رواية حوريه في قلب الليل
الفصل الواحد والاربعون 41
بقلم ميفو السلطان
كانت لؤلؤ جالسه تهدهد اطفالها وتلعب َمعهم وحوريه تداعبهم ايضا ليمر الوقت وتاتي الخادمه تاخذ الاطفال ظل كل من لؤلؤ وحور جالستان هتفت حوريه.... بت يا لؤلو هو احنا هنفضل زعلانين لحد امتي هنتصالح امتي.
نظرت اليها لؤلؤ بغضب.. انت واحده متخلفه هو ايه اللي لحد امتي انت عايزه تتصالحي انطقي.
خافت حوريه وهتفت.... لا لا بس يعني بسال.
هتفت اختها.... طب ياختي اما روحهم تطلع دا كمان ما بيتلموش وسايبين الحربايتين راحين جايين عالبيت.
هتفت حوريه... وآلله اموته دا بتاعي اوديه في داهيه.
نظرت اليها اختها بغضب.... انا عارفه انك معاقه وهتطيني الدنيا بت انت عايزاكي تعضي في الطور ده فاهمه ابقي اعرف انك حنيتي..
لمحت حوريه شيئا يجري لترتعب وتصرخ.. بت يا لؤلؤ فيه حاجه بتجري تحت الكنبه.
هتفت اختها... اتنيلي ايه الي هيجري.
لتسكت حوريه ثم تصرخ اهوه والله اهوه وليه ديل .
قفزت علي الكنبه لتنظر لؤلؤ ثم تقفز الي الكنبه بجوار اختها وتبدا في الصراخ ..مر الوقت وهما يصرخان يستنجدان بجاسر وليل.
عند جاسر كان ليل منتظرا بسعاده صدح صراخهم انفجر ضاحكا وذهب مسرعا ليدخل الحجره وجد الفتاتان فوق الكنبه.
صرخت حوريه.... ليل الحقني انا خايفه كانت مرتعبه.
اندفع يحملها ويهتف.... فيه ايه يا جلبي. لتتعلق به وتصرخ .... وديني من هنا و النبي انا خايفه موت ليبتسم ويحَملها.
صرخت لؤلؤ.... انتو هتسيبوني.
ابتعد ليل.. عندك جَوزك انا مالي بيكي..
لتشتمه لؤلؤ ....عبوشكلك.
دخل جاسر وقفل الباب لتصرخ ...انت بتقفل الباب ليه..
هتف.... اعمل ايه هنام اني تعبان.
صرخت.... هتنام وفيه فار انت اتجننت.
هتف..... مش فيا حيل اخرجه تعبان.
صرخت.... جاسر والنبي انا خايفه وهموت شيله عشان خاطري.
هز كتفه.... الله مش انت مش طيجاني يبقي ليه بقه بتطلبي مني حاجه اتصرفي وخلع جلبابه َوذهب الي السرير لينام.
صرخت.... انت هتنام وتسيبني اخص عليك انا خايفه.
تنهد يتجه اليها وهتف... تعالي نامي جاري ما تخافيش.. ليمر الفار من وراءه.
صرخت تقفز عليه وتتعلق به ضحك عاليا وهتف... والله الواد ليل ده عسليه.
قطبت... ليل الندل خد البت ومشي وسابني الطور ده. جاسر والنبي مشيه عشان خاطري. هتف... لاه ماهسمعش كلامك انت بتجولي اني ماليش صالح بيكي يبقي خلاص ليحاول ان ينزلها.
تعلقت به وكلبشت فيه وصرخت... لا لا َو الله ابدا دانت حبيبي مش كده اخص عليك.
ضحك... لا والله ايه.
هتفت... اه والله.
هتف... طب بس بشرط.
لتصرخ.... موافقه موافقه.
ضحك.... علي اي حاجه لتهز راسها....هتف.... جولي والله العظيم.
لتحلف له ...قال ....اهه حلفتي يبقي هتنامي في حضني وهاخد فرولايه اتصبر بيها.
خبطته... اتلم بقه بلاش قله ادب.
لينزلها فصرخت... ماشي ماشي..
ذهب الي السرير وضعها وظل يطارد الفار حتي خرح من الشباك.
صرخت.... اقفل بسرعه اغلق البلكونه واتجه اليها وهتف... ليلتك جمر يا جمر يلا بقه.
قطبت جبينها ليهتف... لا انت حالفه ايمانات الله.
هتفت... هصوم تلات ايام يلا من هنا..
رفع جبينه... كنه اكده طيب وذهب الي الشرفه.
صرخت... لا خلاص خلاص َالله والنبي خلاص.
اقترب منها يقول.... ناس مابتجيش الا بالعين الحمرا ..خبطته ليشدها اليه.... وبعدين بقااا مش نتلم بقه وانت طايح وجمر اكده. يلا بقه اهريني بوس.
خبطته.... ماتحترم نفسك.
هتف... اكتر من اكده يا لهوي دانا نشفت من الاحترام.. اقترب من وجهها وهمس.. نسكت بقه عشان هاخد حجي تالت ومتلت وانهال عليها يروي نار قلبه المنكوي وهيا تضربه ابتعد.. يا مراري اجول ايه ماخلاص بقه يا جمر والنبي سماح حبيبي وحشني.
لتذغده... وحشك قطر هو ايه اللي خلاص لا يكون في علمك هو شهر وهنروح البيت التاني ما هنقعدش هنا ليكو بقلك اهوه لتخبطه عشان تبقي تسمع كلام الطور وتطلقني اوي طلقه لما تاخدك..
تنهد وشدها ونام بها ليهتف... طب نلم لسانا بقه عشان انت بجيت طايح وانا ماهسكتش يا عسليه مرتي تخلي بالها.
هتفت تبعده الا انه شدد عليها لتقول ...مش عاجبك قوم شفلك سحليه تاخدك.
ضحك... هيا هتموت وتاخدني والله..
هبت من مكانها تهجم عليه وتضربه وهو يمسكها ويضحك... سحليه لما تاكل وشك اه عايز السلعوه صح اللي هتموت عليك والله لاسخمط عيشتك وهو يضحك ويمسكها... لتتأوه من جرحها شدها واراحها ...مالك يا عمري براحه.
قطبت جبينها... اوعي بقه وجعتني.
هتف ....اني برضك مش انت يا جمر اللي هبيت زي الوابور..
نظرت اليه بغضب لتقول... مش هرد عليك يا بتاع سعديه واوعي بقه وتحترم نفسك.
شدها اليه محتضنا اياها ليهمس... طب اهدي بقه عشان ماوركيش بتاع سعديه نفسه في ايه.. شدد عليها لتستكين اخيرا متعبه لترتاح اخيرا علي صدره ابتسم واخذها في احضانه وظل فتره يراقبها حتي نام اخيرا.
عند ليل اخذ حوريه وهيا تصرخ... والنبي يا ليو البتاع ده مؤرف انا خايفه دخل بها الحجره لتجد باب الشرفه مفتوح تشبثت به وصرخت.... لا والنبي هيخش علينا.
احتضنها اكثر وهمس ....جلبي انت ما تخافيش.
لتقول بطفوليه... والنبي يا ليو انا خايفه.
بتسم... جلب ليو ما يخافش ابدا طول مانا جنبه..
تنهدت.. هيخش وانت نايم اقفل الشباك عشان خاطري.
هتف... عيوني وتركها عالكرسي وقفل الباب لتنزل من علي الكرسي وتضع يدها علي قلبها اسكت دانا كنت هموت والله لتقطب ايه ده احنا سيبنا لؤلؤ لتندفع الي الباب.
حملها وهتف... لاه معاها جوزها ماتخافيش ..احتضنها لتركن علي صدره تحس بدقات قلبه وهو يمسد علي شعرها لتتذكر فوقيه ...دفعته بغضب ونظرت اليه ليهتف مالك يا جلبي غضبانه ليه.
هتفت ....مفيش واتجهت الي الكنبه ..قطب جبينه ذهب اليها مسرعا وشدها... راحه فين اكده
قطبت... هنام ايه فيه ايه.
هتف.... طب عيوني رفعها وذهب بها الي السرير يريحها لتخبطه... مش هنام جنبك.
ضحك ومسك يديها ليقول... لاه هتنامي وتريحي من سكات الا انا خلاص والله مانمت من شهور وحبيبي مش جاري.
خبطته... اوعي احنا متخاصمين مش هنام جنبك.
ضحك.... طب ماتيجي اصالحك والله هصالح لما الجمر يحن حني بقه انت ايه جرالك دا حبيبي كان طيب وحنين. اهون عليك والله جلبي موجوع.
لتتنهد بصمت ليهتف... طب اصالح الجمر لاجل حبيبه والله حبيبه بجاله شهور تعبان بعاد.
همست... لا مش عايزه انت وحش اوعي بقه.
قبل خدها... مش عايز ...عايز حبيبي اعمل ايه طيب.
هتفت.... انت كداب اوعي بقه بقولك.
انحني فوقها وهتف.. لاه الله في سماه ما عت جادر لينهال عليها وتتوه في لمساته فهيا حالمه حانيه.
ابتعد فوجدها تائهه هائمه شدها الي احضانه.. بحبك وهطرشج من جنابي هتحني امتي بقه.
لتفوق لنفسها وتتململ بعيدا.
شدها.... اني ماعتش جادر لينحني عليها..هتتصالحي امتي يا جلبي تعبت.
تنهدت.. مش عارفه بطل.. لما لؤلؤ تقول اوعي.
تنهد بغلب.. طب ايه رايك نتصالح انهارده حبه صغيرين ونعاود الصبح من غير ما لؤلؤ تعرف.
نظرت اليه ببراءه.
هتف.. اخدك اجبلك حاجه حلوه من البندر ونتفسح ونعاود.
هتفت.. بس الوقت متأخر.
هتف ....مالكيش صالح.
لتبتسم.. يعني هتخرجني يا ليو ليبتسم.
هتفت.. طب هتصالح شويه بس ماشي.
اقترب يحتضنها.. عمري انت والله لتستدير وتلبس ويخرجها ليذهب بها ويلف بها وهيا سعيده في احضانه واشتري لها غزل البنات بكثره وهيا سعيده وهو يتاملها بسعاده كانت تثرثر بلا هدف اقترب وقبل خدها لتشهق.. ليل عيب الناس.
هتف.. ماجادرش ليل هينهبل جريب يمين بالله.
خجلت من نظراته. لتهتف.. مش هنروح.
تنهد بحب.. مش عايز.
هتفت.. ليه..
همس ....عشان هتخافي وتعاودي مش متصالحه واني رايدك رايجه اكده.
لتفكر هيا.. فهيا تريد أن تتصالح بشده.. همست.. طب طب... طب كلم لؤلؤ.
اقترب يحاوطها.. هتعض فيا مابتسكتش.
هتفت.. طب مانا هخاف وشكلي هيبقي وحش.
اقترب وهتف... يعني جلبي عايز يتصالح.
لتخجل منه تنحني راسها.. هتف.. لا احنا نروح نشوف الموضوع ده شدها مسرعا يعود بها ليجد البيت هادئا صعد بهدوء.. صرخت حوريه.. مش هندي لؤلؤ غزل بنات..
وضع يده علي فمها وهيا تثرثر ودخل بها حجرتهم ليتركها لتهتف.. ايه فيه ايه.
تنهد.. هتعرف اننا خرجنا وتيجي تعض فيكي خلينا رايجين تنستري.
تنهدت ودخلت تغير ملابسها وتاتي وتجلس علي الفراش وتفتح التلفاز وتضع الحلويات امامها ..وقف هو يتاملها بحب.. اني كان عجلي فين دا حبيبي جنه ورايج وجمر وجاعد ياكل زي الكتكوت الصغير.. تنهد واقترب منها ليركن عليها ويهتف. بتتفرجي علي كرتون كيف العيال.
هتفت.. ايه عادي بحبه..
لتاكل أخذ منها وياكل من اصبعها ويتلمسهم بشفتيه خجلت هتف.. حلو جوي.
همست...خد معايا كتير..
اقترب وهيا تاكل اخذه منها لتشهق وتبتعد ليضحك.... دا مش غزل بنات دا سكر البنات احلي بنات يمين بالله.
تنهدت.. عيب كده الله وبعدين خلاص احنا اتصالحنا شويه بطل بقه انت ما صدقت.
احتضنها.. ايوه والليله كلها مصالحه اني ماهسبكيش ليدغدغها لتضحك هيا وتتملص منه وهو لا يتركها وهيا تضحك ..صدحت رساله من تليفونه. لتستدير هيا تري من لتجدها رساله من فوقيه تخبره عالفرس هبت هيا ونظرت اليه بغضب..
هتف.... ايه يا جلبي فيه ايه.
لتعطيه التليفون.. مافيش مافيش خد افرح وانبسط لتدفعه وتدخل الحمام غاضبه.
نظر للتليفون تنهد بغلب... الله يحرجك يا بعيده كت هتتراضي ورايجه ماكتش هسيبها الليله وهيا جمر اكده.. دا غلب ايه هو اني ماسك ديل كلب حد متاجر عليا يا رب تعبت. واه جلبت عيالي غضبانه هيا عارف.
قام يخبط عليها.. حوريتي ايه اللي حوصل ماكنا رايجين يا جلبي...
خرجت اليه غاضبه لتذهب الي الكنبه وترزع المخدات تنهد.. طب ليه طيب مالك مش كنا متصالحين.
هتفت غاضبه ....وخلاص خاصمتك ومش هصالحك تاني ولو اتكلمت هنادي لؤلؤ بقولك اهوه.
ذهبت وتنام وقلبها يحرقها اقترب ونزل ويحملها لتصرخ ليهتف.. نوم هتنامي جاري وهكلبش في امك انهارده ويمين بالله لو لؤلؤ جت لافتح دماغها اني جبت اخري بقه ذهب بها للفراش ليريحها ويكلبش فيها وهيا تدفعه.. اوعي بقولك.
قرص وسطها.. نامي احسنلك بجولك والله ماهعديها وهتنامي رايجه في حضني.. اني جبت اخري.
خبطته... اوعي يا بتاع فوقيه قوم امسكلها الفرس.
مد يده من تحت بلوزته لتصرخ وتنكمش ضحك.. ايوه اكده انكتمي بقه هاه والله عشان اني خلاااص جبت جاز وهجلبها دلوك.
داعب جسدها لتصرخ ضحك.. نامي يا حوريه ماهسكتش في ليلتك نامي بلا فوجيه بلا جطران نامي.
همست.... شيل ايدك عيب.
تنهد... والله ماشايل وهحط يدي التانيه لو ماسكتيش. تنهدت ليظل يداعبها حتي لانت واستكانت ونامت في احضانه شدها اكتر يقبلها.. كلها يومين هتتصالحي انا اكده خلاص ولو زفته فتحت خاشمها هجتلها اني تعبت ظل يتلمسها.. هتهني امتي يا رب بقه.. حتضنها وهمس ...اخيرا هعرف انام وحبيبي في حضني.. قبل راسها وغط في نوم عميق لم يشهده منذ شهور..
في الصباح استيقظ الجميع علي هرج َو مرج كان جد حوريه ولؤلو قد اتو واحضرو من الدبايح الكثير والزيارات لتنزل الفتاتان وتظل واقفتان هتف بدران.... ايه يا بنات مش هتسلمو..
اقترب الجد يقول لهم.. اني ما هغصبهمش علي معرفتنا بس اني طالب السماح يا ولاد سالم وعهد عليا لو اللي رايدينه علي رجبتي هعمله..
هتفت جدتهم ونزلت دموعها.. والله يا بتي ما عشنا الا الهم بعديكو والمرض دخل علينا.. اقتربت من حوريه ....هتسامحيني يا بتي انت طيبه سامحي وجولي لاختك تسامح.
لتحن حوريه وتقترب من جدتها وتهتف ....خلاص بقه يا تيته ماتعيطيش.
اقتربت لؤلؤ تقبل يد جدها ليشدها اليه ويحتضنها ويهمس... بتي ونور عيني والله نور عيني اعز الولد واندفعت حوريه اليه لتنساب دموعه ويتجها الي جدتهم لتاخذهم بالاحضان وتسود حاله من الفرحه وظلا الفتاتان في احضان الجده تداعبهم وتبث حبها لهم ليتركهم جاسر وليل معهم ياخذا راحتهم .
مر الوقت وانصرفا. ذهب جاسر مع اخيه وجلسا بالخارج هتف ليل .....الحربايتين جايين ايه رايك ندوس ونشعلل الجو.
خبطه جاسر... وتجلب علي ادماغتنا مرتك طيبه مرتي وابور.
هتف ليل.... ما الوبور هيتحرج حرج بس وهنا اقتربت الفتاتان وجلسا معهم وظلا يتحدثان ليمر الوقت وتتعالي الضحكات.
كان الجد والجده انصرفا سمعت لؤلؤ وحوريه ضحكاتهم ليقوما ويذهبا الي زوجيهما تفاجأ بجو الالفه والمرح واحترقت الفتاتان من قرب البنات من زوجيهما.
لتتراجع حوريه بقهر.... شايفه يا لؤلو امال هما جايبنا هنا ليه..
قطبت لؤلؤ بغضب... اه مش خايفين علي ولادهم انما احنا ايه.. مالناش لازمه ونازلين هئ ومئ وساره بتقول عادي الواحد هنا يتجوز اتنين اه مانا ام العيال..
ابتعدت حوريه بقهر وسرتها في نفسها انها لم تنجب من ليل.
هتفت... تعالي طيب ليدورا ويقفا بجوار المندرة ولا يظهران هتف جاسر... واد يا ليل مرتك ومرتي مدارين ورا الجدار ايه النظام.
ضحك ليل.. كنه اكده ماشي... هتف ليل.. ومرت عمي أخبارها ايه عايزها فرحانه هتفرح بيكو ميته.
هتفت فوقيه... هتفرح يا واد عمي ماهو انت عارف امي بتحبك جوي وبتجدرك ومستنيه الفرح يدخل دارنا.
هتفت حوريه... شوفتي بتقوله ايه عايزه تتجوزه.
هتفت لؤلؤ.. اه يا زباله ومبسوط والتاني البت الحربايه لازقه فيه.
هتفت سعديه... وانت مبسوط بقه يا جاسر مع البندريه الا طبايعهم مش زي طبايعنا. الصعديه تكيف راجلها صوح والا ايه يا واد عمي.
ارتبك جاسر لتحترق لؤلؤ.. شوفي ماردش يعني اني ماكيفتوش طب والله لاوريك يا جاسر الزفت. تعالي لتشدها لؤلؤ وتهتف لؤلؤ حوريه تعالي اما نقعد علي قلبهم.
هتفت حوريه.... لا يا لؤلو بلاش مش هنفرض نفسنا.
هتفت لؤلو.... لا والله لاسخمط عيشته.
ذهبت لؤلؤ خبط ليل جاسر.. جايين مش جولتلك.. ليبتسم جاسر.
هتف ليل ليسمع صوته..... والله يا بنات عمي جعدتكو بالدنيا لتنقهر حوريه..
اقتربت لؤلو وجلست بجوار زوجهاوظلت حوريه تقف بعيدا لا تجرؤ ان تذهب الي زوجها فهيا حساسه زياده.
هتفت لؤلؤ.... ماتضحكونا معاكو كده نفرح كلنا..
هتفت سعديه.. اه وماله دا حتي ولاد عمي مابطلوش ضحك احنا اكده بنحب بعضنا جوي مش اكده يا جاسر..
ارتبك جاسر وهتف.... هاه.. اه امال.. لتقرصه لؤلؤ هتف مسرعا.... لا مش جصدي.. جصدي جصدي..
قاطعه ليل..... مالك يا جاسر ماكنا جاعدين زين بتأوأو ليه.
هتفت لؤلؤ بهمس.. رد عليه عشان وربنا هقوم اولع فيك وفيه.
هتف..... مالك يا لؤلو ماكنا قاعدين زعلانه ليه.
هتفت بسخط ...لم الدور بدل ماقوم اهبشلك العقربتين دول.
هتف.... ليه عملو ايه دول حتي حنيه الدنيا.
خبطته برجلها ليتأوه لتسرع.....سعديه.... مالك يا ود عمي سلامتك.
هتفت لؤلؤ... الله يسلمك يااختي اصله بس عنده عيلين بيشيلهم كتير الخلفه بقا..
هتفت سعديه.. عيلين بس داحنا بنجيب اورطه عيالنا كتير وهو يستحج يجيله اورطه هو فيه زي عزوتنا.
اشتعلت لؤلؤ ونظرت اليه... عايز عزوه انت ماتنطق.
هتف بعد ان هرت اصابعه قرص.. مانطجتش مش عايز زفت..
هتفت فوقيه.. الخلف نعمه يا بت عمي واحنا اهنه اللي تتجوز تحمل طوالي وتجيب ورا بعضه. واللي ماتجيبش تجول علي نفسها يا رحمن يا رحيم يجبو غيرها.
ضحكت الفتاتان وحوريه تكتم دموعها.. رفع ليل راسه وجد زوجته تخفض راسها وتقف منزويه ليعلم ان بها شيئا.
هم ان يقوم لتقوم فوقيه... هتاجي معايا يا واد عمي تشوفلي الفرس مانت خابر مابعرفش اتصرف من غيرك.
هتف ليل... هاه.. طب مره تانيه..
لتقوم وتقف امامه..... لا بالله عليك هما شويه ماهياخدوش حاجه ذهب معها وحوريه تقف يزداد قهرتها وشعورها بالدونيه.
هنا اغتاظت لؤلو لتشد اختها وتصعد ....تعالي والله ماحنا بايتين معاهم يلا خليهم يبلعوهم..
كانت حوريه في ملكوت اخر دخلت تتجه الي السرير مباشره هتفت لؤلؤ ...ايه هتنامي لتهز راسها وتغمض عينها.
تنهدت لؤلو وجلست تاكل روحها خرجت للشرفه وجدتهم يضحكون واصواتهم عاليه لتحس ان زوجها سيضيع منها لتشعر بالخوف.
اما حوريه فانهمرت دموعها بقهر.. ايه هيسيبني ويتجوز اه مانا ماخلفتش مش كده هيتجوز اتننين عادي هما هنا كده.. لا مش هستحمل بس هو قال بيحبني وجايبني هنا عشان بيحبني امال بيضحك معاهم ليه.. انا خايفه طب لؤلؤ هتقعد عشان عيالها انا هقعد ليه. ظلت تاكل روحها.
عند الرجال.عاد ليل وجاسر . قام ليبحثا عن زوجاتهم هتف جاسر... فرحت يا بومه اهم طلعو وهينامو مع بعض انا عارف مراتي منك لله ليخبطه عيل فجر.
هتف ليل.... اصبر بس كام يوم كده ويسلمو اسمع مني.
هتف جاسر..... يابني هتقلب جاز بطل اكده.
هتف ليل.... لا اني عارف مرتك وابور وماهتتحمل ومرتي كتكوت صغنن هتاجي في يومين سيبك انت ويلا تعالي وذهبو الي حجرتهم.
دخل جاسر حجرته لتهتف لؤلؤ ....جاي ليه روح نام هناك..
دخل وهتف.... حوريه روحي نامي في اوضتك انا هنام مع مرتي.
خرجت حوريه منحنيه فزوجها لم ياتي من اجلها صرخت لؤلؤ.... انت ماعندكش ذوق ايه ده.
اقترب ومسك يدها وقرص عليها... لسانك هاه عشان ماتزوديش وساعتها هغفلجها عليكي. وعدي يومك بقه عشان انا عايز انام.
صرخت.... طبعا مش حبيت وسحسكت تحت يبقي خلاص.
هتف..... انت بتغلي ليه مالك طيب.
صرخت... مالي يا اخويا ماليش.
ذهب الي الفراش لتذهب تجلس بجواره تنظر اليه بغل.. طب يا جاسر والله لاوريك لتقوم وتلبس فستانها جميلا وتفرد شعرها وتخرج ابتسم مره واحده وهب اليها يهتف.. الجمر رايج انهارده ايه العسلية دي.
نظرت اليه غاضبه ودفعت يده تتجه الي الشرفه اندفع يشدها.. راحه فين بمنظرك ده.
نظرت اليه غاضبه.. ماله منظري ياسي جاسر هاه خلاص ماعتش عاجب والعين راحت للي عليها العين. لتندفع يده وتفتح الشرفه شدها.. بطلي خبل ماهتخشيش اكده.
نظرت اليه غاضبه.. مالك انت جاي ليه مش سهرت واتبسط ليه بلاش افك نفسي والا انا هنا عشان اخدم عيالك وبس مش كده.
تنهد.. مالك يا لؤلؤ محروجه ليه طيب.
نظرت اليه بغضب ....واتحرق ليه كلها شهر ونغور من هنا وتفرح عالاخر.
حاوطها.. واني هسيبك يعني.
انفعلت.. انت بقه بقولك تحترمني وتبطل مسخره وطول مانا علي زمتك تحترمني.
تنهد.. طب اني عملت ايه.
نظرت اليه غاضبه.. لا ماعملتش برئ مابتعملش. اسمع انا ماسمحش بالمسخره دي وتلم نفسك بقه هاه وتراعي شكلي قدام الناس.
هتف.. واني عملت ايه ماعملتش.
صرخت... والهئ والمئ والمسخره يابو ديل.
تنهد واحتضنها وهتف بخبث.. الجمر غيران.
نظرت اليه غاضبه.. غيرانه بتاع ايه اغير عليك اوعي.
ابتسم.. دا بس مش غيره دا حبيبي هيموت فطسان وكاتم وابور حرج هيخلص عليه.
دفعته.. اوعي اوعي بلا زفت مالي بيك احنا خلاص هسيبهالك مخضره واشوف حالي لتكون فاكر اني هقعدلك وانت بتتمسخر.
هتف.. وهتشوفيه ازاي.
هتفت بتهور.. هتجوز محمود أبن عمي ها أنت مش احسن مني.
رفع جبينه وظل ينظر اليها وهيا تغلي ظل واقفا اقترب ووجهه لا يعبر عن شئ مسكها من ذراعها يشدها بعنف.. هتف بنبره غاضبه.. جولي تاني اكده.
خافت منه هتفت.. ايه مالك اوعي.
لوي ذراعها... عايزه اسمعها تاني جولي اكده سمعيني هتعملي ايه عايز افرح.
كان أول مره تراه عنيفا لتتوجع همست.... جاسر بطل.
شدد عليها.. لاه اسمعها الاول.
هتفت بلين.. بطل اوعي مابقولش مابقولش.
شدها يحتضنها.. انت بتاعتي يا لؤلؤ وان كت بلين ليكي فيه حدود ماتخطيهاش فاهمه. شدها وذهب بها للفراش لتحاول ان تبتعد هتف.. لاه ماني هاخدك في حضني وانام هتنطجي هغفلجها عليكي فعدي الليله.
لتخااف منه شدها علي صدره يحتضنها وهيا مستكينه تشعر بالغيرة والقلق من ان يتركها ويذهب الي تلك الفتاه. لتندس لا اراديا في احضانه .احس بها ليتنهد ويقبل راسها ويظل يمسد عليها حتي ناما وكل يفكر في الاخر.
اما عند حوريه فلم تعلم اين تذهب نزلت بالاسفل لم تكن تريد ان تذهب الي زوجها نزلت الي حجره الضيافه تجلس فيها حزينه تتذكر تلك الفتاه وهيا تتكلم عن الاطفال لتركن علي احد الكنب وتظل فتره لتنام اخيرا من التعب.
ظل ليل يفكر اين جاسر واين ذهب ذهب الي حجره لؤلؤ يسال عن زوجته .فتح له جاسر بهت ليل.. انت بتعمل ايه اهنه.
هتف.... هعمل ايه نايم..
صرخ.... نهارك مطين ومرتي جوا.
هتف..... مرتك ايه انت اهبل مرتك مشت من بدري.
قطب ليل ...مشت امال راحت فين دي ليستدير و يذهب يبحث عنها وجدها نائمه على الكنبه اقترب منها بحنان.... انت نايمه اهنه ليه يا جلب ليل .اقترب منها بهدوء وحملها وقبلها وصعد بها الي حجرتهم ليريحا علي الفراش ويندس بجوارها لتشعر به لتندس في احضانه طالبه الأمان وتنام باريحيه.
همس... مالك يا جلبي رجعتي تتنفضي ليه اكده قبل راسها وهمس.. اعمل ايه في عجلك الصغير ده داني بحب وعاشج والله عاشج احتضنها ونام اخيرا.
مر الليل وتتكرر الايام بوجود الفتاتان وليل وجاسر ملتصقان بالفتيات لتحس لؤلو انها ستقتل زوجها لتقرر ان تجعله ياتي اليها راكعا.كانا يجلسان
هتفت لحوريه.... بقولك انا نازله تحت عند الفرس شويه هتفت حوريه ماشي حبيبتي.. اقتربت منها لؤلؤ.... مالك يا قلبي بقالك كام يوم متغيره.
ارتبكت حوريه.... هاه لا مفيش ابدا..
هتفت لؤلؤ... طب انا نازله لتقطب حوريه... هتنزلي كده مش هدومك دي ماتنفعش
نظرت اليها لؤلؤ ...لا دا فستان حلو اهَه عادي.
هتفت حوريه ...هو حلو اه بس ماينفعش هنا مكشوف ومفسر يا قلبي.
هتفت لؤلؤ.... عادي مالهم بينا مش خلاص راحو للسحالي سيبك منهَ كانت تنوي ان تغيظ جاسر لتنزل وتترك اختها..
هتفت... صحيح مالهم بينا اهوه ايام ماقربش مني حتي ولا عايزني.. سمعت طرقات علي الباب لتنصدم عندما وجدت....