رواية حوريه في قلب الليل
الفصل الخامس 5
بقلم ميفو السلطان
كانت حوريه تنام وتتذكر ذلك الذي احتضنها لفتره لتستعجب.. هو كان عايز ايه ده وقال مش هياذيني تنهدت وقامت تنظر لاختها نائمه بحثت عن تليفونها.. لتشهق ....يا لهوي تليفوني ايه وقع مني نهار منيل انا عارفه اعمل ايه دلوقتي.. اروح اجيبه اه هو مش بعيد اصحي لؤلؤ.. لتتنهد لا سيبيها تنام هيا تعبت انهارده .
قامت تلبس عباءه وتربط شعرها وتغطيه ....انا اخبي وشي كمان عشان كنا هنتفضح اه ونعمل لجدو مشاكل لتقوم وتذهب لنفس المكان تبحث عن تليفونها.
كان ليل يتقلي علي النار طول الليل.. انفعل وهب.... ماتتخمد انت مالك بتتلوي زي التعبان ليه اكده بتفكر في ايه انت مين دي ماخلاص. احس بخنقه في صدره اخرج المنديل ولمس الخصله يتنهد يا تري هشوف ده تاني.
قام ولبس ملابسه وخرج يتمشي لم يعرف كيف ينام وجد نفسه يسير لا اراديا الي نفس المكان الذي قابل فيه تلك الجنيه.
وصلت حوريه للنهر لتظل تدور وتدور لمحت تليفونها.. الحمد لله لقيته وهمت ان تسير وفي تلك الاثناء كان ليل يأتي من بعيد لمح شبح امراه اقترب لتسمع هيا صوته التفتت لتجده نفس الشخص الذي قابلها ارتعبت لتهرول مره واحده لحقها لتخفي وجهها كانت تضع وشاحا عليها يخفيها وتخفي نصف وجهها.
اقترب ليل وهتف.. بتعملي ايه اهنه.
ارتجفت ولكنها تشجعت لتهتف.. مفيش كت كت كت ماشيه.
كانت تهمس رجف قلبه من ذلك الصوت هتف.. فيه حرمه تطلع بالليل انت بت مين.
هتفت برعب خوفا من ان يعرف جدها انها خرجت دون اذنه ... مش من هنا واستدارت مسرعه.
اسرع يقف امامها هتف.. طب ايه جابك اهنه.
همست...... همشي اهوه لتستدير.
وقف امامها مسرعا لترتد فجاه نزلت خصله من شعرها علي وجهها بهت ورجف قلبه هو لتخفيها مسرعه.
هتف.. انت كتي اهنه جبل سابج.
هتفت مسرعه.. لا لا مش انا مش انا. انا ماجيتش هنا خالص ولا قعدت ولا غنيت ولا حاجه والله.
ابتسم مره واحده وهتف.. كنك ماجتيش وماغنتيش.
هتف...... اه ماجيتش هنا من شويه وماشفتكش خالص صدقني . انا لسه جايه همشي علي طول .
ضحك هو ليقترب منها وهتف..بس اني حاسس اني شفتك جبل سابج.
هتفت مرتبكه.. مش انا والله.. مش انا خالص. وضع يده علي راسه مكان خبطت لؤلؤ.
هتفت مندفعه.. وجعتك الخبطه معلش.
ابتسم وهتف.. واشعرفك اني انخبطت.
لترتعب.. هاه.. لا لا ماهو ماهو.. شكلك باين بتتوجع..
اقترب اكثر وسهم في عيونها ليهتف.. انخبطت لما جلبي انهري.
همست.... معلش حقك عليا والله بتوجعك كتير.هتخف بإذن الله.
ابتسم من حنانها.. هتف.... دلوك ماعايزش اخف اني.
همست.. لا والله تخف حرام لتتنهد....طب انا ماشيه.
اندفع يمسكها لتنتفض وتبتعد خوفا.
اقترب...... طب مالك بتترعشي اكده.
نظرت اليه وهمست..... انت هتاذيني.
ابتسم بحالميه وهتف... ولا أجدر امسك بشئ.
تنهدت وهتفت...... طب شكرا ليك امشي بقه ممكن طالما مش هتاذيني.
هتف..... وانت صدجتي اني مش هاذيكي علي طول اكده.
خافت مره اخري.. ايه بتكدب والنبي قول.
ضحك.. لاه مابكدبش بس هتصدجيني.
هتفت..... وماصدقش ليه هتكذب عليا ليا انا ماعرفكش.
ابتسم اكثر وهتف.. هو فيه حد اكده.. طب جوليلي منين انت.
تنهدت وهتفت..... مش ينفع والله هتعملي مشاكل.
اقترب لتنكمش هيا هتف.. لا والله ماهعمل بس جولي منين انت وفين عيلتك.
لتهمس.. ماينفعش انا همشي بقه والنبي ماشي.
مسك تليفونها ورن علي نفسه منها لتبهت.. ايه ده بتعمل ايه.
هتف.. هطمن انك وصلتي.
همست..... لا عيب انا مش اعرفك.
ابتسم وهتف.. ايوه ماتعرفيش بس ماعرفش اسيبك تمشي اكده لازمن اطمن عليكي.
رفعت نظراته اليه لتنظر اليه ببراءه .. انت طيب قوي شكرا ليك .. ممكن امشي بقه.
هتف.. ليه مضايجك في حاجه.
همست..... لا لازم امشي قرايبي واقفين قريب خالص لو شافوني هيزعلو لتستدير لتسمع زمجره خلفها لترتعب فكان احد الكلاب الضاله ..صرخت وانتفضت رعبا واندفعت الي ليل لتخبط في صدره وتصرخ.... الحق هياكلني.
ضحك عن اخره وحاوطها بيديه وقع وشاحها فظهر شعرها رجف قلبه لتكلبش فيه وتخفي وجهها في صدره وتصرخ.. حوشه حوشه والنبي هتاكل مش عايزه اتاكل انا.
ضحك.. مالك بتتنفضي اكده ماتخافيش حاضر ليشير للكلب بعصاه ابتعد الكلب ليعاود ويحاوطها. همس ....دا ليله من الجنه يمين بالله.
همست.... مشيته والنبي.
ضحك. لا لسه مش عايز يمشي كلبشت فيه وصرخت..... هيموتني الحقني.
ضحك.... هتفت ساخطه ....انت بتضحك علي ايه.
هتف.. لاه بفكر بس اللي هياكلك هيبدأ بايه هتبقي ليله.
هتفت...... حرام عليك عايزني اتاكل لترفع عيونها اليه دامعه نظرت اليه ليسهم في جمالها.... عايزك تتاكلي.. يا مري دانت ماتنفعش غير انك تتاكلي اكل.
ارتجفت...... انت وحش وبتكدب وهتاذيني وهتسيبه ياكلني.
هتف حالما.. اسيبه ولا اوعي اسيبه يجرب منك الاكل له ناسه تاكل وتتهني بالهنا دا كله دا جنه دي.
نظرت اليه وارجفت لتهمس... انت بتقول ايه.
همس.. بجول اللي يحلم بيه اي حد يشوفك.
نظرت اليه ببلاهه لتهمس... طب مشيه عشان خاطري انا خايفه وخليك حلو انت قلت
هتف حانيا.. عيوني همشيه.
همست... طب يلا بقه انا مرعوبه.
ضحك ....هو مشي اساسا من بدري. قطبت جبينها وتلفتت فلم تجد الكلب لتبتعد مسرعه هتفت ساخطه.. علي فكره انت شرير. واستدارت مسرعه تنصرف من امامه سهم قليلا فوشاحها عالارض وشعرها يظهر اخذ عقله ليظل متسمرا يراقبها تبتعد مسرعه ليفوق ويندفع ياخذ الوشاح يلحقها ليهتف ....استني راحه فين انت.
نظرت اليه ساخطه ولم تتكلم.. ضحك.. ايه زعلانه.. كت بضحك معاكي.
اشاحت بوجهها لتهمس... انت وحش.
ابتسم.. طب حجك عليا خلاص..
تنهدت هيا وهمست فهيا مسامحه بزياده... طب بطل تبقي وحش عشان الناس تحبك وما تكرهكش.
ابتسم واقترب وهمس.. .. عيوني هبطل حاضر دا يوم الهنا لما انحب.
تنهدت تهمس ....طب امشي بقه ممكن.
سهم.. مش عايز.
همست.... لا والنبي.. هتعملي مشاكل ترضالي دانا غلبانه وبخاف.
ابتسم وهمس.. بس عن شرط.
همست.... اتفضل..
قال ....اكلمك في التلافون اطمن عليكي.
تنهدت وهمس...ت.. ليه تتعب نفسك انا مش هشوفك تاني.
هتف.. لاه هشوفك اني متوكد.
ابتسمت بسحر وهمست..... طب امشي بقه.
لتستدير اقترب وهمس.. استني.
اقترب وضع الوشاح علي راسها.. تاج النور ده يتغطي ماحد يوعاله.
ابتسمت له وهمست...... طب همشي.
هتف.. امشي وراكي طيب.
هتفت مسرعه.. لا والنبي.. اصل اصل.. هما قريبين واقفين وهيزعقو عشان ماقلتش ليهم يلا سلام.
ظل واقفا قلبه يرجف من بعدها تنهد.... مالك اكده ماتسيبها تروح لحالها جرالك ايه. انت بس اطمن عليها انت هتتجطرن كمان يومين ربنا ياخدها البعيده كتش تبقي الجمر ده.. لا ازاى ينحدف عليا جهر السنين اطولك بس واطلع عليكي جرفي ان ماكت افلجك نصين ليتنهد ويعاود.
*********
مرت الايام والجده تراعي البنات وقلبها يتمزق عليهم ولؤلؤ تلاحظ شيئا غريبا في البيت استعدادات وافراح ليخبرها الجد انه سيعمل يوم دبح يحتفل بعودتهم اطمئن قلبها وتسعد بجدها وانهم اخيرا اصبحو لهم اهل .اتي اليوم الذي يسبق الفرح لتنام حوريه في احضان الجده ولؤلؤ بجوارها .
همست حوريه.... عارفه يا تيته عمري ماحسيت بالامان كان بابا بيضرب ماما وكان بيضربني معاها كنت بخاف واترعش واعيط شفتها بتموت قدامي ماستحملتش هو ليه مش حنين زيكو ليه يا تيته احنا ماعملناش حاجه وحشه داحنا بناته يسيبنا كده ولا يوم انام الا اما اتفزع افكر ليه عمل فينا كده ذنبنا ايه طب هو كره ماما يسبنا ليه يا تيته عارفه انا بخاف من كل حاجه بخاف من الرجاله والناس والدنيا.. قلبي بيوجعني حتي َمانفعتش في شغل انا مش نافعه في حاجه خالص بقيت ضعيفه وشخصيتي مهزوزه مش بفهم زي الناس ومابفكرش زي الناس حتي المفروض انا اللي اشتغل ماحصلش ماعرفتش اختلط بالناس من ضعفي وخوفي اسيب اختي الصغيره تتمرمط في الشارع وانا قاعده كاشه ليه يعمل كده كان نفسي يبقي ليا اب يخاف عليا كان نفسي يبقي ليا حد يخاف عليا انا ماليش حد يا تيته لما جيت هنا ارتاحت انكو حضنتونا وبقيتو عزوتنا انا نايمه في حضنك َمش عايزه اخرج يا تيته انت حنينه اوي انت وجدو عارفه يا تيته حاسه اني هبقي كويسه بعد كده ما جدو موجود واللي هيقربلي هجيبله جدو ونيجي بقه كل شويه نزوركو مش كده يا تيته هتاخدونا نزوركو والله احنا طيبين ومش بنعمل حاجه وخصوصا انا دانا غلبانه اوي البت لؤلؤ جدعه هتفرحو بيها اوي شكلها خدت العرق الصعيدي كله.. بس معلش بقه استحملوني بس والله طيبه وغلبانه وماليش طلبات غير انكم تحبونا وبس احنا عمر ما حد حبنا ولا دور علينا انا واختي لوحدنا نفسي يبقي ليا عيله كبيره اه كبيره وجدو يتباهي بينا احنا حافظنا علي نفسنا يا تيته والله ولا عمرنا عملنا حاجات وحشه َمؤدبين قوي.. هيجي يوم ونكبر والبت لؤلؤ تتجوز وجدو يقابل العريس ويتشرط ما هو جدو بقه ويقعد يقول هات وودي وبناتنا ماحدش يمسهم.. هنفرح اوي ان جدو هيسلمنا لناس كويسه يسال عليهم الاول وخصوصا انا يا تيته مايجوزنيش الا اما يلاقيه راجل طيب اوي وحنين عشان انا غلبانه ومابعرفش انطق.. بس انا نايمه في حضنك ومطمنه اوي ان جدو هيبقي في ضهرنا ولا يوم يذلنا ولا يرمينا زي بابا.. انا فرحانه اوي .
انهالت دموع الجده لتحتضنها لؤلؤ ايه يا تيته بتعيطي ليه البت دي نكد بتعشق النكد هبله اعمل ايه بس خلفتكو بقه..
هتفت الجده... انتو والله حبايبي وهتخلعو جلبي يا بنات ولدي.. بس لاجل حبيبكو النبي ماتزعلو مننا.
هتفت حوريه.. نزعل نزعل منكو ليه يا تيته دانتو الصدر الحنين اللي بيضلل علينا ولا يوم هتؤذونا.
هتفت الجده.. الله في سماه مانجصد حاجه عفشه بس اتحطينا غصب في اللي احنا فيه سامحوني يا بتي وقامت لتهرب منهم.
هتفت حوريه ....انا زعلتها والا ايه.
احتضنتها لؤلؤ وهتفت... لا يا قلبي دا تيته بس اتاثرت شويه ماتشغليش بالك.
بهتت حوريه فتليفونها يرن متواصل لتخاف وتقفل تليفونها فهيا لا تعلم من هو ليل وعلي الجانب الاخر كان ليل يشعر بالاختناق انها لا ترد عليه تنهد.... انت طور كت مشيت وراها تعرف هيا مين اهي مابتردش ترد عليك ليه اصلا.. هم يا طور شوف حالك.
********
دخلت فتحيه علي عبد الرحمن تصرخ.... بنات ولدك مايستهلوش اكده يا حاج عبده.. انا جلبي انخلع فوج البنته كيف البلسم وبتخاف هندوها لعيله الرفاعيه يذلوهم.
هتف... اعجلي يا حاجه دا اتفاج وتار لو اتخربط هتجلب حريجه وولاد ولدي التاني هيروحو فيها احنا خلفتنا رجاله ماجبش حريم الا سالم.
هتفت..... منه لله اللي وحلنا اكده البنته هتجطع جلبي لو هيعرفو هينجهرو مايرضيش ربنا اكده خصوصا حوريه بت كيف الملاك تموت فيها يا عبده.
هتف.. اطمني اني هجعد مع الحاج بدران واوصيه دا راجل حجاني يعرف ربنا. ....... بقلمي ميفو السلطان
صرخت...... و ولده ليل مايعرفش ربنا ليل هياخد حوريه يموتها يا حاج.. ليل واعر وجوي وحوريه كيف الملاك هتنحصر وتموت في يده يا مري يا حزني الاسود البت نايمه ترط بالكلام واحنا هنخلع جلبهم.. ليل هيجهر بتي اني عارفه وهيا نسمه ما هتنطوجش
هتف...... ايه اللي بتجوليه ده بطلي خربطه واصلبي طولك هاه عشان مانتفضحش
لتتنهد فتحيه وتجلس مقهوره تنعي حظ بناتها..
*******
نزلت البنات لتجد اولاد عموتهم ينتظرونهم محمود وزكريا اقترب زكريا من حوريه.. ازيك يا بت عمي اني زكريا واد عمك .
ابتسمت بخجل وتعرف الشابان علي حوريه ولؤلو.
هتف زكريا ....منورين الدار والدنيا ايه رايكو ناخدكو الارض تتفسحو شويه..
صرخت حوريه فرحا كالطفله ليبتسم زكريا ويهمس.. واد يا محمود البت زي بتوع الروايات الكرتون ايه الجمر ده دول هياخدوهم ليل و َجاسر يا مرارنا مش احنا اولي يا زفت الطين.
هتف محمود... اتلم في ايامك الطين اولي ايه دا دم وتار وبطل البنته هتسمعنا..
هتف.. حجه لو تتفركش الجوازه واطول البت الجمر دي دا يبقي يوم الهنا ليذغده محمود لتهتف لؤلو طب يلا والنبي بس هتجبولنا قصب انا بموت فيه.
هتف محمود.. اللي تامري بيه يا ست البنات لياخذانهم ويذهبا بهم للارض ليقضو اليوم باكمله في مرح ولعب وعيون زكريا ستنخلع علي حوريه ليزغده محمود.. لم حالك عينك هتبظ عالبت.
هتف... مش جادر البت نار حوريه وهيا حوريه.
...صلوا علي الحبيب المصطفى. ......
ذهب اليها وظل بالقرب منها كظلها يشاكسها ويلعب معها وظلا هكذا حتي اتي الليل ومرت الايام وزكريا لا يفارق بيت عمه هو ومحمود وتذمر اكثر من مره علي تلك الجوازه ولكن اخيه كان ينهره فزكريا طائش الي حد ما.. ذهب الي عمه ويخبره انه يريد حوريه كزوجه له وان يتركوها له ولكن عمه نهره وانهم اتفقو مع عائله الرفاعيه .انقهر زكريا وصرها في نفسه ان ليل الرفاعي اخذ الفتاه التي تحق له ...مر تالايام والفتيات سعيدات باولاد عمتهم وجدتهم تشعر بالقهر ليمر اليوم وياتي ميعاد الفرح.
دخل عليهم الجد ....يا حباببي عاملين ليله برجوعكو ودابحين الدبايح والأفراح.
لتبتهج حوريه... بجد يا جدي يعني انت فخور بينا..
تنهد واتي يحتضنها.. يمين بالله ما فخور الا بيكو يا بتي وهشيلهالكو علي راسي العمر كله انكو عليتو عيلتنا ونجدتوها ليكمل.... بس بجولكو عوايدنا بناتنا ما هتكشفش علي حد واصل وهنلفو بيكو البلد هتلبسو ملس ابيض مايبانش طرفكو.
ضحكت حوريه.. الله والنبي يا جدو هنلف البلد زي العرايس.
هتف بحزن.. ايوه يا بتي يا غاليه انت كيف اكده ربنا يسعدك يا بتي.
احتضنته وهتفت...... انا بحبك اوي يا جدي..
خرج والقهر في قلبه فليس امامه حل اخر يقفل سلسال الدم لتاتي الحاجه وتزين الفتيات لتلم حوريه شعرها هتفت فتحيه.... لاه لاه ماتليمهوش خليه دا ياخد العجل.. همست لنفسها عالله يشوفه ليل وينسحر بيه وما يأذكيش يا غاليه لتنزل دمعه منها.
هتفت لؤلؤ.. ليه يا تيته مانلم شعرنا تحت الملس الدنيا حر.
هتفت...... لاه اني عايزاكو جمرات اكده وجايبالكو هدوم كيف الملايكه كانت حوريه تقف تلبس فستانا ابيض مرصع بالالماظ وشعرها منسدل كان فستانا بلا اكمام وفتحه صدر وضهر عاليه يبرز جمالها كانت كجنيه هاربه من عالم الروايات اما لؤلؤ فكانت كاللؤلو بشعرها الاسود الطويل وعيونها الزرقاء وجسدها الرائع كانت كاميره تشع نورا فتاتان ذو طلعه تخطف العقل لتقف فتحيه تنظر اليهم بقهر وتتحسر علي جمالهم.. يا مري يا مراري بتين ذي الجمر هينجهرو وياخدوهم طورين كيف البهايم منك لله يا سالم جلبي بيتمزع..
وضعت عليهم الملس وهتفت... الملس ده برَوحكو ينكشف فاهمه يا حبيبتي انت وهيا
هتفت حوريه.... عيونا يا تيته..
********
مر الوقت واتي الرجال وحضر سالم ولم يصعد حتي لبناته اقترب منه ابيه وقف..... بجي بناتك رامحين يا سالم وماعدوش تحت يدك يا ولدي ...بهت سالم ليرفع يده عبد الرحمن ويصفع ولده بهت وتقف زوجته مني تنظر بذهول.
هتف سالم ....بتضربني يا ابوي.
صرخ ...اضروبك دانت عايز الحرج بجاز وسخ.. بقي يا وسخ ترمي بناتك ومرتك مريضه تسيبها تموت ولا تعالجهاش.. بناتك ترميهم يا نجس ولا تصرفش عليهم طب كت هاتهم هكل بلجمه لحمنا اياك تسيب بتك الصغيره تنزل تشتغل في الشوارع يا جاحد ياللي ماهتورد علي جنه.. بتين كيف الجمر يتسابو اكده من غير راجل يحاميلهم وكلاب السكك تنهش فيهم انت ايه وسخ ليه اكده لا وجاي تتبلي عليهم يا ناجص وتجولي بيرمحو رمح عليك عزرائيل يا بعيد متجوز حربايه تعصيك علي مرتك وبتك وكل شهر تاجي تلهف علي جلبك اد اكده وتكبش وترمي للمره اللي رمت ولادك وولادك مالجينش ياكلو منك لله بنات كيف الجمر بلسم يتعمل فيهم اكده لا وبدل ما تاخدهم في حضنك جاي ترميهم كيف الكلاب وتكمل عليهم تخليني ارميهم بيدي للرفاعيه يذلوهم واحده غلبانه مابتنطوجش هتموت عندهم محصوره والتانيه كيف الفرس هيموتوها هما ماهيسيبوهاش اني خابر ولاد الرفاعيه شداد انت ليه وسخ وواطي اكده.
صرخ.. ايه موطي راسك مش لاجي حاجه تجولها منك لله بس لاه اني هحرج جلبك انت تغور من اهنه مالكش مليم بعد اكده وارضك البنته هتاخدها تعليهم عند الرفاعيه مالكش حاجه خالص.
صرخت مني... مالناش ازاي انت هتدي فلوسنا لولاد البنات. اقترب منها وصفعها علي وجهها انت مره سو محراب شيطان تخرسي وتكتمي في جاعده الرجاله اهنه صحيح ماعكيش راجل وخلتيه مره بس اني هحرج جلبكو انتو تموتو عالفلوس مفيش مليم بعد اكده ومشي حالك بالملاليم اللي معاك يا سالم واعتبرناك ميت واياك تعاود اهنه تاني عيش حياتك شحات وافرح بمرتك السو دي.
صرخ سالم... لاه يا ابوي هنعيش كيف الله يرضي عنك.
صرخ عبد الرحمن... ان شالله ماعيشت نزل مرتك تشتغل زي ماسيبت بناتك يا جاحد يا عره الرجاله يا ديل الست منك لله جلبي هيتجطع عالبنته منك لله اجول ايه فوضت امري للي لا يغفل ولا ينام..
جلس سالم مقهورا ينتظر حياه ذل علي يد زوجته الجاحده فهيا تعشق المال وهو كان يكب عليها من والده اما زوجته فتجلس مغلوله وقلبها يتشبع بالغل.
*********
مر الوقت لياتي ليل وجاسر وابيهَ والحاج مهدي كبير البلد ليكتبو الكتاب لتنتهي المراسم وقف عبد الرحمن ليقول... يا حاج انا اديتك بناتي بس عايز عهد لا ينأذو ولا ينجهرو
هتف ابو ليل.. احنا بيت اصول يا حاج اطمن.
هتف ليل لاخيه ساخرا... لاه وبيتشرطو ايه الجرف ده والله بطني جلبت.
ذغده اخيه... اتنيل اكتم بجه عدي الليله المخروبه دي مش طايج روحي.
نظر اليه باستغراب.. لا والله امال مين يا حزين اللي كان مبسوط وهتحب وتسحسح فيها لما تلاجيها جمر مش ده كلامك..
تنهد جاسر وتذكر لؤلؤ التي لا تخرج من باله هتف ....بلاش جرف ال احب واسحسح ماعادش الا بنات العتامنه كمان احب فيهم.
بهت ليل.. انت انجنيت صوح ربنا يشفيك.
هتف... ايوه انجنيت ومش طايج حالي ولا طايج البت دي حاسس اني هطبج في زماره رجبتها.
ضحك ليل... لا اللسع عالي انت اتبدلت اياك امال فين الحزين اللي هيعيش ماهي اي مره تنفع.
سهم في لؤلؤ.... لاه اي مره ايه مفيش زي العيون الجطط مفيش زيها واصل.
هتف ليل... جطط ايه يا حزين.
هتف جاسر... هاه لاه مفيش مفيش انجتم بقي هناخد العرستين ونغور ميته اني مخنوج.
هتف ليل.. ومين سمعك شالله تعدي الليله الا في سماه ارجعها علجه اطلع روحها لو نطجت.
ضحك جاسر... وخد الحزينه بتاعتي ارجعها معاك دا مرار طافح..
*********
كانت فتحيه تجلس مع زوجه ابنها الاخري هتفت... جلبي هيموتني عالبنات يا فوجيه هموت
هتفت.... واني والله يا مرات عم البنات كيف البلسم هيموتو فيها.
هتفت...... لو عرفو هينجهرو ويموتو اني خايفه عالبت حوريه لؤلؤ شديده حوريه غلبانه
هتفت فوقيه.. ايوه يا مرت عم البت كيف الملاك ربنا يستر ما حدش يرضي اكده ظلم ليه مايعرفوش حد يتجوز من غير مايعرف..
تنهدت فتحيه جيب العواجب سليمه يا رب ومانتفضحش..
لم تعي فتحيه وفوقيه لتلك الحربايه التي تتصنت عليه زوجه سالم هتفت... بقي كده مخبين عالعقربتين الصغيرين اللي عصو الحاج علي جوزي وهيلهفو الاراضي لا والله لاحرق قلوبهم وافركش الجوازه وتبقي فضيحه.
لتتسحب َوتصعد لتجد الفتاتان جالستان دخلت تنظر اليهم بخبث.. قمرات والله مبروك يا حبايبي.
ابتسمت حوريه وتنظر اليها لؤلؤ وتهتف... مبروك علي ايه يا طنط.
هتفت... علي جوازكو يا حبايبي انتو اتجوزتو ولاد الرفاعيه والرجاله تحت.
رجفت حوريه ونظرت الي اختها التي انتفضت تقول... انت بتقولي ايه يا وليه انت انت اتجننتي.
هتفت... ايه ده انتو ماتعرفوش يا حرام دانا قريبه فوقيه من بعيد قلت اطلع اشوف العرايس وابارك.
صرخت لؤلؤ... تباركلي لمين يا وليه يا مخبوله انت.
هتفت حوريه.. فيه ايه يا لؤلؤ هيا بتتكلم جد جواز ايه انا خايفه.
صرخت لؤلؤ.. اسكتي دلوقتي واقتربت من مني انت بتتكلمي جد.
هتفت مني بحزن... اه والله انكتب كتابكو حوريه علي ليل وانت علي جاسر.
انحسرت لؤلؤ... يا نهارهم اسود ومطين بقي جايين ياخدونا عشان كده ولا جاين يودونا.
هتفت مني..... وابوكو تحت وكتب كتابكو خلاص ورجالتكو كلها دقيقتين ويطلعو ياخدوكو.
صرخت حوريه.... لا لا لا َوالنبي مين اللي هياخودنا لا والنبي.. لؤلؤ انا مش قادره اخد نفسي هموت مين اللي هياخدنا انا اتجوزت راجل انا اتجوزت كانت تنتفض ولؤلؤ مشلوله لا تعرف ماذا تفعل.
هتفت مني... اهربو يا بنات ده الحل بسرعه لازم تهربو والا هتعيشو حياتكم مذلولين حطو الملس عليكو واهربو ولما تخرجو برات البلد اكشفو وشكو واركبو وخدو فلوس اهيه خلوها معاكو تنفعكو.
هتفت لؤلؤ.... عندك حق قومي يا حوريه كانت حوريه تنتفض صرخت لؤلؤ... لا مش وقت ضعف قومي حياتنا هتروح قومي اصلبي طولك لتقوم حوريه وتتحامل علي ضعفها .
هتفت مني ....القوضه دي كت بنام فيها بلكونتها بتطل عالجنينه الخلفيه انزلو من سكات لتنزل معهم مني من الخلف وتراقب المكان وتقودهم الي احد الاماكن التي تعرفها .خرجا من سكات من مكان خلف الفرن كانت مني تعرفه مكان يطل علي الارض الزراعيه ومكان كبير للحيوانات لتهتف مني اجرو من هنا علي طول وإياك تبصو وراكو فاهمين لتنطلق الفتاتان تجريان والقهر يتلبسهما وحياتهم علي المحك واخذت لؤلؤ اختها وعدت بها كانو يصارعو الريح حتي لا تنتهي حياتهم في تلك البلده مع اولائك ناس لا يخشون الله لتعود تلك الحيه وتدخل علي جمع الرجال صارخه وتقول اتفضحناااااا يا ناااس بنات سالم فضحونا ..
هب ليل وجاسر لتصرخ وتقول....