البارت السابع 7
بقلم سندس مالك
قلت ليهو مساء النور قال لي الشغل ماشي كيف ! قلت ليهو إتأقلمتا خلاص مع الجو، ضحك و جرا الكرسي و قعد قال لي طيب إعتبريني زبون ح تجذبيني كيف للعروض ؟ قلت ليهو العروض نحنا بننزلها في النت يا كابتن قال لي ما تقولي لي كابتن رياض بس😁 قلت ليهو طيب يا رياض عايز تستفسر عن عروض شنو ! قال لي ممم مثلا رحله استجمام كده بره البلد ، قلت ليهو رياض بما انك زول بتسافر كتير قام قاطعني قال لي قلت ليك انا ما كابتن هسي انا زبون و انتي ماعارفه شغلي شنو قمتا ضحكتا 😂😂 قلت ليهو كيف اتعامل معاك وانا عارفاك انت شنو ، ضحك و قال لي يازوله اتصرفي بس ، نبدا تاني من جديد والمره دي جاديين السلام عليكم قلت ليهو وعليكم السلام 😊 قال لي بسأل عن عروض الرحلات الترفيهيه ! قلت ليهو اهلا وسهلا يا استاذ ! قال لي رياض قلت ليهو شرفتنا في وكالة بيسان و قمتا فتحت الكومبيوتر هو اللحظه دي بعاين لي انا كنت رافعه شعري كعكه كبيييره فوق و منزله خصل قصيره بقدام و لابسه خناق دهبيي لونو ، قال لي سبحان الله 💜 قلت ليهو عفوا ! قلت حاجه ؟ قال لي لالا منتظر اشوف العروض ، قمتا تاني عاينتا في الكومبيوتر كنت بتخجل وبتبسم ومن جوه عايزة اطييير من الفرحه انو هو قاعد جنبي ، احساس بنات الوكاله عايزين يضبحوني بعيونهم وانا مستمتعه انو هو قاعد جنبي و كأنو حاجه حقتي براي ، قلت ليهو رياض عندنا عرض لأديس أببا و ده اكتر مكان بنصحك بيهو الطبيعه والهدوء و الخضره 💕 ما ح تلقى مكان في العالم كلو ح يحسسك بالراحه و الاستجمام زي طبيعة و مناخ اديس اببا💜 قال لي مشيتيها قبل كده ! قمتا زحيت الكومبيوتر و شلت القلم بيدي بقيت بهز فيهو قلت ليهو مش قلت انك زبون ! ده سؤال شخصي ياكابتن 😂 قام ضحك قال لي والله انتي اكبر مستهبله و وقف على حيلو وقال لي ميعاد جيبي لي فنجان قهوه انا في المكتب جوه قالت ليهو كويس ، بنات الوكاله يشيلوا و يحمروا و يقلبو لي في عيونهم تغريد مشت قعدت جنب ميعاد قالت ليها ميعاد الكلام ده ما بجي البت دي من جات الوكاله و شايله الزباين والناس مننا قدر ما حاولنا نكرها في الشغل ما شغاله بي اي شي ولا بتحس ولا بتشعر نعمل شنو ! ماشايفه رياض عاملها كيف؟ قالت ليها اصبري بس خلي الكابتن يمشي الليله و اديني يومين بعرف كيف اطفشها قالت ليها ح تعملي شنو قالت ليها ح اخليها تنزل عرض للعمره و اجيب ليها كروت حمى صفراء مزوره عشان لمن تدخل الفيز المطار ناس المطار ح يعرفوا الخلل و يقولو الوكاله بتزور و كده الكابتن ح يعرف و لمن يجي يزفنا هنا ح نقول ليهو كلنا دي سندس النزلت العرض و بكده ما حيتردد انو يطردها ثانيه ، تغريد قالت ليها والله ياميعاد طلعتي شيطااانه لكن قالت ليها انتي قايلاني مستمره في الوكاله هنا لي خمسه سنين ساي! من يوم مسكتا السوبر فايزر ما فكيتها و اي وحده تجي تعمل لي خطر بشيلها طوالي و انا سندس دي حاسه بيها بتهددنا كلنا ، ما شفتي زين لمن جا داخل ! خلاكي و مشى ليها ! و ماشفتي هسي الكابتن ! الله يسألك يوم واحد شفتيهو جا اتونس ولا ضحك زي الليله ! نحنا بنخاف منو لانو رسمي و ماشي عديل و دغري وما مدينا اي فرصه ندخل معاهو في ونسه ، يجي من دون الناس يتونس قدر ده ! قالت ليها والله صحي البت دي انا بكرهها كره في الدنيا دي ! ، انا كنت قااعده ماجايبه خبر للناس بكيدوا لي في شنو طلعت من الشغل و رجعتا البيت بقيت بس برجع انوم و بصحى امشي الشغل و حالتي كده بس ، امي جات قعدت معاي قالت لي عملت لينا شاي نتونس سوا اشتقتا اقعد معاك قلتا ليها و الله ياحجه رغم اني نعسانه لكن عشانك بقوم اشربو .. الهواء كان بااارد في الحوش و نحنا بنشرب في الشاي قالت لي سندس اختك مواعيدها قربت بتاعت الولاده قلتا ليها اي يا امي عارفه الايام دي بتجهزوا ليها ، انا اديتك القروش المره الفاتت! قالت لي اي كتر خيرك عارفاك تعبانه من هنا للشغل كل يوم المسافه طويله والمواصلات بقت صعبه شديييد قلت ليها ولا يهمك يا امي المهم راحتكم قالت لي سندس اخوك ساجد بهاتي بيك ساااي الايام دي قال طولتي ما جيتي ليهم هناك في بيتهم قلت ليها الا الجمعه يا امي عشان الشغل كل يوم لكن الجمعه الجايه بإذن الله بمشي اشوفو هو صحتو كيف ! قالت لي والله يا سندس ما اغشك تعبااان الفتره دي بعدين العمليه طولت مفروض تتعمل من بتين قلت ليها ابوي جمع كم ؟ قالت لي جمع عشرين لحدي هسي بالعافيه و انتي اديتيني اتنين ليهو قلت ليها وهي كم قالت لي 45 قلت ليها يا لطيف قالت لي والله مشيت مع امو المنظمات و غيرها و التلفزيون و اختك ما قصرت عملت منشورات في الفيسبوك لكن مافي شي اتجمع غير سبعه كلها كده بقت 29 و لسه باقي كتير لكن مفروض اخوك بأسرع وقت يعملها قبل ما تحصل ليهو حاجه لا قدر الله ، قلت ليها امي لا ماتقولي كده بكره انا بجتهد في الشغل بإذن الله و الله يسهلها و تجيني عروض سمحه زي شهر العسل و العمرات و رحلات التعليم ديل البدخلوا لينا قروش سمحه .. قالت لي طيب نومي هسي , رقدتا في سريري بعاين للنجوم و من جواي بلعن في القروش الخلتنا محتاجين ليها الوقت كلو و الخلتنا عاجزين دايما بنفتش فيها الوقت كلو 💔😭 صحيت الصباح و قلت انا لازم القى طريقه الم الباقي سرييعو، مشيت الشغل صبحتا على البنات مافي وحده بترد السلام بنفس ، قعدتا مكاني جاتني ميعاد و معاها ورق و جوازات قالت لي سندس نزلنا امبارح عروض للعمره و الصباح جوا خمسه اشخاص ام و بناتها الاتنين و راجلها و ولدها كلهم عايزين عمره دي جوازاتهم و في اسرع وقت لكن عشان كده استعجلي بالنسبه للاجراءات الطبية و كرت الحمى الصفراء ديل الخمسه كروت دخليهم السفاره بأسرع وقت عشان هم مستعجلين، طبعا الفرحه الجاتني الوقت داك 😍 خمسه اشخاص و للعمره ، قلت لي نرمين جنبي نرمين انتي عارفه الحمد لله انا بالجد محظوووظه جدا لاني محتاجه للقروش شديييد 😍 و شوفي العروض جاتني كيف ، نريمين كانت بتعاين لي و هي ماعاجبها الموضوع قالت لي سندس كرت الحمى الصفراء المغشوش ده ممكن يدخلك في مشاكل! ماتقبلي العروض دي ، قلت ليها ما بدخلني يا زوله انا محتاجه للقروش شديد ما ح اتردد اني ادخلها بعدين لو فيهو مشكله ما كان ميعاد جابتو لي ! ميعاد دي مشرفتنا وعارفه الشغل صح ! قالت لي والله قلبي ما ارتاح للقصه دي لكن على كبفك ياسندس انتي ادرى ،، ما اشتغلت بنريمين كتير و دخلنا الجوازات و الكروت بعد اسبوع مفروض يردوا لي يوروني اتقبلوا و لا لا ، من قوانين الوكاله انو لو عملتي غلط بتغرمي قروشو الغلط كلها بغض النظر كانت كم مليون ، في نص الاسبوع اختي ولدت و جابت بت سمتها جنات 💜 كنت ملخومه بتحضيرات السمايه مع ماما و كلنا كنا ملمومين حتى يوم السمايه عمتي و بتها سجى جو لبيت اختي ، ساجد كان بتبسط شديييد لما يشوفني معاهم ملمومه 💜 كنت بتبسط بفرحة ساجد الخالتو كانت بتدهور زياده قدام عيوني و هو محتاج للعمليه و كنت منتظره السفاره ترد بالقبول عشان الربح المادي يجيني ، يوم السمايه بالليل قاعده جنب بت اختي الصغيره في الغرفه بغني ليها جات يجى داخله و قعدت تعاين للطفله قالت لي نفسي يكون عندي اطفال ، قمتا ضحكتا بمسخره كده قالت لي بتستهتري عشان ما بولد ؟ قلت ليها لا اعتراض على حكم الله لكن انتي عايزة تولدي من منو بالضبط ! قالت لي سندس 😒 قلت ليها خير ! وقفت على حيلها وقالت لي لمن تعرسي زول انتي ما دايراهو لكن في نفس الوقت لازم تعرسيهو و ما تضوقي السعاده معاهو حتى لو فرش ليك الدنيا ورود بعدين بتعرفي احساسي كان كيف و بتعرفي اني ما خنتو عشان هو كعب لكن انا ناقصه معاهو ، قلت ليها و انا. غضبتا الساعه ديك انتي قليلة ادب ما في حاجه اسمها نقص و مافي حاجه اسمها الخيانه واجب عشان انا ما سعيده معاهو ، اتطلقي و امشي عرسي غيرو لكن طالما انك طمعانه في حقو و في نفس الوقت رغبتك في غيرو دي اسمها حقارة و قلت ادب منك ، قالت لي عمرك ما حتفهمي و طلعت من الغرفه كوركتا ليها ولا عايز افهم شي منك خليك بعيده مني لانو كل ما اشوفك في خلقتي بقرف بس ما اكتر .. غضبتني شديييد و بقيت ماطايقه اشوف خلقتها دقايق ، جا ساجد داخل حضني و رقد في رجليني قال لي سندس انتي ما عايزه تبيتي معانا يعني! قلت ليهو حبيبي لمن اجي ابيت ح ابيت ايام كتيييره بس خليني افضى قام سألني و أول مره كان يسألني من عمليتو قال لي طيب وانا ح اعمل بتين العمليه و العب مع اصحابي كوره! قنتا حضنتو تاني وقلت ليهو الحلو عايز يبقى كابتن كبير💋 ح نعملها و ح تلعب ياقلبي انا 💜 ، خلاص الليله ننوم هنا انا و انت مع مرادي في بيتها و الصباح بمشي الشغل اتفقنا قال لي اتفقنا 😍 كانت اول مره انوم فيها نعاهو في غرفه واحكه و معانا مرادي و بتها ، الصباح مشيت الشغل وكنت مبسووطه جدا فاكه شعري و و عاماه ضفيره في النص، لقيت الناس منتظريني زعلانين حتى نرمين! و براءه ! حسيت في حاجه و قلبي اكلني قعدت جنب نريمين سألتها في شنو براحه كده ! قالت لي انا مش حذرتك ؟ الكابتن اتصل الصباح قال جاي و سأل منك قلت ليها رياض! قالت لي اي كان بكورك و هايج في الخط و ميعاد قالت لينا الله يستر الليله قلت ليها ماعرفتي الحصل شنو قالت لي لا ! ،، قعدنا كلنا متوترين اليوم داك منتظرين رياض يجي الا اتنين تغريد و ميعاد ما كانوا متوترين و انا لاحظنا انهم بتبسموا ولا كأنوا في شي ح يحصل ، اول ما جا رياض داخل اول حاجه قفل الباب بطريقه قلنا القزاز ح يتكر .. كلنا و قفنا و كانوا الدخل استاذ علينا ، قال لينا النزلت عروض العمره منو ! ميعاد قالت ليهو انا ! قال ليها و الدخل الجوازات السفاره منو ! قالت ليهو سندس ، عيونو الوقت داك شرار مولع بس ، عاين لي و بنهره سندس دخلتي الفيز من غير ما تتأكدي انو الكروت مغشوشه! قلت ليهو لكن ميعاد قالت لي ، قال لي بلا ميعاد بلا زفت انا بسأل فيك كنتي عارفه ولا لأ! قلت ليهو اي ما عملت ليهم كروت بي اساميهم , قال لي و عارفه انو المشكله دي ممكن تقفل الوكاله ! قلت ليهو يارياض قام قاطعني بنهره قال لي اسمي الكابتن رياض بعد نهرتو ديك و احراجوا لي قدام البنات قررربتا ابكي بس مسكتا نفسي قلت ليهو براحه اسفه ياكابتن رياض قال لي اسفك ما بعني اي شيء ، العملتيهو غلط والاغلاط هنا ما بتغتفر فهمتي ! قلت ليهو فهمتا هنا خلاص دمعتي كانت قريييبه شدييد من عيوني 😭 قال لي و هو لسه بنهر فيني الحقيني للمكتب ، و انا طالعه ماشه ليهو لاحظت الناس كلها مبسوطه لي الا نريمين الكانت جنبي كان نفسي ابكي الوقت داك بس ما قدرتا هو مشى قدامي قعد في كرسيهو البطوطح و انا جيت داخله ليهو المكتب ..