رواية أسيرة القيصر
الفصل الثالث 3 والرابع 4 الجزء الثاني
بقلم امانى فهمي
في مصر
البداية في المستشفي
صحي عمار ووجد نفسه في المستشفي فتنهد ونزع جهاز الأكسجين من على وشه
عمار: سليم سليم اصحي
سليم بخضة: عمار انت كويس عاوز حاجة
عمار: ايوه كويس الحمد لله
سليم: هو ايه الى حصل
عمار: فين تليفوني عاوزة
سليم: هتكلم مين بس
عمار بتعب: هات التليفون بقي
سليم: خلاص اتفضل
اخذ عمار التليفون وتصل على رقم ونتظر الرد بعد اعادة الاتصال مرة واتنين وتلاتة وخمسه واخيرا انفتح الخط.
عمار بسرعة: حبيبتي انتى كويسة كنتى فين فيكي حاجة واجعاكي حبيبتي ليه مش بتردي عليا
سمر بهدوء: انا كويسة عمار انت عامل ايه
عمار بتنهيده: الحمد لله كنت مرعوب عليكي
سمر: عمار انت فين
عمار: في البيت يعني تكون فين
سمر: كويس انك صحتني رحمتني من رنا و قمر بيضربونى
عمار: ضربه في قلبهم هنا الاتنين اذاي يضربوكى انا هاجى هرنهم علقة موت
سمر بضحكة: ربنا يخليك ليا يا عموري.
عمار بحب: يالا يا عمري قومى خدي دش وجهزى واوعي تنسي تفطري مفهوم
عمار: مفهوم عموري سلام
عمار: سلام يا قلب عموري
قفل عمار مع سمر وتنهد نغمض عيونه
سليم: اطمنت عليها
عمار: صوتها مش عاجبني فيها حاجة انا قلبي مش مطمن
سليم: متخفش انا كلمت لوسيفير امبارح وقالى انهم كويسين بس حصلت خناقة في الجامعة علشان البنات محجبة
قطع كلامهم دخول شريف ومحسن الغرفة فتوجه محسن الى عمار بسرعة وضمه لحضنه
محسن: انت كويس يا بني.
عمار: الحمد لله كويس
شريف: ايه الى حصل يا بني ليك
عمار: والله معرف انا حسيت بنغزة شديدة في صدري وبعد كده حسيت بالهوا بينسحب من الأوضة ومعرفش حصل ايه تاني
محسن: انت مش فاكر ان نفس الدور ده حصلك يوم الحادثة بتاعة س
عمار بعصبية: محدش يجيب سيرة اليوم ده تاني انتم السبب اصلا فيه وانا وهي لسه بنشيل الهم لغاية دلوقتي
سليم: اهدي بس انت لسه تعبان
عمار بعصبية: من فضلكم انا تعبان وعاوز استريح.
شريف: خلاص يا بني اهدي بس علشان متتعبش
غادر محسن و شريف وفضل سليم مع عمار فطلب عمار منه الذهاب إلى المنزل
سليم: أستريح انت وانا هروح الشركة
عمار: تفتكر هنقدر نعيش حياتنا عادي
سليم: ان شاء الله هتعيشو مع بعض في راحة
عمار: بقولك ايه انا هنام روح انت الشركة
في فيلا المنشاوي
استيقظ أدهم واخذ دش وتوضا وصلي وقام بالاتصال على رنا
بعد مرة واتنين ردت رنا عليه
أدهم: صباح الجمال حبي
رنا: صباح النور دومي.
أدهم: يالهوي على دومي ده اموت وبوس الشفايف الحلوة ديه
رنا: لا رد
أدهم بضحكة رنانة: هههههههههههههههههه خلاص خلاص بلاش تحمري وتبقي عسل ابيض مكرر كده
رنا: بس بقي
أدهم: اخبارك ايه والمذاكرة عمل ايه
رنا: ماشية
أدهم: مالك يا قلبي
رنا: مفيش حاجه
أدهم: فيكي حاجة وقلبي حاسس بكده
رنا: أدهم حبيبي انا كويسة بس لسه صاحية ومنمتش كتير وعندي جامعة دلوقتي وعوزة انام ومش طالبه معايا اعمل حاجه خالص.
أدهم بهدوء: خلاص يا قلبي بلاش تروحي النهاردة وذاكري في البيت
رنا: هشوف البنات هيعملو ايه
أدهم: ماشي يا حبيبتي
رنا: انت فين دلوقتي
أدهم: انا لسه واصل الشركة
رنا: خلاص اشتغل بقي وانا هرجع انام
أدهم: ماشي يا قلبي تصبحي على خير
في ايطاليا
في فيلا البنات
توجهت رنا الى غرفة سمر ودخلت و جلست بجوارها على السرير
رنا: انتى كويسة
سمر: ايوة كويسة متخفيش
رنا: مالك ايه حصل عند الدكتور
سمر: مفيش حاجة حصل.
رنا: انتي لازم تحكي علشان تعرفي تعيشي
قمر وهي تدخل: ايوة صح
سمر بسخرية: وانتى يا هانم
قمر: انا بقي عارفة انى عمري مهقرب من اوس انا فعلا بحبه بس بخاف من اي راجل
رنا: طيب هنعمل ايه
سمر: هنروح الكليه وانا عن نفسي مش هروح للدكتور ده تاني
قمر: وانا كمان ده بيخوف
رنا: طيب يالا بينا نجهز
قمر: بنات انا قررت البس الحجاب وهلبس ذيكم
رنا بفرحة: بجد هاااااا
سمر بفرحة: مبروك يا قردة
قمر: بعد الكليه هننزل نلف على المحلات.
سمر بفرحة: اشطا عليكي
رنا: تعالى معايا اختاري من عندي
قمر بغرور: طبعا هاجي اختار برحتي
رنا وهي تحدف الشبشب عليها: قودامي يا جذمة
قمر: تسلم ايدك يا كبير
اختارت قمر هدوم وتوجهت الى غرفتها وجهزت البنات
ارتدت قمر فستان اسود بيه ورود وعليه تنك اسود وحجاب اسود
ارتدت سمر بنطلون وبلوزه بيضاء لمنتصف الرجل وعليهم جاكت كت وحجاب اسود.
ارتدت رنا فستان باللون الأبيض وحجاب بنفس لون الفستان. نزلت رنا وسمر الى المطبخ وجهزو الفطار وبعد قليل نزلت قمر بشكلها الجديد والجذاب الرائع وكانت اسم على مسمي
قامت رنا بتصوير قمر وأرسلت الصورة الى اوس وقامت سمر بالتصفير لشده جمال قمر
جلسو ياكلو وبعد فترة توجهو الى الجامعة
في مصر
في شركة A M
كان اوس في الإجتماع عندما سمع صوت رساله وقام بفتحها واخذ ينظر للهاتف ولم ينتبه للموظفين الذين يجلسون أمامه.
مراد: اوس اوس اوووووووس
اوس: في ايه
مراد: مالك
اوس: مفيش كمل انت الاجتماع وخرج
مراد: الواد ده شكله اتجنن
روميساء بهمس: ده عاشق حد النخاع
مراد بجديه: الاجتماع اتلغي برا
خرج كل الموظفين بسرعة من يستطيع ان يراجع كلمه قالها الفهد
مراد بهدوء: بقي هو عاشق حد النخاع وانا ايه
روميساء برومانسية: حبيبي انا وملكي انا و بس
مراد بحب: وايه كمان
روميساء: وقلبي وحياتي
مراد وهو يحضنها بتملك: وايه كمان.
روميساء: عشيقي المفضل والوحيد و
قطع كلامها عندما أخذ مراد شفايفها في قبله رومانسية بث فيها شوقه وعشقة و حبه وتملكه لها وقامت روميساء بوضع يديها في شعره وقربته منها جامد وتبادلو القبل المجنونة
( ملناش دعوة بيهم ناس فاضية ???????? )
عند اوس
دخل اوس مكتبه واخذ يتأمل تلك الحورية المتألقة بحجابها الذي ذادها جمالا ونقاء وبرائه فوق برائتها وقام بالاتصال عليها
قمر: اوس اذيك
اوس: ملاكي الصغير اخبارك ايه.
قمر: الحمد لله وانت
اوس بحب: انا بخير ادام انتى بخير
قمر: اوسي الحلو ابو عيون حلوة
اوس: يعني بعد اوسي ديه اعمل ايه
قمر بضحكة رقيقة: ولا حاجة تكلمنى وبس
اوس: عارفة انتى ذي القمر بالفستان ده يعنى اسود فابيض حاجة كده جامدة ربنا يصبرني وستحمل السنتين مجيش دلوقتى وتمم الجوازة
قمر بصدمة: انت عرفت منين انى لبسه فستان اسود
اوس بخبث: لا وكمان الحجاب ذاد جمال فوق جمالك
قمر برعب: اووووس انت فين وعرفت اذاي.
اوس بسرعة: حبيبتي اهدي كل الحكاية رنا صورتك وبعتتلي الصورة وبس علشان تفرحني
قمر بتهيدة: يعني كده بس
اوس: اه كده بس
قمر: حبيبي قفل دلوقتى علشان مش فاضية
اوس: وراكي محاضرة
قمر: لا هروح اقتل رنا بس سلام وقفلت
اوس بصدمة: يا بنت المجانيين هتقتل اختي
اتصل اوس بسرعة على أدهم
اوس: أدهم حبيبي اذيك
أدهم: اذيك اوس
اوس بسماجة: كنت عاوز أعرفك ان قمر هتقتل رنا بس علشان متقلقش عليها
أدهم بصدمة: انت اتجننت اذاي يعنى.
اوس: بص انا هروح الحق قمر قبل متتسجن
أدهم: انا جاي معاك هنتقابل في المطار
اوس: انا هتصل على عمار ويسافر معانا بالمرة
أدهم: ماشي سلام
اتصل اوس وبلغ عمار ووافق وتوجهو الى المطار بعد ساعتين
في ايطاليا
خرجت قمر من الجامعة تجري وخلفها لوسيفير يجري بسرعة ولم يلحقها وتوجهت الى كليه رنا وسمر ودخلت القاعة بسرعة تحت صدمة الكل
وكان قد وصل لوسيفير وهو ينهج وشاهد الدهشة على وش جو الواقف ينظر الى داخل القاعة.
توجهت قمر الى رنا
قمر بغل: بقي انتى تصوريني وتبعتي صورتى لخوكى
رنا برعب: اهدي بس يا قمر انا معملتش حاجة غلط
قمر بغل: والله مانا سيباكي تعالى هنا
جريت رنا بسرعة في القاعة من جهه وقمر تجري من جهه أخري وصوت الصراخ عالى
وكانت تجلس سمر وتضحك بشدة على أفعالهم المجنونة
وهنا أصدر الدكتور صراخ عالى
الدكتور بالايطالي: بس انتى وهي ايه الجنان ده
قمر بعصبية: انت اتجننت انت اذاي تتكلم مع قمر الهاشمي بالأسلوب ده.
الدكتور: انتى هبلة يا بت يعنى داخله المحاضرة وبتضربي طالبة وعوزانى اسكت
قمر بسماجه: اخت جوزى وبعلمها الأدب في اعتراض
الدكتور: اطلعي برا يا حيوانه
قمر بغضب: مين ديه الحيوانه انا عاوزة مدير الجامعة حالا
بعد فترة جاء مدير الجامعة ونظر برعب لوسيفير و جو ودخل القاعة لقي 3 بنات يجلسو وامامهم الدكتور
العميد: خير يا دكتور
الدكتور: البنت ديه اقتحمت القاعة وضربت البنت ديه.
العميد بخوف: انت عارف مين ديه اسمها قمر الهاشمي اخت عدنان الهاشمي وزوجه اوس الألفي
الدكتور: وانا مالى ديه لازم تتحول لمجلس التأديب حالا وكمان البنت ديه
سمر بسخرية: مالك بس يا دكتور مبراحة شوية
العميد بصوت واطي: انا عارف انهم سنتين سود على دماغي ومش هخلص منهم شكلي كده هموت
الدكتور: حضره العميد مالك
العميد: انتم تعالو على مكتبي عاوزكم
سمر: عمو العميد انا معملتش حاجه اروح بردو.
الدكتور: دانتى ضحكتك كانت تسمع الكلية كلها وكمان كنتى بتاكلي عادي
سمر ببراءة: يعني اموت من قله الاكل
الدكتور: برا يا حيوانه منك ليها برا
رنا بغضب: لو صوتك علي علينا تانى او شتمت لهوريك الحيوانات دول ممكن يعملو ايه
العميد: انا اسف اكيد ميعرفكوش بعد اذنكم اتفضلو على مكتبي
رنا بخنقة: احنا هنروح مش فضيين للعب العيال ده يالا بنات
غادرت البنات وتنهد العميد وجلس يحكي للدكتور من يكونو هؤلاء البنات
عند البنات.
ركبت البنات السيارة ونطلقو الى المول وعند وصولهم حاوطهم الرجالة على جميع الجوانب لخفهم عليهم
سمر: انا جعانة
قمر: وانا كمان
رنا: صدقو وانا
توجهت البنات الى المطعم واكلو وبعد ذلك ابتدو يلفو في المول وسط الهزار والضحك والاستمتاع وشترو ملابس كتير خروج وبيت
لم تنتبه البنات بصوت رنين هواتفهم وفي لحظة وقف أمامهم لوسيفير
لوسيفير: هو الهوانم مش سامعين التليفون
سمر بضحك: مالك بس يا عم الشبح.
قمر: زعلان ليه يا عمو المرعب
رنا: مالو التليفون ميرن
لوسيفير بغضب: والله يا هوانم اجوازكم هرين التلفونات رن وخيفين عليكم
جو بهدوء: أهدى يا عم المرعب هنا خلاص هيروحو
قمر برعب: ايوة احنا هروح حالا
لوسيفير: يالا ادامي
جريت البنات على العربيات وبعد حوالى ساعة كانو ينزلون الى المنزل ودخلو
سمر: يالهوي يانا ياما ده كان ناقص يشفطنا
قمر: انا قلبي كان هيقف من الرعب
رنا: انا بقي اقريت القرآن كله.
صوت من خلفهم: والهوانم كانو فين لحد دلوقتي
قمر بهبل: مش عارفة ليه سامعة صوت اوس
صوت من خلفهم: والهوانم ليه مردوش على التليفون
رنا بستعباط: بس يا هبلة ده صوت أدهم مش اوس
صوت من خلفهم: والهوانم متعودين يرجعو متأخر
سمر بضحكة: بس يا هبلة منك ليها ده صوت عمار
انتفضت البنات مرة وحدة ونظرو خلفهم وجدو اوس و أدهم و عمار يقفون وعيونهم بطلع شرار وكانو على وضع الاستعداد للضرب
رنا بخوف: بس براحة أدهم انا هقولك.
أدهم بصوت عالى: هتقولى ايه ها انطقي على فوق اتفضلي ادامى
رنا بدموع: لا مش هطلع انت هتضربني تانى
سمر بدموع: ايوة انتم كل شوية بتزعقو لينا
قمر برعب ودموع: انا عوزة عدنان هتولي أخويا
نظر الشباب لبعضهم وصعبو عليهم البنات فتوجه كل واحد لحبيبته
اوس بحنية: حبيبتي فراشتي الحلوة متخفيش محدش هيقدر يعملك حاجة تعالى معايا
قمر برعب: هتضربني
اوس بحنية: لا طبعا تعالى يالا نطلع أوضتك.
اكتفت قمر بهز دماغها وصارت معه الى الاعلي
عمار: حبي المجنون تعالى ننام اصلي تعبان اوي
سمر: يعني انت مش زعلان
عمار: عمري مزعل من مجنونتي تعالى
توجهو الى غرفتها حتى يلهياها ولا تبكي
أدهم: روني تعالى متخفيش
رنا برعب: لا انت هتضربني تاني
أدهم: عمري مهعملها تاني
رنا بدموع: بالله عليك متضربني علشان مكرهكش
أدهم بصدمة: انتى لسه بتكرهيني
رنا بسرعة: لا لا والله مش بكرهك
أدهم: اطمني انا هرجع مصر حالا.
خرج أدهم من الباب وما هي الا لحظات وكانت رنا تسرع خلفه ومسكت ايده ورمت نفسها في حضنه وتبكي بشدة
رنا بدموع: أسفه أسفه أسفه حبيبي خليك معايا انا محتاجة حضنك اوي ونبي متمشي
أدهم: شششششش خلاص يا عمري انا هفضل
قام أدهم بحمل رنا بين ايديه وتوجه الى غرفتها ووضعها على السرير وتوجه الى الباب واغلقه ورجع بجوارها تانى وقام بخلع حذائها وتحرير شعرها من الطرحة وضمها لحضنة ونامو بجوار بعضهم
في مصر.
توجه مراد الى مكتب روميساء واخذها وخرجو
روميساء: هنروح فين
مراد: بحي عاوز يروح فين
روميساء بدلع: عوزة اطلع على يخت وفضل في البحر على طول
مراد: مولاتى تامر وانا انفذ
اتصل مراد على شخص وتوجه الى شرم الشيخ لقضاء عده ايام مع معشوقته الغالية...تبع 🌺
رواية أسيرة القيصر الجزء الثاني للكاتبة أماني فهمي الفصل الرابع
البداية في مصر
في فيلا الأحمدي
استيقظ سليم ونزل الى الاسفل ووجد امه وأبوه وعمه وخالته
سليم: صباح الخير
الكل: صباح النور
سليم: في ايه ليه قعدين كده
سميرة: انت تعرف عمار فين
سليم بستغراب: فين اذاي يعني
محسن: مختفي من امبارح مش موجود في البيت خلاص الواد ده هيجنني
سليم: وانت ليه مش عاوز تفهم ابنك هو علشان بيضحك ويهزر يبقي ملهوش لزمة ولعبي ارمه شوية
شريف: سليم.
سليم: بالا سليم بالا زفت من يوم الحادثة وهو اتغير وحملتوه ذنب كل حاجة وانتم السبب في دمار اختي وابن عمي اوعو تنسو بقي عامل اذاي
شريف: يعنى هما اتقذو وحنا لا كلنا اتاذينا.
سليم بحده: اتاذيت مش شايف يعنى خلاص حادثة وعدت اتعملتم مع الحكاية كأنها طبق ونكسر خروج ودخول وسهر وفسح وفلوس بس محدش عرف ايه جواهم محدش فيكم حس بوجعهم هزارهم وضحكهم بيخبو وراه وجعهم عارفين كل الى حصل ده لعنة ظلمكم لاختكم الوحيدة شرين كلنا شاركنا في دمارهم ونهايتهم للاخر ارحمو بقي وسبوهم يعيشو
محسن بصوت عالى: كنت عاوزنا نعمل ايه كان لازم ننسي كل حاجة.
سليم بعصبية: والأطفال الى شافو وسمعو وتعاقبو على شغلكم زمان كان عادي كده الرحمه يا ناس الرحمه
شريف: خلاص هما اجوزو ونسيو الماضي.
سليم بضحكة رنانة: هههههههههههه اجوزو هو انت فاكر يا شريف بيه انهم هيعرفو يعيشو ويكونو أسرة عادى بنتك يا بيه بتخاف من اي راجل ومش معني انها اجوزت عمار فعادى بنتك لغاية دلوقتي عمار ملمسهاش حتى مسكه أديها بتبقي خايفة وانت بتقول نسيو الماضي خليكم انتم نايمين على ودانكم ومش فاهمين حاجة سلام
بسمة: سليم رايح فين
سليم بعصبية: رايح في داهية وغادر
نظرت بسمة وسميرة لهم وغادرو.
انطلق سليم بالعربية بسرعة شديدة وتصل على ميرا
ميرا: صباح العسل حبيبي
سليم: ميرا انا محتاجك اوى
ميرا: انت فين يا عمري
سليم: نص ساعة وهاجي بس تطلعي برا مش داخل
ميرال: ماشي حبيبي.
نزلت ميرا من غرفتها وخرجت على برا وفعلا بعد مرور نص ساعة كان سليم يقف امامها ركبت ميرا بجوار سليم ولم يتكلم فحترمت سكوته الى ان وقف امام النيل ونزل وهي كمان نزل وتوجه سليم بعد مسك ايد ميرا وتوجهو الى إحدى اليخوت وصعدو جلست ميرا وقام سليم بتحريك اليخت وصار بيه في النيل وبعد فترة توقف وذهب وجلس على الكرسي وغمض عيونه
ميرا: مالك حبيبي فيك ليه انا جامبك وعمري مهسيبك
سليم بتنهيدة: تعبان اوى ونفسي استريح.
ميرا: لو عاوز تحكي انا موجودة وهسمعك
سليم بتنهيدة: هحكيلك على كل حاجة
ابتدا سليم يحكي كل حاجة حصلت زمان وكانت دموعة تنزل ودموع ميرا تنزل وبعد فترة أنهي سليم الكلام
ميرا: ياااااه وذاي عمار وسمر استحملو كل ده
سليم: عانو كتير عارفة انا واثق ان تعب عمار بسبب تعب سمر هناك
ميرا: طيب ليه سمر متابعتش مع دكتور نفسي ده كده حياتهم هتدمر وعمرها مهتخلى عمار يلمسها
سليم: مانا عارف كده
ميرا: سبها على ربنا.
سليم: محدش عارف عمار فين من امبارح
ميرا: عمار في ايطاليا سافر مع اوس وادهم للبنات
سليم: الحمد لله عاوز انام
ميرا: تعالى حبيبي
نام سليم على رجل ميرا وفضلت تلعبلو في شعره
في فيلا المنشاوي
صحي اسر ونزل الى الاسفل ووجد عفاف و زينب يجهزو الفطار
اسر: صباح الورد على المزز الحلوة
عفاف: صباح الهنا حبيبي
زينب: صباح العسل يا بني.
اسر: انا جعان اوي يالا ناكل وعلى فكرة مش هاجى على الغدا البيه مسافر للموزة بتاعته وانا هنا مطحون
عفاف: معلش يا بني
زينب: اشطر انت كده وصطاد موزة كده وجوز وغيظة
اسر بضحك: حاضر هصطاد موزة اول مخرج يالا سلام
عفاف: انت لسه مكلتش
اسر: لا كده عنب الحمد لله كمان عندي مقابلة مهندسين لازم اشوفهم بنفسي
عفاف: ربنا يوقفلك ولاد الحلال يا رب
غادر اسر الفيلا وتوجه الى الشركة.
( من كان يعتقد بأن هذا اسر المهمل أصبح جدير بالثقة فعلا لابد أن نستفيد من أخطائنا دائما )
في شركة القيصر
وصل اسر الى الشركة بوسامته الجميلة وكان محط انظار الجميع النساء منهم المعجب ومنهم الهيمان وانظار الرجال الحاقدة عليه لم يهتم لأحد وصعد الى المكتب وجلس
بعد فترة دخلت السكرتيرة حتى تبلغة بحضور المهندسين المطلوبين في المكتب المجاور فتنهد وذهب.
ابتدي اسر يقابل الجميع الى ان لفت انظارة صورة فتاة بعيون غريبة وعندما قرأ اسمها ذاد من حيرته فأمر السكرتيرة إدخالها
البنت: صباح الخير يا فندم
اسر: صباح النور اتفضلى
البنت: شكرا يا فندم
اسر بجدية: كلميني عن نفسك
البنت: انا اسم كلير المنصوري لسه بدرس في سنة رابعة معايا دورات كتير وبعرف اكتر من لغة
اسر: بس احنا عاوزين مهندسين مخلصين مش لسه بيدرسو.
كلير: عارفة يا فندم بس انا اشتغلت في شركات ومكاتب هندسية قبل كده وكله موجود في C. V بتاعي
اسر: انتى محتاجة للشغل ده
كلير: جدا يا فندم
اسر: تمام تقدري تتفضلي.
غادرت كلير المكتب بالرغم من انها صاحبة عيون رصاصي فاتح او لم يستطيع اسر ان يحدد لونها لأنه اول مرة يشاهد تلك العيون الغريبة وشعرها الأشقر الذي هملاه ووجهها الخالي من اي مستحضرات تجميل وملابسها التي لا تمد باصله ان تصبح ملابس فتاة من ذلك العصر ولكن اقنع نفسه بأنها نشاذ وصورة غير لاقه للبنات وعندما راجع C. V الخاص بها فعلا انبهر بكمية الدورات وشهادات الخبرة ومعظمها من كبري الشركات الهندسية وما لفت انتباه اسم شركات الحديدي الخاصة برجل الأعمال رعد الحديدي زوج الدكتورة ماسة المنصوري.
العيون ??
كلير ??
اسر لنفسه: هتغلط تانى فوق لنفسك قبل مضيع الباقي والمرة ديه أدهم عمره مهيسمحك التفت لشغلك وبس
استمر اسر في العمل ولم يعطي اي أهميه للموضوع
في ايطاليا
في غرفة قمر
كانت قمر تنام بين احضان اوس بعمق منذو فترة كبيرة وأخيرا شعرت بالأمان بجانب الرجل الأول في حياتها بعد شقيقها اذا اعتبر من ضمن الرجال الذين ترتعب منهم
حاول اوس أكثر من مرة ايقاظها ولكن لم ينجح فتنهد واخذ دش ونزل الى الاسفل.
في غرفة سمر
كان عمار يجلس على الكرسي بجوار سرير سمر ويشاهدها وهي تنام مثل الأطفال وكان سعيد ومبسوط بشدة ولكن كسي وجه الحزن لأنه يعلم جيدا بأنها تخاف من اي رجل وسوف يظل بجوارها أن يمل ولم ييأس منها فهيا طفلته وحبيبته وابنته ومعشوقته فتركها تنام ونزل الى الاسفل
في غرفة رنا.
كان الوضع مختلف في غرفة تلك المجنونة في كانت تنام بكل راحة على السرير وذلك البغيض اقصد القيصر ينام على الارض وأخيرا فتح أدهم عيونه وحاول يقوم فتالم بشدة من ظهره ونومته على الارض فتذكر كيف نام على الارض
فلاش باك.
كانت رنا و أدهم في بداية نومهم كان أدهم يأخذ رنا بين احضانه ونامو فترة بعد ذلك استيقظت رنا على صلاة الفجر وصحت أدهم وتوجهت الى الحمام وتؤضات وهو تؤضا وبعد صلاة الفجر جاء أدهم لينام بجوارها مرة أخري ولكن لاقي اعتراض منها بشدة عقابا له على تخويفها والسبب في نزول دموعها فامرته بالنوم على الكنبة ولاكن كانت صغيرة فنام على الارض وهي أخذت السرير لوحدها ونامت باستمتاع وراحة
باك.
أدهم لنفسه: شكلها هتبقي ايام عنب ااااه منك لله يا رنا يا بنت شرين ظهري انقسم
تحامل على نفسه وتوجه الى الحمام واخذ دش ونزل الى الاسفل
في الأسفل
نزل أدهم وجد اوس و عمار يجلسون فجلس بجوارهم ومر بضعة دقائق
عمار: وحدووووووو
اوس: لا آله الا الله
أدهم: محمد رسول الله
عمار: اااااااا دنيا
اوس: دنيا منفاته
أدهم: ايه حصة العزا ديه متسك منك ليه
اوس: انا هحضر فطار لفراشتي
عمار: عندك حق وانا كمان هحضر فطار لمجنونتي.
فقامو وتوجهو الى المطبخ ولكن رجعة مرة تانية
اوس: هو البيه مش هيحضر عمار لمراته ولا ايه
عمار: شكله كده واخد علقة
أدهم: بس يا ظريف منك ليه قايم
توجه الشباب الى المطبخ ولكن صعق الثلاثة من جمال المطبخ وترتيبة حيثو كان من اللون الموف الامع
أدهم: شباب انا خايف المسه يتبهدل
عمار: تعالو نشتغل بس بهدوء
اوس: صح وبراحة على الحاجة علشان اختى مجنونة وممكن تقتلنا لو عملنا حاجة فيه.
ابتدا الشباب في تجهيز الاكل بهدوء وقامو بوضعة على الترابيزة الموجودة في المطبخ
وبعد فترة ابتدت نزول البنات من غرفهم وتوجهو الى المطبخ
كانت رنا ترتدي بدي ابيض و بنطلون جينز فاتح وتونك بيج فاتح وطرحة بيج
وكانت ترتدي سمر بدي ابيض وبنطلون ابيض وتونك بيج وطرحة بيضاء
وكانت قمر ترتدي بدي اسود وبنطلون اسود و تونك اسود بنقوش خليجية باللون الذهبي وطرحة سوداء
رنا: صبح صبح يا عم الحاج والفطار السخن.
سمر: صبح صبح شباب
قمر: صباح الجدعنة والفطار العنب
جلست البنات على التربيزة تحت صدمة الشباب
اوس: انا مراتي كانت كيوت
أدهم: وانا مراتي كانت هادية
عمار: انا بقي الحمد لله مراتي متغيرتش
رنا: يالا اقعدو كلو
جلس الشباب امام البنات وفطرو وبعد انتهاء الاكل نظرت البنات الى الشباب
سمر: هاااا هتودونا فين
قمر: انا عاوزة الف البلد كلها
رنا: عوزة اروح الملاهي
سمر بفرحة: صح نروح الملاهي
قمر بتاكيد: يبقي نروح الملاهي.
اوس: والجامعة اخبارها ايه
سمر: مش هنروح النهاردة بما انكم هنا خلونا نتفسح احنا من الجامعة للبيت و من البيت الى الجامعة
رنا: فعلا احنا طهقنا وتخنقنا
قمر: اااااه وكمان عمو المرعب مش بيخلينا نروح في حته انا اتخنقنا
سمر: وعوزين نروح السوبر ماركت ناقص اكل كتير
قمر: انتم هتفضلو كان يوم هنا
اوس: يعني يومين ثلاثة كده
اخذت البنات ترتب الأماكن التي تريد أن تذهب إليها ولم يعترض الشباب على اوامرهم.
مرت الأيام الثلاثة تحت فرحة البنات وتجهزت البنات لذهابهم الى الجامعة مع الشباب وبعد ذلك سوف يتوجه الشباب الى المطار
أحضر الشباب ثلاثة شنط سفر للبنات مليئة بالملابس الخروج والمنزل
دخلت كل بنت مع زوجها بسيارة وخلفهم الحرس
لم تسلم البنات من نظرات الإعجاب وكلمات الغزل
علم عميد الجامعة بوجود الشباب الثلاثة فأرسل لهم حتى ياتو مع البنات الى المكتب.
نظرت البنات لبعضهم ودب الرعب في قلوبهم وذهبو الى مكتب العميد ولكن وجدو لوسيفير وجو يقفو امام الباب ونظرو للبنات وضحكو فعلمت البنات بأنهم قامو بتهديد العميد وعدم أخبار اى احد من الشباب بما حدث طوال الفترة الماضية
لم يجلس الشباب كتير في مكتب العميد وودعو البنات وانطلقو الى المطار عائدين إلى أرض الوطن.
اما بالنسبة لمراد و روميساء فقد عادو من شرم الشيخ وسط فرحة روميساء بزوجها الذي لم يعترض على شي وحقق كل امنياتها
اما سليم فقد عاد بعد يومين الى المنزل ولم يستطيع احد من اهله الكلام معه تجنبا لغضبة
اما اسر فقد وافق على كلير المنصوري لانها الأنسب لهذا المنصب نظرا لخبراتها
كان هناك أعين تراقب الجميع وتخطط للإيقاع بهم وإنهاء حياتهم..