قصة قوة الضمائر البارت الواحد والعشرون 21 بقلم طارق اللبيب

 قصة قوة الضمائر

البارت الواحد والعشرون 21

بقلم طارق اللبيب

ﺟﺪﻭ ﻳﻮﻣﻮ ﺍﻟﻤﺸﻰ ﺳﺠﻞ ﺍﻟﺒﻴﺮ ﻓﻲ ﺍﻟﻤﺤﻠﻴﺔ .. ﻻﻗﺎﻫﻮ ﻭﺍﺣﺪ ﺍﺳﻤﻮ ﺍﻳﻮﺏ .. ﻭﻋﺮﺽ ﻟﻴﻬﻮ ﺑﻮﻛﻠﻦ ﺟﺪﻳﺪ ﺑﺎﻻﻗﺴﺎﻁ .. ﻭﻳﻮﺳﻒ ﻗﺒﻠﻮ ﻃﻮﺍﻟﻲ .. ﺑﺪﻭﻥ ﻣﺎﻳﺮﺟﻊ ﻟﻲ ﺣﺎﻣﺪ ﻭﻳﺸﺎﻭﺭﻭ .. ﻭﻃﺒﻌﺎ" ﺍﻟﺨﻄﻮﺓ ﺩﻱ ﻓﻴﻬﺎ ﻣﺠﺎﺯﻓﺔ ﻛﺒﻴﺮﺓ ﺭﺑﻨﺎ ﻳﺴﺘﺮ .. ﺍﻟﻤﻬﻢ ﻣﺮﺕ ﺍﻻﻳﺎﻡ ﻭﺟﺪﻭ ﺷﻐﺎﻝ ﺷﻐﻞ ﺟﺪ .. ﻭﺑﻌﻴﺪ ﻛﻞ ﺍﻟﺒﻌﺪ ﻋﻦ ﺍﻟﺼﺪﻳﻖ ﻭﺍﻭﻻﺩﻭ .. ﺑﺲ ﻣﺮﺍﺕ ﺑﻤﺸﻲ ﻟﻲ ﺻﺪﻳﻖ ﻓﻲ ﺍﻟﻘﻬﻮﺓ ﻳﺘﻮﻧﺲ ﻣﻌﺎﻫﻮ ﻭﻳﺮﺟﻊ .. ﻭﺻﺪﻳﻖ ﻋﺎﺭﻓﻮ ﺍﻧﻮ ﻣﺘﺤﺎﺷﻲ ﺍﻻﻭﻻﺩ ..

ﻭﻳﻮﺳﻒ ﻣﺘﻮﺍﺻﻞ ﻣﻊ ﺍﻟﻮﺍﻟﺪﺓ .. ﻭﻣﺮﺍﺳﻴﻠﻮ ﻣﺎ ﺍﻧﻘﻄﻌﺖ ﻭﺑﻘﺖ ﺑﻲ ﻛﻤﻴﺎﺕ ﻛﺎﻓﻴﺔ ﺑﺎﻻﺿﺎﻓﺔ ﻟﻲ .. ﺍﻟﺘﻮﺭﻳﺪﺓ ﺣﻘﺔ البوﻛﻠﻴﻦ .. ﻭﺣﺴﺎﺏ ﺍﻟﺘﻮﻓﻴﺮ ..

ﻳﻮﻡ ﻣﻦ ﺫﺍﺕ ﺍﻻﻳﺎﻡ ﺟﻨﺎﺑﻮ ﻣﻌﺘﺼﻢ ﻻﻗﻰ ﻣﻠﻜﺔ ﻣﺎﺷﺔ ﻓﻲ ﺍﻟﺸﺎﺭﻉ .. ﻻﻭﻝ ﻣﺮﺓ ..

 ﻗﺎﻝ ﻟﻴﻬﺎ :  ﻣﺎﺷﺔ ﻭﻳﻦ ؟

 ﻗﺎﻟﺖ ﻟﻴﻬﻮ :  ﺍﻟﻠﻴﻠﺔ ﺍﻥ ﺷﺎﺀ ﺍﻟﻠﻪ ﺍﻭﻝ ﻳﻮﻡ ﻟﻲ ﻓﻲ ﺍﻟﻤﺪﺭﺳﺔ ﻭﺍﻟﺴﻨﺔ ﺩﻱ ﺍﻥ ﺷﺎﺀ ﺍﻟﻠﻪ ﻣﻤﺘﺤﻨﺔ .. 

ﻗﺎﻝ ﻟﻴﻬﺎ : ﻟﻜﻦ ﺍﻟﻤﺪﺍﺭﺱ ﺑﺪﺕ ﻣﻦ ﺯﻣﺎﻥ ..

 ﻗﺎﻟﺖ ﻟﻴﻬﻮ : ﺍﻥ ﺷﺎﺀ ﺍﻟﻠﻪ ﺑﺤﺼﻞ ..

ﻗﺎﻝ ﻟﻴﻬﺎ : ﻭﺍﻧﺎ؟

ﺿﺤﻜﺖ ﻭﻣﺸﺖ .. ﺍﻟﻴﻮﻡ ﻛﻠﻮ ﻣﺒﺴﻮﻃﺔ .. ﺍﻟﻤﺴﺎﺀ ﻃﻮﺍﻟﻲ ﺩﻕ ﻟﻴﻬﻢ ﺍﻟﺒﺎﺏ .. ﻓﺘﺤﻮ ﻟﻴﻬﻮ .. ﻣﺤﺎﺳﻦ ﻃﺒﻌﺎ" ﻣﺸﻐﻮﻟﺔ .. ﻭﺍﺳﺘﻠﻤﺖ ﺍﻟﺸﻐﻞ ﻛﻠﻮ .. ﻭﺳﺘﻮ ﺑﻘﺖ ﻣﺪﻳﺮ ﻻﻳﻌﻤﻞ .. ﺑﺲ ﻋﻨﺪﻫﺎ ﺍﻟﻜﺸﻜﻮﺵ .. ﻭﺍﻟﺘﻤﻮﻳﻞ ..

ﺍﻫﺎ ﻣﻌﺘﺼﻢ ﻗﺎﻝ ﻟﻲ ﺳﺘﻮ : ﺍﻧﺎ ﻳﺎ ﺍﻡ ﻳﻮﺳﻒ ﺍﻻﻧﺘﻈﺎﺭ ﻃﺎﻝ ﻋﻠﻲ ﻭﺍﻟﻠﻴﻠﺔ ﺷﻔﺖ ﻣﻠﻜﺔ ﻃﺎﻟﻌﺔ ﻋﻠﻰ ﺍﻟﻤﺪﺭﺳﺔ .. ﺍﻟﻤﻮﺿﻮﻉ ﺩﻩ ﺣﺪﻭ ﻭﻳﻦ؟

ﻗﺎﻟﺖ ﻟﻴﻬﻮ : ﻣﺪﺭﺳﺔ ﺷﻨﻮ؟ ﻣﻠﻜﺔ ﻛﺎﻥ ﺣﻀﺮﺕ ﺍﻟﺴﻨﺔ ﻣﻦ ﺍﻭﻟﻬﺎ ﻣﺎﻋﻨﺪﻫﺎ ﻋﻤﺎﺭ ﻓﻲ ﺍﻟﻤﺪﺭﺳﺔ .. ﻭﻣﺎﺑﺘﺠﻴﺐ ﺷﻲ .. ﺍﻧﺖ ﻳﺎﺯﻭﻝ ﻛﻠﻢ ﺍﻫﻠﻚ ﻟﺰﻭﻡ ﺗﺎﺧﺪ ﺭﺍﻳﻬﻢ ﻭﺗﻌﺎﻝ ﻟﻲ ..

ﻭﺑﻘﺖ ﺗﻀﺮﺏ ﻟﻲ ﻳﻮﺳﻒ .. ﻭﺗﻠﻔﻮﻧﻮ ﻣﻘﻔﻮﻝ .. ﺍﻭﻝ ﻣﻦ ﺩﺧﻞ ﺍﻟﺸﺒﻜﺔ ﻭﻟﻘﻰ ﺍﻣﻮ ﺿﺎﺭﺑﺔ ﻟﻴﻬﻮ .. ﺭﺟﻊ ﻟﻴﻬﺎ ..

ﻗﺎﻟﺖ ﻟﻴﻬﻮ :  ﺍﺳﻤﻌﻨﻲ ﻛﻮﻳﺲ .. ﻣﻌﺘﺼﻢ ﺍﺧﻮ ﺣﻤﻮﺩﻱ ﺻﺎﺣﺒﻚ  ﻗﺎﻝ ﺩﺍﻳﺮ ﻣﻠﻜﺔ ﺍﻧﺖ ﺭﺍﻳﻚ ﺷﻨﻮ؟

 ﻗﺎﻝ ﻟﻴﻬﺎ :  ﻭﻣﻠﻜﺔ ﺭﺍﻳﻬﺎ ﺷﻨﻮ؟

ﻗﺎﻟﺖ ﻟﻴﻬﻮ : ﻃﺒﻌﺎ"ﻣﻮﺍﻓﻘﺔ .. ﻭﻣﺎﻋﻨﺪﻫﺎ ﺍﻱ ﻣﺸﻜﻠﺔ ﻭﻭﺍﻗﻌﺔ ﺑﻴﻬﻮ ﺍﻟﺒﺤﺮ .. 

ﻗﺎﻝ ﻟﻴﻬﺎ : ﻋﻠﻰ ﺑﺮﻛﺔ ﺍﻟﻠﻪ .. ﺍﻧﺎ ﺫﺍﺗﻲ ﻣﺎﻋﻨﺪﻱ ﻣﺎﻧﻊ .. ﺍﻟﺰﻭﻝ ﺭﺍﺟﻞ .. ﻭﺯﻳﻮ ﻓﻲ ﺍﻟﺤﻠﺔ ﺫﺍﺗﻮ ﻣﺎﻓﻲ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺘﻢ ﻟﻴﻬﻢ ﻋﻠﻰ ﺧﻴﺮ ..

 ﻗﺎﻟﺖ ﻟﻴﻬﻮ :  ﺧﻼﺹ ﺍﻧﺎ ﺑﻜﻠﻤﻮ ﻳﺘﺼﻞ ﻋﻠﻴﻚ .. ﻭﻳﻜﻠﻤﻚ ﺑﺮﺍﻫﻮ  ﺍﻧﺎ ﺯﻱ ﺍﻟﻤﺎﻛﻠﻤﺘﻚ ..

 ﻗﺎﻝ ﻟﻴﻬﺎ : ﺧﻠﻴﻬﻮ ﻳﺘﺼﻞ ﻋﻠﻲ ﻳﻮﻡ ﺍﻟﺨﻤﻴﺲ ﺍﻟﻤﺴﺎﺀ ..

ﺍﻟﻤﻬﻢ ﺳﺘﻮ ﻣﻨﺘﻈﺮﺓ ﻣﻌﺘﺼﻢ ﺑﻲ ﺧﺒﺮ ﺍﻫﻠﻮ .. ﻭﺍﻫﻠﻮ ﺑﺎﺭﻛﻮ ﺍﻟﻤﻮﺿﻮﻉ .. ﻭﻓﺮﺣﻮ ﺟﺪﺍ" .. ﻻﻧﻮ ﺍﻟﺨﻴﺮ ﻭﺳﺘﻮ .. ﺳﻤﻌﺘﻬﻢ ﻓﻲ ﺍﻟﺤﻠﺔ ﺯﻱ ﺍﻟﺪﻫﺐ .. ﻣﺎﻓﻲ ﻛﻼﻡ .. ﻭﺍﻟﺒﺖ ﺫﺍﺗﻬﺎ ﻣﻬﺬﺑﺔ ﻭﻣﻌﺮﻭﻓﺔ ..

ﻗﺎﻟﺖ ﻟﻴﻬﻮ :  ﺍﻧﺎ ﻛﻠﻤﺖ ﺟﺪﻭ .. ﻗﻠﺖ ﻟﻴﻬﻮ : ﻣﻌﺘﺼﻢ ﺑﻀﺮﺏ ﻟﻴﻚ  ﻗﺎﻝ ﻟﻴﻚ ﺍﺿﺮﺏ ﻟﻴﻬﻮ ﻳﻮﻡ ﺍﻟﺨﻤﻴﺲ ﺍﻟﻤﺴﺎﺀ .. ﻭﻓﻌﻼ" ﻳﻮﻡ ﺍﻟﺨﻤﻴﺲ ﻣﻌﺘﺼﻢ ﺿﺮﺏ ﻟﻴﻬﻮ .. ﻭﺟﺪﻭ ﺑﺎﺭﻙ ﻟﻴﻬﻮ ﺍﻟﻤﻮﺿﻮﻉ .. ﻭﻗﺎﻝ ﻟﻴﻬﻮ : ﻣﺎﻓﻲ ﺯﻭﻝ ﻣﻤﻜﻦ ﻳﺤﻔﻆ ﻋﺮﺿﻲ ﻭﺍﻧﺎ ﻏﺎﻳﺐ ﺯﻳﻚ 

ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺴﻬﻞ ﻟﻴﻚ ﻭﻳﺘﻢ ﻟﻴﻚ ﻋﻞ ﺧﻴﺮ .. ﻭﺍﻧﺎ ﻓﻮﺿﺖ ﺍﻣﻲ ﺗﻘﻮﻡ ﺑﻲ ﻛﻞ ﻣﺎﻳﻘﻮﻣﻮ ﺑﻴﻬﻮ ﺍﻟﺮﺟﺎﻝ ..

ﻓﻲ ﻭﺍﺣﺪ ﻣﻦ ﺍﻗﺮﺑﺎﺀ ﺍﻟﺨﻴﺮ ﺍﺳﻤﻮ ﻋﺒﺎﺱ .. ﺳﺎﻛﻦ ﻓﻲ ﺍﻟﺸﻘﻴﻼﺏ .. ﺟﺎﺀ ﻳﻮﻡ ﺯﻳﺎﺭﺓ ﻓﻲ ﺍﻟﺒﻴﺖ .. ﻭﻻﻗﻰ ﺳﺘﻮ .. 

ﻭﻗﺎﻝ ﻟﻴﻬﺎ :  ﻃﺒﻌﺎ" ﺍﻧﺎﺑﻜﻮﻥ ﻋﻢ ﺍﻻﻭﻻﺩ ﺩﻳﻞ .. ﻭﺩﺍﻳﺮ ﻣﻠﻜﺔ ﻟﻲ ﻭﻟﺪﻱ ..

ﺍﻟﻜﻼﻡ ﺩﻩ ﺑﻌﺪ ﻣﺎ ﻣﻌﺘﺼﻢ ﺍﺩﻭﻫﻮ ﺍﻟﻜﻠﻤﺔ .. ﻭﺍﻟﻤﻮﺿﻮﻉ ﺧﻠﺺ .. ﺳﺘﻮ ﻗﺎﻟﺖ ﻟﻴﻬﻮ : ﻃﻴﺐ ﻳﺎﻋﺒﺎﺱ ﻛﺪﻱ ﺍﻟﻨﺴﺄﻟﻚ .. ﺍﻧﺖ ﻫﺴﻲ ﺑﺘﻌﺮﻑ ﻟﻴﻨﺎ ﺷﻨﻮ؟

ﻋﺎﺭﻑ ﻇﺮﻭﻓﻨﺎ ؟ ﻧﺤﻦ ﻧﺎﺱ ﻓﻘﺮﺍﻧﻴﻦ ﻭﻣﻔﻠﺴﻴﻦ .. 

ﻗﺎﻝ ﻟﻴﻬﺎة:  ﻣﺎﺷﺎﺀ ﺍﻟﻠﻪ ﺍﺣﻤﺪﻱ ﺭﺑﻚ .. ﻳﺎ ﺳﺖ ﺍﻟﺠﻴﻞ .. ﻗﺎﻟﻮ ﻭﻟﺪﻙ ﻓﻲ ﺍﻟﺪﻫﺐ ﻓﺎﺕ ﺍﻟﻮﺭﺍﻫﻮ ﻭﺍﻟﻘﺪﺍﻣﻮ .. ﻭﻫﺴﻲ ﺍﻧﺎ ﺳﻤﻌﺖ ﺍﻧﻮ ﺍﺷﺘﺮﻯ ﻟﻴﻚ ﺑﻴﺖ ﻫﻨﺎ ﻓﻲ ﺍﻡ ﺑﺪﺓ ؟

 ﻗﺎﻟﺖ ﻟﻴﻬﻮ :  ﺍﻟﻜﻼﻡ ﺩﻩ ﺍﻧﺖ ﺑﺘﺠﻴﺒﻮ ﻣﻦ ﻭﻳﻦ؟ ..

ﻗﺎﻝ ﻟﻴﻬﺎ : ﻓﻲ ﺯﻭﻝ ﺷﻐﺎﻝ ﻣﻌﺎﻫﻮ ﻫﻨﺎﻙ .. ﻣﻦ ﺍﻭﻻﺩ ﺟﻴﺮﺍﻧﻲ ﻫﻨﺎﻙ ﻓﻲ ﺍﻟﺸﻘﻴﻼﺏ ..

ﻭﻗﺎﻟﻮ ﺩﺍﻳﺮ ﻳﺸﺘﺮﻱ ﻟﻲ ﺍﺧﺘﻮ ﺑﻴﺖ ﻓﻲ ﺍﻟﺴﺎﻣﺮﺍﺏ .. ﻃﺒﻌﺎ" ﺍﻟﻜﻼﻡ ﺩﻩ ﻛﻠﻮ ﺳﺘﻮ ﻣﺎﻋﻨﺪﻫﺎ ﻣﻨﻮ ﺧﺒﺮ ..

ﻗﺎﻟﺖ ﻟﻴﻬﻮ : ﺍﻟﺤﻤﺪ ﻟﻠﻪ ﻭﺍﻟﻠﻪ ﻳﺎﻋﺒﺎﺱ .. ﺑﺲ ﺍﻟﻜﻼﻡ ﺩﻩ ﺍﻧﺎ ﻣﺎﻋﺎﺭﻓﺎﻫﻮ ..

ﻗﺎﻝ ﻟﻴﻬﺎ : ﺍﻟﻜﻼﻡ ﺩﻩ ﻗﺮﻳﺐ ﻓﻲ ﺍﻻﺳﺒﻮﻉ ﺩﻩ .. ﻣﻌﻨﺎﻫﺎ ﺩﺍﻳﺮ ﻳﻌﻤﻼ ﻟﻴﻚ ﻣﻔﺎﺟﺄﺓ .. 

ﻗﺎﻟﺖ ﻟﻴﻬﻮ :  ﻳﻌﻨﻲ ﺍﻧﺖ ﺟﻴﺘﻨﺎ ﻟﻤﻦ ﻋﺮﻓﺖ ﺍﻧﻮ ﻭﺿﻌﻨﺎ ﺍﺗﺼﻠﺢ .. ﻭﻳﻨﻚ ﺯﻣﺎﻥ ﻳﺎﻋﺒﺎﺱ؟؟

ﻟﻤﻦ ﺍﻭﻻﺩ ﺍﺧﻮﻙ ﻛﺎﻧﻮ ﻣﺠﻬﺠﻬﻴﻦ .. ﻭﻣﺪﻳﻮﻧﻴﻦ .. ﻭﻗﺮﻳﺒﻚ ﺍﻟﺨﻴﺮ ﻣﺘﺪﻳﻦ ﻗﺮﻭﺵ ﻗﺪﺭ ﺍﻟﻠﻴﻠﺔ ﻭﺑﺎﻛﺮ ..

ﺍﻟﻤﻬﻢ ﻳﺎﻋﺒﺎﺱ ﺍﻧﺎ ﻣﺎﺑﻘﻮﻝ ﻟﻴﻚ ﺭﺍﻓﻀﺔ ﻭﻻﻗﺒﻼﻧﺔ ..

ﻳﻬﺪﻱ ﻣﻠﻜﺔ ﺷﻮﻓﻬﺎ .. ﺗﻌﺎﻟﻲ ﻳﺎ ﺍﻟﻤﻠﻜﺔ .. ﻋﻤﻚ ﺩﻩ .. ﻭﺩ ﻋﻢ ﺍﺑﻮﻙ ﻃﻮﺍﻟﻲ ﻭﺩﺍﻳﺮ ﻳﺘﻜﻠﻢ ﻣﻌﺎﻙ ..

ﻗﺎﻝ ﻟﻴﻬﺎ :  ﺍﺯﻳﻚ ﻳﺎﺑﺘﻲ ..

 ﻗﺎﻟﺖ ﻟﻴﻬﻮ : ﺍﻫﻠﻴﻦ ﻳﺎﻋﻤﻮ ..

 ﻗﺎﻝ ليها :  ﻭﺍﻟﻠﻪ ﺍﻧﺎ ﺟﻴﺖ ﺍﻃﻠﺒﻚ ﻟﻲ ﻭﻟﺪﻱ ..

 ﻗﺎﻟﺖ ﻟﻴﻬﻮ :  ﻟﻼﺳﻒ ﻳﺎ ﻋﻤﻲ ﺍﻧﺎ ﻣﺨﻄﻮﺑﺔ ..

ﻗﺎﻝ ﻟﻴﻬﺎ :  ﻃﻴﺐ ﺍﻣﻚ ﻣﻦ ﻗﺒﻴﻞ ﻣﺎﺗﻘﻮﻝ ﻟﻲ ﻛﺪﻱ؟؟ ﻣﺎﻻ ﺑﺘﻠﻒ ﻭﺗﺪﻭﺭ؟؟ .. 

ﻗﺎﻟﺖ ﻟﻴﻬﻮ :  ﺍﻣﻲ ﻋﺎﻳﺰﺓ ﺍﻟﻜﻼﻡ ﻳﺠﻲ ﻣﻨﻲ ﺍﻧﺎ .. ﺍﻧﺎﺳﺖ ﺍﻟﻤﻮﺿﻮﻉ ﺍﺣﺘﻤﺎﻝ ﺍﻏﻴﺮ ﺭﺍﻱ .. ﻭﺍﻗﺒﻞ ﺑﻲ ﻃﻠﺒﻚ ﻣﻮﺵ ﻭﺍﺭﺩ ؟

ﻗﺎﻝ ﻟﻴﻬﺎ : ﻓﻌﻼ" ﻭﺍﺭﺩ .. 

ﻗﺎﻟﺖ ﻟﻴﻬﻮ :  ﺑﺲ ﻣﺎﻋﻨﺪﻱ ﺭﻏﺒﺔ ﺍﻏﻴﺮ ﺭﺍﻱ ﻣﻦ ﻣﻌﺘﺼﻢ ..

ﻏﺎﻳﺘﻮ ﺍﻟﺰﻭﻝ ﻗﻨﻊ ﻭﻗﺎﻡ ﻣﺸﻰ ..

 ﻭﻗﺎﻝ ﻟﻲ ﺳﺘﻮ : ﺍﻋﻔﻲ ﻟﻴﻨﺎ ﻓﻲ ﺍﻟﻔﺎﺕ .. ﻟﻜﻦ ﺗﺎﻧﻲ ﻣﺎﺑﻨﺘﻘﻄﻊ ﻣﻨﻜﻢ ..

ﺑﻌﺪ ﻃﻠﻊ ﺳﺘﻮ ﻗﺎﻟﺖ ﻟﻴﻬﺎ : ﺷﻔﺘﻲ ﻳﺎﻣﻠﻜﺔ؟ .. ﺩﻳﻞ ﺍﻫﻞ ﺍﺑﻮﻙ ﻣﺎﺑﻌﺮﻓﻮ ﻟﻴﻨﺎ ﺍﻱ ﺣﺎﺟﺔ .. ﺍﺑﻮﻙ ﺣﻲ ﻭﺑﻌﺪ ﻣﺎﺕ ﻣﺎﻓﻴﻬﻢ ﺯﻭﻝ ﺟﺎﻧﺎ ﺯﻳﺎﺭﺓ .. ﻭﻻ ﺳﺄﻝ ﻣﻨﻨﺎ .. ﻫﺴﻲ ﺑﻤﺠﺮﺩ ﻣﺎﺳﻤﻌﻮ ﺑﻲ ﻧﺠﺎﺡ ﻳﻮﺳﻒ .. ﺑﺪﻭ ﻳﺠﻮ .. ﻏﺎﻳﺘﻮ ﻧﺎﺱ ﺯﻣﻨﺎ ﺩﻳﻞ ﻳﺎﻟﻄﻴﻒ ﻣﻨﻬﻢ

ﻣﺎﺑﻘﺪﺭﻭﻙ ﺍﻻ ﻟﻤﻦ ﻳﻜﻮﻥ ﻋﻨﺪﻙ ﻗﺮﻭﺵ ..

 ﻗﺎﻟﺖ ﻟﻴﻬﺎ : ﻳﺎ ﺍﻣﻲ ﻗﻮﻟﻰ ﻣﺎﺑﻘﺪﺭﻭﻙ ﻧﻬﺎﺋﻲ .. ﺑﻘﺪﺭﻭ ﺍﻟﻘﺮﻭﺵ ﺑﺲ .. ﻭﻳﻮﻣﻚ ﺍﻟﺘﻔﻠﺲ ﺗﺎﻧﻲ ﻣﺎﺑﺘﺸﻮﻑ ﻓﻴﻬﻢ ﺯﻭﻝ ..

ﻃﺒﻌﺎ" ﺳﺘﻮ ﺍﺻﻼ" ﺍﺑﺖ ﺗﻜﻠﻢ ﻣﻠﻜﺔ ﺑﻲ ﻗﺼﺔ ﺍﻧﻮ ﻳﻮﺳﻒ ﺍﺷﺘﺮﻱ ﺑﻴﺖ .. ﻗﺎﻟﺖ ﻻﻣﻦ ﺃﺗﺎﻛﺪ ﻣﻦ ﻳﻮﺳﻒ ﺑﺮﺍﻫﻮ .. ﺣﺘﻦ ﺍﻃﻠﻊ ﺍﻟﺨﺒﺮ ﻻﻧﻮ ﻣﺎﻣﻌﺮﻭﻑ ﺍﻟﺨﺒﺮ ﺩﻩ ﺟﺎﻱ ﻣﻦ ﻭﻳﻦ ؟

ﻳﻮﺳﻒ ﺍﻭﻝ ﺍﺗﺼﺎﻝ ﻟﻲ ﺍﻣﻮ ﻗﺎﻝ ﻟﻴﻬﺎ : ﺍﻧﺎ ﺟﺎﻱ ﺍﻟﺨﺮﻃﻮﻡ .. ﻻﻧﻲ ﺍﺷﺘﻘﺖ ﻟﻴﻜﻢ ﻭﺍﺷﻮﻑ ﺍﻟﺤﺎﺻﻞ ﻋﻠﻴﻜﻢ ﺷﻨﻮ .. ﻭﻋﻨﺪﻱ ﻛﻢ ﺣﺎﺟﺔ ﻛﺪﺍ ..

ﺑﺮﺿﻮ ﺍﺑﺖ ﺗﺴﺄﻟﻮ ﻣﻦ ﻣﻮﺿﻮﻉ ﺍﻟﺒﻴﺖ ﺍﻟﺠﺪﻳﺪ ..

ﺑﻌﺪ ﺍﺳﺒﻮﻉ ﺣﺎﻣﺪ ﺍﺳﺘﻠﻢ ﺍﻻﺩﺍﺭﺓ .. ﻭﻳﻮﺳﻒ ﺳﺎﻓﺮ ﺍﻟﺨﺮﻃﻮﻡ .. ﻭﺟﺎﺀ ﻟﻲ ﻧﺎﺱ ﺍﻣﻮ .. ﻭﻟﻘﻰ ﺍﻣﻮ ﻇﺒﻄﺖ ﺑﻴﺘﻬﺎ .. ﻭﺑﻨﺖ ﺑﺮﻧﺪﺓ .. ﻭﻋﻤﻠﺖ ﺑﻴﺎﺽ ﻭﺑﻼﻁ .. ﻭﻧﻘﺎﺷﺔ .. ﻭﺍﺷﺘﺮﺕ ﺗﻼﺟﺔ ﺟﺪﻳﺪﺓ .. ﻭﺍﻟﺒﻴﺖ ﻣﺘﻐﻴﺮ ﻛﻠﻮ ﻛﻠﻮ ..

ﻭﻟﻘﻰ ﻣﻠﻜﺔ ﺷﻐﺎﻟﺔ ﺗﻜﻨﺲ ﻓﻲ ﺍﻟﺒﻴﺖ .. ﻗﺒﻞ ﻣﺎﻳﺴﻠﻢ ﻋﻠﻰ ﺍﻣﻮ ﻣﺸﻰ ﻋﻠﻰ ﻣﻠﻜﺔ ﻛﺪﺍ .. ﻣﺴﻜﻬﺎ ﻣﻦ ﻳﺪﻳﻬﺎ .. ﺑﻘﻰ ﻳﻌﺎﻳﻦ ﻟﻴﻬﺎ ﻣﻦ ﻓﻮﻕ ﻟﻲ ﺗﺤﺖ .. ﻻﻣﻦ ﻋﻴﻮﻧﻮ ﺍﺗﻤﻠﻦ ﺩﻣﻮﻉ ..

ﻭﺣﺘﻦ ﺳﻠﻢ ﻋﻠﻴﻬﺎ .. ﺑﺎﻻﺷﻮﺍﻕ ﺍﻟﺤﺎﺭﺓ .. ﻭﺍﻟﻤﺸﺎﻋﺮ ﺍﻟﺼﺎﺩﻗﺔ ﺑﻴﻦ ﺍﻻﺧﻮﺍﻥ ﺍﻭﻻﺩ ﺍﻻﻡ ..

ﻭﺳﻠﻢ ﻋﻠﻲ ﺍﻣﻮ ﺳﻼﻡ ﻳﺒﻜﻲ ﺍﻟﺤﺠﺮ .. ﺍﻭﻝ ﻣﺮﺓ ﻳﻔﺎﺭﻕ ﺍﻣﻮ ﻓﺘﺮﺓ ﻗﺪﺭ ﺩﻱ .. ﻭﻳﺴﻠﻢ ﻋﻠﻴﻬﺎ ﻭﻳﻘﻌﺪ ﻳﻌﺎﻳﻦ ﻟﻴﻬﺎ .. ﻭﺗﺎﻧﻲ ﻳﻘﻮﻡ ﻳﻘﻠﺪﻫﺎ ﻳﺴﻠﻢ ﻋﻠﻴﻬﺎ ..

ﺳﺄﻝ ﻣﻦ ﻣﺤﺎﺳﻦ ..

 ﻗﺎﻟﺖ ﻟﻴﻬﻮ :  ﻣﺤﺎﺳﻦ ﻭﺍﻟﻠﻪ ﺍﺻﻠﻬﺎ ﻣﺎﺑﺘﻘﻌﺪ ﻓﻲ ﺍﻟﺒﻴﺖ .. ﺳﺎﻛﺔ ﺍﻟﺸﻐﻞ ﺑﺲ .. ﻭﺍﻧﺎ ﺣﺎﻣﻴﺎﻧﻲ ﺍﺩﺧﻞ ﻟﻲ ﺍﺑﺮﺓ ﻓﻲ ﺧﻴﻂ .. ﻗﺎﻳﻤﺔ ﺑﺎﻟﺸﻐﻞ ﻣﻦ ﻣﺠﺎﻣﻴﻌﻮ ..

 ﻗﺎﻝ ﻟﻴﻬﺎ : ﺍنتي ﺧﻼﺹ ﺑﻌﺪ ﻛﺪﺍ ﺗﺮﺗﺎﺣﻲ ﻭﺗﻘﻌﺪﻱ ﺯﻱ ﺍﻟﺴﻠﻄﺎﻧﺔ .. ﺍﺷﺘﻐﻠﺘﻲ ﻣﺎﻓﻴﻬﻮ ﺍﻟﻜﻔﺎﻳﺔ .. ﺍﺷﺘﻐﻠﺘﻲ ﻻﻣﻦ ﻓﻘﺪﺗﻲ ﺟﻨﺎﻙ ﺍﻟﻔﻲ ﺑﻄﻨﻚ ..

ﻗﺎﻟﺖ ﻟﻴﻬﻮ :  ﺍﻫﺎ ﺍﻧﺖ ﺧﺒﺮﻙ ﺷﻨﻮ؟ .. ﻭﺍﻣﻮﺭﻙ ﺍﻟﺠﺎﻳﻬﺎ ﺷﻨﻮ؟ ﺍﻥ ﺷﺎﺀ ﺍﻟﻠﻪ ﺗﺘﺴﻬﻞ .. 

ﺍﻟﻤﻬﻢ ﻗﺎﻝ ﻟﻴﻬﺎ : ﺍﻧﺎ ﻋﻨﺪﻱ ﻛﻢ ﺣﺎﺟﺔ ﻛﺪﺍ ﻭﺭﺍﺟﻊ ..ﺍﻭﻻ" ﺍﻧﺎ ﺍﺷﺘﺮﻳﺖ ﻟﻴﻚ ﺑﻴﺖ ﻓﻲ ﺍﻟﺸﺎﺭﻉ ﺍﻟﺮﺍﺑﻊ ﻣﻦ ﻫﻨﺎ .. ﻭﺩﻓﻌﺖ ﻓﻴﻬﻮ ﻋﺮﺑﻮﻥ .. ﻫﺴﻲ ﺟﺎﻱ ﺍﺷﻮﻓﻮ ﻭﺗﻮﺭﻳﻨﻲ ﺭﺍﻳﻚ ﻟﻮ ﻧﻔﻊ ﺑﻨﻜﻤﻞ ﺍﻟﺒﻴﻌﺔ .. ﻭﻟﻮ ﻣﺎﻧﻔﻊ ﻧﺸﻮﻑ ﻏﻴﺮﻭ .. ﺍﻟﺒﻴﺖ ﺩﻩ ﻣﺎﺑﺘﻨﺎﺳﺐ ﻣﻊ ﺍﻟﺴﻠﻄﺎﻧﺔ ..

 ﻗﺎﻟﺖ ﻟﻴﻬﻮ : ﺍﻧﺎ ﺑﻴﺘﻲ ﻣﺎﺑﻤﺮﻕ ﻣﻨﻮ ..

ﻗﺎﻝ ﻟﻴﻬﺎ :  ﺍﻟﺒﻴﺖ ﺩﻩ ﻋﺎﻳﺰﻳﻦ ﻧﺨﻠﻴﻬﻮ ﻟﻲ ﻣﺤﺎﺳﻦ ﻭﺍﻭﻻﺩﻫﺎ .. ﺗﻘﻌﺪ ﻓﻴﻬﻮ ﻭﺗﻠﻘﻰ ﺭﺍﺣﺘﻬﺎ ﺑﺮﺍﻫﺎ .. ﻭﺗﻘﻮﻡ ﺑﻲ ﺣﻴﺎﺗﻬﺎ ﻭﺧﺼﻮﺻﻴﺎﺗﻬﺎ .. ﺑﺪﻝ ﻣﺎﺗﺤﺲ ﺍﻧﻬﺎ ﻗﺎﻋﺪﺓ ﻣﻊ ﺍﻟﻨﺎﺱ

ﻗﺎﻟﺖ ﻟﻴﻬﻮ : ﺍﻧﺖ ﻗﺎﻳﻞ ﻣﺤﺎﺳﻦ ﺯﻱ ﻣﺤﺎﺳﻦ ﺍﻟﺰﻣﺎﻥ .. ﻣﺎﺷﺎﺀ ﺍﻟﻠﻪ ﺑﻘﺖ ﺍﻟﺒﻠﺰﻫﺎ ﻣﺎﺑﺮﻣﻴﻬﺎ .. ﻭﺍﻧﺎ ﻣﺎﺑﻘﺪﺭ ﺍﻓﺎﺭﻗﻬﺎ .. 

ﻗﺎﻝ ﻟﻴﻬﺎ :  ﺑﺲ ﺍﻧﺘﻲ ﻣﺎﻋﺎﺭﻓﺔ ﺍﻟﺤﺎﺻﻞ ..

ﺍﻟﻜﻼﻡ ﺟﺎﻳﻴﻚ .. ﺍﻧﺎ ﺳﻤﻌﺖ ﺍﻧﻮ ﺭﺍﺟﻞ ﻣﺤﺎﺳﻦ ﻗﺎﻋﺪ ﻟﻴﻬﻮ ﻣﻊ ﻧﺎﺱ ﻓﻲ ﻋﺪ ﺣﺴﻴﻦ .. ﻭﻋﺎﻳﺰ ﺍﻣﺸﻲ ﺍﺟﻴﺒﻮ ﻟﻲ ﺍﻭﻻﺩﻭ .. ﻭﻳﻘﻌﺪ ﻓﻲ ﺑﻴﺘﻮ .. ﻭﻣﺤﺎﺳﻦ ﺑﺘﻌﻴﺸﻮ ﺗﺎﻧﻲ .. ﺭﺍﻳﻚ ﺷﻨﻮ ؟

ﻗﺎﻟﺖ ﻟﻴﻬﻮ : ﻭﺍﻟﻠﻪ لكن ﺍﻧﺖ ﺗﺮﺍﻙ ﺟﺎﻱ ﺑﻲ ﺭﺍﻱ ﻛﺒﻴﺮ .. ﺍﻟﻨﺸﻮﻑ ﻣﺤﺎﺳﻦ ﺭﺍﻳﻬﺎ ﺷﻨﻮ؟ ﺣﺘﻦ ﺑﻌﺪ ﺩﺍك ﺍﻧﺖ ﺗﺘﺼﺮﻑ .. ﻗﺎﻝ ﻟﻴﻬﺎ :  ﻻﻻ .. ﺧﻠﻲ ﺍﻟﻤﻮﺿﻮﻉ ﻳﺠﻴﻬﺎ ﻣﻔﺎﺟﺄﺓ .. ﻻﻧﻬﺎ ﻛﺪﺍ ﺑﺘﺮﻓﻀﻮ ..

ﺧﻠﻲ ﺍﻟﻜﻼﻡ ﻳﺠﻲ ﻣﻨﻮ ﻫﻮ .. ﻣﺎﻳﺠﻲ ﻣﻨﻨﺎ ﻧﺤﻦ .. ﺍﻧﺘﻲ ﺑﺲ ﺧﻠﻴﻨﻲ ﺍﻧﺎ ﺑﺘﺼﺮﻑ .. ﻫﺴﻲ ﺍﻧﺎ ﻣﻌﺎﻱ ﻗﺮﻭﺵ ﻣﻮﺩﻳﻬﻦ ﻟﻲ ﺍﻻﻣﻴﻦ ..

 ﻗﺎﻟﺖ ﻟﻴﻬﻮ :  ﺍﻻﻣﻴﻦ .. ﺷﻨﻮ ﻛﻤﺎﻥ ؟

ﻗﺎﻝ ﻟﻴﻬﺎ : ﺍﻻﻣﻴﻦ ﺻﺎﺣﺐ ﺍﺑﻮﻱ ﺍﻟﻜﺎﻥ ﺍﺷﺘﻜﺎﻧﺎ ﻓﻲ ﺍﻟﻤﺤﻜﻤﺔ ﻓﻲ ﻗﺮﻭﺷﻮ .. 

ﻗﺎﻟﺖ ﻟﻴﻬﻮ : ﻫﻮ ﻣﻮﺵ ﻗﺎﻝ ﻋﻔﺎﻫﺎ ﻟﻴﻨﺎ؟

ﻗﺎﻝ ﻟﻴﻬﺎ : ﺑﺲ ﻧﺤﻦ ﺍﻟﻘﺮﻭﺵ ﺍﺗﻮﻓﺮﺕ ﻋﻨﺪﻧﺎ .. ﻭﺍﻧﺎ ﻣﺎ ﺍﻛﺬﺏ ﻋﻠﻴﻚ ﻭﺍﻟﻠﻪ ﻟﻐﺎﻳﺔ ﻫﺴﻲ ﻣﻮﻗﻔﻮ ﺣﺎﺭﻗﻨﻲ .. ﻭﻟﻮ ﻣﺎﻭﺩﻳﺖ ﻟﻴﻬﻮ ﻗﺮﻭﺷﻮ ﻣﺎﺑﺮﺗﺎﺡ ..

ﺟﺎﺕ ﻣﺤﺎﺳﻦ ﻭﺳﻠﻢ ﻋﻠﻴﻬﺎ ﻭﻃﺎﻳﺒﻬﺎ .. ﻭﻗﺎﻝ ﻟﻴﻬﺎ : ﻭﻳﻦ ﺍﻻﻭﻻﺩ؟ ﻗﺎﻟﺖ ﻟﻴﻬﻮ : ﻓﻲ ﺍﻟﻤﺪﺍﺭﺱ ..

ﻗﺎﻝ ﻟﻴﻬﻢ : ﺍﻧﺎ ﻣﺎﻋﻨﺪﻱ ﻭﻛﺖ ﺑﻄﻠﻊ ﻃﻮﺍﻟﻲ .. ﺍﺗﺼﻞ ﻋﻠﻲ ﻭﺍﺣﺪ ﺑﺘﺎﻉ ﺍﻣﺠﺎﺩ ﻭﻣﺸﻰ ﻟﻼﻣﻴﻦ .. ﺑﺼﺮﺍﺣﺔ ﻟﻘﻰ ﺍﻻﻣﻴﻦ ﻓﻌﻼ" ﻣﺤﺘﺎﺝ ﻟﻠﻘﺮﻭﺵ ﺣﻮﺟﺔ ﻣﺎﺳﺔ .. ﻻﻧﻮ ﺷﻐﻠﻮ ﺿﺮﺏ ﺍﻟﻮﺍﻃﺔ .. ﻭﻟﻘﺎﻫﻮ ﺷﻐﺎﻝ ﻣﻊ ﺯﻭﻝ ﺑﺘﺎﻉ ﻣﻜﺘﺐ ﻋﻘﺎﺭﺍﺕ .. ﺍﻟﻤﻬﻢ ﺍﻟﺤﺼﻞ ﻟﻼﻣﻴﻦ ﻣﺎﻓﻲ ﺩﺍﻋﻲ ﻟﻴﻬﻮ .. ﻭﺩ ﻗﺎﻧﻮﻥ ﺳﻤﺎﻭﻱ .. ﺍﻟﺒﺨﻴﻞ ﺭﺑﻨﺎ ﺑﻬﻠﻚ ﻣﺎﻟﻮ .. ﻭﺍﻟﻜﺮﻳﻢ ﺭﺑﻨﺎ ﺑﺒﺎﺭﻙ ﻟﻴﻬﻮ ..

ﻭﻣﺮﺓ ﻗﺎﻝ ﺍﻟﻠﺒﻴﺐ : 

ﺍﻟﺼﺪﻗﺔ ﺍﻥ ﺑﻘﺖ ﺑﻲ ﺍﻟﺴﺮ ﺗﻜﻮﻥ ﻣﻘﺒﻮﻟﻪ ..

ﺑﺘﺠﻴﺐ ﺿﻌﻔﻬﺎ ﻭﺍﺿﻌﺎﻑ ﺩﺑﻮﻝ ﻭﺩﺑﻮﻻ ..

ﻭﺍﻟﺮﺑﻄﺔ ﺍﻟﺒﺘﺴﻜﻦ ﻓﻲ ﺍﻟﺨﺰﻥ ﻣﻄﺒﻮﻟﻪ ..

ﺭﺑﻨﺎ ﺑﻬﻠﻜﺎ .. ﻭﺗﻜﻤﻞ ﺑﻼ ﻳﺤﺴﺒﻮﻻ ..

ﻋﻠﻰ ﻛﻞ ﺍﻻﻣﻴﻦ ﺭﺑﻨﺎ ﻓﺮﺟﻬﺎ ﻋﻠﻴﻬﻮ ﻓﻲ ﻟﺤﻈﺔ ﺍﺣﺘﻴﺎﺝ .. ﻭﺩﻱ ﺑﺮﺿﻮ ﺍﻧﺎ ﺑﻌﺘﺒﺮﻫﺎ ﺑﻲ ﺳﺒﺐ ﺍﻧﻮ ﺳﻤﻊ ﻛﻼﻡ ﺍﻣﻮ .. ﻭﻋﻔﻰ ﺑﺎﻗﻲ ﺍﻟﻘﺮﻭﺵ ﻟﻲ ﻧﺎﺱ ﻳﻮﺳﻒ ..

ﺍﻟﻤﻬﻢ ﺟﺪﻭ ﺑﻌﺪ ﻣﺸﻰ ﻣﻦ ﺍﻻﻣﻴﻦ .. ﺍﺗﺼﻞ ﻋﻠﻰ ﻭﺍﺣﺪ ﻛﺪﺍ .. ﻭﻗﺎﻝ ﻟﻴﻬﻮ : ﺍﺩﻳﻨﻲ ﺗﻠﻔﻮﻥ ﻋﻮﺽ .. ﻋﻮﺽ ﺩﻩ ﺯﻭﺝ ﻣﺤﺎﺳﻦ ﺍﻟﻬﺎﺭﺏ ﻣﻦ ﺍﻟﻌﺪﺍﻟﺔ ﻫﻬﻪ .. ﺍﻗﺼﺪ ﺍﻟﻬﺎﺭﺏ ﻣﻦ ﺍﻟﻤﺴﺆوﻟﻴﺔ ..

ﻗﺎﻝ ﻟﻴﻬﻮ :  ﺍﻧﺎ ﺑﺪﻳﻚ ﺗﻠﻔﻮﻥ ﻭﺍﺣﺪ ﺍﺳﻤﻮ ﻣﺤﺠﻮﺏ .. ﻫﻮ ﻗﺎﻋﺪ ﻣﻌﺎﻫﻮ .. ﺷﺎﻝ ﻣﻨﻮ ﺍﻟﺘﻠﻔﻮﻥ ﻭﻣﺸﻰ ﻋﺪ ﺣﺴﻴﻦ .. ﺍﻟﻤﻬﻢ ﻳﺎﺯﻭﻝ ﻭﺻﻞ ﻋﻠﻰ ﺣﺴﺐ ﺍﻟﻮﺻﻒ .. ﻭﺍﺗﺼﻞ ﻋﻠﻰ ﻣﺤﺠﻮﺏ .. ﻭﻣﺤﺠﻮﺏ ﻗﺎﻝ ﻟﻴﻬﻮ : ﺍﻟﺰﻭﻝ ﺩﻩ ﻣﻦ ﺟﺎ ﻫﻨﺎ ﻣﺎﻓﻲ ﺯﻭﻝ ﺳﺄﻝ ﻣﻨﻮ ؟ ﺍﻧﺖ ﻣﻨﻮ ؟

ﻗﺎﻝ ﻟﻴﻬﻮ : ﺍﺻﺒﺮ ﺍﻟﻨﺼﻠﻚ .. 

ﻗﺎﻝ ﻟﻴﻬﻮ : ﺍﺳﺮﻉ ﺍﻟﺰﻭﻝ ﺩﻩ ﺍﺣﺘﻤﺎﻝ ﻳﻄﻠﻊ .. ﺍﻟﻤﻬﻢ ﻭﺻﻞ .. ﻭﺳﻠﻢ ﻋﻠﻰ ﻋﻮﺽ ﻭﻗﺎﻝ ﻟﻴﻬﻮ : ﻋﺮﻓﺘﻨﻲ ﻳﺎﻋﻮﺽ ؟

 ﻗﺎﻝ ﻟﻴﻬﻮ : ﺍﺑﺪﺍ" ﻣﺎﻋﺮﻓﺘﻚ ..

 ﻗﺎﻝ ﻟﻴﻬﻮ : ﺍﻧﺎ ﻳﻮﺳﻒ ﺟﺪﻭ .. ﻭﺩ ﺍﻟﺨﻴﺮ ﻭﺩﻳﻮﺳﻒ ﺳﺎﻛﻦ ﻓﻲ ﺍﻟﺸﺎﺭﻉ ﺍﻟﻘﺪﺍﻣﻜﻢ ﻫﻨﺎ ﻓﻲ ﺍﻡ ﺑﺪﺓ ..

ﻗﺎﻝ ﻟﻴﻬﻮ :  ﺍﻧﺎ ﻣﺎﻛﻨﺖ ﺳﺎﻛﻦ ﺍﻡ ﺑﺪﺓ ﺍﺻﻼ" .. 

ﻗﺎﻝ ﻟﻴﻬﻮ : ﻳﺎﺧﻲ .. ﺍﻧﺖ ﻛﻨﺖ ﺳﺎﻛﻦ ﺑﻲ ﺍﻭﻻﺩﻙ ﻭﻫﺴﻲ ﺍﻭﻻﺩﻙ ﻣﻌﺎﻧﺎ ﻓﻲ ﺍﻟﺒﻴﺖ ..

ﻗﺎﻝ ﻟﻴﻬﻮ :  ﺍﻧﺎ ﻣﺎ ﻣﺘﺰﻭﺝ ﺍﺻﻼ" .. ﻭﻻﻋﻨﺪﻱ ﺍﻭﻻﺩ ..

 ﻣﺤﺠﻮﺏ ﻗﺎﻝ ﻟﻲ ﺟﺪﻭ : ﺍﻧﺖ ﻳﺎ ﺧﻴﻨﺎ ﺗﻜﻮﻥ ﻏﻠﻄﺎﻥ ﺍﻟﺰﻭﻝ ﻣﺎﻋﻨﺪﻭ ﺍﻭﻻﺩ ..

ﻗﺎﻝ ﻟﻴﻬﻮ :  ﻳﺎﻋﻮﺽ .. ﻧﻜﺮﺗﺎ ﻣﺤﺎﺳﻦ ..  ﻭﻧﻜﺮﺕ ﺍﻭﻻﺩﻙ؟ ﺳﺒﺤﺎﻥ ﺍﻟﻠﻪ ..

 ﻗﺎﻝ ﻟﻴﻬﻮ : ﻣﺤﺎﺳﻦ ﺩﻱ ﻣﻨﻮ ﻳﺎﺯﻭﻝ؟ ..

ﺍﻧﺖ ﻟﻮ ﻋﻨﺪﻛﻢ ﻣﺮﺍﺓ ﻣﺴﻜﻴﻨﺔ .. ﻭﻻ ﺭﺍﺟﻼ ﻣﻴﺖ ﻭﺩﺍﻳﺮﻳﻦ ﺗﺰﺭﺑﻘﻮﻫﺎ ﻓﻴﻨﻲ .. ﺍﻧﺎ ﻣﺎﻋﻨﺪﻱ ﻟﻴﻬﺎ ﺷﻲ .. ﻭﺍﻟﻠﻪ ﺍﻧﺎ ﺣﻖ ﺍﻟﻌﺸﺎﺀ ﻓﻲ ﺟﻴﺒﻲ ﻣﺎﻓﻲ ..

ﻗﺎﻝ ﻟﻴﻬﻮ : ﻳﺎ ﺍﺳﺘﺎﺫ ﻣﺤﺎﺳﻦ ﺑﻘﺖ ﺷﻐﺎﻟﺔ ﺑﺎﻟﻤﻼﻳﻴﻦ .. ﻣﺎﻣﺤﺘﺎﺟﺔ ﻟﻴﻚ .. ﻭﻋﻨﺪﻫﺎ ﺑﻴﺖ .. ﺍﺣﺘﻤﺎﻝ ﻗﺮﻳﺐ ﻳﻜﻮﻥ ﻣﻠﻜﻬﺎ .. ﺑﺲ ﻭﺍﻟﻠﻪ ﻧﺤﻦ ﻛﻨﺎ ﺩﺍﻳﺮﻧﻚ ﺗﺮﺟﻊ ﻟﻲ ﺍﻭﻻﺩﻙ .. ﻻﺩﺍﻳﺮﻳﻦ ﻣﻨﻚ ﻗﺮﺵ ﻻﺗﻌﺮﻳﻔﺔ .. ﻭﻟﻮ ﻏﺎﻟﺒﺎﻙ ﺍﻟﻌﻴﺸﺔ .. ﻣﺤﺎﺳﻦ ﺑﺘﻌﻴﺸﻚ ..

ﺍﻟﻤﻬﻢ ﻳﺎﻋﻮﺽ ﺍﻧﺎ ﺑﻤﺸﻲ .. ﻭﺑﺨﻠﻲ ﻟﻴﻚ ﺗﻠﻔﻮﻧﻲ .. ﻭﺗﻠﻔﻮﻥ ﻣﺤﺠﻮﺏ ﻣﻌﺎﻱ .. ﺍﺫﺍ ﻏﻴﺮﺕ ﺭﺍﻳﻚ ﻭﺩﺍﻳﺮ ﺍﻭﻻﺩﻙ ﺍﺗﺼﻞ ﻋﻠﻲ .. ﻋﺸﺎﻥ ﺍﻭﺭﻳﻚ ﺗﻠﻘﺎﻫﻢ ﻭﻳﻦ ؟ .. ﻛﺘﺐ ﻟﻴﻬﻮ ﺍﻟﺮﻗﻢ ﻓﻲ ﻭﺭﻗﺔ ﻭﻋﻮﺽ ﺍﺳﺘﻠﻤﻮ ..

ﻭﻭﺩﻋﻬﻢ ﻭﻓﺎﺕ .. ﺍﻫﺎ ﻋﻮﺽ ﻣﺎ ﻗﻌﺪ ﻛﺘﻴﺮ ﺑﻌﺪ ﺟﺪﻭ .. ﻃﻠﻊ ﻃﻮﺍﻟﻲ ﻭﻣﺸﻰ ﻋﻠﻰ ﻣﺤﻞ ﺑﺘﺎﻉ ﺭﺻﻴﺪ .. 

ﻗﺎﻝ ﻟﻴﻬﻮ : ﻋﻠﻴﻚ ﺍﻟﻠﻪ ﺍﺗﺼﻞ ﻟﻲ ﻋﻠﻰ ﺍﻟﺮﻗﻢ ﺩﻩ .. ﺳﺮﻳﻊ ﻋﻠﻴﻚ ﺍﻟﻠﻪ ..

ﺍﺗﺼﻞ ﺟﺪﻭ ﺭﺩ .. 

ﻗﺎﻝ ﻟﻴﻬﻮ : ﻳﻮﺳﻒ ﺗﻌﺎﻝ ﻟﻲ ﺭﺍﺟﻊ ﺍﻧﺎ ﻓﻲ ﺍﻟﺤﺘﺔ ﺍﻟﻔﻼﻧﻴﺔ .. ﺍﻟﻤﻬﻢ ﻳﻮﺳﻒ ﻗﺎﻝ ﻟﻲ ﺑﺘﺎﻉ ﺍﻻﻣﺠﺎﺩ ﺍﺭﺟﻊ .. ﻣﺸﻰ ﻟﻴﻬﻮ ..

ﻗﺎﻝ ﻟﻴﻬﻮ :  ﻳﺎﻳﻮﺳﻒ ﺍﺩﻓﻊ ﻟﻠﺰﻭﻝ ﺩﻩ ﺣﻖ ﺍﻟﻤﻜﺎﻟﻤﺔ ﻟﻮ ﻋﻨﺪﻙ .. ﺑﻌﺪ ﻳﻮﺳﻒ ﺩﻓﻊ ..

 ﻋﻮﺽ ﻗﺎﻝ ﻟﻴﻬﻮ : ﺍﻧﺎ ﺭﺍﺟﻊ ﻻﻭﻻﺩﻱ ..

ﻳﺎﻳﻮﺳﻒ ﺍﻟﻨﺎﺱ ﺍﻻﻧﺎ ﻗﺎﻋﺪ ﻣﻌﺎﻫﻢ ﺩﻳﻞ .. ﺍﻧﺎ ﻣﻔﻬﻤﻬﻢ ﺍﻧﻲ ﻣﺎﻋﻨﺪﻱ ﺍﻭﻻﺩ .. ﺍﻧﺎ ﻳﺎ ﻳﻮﺳﻒ ﻭﺍﻟﻠﻪ ﻃﻠﻌﺖ ﻣﻦ ﺍﻟﺒﻴﺖ .. ﻻﻧﻮ ﻛﻞ ﺷﻲ ﻏﻠﺒﻨﻲ .. ﻭﻣﺎﻗﺎﺩﺭ ﺍﺳﺘﺤﻤﻞ ﺍﺷﻮﻑ ﺍﻭﻻﺩﻱ ﺟﻴﻌﺎﻧﻴﻦ ﻭﻋﺮﻳﺎﻧﻴﻦ .. ﻭﺍﻧﺎ ﻣﺎﻗﺎﺩﺭ ﺍﺳﻮﻱ ﺷﻲ .. ﻗﻠﺖ ﺍﺧﻠﻴﻬﻢ ﻟﻲ ﺍﻟﻠﻪ ﻭﺍﻓﻮﺕ ..

 ﻗﺎﻝ ﻟﻴﻬﻮ :  ﻋﻠﻴﻚ ﺍﻟﻠﻪ ﻳﺎﻋﻮﺽ ﺩﻩ ﺣﻨﻜﻚ؟ ﻏﺎﻳﺘﻮ ﺍﻧﺎ ﺍﻭﻻﺩﻱ ﻟﻮ ﻣﺎﺗﻮ ﻗﺪﺍﻣﻲ ﻣﺎﺑﻔﻮﺕ ﺍﺧﻠﻴﻬﻢ .. ﺍﻣﻮﺕ ﻣﻌﺎﻫﻢ .. ﻟﻜﻦ ﺍﻗﻮﻝ ﻟﻴﻚ .. ﺍﺣﺴﻦ ﺣﺎﺟﺔ ﺍﻧﻚ ﺧﻠﻴﺘﻬﻢ ﻟﻲ ﺍﻟﻠﻪ .. ﻻﻧﻮ ﺭﺑﻨﺎ ﻣﺎﻗﺼﺮ ﻣﻌﺎﻫﻢ .. ﻭﻋﺎﺷﻮ ﻋﻴﺸﺔ ﺍﺣﺴﻦ ﻣﻦ ﺍﻧﺖ ﻣﻌﺎﻫﻢ ..

ﻭﻫﺴﻲ ﺍﻧﺎ ﺧﺎﻳﻒ ﺍﻧﻮ ﻣﺤﺎﺳﻦ ﻣﺎﺗﻘﺒﻠﻚ .. ﻭﻟﻮ ﻣﺸﻴﺖ ﻟﻴﻬﺎ ﺗﻄﺮﺩﻙ ﻋﺪﻳﻞ ..

ﻋﺸﺎﻥ ﻛﺪﺍ ﻟﻮ ﺩﺍﻳﺮ ﺗﺮﺟﻊ ﻻﻭﻻﺩﻙ .. ﺧﻠﻲ ﺑﺎﻟﻚ ﻣﻌﺎﻱ ﻓﻲ ﺍلخطة...

         البارت الثاني والعشرون من هنا 

   لقراءة جميع حلقات القصه من هنا

تعديل المقال