رواية حوريه في قلب الليل
الفصل الرابع والعشرون 24
بقلم ميفو السلطان
كانت حوريه قد انهت حمامها لتكتشف انها ليس لها ملابس في الحجره تنهدت وبحثت عن البرنس لم تجده لتنادي ليل... ليل من فضلك هاتلي البرنس او اي حاجه انا هدومي تحت.
قام يبحث فلم يجده ليحضر لها تشيرتا له كبير الحجم ليعطيه لها.
هتفت... ايه ده هلبس ده دا كبير قوي.
هتف... البسي يا حوريه من سكات اني مش هنزل تحت اجيب زفت.
هتفت.. طيب طيب ايه ده بتخانق دبان وشك يا ساتر. لتنتهي وتخرج خجوله كانت جميله رائعه.
التفت ليتسمر من جمالها تنهد... دا غلب والله غلب.
خرجت خجوله هتفت.. انا عايزه انزل اجيب حاجتي من تحت.
هتف... لاه ماهتجيبيش حاجه.
قطبت جبينها و حزنت لتهمس... هو مجنون هو كل شويه برأي.
وجدها انكمشت ليهتف.. ايه تاني مالك يا مراري يا بنت الناس تعبت والله تعبت دا ليله ايه الطين دي. الصبح سواد وبالليل سواد.
هتفت..... انا جيت جنبك ايه انت مابتعرفش تقعد من غير خناق.
هتف.... كتر خيرك انت بتعتجيني ..تنهد ...مش كتي داخله رايجه متصالحين خارجه تنكمشي ليه انت هبله.
انفعلت...... انا اللي هبله والا انت اللي ملبوس ايه ده انت عايز تجنني صح.
هتفت.. اني اجننك امال انت عايزه ايه تطلعي علي خرجتي من حصرتي مالك مكموشه ليه
تذمرت.. مفيش مش هقولك انا.
هتف.. طب اهرب منيها اه اهرب اروح اتعالج وارجع انجهر وارجع اهرب تاني... قام وشدها اليه قطبت ....هتفت... طب عامله ميه وحداشر ليه اني نطجت .
رفعت عيونها كانت تلمع فهتف.... يا مري ليه طيب.
هتفت.... مفيش انت انت..
احتضنها.... اني ايه يلا الله يباركلك احدفيهم في وشي خلي الجلطه تيجي ونخلص.
غضبت وهتفت.... مش انت قولت مش هنزل انام تحت.
هتف.... ايوه جولت ايه حوصل.
صرخت.... امال بترجع في كلامك وماهجيبش هدومي ليه عايز تقعدني تحت صح مش طايقني انت ملبوس و عايز تتعالج.
اقترب يشدها ويحملها صرخت.... ايه ايه والله اموتك هتنزلني كده يا قليل الادب اوعي البس وانزل مش عايز اقعد معاك لتكون فاكر اني عايزه اوعي عيب.
لتتفاجئ حينما دفعها علي الفراش صرخت نزل عليها وركن بهتت ..هتف مشتعلا.. اكتمي ماشي اكتمي بقه يا حوريه انا هموت في يدك سيبيني اهدي بقه انت اشترتيني نازله حرج فيا ارحمي امي يا شيخه. انحني وضع راسه في حنايا شعرها وضمها بقوه لتتململ بخجل.
همس بتحذير.... جولت اهمدي ظل فتره يتلمس جسدها دخل الهدوء اليه رويدا رويدا ليبدا في تلمسها بحنان ويغوص في شعرها.
همس.... اروح فين جلبي مهري بره وجوه كتير عليا اكده رفع وجهه.
همس... اعجلي واكبري الله يخليكي اني كتير عليا ايه متجوز عيله بتغضب ولا بتفهم.
همست باشتعال... مش انت اللي قولت ما هتجبش هدومي.
تنهد.. اه دلوك هنام عشان تعبت والله تعبت. لتتنهد.... الله ماتقول من الاول. طب خلاص وسع بقه ونام ابعد عيب. كده.
هتف.. حوريه اسكتي الله يكرمك انت حرقتي جتتي سيبيني اهدي انت انهارده خلصتي علي ليل الرفاعي من عمايلك.
تنهدت.... مانت اللي وحش.
ضحك.. تاني يا غلبي هو مافيش غير انت وحش انت وحش. طب يا ستي حجك عليا ها فيه مرار تاني.
هتفت.. يعني مش هتقول تاني حاجات وحشه وتزعلني وتقول شفقه وثواب.
ضحك... لاه ماهجولش والله ماهجول ماجولتلك مرتي وتعملي ما بدالك.
ابتسمت... خلاص عفوت عنك يلا ابعد بقه.
ضحك... اكن عفوتي عني وابعد لاه داني هرشج بمنظرك ده وانت جمر اكده.
خجلت.... اوعي عيب بقه.
اقترب من وجهها لتشتعل نظر اليها بهيام ....عيب ايه بس.. انا حجي اتهني شويه بعد عمايلك فيا والله ماني ليل ولا حد هيعرفني باللي بعمله ده.. اقترب يتلمس وجهها ويجوب بشفتيه عليها لتذوب خجلا.
همس..... جمر تاخدي العجل انت حلوه جوي وناعمه ايه ده وريحتك تخلع الجلب.
رفع وجهه كانت هيا ساهمه حالمه من كلامه ليهمس.... بتبصيلي ليه اكده ماجادرش اتنيل اجمد اني خلاص والله خلاص هتهبليه عارف لينهال عليها يذوب معها لتنساب بين يديه وتصبح حالمه .احس باستجابتها وشدد عليها ويتوه معها ظل ينهل من جمالها وهيا ذابت ومشاعرها تعلو تلمس قلبه لتحاوطه احس انه سيجن وبدات رغبته تعلو احس انه سيتخذها زوجته كان لا يقدر ان يوقف رغبته فيها.
انتفض عندما سمع صريخا بالباب تحكم في نفسه نظر اليها وجدها حالمه ما زالت معه في خيالها احس بالقهر... منك لله يا لؤلؤ هتخلصو عليا اروح فين بحصرتي. قبلها قبلات متفرقه ليهمس... حوريه حوريتي فوجي اختك بتصوت جايه تعض فيا اصلي لازمن اكمل مرار.
لتفوق لنفسها وتنتفض لتنكمش بعيدا خجوله مما حدث.
قام ورتب حاله وفتح الباب.... لتندفع لؤلؤ تصرخ... انت ايه ماعندكش دم مافيش خالص انت جايب الجبروت ده منين.
دخلت لتجد اختها جالسه وجهها احمر ويبدو عليها الخجل فهمت ماكان يحدث لتشتعل اكثر..... انت واحد قادر وفاجر ليه.
ذهبت لاختها تشدها من شعرها... انت يا زفته ماعندكيش كرامه بتشتغلي وتجيبله فلوس مش جاسر قالك هيتزفت يصرف وايه قله الادب دي انت هتجلطيني اخش اتنيل انام تسحبي من ورايا واصحي الاقيك عامله نصيبه ثم انت ازاي تخليه يقرب منك. والله اموتك في ايدي لو قرب منك انت فاهمه هزت حوريه راسها بخوف.
اندفع ليل ومسكها يخرجها.. يدك عن مرتي.. بصي بقه.. انا جبت اخري وتحترمي نفسك وتكلميني كويس اختك اللي متخلفه وراحت اشتغلت من ورايا. انتو جوز مهابيل مصاريف ايه اللي ليل يتكلم فيها. ليل الرفاعي مش واطي ولا عويل عشان يشغل مرته فاهمه مرت ليل عاليه جوي تصرف ما بدها حطي دي حلجه في ودنك واعجلي وبطلي حرابه اختك طيبه بطلي توزيها دا مرار ثم دفعها خارج الحجره واغلق الباب.
وقفت مشتعله لتستدير وتذهب لجاسر وتهتف.. اكن انا اقلك تقول لليل يعاملها كويس تروح تقوله يعاملها شفقه انا اختي يعاملها شفقه وتقعدوها في وسط القرف دي اخرتها ياسي جاسر.
بهت من غضبها.. لاه اني ماجصدتش اكده ووسط دار ايه اللي هجبل انها تجعد فيه لاه والله ماجصد اقترب منها وهتف ....انت زعلانه ليه اني جولتله زي ما طلبتي هو اللي طور
هتفت حانقه.... يقوم ينطح اختي ويقهرها وتسمع كلام زي الزفت انتو وحشين ليه كده
شعر بالحزن.. بقي اكده انا بعمل عشانك واخرتها تجولي اكده دانا مابسكتش عشانك جلس حزينا.
رق قلبها فهو فعلا يقف بجوارها تنهدت وجلست بجواره خلاص مش قصدي ماتزعلش. تنهد لتهتف... خلاص بقه ماتبقاش وحش انا بس مقهوره عليها.
هتف.... يا سلام يعني اجف لاخويا واخرتها اطلع وحش.
ابتسمت فهو فعلا يقف لاخيه من اجلها هتفت..... خلاص بصالحك اهوه.
اشار الي خده لتبهت وتتراجع هتفت..... ايه ده انت هتسوق فيها.
ضحك.... ايوه ولو ماخدتش هخاصمك واسيبك ليهم بقي تنطحو بعض وعمتي ماحدش يجدر عليها الا ربنا.
قام لتشده.... استني بس لا بتقول ايه جلس لتتشجع وتهتف.... طب غمض عينك.
ضحك.. اغمض عينه لتتشجع وتقترب منه شعر بانفاسها استدار مسرعا يلتقط شفتيها في قلبه حارقه هام بها لتنتفض بين يديه.
دفعته وهيا محترقه ليبتسم.
هتفت بخجل ... بطل قله ادب الله هو انت استحلتها.
ضحك.. اه والله حاجه اخر عسليه.
تنهدت ليهتف... كت بتخانجي ليل ليه يا بت هيمد يده عليكي وتجلب حريجه ليل مش زيي صابر عليكي عشان اللي جواتي.
نظرت اليه.... جواتك ايه جواتك.
اقترب يحتضنها... يا مري داني جواتي كتير نفسي اطلعه بس تسيبيني اطلعه.
اشتعلت من نظراته لتهتف... بطل احنا أصحاب.
ضحك... اه صاحب والع ومحصور اجول ايه بس.. بس اني مش مستعجل كفايه الجمر رايج وبيبصلي بعنيه الزرجه وماعدتش بتجلب رمادي معاي لتخجل هيا.
هتف.... يا لؤلؤ جاسر مش ليل. ليل واعر وجاسي اهدي بالله عليكي دا اخوي برضك عامليه كويس عشاني.
تنهدت فهو يفعل من اجلها الكثير هتفت.. خلاص هحاول عشانك. شدها وقبل خدها تسلمي يا جلب جاسر تعالي بقه اركبك الفرس تحت.
هتفت.... بالليل كده.
هتف.. هو فيه احلي من الليل ونجومه ونسمه الهوا شدها ونزل بها سعيدا.
عند ليل ما ان قفل الباب استدار ينظر لزوجته كان شعرها مشدودا تنهد.... منك لله يا لؤلؤ محصور كنا في حال.. تنهد... اهدي واهمد انت اهبل البت هبلتك ..اقترب لتبتعد هيا هتف فيه ايه بتبعدي ليه.
هتفت..... بطل عيب هتقل ادبك ولؤلؤ هتسخمط عيشتي.
اقترب وشدها.. طب اكتمي بقه بدل ماسخمط عيشتك وادور اسخمط عيشه لؤلؤ بتاعتك نامي.
همست.... طب ابعد مالك مكلبش فيا كده. انا مكسوفه كانت ترتعش. ميفو السلطان.
تنهد... مالك بتترعشي اكده. شدها ورفع وجهها لتخجل ولا تنظر اليه هتف.. ماريداش تبصيلي دا اني حاسس اني محصور.
همست..... لا بطل انت بتعمل عيب.
هتف بغلب.. اعمل عيب هو اني عمري هشوفه.. تنهد وابتسم.. طب بصيلي طيب. ليهمس..... ايه وحش جربي يا حوريه.
تنهدت لتصل تنهيدتها الي قلبه همس.. جولي يا حوريه.. جربي لسه وحش.
همست..... مش عارفه اقول بطل.
ضحك ....خجلانه اياك.... لاه عايز اعرف.
همست... لا يعني يعني مش وحش .
هتف بلهفه... طب حلو طيب. جربي بيفرحك يا حوريه.
تنهدت وهتفت..... مش عارفه يا ليل.. ساعات احس ان قربك حلو ساعات لما بتبقي رايق بشوف دفا في عيونك بحس ساعات بالامان...همست بحزن ... ...وساعات تانيه بحسك في عالم بعيد بتحارب لوحدك جواك حاجه بتبعدك مش عارفه.
تلمسها بحنان.. غصب عني يمين بالله غصب عني.
همست.. طب ماتخليك حلو علي طول انا مش هعمل حاجات وحشه تاني.
تلمسها.... طب بصيلي بقه.
همست..... لا مكسوفه منك ولؤلؤ هتعرف وتموتني.. ابتعدت... وابعد بقه انا خايفه من لؤلؤ.
شدها من حرقه جسده..... طب نامي بقه بلا لؤلؤ بلا طين . لتتململ جولت نامي وعدي يومك بقه دا ايه الحزن ده..
نامت مسرعه تنهد وظل يمسد عليها هاتفا.. طب انام ازاي دلوك دانا شايط تاخدي العجل لمستك تاخد العجل ايه جمالك ده انا دوبت يا حوريه ليل الرفاعي تاه في شفايفك دول ليتلمسها بقهر انام ازاي طيب نفسي ارجع تاني اتوه فيكي دي كت هتبقي ليله تاخد العجل. اني بايني انهبلت. ظل يتلمسها حتي نام اخيرا من فرط عنفوانه فيها.
مرت الايام علي ليل تكويه فقربها يشده تتغلغل بداخله بطيبتها وحنانها كانت طفله حنونه متسامحه ما ان يغضب وينهرها حتي تعود وتسامحه عن طيب خاطر حاول ان يرمح بعيدا ولكنه لم يقدر ليلين لها شيئا فشيئا لتسود ألفه بينهم. ويصبح لينا بشكل لمس قلبها قربها اكثر واكثر وساد البيت هدوء فزوجه عمه ابعدها عن زوجته. اما هيا فكانت كالطفله التي وجدت رفيقها. بدات هيا في التعود عليه والالتصاق به وبدات شخصها يقوي قليلا من عنفوان زوجها وبدات في الانفصال قليلا عن اختها والالتصاق بذلك الذي صب عليها حنانا لا يعلم من أين اتي. فليل بداخله حنان كبير لم يعرف وجوده ولم يخرجه الا بوجود تلك الجميله. لتسود الايام هادئه جميله وياتي الليل بجماله ياخذها في احضانه لتندس دائما في ثنايا قلبه نبض قلبه بقربها ولا يحتمل ان ينام الا وهيا في احضانه.
اما جاسر ولؤلؤ فقد توطدت العلاقه بينهم بادعاءه الصداقه ولكنه كان يتغلغل بداخلها ويعطيها الامان والسند لتركن اليه وتحس انه يستحق قربها لتمر ايامهم بهدوء وتهدا لؤلؤ ولا تتشاجر مع ليل من اجله ليهدا البيت يوما بعد يوم ولكن هناك من بالبيت الذي لا يريده الا ان يكون نارا عليهم.
اتي يوم دخلت لؤلؤ علي حوريه وقبلتها لتهتف.. اتعشيتي يا مزتي.
هتفت حوريه.. لا مستنيه ليل.
خبطتها لؤلؤ... مالك بقيتي نحنوحه كده مع زفت الطين.
قالت حوريه.. بطلي.. بقاله اسابيع طيب وحنين وبطل يزعق فيا.
هتفت لؤلؤ.. من امتي دا واحد جاحد ومالوش امان. خافي علي نفسك يا حوريه مش كل اما انام والا اخرج مع جاسر ارجع الاقيه عامل فيكي مصيبه.
قالت حوريه.. لا هو مش بيعمل دي مرات عمه الشريره وهو بدا يدافع عني كتير وبيقفلها ويبعدني عنها.
هتفت لؤلؤ... انت واحده معاقه وطول عمرك بتصدقي الناس انا غلطت لما قفلت عليكي من خوفي بقيتي تتصرفي زي العيال الصغيره بس كان غصب عني كنت أخاف اخرج ارجع الاقي حد عامل فيكي حاجه.
احتضنتها حوريه.. انا اللي اتربيت غلطت وبقيت مختلفه عنكو وعارفه اني مختلفه ممكن اكون عبيطه او مش بفهم زي الناس بس ليل بيحاول معايا عشان ابقي زيكو بيساعدني كتير ويتكلم معايا كتير وياخدني في حضنه ويعاملني بالراحه.
خبطتها لؤلؤ.. حضنك قطر.. مين ده اللي بياخدك في حضنه.. انت يا بت انت مالك واقعه كده ابعدي عنه وخلي بالك من قلبك.
تنهدت حوريه.... ماعرفش ساعات بحس اني مبسوطه معاه وبدات ابطل اخاف منه من حنيته.
هتفت لؤلؤ..... مين اللي حنين ليل.
تنهدت حوريه.. اه يا لؤلؤ. ليل جواه حنيه الدنيا بس اتربي صعب. انا حاسه اني بقيت جواه وانه بقي بيلين عشاني وعايز يراضيني بس هو اتربي بطريقه توجع. انا وهوا تحسينا اتوجعنا ولما نتلاقى كل واحد دوا للتاني. هو قاسي وجامد وقوي ده هيعلمني ويكبرني صح ويعرفني الدنيا. وانا طيبه وهبله وبسامح وده هيلين قلبه. ليل حنين وانا لامساه من جوا.
تنهدت لؤلؤ.... مش عارفه اقولك ايه... بس بجد انا مابحبوش ولا بطيقه وبحس ساعات عايزه اموته.. نفسي اخدك كده وابتدي اديكي كورسات ازاي تعاملي البشر. بحس بذنب رهيب اني عملت فيكي كده وخليتك منطويه وهو بيسيطر عليكي. خايفه من اللي جاي قوي انا ماتعودتش ماسيطرش علي حياتنا خايفه ننوجع.
تنهدت حوريه.. انت جاسر بيحبك قوي هيوجعك ليه.
تنهدت لؤلؤ... عشان انا اتعودت ابقي ضهر نفسي اخاف أركن علي ضهر تاني يجي يوم ويقطمني. يا حوريه انت مش عارفه انا حاربت عشانا سنين ومريت بحاجات انت مش هتفهميها ولا كت بنطق. شخصيتي بقت صعبه قوي. كان لازم اعملك صحبتي واعرفك كل حاجه وافهمك. انما انا قويت وبقيت طايحه لوحدي كل اما اقوي اخاف عليكي واسيطر عليكي اكتر. لحد مانا بقيت جبروت وانت أضعف خلق الله. انا اجرمت في حقك بس من خوفي عليكي. سالت دموعها لتحتضنها حوريه... بطلي انت كنتي بتحافظي عليا انت مفيش زيك. ظلت في احضانها.
تنهدت لؤلؤ وقامت... انا راحه قوضتي عايزه حاجه.
قبلتها حوريه.... لا يا قلبي تصبحي علي خير. لتقوم حوريه وتنزل تقف في الشرفه تتنفس قليلا فهيا تشعر بهدوء ...لها فتره وزوجه عم ليل ابتعدت بأوامر من ليل رغم ان الامر لا يسلم.
كانت حوريه تجلس في الخارج صدح تليفونها لتجده زكريا رفعت تليفونها لتحييه كان زكريا حنونا وهيا طيبه ترد بادب وحنيه سمعتها زوجه عمه لتكن في نفسها الغل صعدت حوريه الي الاعلي ودخل تلبس قميصا من قمصانها كان قصير وعليه رسوم كرتونيه بحمالات عريضه كانت تاخذ العقل جلست تلعب في تليفونها. تنتظر ليل تاكل معه فهيا لا تاكل الا معه.
دخل ليل يسلم علي عمته هتف.... امال فين الناس.
لتهتف.. بيتنحنحو في التلافونات يا سبع الليل.
بهت.. فيه ايه يا مرت عمي.
هتفت... فيه ان مرتك ملبساك العمه وواجفه تتمسخر مع واد عمها وال ايه نحنحه و كركره يلا اهو حزن اسود..
اشتعل ليل... مرت عمي كلامك ده ماهجبلوش اني مرتي ما بتتنحنحش ماشي.
هتفت.. خيبه عالرجاله يا حزني طب براحتك اديني هجطم اما اشوف اخرتها يا سبع.
صعد ليل غاضبا.. كان مشتعلا دخل وجدها هكذا جميله احس بحرق في جسده دخل واخذ ملابسه ورزع الباب وظل بالداخل لتقطب.. ايه ماله داخل زعلان ماكنا حلوين تنهدت لتقوم تتزين وتضع عطرا علي جسدها هتفت.. ربنا يهديه اما اشوف ماله..
خرج اقتربت منه وخبطته.. ايه يا ليو حد يخش كده من غير سلام.
انفعل وهتف.. بطلي ليو دي شايفاني واد مايع جدامك.
بهتت.. مايع.. فيه ايه مانا بقلك كده علي طول.
هتف.... واني مش عايز زفت فاهمه اني ليل الرفاعي.
تنهدت... طيب خلاص براحتك.
صرخ.. انت بتاخديني علي جد عجلي.
نظرت اليه بدهشه.. انت غضبان ليه.
اقترب وشدها.... كتي بتكلمي زكريا ليه هاه عايز ايه وواجفه تضحكي معاه.
بهتت.... انا اضحك معاه.
صرخ.... امال بيكلمك ليه و نازل نحنحه اقترب وشدها.... الواد ده بيلفلف وراكي ليه اروح اجتله واخر مره تكلميه.
احست بالغضب لتهتف.. لا بقه عيب كده انت ايه ده عيب قوي يا استاذ دول خمس دقايق كلمني وقفل بكل ادب ومافيش نحنحات وحاجات وحشه انت اللي دماغك وحشه عيب
صرخ.. خمسه والا عشره ماتكلمهوش تاني دا عيشه مرار.
نظرت اليه بقهر.. حاضر يا ليل مش هكلمه انا مش عارفه انت بتقلب ليه كده انت بتعمل كده ليه بطل بقه وخلاص كل واحد في حاله لا تكلمني ولا اكلمك وبلاش عيشتي المرار يابن الناس حقك عليا لتستدير وتلبس روبها.
اقترب مسرعا يمسكها.... راحه فين طيب ماجصدتش اني كت غضبان.
هتفت.... اوعي والله ماعت هكلمك انا مخصماك ايه ده انت فاكرني ايه يلا خلاص احنا كل واحد في حاله واعتبرني كرسي والا كنبه. اوعي هنزل.
شدها يحتضنها.. خلاص اهمدي بلا تنزلي بلا تطلعي خلاص اني كت كت مابحبش الواد ده
هتفت.. ماله عمل ايه وجاي تقلي حاجات وحشه وتزعق بقالنا اسابيع حلوين بس انت لازم تعمل وحش وانا خلاص مخصماك.
احتضنها.... خلاص اصالحك.
دفعته.... لا مش هتصالح انا مش هبله كل شويه اتصالح اتصالح لا خلاص ماعاتش صلح لتندفع للخارج وتنزل للاسفل.
وقف ليل محصورا.. ....طب راحه فين ماهعرفش اتنيل انام ماكت تمسك لسانك يا زفت عادي انت بس اللي بتنحرج وغيرتك هرت جلبك. اهي اتغفلجت انزل دادي بقه لما روحك تطلع نزل مسرعا.
لتقابله زوجه عمه..... كفالله الشر مالك نازل علي ملي وشك ورا السنيوره سحرتلك. نازل تدادي وتطبطب خيبه عالرجاله يا سبع الليل.
انفعل.. ماتبطلي بقه انت ايه ما بتعرفيش تعدي يوم من غير حرج. خلاص بقه خلصنا بطلي.
هتفت... ابطل... اعدي. لاه داني عايزه الطم واصوت الا ليل الرفاعي بجاله اسابيع بيحايل ويدلع لما البت ركبت ودلدلت. وواجفلي ماجربش منيها. اصل الهانم طاحت. ركبت بنت العتمانيه علينا يا سبع الرفاعيه البت ماشيه تتغندر وراحه جايه عارفه ان البيه بقي دلدول وماشي وراها.
صرخ.... اني دلدول اني ماشي وراها عايزه ايه عايزاني اعمل ايه بتجهريني ليه عشان ترتاحي. ماتسيبيني بقه خلصنا وجفلنا الجصه الغابره دي.
صرخت.... ارتاح هو انا عمري هرتاح جتت عمك اتحللت والدود نهشها وانت بتدلع في جتت اللي جتلوه. يا مرارنا وايامنا الطين بخت كت مت جبل اكده. روح روح الحس جزمتها يا سبع يا دكر جايز العتمانيه تبصلك. جلست تخبط علي ركبها... يا حسره جلباااااي يا مراااي يا حزنك يا مرت سمعان.. ايامي راحت هدر ليل جلب مره.. بقيت مره يابن بدران. جول عشان اعرف الرفاعيه ان ليل بقي مره ولبس طرحه كيف النسوان. يا رب ايه حرجه الجلب دي.
اشتعل ليل.. فتلك الكلمه تحرقه صرخ والقهر ينهشه فهيا تعرفه جيدا وتعرف عقده...... اني يتجالي اكده... اني مره اني مره. طب يا مرت عمي اني بجولك اني ليل الرفاعي لا دلدول ولا ليا في النحنحه اهي عندك اهيه اعملي فيها ما بدك ليستدير ويصعد مهتاجا يتحمل علي نفسه وحرقه قلبه والغل في قلبه من سم تلك الافعى. صعد ودخل يدور مهتاجا.. مره اني مره ليه عملت ايه. هو حرام اعيش زي بجيت الخلج ظل يدور وهو يشعر بالقهر جلس يكبت نفسه كان محترقا من كلامها كان يمنع نفسه الا ينزل لحوريه يعيدها لاحضانه. جلس مقهور يضع يده علي راسه يشعر انه سينفجر.
اما تلك الحرباء الممثله في زوجه عمه والتي ضغطت علي نقط ضعفه فهيا من ربته. لتقف هيا سعيده هعمل هعمل يا ليل وهتشوف لتبتسم بخبث وتتجه الي حوريه وعيونها تتصاعد منها الشرار.
كانت حوريه تقف تحس بوجع لتتنهد.... انت مابتتحمليش تزعلي منه قلبك موجوع تنهدت خلاص هو هينزل دلوقتي وهتصالح خلاص انت بتحبي تبقي متصالحه لتتنهد وتنتظر لتشهق برعب عندما....
ياختااااي حد ينزل الواد من فوق.. ارجع يا حزين.. طب اشرب بقه دانت هتشوف حسره بس اصبر انا هربيك تسيبها تاني 😂😂😂😂😂...