البارت الثامن 8
بقلم سندس مالك
دخلتا المكتب صاااره وشي و قالبه ليهو خلقتي ، قال لي طبعا عارفه قوانين الوكاله! قلت ليهو ايوه قال لي انتي مابتقدري ! انا ساعدتك و كان في فرص كتيره لبنات متعلمات احسن تعليم و دارسات في جامعات خاصه بس انا اول مره اخلي ميعاد تعمل معاينه لي بت و تدخلها الشغل طوالي ! انتي ختيتيني في موقف ؟ عارفه صح ! لو ما ناس السفاره راعوا لي مكانتي انا كان ممكن اتحاسب معاك على غلطه زي دي و كان ممكن في ثواني تنزلي سمعة الوكاله الواطه ! انتي استهونتي بي ده كلو! ده بثبت اني غلطتا و انك ما مؤهله للشغل ده ، قلت ليهو ممكن اعرف عقوبتي شنو؟ قال لي مفروض تغرمي القروش الادفعت و الراحت سراب بسبب الغلط الغلطيهو واحمدي ربك انك لميت الموضوع من المطار عشان سمعة الوكاله ما تتأثر و يقولو نحنا بنزور ، قلت ليهو يعني ح اغرم كم ؟ قام سكت و عاين لي قال لي 40 مليون ، قلت ليهو 😳😳😳 اربعين!! ، قال لي طبعا ما حتعوضي الوكاله حاجه بعد كده ، قلت ليهو ولو ما بقدر ؟ ح تسجنوني ! اسجنوني خلاص 😭 هنا دموعي نزلت وبقيت ببكي بخنقه ولا كأنو جنبي زول ، قال لي خلاص اسكتي برضو بنهره ما عرفتو عايزني اسكت عشان ازعجتو ولا لأني بكيت ! قلتا ليهو بس اسجنوني من الصباح و فكوني بالليل ارجع البيت عشان ما يقلقوا علي ، عاين لي من فوق لتحت و قال لي ما ح تغرمي شي ، ح تسيبي الشغل بس تمام ياسندس ! قلت ليهو تمام ، قال لي اتفضلي اطلعي و ما تتناقشي مع زول من البنات بره .. عاينتا ليهو جوووه عيونو و طلعتا شلتا شنطتي وطلعتا كل البنات كانوا بعاينوا لي و خلاص عرفوا اني اتطردتا بعد دموعي دي😭 ، في طريقي للبيت كنت ببكي شديييد في المواصلات و بتخنق الناس كانوا بعاينوا لي مالي , ما زعلتا اني اتطردتا بس زعلتا لاني م حا القى شغل بسهوله و انا محتاجه ليهو عشان ساجد .. وصلتا البيت و كان ظاهر علي الزعل حالتي قشقشتا دموعي و حاولتا اخفي الحاصل معاي ... من البكا نمتا و صحيت على صوت امي بتقول لي سندس قومي اتغدي .. قمتا غسلتا وشي و قعدتا معاهم في الصينيه و انا باكل وساكته و هي و ملاك بعاينوا لي بعض قالت لي مالك يابتي! قلتا ليها مافي شي مشاكل في الشغل قالت لي في شنو ؟ قلتا ليها مافي شي ،، ملاك قالت لي ساجد الليله كان تعبان و وديناهو... قبل ما تتم كلامها قمتا على حيلي اتنفضتا فيهم في الصينيه قلتا ليهم بلا ساجد بلا غيرو انا كرهتا البيت ده و زهجتا من مشاكلكم الما بتخلص ما بي دخل بي اي شي بخصكم ما تقرفوني ساجد عندو ابوهو و مسؤول منو ما تصعبوا علي حياتي ياخ الفينؤ مكفيني زهجتا و مليت منكم ياخ .. بقيت بكورك و ببكي و انا من جواي عارفه نفسي زعلانه لاني عاجزه بسبب القروش💔😭 عارفه انو انا ما ح اساعد سلجد و ح الوم نفسي على حالتو عشان كده توتري ظهر طوالي .. بعد انفجرتا و بكيت و اتخنقتا اتلفتا ادخل لقيت ابوي واقف بعاين لي في سكات و انا ما كنتا عارفاهو قاعد اساسا في البيت ، عاينتا ليهو بس و مشيت دخلتا جوه الغرفه بس💔 بقيت بهزز في رجليني متوتره زياده ، ابوي جا داخل و قفل الباب و جا قعد جنبي قال لي كوركتي في امك و اختك ذنبهم شنو! قلت ليهو ما عندهم ذنب ، قام عاين لي و سكت قال لي كلنا خايفين على ساجد و كلنا شايلين همو يا بتي و بكى ! ابوي بكى ! كانت اول مره اشوفو ببكي بدموع كده ! بكيت في لحظتها لأننا الاتنين زعلانين لي نفس السبب ،، قال لي انتي قايلانا مبسوطين ! شايفه اللقمه بتتبلع و هي حنضل علينا ، عايشين عشان نشتغل للعمليه بس 😭 من جوه انا بتقطع يابتي وانا بشوف اخوك بتعب قدامي و انا مربط من كل الجهات ياسندس ! قمتا حضنتو وبستو في راسو وانا دموعي نازله على شعرو الابيض قلت ليهو انت ماقصرتا و انا عارفاك ، انا القصرتا و زعلانه لاني مقصره انا اتطردتا يا ابوي ، بقينا بنبكي الاتنين و هو بقول لي اخوك ياسندس ، و انا بقول ليهو واجعني يا ابوي اكتر من اي شي ، مسخ علي الدنيا كلها يا ابوي .. اليوم داك انا اتفشيت و ابوي اتفشى الزعل الكابتنو جوانا عشان ساجد طلعناهو كلو , يمكن حتى الحيل البنداري بيهو عن بعض كمل مننا و استسلمنا ..
عديت اسبوع في البيت بس من بيتنا لي بيت رشيده مرت ابوي لي بيت اختي الوالده ، في الوكاله البنات كانوا مبسوطييين شدييد معقول في كمية حقد في قلوب البشر كده ! الوحيده الاهتمت بغيابي كانت نيرمين 💜 كانت متواصله معاي فترت اسبوعين بعد خليت الشغل و كانت بتتونس و تسألني من حالي كيف ، غروري اتكسر و اظهرت ضعفي لنريمين وريتها انا كنت محتاجه للقروش قدر شنو ! و عشان اخوي ، ما كان في يدها شي تساعدني بيهو لانها هي زاتها لقت الشغل بعد تعب شديييد ،، يوم الاتنين الأنا دايما بتفائل بيهو و كمان يوم 12 من شهر أكتوبر كان ، جات لينا الوكاله لينا اخت رياض طبعا بتعرف ميعاد بس قعدت معاها و جابوا ليها قهوه و بقت بتتونس معاها قالت ليها كنت ناويه امسك الوكاله بس رياض رفض وقال عايزني ابعد من شغل المطار كلو و اتجه لمجالي ، و هي بتتونس مع ميعاد قالت ليها الشغل ماشي كيف ! قالت ليها كويس والله ، قالت ليها قبل فتره سمعتا رياض هايج في التلفون كان في مشكله في الوكاله حلف مايوريني ليها ، قالت ليها لالا مشكله صغيره بس و اتحلت الامور تمام كلها الحمد لله ،، قعدت شويه مع ميعاد و شربت قهوتها وقامت على حيلها مشت ، قامت تغريد من مكانها جات قعدت جنب ميعاد قالت ليها اختو الشمشاره دي سألت من شنو ! بتكلموا براااحه كانوا قالت ليها سألتني من المشكله الحصلت مشكلة سندس شكلها ما عارفاها ، نيرمين انتبهت طوالي لمن جابوا سيرتي عاينتا ليهم و عملتها ظاهره قامت تغريد حمرت ليها يعني خليك في شغلك عشان ما نطفشك انتي زاتك زيها ، اساسا نيرمين كانت دايره حاجه تثبت عليهم قامت على حيلها و مشت تشرب من الكولر المواجه ميعاد و تغريد و من هناك فتحت تلفونها ميلتو و عي كانت بتصور فيديو ، ميعاد قالت ليها انتي غبيه يابت عايزاني احكي ليها مشكلة سندس عشان تمشي تتشمشر انتي ماعارفه لينا اخت رياض دي بتاعت امور كيف بتحب الاستخبارات ، تغريد قالت ليها يعني كان ممكن تعرف نحنا عملنا شنو! قالت ليها و هي بتضحك نحنا عملنا شي ! نحتا بس طفشنا البت القطعت رزقنا مما جات و سرقت زباينا ، و دي ما مشكلتنا اذا هي غبيه و صدقت كلامنا ، تغريد قالت ليها والله ياميعاد كلامك قلتيهو بطريقن مقنعه و خصوصا انك مشرفتنا 😂😂 ياسندس دخلي الجوازات و دي كروت الحمى و استعجلي ، لو كانت عارفه انها استعجلت لي قدرها ما كان عملت كده 😂😂 قالت ليها و الله انا ما مشكلتي اذا هي بتثق في الناس ، كان ممكن تسأل اي زول و تتأكد انو الكروت مزوره .. انتبهت تغريد لي نيرمين واقفه و قالت لي ميعاد اسكتي نيرمين دي بتحمر كده مالها! قالت ليها خلاص ارجعي مكانك الكابتن جاي الضهر .. رجعت نيرمين وواصلت شغلها عااادي و لا كأنوا حاصل شي رسلت لي في الوتساب الفيديو و تحت بتضحك قالت لي استمتعي ياصحبتي شوفي لنك على نياتك كيف ! الوقت داك انا كنت بعيده من التلفون و مع بت اختي بنوم فيها ،، لحدي ما جا الضهر و رياض مرا على كل الوكالات و جا وكالة بيسان سلم و قعد مع ميعاد سألها الوكاله دخلت كم الاسبوع الفات قالت ليهو التقارير ح تصلك فورا يا كابتن قال ليها طيب في مكتبي مع فنجان قهوه تقيل لأني مصدع ، دخل جوه و نيرمين خلتو دخل المكتب قامت عايزه تمشي ليهو وقفت تغريد في وشها قايمه وين! قالت ليها نعم! تطلعي منو انتي! قالت ليها ماشه ليهو المكتب ليه! قالت ليها وهي بتضحك و انتي مرتو لاسمح الله ! زحي من وشي يا بت ، وقفت عارضتها قالت ليها مابمشي انتي عايزة تتفردي بيهو مالك لو اصلا كلام عن الشغل كان قلتيهو هنا ماشه ليهو براك مالك ! قامت نيرمين ختت يدها في نصها و قالت ليها خايفه مني ولا شنو ! عشان سمعتكم بتقطعوا ! عشان نقشتا خططكم الوسخه! بس طوالي ميعاد وقفت على حيلها و جات وقفت مع تغريد قالت ليها الليله ما ح تعتبي خطوه من مكانك ده و لو عتبتي انتي ح تلحقي صحبتك فهمتي! قالت ليهم والله انا اخر وحده تتهدد ليكم هنا ، لمن حست بيهم منعوها من الطلوع و المكتب مقفول بقت بتكورك يا كاااابتن الححححححقني و بتصرخ كأنو في مصيبه حاصله ، البنات كلهم اتلبشوا ، هو لمن سمع صواريخها جا جاري فتح الباب لقاهم كلهم واقفين ! ومافي وحده عندها شيء! كورك فيهم الصرخت منو! قالت ليهو انا ياكابتن رياض قال ليها وانتي قايله نفسك وين! انتو يابنات جنيتو ولا الحاصل شنو! قالت ليهو عايزة ادخل ليك المكتب بس تغريد وميعاد منعوني و كنت عارفاهم حيسكتوني لو ما مشيت ، قال ليها و انتي دايره شنو ؟ استغفر الله انا فكرتا في شي كبير حاصل ، نيرمين طلعت من مكانها و جات ادتو تلفونها و فتحت ليهو الفيديو و بدل المكتب الفضيحه كانت قدام الوكاله كلها ، كان رياض بسمع في الفيديو و هو مصدوم و ماقادر يصدق انو ظلمني , لمن خلص الفيديو قال ليهم التلاته ادخلوا المكتب والبقيه يواصلوا شغلهم ، دخلوا معاهو قال لي نيرمين كنتي عارفه قبل كده! قالت ليهو والله سندس دي امها داعيه ليها عرفتا الليله يوم مرورك علينا والله اعلم لو ماكنتا مريت كان الاتنين ديل ح يخرسوني كيف ، قال ليهم وصلت بيكم الدناءه للدرجه دي! ميعاد دي مكافئتك للوكاله و لي ؟ و انا ما غيرتك من منصبك و انتي المشرفه ! ماعايز نقاش لأنو الشفتو كافي جداً انتو مفصولين نهائيا من الشغل هنا و من كل وكالاتنا ، و من غير شوشره اتفضلوا .. كانوا محرجات جدا الاتنين و ماناقشوا الكابتن اساسا ، اكتفوا بس بالطلوع و راسهم ممرمط بالارض نيرمين قعدت في الكرسي وقالت ليهو اسفه ياكابتن اذا بتدخل في شغلك بس سندس بريئه و مسكينه و ما كان عندها ذنب لكل الاهانه الاتعرضت ليها منك ، وقامت على حيلها و طلعت ... بعد مسافه حتى انا جيت لتلفوني لقيت المسج من نيرمين حضرت الفيديو و انا مامهتمه شديد لانو خلاص قفلت معاي من رياض و من الشغل ، بالمساء اتصل علي رياض و مارديت عليهو قريب للتلاته مكالمات ورا بعض ما رديت لأني عرفتو عايز يقول شنو! ، نمتا على كده الصباح مشيت لي امل صحبتي كنت قاعده معاها و بحكي ليها الحصل معاي في الشغل شنو ! قالت لي كان مفروض تردي ليهو ياسندس هو خلاص بكون عرف انو ظلمك قلت ليها ما لي دخل بيهو هو ما اداني فرصه ابرر ليهو ولا احكي ليهو الحصل شنو ! طوالي صدق قالت لي طبعا ح يصدق انتي جديده و هي اقدم منك ، قلت ليها ياخ المهم مش ظلمني انا ما ح ارد عليهو قالت لي براحتك ، قلت ليها عايزه اعمل شاي قالت لي طيب قومي اعمليهو انتي قلت ليها يابت انا مش ضيفه عندك قالت لي سندس😏 ع كيفك مره ضيفه و مره غيرو😒 قلت ليها طيب بنعناع! قالت لي طيب ظابط امي جابت نعناع اخضر ، خلتني دخلت المطبخ اعمل شاي و هي لفحت تلفوني سريع سريع فتحتو و ضربت منو لي رياض ، طوالي ردا ليها سندس قالت ليهو انا صحبتها اسمي امل قال ليها ايوا كيفك ! قالت ليهو كويسه و اسمعني قبل ما سندس تجي هي ماح ترد عليك و انا عارفاها ما حترد المهم انا ح اوريك ساكنه وين و تجي تقابلها و تعتذر ليها لأنك غلطت في حقها شديييد قال ليها طيب قولي العنوان سريع !