سحر إليها من خلفه قائلة بتذمر : ايوة
خالد بمكر: طب خليها تاخذ دي 🙄😉😁
أدارها دورة كاملة ثم اعادها اليه و هو يحتضنها بشدة و بعدها اخرجها من حضنه و قبل يدها بعشق أمام الجميع فصفق الجميع بحرارة لهما
سحر بأحراج : ايه ده يا مجنون بابا و اعمامي..😌
-بقولك ايه !! محدش له دعوة بيا و له عند أمي حاجة .... مراتي و انا حر فيها 🙄😁
بدر وحنان
همس بدر في أذنها: هتصدقيني لو قلتلك اني حاسس نفسي باتجوز لأول مرة؟
-اكيد هأصدقك... أصلا واضح في عينيك 🥰
-مكنتش اتخيل ان الحلم اللي اتمنيته و دعيت ربنا كثير هيتحقق بعد السنين دي كلها !! الحمد لله ..عوض ربنا كان حلو اوي 😍
:الست اللي قلبي عشقها و قمرين منها
-اصلا انا اللي ربنا عوضني بيك ..
نظرت إليه بعشق و اكملت: لو فضلت اشكر ربنا لحد ما امو"ت على وجودك في حياتي مش هيكون كفاية
-بعد الشر يا قلبي ... لسة العمر قدامنا و هنربي ولادنا على المحبة....و تخلفيلي كمان بنوتة شبهك
-بنوتة ايه انت عندك بدل البنت أربعة
-يا ستي انتي هتعديلي !! عايز بنت منك انتي 😁
- يا رب يا روحي ...ادعيلي ربنا بس يحنن قلب البنات عليا
-يا رب يا قلبي ...يالا بقى عشان نقعد !
-ليه ؟ما تخلينا نرقص هوما لسة ما قعدوش !
همس في اذنها: بصراحة مش عايز حد يشوف الفستان اللي هياكل من جسمك حتة ده غيري
-مجنون 🥰
-بيكي 😍
خلال رقص الجميع بالاستيج لاحظ خالد نظرات حسام لسلمى فإقترب منه قليلا بينما يرقص و هو يقول بإبتسامة خفيفة: على فكرة يا حسام سلمى بنت حلال ومتربية كويس. .
حسام بإحراج: عفوا ؟!
خالد :واضح إنها خطفت قلبك مش كده؟ 🙄
حسام بشرود و هو ينظر إليها: و اكثر من كدة كمان
ثم انتبه على نفسه فقال
-لا يا خالد انت فاهم غلط انا مش بتاع كدة 😥
خالد بضحكة: يا عم كلنا مش بتاع كدة و مع كدة وقعنا على جدور رقبتنا و اتنيلنا
نظرت اليه سحر الواقفة من قريب بشزر فقال : قصدي اتجوزنا 🙄😂.. عموما بدر صديقي و لو عايز مساعدة انا اقدر اتوسطلك عندهم ... أكيد مش هيلاقوا احسن منك ضابط و قيمة و كاريزما
حسام بإحراج : هنشوف الموضوع ده بعدين ..ألف مبروك
نظر الى أثره و قال لسحر : مؤدب اوي الولد ده 😉🙂
تمتمت سحر بخفوت : مش زي ناس 🙄
جز خالد على أسنانه و تمتم؛ بقى كدة يابنت فاتن! صبرك عليا
هانت خلاص ...إن وريتك التربية على اصولها!! ما بقاش خالد
وصل الحفل إلى نهايته عندما ألبس كل عريس الشبكة لعروسته وسط تصفيق وهتافات المدعوين. ثم زف العرسان الى جناحهم الملكي في موكب مهيب من طرف العائلة و الاصدقاء و عدسات الصحفيين المتابعة للحدث المميز
تفاجأت حنان ببدر و هو يمسك يدها متوجها جهة معاكسة لغرفتهم التي كانت فيها قبل قليل
حنان : رايح اوضتنا مش من هنا !!
بدر بحب: تعالي بس و هتشوفي
-اشوف ايه ؟؟
بدر : المفاجأة 🥰 اومال سلمى كانت فين؟
-يعني كانت بتجهز لنا اوضة تانية ؟؟
- بالضبط كدة يا قلبي 🥰
فتح الباب لتشهق بذهول و هي ترى كل تلك الفخامة
: ده .. ده جناح يا بدر 😳 🥰
-حبيبتي مش أقل منهم ...انا وعدتك بليلة العمر مش عايزك تحسي بحاجة ناقصة عنهم...اتفضلي يا عروسة برجلك اليمين ☺️نورتي حياتي يا نبض قلبي 🥰
طبعا ياسين و اميرة و بدر و حنان متجوزين قبل كدة مش محتاجين شرح و تفصيل بس المشكلة في المجانين خالد و سحر
في جناح خالد
فور أن اغلق الباب خلفه اقترب منها و هو يحاول أن يحتضنها قائلا : أخيرا بقينا لوحدنا يا قمر 😘..
ابتعدت قليلا و هي ترتعش ارتعاشة خفيفة دون إن يلاحظها
-لوحدنا ايه ...انا لسة هأدخل حمام و افك الدبابيس من التسريحة و الطرحة و ...
خالد و هو يقترب ثانية : فين المشكلة... اساعدك 🥰
قالها و هو يدفن رأسه في رقبتها و هو يستنشق رائحة شعرها بإدمان
-احم ...لا مفيش داعي تتعب نفسك. ...انا هأعرف أضبط كل ده و لما أجهز هأبقى اطلع
قالت جملتها و ما كاد ان يجيبها حتى كانت قد انفلتت من بين يديه و دخلت الحمام و اقفلت على نفسها بالمفتاح .
خالد : الله !! دي جريت بجد !! استني يا بنت المجن"ونة ! طب افتحي....بتقفلي ليه محدش غريب ..ده انا جوزك!!
يا عم بأكلم مين انا ! 😟 يالا ...أغير هدومي انا كمان و أستنى أصلا انت استنيت كثير يا خالد مش هتقدر تستنى 10 دقائق يعني😕
بعد ساعتين 🙄😂
خالد: يا سحر حرام عليك، إنتي مستخبية في الحمام من ٣ ساعات لو كنت السواق بتاعك مكنتش هتلطعيني اللطعة دي !
-عملت ايه يعني ؟ بأضبط نفسي مش لازم تكون جاهزة عشان اول ليلة !؟؟
قالتها بتصنع القوة لكنها في الواقع كانت تمسك بقلبها بقلق
فبعد أن أغلقت الباب خلفها، وجدت نفسها واقفة في الحمام ، قلبها ينبض بسرعة، وعقلها مشوش بسبب أفكارها المتناقضة. كلمات حنان ما زالت تتردد في أذنيها: سيبي نفسك لخالد، لا تعانديه ولا تناقشيه ، استسلمي للحظة... الليلة هي بداية كل حاجة حلوة ما بينكم..اسيبله نفسي ازاي 😟 و انا كل ما افتكر اللي هيحصل نفسي تلعي و يقري يغمى عليا 😫
كان خالد واقف قدام الباب عينيه عليه لكن قلبه كان عندها جوة... حس بتوترها، بس حس بأنها محتاجة وقت ..عشان كدة حب يقلب الحوار لهزار يمكن تفك شوية فأجابها بتهكم
خالد : مش فاهم ايه المانع انك تفتحي و تضبطي نفسك و انتي معايا اهو بالمرة اساعدك عشان تخلصي بسرعة
-لا يا شاطر العب غيرها
-ألعب غيرها ايه؟! هو احنا بنلعب بابجي يا سحر؟ دي ليلة دخلتنا يا روحي !!😱
-طب ينفع تغير الاسم ده احسن بيجيلي تلبك معوي كل ما سمعته 🥺
-طب ينفع تقفلي على نفسك في الحمام في ليلة بطولة الاهلي يا روحي ؟ 😬
-بتتريق حضرتك !!😮💨
-اعمل ايه !! مش احسن ما أتجمد !!
-اي دخل ده ف ده!!
-الدنيا برد هنا يا سحررر خلي عند اهلك دم و افتحي
-انا عندي دم غصب عن عين الثخين...و بعدين انت هتحور عليا !! ده احنا في الفور سيزونز برد ايه اللي بتتكلم عليه ده ؟؟
-ايوة اديكي قلتيها احنا في الفور سيزونز بس الوقت دلوقت شتاء
-بس انت مش عالرصيف يا خالد .. ده جناح يعني مجهز من كله
-ايوة بس انا قصدي الجو برد من غيرك.
-برد من غيري ازاي يعني !
ثم همست بصوت منخفض
معقولة شحط زيه مستنيني انا اللي عاملة زي العصفورة قدامه عشان أدفيه ؟؟اومال كنت بتتدفى ازاي قبل 34 سنة 😏
-سمعتك على فكرة و هتتعاقبي على كلمة شحط دي 🙄
-يا ساتر !! و كمان خفاش!! 😱
-و سمعت دي كمان... و كلمة زيادة يا سحر هأكسر باب الحمام و ادخل ..ولا أقولك انا هأحسب لغاية 8 و أكسره
-هي مش كانت عشرة؟
- مستعجل ...عندك مانع!!
سحر:يوووووه ... بقولك مش قادرة يا خالد! حاسة بتوتر و خايفة مش عايز تفهم ليه ؟؟ محتاجة شوية وقت كمان ! 😟
خالد : اكثر من ثلاث ساعات !!
-هو انت هتحسبلي ؟ المهم الوقت اللي احس نفسي مرتاحة اطلع خالد بتعب ،: طب حاسة بتوتر و خايفة من ايه بس !!!
ثم قال بصوت منخفض نسيبيا
- ده أنا اللي المفروض أخاف اني هعيش معاكي
-ليه بقى شايفني بعبع !!! 😤
-هو انتي سمعتيني !! عموما أهو ..عشان ده ..عندية و بجحة
سحر بغضب: انا عندية و بجحة!! لما انت مش طايقني و فيا كل الصفات الوحشة كنت بتتجوزني ليه ؟؟😤
خالد عشان بحبك يا بنت القرعة 😤.. و بعدين خايفة من إيه؟ إحنا هنعمل حفلة بسيطة خالص الليلة، وبكرة نروح شهر العسل بقى و افسحك و اشتريلك حاجات كثير و اكلك ايس كريم كثير و أعملك اللي انتي عايزاه
-ايوة أضحك عليا 🥺
! نفخ بتعب ثم قال : طب قصره... محتاجة وقت قد ايه 😏؟ عشان اعمل حسابي يعني
-تعمل حسابك ازاي ؟؟
-يعني ...يمكن انام لي اربع خمس ساعات على ما تلحقي تضبطي نفسك في الحمام 🙄
-هو انت هتقعد تتريق كدة طول الليل؟؟
-مش احسن ما اموت بحسرتي ؟! أكيد الناس التانية كلها نامت الا احنا ...
-لانهم متجوزين قبل كدة عرفت دلوقت ليه؟
-صح انا الوحيد ما بينهم اللي لسة ما دخلتش دنيا ...يبقى أكيد الناس كلها باصالي في الليلة دي .. لالا...فيه وحدة بس هي اللي باصالي ..
- لو قصدك ماما فاسمحلي اقو...
-مين جاااب سيرة امك دلوقت !!!
ثم همس لنفسه: مكانش ناقصني في الليلة دي غير سيرة فاتن النكد
نظر الى صينية الطعام و قال لها بحسرة : انا مش صعبان عليا غير السي فود القمر ده اللي برد ..يا ريتني اتعشيت لوحدي بدل ما انا ملطوع كدة جنب باب الحمام ساعتين زي ال... ولا بلاش🙄😥😔
همست سحر مع نفسها بضيق: و النبي ما مخوفني غير صينية السي فود الز"فت ده 😓 ...يعني مش مكفيني انه قليل أدب خلقة !! يالا ..ربنا يسترها ..😓
ثم قالت : اهو انا أصلا مش طايقة ريحة الصينية دي خالص و لا عايزة اشوفها بالمرة
خالد بضحك: ايشمعنى !!
فكرت سحر ثم قالت : احم ...هو كدة ..انا مش بطيق اي حاجة من ريحة البحر ..
همس خالد في نفسه : ليكون اللي ف بالي صح !! اااه يا بنت الصايعة؟؟ لا بقى ده احنا جامدين و لا يهمنا من الكلام ده و مش محتاجين سي فود ولا غيره 🙄😂
ثم خاطبها من الخارج بمزاح : بصي يا اميرتي ..انا عندي الحل... إنتي تخرجي وأنا هأطلب لنا بيتزا و بيبسي، ونحتفل بأغرب ليلة دخلة في التاريخ و الجغرافيا كمان قلتي ايه ؟
سحر بدهشة : بيتزا؟
خالد : ايوة بيتزا يا مفترية.. احسن ما انام للصبح جنب الحمام على لحم بطني
سحر: (بتردد) طيب انا هأطلع ، بس توعدني ما تضحكش عليا !!
خالد : اوعدك ...اطلعي بس يا مغلباني
بعد عشر دقائق
فتح باب الحمام أخيرا ...و بعد استجماع شجاعتها خرجت سحر ثم تقدمت بخطوات هادئة نحو خالد،
شعرها المموج اصبح اليوم مسرح بشكل ساحر كان طويلا ينساب خلفها و كانت ترتدي قميص نوم أسود قصير يبرز لون بشرتها البيضاء و تحاول اخفاء جسدها بيديها بحركة عفوية مترددة
بقي واقفا في مكانه بذهول من منظرها غير المعتاد بينما
قالت بصوت منخفض، يحمل شيئًا من التوتر: خليك فاكر انت وعدتني انك مش هتضحك
خالد بهيام : أضحك ايه بس هو انتي شفتي نفسك في المراية !!
ارتعبت لوهلة و توجهت الى المرآة و هي تقول بقلق: ليه ؟! هو فيه حاجة مش مضبوطة ؟؟ قالتها و هي تنظر الى نفسها من كل الاتجاهات
كان يراقبها بشغف ثم اقترب منها تدريجيًا. مسح بيده خصلات شعرها التي تساقطت على وجهها، ثم تحدث بنبرة هادئة وحنونة:
-سحر انتي حلوة اوي ، انا اللي حقي أخاف ...
حمحمت بخجل : ليه ؟؟
اقترب من اذنها : خايف ما أقدرش على ام جمالك ده كله 😍
ابتسمت بخجل بينما اكمل : حبيبتي الليلة دي بداية جديدة لينا، وأنا هنا علشان أكون معاكي ب قلبي قبل جسمي🥰
مسك إيديها بين إيديه وكمل: "مش محتاجة تخافي من اي حاجة و انا معاكي ..عايزك تبقي مرتاحة.عالاخر .. و تحسي بحبي ليكي و بس
سحر اللي كانت حاسة بحرارة إيده على إيدها، ابتسمت بخجل، رغم الارتباك اللي كان مالي قلبها.
وضعت سحر رأسها بإحراج : بصراحة .... انا مش خايفة منك انت ...
-اومال ايه ؟؟
قالها بتساؤل
-انا ...انا خايفة مكنش في مستوى توقعاتك
-ايه اللي انتي بتقوليه ده يا روحي؟؟ انتي أكتر من أي توقعات ، إنتي سحر ...اسم على مسمى ..إنتي بنت قلبي اللي اخترتك عشان تكملي معايا حياتي....انا مش عايز الليلة غير حب و بس ...لا خوف ولا غيره
قرب منها أكتر والمسافة بقت بسيطة جدًا، لدرجة إنهم بقوا سامعين نفس بعض. "مش هنستعجل في حاجة ...كل حاجة هتحصل وقت ما تكوني جاهزة، وأنا معاكي طول العمر مش لليلة و بس .... المهم انك تكوني مرتاحة معايا ...ده كفاية
سحر بتوتر : مش يمكن يجي يوم مثلا و تسيبني او تزهق مني؟
خالد : ايه الكلام العب"يط ده !! حد يسيب روحه ؟؟ أكيد مش هسيبك أبدًا...
احتضنها بحنان و راح يمسح على شعرها الى أن استكانت بداخل احضانه ...و زال عنها كل التوتر ...في تلك اللحظة رن هاتفه
-مين هيتصل بيك دلوقت ؟؟ 🤔
قالتها سحر بشك
ابتعد عنها قليلا ثم إجاب على الهاتف : طيب جاي حالا
اقفل وسط دهشتها و ما إن هم بالتوجه نحو باب الجناح حتى قالت بدهشة: رايح فين الساعة اثنين الصبح !!
خالد بضحك : كويس انك عارفة انها اثنين الصبح يا ظالمة
البيتزا وصلت رايح اجيبها
-بيتزا !!! انت طلبت بيتزا بجد !!! 😳
-اومال اسيب مراتي من غير عشا؟؟ مادام السي فود مش مطمنك خلينا نطفح اي حاجة المهم اسكت عصافير بطني المسكينة ..
غمز لها بمكر ثم قال : بس بعد البيتزا مش عايز اي اعذار ...
سحر بتوتر : مش فاهمة ! 😥
نفخ بزهق - قصدي هنطفح بيتزا و نشرب بيبسي و نتخمد على طول ...بشرط انك تنامي في حضني ..يناسبك البرنامج ده !!
ابتسمت سحر ببلاهة: اووووي 🥰
-ماشي يا سحر ...بس افتكري اني عملت لك سهرة ما حصلتش في افخم أوتيل و أعظم سفرة سيفود و صرفت دمو"ع و د"م عليها بس انتي بوظتي أم الليلة
-انت هتمنن عليا من دلوقت يا خالد ؟؟
-لا طبعا ... بس اوعي تندمي و تعيطي لما تفتكريها بعد عشر سنين في عيد جوازنا العاشر.
-مش هاندم ...يالا هات البيتزا بقى
(ع'بيطة اوي سحر )🙄😂
بعد شهرين
انتهت حضانة التوأم و عاد بدر و اسرته الى منزله بعد ان كتب كتابه على هناء التي كانت ممتنة جدا لاقتراح حنان لدرجة إنها وفت بوعدها لهما و رضيت بيوم واحد في الاسبوع ..فكل ما كان يهمها هو ان تخرج من سيطرة اخوتها من جهة...و ان تكون بالقرب من بدر و البنات من جهة اخرى .
عاد كل من خالد و ياسين الى كندا بعد شهر عسل دام عشرون يوما قضاها ياسين و اميرة في باريس ثم الملديف و خالد و سحر في ألمانيا و ايطاليا و اليونان ...بينما عادت أم أحمد رفقة ابنها و عائلته فور انتهاء الزفاف و هذا من اجل ادارة أمور القصر في غياب ياسين .
أخيرا وافقت نانسي على الارتباط رسميا بإدوارد و اعلنا خطوبتهما بعد شهرين من التعارف .
فاتح حسام بدر في موضوع خطبته بعد ان رحبت عائلته كثيرا بفكرة ارتباطه بسلمى و اتفقوا على زيارتهم بعد مهمته القادمة التي ستدوم شهرا.
في قصر ياسين
اميرة في الحمام تمسك بطنها بحب هي تنظر الى ذلك الاختبار الذي تمسكه بيدها بسعادة غامرة
-أميرة...
كان هذا صوت أم أحمد القلق من الخارج
-ايوة يا ماما ...
- يا حبيبتي الفطار زي ما هو من ساعتين ..مش هتاكلي بقى الساعة عدت عشرة !!
-مش عايزة يا ماما ارجوكي تشيليها
-ايه الكلام العب"يط ده !! مش عايزة ازاي ..
-مش عايزة الاكل ده ارجوكي تشيليه
-طب عايزة تاكلي ايه و انا اعملهولك
-عايزة كبدة اسكندراني يا ماما ☺️
أم أحمد بتعجب -دلوقت ؟؟ 😳
خرجت اميرة من الحمام و هي تعيد طلبها و عيناها تلمعان بفرحة: ايوة كبدة اسكتدراني و زودي الشطة .😊
-كبدة و شطة عالصبح !! لا بقى ! افهم !! ده انتي حتى عمرك ما كلتي شطة !!
اخرجت اميرة الاختبار من خلفها و وضعته أمامها قائلة : مش انا اللي عايزاها يا ماما ☺️
تجمعت الدموع في عين أم أحمد قائلة : اميرة انتي ..
اميرة بحب: ايوة يا ماما ☺️
احتضنتها بحب و هما تذرفان دموع الفرح
-ألف مبرووووك يا روووحي ....يا ريتني أقدر ازغرط 🥰
-لااا اوعي ...ياسين ما يعرفش عايزة اعمله مفاجأة
-طب انا هأروح بنفسي اشتريلك اللازم و ارجع على طول مش هأطول
-ما تبعثي وزير يجيبها !
-لا مش هيعرف البهارات اللي انا عايزاها. ..يالا مش هأتاخر
اميرة بحب : طيب يا ماما ☺️
غادرت أم أحمد و جلست اميرة في المقاعد الرخامية لحديقة القصر الخلفية تمسك بيدها كتابا في انتظار ياسين الذي وعدها بالحضور مبكرا بناءا على رغبتها ...
كانت تنتظر بشوق و حماس لتفاجأه بأجمل خبر ينتظرانه
فجأة شعرت بلمسة حانية على وجنتها
التفتت لتجده قد انحنى عليها يقبلها من وجنتها الناعمة بشوق ثم جلس بجانبها و هو يقول : اتاخرت عليك ؟؟
-لا أبدا ..في معادك 😊
-وحشتيني يا روحي 😊
اميرة بخجل: انت كمان حبيبي
كانت تفكر في الكلمات المناسبة لتخبره لكنه باغتها و هو
يمسك وجهها بكفيه قائلا ؛ عارفة امنيتي دلوقت ايه ؟؟
اميرة بوله: ايه ؟
ياسين بعشق: بنت شبهك كدة 🥰
اميرة بحب: قول يا رب ☺️
ياسين : يا رب ترزقنا
فهمست بعبث: دلوقت
رفع حاجبه بتعجب: مش فاهم؟
- أمنيتي ربنا يرزقنا دلوقت 😊
غمز بنبرة عابثة: طب يالا بينا
اميرة ببلاهة: على فين ؟
نهض ياسين من مقعده و هو يرفعها من خصرها في الهواء محتضنا إياها و هو يقول : هأحققلك امنيتك
شهقت اميرة بمفاجاأة من فعلته و قالت ضاحكة: ياسين نزلني يا مجنووون ! كنت باهزر 😂
لم يستمع لكلامها و في خلال لحظات كانا في غرفتهما
انزلها الى الارض و هي تضحك هامسة مرة أخرى
-و الله كنت باهزر صدقني
-معنديش هزار في المواضيع دي انا 🙄
ثم اقترب منها و قال بمكر: و بعدين مكانش واضح أبدا انك كنت بتهزري من شوية ؟🙄😉 بدليل قلتي عايزة دلوقت من غير ما تضحكي 🤨
لترفع ذراعيها طول رقبته و هي تهمس بالقرب من اذنيه بنبرة خجولة: انا كان قصدي دلوقت على حاجة تانية بس انت اللي دايما دماغك شمال
رفع حاجبه بتساؤل لتردف هي بسعادة: قصدي ربنا رزقنا دلوقت يا حبيبي
ياسين بذهول : يعني قصدك ....
اميرة بحب : انا حامل...اتأكدت النهاردة 🥰
-يا الله !!!! يا رزاااق يا كريييم 😍
اغرورقت عيناه بالدموع و سجد شكرا لله ثم ضمها الى صدره بعناق رقيق يحمل مشاعر متنوعة من شدة سعادته
زوجته و حبيبته حامل ...هذا أسعد يوم في حياته !!
-الف مبرووووك يا روحي دلوقت بس اكتملت سعادتي 🥰
-نسيت أقولك
ياسين بسعادة بينما لا يزال يحتضنها : ايه يا روحي
-ما تنساش تتصل بصاحبك تبارك له هو كمان ☺️
اخرجها من حضنه متسائلا : صاحبي ؟؟
فقالت بسعادة : ماهي سحر كمان حامل ☺️.
تمت بحمد الله
لقراءة جميع فصول الرواية من هنا
وايضا زورو قناتنا سما للروايات
من هنا علي التلجرام لتشارك معنا لك