قصة قوة الضمائر البارت التاسع عشر 19 بقلم طارق اللبيب

 قصة قوة الضمائر

البارت التاسع عشر 19

بقلم طارق اللبيب

ﺟﺪﻭ ﻟﻤﻦ ﻗﺎﻡ ﻋﻠﻲ ﺣﻴﻠﻮ .. ﻭﻣﺎﺷﻲ ﻳﺸﻴﻞ ﺍﻻﺯﻣﺔ .. ﻣﺎﺷﻲ ﺯﻱ ﺍﻟﻤﺎ ﻭﺍﻋﻲ .. ﺯﻱ ﺍﻟﺰﻭﻝ ﺍﻟﺒﻤﺸﻲ ﻓﻲ ﺍﻟﻨﻮﻡ .. ﺑﺲ ﺍﻛﺮﻡ ﻻﺣﻆ ﻟﻲ ﺍﻧﻮ ﺟﺪﻭ ﺡ ﻳﺸﻴﻞ ﺍﻻﺯﻣﺔ .. ﻗﺎﻡ ﺍﻛﺮﻡ ﺯﻱ ﻗﻔﺰ .. ﺯﻱ ﺣﺎﺭﺱ ﺍﻟﻤﺮﻣﻲ .. ﻭﺧﻄﻒ ﺍﻻﺯﻣﺔ ﻣﻦ ﺍﻻﺭﺽ .. ﻭﺟﺪﻭ ﻗﺒﺾ ﻓﻲ ﺍﻻﺯﻣﺔ ﺑﺮﺿﻮ .. ﻭﺑﻘﻮ ﻳﺘﻼﻭﻭ ﻓﻴﻬﺎ ﺍﻻﺗﻨﻴﻦ .. ﻭﺍﻛﺮﻡ ﺑﺘﻜﻠﻢ ﻣﻊ ﺟﺪﻭ .. 

ﺑﻘﻮﻝ ﻟﻴﻬﻮ :  ﻳﻮﺳﻒ ﻣﺎﺗﺒﻘﻰ ﺯﻭﻝ ﻣﺘﻬﻮﺭ .. ﻫﺴﻲ ﺍﻧﺖ ﻋﺎﻳﺰ ﺗﻀﺮﺑﻮ ﺑﻴﻬﺎ ؟؟ ﻣﻌﻘﻮﻝ؟

ﺟﺪﻭ ﺧﻠﻴﻚ ﺯﻭﻝ ﻭﺍﻋﻲ .. ﻭﺍﺗﻔﺎﻫﻢ .. ﻓﻲ ﺍﺛﻨﺎﺀ ﺍﻟﻤﻼﻭﺍﺓ ﺩﻱ ﺍﺷﺮﻑ ﺍﺗﺨﺎﺭﺝ ﻃﻮﺍﻟﻲ .. ﻻﻧﻮ ﺷﺎﻑ ﺍﻟﺸﺮ ﻓﻲ ﻋﻴﻮﻥ ﺟﺪﻭ ..

ﻭﺍﻛﺮﻡ ﺑﻘﻰ ﻳﺤﻨﺲ ﻓﻴﻬﻮ .. ﻭﻳﻜﺴﺮ ﻟﻴﻬﻮ ﻓﻲ ﺍﻟﺘﻠﺞ .. ﺟﺪﻭ ﺍﻧﺖ ﺯﻭﻝ ﻓﺎﻫﻢ ﻭﻋﺎﻗﻞ .. ﻫﺴﻲ ﻟﻮ ﺿﺮﺑﺖ ﺍﺷﺮﻑ .. ﺑﺘﺴﺘﻔﻴﺪ ﺷﻨﻮ؟ ﻏﻴﺮ ﺍﻧﻚ ﺗﺴﺒﺐ ﺍﻻﺫﻯ ﻻﺑﻮﻱ .. ﺑﺘﺮﺿﻰ ؟؟ ﻣﺎﺗﺸﺘﻐﻞ ﺑﻲ ﻛﻼﻣﻮ .. ﺍﻧﺖ ﻣﻮﺵ ﻭﺍﺛﻖ ﻣﻦ ﺍﻣﻚ ؟ ﻣﺎﻟﻚ ﻭﻣﺎﻟﻮ .. ﺩﻩ ﺍﺻﻼ" ﺯﻭﻝ ﺑﺘﻜﻠﻢ ﺳﺎﻱ ..

ﺑﺲ ﺍﻫﺪﺍ ﻭﺍﻗﻌﺪ ﺍﻧﺎ ﺍﺩﻳﻚ ﻛﻼﻡ ﺍﻟﻌﻘﻞ .. ﻭﺍﻟﻠﻪ ﻳﺎ ﺟﺪﻭ ﻓﻌﻼ" ﺍﻣﻲ ﺣﻜﺖ ﻟﻴﻨﺎ ﺍﻟﻜﻼﻡ ﺩﻩ .. ﺑﺲ ﺍﺷﺮﻑ ﺍﺳﻠﻮﺑﻮ ﻛﺎﻥ ﻣﻌﺎﻙ ﻣﺎﻛﻮﻳﺲ .. ﻭﻣﺎﻓﻲ ﺩﺍﻋﻲ ﻳﺤﻜﻲ ﻟﻴﻚ ﺍﻟﺤﺎﺟﺔ ﺩﻱ .. ﻭﻳﻮﺳﻒ ﻣﺎﺳﻚ ﻓﻲ ﺍﻻﺯﻣﺔ .. ﻭﻳﻜﺮﺝ ﻓﻲ ﺳﻨﻮﻧﻮ ..

ﺍﻛﺮﻡ ﻗﺎﻟﻴﻬﻮ :  ﺍﻧﺖ ﺍﺗﺼﻞ ﺑﺎﻟﻮﺍﻟﺪﺓ .. ﻭﺃﺳﺎﻟﻬﺎ ﺍﺣﺘﻤﺎﻝ ﻳﻜﻮﻥ ﺍﻟﻜﻼﻡ ﺍﺻﻼ" ﻣﺎﺻﺤﻴﺢ .. ﺍﺣﺘﻤﺎﻝ ﺍﻣﻲ ﺑﺘﺘﻜﻠﻢ ﺳﺎﻱ ..

ﺟﺪﻭ ﻧﺘﻞ ﺍﻷﺯﻣﺔ ﻣﻦ ﺍﻛﺮﻡ .. ﻭﺩﻓﺮﻭ ﻫﻨﺎﻙ .. ﻭﻗﺒﻞ ﻋﻠﻰ ﺍﺷﺮﻑ .. ﻟﻜﻦ ﻣﺎﻟﻘﺎﻫﻮ .. ﻻ ﻓﻲ ﺍﻟﺴﻤﺎ ﻻﻓﻲ ﺍﻻﺭﺽ .. ﺟﺪﻭ ﺭﻣﻲ ﺍﻻﺯﻣﺔ ﻓﻲ ﺍﻻﺭﺽ .. ﻭﺣﺲ ﺍﻧﻮ ﻣﻨﻬﺎﺭ ﺍﻧﻬﻴﺎﺭ ﻏﺮﻳﺐ ..

ﻭﻗﻌﺪ ﻓﻲ ﺍﻟﻮﺍﻃﺔ .. ﻭﺧﺖ ﻳﺪﻳﻬﻮ ﻓﻲ ﺭﺍﺳﻮ .. ﺯﻱ ﺍﻟﺰﻭﻝ ﺍﻟﺠﺎﺑﻮﻟﻴﻬﻮ ﺧﺒﺮ ﻭﻓﺎﺓ ﺣﺒﻴﺐ .. ﻭﺍﻛﺮﻡ ﻳﻌﺎﻳﻦ ﻟﻴﻬﻮ ﻳﺘﺒﺴﻢ ..

 ﻗﺎﻝ ﻟﻴﻬﻮ :  ﻋﻠﻴﻚ ﺍﻟﻠﻪ ﻳﺎﻳﻮﺳﻒ ﻟﻮ ﺑﺘﻌﺰ ﺍﻟﺨﻮﺓ .. ﻣﺎﺗﺴﺄﻝ ﺍﺑﻮﻱ ﻣﻦ ﺍﻟﻜﻼﻡ ﺩﻩ .. ﺑﺘﺠﻴﺐ ﻟﻴﻨﺎ ﻣﺸﻜﻠﺔ ﺍﺳﺮﻳﺔ ..

ﺟﺪﻭ ﻋﺎﻳﻦ ﻟﻲ ﺍﻛﺮﻡ ﻛﺪﺍ ﻣﻌﺎﻳﻨﺔ ﻣﺨﻴﻔﺔ .. ﻭﻋﻴﻮﻧﻮ ﻛﺎﻧﻦ ﺣﻤﺮ .. ﻭﻣﻠﻴﺎﻧﺎﺕ ﺩﻣﻮﻉ .. ﻗﺎﻡ ﺍﺗﻨﻔﺾ ﻣﻦ ﺍﻟﺘﺮﺍﺏ ﻭﻃﻠﻊ .. ﻃﻮﺍﻟﻲ ﻣﺸﻰ ﻳﻔﺘﺶ ﻟﻲ ﺣﺎﻣﺪ ..

ﻗﺎﻟﻮ ﻟﻴﻬﻮ :  ﺣﺎﻣﺪ ﻣﺸﻰ ﺍﻟﻤﻌﻘﻞ ﻭﺑﺠﻲ ﺍﻟﺼﺒﺎﺡ .. ﺍﻟﻤﻌﻘﻞ ﺩﻱ ﺑﺮﺿﻬﺎ ﻣﻨﻄﻘﺔ ﺗﻨﻘﻴﺐ .. ﺗﻘﻊ ﻋﻠﻰ ﺍﻟﺠﻨﻮﺏ ﺍﻟﺸﺮﻗﻲ ﺗﻘﺮﻳﺒﺎ" ﻣﻦ ﻗﺒﻘﺒﺔ .. ﺟﺪﻭ ﺑﻘﻰ ﻣﺎﺷﻲ .. ﻭﻣﺎﻋﻨﺪﻭ ﻧﻴﺔ ﺗﺎﻧﻲ . ﻳﺮﺟﻊ ﻟﻲ ﺧﻴﻤﺔ ﻧﺎﺱ ﺻﺪﻳﻖ .. ﺍﻻ ﻳﻤﺸﻲ ﻳﺠﻴﺐ ﺣﺎﺟﺎﺗﻮ ﻭﻳﻄﻠﻊ ﻣﻨﻬﻢ ..

ﻭﻫﻮ ﻣﺎﺷﻲ ﻓﻲ ﻣﺸﻴﻬﻮ .. ﻃﻠﻊ ﺗﻠﻔﻮﻧﻮ .. ﻭﺑﻘﻰ ﻳﻌﺎﻳﻦ ﻟﻠﺸﺒﻜﺔ .. ﻟﻘﻰ ﺍﻟﺸﺒﻜﺔ ﻣﺎﺗﻤﺎﻡ .. ﻣﺸﻰ ﺣﺘﺔ ﺑﻌﻴﺪﺓ ﻛﺪﺍ .. ﻭﻃﻠﻊ ﻟﻴﻬﻮ ﻓﻮﻕ ﺗﻠﺔ .. ﻭﺍﺗﺼﻞ ﻋﻠﻰ ﺍﻣﻪ ..

ﺍﻟﺤﻤﺪ ﻟﻠﻪ ﺍﻟﺨﻂ ﺷﺒﻚ ﻣﻌﺎﻫﻮ .. ﺳﻠﻢ ﻋﻠﻴﻬﺎ .. ﻛﻴﻔﻚ ﻳﺎ ﺍﻣﻲ؟ 

ﺍﻧﺘﻲ ﺑﺮﺍﻙ ﻭﻻ ﻣﻌﺎﻙ ﺯﻭﻝ ﺯﻭﻝ؟ .. 

ﻗﺎﻟﺖ ﻟﻴﻬﻮ : ﻗﺎﻋﺪﻳﻦ ﻓﻲ ﺍﻟﺤﻮﺵ .. ﻣﻌﺎﻱ ﻣﺤﺎﺳﻦ ﻭﻣﻠﻜﺔ ﻭﺍﻻﻭﻻﺩ .. ﻣﺎﻟﻚ ﺍﻧﺖ؟؟

ﺻﻮﺗﻚ ﺩﻩ ﻣﺎ ﻋﺎﺟﺒﻨﻲ ..

ﻗﺎﻝ ﻟﻴﻬﺎ : ﺷﻮﻓﻲ ﻟﻴﻚ ﺣﺘﺔ ﻧﻜﻮﻧﻲ ﺑﺮﺍﻙ .. ﻋﺎﻳﺰ ﺍﺗﻜﻠﻢ ﻣﻌﺎﻙ ﺗﻜﻮﻧﻲ ﺑﺮﺍﻙ .. ﻭﺍﺳﺮﻋﻲ ﻟﻲ ﺍﻟﺸﺒﻜﺔ ﻣﺎﺗﻘﻄﻊ ..

ﺳﺘﻮ ﻗﺎﻣﺖ ﺣﻔﻴﺎﻧﺔ ﻣﻦ ﺍﻟﺴﺮﻳﺮ .. ﻭﺩﺧﻠﺖ ﻋﻠﻰ ﺍﻟﻐﺮﻓﺔ ﺍﻟﻘﺪﺍﻣﻴﺔ ..

ﻗﺎﻟﺖ ﻟﻴﻬﻮ :  ﺍﻫﺎ  ﺍﻧﺎ ﺑﺮﺍﻱ .. ﻗﻮﻝ ﻣﺎﻟﻚ ﻧﻌﻞ ﻣﺎ ﻋﻨﺪﻙ ﻋﻮﺟﺔ؟

ﻗﺎﻝ ﻟﻴﻬﺎ : ﺍﻧﺎ ﻋﺎﻳﺰ ﺍﺳﺄﻟﻚ ﺳﺆﺍﻝ ﻣﺤﺪﺩ .. ﺍﻧﺘﻲ ﻋﻢ ﺻﺪﻳﻖ ﺩﻩ ﻋﻨﺪﻭ ﻣﻌﺎﻙ ﺍﻱ ﻋﻼﻗﺔ ﺍﻧﺎ ﻣﺎﻋﺎﺭﻓﻬﺎ؟

ﻗﺎﻟﺖ ﻟﻴﻬﻮ : ﺍﻧﺖ ﻗﺒﻞ ﻣﺎﺗﺴﺄﻟﻨﻲ ﺍﻟﺴﺆﺍﻝ .. ﻭﺭﻳﻨﻲ ﻓﻲ ﺷﻨﻮ؟ ﺻﺪﻳﻖ ﻗﺎﻟﻚ ﺣﺎﺟﺔ؟ ..

ﻗﺎﻝ ﻟﻴﻬﺎ :  ﺟﺎﻭﺑﻴﻨﻲ ﺍﻭﻝ .. ﻭﺍﻧﺎ ﺑﻮﺭﻳﻚ ..

 ﻗﺎﻟﺖ ﻟﻴﻬﻮ :  ﻣﺎﺑﺠﺎﻭﺑﻚ ﻟﻮ ﻣﺎﻭﺭﻳﺘﻨﻲ ..

ﻗﺎﻝ ﻟﻴﻬﺎ : ﻳﺎ ﺍﻣﻲ ﺍﻧﺎ ﻭﺍﻟﻠﻪ ﺡ ﺍﺭﺗﻜﺐ ﺟﺮﻳﻤﺔ .. ﻟﻮ ﻣﺎ ﺍﺗﻜﻠﻤﺘﻲ  ﻗﺎﻟﺖ ﻟﻴﻬﻮ : ﺳﺠﻤﻲ ﺗﺮﺗﻜﺐ ﺟﺮﻳﻤﺔ ﻓﻲ ﻣﻨﻮ؟

ﻗﺎﻝ ﻟﻴﻬﺎ : ﻓﻲ ﺍﺷﺮﻑ ﻭﺩ ﻋﻢ ﺻﺪﻳﻖ .. ﺍﻟﺰﻭﻝ ﺩﻩ ﻗﺎﻝ ﺍﻣﻮ ﻗﺎﻟﺖ ﻟﻴﻬﻮ :  ﺍﺑﻮﻙ ﺻﺪﻳﻖ .. ﻋﻨﺪﻭ ﻋﻼﻗﺔ ﻣﻊ ﺳﺘﻮ ﻣﺮﺓ ﺍﻟﺨﻴﺮ .

ﻭﻛﺎﻥ ﺩﺍﻳﺮﻫﺎ ﻣﻦ ﻗﺒﺎﻝ ﺍﻟﺨﻴﺮ .. ﺍﻟﻜﻼﻡ ﺩﻩ ﺻﺎﺡ ﻳﺎ ﺍﻣﻲ ﻭﻻ ﻏﻠﻂ؟

ﻗﺎﻟﺖ ﻟﻲ:  ﺍﻟﻜﻼﻡ ﺩﻩ ﻳﺎﺟﺪﻭ .. ﻓﻴﻬﻮ ﺍﻟﻐﻠﻂ ﻭﻓﻴﻬﻮ ﺍﻟﺼﺎﺡ .. ﺩﺍﻳﺮ ﺗﻌﺮﻑ ﺍﻟﺤﺎﺻﻞ ﻫﺪﻱ ﺭﻭﺣﻚ .. ﻭﻣﺎﺗﺒﻘﻰ ﺯﻭﻝ ﺗﻠﻴﻔﺔ .. ﺍﻧﺖ ﻣﺎﺑﺘﻌﺮﻓﻨﻲ ؟ ﺍﻟﻤﻔﺮﻭﺽ ﻗﺒﻞ ﻣﺎﺗﺴﺄﻟﻨﻲ .. ﺗﻜﻮﻥ ﻋﺎﺭﻑ ﺷﻨﻮ ﻳﻌﻨﻲ ﺳﺖ ﺍﻟﺠﻴﻞ ﺑﺖ ﺍﻟﻌﻤﺪﺓ .. ﻣﺮﺍﺓ ﺍﻟﺨﻴﺮ ﻭﺩ ﻳﻮﺳﻒ .. ﻭﺍﻡ ﻳﻮﺳﻒ ﻭﺩ ﺍﻟﺨﻴﺮ ..

ﺍﺳﻤﻊ ﻃﻴﺐ .. ﺍﻭﻝ ﺣﺎﺟﺔ ﻓﻌﻼ" ﻗﺒﻞ ﺍﻧﺎ ﺍﺗﺰﻭﺝ ﺍﺑﻮﻙ .. ﺍﻟﺰﻭﻝ ﺩﻩ ﻗﺎﻝ ﺩﺍﻳﺮﻧﻲ .. ﻭﺍﺑﻮﻱ ﺭﻓﺾ .. ﻭﺍﻧﺎ ﻣﺎﺑﻜﺴﺮ ﻛﻠﻤﺔ ﻻﺑﻮﻱ .. ﺍﻧﺎﻋﻨﺪﻱ ﺑﺮ ﺍﻟﻮﺍﻟﺪﻳﻦ ﺍﻫﻢ ﺷﻲ ﻓﻲ ﺣﻴﺎﺗﻲ .. ﻋﺸﺎﻥ ﻛﺪﺍ ﺍﻭﻻﺩﻱ ﺑﺎﺭﻳﻨﻲ .. ﻭﺍﻧﺎ ﺭﺿﻴﺖ ﺑﻘﺮﺍﺭ ﺍﺑﻮﻱ ..

ﺍﻭﻝ ﻣﺎ ﺍﺑﻮﻙ ﺍﺗﻘﺪﻡ ﻟﻲ ﻗﺒﻠﺖ .. ﻭﻗﻠﺖ ﺩﻱ ﺍﻟﻘﺴﻤﺔ .. ﻭﻓﻌﻼ" ﻗﺴﻤﺘﻲ ﺭﺑﻨﺎ ﺟﻌﻞ ﻟﻲ ﻓﻴﻬﺎ ﺍﻟﺨﻴﺮ .. ﺍﺭﺟﻞ ﺭﺍﺟﻞ .. ﺍﻟﻠﻪ ﻳﺮﺣﻤﻮ  ﻭﺍﻧﺎ ﺑﻌﺪﻭ ﻣﺎﻓﻜﺮﺕ ﻓﻲ ﺭﺍﺟﻞ .. ﻭﺟﺒﺖ ﻣﻨﻮ ﺍﻟﻮﻟﺪ ﻭﺍﻟﺒﺖ .. ﻭﻛﻨﺖ ﺳﻌﻴﺪﺓ ﻓﻲ ﺣﻴﺎﺗﻲ .. ﻭﺍﻟﺼﺪﻳﻖ ﺍﺗﺰﻭﺝ .. ﻭﺍﻱ ﺯﻭﻝ ﺷﻖ ﻃﺮﻳﻘﻮ .. ﻭﻣﺸﻰ ﻓﻲ ﺣﻴﺎﺗﻮ .. ﺭﺑﻨﺎ ﻣﺎﺟﻌﻞ ﻟﻲ ﺧﻴﺮ ﻓﻲ ﺻﺪﻳﻖ .. جعل ﺍﻟﺨﻴﺮ ﻓﻲ ﺍﻟﺨﻴﺮ .. ﻭﺍﻟﺨﻴﺮ ﻓﻴﻤﺎ ﻳﺨﺘﺎﺭﻩ ﺍﻟﻠﻪ ﺻﺢ؟

ﺍﻫﺎ ﻫﺴﻊ ﻣﻦ ﺍﺑﻮﻙ ﻣﺎﺕ .. ﻫﻮ ﺟﺎﻧﺎ .. ﻣﻊ ﺍﻧﻮ ﻣﺎﻛﺎﻥ ﺑﺠﻴﻨﺎ .. ﻭﻻ ﻋﻨﺪﻭ ﻣﻌﺎﻧﺎ ﻋﻼﻗﺔ .. ﺗﺘﺬﻛﺮ .. ﺍﻧﺎ ﻭﻛﺖ ﺳﻤﻌﺘﻚ .. ﺍﻧﺖ ﻗﻠﺖ ﻟﻲ ﺍﻟﺼﺪﻳﻖ ﻭﺩ ﺍﻟﺴﻴﺪ ﺟﺎﺀ ﻟﻠﻌﺰﺍﺀ .. ﻗﻠﺖ ﻟﻴﻚ ﺑﺎﻟﻠﻪ ﻧﺎﺱ ﻣﺎﻳﺠﻮ ﺍﻻ ﻟﻠﻤﻮﺕ ..

ﻣﺘﺬﻛﺮ ﻭﻻﻧﺎﺳﻲ ؟ 

ﻗﺎﻝ ﻟﻴﻬﺎ : ﻣﺘﺬﻛﺮ .. 

ﻗﺎﻟﺖ ﻟﻴﻬﻮ : ﻭﺍﻧﺖ ﻭﻛﺖ ﺳﺄﻟﺘﻨﻲ ﺩﻩ ﻣﻨﻮ؟ ﺍﻧﺎ ﻣﺎﺭﺿﻴﺖ ﺍﺣﻜﻲ ﻟﻴﻚ ﻣﻮﺿﻮﻉ ﻣﺎﻋﻨﺪﻙ ﺑﻴﻬﻮ ﺷﻐﻠﺔ .. ﻭﺍﻟﻮﻛﺖ ﺫﺍﺗﻮ ﻣﺎﻛﺎﻥ ﻣﻨﺎﺳﺐ ..

ﺍﻫﺎ ﺍﻧﺎ ﻃﺒﻌﺎ" ﻛﻨﺖ ﺧﺎﻳﻔﺔ .. ﺍﻧﻮ ﺍﻟﺮﺍﺟﻞ ﺩﻩ ﻳﻜﻮﻥ ﺟﺎﻱ ﻟﻲ ﻫﺪﻑ ﺗﺎﻧﻲ .. ﻭﻛﺖ ﻣﺸﻰ ﺍﻧﺎ ﺣﻤﺪﺕ ﺍﻟﻠﻪ .. ﺑﺲ ﺍﻟﻜﺎﺭﺛﻪ ﻛﺎﻧﺖ ﺍﻧﻚ ﺍﻧﺖ ﻣﺸﻴﺖ ﻣﻌﺎﻫﻮ ﺍﻟﺪﻫﺐ .. ﺑﺪﻭﻥ ﻣﺎﺗﻘﻮﻝ ﻟﻲ ﻣﺎﺷﻲ ﻣﻊ ﻣﻨﻮ؟  ﻭﺍﻧﺎ ﻣﺎﻋﺮﻓﺖ ﺍﻻ ﺑﻌﺪ ﺍﻧﺖ ﻣﺸﻴﺖ ..

ﺍﻧﺎ ﺑﺮﺍﻱ ﻗﻠﺖ ﻳﺎﺳﺘﻮ .. ﻳﻤﻜﻦ ﺍﻟﺮﺍﺟﻞ ﻗﺼﺪﻭ ﻳﺴﺎﻋﺪﻧﺎ .. ﻣﺎ ﺍﻛﺘﺮ ﻣﻦ ﻛﺪﻱ .. ﺧﻠﻲ ﻳﻮﺳﻒ ﻳﺴﺘﺮﺯﻕ .. ﻳﻤﻜﻦ ﺭﺑﻨﺎ ﻳﺠﻌﻞ ﺍﻟﺨﻴﺮ ..

ﺍﻫﺎ ﻳﻼ ﺍﻟﻤﺸﻜﻠﺔ ﺍﻟﺘﺎﻧﻴﺔ .. ﺍﻧﻚ ﺍﻧﺖ ﺭﺳﻠﺖ ﻣﻌﺎﻫﻮ ﻗﺮﻭﺵ .. ﻋﺸﺎﻥ ﻳﺴﻠﻤﻨﻲ ﻟﻴﻬﻦ .. ﻭﺍﻧﺖ ﻃﺒﻌﺎ" ﻣﺎﻋﺎﺭﻑ ﺍﻟﺨﻠﻔﻴﺔ ..

ﺍﻧﺎ ﺣﻠﻔﺖ ﺍﻧﻮ ﺍﻟﺮﺍﺟﻞ ﺩﻩ ﻻ ﺍﻻﻗﻴﻬﻮ ﻭﻻ ﺍﺷﻮﻓﻮ .. ﻭﻟﻤﻦ ﻣﻮﺍﻋﻴﺪﻭ ﺟﺎﺕ ﺍﻧﺎ ﻣﺮﻗﺖ ﻣﻦ ﺍﻟﺒﻴﺖ .. ﻣﻦ ﺍﻟﺼﺒﺎﺡ ﻣﺎﺭﺟﻌﺖ ﺍﻻ ﺍﻟﻤﺴﺎﺀ .. ﻭﺍﻟﺤﻤﺪ ﻟﻠﻪ ﺟﺎﺀ ﻭﻣﺸﻰ ﺍﻧﺎ ﻣﺎﻭﻗﻊ ﻓﻲ ﻋﻴﻨﻲ ..

ﺑﺲ ﻳﻮﻡ ﺍﺗﺼﻞ .. ﺍﺗﺼﻞ ﻋﻠﻲ ﻻﻧﻮ ﻛﺎﻥ ﺣﺎﻓﻆ ﺗﻠﻔﻮﻧﻲ .. ﻭﺍﻻﺗﺼﺎﻝ ﻛﺎﻥ ﻛﻠﻤﺔ ﻭﺭﺩﻫﺎ .. ﻳﻌﻨﻲ ﻳﺎ ﻳﻮﺳﻒ ﺍﻧﺎ ﺍﻟﺼﺪﻳﻖ ﺩﻩ  ﻟﻲ ﻗﺮﻳﺐ ﺍﻟﻜﻢ ﻭﻋﺸﺮﻳﻦ ﺳﻨﺔ .. ﻣﺎﺷﻔﺘﻮ ﻭﻻﻋﻨﺪﻱ ﺭﻏﺒﺔ ﺍﺷﻮﻓﻮ ...

ﻣﺎﻋﻨﺪﻱ ﻣﻌﺎﻫﻮ ﻋﻼﻗﺔ .. ﺑﺲ ﺷﺎﻛﺮﺍﻫﻮ .. ﺭﺑﻨﺎ ﻳﺠﺰﻳﻬﻮ ﺧﻴﺮ ﻓﻲ ﻭﻗﻔﺘﻮ ﻣﻌﺎﻙ .. ﻣﻊ ﺍﻧﻨﺎ ﻣﺎﻋﺎﺭﻓﻴﻦ ﻫﺪﻓﻮ ﻣﻦ ﺍﻟﻤﺴﺎﻋﺪﺓ .. ﻟﻜﻦ ﻻﺯﻡ ﻧﻈﻦ ﺍﻟﻈﻦ ﺍﻟﺤﺴﻦ .. ﻭﻧﺼﻔﻲ ﺿﻤﺎﻳﺮﻧﺎ .. ﻣﻦ ﺍﻱ ﻇﻠﻢ .. ﻻﻣﻦ ﻳﻈﻬﺮ ﻟﻴﻨﺎ ﺍﻟﻜﻌﺐ ..

ﻳﻮﺳﻒ ﻳﺴﻤﻊ ﻓﻲ ﺍﻣﻮ ﻭﺑﺪﺍ ﻳﺘﺒﺴﻢ .. ﻭﺍﻟﻐﻀﺐ ﺍﻟﻜﺎﻥ ﻓﻮﻗﻮ ﺩﺍﻙ ﺯﻱ ﺍﻟﻜﺄﻧﻮ ﻓﻲ ﺯﻭﻝ ﻛﺒﺎ ﻟﻴﻬﻮ ﻣﻮﻳﺔ ﺑﺎﺭﺩﺓ ﻓﻮﻕ ﺭﺍﺳﻮ .. ﻭﺍﻟﺴﺨﺎﻧﺔ ﻧﺰﻟﺖ ﺑﻲ ﻛﺮﻋﻴﻬﻮ ..

ﻗﺎﻝ ﻟﻴﻬﺎ :  ﻭﺍﻟﻠﻪ ﻳﺎ ﺳﺘﻮ ﺍﻡ ﻳﻮﺳﻒ .. ﺍﻧﺘﻲ ﺍﺭﺟﻞ ﻣﻦ ﺍﻟﺮﺟﺎﻝ  ﺍﻧﺎ ﻭﺍﻟﻠﻪ ﻓﺨﻮﺭ ﺍﻧﻲ ﻋﻨﺪﻱ ﺍﻡ ﺯﻳﻚ ..

ﻭﺍﻟﻌﺒﺮﺓ ﺧﻨﻘﺘﻮ ﻭﺩﻣﻮﻋﻮ ﺩﻳﻞ ﻛﺒﻦ .. 

ﻗﺎﻝ ﻟﻴﻬﺎ :  ﻭﺍﻟﻠﻪ ﻣﺮﻗﺘﻚ ﻣﻦ ﺍﻟﺒﻴﺖ .. ﻭﻋﺪﻡ ﻣﻘﺎﺑﻠﺘﻚ ﻟﻠﺼﺪﻳﻖ ﺩﻱ .. ﻗﺴﻤﺎ" ﺑﺎﻟﻠﻪ ﺯﺍﺩﺗﻨﻲ ﺧﻤﺴﺔ ﺍﻣﺘﺎﺭ ﻓﻲ ﺍﻟﺴﻤﺎﺀ .. ﺑﺲ ﻳﺎﺭﻳﺘﻚ ﻟﻮ ﻣﻦ ﺍﻻﻭﻝ ﻛﻠﻤﺘﻴﻨﻲ .. ﺻﺪﻳﻖ ﺩﻩ ﻣﻨﻮ ﺑﺪﻝ ﻣﺎﺗﻘﻮلي ﻟﻲ ﺻﺎﺣﺐ ﺍﺑﻮﻙ ..

ﻗﺎﻟﺖ ﻟﻴﻬﻮ : ﻭﺍﻟﻠﻪ ﺧﺠﻠﺔ ﺍﻟﺤﺮﻳﻢ ﻳﺎﻳﻮﺳﻒ ﻭﻟﺪﻱ .. ﺍﻱ ﻣﺮﺍﺓ ﻟﻮ ﻓﻲ ﻣﻜﺎﻧﻲ ﻣﺎ ﺑﺘﻘﻮﻝ ﻟﻲ ﻭﻟﺪﻫﺎ .. ﺍﻟﺮﺍﺟﻞ ﺍﻟﺠﺎﺀ ﺩﻩ .. ﻛﺎﻥ ﺩﺍﻳﺮﻧﻲ ﻗﺒﻞ ﺍﺑﻮﻙ ..

ﻟﻜﻦ ﺍﻃﻤﻦ .. ﺑﻌﺪ ﺍﺑﻮﻙ ﺍﻧﺎ ﺗﺎﻧﻲ ﻣﺎﻓﻲ ﺭﺍﺟﻞ ﺑﻤﺴﻚ ﺍﻳﺪﻱ .. ﺍﻟﺼﺪﻳﻖ ﺍﻧﺎ ﻣﺎﺷﻔﺘﻮ .. ﻭﻣﺎ ﺍﺗﻜﻠﻢ ﻣﻌﺎﻱ ﻓﻲ ﺍﻟﺘﻠﻔﻮﻥ ﺍﻻ ﻳﻮﻣﻮ ﺍﻟﻜﺎﻥ ﻓﻲ ﺍﻟﺒﻴﺖ .. ﻭﺍﻻﺗﺼﺎﻝ ﺍﻟﻜﻠﻤﻚ ﺑﻴﻬﻮ ﺑﺮﺍﻫﻮ ..

ﺍﻧﺎ ﻳﺎﺟﺪﻭ ﻫﺮﺑﺖ ﻣﻦ ﺑﻴﺘﻲ .. ﻋﺸﺎﻥ ﻣﺎ ﺍﺷﻮﻓﻮ ﻭﻻ ﺍﻻﻗﻴﻬﻮ .. ﻫﻮ ﻣﻮﺵ ﻛﻠﻤﻚ ﻗﺎﻝ ﻟﻴﻚ ﺍﻣﻚ ﻣﺎﻟﻘﻴﺘﻬﺎ  ؟

 ﻗﺎﻝ ﻟﻴﻬﺎ :  ﺍﻳﻮﺓ ﻛﻠﻤﻨﻲ ..

ﻗﺎﻟﺖ ﻟﻴﻬﻮ : ﺑﺲ ﺍﻟﻨﺼﻴﺤﺔ ﻟﻲ ﺍﻟﻠﻪ .. ﻭﺣﺎﺕ ﺍﻟﻠﻪ ﻳﺎﻳﻮﺳﻒ ﺍﻟﺮﺍﺟﻞ ﺩﻩ .. ﻓﻲ ﺍﺗﺼﺎﻟﻮ ﻣﻌﺎﻱ .. ﻣﺎﻗﺎﻝ ﻟﻲ ﺍﻱ ﻛﻠﻤﺔ ﺑﺘﻮﺣﻲ ﺑﻲ ﺍﻧﻮ ﻋﻨﺪﻭ ﻫﺪﻑ ﺗﺎﻧﻲ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻘﺼﺮ ﻋﻤﻴﺮﻱ ..

ﻗﺎﻝ ﻟﻴﻬﺎ : ﻭﺍﻟﻠﻪ ﻣﺼﺪﻗﻚ .. ﻳﺎ ﺍﻣﻲ ﻣﺎﺗﻘﻮﻟﻲ ﻛﺪﻱ .. ﻭﺍﻃﻤﻨﻲ ﺍﻧﺘﻲ ﺑﺮﺿﻮ ﺍﻧﺎ ﻣﺎﻣﻤﻜﻦ ﺍﻇﻠﻢ ﻋﻤﻲ ﺻﺪﻳﻖ ﺑﺎﻟﻈﻨﻮﻥ .. ﻭﻟﻐﺎﻳﺔ ﻫﺴﻲ ﻣﺎﻋﺎﺭﻑ ﻫﺪﻓﻮ ﻣﻦ ﻣﺴﺎﻋﺪﺗﻮ ..

ﻗﺎﻟﺖ ﻟﻴﻬﻮ : ﺑﺲ ﻳﺎﻳﻮﺳﻒ ﻟﻮ ﺍﻧﺖ ﻣﺘﺤﺮﺝ ﻣﻦ ﺣﺎﺟﺔ .. ﺳﻴﺐ ﺍﻟﺸﻐﻞ ﻭﺗﻌﺎﻝ ﺣﺒﻴﺒﻲ .. ﻧﻔﺴﻴﺎﺗﻚ ﺍﻧﺖ ﻋﻨﺪﻱ ﻓﻮﻕ ﻛﻞ ﺷﻲ ..

ﻗﺎﻝ ﻟﻴﻬﺎ : ﻣﺎﺑﺠﻲ .. ﻭ ﺍﻧﺎ ﻣﺎ ﺍﻟﺮﺍﺟﻞ ﺍﻟﺒﻔﺸﻞ ﻣﻦ ﺍﻭﻝ ﺍﻣﺘﺤﺎﻥ ﺍﻧﺘﻲ ﻋﻠﻤﺘﻴﻨﻲ ﺍﻧﻮ ﺍﺗﺤﺪﻯ ﺍﻟﺼﻌﺎﺏ .. ﻭﺭﺑﻴﺘﻴﻨﻲ ﻋﻠﻰ ﻛﺪﻱ .. ﻣﺎﺗﺸﻴﻠﻲ ﻫﻢ .. ﺑﺲ ﺍﻧﺎ ﺳﺄﻟﺘﻚ ﻋﺸﺎﻥ ﺍﻋﺮﻑ ﺍﻟﺤﻘﺎﻳﻖ ..

ﺍﻧﺘﻲ ﺗﺴﻠﻤﻲ .. ﻭﺭﺑﻨﺎ ﻳﺤﻔﻈﻚ ﻭﻳﺨﻠﻴﻚ .. ﻗﻔﻞ ﺍﻟﻤﻜﺎﻟﻤﺔ ﻭﺑﻘﻰ ﻳﺘﺒﺴﻢ ﺑﺮﺍﻫﻮ .. ﻭﻳﻘﻮﻝ ﻫﻬﻪ .. ﺍﻧﺘﻮ ﺑﺘﻠﻌﺒﻮ ﻭﻻﺷﻨﻮ؟؟ ﺩﻱ ﺳﺖ ﺍﻟﺠﻴﻞ ﺑﺖ ﺍﻟﻌﻤﺪﺓ .. ﻭﺍﻟﻠﻪ ﻗﺎﻝ ﻋﻼﻗﺔ ﻗﺎﻝ .. ﻭﺍﻟﻠﻪ ﺳﺖ ﺍﻟﺠﻴﻞ ﺩﻱ ﻧﺎﺭ ﺑﻨﺰﻳﻦ .. ﺍﻟﻠﻪ يحفظك ﻳﺎ ﺍﻣﻲ ..

ﻭﻗﺎﻋﺪ ﻓﻲ ﻣﺤﻠﻮ ﺩﺍﻙ ﻣﺴﺎﻓﺔ ﻃﻮﻳﻠﺔ .. ﻭﺑﻔﻜﺮ .. ﻃﻴﺐ ﻳﺎﺭﺑﻲ ﺍﺷﺮﻑ ﻭﺍﻣﻮ ﺩﻳﻞ ﺟﺎﺑﻮ ﻗﺼﺔ ﺍﻧﻮ ﺍﺑﻮﻫﻢ ﻋﻨﺪﻭ ﻋﻼﻗﺔ ﻣﻦ ﻭﻳﻦ ؟ ﻣﺎﻓﻲ ﺣﺎﺟﺔ .. ﺍﻻ ﻇﻨﻮﻥ ﺑﻨﻮﻫﺎ ﻋﻠﻰ ﺍﻧﻮ ﺍﺑﻮﻫﻢ ﻣﺸﻰ ﻭﺩﻯ ﺍﻻﻣﺎﻧﺔ ﻻﻣﻲ .. ﻭﻣﺎﻋﺎﺭﻓﻴﻦ ﻟﻮ ﻻﻗﺎﻫﺎ ﻭﻻ ﻣﺎﻻﻗﺎﻫﺎ .. ﻭﺍﻓﺘﺮﺿﻮ ﺍﻧﻮ ﻻﻗﺎﻫﺎ .. ﺍﻟﻤﺴﺎﻛﻴﻦ ..

ﻃﻴﺐ ﺍﻟﻬﺪﻑ ﺷﻨﻮ؟ ﻣﻦ ﺍﻧﻮ ﺍﺷﺮﻑ ﻳﺠﻲ ﻳﻘﻮﻝ ﻟﻲ ﻛﻼﻡ ﺯﻱ ﺩﻩ .. ﻣﻌﻨﺎﻫﺎ ﺍﻣﻮ ﺣﻜﺖ ﻟﻴﻬﻮ .. ﺧﺎﻳﻔﺔ ﺍﻧﻮ ﺍﺑﻮﻫﻮ ﻳﻘﻮﻡ ﻳﻘﻮﻝ ﺩﺍﻳﺮ ﻳﺘﺰﻭﺝ ﺳﺘﻮ .. ﺑﻌﺪ ﺭﺍﺟﻼ ﻣﺎﺕ ..

ﺍﻳﻮﺍﺍﺍﺍ ﺍﻧﺎ ﻛﺪﺍ ﺍﻟﻠﻐﺰ ﻓﻲ ﺭﺍﺳﻲ ﺍﺗﺤﻼ .. ﻭﺡ ﺍﺗﺼﺮﻑ .. ﻭﻣﺎﻓﻲ ﻣﺸﻜﻠﺔ .. ﻭﺡ ﺍﺳﻘﻴﻬﻢ ﻟﻴﻚ ﻫﻮ ﻭﺍﻣﻮ .. ﻣﻦ ﻧﻔﺲ ﺍﻟﻜﺎﺱ .. ﺍﺻﺒﺮ ﺳﺎﻱ .. ﺟﺎﺀ ﺭﺍﺟﻊ ﻣﺎﺷﻲ ﻋﻠﻰ ﺍﻟﺨﻴﻤﺔ .. ﻻﻗﺎﻫﻮ ﻭﺍﺣﺪ ﺍﺳﻤﻮ ﺍﺣﻤﺪ ﺍﻟﻜﺎﺷﻒ ..

ﻗﺎﻝ ﻟﻴﻬﻮ :  ﻳﺎﻳﻮﺳﻒ ﻳﺎﺧﻲ ﺍﻧﺎ ﺩﺍﻳﺮ ﺍﻗﻮﻝ ﻟﻴﻚ ﻛﻼﻡ .. ﺑﺲ ﻋﻠﻴﻚ ﺍﻟﻠﻪ ﻣﺎﺗﺠﻴﺐ ﻟﻲ ﻣﺸﻜﻠﺔ .. 

ﻗﺎﻝ ﻟﻴﻬﻮ : ﺩﻗﻴﻘﺔ ﺑﺲ .. ﺍﺻﻠﻲ ﺍﻟﻤﻐﺮﺏ ﻋﻨﺪﻙ ﻫﻨﺎ .. ﻭﺑﻌﺪﻳﻦ ﺍﺣﻜﻲ ﻟﻲ .. ﺑﻌﺪ ﺻﻠﻰ ﻭﺳﻠﻢ .. 

ﺟﺎﺀ ﻗﻌﺪ ﻭﻗﺎﻝ ﻟﻴﻬﻮ :  ﻗﻮﻝ ﻳﺎ ﺍﺣﻤﺪ .. ﻭﺍﻟﻠﻪ ﻣﺎ ﺗﻠﻘﻰ ﺭﺍﺟﻞ ﺯﻱ ﻳﻮﺳﻒ ﺍﻟﺨﻴﺮ ﻳﺤﻔﻆ ﺍﻟﺴﺮ .. ﺍﺭﺡ ﺍﺣﻜﻲ ..

ﻗﺎﻝ ﻟﻴﻬﻮ : ﻭﺍﻟﻠﻪ ﺍﻭﻻﺩ ﺻﺪﻳﻖ ﺟﺎﺑﻮ ﻟﻲ ﺟﻬﺎﺯ ﻫﻨﺎ .. ﻗﺎﻟﻮ ﻟﻲ ﻟﻠﺒﻴﻊ ﻭﻛﺎﺳﺮﻧﻮ .. ﻳﻌﻨﻲ ﺑﺎﻋﻮ ﻟﻲ ﺑﻲ ﺳﺒﻌﺔ .. ﻭﺍﺩﻳﺘﻬﻢ ﺍﺭﺑﻌﺔ ﺑﺎﻗﻲ ﻟﻴﻬﻢ ﺗﻼﺗﺔ .. ﻭﻟﻤﻦ ﺍﺳﺘﻔﺴﺮﺕ ﻣﻨﻬﻢ .. ﻻﻧﻬﻢ ﻣﺎﺑﺒﻴﻌﻮ ﺣﺎﺟﺔ ﺍﻻ ﺑﻮﺟﻮﺩ ﺍﺑﻮﻫﻢ .. ﺍﻫﺎ ﻗﺎﻟﻮ ﻟﻲ ﺩﻩ ﺟﻬﺎﺯ ﻳﻮﺳﻒ .. ﺩﺍﻳﺮ ﻳﺒﺪﻟﻮ .. ﻭﻳﺸﺘﺮﻱ ﻭﺍﺣﺪ ﺗﺎﻧﻲ .. ﺻﺎﺡ ﺍﻟﻜﻼﻡ ﺩﻩ؟؟

ﻳﻮﺳﻒ ﺳﻜﺖ ﻣﺴﺎﻓﺔ .. 

ﻗﺎﻝ ﻟﻴﻬﻮ :  ﺍﻳﻮﺓ ﺻﺎﺡ .. ﻭﻫﻢ ﺍﺩﻭﻧﻲ ﺟﻬﺎﺯ ﺍﺣﺴﻦ ﻣﻨﻮ ﺍﻟﻠﻪ ﻳﺒﺎﺭﻙ ﻓﻴﻬﻢ .. ﻣﺎ ﺗﺸﻴﻞ ﻫﻢ ﺍﺗﺼﺮﻑ ﻓﻲ ﺍﻟﺠﻬﺎﺯ ﺍﻧﺎ ﺍﺩﻭﻧﻲ ﺟﻬﺎﺯ ﺍﺣﺴﻦ ﻣﻨﻮ ..

ﻃﺒﻌﺎ" ﺍﻟﺘﺼﺮﻑ ﺩﻩ ﻏﺮﻳﺐ ﻣﻦ ﻳﻮﺳﻒ .. ﻣﻊ ﺍﻧﻮ ﻣﺎﻛﺎﻥ ﺧﺎﺗﻲ ﺍﻧﻮ ﺍﻟﺠﻬﺎﺯ ﺳﺮﻗﻮﻫﻮ ﻧﺎﺱ ﺍﺷﺮﻑ .. ﻟﻜﻦ ﺍﻟﺤﻘﻴﻘﺔ ﺍﻟﻌﺠﻴﺒﺔ ﺍﻧﻮ

ﺑﻌﺪ ﻋﺮﻑ ﻭﻓﻜﺮ ﺍﻧﻮ ﻳﻌﻤﻞ ﻟﻴﻬﻢ ﻓﻀﻴﺤﺔ .. ﺍﺗﺬﻛﺮ ﺍﻟﻤﻮﻗﻒ ﺍﻟﺒﻜﻮﻥ ﻓﻴﻬﻮ ﻋﻢ ﺻﺪﻳﻖ .. ﻭﺑﻘﻰ ﻫﻤﻮ ﺍﻟﻮﺣﻴﺪ ﺍﻧﻮ ﻣﺎﻳﻌﻤﻞ ﺳﻤﻌﺔ ﺳﻴﺌﺔ ﻟﻲ ﻋﻢ ﺍﻟﺼﺪﻳﻖ .. ﻭﺍﻟﻨﺎﺱ ﻳﻘﻮﻟﻮ ﺍﻭﻻﺩﻭ ﺣﺮﺍﻣﻴﺔ ﻋﺸﺎﻥ ﻛﺪﺍ ﺳﻜﺖ ﻭﺳﺘﺮ .. ‏( ﺭﺑﻨﺎ ﻳﺴﺘﺮ ﻋﻠﻴﻚ ﻳﺎﻳﻮﺳﻒ ﺍﻟﺨﻴﺮ ‏)

ﺍﻫﺎ ﻃﺒﻌﺎ" ﻳﻮﺳﻒ ﻣﺸﻰ ﺍﻟﺨﻴﻤﺔ ﻭﺍﻟﻮﺍﻃﺔ ﺑﺎﻟﻠﻴﻞ .. ﻭﻋﻢ ﺻﺪﻳﻖ ﻣﺸﻰ ﻋﻠﻰ ﺍﻟﻘﻬﻮﺓ ﻟﻲ ﺻﺎﺣﺒﺎ" ﻟﻴﻬﻮ .. ﻳﻮﺳﻒ ﻭﻛﺖ ﺟﺎ ﻟﻘﻰ ﺍﺷﺮﻑ ﻭﺍﻛﺮﻡ ﻗﺎﻋﺪﻳﻦ .. ﺍﺷﺮﻑ ﺑﺎﻟﺠﺪ ﻛﺎﻥ ﺧﺎﻳﻒ ﻣﻦ ﻳﻮﺳﻒ ﻻﻧﻮ ﻳﻮﺳﻒ ﻣﺎﺷﺎﺀ ﺍﻟﻠﻪ ﺟﺴﻤﻮ ﺿﺨﻢ .. ﻭ ﺍﻻﺗﻨﻴﻦ ﻣﺎﺑﻘﺪﺭﻭ ﻋﻠﻴﻬﻮ ..

ﺍﻭﻝ ﻣﻦ ﻳﻮﺳﻒ ﺟﺎﺀ ﺍﺷﺮﻑ ﺩﺍﻳﺮ ﻳﻄﻠﻊ ..

 ﻳﻮﺳﻒ ﻗﺎﻝ ﻟﻴﻬﻮ : ﺧﻠﻴﻚ ﻳﺎ ﺍﺷﺮﻑ .. ﻣﺎﺗﻤﺸﻲ ﺍﻧﺎ ﺍﻟﻤﺎﺷﻲ  ﻗﺎﻝ ﻟﻴﻬﻮ : ﺍﻫﺎ ﻳﻌﻨﻲ ﻛﻼﻣﻲ ﻃﻠﻊ ﺻﺎﺡ؟ 

ﻗﺎﻝ ﻟﻴﻬﻮ : ﺍﻳﻮﺓ ﻃﻠﻊ ﺻﺢ .. ﺍﻧﺎ ﺳﺄﻟﺖ ﺍﻟﻮﺍﻟﺪﺓ .. ﻭﻗﺎﻟﺖ ﺍﻟﻜﻼﻡ ﺻﺎﺡ ﺑﺲ ﺍﻟﻐﺮﺽ ﺷﺮﻳﻒ ﻳﻌﻨﻲ ..

ﺑﻌﺪﻳﻦ ﺍﻧﺎ ﻣﺎﻋﻨﺪﻱ ﻣﺸﻜﻠﺔ .. ﺍﻧﻮ ﺍﻣﻲ ﺗﺘﺰﻭﺝ .. ﻭﻋﻢ ﺍﻟﺼﺪﻳﻖ ﺍﺣﺴﻦ ﺯﻭﻝ .. ﻟﻮ ﺍﺗﻘﺪﻡ ﻟﻲ ﺍﻣﻲ .. ﺍﻧﺎ ﺑﻮﺍﻓﻖ ﻃﻮﺍﻟﻲ .. ﻻﻧﻮ ﻣﺎﻋﻨﺪﻱ ﻓﺮﻕ ﺑﻴﻨﻮ ﻭﺑﻴﻦ ﺍﺑﻮﻱ ..

ﺍﻣﻲ ﺯﻭﺟﻬﺎ ﺍﺗﻮﻓﻰ .. ﻭﻛﻤﻠﺖ ﻋﺪﺗﻬﺎ ﻭﻣﻦ ﺣﻘﻬﺎ ﺗﺘﺰﻭﺝ .. ﻭﻋﻢ ﺍﻟﺼﺪﻳﻖ ﻋﻨﺪﻭ ﻣﺮﺍﺓ ﻭﺍﺣﺪﻩ .. ﻭﻋﻨﺪﻭ ﺍﻟﺤﻖ .. ﺍﻧﻮ ﻳﺘﺰﻭﺝ ﺗﻼﺗﺔ ﺗﺎﻧﻲ .. ﻣﺎﻓﻲ ﺷﻲ ﻳﻤﻨﻊ .. ﻭﺍﻧﺎ ﻟﻮ ﻋﺎﺭﺿﺖ ﻓﻲ ﺣﺎﺟﺔ ﺯﻱ ﺩﻱ ﺑﻜﻮﻥ ﺯﻭﻝ ﻇﺎﻟﻢ .. ﻭﺍﻗﻒ ﺿﺪ ﺣﺪﻭﺩ ﺍﻟﻠﻪ .. ﻳﺎﺳﻼﺍﺍﺍﻡ ﻟﻮ ﻋﻢ ﺍﻟﺼﺪﻳﻖ ﺍﺗﻘﺪﻡ ﻟﻲ ﺍﻣﻲ .. ﺍﻛﻮﻥ ﺭﺑﻨﺎ ﻋﻮﺿﻨﻲ ﺍﺑﻮ ﺑﻌﺪ ﻣﺎﻓﻘﺪﺕ ﺍﺑﻮﻱ ..

ﺑﺲ ﻗﺎﻝ ﻛﻼﻣﻮ ﺩﻩ :  ﻭﺍﺧﺪ ﻟﻴﻬﻮ ﺑﺴﻤﺔ ﻭﻃﻠﻊ ..

 ﻃﺒﻌﺎ" ﺍﻛﺮﻡ ﻭﺍﺷﺮﻑ ﺍﻻﺗﻨﻴﻦ ﻣﺘﻔﺎﺟﺌﻴﻦ ﻣﻦ ﻛﻼﻡ ﺟﺪﻭ .. ﻭﺍﺻﻼ" ﻣﺎﻛﺎﻧﻮ ﺑﺘﻮﻗﻌﻮﻫﻮ ﻳﻘﻮﻝ ﻛﻼﻡ ﺯﻱ ﺩﻩ .. ﺑﻌﺪ ﺍﻟﺰﻋﻠﺔ ﺍﻟﻜﺎﻧﺖ ﺍﻟﻌﺼﺮ ﺩﻳﻚ ..

ﺟﺪﻭ ﻃﻠﻊ ﻣﺸﻰ ﻋﻠﻰ ﻗﻬﻮﺓ ﻧﺎﺱ ﻣﻮﺳﻰ .. ﺍﻟﺒﻜﻮﻥ ﻓﻴﻬﺎ ﺻﺪﻳﻖ ﺩﺍﻳﻤﺎ" ﻭﻫﻮ ﻣﺎﺷﻲ ﻛﺪﺍ ﻋﻢ ﺻﺪﻳﻖ ﺍﺗﻠﻘﺎﻫﻮ .. ﻣﺎﺷﻲ ﺑﻜﺮﻋﻴﻬﻮ ﺳﺎﻱ .. 

ﻗﺎﻝ ﻟﻴﻬﻮ : ﻋﻢ ﺻﺪﻳﻖ .. ﺍﻧﺎ ﺩﺍﻳﺮﻙ ﻓﻲ ﻛﻠﻤﺘﻴﻦ ﺑﺮﺍﻧﺎ ﻋﻠﻴﻚ ﺍﻟﻠﻪ 

ﻗﺎﻝ ﻟﻴﻬﻮ :  ﺗﻌﺎﻝ ﻋﻠﻰ ﺍﻟﻘﻬﻮﺓ .. ﻧﺸﻮﻑ ﻟﻴﻨﺎ ﺣﺘﺔ ﻛﺪﺍ ﻣﻄﺮﻓﺔ ﺟﻮ ﺭﺍﺟﻌﻴﻦ ﺷﺎﻟﻮ ﻟﻴﻬﻢ ﻋﺘﻘﺮﻳﺐ ﻭﻃﻠﻌﻮﻫﻮ .. ﺻﺪﻳﻖ ﻗﻌﺪ ﻓﻮﻕ ﺍﻟﻌﻨﻘﺮﻳﺐ ﻭﻳﻮﺳﻒ ﻗﻌﺪ ﻗﺪﺍﻣﻮ ﻓﻲ ﺍﻟﻮﺍﻃﺔ ..

ﻗﺎﻝ ﻟﻴﻬﻮ :  ﻳﺎﻋﻢ ﺻﺪﻳﻖ ﻭﺍﻟﻠﻪ ﺍﻧﺎ ﻣﺎﻋﺎﺭﻑ ﺍﺷﻜﺮﻙ ﻛﻴﻒ .. ﻭﺍﻟﻌﻤﻠﺘﻮ ﻣﻌﺎﻱ ﻭﺍﻟﻠﻪ ﺍﻫﻠﻲ ﻭﺍﻋﻤﺎﻱ ﻣﺎﻋﻤﻠﻮﻫﻮ ﻣﻌﺎﻱ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺠﺰﻳﻚ ﺍﻟﺨﻴﺮ ..

ﻃﻴﺐ ﺍﻧﺎ ﻳﺎﻋﻢ ﺻﺪﻳﻖ ﻋﺎﻳﺰ ﺍﺳﺘﻘﻞ ﺑﻲ ﺷﻐﻠﻲ ﺑﺮﺍﻱ .. ﻻﻧﻲ ﺍﻟﺤﻤﺪ ﻟﻠﻪ ﻣﻌﺎﻱ ﺣﺎﻣﺪ ﺍﻟﻤﻨﺼﻮﺭﻱ .. ﻟﻘﻴﻨﺎ ﻟﻴﻨﺎ ﺑﻴﺮ ﻭﺍﻟﻠﻪ .. ﻭﻋﺎﻳﺰﻙ ﺍﻧﺖ ﺍﻭﻝ ﺯﻭﻝ ﺗﺠﻲ ﺗﻔﺮﻋﻬﺎ ﻟﻴﻨﺎ .. ﻻﻧﻮ ﺑﺎﻛﺮ ﺍﻭ ﺑﻌﺪ ﺑﺎﻛﺮ ﺑﻨﻜﺮﻡ .. ﻭﺩﺍﻳﺮﻳﻦ ﻧﻌﻤﻞ ﺧﻴﻤﺔ ﺑﺮﺍﻧﺎ ..

ﻗﺎﻝ ﻟﻴﻬﻮ : ﻭﺍﻟﻠﻪ ﻳﺎﻳﻮﺳﻒ ﺭﺑﻨﺎ ﻳﻮﻓﻘﻚ .. ﻭﻣﺎﻓﻲ ﻣﺸﻜﻠﺔ ﺑﺲ ﺗﻌﻤﻞ ﻟﻴﻚ ﺧﻴﻤﺔ ﺑﺮﺍﻙ ﻟﻴﻪ؟ 

 ﻗﺎﻝ ﻟﻴﻬﻮ : ﺩﺍﻳﺮ ﺍﻋﻤﻞ ﺍﻟﺨﻴﻤﺔ ﻗﺮﻳﺐ ﻟﻠﺒﻴﺮ ﻗﺎﻟﻮ ﻛﺪﺍ .. ﻭﻧﻘﻌﺪ ﻓﻴﻬﺎ ﺍﻧﺎ ﻭﺣﺎﻣﺪ .. ﻭﺍﻧﺎ ﻳﺎﻋﻢ ﺻﻴﻖ ﻋﺎﻳﺰ ﺍﺣﺲ ﺑﻲ ﻧﻔﺴﻲ ﻣﺴﺘﻘﻞ ..

ﻗﺎﻝ ﻟﻴﻬﻮ : ﻃﻴﺐ ﻣﺎﻓﻲ ﻣﺸﻜﻠﺔ ﺭﺑﻨﺎ ﻳﻮﻓﻘﻚ ..

ﻳﻮﺳﻒ ﻗﺎﻝ ﻟﻴﻬﻮ :  ﻃﻠﺐ ﺗﺎﻧﻲ .. 

ﻋﻢ ﺻﺪﻳﻖ ﻗﺎﻝ ﻟﻴﻬﻮ : ﺍﻃﻠﺐ ..

 ﻗﺎﻝ ﻟﻴﻬﻮ :  ﺍﻟﺠﻬﺎﺯ ﺍﻻﺩﻳﺘﻨﻲ ﻟﻴﻬﻮ .. ﺍﻧﺎ ﻋﺎﻳﺰ ﺍﺭﺟﻌﻮ ﻟﻴﻚ ... ﻗﺎﻝ ﻟﻴﻬﻮ :  ﻳﺎﻳﻮﺳﻒ ﺍﻧﺎ ﻗﻠﺖ ﻟﻴﻚ ﻋﻠﻲ ﺍﻟﻄﻼﻕ ﻣﺎﻳﺮﺟﻊ .. ﺍﻧﺖ ﺩﺍﻳﺮ ﺗﻜﺴﺮ ﺧﻠﻴﻔﺘﻲ ؟ 

ﻗﺎﻝ ﻟﻴﻬﻮ : ﻃﻴﺐ ﻋﻠﻰ ﺍﻻﻗﻞ .. ﺧﻠﻴﻨﻲ ﺍﺩﻓﻊ ﺣﻘﻮ .. ﻋﺸﺎﻥ ﺍﻛﻮﻥ ﻣﺮﺗﺎﺡ .. 

ﻗﺎﻝ ﻟﻴﻬﻮ : ﺑﺮﺿﻮ ﻛﺪﺍ ﻛﺴﺮﺗﻬﺎ .. ﺗﻜﻮﻥ ﻣﺮﺗﺎﺡ ﺷﻨﻮ؟

ﺍﻧﺎ ﻋﻠﻰ ﺍﻟﻄﻼﻕ ﻭﺍﻗﻒ ﻣﻌﺎﻙ ﻻﻧﻚ ﺑﺘﺴﺘﺎﻫﻞ .. ﻻﻧﻲ ﻣﻦ ﺍﻭﻝ ﻳﻮﻡ ﺷﻔﺘﻚ  ﺣﺴﻴﺘﻚ ﻣﺎﻋﻨﺪﻙ ﻓﺮﻕ ﻣﻦ ﺍﻭﻻﺩﻱ ..

ﻣﻊ ﺍﻟﺴﻼﻣﺔ ﻳﺎﻳﻮﺳﻒ .. ﻟﻮ ﺍﺣﺘﺠﺖ ﻻﻱ ﻣﺴﺎﻋﺪﺓ ﻣﺎﺗﺮﺩد.....

             البارت العشرون من هنا 

   لقراءة جميع حلقات القصه من هنا

تعديل المقال