قصة قوة الضمائر البارت الثاني عشر 12 بقلم طارق اللبيب

 قصة قوة الضمائر

البارت الثاني عشر 12

بقلم طارق اللبيب

ﺍﻫﺎ ﻳﺎﺯﻭﻝ ﻣﺤﺎﺳﻦ ﺟﺎﺕ ﻭﺟﺎﺑﺖ ﺍﻟﻠﺒﻦ .. ﻭﺍﺗﻌﺸﻮ ﻭﻗﻌﺪﻭ ﺍﺗﻮﻧﺴﻮ ﻭﺑﻀﺤﻜﻮ ﻓﻲ ﻛﻞ ﺳﻌﺎﺩﺓ ﻭﺳﺮﻭﺭ .. ﻓﺠﺄﺓ ﻛﺪﺍ ﺳﺘﻮ ﻗﻄﻌﺖ ﺍﻟﻮﻧﺴﺔ ﻭﺳﺮﺣﺖ .. 

ﻭﻗﺎﻟﺖ :  ﻳﺎﺭﺑﻲ ﺟﺪﻭ ﻳﻜﻮﻥ ﺣﺎﻟﻮ ﻛﻴﻒ ﻓﻲ ﺍﻟﺒﺮﺩ ﺍﻟﻨﺰﻝ ﻣﻦ ﺍﻭﻝ ﺍﻟﻠﻴﻞ ﺩﻩ؟؟  ﻳﺎﺭﺑﻲ ﺑﻜﻮﻥ ﺍﻛﻞ ﺷﻨﻮ ؟ ﻳﺎﺭﺑﻲ ﺗﺤﻔﻈﻮ ﻭﺗﻐﻄﻴﻬﻮ ..

ﻣﺤﺎﺳﻦ ﻗﺎﻟﺖ ﻟﻴﻬﺎ :  ﻳﺎﺧﺘﻲ ﻭﺍﻟﻠﻪ ﺟﺪﻭ ﻓﺎﺍﺍﻟﺢ .. ﻭﺍﺻﻠﻮ ﻣﺎﺑﺘﻮﺻﻰ .. ﺍﺳﺄﻟﻴﻨﻲ ﻣﻨﻮ ﺍﻧﺎ .. ﻣﻔﺘﺢ ﻣﺎﺷﺎ ﺍﻟﻠﻪ ﻋﻠﻴﻬﻮ .. ﻗﺎﻟﺖ ﻟﻴﻬﺎ : ﻫﺴﻲ ﺩﻱ ﻛﻢ ﻳﻮﻡ ﻳﺎﻣﺤﺎﺳﻦ ﻭﻻ ﺍﺗﺼﻞ ﻋﻠﻴﻨﺎ .. ﻳﻌﻨﻲ ﺷﺒﻜﺔ ﻣﺎﻻﻗﻴﻬﺎ ﻭﻻﺷﻨﻮ  ؟

ﻗﺎﻟﺖ ﻟﻴﻬﺎ :  ﻳﺘﻠﻘﻲ ﺧﺎﻳﻒ ﺗﺴﺄﻟﻴﻬﻮ ﻣﻦ ﺍﻟﺰﻭﻝ ﺍﻟﺴﺎﻗﻮ ﺩﻩ ..

ﺍﻟﻤﻬﻢ ﺍﻟﻮﻧﺴﺔ ﺍﻧﺘﻬﺖ .. ﻭﻗﺎﻣﻮ ﻋﻠﻰ ﺍﻟﻨﻮﻡ .. ﻣﺤﺎﺳﻦ ﺭﺍﻗﺪﺓ ﺑﻲ ﻗﺪﺍﻡ ﻣﻊ ﺍﻭﻻﺩﻫﺎ .. ﻭﺳﺘﻮ ﺭﺍﻗﺪﺓ ﺑﻲ ﻭﺭﺍ ﻣﻊ ﻣﻠﻜﺔ .. ﻭﻣﻘﻔﻠﻴﻦ ﺑﻴﺘﻬﻢ .. ﺑﻌﺪ ﻧﺺ ﺳﺎﻋﺔ ﻛﺪﺍ .. ﻣﺤﺎﺳﻦ ﺟﺎﺕ ﻟﻲ ﺳﺘﻮ .. 

ﻗﺎﻟﺖ ﻟﻴﻬﺎ : ﻣﻤﻜﻦ ﺗﺪﻳﻨﻲ ﺗﻠﻔﻮﻧﻚ ﺩﻩ؟؟ ﻋﻨﺪﻱ ﺍﺗﺼﺎﻝ .. 

ﻗﺎﻟﺖ ﻟﻴﻬﺎ :  ﺍﺗﺼﺎﻝ ﺑﻲ ﻣﻨﻮ ﻳﺎﻣﺤﺎﺳﻦ ﻓﻲ ﺍﻟﻠﻴﻞ ﺩﻩ ؟ 

ﻗﺎﻟﺖ ﻟﻴﻬﺎ : ﺑﻜﻠﻤﻚ .. ﺑﺲ ﻫﺴﻲ ﺍﺩﻳﻨﻲ ﺗﻠﻔﻮﻧﻚ ..

ﻧﺎﻭﻟﺘﻬﺎ ﺍﻟﺘﻠﻔﻮﻥ .. ﻣﺸﺖ ﻣﺤﺎﺳﻦ ﺑﻲ ﻏﺎﺩﻱ .. ﻭﺍﺗﺼﻠﺖ ﻋﻠﻰ ﻣﻌﺘﺼﻢ ..

 ﻗﺎﻟﺖ ﻟﻴﻬﻮ : ﻳﺎﻣﻌﺘﺼﻢ ﻭﺍﻟﻠﻪ ﺍﻧﺎ ﺩﺍﻳﺮﺓ ﺍﻗﺪﻡ ﻟﻴﻚ ﺟﻤﻴﻞ .. ﻋﻤﺮﻙ ﻣﺎﺗﻨﺴﺎﻫﻮ .. ﺍﻧﺎ ﺑﻌﺮﻑ ﻧﺎﺱ ﺳﺘﻮ ﻣﻦ ﺑﺪﺭﻱ .. ﻭﻫﺴﻲ ﻟﻤﻦ ﻗﻌﺪﺕ ﻣﻌﺎﻫﻢ ﻋﺮﻓﺘﻬﻢ ﺍﻛﺘﺮ .. ﻭﺍﻧﺖ ﻃﺒﻌﺎ" ﺑﺘﻌﺮﻓﻬﻢ .. ﻭﻋﺎﺭﻑ ﺑﺘﻬﺎ ﻣﻠﻜﺔ .. ﻭﺍﺧﻼﻗﻬﺎ ﻭﺟﻤﺎﻟﻬﺎ .. ﻭﺍﻟﺒﺖ ﺍﻟﺤﻤﺪ ﻟﻠﻪ  ﺑﻌﺪ ﺍﻟﺤﺎﺩﺙ ﺍﻟﺤﺼﻞ ﻟﻴﻬﻢ .. ﻫﺴﻲ ﺑﻘﺖ ﻛﻮﻳﺴﺔ ﻭﻣﺎﺷﺔ ﻓﻲ ﺍﺣﺴﻦ ﺣﺎﻝ .. ﻭﺍﻟﺒﺎﻗﻲ ﺍﻓﻬﻤﻮ ﺑﺮﺍﻙ .. ﻭﺍﻟﻜﻼﻡ ﺩﻩ ﻭﺍﻟﻠﻪ ﻣﺎﻓﻲ ﺯﻭﻝ ﻋﺎﺭﻓﻮ ﻏﻴﺮﻙ .. ﺑﺲ ﻏﺎﻳﺘﻮ ﺍﻧﺎ ﺍﺗﻤﻨﻴﺘﻬﺎ ﻟﻴﻚ .. ﻭﻫﺴﻲ ﺍﻧﺎ ﺷﻠﺖ ﺍﻟﺘﻠﻔﻮﻥ ﻣﻦ ﺳﺘﻮ .. ﻭﻫﻲ ﻣﺎﻋﺎﺭﻓﺎﻧﻲ ﺍﻧﺎ ﻋﺎﻳﺰ ﺍﺗﺼﻞ ﻋﻠﻰ ﻣﻨﻮ .. ﻭﺑﻤﺴﺢ ﻣﻜﺎﻟﻤﺘﻚ ﺩﻱ ﻣﻦ ﺗﻠﻔﻮﻧﻬﺎ ..

ﺍﻫﺎ ﻗﻠﺖ ﺷﻨﻮ؟؟

ﻗﺎﻝ ﻟﻴﻬﺎ : ﻭﺍﻟﻠﻪ ﻳﺎ ﻣﺤﺎﺳﻦ ﺍﻧﺘﻲ ﺟﺰﺍﻙ ﺍﻟﻠﻪ ﺧﻴﺮ .. ﻋﻠﻰ ﺷﻌﻮﺭﻙ ﺍﻟﻄﻴﺐ .. ﺍﻧﺎ ﻭﺍﻟﻠﻪ ﻣﻠﻜﺔ ﺑﻌﺮﻓﻬﺎ ﻭﻋﺎﺭﻑ ﺍﺧﻼﻗﻬﺎ ﻭﺳﻤﺎﺣﺘﻬﺎ .. ﻟﻜﻦ ﺍﻧﺎ ﻣﺮﺗﺒﻂ ﻭﺍﻟﻠﻪ .. ﻭﻟﻮ ﻣﺎﻛﺪﺍ ﻭﺍﻟﻠﻪ ﻣﻠﻜﺔ ﺍﻱ ﺭﺍﺟﻞ ﻓﻲ ﺍﻟﺪﻧﻴﺎ ﻳﺘﻤﻨﺎﻫﺎ .. ﻭﻟﻮ ﻛﻨﺖ ﺑﻀﻤﻦ ﻳﺪﻭﻧﻲ ﻟﻴﻬﺎ .. ﻣﺎ ﻛﺎﻥ ﺍﺭﺗﺒﻄﺖ ﺍﺻﻼ" ..

ﻗﺎﺍﻟﺖ ﻟﻴﻬﻮ : ﺍﻧﺖ ﻋﺎﺭﻑ ﺍﻧﺎ ﺍﺗﺼﻠﺖ ﻋﻠﻴﻚ ﺑﺎﻟﻤﻮﺿﻮﻉ ﺩﻩ ﻟﻴﻪ؟؟  ﻻﻧﻬﻢ ﺍﻟﻨﺎﺱ ﺩﻳﻞ ﻣﺘﻜﻴﻔﻴﻦ ﻣﻨﻚ .. ﻭﺑﺮﻳﺪﻭﻙ ﺷﺪﻳﺪ ﻓﻲ ﻣﻮﺍﻗﻔﻚ ﻣﻌﺎﻫﻢ .. ﻭﻣﻠﻜﺔ ﺩﻱ ﺑﺘﺘﻜﻠﻢ ﻋﻨﻚ ﻟﻤﻦ ﺑﺘﺸﺮﻕ .. ﻏﺎﻳﺘﻮ ﺍﻧﺎ ﻗﻠﺖ ﺍﻗﻮﻝ ﺍﻟﻜﻼﻡ .. ﺍﻣﻜﻦ ﺭﺑﻨﺎ ﻳﺠﻌﻞ ﻓﻴﻬﺎ ﺧﻴﺮ ..

ﻗﺎﻝ ﻟﻴﻬﺎ :  ﻭﺍﻟﻠﻪ ﻳﺎﺭﻳﺖ ﻳﺎﻣﺤﺎﺳﻦ ﻟﻜﻦ ﺍﻟﻜﻼﻡ ﺩﻩ ﺟﺎ ﻣﺘﺄﺧﺮ ﺷﺪﻳﺪ .. ﺗﺴﻠﻤﻲ ﺍﻧﺘﻲ ﻭﺷﻌﻮﺭﻙ ﺩﻩ ﻣﻘﺪﺭ ﺟﺪﺍ" ..

ﺍﻟﻤﻬﻢ ﺍﻻﺗﺼﺎﻝ ﺍﻧﺘﻬﻰ .. ﻭﻣﺤﺎﺳﻦ ﺍﺻﻴﺒﺖ ﺑﻲ ﺧﻴﺒﺔ ﺍﻣﻞ ﻓﻲ ﻣﺴﻌﺎﻫﺎ .. ﻭﻓﻌﻼ" ﻛﺎﻥ ﻣﻌﺘﺼﻢ ﻓﻲ ﺍﻟﻔﺘﺮﺓ ﺩﻱ ﻣﺮﺗﺒﻂ ﺑﻲ ﻭﺍﺣﺪﺓ .. ﻣﻦ ﺍﺑﺮﻭﻑ ﺍﺳﻤﻬﺎ ﻭﻓﺎﺀ .. ﻭﻋﻨﺪﻭ ﻣﻌﺎﻫﺎ ﻋﻼﻗﺔ ﻟﻴﻬﺎ ﺳﻨﺔ ﻭﻧﺺ .. ﺑﺲ ﻋﻨﺪﻫﺎ ﺍﺧﻮﻫﺎ ﻣﻌﺎﺭﺽ ﻓﻲ ﺍﻟﻤﻮﺿﻮﻉ .. ﻭﺍﻟﺴﺒﺐ ﺍﻧﻮ ﻣﻌﺘﺼﻢ ﺷﻐﺎﻝ ﻓﻲ ﺟﻬﺎﺯ ﺍﻻﻣﻦ ..

ﻭﻛﻞ ﻣﺮﺓ ﺍخوﻫﺎ ﺑﻘﻮﻝ ﻟﻴﻬﺎ .. ﺩﻩ ﻣﻦ ﻛﻼﺏ ﺍﻟﺤﻜﻮﻣﺔ ﺍﻟﻤﺎﺑﺨﺎﻓﻮ ﺍﻟﻠﻪ .. ﻧﺎﺱ ﺍﻻﻣﻦ ﺩﻳﻞ ﻧﺎﺱ ﻭﺳﺦ ﺍﺳﺄﻟﻴﻨﻲ ﻣﻨﻬﻢ ﺍﻧﺎ .. ﻭﻫﻲ ﺑﺘﻘﻮﻝ ﻟﻴﻬﻮ ﻣﺎﺗﺤﻜﻢ ﻋﻠﻰ ﻛﻞ ﺍﻟﻨﺎﺱ ﺯﻱ ﺑﻌﺾ .. ﺍﻧﺖ ﻣﺎﺑﺘﻌﺮﻑ ﻣﻌﺘﺼﻢ ..

ﻭﺍﺧﻮﻫﺎ ﺩﻩ ﺍﻻﺥ ﺍﻟﻜﺒﻴﺮ .. ﻭﺷﻜﻠﻮ ﻛﺪﺍ ﻣﺄﺛﺮ ﻋﻠﻰ ﻧﺎﺱ ﺍﻟﺒﻴﺖ .. ﺑﺎﻟﺮﻏﻢ ﻣﻦ ﺍﻧﻬﻢ ﻣﺎﺷﺎﻳﻔﻴﻦ ﻋﻠﻰ ﻣﻌﺘﺼﻢ ﺍﻻ ﺍﻟﺨﻴﺮ ..

ﻭﻓﺎﺀ ﻃﺒﻌﺎ" ﻣﺘﻌﻠﻘﺔ ﺑﻲ ﻣﻌﺘﺼﻢ ﺑﻲ ﺷﺪﺓ .. 

ﻭﻗﺎﻟﺖ ﻟﻴﻬﻮ : ﻟﻮ ﺍﻟﺪﻧﻴﺎ ﺩﻱ ﻛﻠﻬﺎ ﺧﺎﻟﻔﺘﻨﻲ .. ﺍﻧﺎ ﻣﻌﺎﻙ ﺍﻧﺖ ﻭﺑﺲ .. ﻭﻣﻮﺍﻗﻔﻬﺎ ﻋﺎﺟﺒﺎﻫﻮ ﺷﺪﻳﺪ .. ﻣﻌﺘﺼﻢ ﺗﻼﺗﻴﻦ ﺳﻨﺔ ﺗﻘﺮﻳﺒﺎ" .. ﻭﺍﻛﺒﺮ ﻣﻦ ﻣﻦ ﻭﻓﺎﺀ ﺑﻲ ﺧﻤﺴﺔ ﺳﻨﻮﺍﺕ .. ﻟﻜﻦ ﺑﺎﻟﻨﺴﺒﺔ ﻟﻲ ﻣﻠﻜﺔ .. ﻫﻲ ﺍﺻﻐﺮ ﻣﻨﻮ ﺑﻘﺮﻳﺐ ﺍﻝ 13 ﺳﻨﺔ .. ﻋﺸﺎﻥ ﻛﺪﺍ ﻫﻮ ﺍﺑﺪﺍ ﻣﺎﻓﻜﺮ ﻓﻴﻬﺎ ﻗﺒﻞ ﻛﺪﺍ .. ﺑﻲ ﺳﺒﺐ ﻓﺎﺭﻕ ﺍﻟﻌﻤﺮ .. ﺍﻟﻌﺎﻣﻠﻨﻮ ﺍﻟﻨﺎﺱ ﺣﺠﺔ ﻓﻲ ﻛﺘﻴﺮ ﻣﻦ ﺍﻟﺰﻳﺠﺎﺕ .. ﻓﻲ ﺍﻣﺜﻠﺔ ﻛﺜﻴﺮﺓ ﺯﻭﻝ ﻛﺒﻴﺮ ﻳﺘﺰﻭﺝ ﻭﺍﺣﺪﺓ ﻓﻲ ﻋﻤﺮ ﺑﺘﻮ .. ﻭﺍﻟﺰﻭﺍﺝ ﻳﻜﻮﻥ ﻧﺎﺟﺢ .. ﻭﺍﺣﺪﺓ ﺗﺘﺰﻭﺝ ﻣﻦ ﻫﻮ ﺍﺻﻐﺮ ﻣﻨﻬﺎ ﻭﺍﻟﺰﻭﺍﺝ ﻳﻜﻮﻥ ﻧﺎﺟﺢ .. ﻭﻓﻲ ﺯﻭﺟﻴﻦ ﻗﺮﻳﺒﻴﻦ ﻓﻲ ﺍﻟﻌﻤﺮ ﺑﺲ ﺍﻟﺰﻭﺍﺝ ﻳﻔﺸﻞ ..

ﺍﻟﻘﺼﺔ ﻣﺎﻓﻲ ﺍﻟﻌﻤﺮ ﺍﻟﻘﺼﺔ ﻓﻲ ﺍﻟﺘﻔﺎﻫﻢ ..

ﻣﺮﺕ ﺍﻻﻳﺎﻡ .. ﻭﻓﻲ ﻳﻮﻡ ﻣﻦ ﺍﻟﺼﺒﺎﺡ .. ﺍﺗﺼﻞ ﺟﺪﻭ ﻓﻲ ﺗﻠﻔﻮﻥ ﺍﻣﻮ ﻭﺳﻠﻢ ﻋﻠﻴﻬﺎ ..

ﻛﻴﻒ ﺍﻟﺤﺎﻝ ﻳﺎ ﺍﻣﻲ .. ﻭﺍﻟﻠﻪ ﻣﺸﺘﺎﻗﻴﻦ ﺷﺪﻳﺪ ..

ﻗﺎﻟﺖ ﻟﻴﻬﻮ : ﻳﺎﻭﻟﺪ؟؟ ﻟﻴﻪ ﻣﺎﺗﺼﻠﺖ ﻋﻠﻲ ﻣﻦ ﻳﻮﻡ ﻣﺸﻴﺖ؟ .. ﻣﺎﻋﺎﺭﻑ ﺍﻧﺎ ﺑﻘﻠﻖ ﻋﻠﻴﻚ ﻗﺪﺭ ﺷﻨﻮ؟

ﻗﺎﻝ ﻟﻴﻬﺎ : ﻭﺍﻟﻠﻪ ﺍﻭﻝ ﺣﺎﺟﺔ ﺍﻧﺎ ﻗﺮﺭﺕ .. ﺍﻧﻲ ﻣﺎ ﺍﺗﺼﻠﻞ ﻋﻠﻴﻚ ﺍﻻ ﺑﻌﺪ ﺍﻛﺴﺐ ﻗﺮﻭﺵ ..

ﻭﻫﺴﻲ ﻛﺴﺒﺖ ﺍﻧﺎ ﺣﻮﻟﺖ ﻟﻴﻚ ﻗﺮﻭﺵ ..

ﻗﺎﻟﺖ ﻟﻴﻬﻮ :  ﻛﺪﻱ ﻫﺴﻲ ﺧﻠﻴﻬﺎ ﺍﻟﻘﺮﻭﺵ .. ﺍﻧﺖ ﺻﺤﺘﻚ ﻛﻴﻒ؟ ﻭﻗﺎﻋﺪ ﻛﻴﻒ؟ ﻭﻋﺎﻳﺶ ﻛﻴﻒ؟ ﻭﺍﻟﻮﺿﻊ ﻫﻨﺎﻙ ﻛﻠﻮ .. ﺍﺣﻜﻲ ﻟﻲ .

ﻗﺎﻝ ﻟﻴﻬﺎ : ﻛﻮﻳﺲ .. ﺍﻧﺎ ﺑﻌﺪﻳﻦ ﺍﻟﻤﺴﺎﺀ .. ﺑﻤﺸﻲ ﺍﺑﻮﺣﻤﺪ ﻣﺨﺼﻮﺹ ﻋﺸﺎﻥ ﺍﺗﺼﻞ ﻋﻠﻴﻚ .. ﻭﺍﺣﻜﻲ ﻟﻴﻚ ﺍﻟﺘﻔﺎﺻﻴﻞ .. ﻧﺤﻦ ﻫﺴﻲ ﻓﻲ ﻣﻨﻄﻘﺔ ﺷﺮﻕ ﺍﺑﻮﺣﻤﺪ .. ﺑﻲ ﺳﺎﻋﺘﻴﻦ ﺍﺳﻤﻬﺎ ﻗﺒﻘﺒﺔ 

ﺑﺲ ﺍﻧﺘﻲ ﺷﻴﻠﻲ ﺍﻟﺼﺒﺮ ﻟﻐﺎﻳﺔ ﺍﻟﻤﺴﺎﺀ .. ﻗﺎﻟﺖ ﻟﻴﻬﻮ ﻃﻴﺐ ﻟﻴﻪ ﺍﻧﺖ ﻣﺎ ﺑﺘﻘﻮﻝ ﻟﻲ ﺍﻧﻚ ﻣﺸﻴﺖ ﻣﻊ ﺍﻟﺼﺪﻳﻖ ﻭﺩ ﺍﻟﺴﻴﺪ؟؟ ..

 ﻗﺎﻝ ﻟﻴﻬﺎ : ﻭﺍﻧﺘﻲ ﻋﺮﻓﺘﻲ ﻣﻦ ﻭﻳﻦ ؟ ﻗﺎﻟﺖ ﻟﻴﻬﻮ ﻣﺎﻓﻲ ﺷﻲ ﺑﻨﺪﺱ ..

ﻗﺎﻝ ﻟﻴﻬﺎ : ﺍﺳﻤﻌﻲ ﻳﺎ ﺍﻣﻲ .. ﺩﻩ ﻛﻠﻮ ﺑﻨﺘﻜﻠﻢ ﻓﻴﻬﻮ ﺑﻌﺪﻳﻦ .. ﻫﺴﻲ ﺑﺲ ﺍﻧﺎ ﺣﻮﻟﺖ ﻟﻴﻚ ﺗﻼﺗﺔ ﻣﻠﻴﻮﻥ .. ﻓﻲ ﺻﺮﺍﻓﺔ ﻓﻲ ﺍﻟﺴﻮﻕ ﺍﻟﻌﺮﺑﻲ .. ﺧﻠﻲ ﺣﻤﻮﺩﻱ ﻭﻻ ﻣﻌﺘﺼﻢ ﻭﺍﺣﺪ ﻓﻴﻬﻢ ﻳﻤﺸﻲ ﻳﺠﻴﺒﻬﺎ ﻟﻴﻚ ..

ﻗﺎلت ﻟﻴﻬﻮ : ﺗﻼﺕ ﻣﻠﻴﻮﻥ ﻣﺮﺓ ﻭﺍﺣﺪﺓ .. 

ﻗﺎﻝ ﻟﻴﻬﺎ : ﻗﻮﻟﻲ ﺍﻟﺤﻤﺪ ﻟﻠﻪ .. ﻣﺘﺮﺯﻗﻴﻦ ﻛﻮﻳﺲ ﻭﺍﻟﻠﻪ ..

ﻗﺎﻟﺖ ﻟﻴﻬﻮ :  ﺧﻼﺹ .. ﺑﺲ ﺍﻟﻤﺴﺎﺀ ﻣﺎﺗﺘﺎﺧﺮ ﻋﻠﻲ .. ﺩﺍﻳﺮﺓ ﺍﻋﺮﻑ ﺍﺧﺒﺎﺭﻙ ..

ﺍﻧﺘﻬﻰ ﺍﻻﺗﺼﺎﻝ ..

ﻭﺷﻮﻳﺔ ﺳﺘﻮ ﺍﻃﻤﺄﻧﺖ ﻋﻠﻰ ﺟﺪﻭ .. ﻭﺍﻟﻘﻠﻖ ﺟﻮﺍﻫﺎ ﺑﺪﺍ ﻳﺘﻼﺷﻰ .. ﺍﺗﺼﻠﺖ ﻋﻠﻲ ﻣﻌﺘﺼﻢ .. ﻭﺣﻜﺖ ﻟﻴﻬﻮ ..

 ﻗﺎﻟﺖ ﻟﻴﻬﻮ : ﺟﺪﻭ ﻣﺮﺳﻞ ﻟﻴﻨﺎ ﻗﺮﻭﺵ .. ﻭﺍﻧﺖ ﻋﺎﺭﻑ ﻣﺎﻓﻲ ﺯﻭﻝ ﺑﻄﻠﻊ ﻳﺠﻴﺒﻬﻦ ﻟﻲ .. ﻭﻣﺎﻓﻲ ﺯﻭﻝ ﺑﻀﻤﻨﻮ ﻏﻴﺮﻙ ﻳﺎ ﺟﻨﺎ ﺣﺸﺎﻱ ..

ﻗﺎﻝ ﻟﻴﻬﺎ :  ﺍﺑﺸﺮﻱ ﻳﺎ ﺍﻡ ﻳﻮﺳﻒ .. ﻭﺻﻔﻲ ﻟﻲ ﺍﻟﺼﺮﺍﻓﺔ .. ﻭﺻﻔﺘﻬﺎ ﻟﻴﻬﻮ ﻭﻣﺸﻰ ﻳﺠﻴﺒﻬﺎ ..

ﺳﺘﻮ ﻣﺒﺴﻮﻃﺔ ﺗﺤﻜﻲ ﻟﻲ ﻣﺤﺎﺳﻦ .. ﻭﻣﻠﻜﺔ ﺑﻲ ﻛﻼﻡ ﺟﺪﻭ ﻭﻣﺮﺳﺎﻟﻮ .. 

ﻭﻗﺎﻟﺖ ﻟﻴﻬﻢ : ﻣﺎﺷﺎﺀ ﺍﻟﻠﻪ ﺭﺑﻨﺎ ﻭﻓﻘﻮ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﻃﺒﻌﺎ ﺩﻱ ﺑﻤﺴﺎﻋﺪﺓ ﺍﻟﺰﻭﻝ ﺩﺍﻙ .. ﻭﺍﺧﺪﺕ ﻟﻴﻬﺎ ﺑﺴﻤﺔ .. ﻣﻠﻜﺔ ﻗﺎﻟﺖ ﻟﻴﻬﺎ ﺍﻟﺰﻭﻝ ﻣﻨﻮ ﻳﺎ ﺍﻣﻲ؟ .. 

ﻗﺎﻟﺖ ﻟﻴﻬﺎ : ﺻﺎﺣﺐ ﺍﺑﻮﻙ ﺍﺳﻤﻮ ﺻﺪﻳﻖ ..

ﻭﺻﺮﺕ ﻟﻲ ﻣﺤﺎﺳﻦ ﻋﻴﻨﻬﺎ .. ﻳﻌﻨﻲ ﻳﺎﻣﺤﺎﺳﻦ ﻛﻴﻒ ﺗﻘﻮﻟﻲ ﻛﺪﺍ ﻗﺪﺍﻡ ﻣﻠﻜﺔ ..

ﻭﻣﺤﺎﺳﻦ ﻃﺒﻌﺎ" ﻣﺎ ﻛﺎﻧﺖ ﻣﻨﺘﺒﻬﺔ ﻣﻦ ﺷﺪﺓ ﺍﻟﻔﺮﺣﺔ ..

ﺍﻟﻌﺼﺮﻳﺔ ﻛﺪﺍ ﻣﻌﺘﺼﻢ ﺟﺎﺏ ﺍﻟﻘﺮﻭﺵ ﻭﺟﺎ .. ﺩﻕ ﺍﻟﺒﺎﺏ ﻭﻓﺘﺤﺖ ﻟﻴﻬﻮ ﻣﺤﺎﺳﻦ .. ﻭﺍﺳﺘﻠﻤﺖ ﻣﻨﻮ ﺍﻟﻤﺒﻠﻎ .. ﻭﻓﺎﺕ .. ﻭﺣﺴﺒﻮﻫﻮ ﻭﺳﺘﻮ ﺩﺧﻠﺖ ﺍﻟﻘﺮﻭﺵ ﻓﻲ ﺍﻟﺪﻭﻻﺏ ..  ﻭﻗﺎﻟﺖ ﺍﺣﻤﺪﻙ ﻳﺎ ﺍﻟﻠﻪ ﺩﺍﻳﻤﺎ" ﺑﺘﺮﺣﻢ ﻋﺒﺎﺩﻙ ..

ﺍﻟﻤﺴﺎﺀ ﻛﺪﺍ ﺳﺘﻮ ﺣﺴﺖ ﺍﻧﻬﺎ ﺗﻌﺒﺎﻧﺔ ﺯﻱ ﺣﻤﻰ ﻭﻣﺎ ﺣﻤﻰ ﻛﺪﺍ .. ﻭﺟﺴﻤﻬﺎ ﻣﻜﺴﺮ ﻣﻦ ﺍﻟﻤﻐﺮﺏ .. ﻭﻋﻨﺪﻫﺎ ﺍﻟﻢ ﻓﻲ ﺍﻟﻀﻬﺮ ﻣﺒﺎﻟﻐﺔ .. ﺣﻜﺖ ﻟﻲ ﻣﺤﺎﺳﻦ .. 

ﻗﺎﻟﺖ ﻟﻴﻬﺎ : ﺍﻧﺎ ﺗﻌﺒﺎﻧﺔ ﻳﺎﻣﺤﺎﺳﻦ .. ﺍﻟﻠﻪ ﻳﺴﺘﺮ ﻣﺎﻳﻜﻮﻥ ﺟﻨﺎﻱ ﺍﻟﻔﻲ ﺑﻄﻨﻲ ﺩﻩ ﺣﺼﻞ ﻟﻴﻬﻮ ﺣﺎﺟﺔ ﻣﻦ ﺗﻌﺐ ﺍﻟﻌﻮﺍﺳﺔ ﻭﺍﻟﻌﺬﺍﺏ ﺍﻻﻧﺎ ﻓﻴﻬﻮ ﺩﻩ ..

 ﻗﺎﻟﺖ ﻟﻴﻬﺎ : ﻳﺎ ﺳﺘﻮ ﻗﻮﻟﻲ ﻳﺎﻟﻄﻴﻒ ﺩﻩ ﻛﻼﻡ ﺷﻨﻮ؟

ﻗﺎﻟﺖ ﻟﻴﻬﻮ : ﻭﺍﻟﻠﻪ ﺣﺎﺳﺔ ﺍﻧﻲ ﻣﺎﻛﻮﻳﺴﺔ ﻛﻠﻮ ﻛﻠﻮ ﻳﺎﻣﺤﺎﺳﻦ ..

ﻗﺎﻟﺖ ﻟﻴﻬﺎ : ﺧﻼﺹ ﻧﻤﺸﻲ ﺍﻟﻤﺴﺘﺸﻔﻲ ﻧﺸﻮﻑ ..

 ﻗﺎﻟﺖ ﻟﻴﻬﺎ : ﻻﻻ ﺑﺴﺘﺤﻤﻞ ﻋﺸﺎﻥ ﻣﻨﺘﻈﺮﺓ ﺗﻠﻔﻮﻥ ﺟﺪﻭ .. ﺟﺪﻭ ﺡ ﻳﻘﻄﻊ ﻣﺴﺎﻓﺔ ﺑﺘﺎﻋﺔ ﺳﺎﻋﺘﻴﻦ ﺑﺎﻟﻌﺮﺑﻴﺔ ﻟﻲ ﻣﺤﻞ ﺍﻟﺸﺒﻜﺔ .. ﻋﺸﺎﻥ ﻳﺘﻜﻠﻢ ﻣﻌﺎﻱ .. ﻳﻠﻘﺎﻧﻲ ﺑﺮﻩ ﺍﻟﺒﻴﺖ ؟؟

ﻻﻻﻻ ﺑﺼﺒﺮ ﺑﺼﺒﺮ ..

ﻗﺎﻟﺖ ﻟﻴﻬﺎ : ﻟﻜﻦ ﺟﺪﻭ .. ﻣﺎﻗﺎﻝ ﻟﻴﻚ ﺑﺘﺼﻞ ﻋﻠﻴﻚ ﺍﻟﺴﺎﻋﺔ ﻛﻢ؟ .. ﺍﻟﻨﻤﺸﻲ ﺣﺴﻲ ﻧﻔﺤﺺ .. ﻧﺸﻮﻑ ﺍﻟﺤﺎﺻﻞ ﺷﻨﻮ .. ﻭﻧﺠﻲ ﺭﺍﺟﻌﻴﻦ ﺳﺮﻳﻊ ..

ﻗﺎﻟﺖ ﻟﻴﻬﺎ : ﻛﺪﻱ ﻧﺼﺒﺮ ﺷﻮﻳﺔ ﻛﺪﺍ .. ﻭﺑﻘﺖ ﻣﻨﺘﻈﺮﺓ ﻭﻫﻲ ﻣﺘﺄﻟﻤﺔ ﺷﺪﻳﺪ ﻣﻦ ﺿﻬﺮﻫﺎ .. ﻻﻗﺎﺩﺭﺓ ﺗﻘﻮﻡ ﻻﻗﺎﺩﺭﺓ ﺗﻘﻌﺪ ﻻﻗﺎﺩﺭﺓ ﺗﺮﻗﺪ .. ﺍﻟﻤﻬﻢ ﺯﻱ ﺍﻟﺴﺎﻋﺔ 9 ﻛﺪﺍ .. ﻭﺍﻻﻟﻢ ﺑﻠﻎ ﺑﻬﺎ ﻣﺒﻠﻎ ﻻﻳﺤﺘﻤﻞ .. 

ﻗﺎﻟﺖ ﻟﻴﻬﺎ : ﺍﻟﺒﺴﻲ ﻳﺎﻣﺤﺎﺳﻦ .. ﺍﻟﻨﻤﺸﻲ ﻟﻠﻤﺴﺘﻮﺻﻖ ﺍﻟﻘﺮﻳﺐ ﺩﻩ .. ﻳﺪﻭﻧﻲ ﺍﻥ ﺷﺎﺀ ﺍﻟﻠﻪ ﻣﺴﻜﻦ .. ﻻﻧﻲ ﻣﺎﻗﺎﺩﺭﻩ ﺍﺣﺘﻤﻞ .. ﺷﻮﻓﻲ ﻟﻲ ﺭﻗﺸﺔ ﺳﺮﻳﻊ .. ﻣﺤﺎﺳﻦ ﻟﺒﺴﺖ ﺗﻮﺑﻬﺎ ﺑﻲ ﺳﺮﻋﺔ .. ﻭﻣﻠﻜﺔ ﻣﺘﻮﺗﺮﺓ ﻣﻦ ﺣﺎﻟﺔ ﺍﻣﻬﺎ .. ﻭﻣﺎﻗﺎﺩﺭﺓ ﺗﻌﻤﻞ ﻟﻴﻬﺎ ﺣﺎﺟﺔ .. ﻓﻲ ﺍﻟﻨﻬﺎﻳﺔ ﺑﻘﺖ ﺗﺒﻜﻲ ﺑﺲ ..

ﻟﻤﻦ ﻣﺤﺎﺳﻦ ﻃﻠﻌﺖ ﺗﺠﻴﺐ ﺍﻟﺮﻗﺸﺔ .. ﺟﺪﻭ ﺍﺗﺼﻞ ﻓﻲ ﺗﻠﻔﻮﻥ ﺍﻣﻪ .. 

ﺍﻣﻪ ﻗﺎﻟﺖ ﻟﻴﻬﻮ : ﻣﻌﻠﻴﺶ ﻳﺎﺟﺪﻭ .. ﻫﺴﻲ ﻣﺎﺑﻘﺪﺭ ﺍﺗﻜﻠﻢ ﻣﻌﺎﻙ  ﻣﻌﺎﻱ ﺿﻴﻮﻑ .. ﺧﻠﻴﻬﺎ ﺑﻜﺮﺓ .. 

ﻗﺎﻝ ﻟﻴﻬﺎ : ﻳﺎ ﺍﻣﻲ ﺍﻧﺎ ﻗﻄﻌﺖ ﻣﺴﺎﻓﺔ ﺑﺎﻻﻣﻴﺎﻝ ﻋﺸﺎﻥ ﺍﺗﻠﻜﻢ ﻣﻌﺎﻙ .. ﺗﻘﻮﻟﻲ ﻟﻲ ﺑﻜﺮﺓ ﻭﺿﻴﻮﻑ ؟ 

ﻗﺎﻟﺖ ﻟﻴﻬﻮ : ﻣﻌﻠﻴﺶ ﺣﺒﻴﺒﻲ ﺑﻜﺮﺓ ﺍﻥ ﺷﺎﺀ ﺍﻟﻠﻪ ..

ﻭﻗﻔﻠﺖ ﺍﻟﺘﻠﻔﻮﻥ .. ﻭﻫﻲ ﻣﺎﺳﻜﺔ ﺑﻄﻨﻬﺎ ﻣﻦ ﺗﺤﺖ ﻛﺪﺍ .. ﺑﺪﺕ ﺗﺤﺲ ﺑﻲ ﻣﻐﺺ ﺭﻫﻴﺐ ..

ﻣﺤﺎﺳﻦ ﺟﺎﺑﺖ ﺍﻟﺮﻗﺸﺔ .. ﻭﻣﺸﻮ ﺍﻟﻤﺴﺘﻮﺻﻒ .. ﻭﻗﺎﻟﻮ ﻟﻴﻬﺎ ﺣﺎﻟﺔ ﺍﺟﻬﺎﺽ .. ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ .. ﺍﻟﻤﺸﻴﻤﺔ ﻣﻨﻔﺼﻠﺔ ﻭﺍﻟﺠﻨﺎ ﻧﺎﺯﻝ ﺷﺪﻳﺪ .. ﻭﺍﻟﺪﻡ ﺑﺪﺍ ﻳﻨﺰﻝ ﻣﻨﻬﺎ .. ﻭﻓﻌﻼ" ﻋﻤﻠﻮ ﻟﻴﻬﺎ ﻋﻤﻠﻴﺔ ﺍﺟﻬﺎﺽ ﻣﺴﺘﻌﺠﻠﺔ .. ﻭﻧﻀﺎﻓﺔ ﺳﺮﻳﻌﺔ .. ﻭﻣﺮﺕ ﺑﻲ ﺳﻼﻣﺔ .. ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ..

ﺍﻟﺴﺎﻋﺔ ﻭﺍﺣﺪﺓ ﺑﺎﻟﻤﺴﺎﺀ ﻛﺎﻧﺖ ﺳﺘﻮ ﻭﺍﻋﻴﺔ ﻭﻃﻴﺒﺔ ..

ﻭﻃﻠﺒﻮ ﻣﻨﻬﺎ ﺭﺳﻮﻡ 2 ﻣﻠﻴﻮﻥ ..

ﻗﺎﻟﺖ ﻟﻴﻬﺎ : ﻳﺎﻣﺤﺎﺳﻦ .. ﺷﻮﻓﻲ ﺭﺑﻨﺎ ﺍﻟﻌﻈﻴﻢ ﻭﻛﺮﻳﻢ .. ﻳﻌﻨﻲ ﺍﻟﻠﻴﻠﺔ ﻟﻮ ﺣﺼﻞ ﻟﻲ ﺍﻟﺤﺼﻞ ﺩﻩ ﻭﺟﺪﻭ ﻣﺎ ﻛﺎﻥ ﺭﺳﻞ ﻗﺮﻭﺵ .. ﺍﻟﺒﺤﺼﻞ ﺷﻨﻮ ..

ﻗﺎﻟﺖ ﻟﻴﻬﺎ :  ﻳﺎﺳﺘﻮ .. ﺍﻧﺎ ﻗﻠﺖ ﻟﻴﻚ ﺭﺑﻨﺎ ﻣﺎﺑﻀﻴﻌﻚ .. ﺍﻧﺘﻲ ﻣﺮﺍﺓ ﻣﺎﺳﺎﻫﻠﺔ ..

ﻗﺎﻟﺖ ﻟﻴﻬﺎ : ﺍﻧﺘﻲ ﻋﺎﺭﻓﺔ ﻳﺎﻣﺤﺎﺳﻦ ؟؟

ﺍﻧﺎ ﺷﻔﺖ ﺷﻨﻮ ﻓﻲ ﺍﻟﻨﻮﻣﺔ ﺍﻻﺧﺪﺗﻬﺎ ﻗﺒﻞ ﺷﻮﻳﺔ ﺩﻱ؟؟ .. 

ﻗﺎﻟﺖ : ليها ﺍﻫﺎﺍﺍ ..

ﻗﺎﻟﺖ ليها : ﺷﻔﺘﻪ ﻧﻔﺴﻲ ﺍﻧﺎ ﺷﺎﻳﻠﺔ ﻟﻲ ﺣﺎﺟﺔ ﻣﺼﺮﻭﺭﺓ ﻓﻲ ﻗﻄﻌﺔ .. ﻭﺍﻟﺤﺎﺟﺔ ﺩﻱ ﻭﻗﻌﺖ ﻣﻨﻲ ﻓﻲ ﺑﻴﺮ ..

ﺩﺍﻳﺮﺓ ﺍﻧﺘﺎﻭﻟﻬﺎ ﺍﻧﺰﻟﻘﺖ ﻓﻲ ﺍﻟﺒﻴﺮ .. ﻭﺑﻘﻴﺖ ﻣﺪﻗﺮﺓ ﺑﻲ ﺣﺠﺮ ﻣﺜﺒﺘﻲ .. ﺑﺲ ﻓﺠﺄﺓ ﺟﺎﻧﻲ ﻭﻟﺪﻱ ﻳﻮﺳﻒ .. ﻭﻣﺪﺍ ﻟﻲ ﻳﺪﻭ ﻭﺟﺮﺍﻧﻲ ﻟﻲ ﺑﺮﺓ ..

ﻗﺎﻟﺖ ﻟﻴﻬﺎ : ﺍﻟﺤﻤﺪ ﻟﻠﻪ .. ﻳﻌﻨﻲ ﺍﻧﺎ ﻣﺘﺄﻛﺪﺓ ﻳﺎﺳﺘﻮ .. ﻟﻮ ﻣﺎ ﻳﻮﺳﻒ ﺭﺳﻞ ﺍﻟﻘﺮﻳﺸﺎﺕ ﺩﻳﻞ .. ﺍﻧﺘﻲ ﻛﻨﺖ ﻣﺎﺟﻴﺘﻲ ﺍﻟﻤﺴﺘﻮﺻﻒ .. ﻭﻛﺎﻥ ﺍﻻﺟﻬﺎﺽ ﺿﻴﻌﻚ .. ﻗﺎﻟﺖ ﻟﻴﻬﺎ ﺍﻟﺤﻤﺪ ﻟﻠﻪ  ﻳﺎﻣﺤﺎﺳﻦ ﻭﺷﻜﺮﺍ ﻟﻴﻚ ﺍﻧﺘﻲ .. ﺑﻘﻴﺘﻲ ﻟﻲ ﺍﻗﺮﺏ ﻣﻦ ﺍﺧﺘﻲ ..

ﻣﺤﺎﺳﻦ ﺧﻠﺖ ﺳﺘﻮ .. ﻓﻲ ﺍﻟﻤﺴﺘﻮﺻﻒ ﻭﺳﺎﻗﺖ ﻣﻌﺎﻫﺎ ﻭﺍﺣﺪﺓ ﻣﻦ ﺍﻟﻤﻤﺮﺿﺎﺕ .. ﻭﺭﺟﻌﺖ ﺍﻟﺒﻴﺖ ﺟﺎﺑﺖ ﺍﻟﻘﺮﻭﺵ ﺍﻟﺮﺳﻠﻬﻦ ﺟﺪﻭ ﻭﺟﺎﺕ .. ﺩﻓﻌﻮ ﺍﻟﻘﺮﻭﺵ ﻭﺭﺟﻌﻮ ﺍﻟﺒﻴﺖ .. ﺍﻟﻜﻼﻡ ﺩﻩ ﻛﻠﻮ ﺣﺼﻞ ﻓﻲ ﻳﻮﻡ ﻭﺍﺣﺪﺓ ﺑﺲ ..

ﻭﺍﻟﺼﺒﺎﺡ ﺍﻟﻨﺎﺱ ﺳﻤﻌﻮ ﺑﺎﻧﻮ ﺳﺘﻮ ﻛﺎﻧﺖ ﺑﺎﻟﻠﻴﻞ ﻓﻲ ﺍﻟﻤﺴﺘﺸﻔﻰ  ﻭﺣﺼﻞ ﻟﻴﻬﺎ ﺍﺟﻬﺎﺽ .. ﻭﻓﻲ ﻧﺎﺱ ﻃﺒﻌﺎ" ﺍﺳﺎﺳﺎ" ﻣﺎﻋﺎﺭﻓﻨﻬﺎ ﺣﺎﻣﻞ .. ﺳﺒﺤﺎﻥ ﺍﻟﻠﻪ .. ﺍﻟﺠﻴﺮﺍﻥ ﺟﻮ ﺍﻟﺼﺒﺎﺡ ﻳﺘﺤﻤﺪﻭ ﺍﻟﺴﻼﻣﺔ .

ﺍﻟﺼﺒﺎﺡ ﺟﺪﻭ ﺿﺮﺏ ﺗﻠﻔﻮﻥ ﺍﻣﻮ ﺗﺎﻧﻲ .. ﻭﺭﻓﻌﺖ ﻟﻴﻬﻮ ﻣﺤﺎﺳﻦ .. ﻭﻗﺎﻟﺖ ﻟﻴﻬﻮ : ﺍﻫﻼ" ﻳﺎﺟﺪﻭ .. ﻃﻮﺍﻟﻲ ﺳﺘﻮ ﺳﻤﻌﺘﻬﺎ .. ﻭﺍﺷﺮﺕ ﻟﻴﻬﺎ ﻗﺎﻟﺖ : ﺑﻴﺪﻫﺎ ﻛﺪﺍ ﻻﻻﻻ .. ﻳﻌﻨﻲ ﻣﺎﺗﻜﻠﻤﻴﻬﻮ ..

ﺟﺪﻭ ﻗﺎﻝ ﻟﻴﻬﺎ :  ﺻﻮﺕ ﺍﻟﺤﺮﻳﻢ ﺍﻟﻔﻲ ﺑﻴﺘﻨﺎ ﺩﻳﻞ ﺷﻨﻮ؟

 ﻗﺎﻟﺖ ﻟﻴﻬﻮ .. ﻋﺸﺎﻥ ﺍﻟﻤﻠﻜﺔ ﺑﻘﺖ ﺗﻤﺸﻲ ..

ﻗﺎﻝ ﻟﻴﻬﺎ : ﻳﺎﻣﺤﺎﺳﻦ .. ﻭﺭﻳﻨﻲ ﻓﻲ ﺷﻨﻮ .. ﺍﻧﺎ ﻣﻦ ﺍﻟﺒﺎﺭﺡ ﺷﺎﻛﻲ ﻓﻲ ﺣﺎﺟﺔ .. ﺍﻣﻲ ﺩﻱ ﻛﺎﻧﺖ ﻣﺘﻠﻬﻔﺔ ﻟﻲ ﻣﻜﺎﻟﻤﺘﻲ .. ﻟﻤﻦ ﺟﻴﺖ ﺭﺩﺕ ﻋﻠﻲ ﺑﺎﺧﺮ ﻧﻔﺲ .. ﻭﻗﺎﻟﺖ ﻟﻲ ﺑﻜﺮﺓ .. ﺍﺩﻳﻨﻲ ﺍﻣﻲ ..

ﻗﺎﻟﺖ ﻟﻴﻬﻮ : ﻣﻌﺎﻫﺎ ﻧﺴﻮﺍﻥ ﻳﺎﺟﺪﻭ .. ﺍﻧﺖ ﺑﺲ ﺍﺿﺮﺏ ﻟﻴﻬﺎ ﺍﻟﻤﺴﺎﺀ .. ﻗﺎﻝ ﻟﻴﻬﺎ ﻗﻠﺖ ﻟﻴﻚ ﺍﺩﻳﻨﻲ ﺍﻣﻲ ﻳﺎﻣﺤﺎﺳﻦ .. ﻣﺤﺎﺳﻦ ﺷﺎﻟﺖ ﺍﻟﺘﻠﻔﻮﻥ ﻭﻣﺸﺖ ﻟﻲ ﺳﺘﻮ .. ﻗﺎﻟﺖ ﻟﻴﻬﺎ ﺍﻟﻮﻟﺪ ﺩﻩ ﻣﺼﺮ ﻳﺘﻜﻠﻢ ﻣﻌﺎﻙ ..

ﺍﻣﻮ ﻗﺎﻟﺖ ﻟﻴﻬﻮ : ﺍﻫﻼ" ﻳﺎﺟﺪﻭ ﺍﻧﺖ ﻛﻴﻔﻚ .. ﻭﻛﻴﻒ ﺻﺤﺘﻚ .. ﺧﻼﺹ ﻣﻮﺍﻋﻴﺪﻧﺎ ﺍﻟﻠﻴﻠﺔ ﺑﺎﻟﻠﻴﻞ ﺯﻱ ﻣﺎﻭﻋﺪﺗﻚ ..

ﻗﺎﻝ ﻟﻴﻬﺎ : ﻳﺎ ﺍﻣﻲ ﺻﻮﺕ ﺍﻟﻨﺴﻮﺍﻥ ﺩﻩ ﺷﻨﻮ؟ .. 

ﻗﺎﻟﺖ ﻟﻴﻬﻮ : ﺍﺟﻲ ﻳﺎﺟﺪﻭ .. ﺿﻴﻮﻓﻲ ﻭﺟﻴﺮﺍﻧﻲ ﻛﻤﺎﻥ .. 

ﻗﺎﻝ ﻟﻴﻬﺎ : ﺷﻔﺘﻲ ﺍﻟﻜﻼﻡ ﺍﻟﻜﻀﺐ ؟ ﺩﻩ ﻣﺎﻛﻼﻡ ﻣﺤﺎﺳﻦ ..

ﻗﺎﻟﺖ ﻟﻴﻬﻮ : ﻣﺤﺎﺳﻦ ﻗﺎﻟﺖ ﻟﻴﻚ ﺷﻨﻮ ﺍﻟﻔﺎﻟﺤﻪ؟ .. ﺧﻼﺹ ﺑﺲ ﺍﻧﺖ ﺍﺿﺮﺏ ﻟﻲ ﺍﻟﻤﺴﺎﺀ .. ﻭﺑﻮﺭﻳﻚ ﻓﻲ ﺷﻨﻮ .. ﻭﻗﻔﻠﺖ ﻣﻨﻮ ﺍﻟﺨﻂ ..

ﻃﺒﻌﺎ" ﺟﺪﻭ ﺑﻘﻰ ﻣﻘﻠﻖ ﻭﻓﻜﺮ ﻓﻲ ﺍﻧﻮ ﻳﺴﺎﻓﺮ ﻃﻮﺍﻟﻲ ﻳﻤﺸﻲ ﺍﻟﺨﺮﻃﻮﻡ ﻳﺸﻮﻑ ﻧﺎﺱ ﺍﻟﺒﻴﺖ ﺍﻟﺤﺎﺻﻞ ﻋﻠﻴﻬﻢ ﺷﻨﻮ؟

ﻣﺸﻰ ﻛﻠﻢ ﺍﻟﺼﺪﻳﻖ ..

ﻗﺎﻝ ﻟﻴﻬﻮ : ﻓﻲ ﻣﺸﻜﻠﺔ ﻓﻲ ﺍﻟﺒﻴﺖ .. ﻭﺍﻧﺎ ﻣﺘﺄﻛﺪ ﻣﻨﻬﺎ ﺑﺲ ﺍﻣﻲ ﻣﺎﻋﺎﻳﺰﺓ ﺗﺤﻜﻲ ﻟﻲ .. ﻭﺍﻧﺎ ﻣﻀﻄﺮ ﺍﻣﺸﻲ ...

             البارت الثالث عشر من هنا 

   لقراءة جميع حلقات القصه من هنا

تعديل المقال