رواية حوريه في قلب الليل
الفصل الثامن والثلاثون 38
بقلم ميفو السلطان
كانت حوريه قد وصلت من القهر مداه فما ان مسكها ليل واخبرها ان لا تتجاوز في كلامها لتنهار وتصرخ بهستيريه.. انت مالك.. انت ايه يا اخي منك لله كله تحكم وتكبر وجبر مش بني ادمه بحس انا. ماليش انطق ماليش ازعل ماليش اتكلم.. جاي ليه جاي تقلي اسف وخلاص واسمع الكلام عشان انا غلبانه. اتقي الله ربنا هيحاسبك. انا اه غلبانه انا اه ضعيفه اعمل ايه عايشه موجوعه وعشت قهر لما شربت. عشت خايفه من ذل ابويا لامي راجع تكمل ذلل وجبر. عشت مهزوزه ضعيفه قلبي بيموتني نفسي اموت عشان انا ماعرفش اعمل حاجه مابعرفش اتصرف مابعرفش اعيش. نفسي احبس نفسي بعيد عن الدنيا عن دنيتك اللي ماينفعش اخشها. قلبي هيموتني انت حد قاسي وصعب وانا غلبانه.. اسكتي يا حوريه تسكت حوريه اخرسي تخرس حوريه عشان حوريه مابتعرفش. ليه مش بني ادمه اتراعي ويتعملي حساب والف حساب اتاخد واتجاب من خلق الله .. ابيع جسمي بالفلوس ومانطقش خوف َو جبر.. انت ايه يا اخي مش حاسس بيا كل اللي في دماغك حوريه طيبه وهتتراضي ليه ماليش كرامه ماليش انطق.. ذل وضرب واهانه وماليش حق انطق.. اتعريت واتفضحت ماليش حق انقهر علي روحي.. انا نفسي بجد اموت عشان هرتاح اوي. لؤلؤ جوزها بيراعي ويدادي ويعملها حساب ويطيب خاطرها ولو زعقت بيقدر. انما انا لو فتحت بقي ازاي ازاي ماينفعش. ليل بيه مايتزعقلوش ليل بيه مايتوطلوش كلمه اصله ليل الرفاعي ازاي الناس تاكل وشه هيمشي يدادي في ست يتعيب عليها.. انا بقه مش عايزاك ولا عايزه دنيتك دي انا مش عايزه اعيش زي امي بخاف اعمل ايه يا اخي بخاف والله بخاف. يا رب ايه الوجع ده مفيش رحمه مفيش مراعيه هتجبرني علي ايه. هقلك خلاص وانام في حضنك خوف وجبر وانا مدبوحه.
لتنهار وتضرب علي قلبها ....ده مايستحقش يتراعي ويطبطب عليه ده مالوش قيمه انا كلي ماليش قيمه انا حاسه اني هموت والله هموت قلبي يا جاحد بيوجعني لتنهار وتتهالك علي السرير َتنتحب.
وقف مشلولا من كلماتها التي تقطر ألما. علم ان شخصه وعنفوانه لا يتناسب مع تلك الرقيقه. فهيا كالزجاج يجب ان تعامل كملكه اميره يراعي ويطبطب لانها لا تستطيع ان تصد عنفوانه.. فالمراه الضعيفه يجب ان يرفق بها رجلها حتي لا تنتهك ادميتها منه غصب عنه. ليحس ان خوفها هذا يجب ان يداويه بصبره وحنانه وان يجعلها تثق به فكيف تخاف من تثق فيه. فرفقا بالقوارير الضعيفه تجعلك سيدا بلا جبر. سيدا علي عرش قلب تلك البسيطه التي انهكها الوجع.. ادرك ان سبيله اليها هو حنانه وعطاءه.
اقترب منها شدها اليه وهمس.. عارف انك موجوعه واني شديد بس والله بحبك لا بحبك ايه دانت روحي. عارف اني صعب بس بضعفك ده هتلينيني وتخليني اراعي واطبطب.. بتجولي ماتستحجيش دانت تستحجي احفي واركع علي رجلي ادادي واطبطب وادلع.. اسجيكي العشج الوان.. اه طيبه وحنينه وحته عسليه تتاكل بس هجابل ده بحب والله اوعدك اني هتغير ولا هتجبر يوم حبيبي والله هراعيه َهلين ليه والله هلين ليه.. حوريه انا بقالي شهور ما بنامش وانت بعيده المحروجه صابحه غفلجتها بمكرها و َكدبها ومثلت وخططت يا بت الناس اعمل ايه طيب.. خابر اني عملت العفش كله بس اتجطعت والله واتربيت صوح جلبي انت حجك عليا ..اقترب وشدها اليه وهيا تبكي وظل يقبل راسها وهيا تنتحب ظل يتلمسها بحنان وهمس خلاص والله يا جلبي حجك عليا والله اني اسف دانت غاليه وست البنات تجولي اكده. دانت مجامك من مجامي وروحي متعلجه لروحك.. كل حاجه هتبقي كويسه اتحمليني طاه والله هتغير..
دفعته بقوه.. انا لا عايزه اتحملك ولا عايزاك يا ريت بقه ترحمني و َترحم نفسك من العلاقه الفاشله دي.. انا استحاله اخش دنيتك تاني.
تنهد وهتف.. طب مانا لو اتكلمت هتجولي بجبرك اعمل ايه طيب.. لاه يا جلبي علاقتنا مش فاشله .. اهدي اكده داني بحب الجمر وهو عسليه اكده وبيعيط كتكوت صغنن يا ناس وعيونه جمر. وماهسيبوش يبعد عن روحي.
اقتربت باكيه... ليل كفايه.. طلقني.
احس ان الكلمه غرزت في صدره ستقتله وضع يده علي قلبه يوقف وجع قلبه اغمض عينه يحاول ان يتماسك.
اقترب واندفع يشدها بقوه لتتململ فهتف.. بطلي هموت اقسم بالله بطلي. ظل مكلبشا فيها وهيا تنتحب همس.. كلمتك دي مزعت جلبي جالك جلب تطلبيها.
همست بقهر.. مانت عملتها.
احس بوجع.. ليهتف.. كنت حيوان ماعرفش عملت اكده كيف. اعمل ايه في الجهر اللي عملته. حبيبي والله ندمان والله اسف الف مره دانت روحي. طب اديني فرصه.
همست.. خلاص خلصت.
تنهد.. لاه ولا عمرها هتخلص ولا هسيب حبيبي اكده.
هتفت... والله دي مشكلتك ودفعته و َاندفعت للخارج.
وقف يتنهد... اهدي يا ليل انت عايزها وهتموت عليها اهدي وهدي طبعك حبيبك جط صغير خده في حضنك ودادي بطل تبقي حلوف.
فتح تليفونه وبدا في اعداد كيف سيعودون ليعود هو اليهم وجاسر ملتصق بلؤلؤ رغم أعتراضها.
اما حوريه فكانت منزويه بقهر وليل قلبه يمزقه علي احساسها بالوحده وهو يحاول ان يكون لطيفا ليقرر ان يتركها حتي يعود بها الي بيتهم ليبدا استعادتها.
اتي يوم خروجهم حمل جاسر لؤلؤ كانت عربه كبيره مجهزه من الخلف لتنام لؤلؤ وتاخذ حوريه الطفلين ويجلس جاسر وليل في الامام وينطلق بالعربه.
استعجبت الفتاتان لتهتف لؤلؤ... انت رايح فين دا مش طريق البيت..
هتف ليل.... نامو جدامنا ساعات ونوصل فارتاحو.
صرخت لؤلؤ..انت مودينا فين انت.
هتف ليل.... بيتنا راحين بيتنا.
انكمشت حوريه وصرخت لؤلؤ... وقف العربيه والله اصوت والم عليكو الخلق.
هتف.... والله صوتي براحتك جرحك هيوجعك..
زغدت اختها.... ماتنطقي انت ساكته ليه.
هتف ليل... بطلي نغز فيها انت مالك ومالها مش ليكي جوز ماتسيبيها مابتتكلمش مالك انت.
نظرت اليه بغضب... وانت مالك اختي وانغزها اقطعها اموتها مالك انت.
هتف بقوه.... ليه مالهاش راجل يجفلها اياك تبقي تمدي يدك اكده. وانت يا زفت والله لو مالميت حرمتك انت حر.
هتف جاسر... ماتسكتو بقه انتو ايه مولدين علي بعض.هتف.... نامي يا لؤلؤ خلاص احنا طلعنا عالطريج.. لتستسلم لؤلؤ وتنتوي ما ان تعود لصحتها ان تقف لهم.
اما حوريه فعادت الي ارتباكها وخوفها من نفسها واستسلامها لليل لتحاول ان تتجمد وتقف له وان تصمد اما صلده وقوته لتنام حوريه ولؤلو فقد انهكا في الايام الماضيه وكان ليل وجاسر يتناوبان للسواقه.
مراليوم متعبا ليصلا الي البيت مره اخري حمل جاسر زوجته التي كانت نائمه صعد بها واخذت حوريه الاولاد وصعدت بهم منهكه.
لتقابلهم زوجه عمه لتهتف بغضب... ايه ده هما دول ايه اللي رجعهم واقتربت من حوريه لتنكمش خوفا.
اقترب منها ليل واحتضن زوجته ليهتف.. ستات الدار يا مرت عمي رجعو ونورو ويا ريت تشوفي دارك بقه.
هتفت زوجه عمه... بتطرد مرت عمك وبتها يا ليل اللي ربتك.
هتف.... لاه يا مرت عمي احنا عملنا باصلنا وانت وبتك حربتو وخربتو البيت واني ماهسكتش واصل.
نظرت الي حوريه... مبسوطه يا حربايه نطرد عشانكو..
نظرت اليها حوريه وخفضت راسها.
هتف ليل غاضبا.... ارفعي راسك وردي عليها..
نظرت اليه مبهوته ليصرخ.... انت ست الدار دي ردي عليها ماهتسكتيش لحد واصل اهنه دي دارك فاهمه..
اقتربت منه ليصرخ في احد الخدم اتو ياخدو الأطفال.
مسكها من يدها .... بتجولك يا حربايه في بيتك وبتشتمك ماعترديش عليها.
انكمشت وهمست.... الله يسامحها.
انفعل وهتف.... انت تردي عليها بجولك وتاخدي حجك.
تركت يده وذهبت اليها لتهتف.... انت ليه بتكرهينا واحنا ماعملناش حاجه ليكي.
هتفت نبويه.... عشان انتو عتامنه وجتلتو جوزي.
اقتربت منها ومسكت يدها...... انت اتوجعتي من اهلنا واحنا اتوجعنا من اهلنا واهلكو ومالناش ذنب.. احنا طول عمرنا موجعين يا طنط والله لو اقدر اشيل وجعك كت شيلته بس ماليش ذنب والله.
هتفت نبويه.... بسببكو بتي محبوسه بجالها سنه وجوزك حابسها ومعلجها من رجبتها زي الكلبه ماعادت هتنفع.
اتجت الي ليل.... خرجها يا ليل مهما كانت دي انسانه.
انفعل.... انت ليه اكده اخرج مين دي عايزه تتجتل هيا اللي خربت علينا.
هتفت.. لا اللي خرب الغل اللي جواكو لبعض. خرجها يا ليل.
لتستدير هتخرج وانا مسمحاها ربنا بيقسم بالكاظمين الغيظ والعافين عن الناس وانا عفوت يا ريت يا مرت عمي تعفي وتعيشي بقيت حياتك من غير غل..
ذهبت الي ليل.. خرجها يا ليل عشان خاطري..
تنهد و هتف... اعمل ايه فيكي انت في حته تانيه وحاجه تانيه..
ليستدير لزوجه عمه.. انت و بتك يا مرت عمي هتروحو داركو لما تتجهز اني بجهزها. وخدو الخدم اللي تعوزوهم وهيوصالكو طلباتكو لحد بابا الدار واللي تعوزيه في رجبتي يا مرت عمي.
ليستدير ويشد حوريه يحملها علي الفرس ويذهب بها الي منزل النيل رجف قلبها لينزل ويحملها ذهبت بعيدا وتركته تنهد واقترب لتبتعد.
تنهد.... طب هتفضلي تبعدي اكده اني ماجادرش يا جلبي طيب. حوريه طب بصيلي طيب نفسي ابص في عيونك ليا يامه ماشفتهمش.
تنهدت وصمتت اقترب..
همست... بطل ابعد انا مش عايزاك الله هو عافيه.
احتضنها ليهتف.... لاه مش عافيه محبه وعشج.
ابتعدت.. ماعتش ينفع انا عمري ماهثق فيك.
تنهد.. طب جولي طيب رايده ايه هعمله حوريه تتمني ايه.
استدارت ونظرت للنيل.. حوريه رايده ايه.. لتغمض عينها.. حوريه رايده الأمان.. رايده تبطل خوف حوريه رايده ايد تطبطب رايده قلب ينيمها جواه. حوريه غلبانه عايزه تفرح في دنيا مافيهاش فرح. حوريه بتنام وتصحي مفزوعه. شريط حياتي بيمر قدامي ابويا واللي عمله وانت واللي عملته واللي جرالي. مش متخيله كان ممكن يحصل ايه لو ماجيتش وانقذتني كنت هعمل ايه. انا غلبانه قوي حاجه كده تصعب عالكافر. جوايا خير ليه بيجيلي شر جوايا حب ليه بيجيلي قسوه. انا ماليش في دنيتك انتو مختلفين وانا انكتب عليا ابقي تعيسه. حوريه مش رايده حاجه خالص رايده ماتتوجعش رايده تسيبها في حالها.. اتمني اتمني ايه.... مانا اتمنيت يا ليل... اتمنيت الحب اتمنيته وحسيته واتاخد مني بابشع وسيله. اتمني حبيبي ماحصل وحبيبي مزع قلبي.. اخاف اتمني لان اللي بتمناه بتاخد مني انا مش هتمني ولا هعوز حاجه لاني عارفه مش هتيجي ولو جت هتوجع وهيا بتروح.
تنهد بوجع... لاه مافيش حاجه هتروح. ده لما يكون حبيبك مش ليل الرفاعي ده لما يكون حبيبك هيسيبك موجوعه اكده. لاه ليل الرفاعي عرف غلطه وحج نفسه ورايد تاخدي امان الدنيا.
هتفت.. عشان ترميني بره بيتك في اي وقت وعلي اي غلطه.
تنهد واخرج من جيبه ورقه ليهتف.. طب ودي عملتها ليه طيب.
قطبت جبينها نظرت الي الورقه لتفتح عيونها بذهول لتهتف ....ايه دي.
قال.... بيت الرفاعي من عمر العمر بقي لحبيبي وخيته.
شهقت.. ايه ايه ازاي تعملو كده.
هتف.. عشان لو حوصل زي ما بتجولي ودا عمره مايحصل ترمونا بره انت وخيتك دي داركو ودار ولادكو احنا اللي نترمي براها.
دمعت عيناها غير مصدقه..
هتف.. اني رحت للعتامنه وانحجيت ليهم وطلبت ياخدو حج بتهم وعرفتهم انك اغلي من نن عيوني.اقترب يحتضنها.. والله اغلي من نن عيوني.
نظرت اليه ونظراتها تكوي قلبه كانت حانيه رقيقه وما فعله لمس قلبها الحنون.
اقترب يلمسها بحنان ابتعدت خجلا كانت مضطربه حاوطها.. سيبيني اجرب طيب مش كل اما اجرب بتبعدي.
تنهدت.... انا بعيده من غير حاجه.
اعتصرها بين يديه.... لاه يا جلبي انت جوا جلبي ونايمة متربعه والله بموت عليكي ونفسي تفضلي في حضني رايجه وهاديه.
لتبتعد وهيا تشعر بالارتباك فهو كتب لهم بيت الرفاعي وركوعه قبل سابق هزها بشده لتظل تفكر وعقلها ينهر مشاعرها التي لانت بقوه من أفعاله وإصرار علي قربها.
لتحس به حولها اغمضت عينها تستمتع بلمساته ...شدد عليها وملس علي جسدها لترتخي وتشعر بقلبها يلين وتدخل حاله من الهدوء
همس... انت ست الدار. انت جلب ليل من جوا. هلين يا جلبي وهتربي وهنعدل بس ماتسيبنيش .جلبك ده هو علاجي. جلبك ده هو اللي عايش اتمناه من الدنيا.
همست... مش عايزه خلاص بطل. كانت تقاوم نفسها وحبها وطيبتها.
ليديرها ويرفع وجهها.. مش عايزه واروح لمين اني اعيش ازاي.
همست بوجع.. اجوز واحده صعديه تفرح بيك انا مش عايزه.
رفع وجهها.. وهتجدري تسيبيني اتجوز واحده غيرك يا جلبي. لتحس بغرزه في قلبها وتغمض عينها بوجع قبل عيونها.. هتجدري اجرب من حد تاني المس حد تاني.
لتنفعل.. بس بقه ودفعته ووقفت تحس انها ستموت ...
ابتسم.. واقترب منها يشدها.. جولي مش رايداك يا ليل بصيلي وجولي روح لواحده تانيه تاخدك ...نظرت اليه ودمعت عينها اقترب بهيام.. جولي رايده ليل يبقي لحد تاني. رايده ليل يلمس حد تاني يعشج حد تاني.
لتسيل دموعها فهيا أهون عليها الموت وان يكون لغيرها. همس ....جولي... ليقبلها قبلات رقيقه ...همس .....ليل حبيب حوريه وبس استحاله يكون لغيرها وهيا استحاله تبعد عنه. تلمس شفتيها بحنان.. عايزاني ابقي لغيرك يا جمري هتجدري.
تنهدت وذابت بين يديه ليزيد من لمساته وحنانه و عشقه ليهمس.. اكون لغير حوريه.
نظرت الي عينيه لتهمس لا شعوريا.. ليلي.
احس انه سيموت من رجفه قلبه.. ليهمس.. ليلك وحبيبك وكل ماليكي.. ليلك اللي هيموت عليكي دلوك وانت عيونك بتطلع نار اكده حاسس اني مالك الدنيا واني حاضنك وحاسس بجسمك بين يدي هموت عليه ورايده الف مره..
اغمضت عينيها لتتذكر.. لحم حوريه عمره ماهيبقي لحمي.. شهقت وابتعدت لينخلع قلبه.. ايه يا جلبي حوصل اني عملت ايه اتفزعتي ليه.
نظرت اليه باكيه وقلبها يعتصرها لتهمس.. عشان لحم حوريه عمره ماهيبقي لحمك يا ليل لحم رخيص مايتسماش علي اسمك لتندفع باكيه وتتركه.
وقف يحس بكويه في قلبه لينفعل ويخبط يده في احد الاشجار.. عيل زباله انت زباله. تنهد.. حجك عليا يا عمري هدادي واطبطب لحد ماتحسي ان ليل بقي حد ينفع وتاب واتلم بطيحانه.. لحم ايه اللي رخيص.. دانت العين والنني دانت الغاليه اللي ماتنجدر لا بمال ولا بدهب. دانت روح ليل والله روحه. ظل واقفا يتنهد بغلب ووجع علي وجع حبيبته .
عند جاسر ولؤلؤ كانت تنام باريحيه كان قد وضعها وظل بجوارها محتضنا اياها ليحس بها تتأوه مسد عليها لتفتح عيونها وجدته ينظر اليها بحب وهيام لتشيح بوجهها حتي لا تري نظراته فهي توجع قلبها ..
اعاد وجهها اليه وهمس بحب..... ليه مش عايزه تبصيلي خايفه تحني اياك.
هتف.... احن.. احن لمين وليه انت بتمني نفسك بحاجات مش هتحصل.
همس بحب وهو يداعبها.... لاه هتحصل. هتحصل بس يجي وجتها حبيبي انا بحبه وهو بيحبني وهجعد احب فيه لما يحن علي جلبي.. ماتحن علي جلبي يا جمر انهريت بعاد سنه كت بموت.
هتفت.... بقولك ايه بقه بطل كلامك ده واذا كت رجعت انا هنا دا مش معناه اننا رجعنا ليكو لا انا استعيد صحتي و هقفلكو كلكو.
تلمس جسدها لترتعش ويحس بها.. ابتسم.... هتجفيلي ازاي طيب مانت عارفه حبيبك ماهيسكتش.
هتفت بسخريه.. حبيبك..
اقترب وسقط بجسده عليها لتصرخ... ابعد احسنلك.
ضحك وهتف.... مانت بتتمجلتي عليا وتتمسخري. حبيت اعرفك مين اني. اني سايبك طايحه تزعجي براحتك ولا نطجتش. بس لازمن نعرف الجمر اني موجود اهه وماهسيبوش الا وانا مرجع جلبه. يا لهوي علي جلبه لما يرجعلي لينهال عليها يقبلها بحب وهيام وهيا تحاول ان تقاومه وهو يزيد ويزيد لتحس انها تهالكت وغرزت اصابعه في يده من انفعالها ليبتعد اخيرا...
هاتفا... جلبي هيجف وحشتيني جوي.. يا جمالو وعينو لسه زرجه ماجلبتش رمادي كيف الجمر. مانتش زعلان يا جط من بوستي لا اكده ناخد واحده تانيه ليندفع ولا يعطيها فرصه الكلام ليهيم معها فتره هلك فيها قلبهما ليبتعد وهيا وجهها احمر لتحس بخجل من هجومه وانفلات مشاعرها فهيا في وقت في امس الحاجه الي الحنان والرعايه. فداخلها يشعر بحب لتلك المشاعر وكرامتها تابي الي ان تنصاع اليه..
تململت بعيدا ودفعته غاضبه... ابعد بقه بلاش مسخره انت عشان عيانه هتستحليها.
هتف... لاه عشان بحب الجمر اللي عيونه لسه زرجه يبقي رايج وعسليه..
ضحك... اهوه غضب مني وعيونه بجت رمادي.. زعلان ليه يا جمري طيب دلوك..
نظرت اليه بغضب.... قوم من هنا بدل ما اسخَمط عيشتك.
مسك يدها وشدها وينهال عليها يقبلها بعنف لتحس انها ستنفجر ابتعد وهتف.... ها لسه هتسخمطي عيشتي.. انا سايبك ترطي بمزاجك بس لاه يا جلب جاسر لسانك ده يخلي باله
صرخت.. ايه هتضربني والله ماسكتلك انا..
ضحك واقترب منها لتضع يدها علي فمها انفجر ضاحكا.... اهه شفتي هتسكتي وتبقي عسليه يام ادهم..
لتشيح بوجهها وتهتف... اه هما دول اللي رابطني بيك من اساسه ماتفكر في حاجه تاني... عشان لما ترمينا تفتكر عيالك.
تنهد.. ارمي مين.. انت وعيالي بقي ليكو نص بيت الرفاعيه يا لؤلؤ.
قطبت حبينها.. ليهتف.. احنا كتبنا ليكي ولخيتك بيت الرفاعي.
نظرت اليه باندهاش... ليبتسم.. ايوه يا جلبي انكتب وانسجل.
انفعلت مرتبكه.. ومين قالك ان عايزين بيوت انتو ازاي تعملو كده دا بيتكو انت انهبلت.
اقترب وشدها لتقع في احضانه.. لاه مانهبلناش لما الرفاعي يدي بيته لمرته ده معناه انها قبل روحه قبل أي حاجه. احنا الرفاعي ارضنا وبيتنا خط أحمر واللي يمسهم بروحه. بس انت انحطيتو جدام الخط ده واتحط تحتيكو الف خط يا جلبي.
احنت راسها وقلبها يرجف. لو عايزه تطردنا في اي وقت اعمليها يا جلبي.
تنهدت.. انا مش قاسيه ولا وحشه زيكو. انا مش عايزه بيوت انا انا..
تنهد.. عارف انك مش عايزه بيوت ولا حاجه واصل... مسك يدها ليضعها علي قلبه.. لؤلؤ عايزه ترتاح ...رفع وجهها لتدمع عينها.. لؤلؤ عاشت في الدنيا بتنحر فيها لما وجعتها عايزه ترجد وتحس ان دنيتها وسعت ماعدت ضيجه. لؤلؤ شالت وشالت وشالت دنيتها بركت عليها عايزه حد يحضنها ويشيل.. بس اللي واجع لؤلؤ انها حبت جوي واللي حبته كان رخيص ماجدرش الحب ده.. اللي تحبه لؤلؤ لازمن يكون اد الحب ده. لؤلؤ لما تحب لازم اللي تحبه يكون سند وضهر ووتد لان لؤلؤ لوحدها الف سند.
كانت تنظر اليه دامعه ليهتف.. عارف اني ماكتش عارف اني كنت حيطه مايلة اللي يرفسها برجله تنهال ماهي واغش ومبنيه بالجرف. نزلت دمعه من عينه.. عارف اني حبيب لؤلؤ بس حبيب غدار ومايستحجهاش. بس بس يمين بالله لو طلت اوطي تحت رجلك تسامحي هعملها. عارف انك شديده ومش سهل تخليني وعارف اني هشوف سواد وراضي. بس حاسس بقلبك وعيونك بتقول عشج السنين. يدك علي جلبي حاسه بيا وعارف انك حاسه وعارف انك عارفه ان جاسر لو كان بوعيه ماكان عمل اكده.
همست بوجع..... بس عملت.
تنهد.. وليا سنه بتربي.. ليا سنه وشي في الطين.. ليا سنه ماعرفش اعيش. لما وعيتلك اكده حسيت اني ما راجل ولا فيا ريحتها.. مرتي شايله عيلي اللي ماصرفت عليه مليم. دي لوحدها توجع وتموت. بس اني اهه رايد افضل تحت يدك يا جلبي.
همست بلين.. لا خلاص مالي بيك روح مش عايزاك.
ابتسم ورفع وجهها لتخجل وتبتعد.. وتهتف العيال.... فين واختي هاتهم انا عايزاهم.
تنهد فهيا تهرب من مشاعرها... هتف.... عايزه ايه انت تعبانه العيال مع فوزيه هتسهر بيهم وانت تنامي عشان تعبانه وحوريه مع جوزها..
هتفت.. نعم نعم هيا مين الي مع جوزها.. روح هات البت دي.
هتف... اجيب ايه اتخبلتي اني عايز انام وزمانهم نامو.
دفعته... روح بقولك انت مش هتنام معايا في حته وحوريه هتنام جنبي اخوك هيستفرد بيها وهيا عبيطه وهتتصالح.
رفع حاجبيه... طب ماتسيبيها تتصالح يا بت الناس زعلانه ليه ماتسيبيهم ينبسطو ما كفايه مرار واحد عارف وابور حرج اني هيعدي عليا.
خبطنه... انا وابور حرق انا.. طب روح بقه بدل ما اقوملك..
هتف لؤلؤ.... نامي الله يرضي عليكي..
لتنظر اليه بحزن.. اه عايز توسع لاخوك عشان اختي غلبانه يقف ويتحكم فيها والبت هبله َتنخ وما يقعدش يطلع روحه ويدادي فيها عشان تتصالح. اه مانتو زي بعض بس لا والله مايحصل.
ابتسم وهتف.. الجمر مايزعلش حاضر هجيبهالك بس اخوي هينطحني اني خابر.. بس عن شرط.
قطبت جبينها ليهتف... اني هروح انام جار الطور يبقي اخد حبه حنيه اكده..
هتفت.... انت بتقول ايه انت يلا من هنا.
هتف.... خلاص براحتك زمان اخويا صالح اختك وهايص معاها ولا تعب ولا دادي ولا حتي طلع روحه اهو زمانه غرجان في العسل.
انفعلت.... عسل عسل الله يخربيته الطور ده واختي اه هبله زمانها نخت انا عارفاها عرق الهبل عندها عالي اوي.
التصق بها..... طب ايه.
هتفت مرتبكه..... ايه انت.
ضحك ....عايز حبيبي يديني بوسه بكيفه..
خبطته.... لا بقه انت قليل الادب..
ركن عالسرير ونام.... خلاص براحتك اما اوسع سكه لاخوي واغمض عينه متصنعا النوم
لتظل مغتاظه فهيا تخاف علي اختها من ذلك المتجبر لتقترب وتقبله من خده ظل مغمضا ولا ياتي بحركه لتتنهد وتقترب من شفتيه لتقبله لتشهق مره واحده فقد قلبها واراح جسده عليها. وانهال عليها يقبلها لتستكين هيا من عنفوانه ليتروي هو بعد استكانتها ظل يتلمس شفايفها بحب وحنان ويهمس بكلمات الحب ليبتعد اخيرا وينظر لوجهها الاحمر.. والله بحبك..
دفعته واعطته ظهرها ليقوم ويذهب الي اخيه مرغما. طرق الباب فلم يجد استجابه ظل واقفا مابيفتحش ليه الطين ده.. زماناته متهني واني واجف اعض حالي رزع الباب بقدمه فتح له اخيه الباب غاضبا يصرخ به و.....
شامه الدخان من هنا يا قلب أمه 😂😂😂😂الا تعرفوش ليل غضبان ليه يا ولااااه
ماحد ينجد الواد ليل مابيلحق يتهني وشه شقق وشدد من الكتمه.. اكتر بطل حزين علي ضهر الكوكب 😂😂😂😂