قصة قوة الضمائر البارت السادس عشر 16 بقلم طارق اللبيب

 قصة قوة الضمائر

البارت السادس عشر 16

بقلم طارق اللبيب

ﻣﺤﺎﺳﻦ ﻗﺎﻟﺖ ﻟﻴﻬﺎ : ﺍﺣﺴﻦ ﺍﻟﺰﻭﻝ ﻣﺎﻳﺴﺒﻖ ﺍﻟﺤﻮﺍﺩﺙ .. ﺍﻧﺘﻲ ﻫﺴﻲ ﺍﺻﺒﺮﻱ ﻣﺎﻣﻌﺮﻭﻑ ﺍﻟﺒﺤﺼﻞ ﺑﻌﺪﻳﻦ ﺷﻨﻮ؟ ﻣﺎﺗﺨﺮﺑﻲ ﺩﺭﺏ ﺍﻟﺨﻴﺮ ﻋﻠﻰ ﺭﻭﺣﻚ .. ﺧﻠﻲ ﺍﻣﻮﺭﻙ ﻋﻠﻲ ﺍﻟﻠﻪ ..

ﻗﺎﻟﺖ ﻟﻴﻬﺎ  :  ﺍﺻﻠﻲ ﺍﻣﻮﺭ ﻱ ﻋﻠﻰ ﺍﻟﻠﻪ .. ﻟﻜﻦ ﻓﻲ ﺣﺎﻟﺔ ﺯﻱ ﺩﻱ ﺍﺣﺴﻦ ﺍﻟﺰﻭﻝ ﺑﺘﺤﻜﻢ ﻓﻲ ﺭﻭﺣﻮ .. ﻭﻣﺎﻳﻄﻠﻖ ﻟﻴﻬﺎ ﺍﻟﻤﻘﺎﺩ ..

ﻣﺮﺕ ﺍﻟﻴﻮﻣﻴﻦ .. ﻭﺍﻻﺣﺪ ﺟﺎﺀ .. ﻭﺻﺪﻳﻖ ﺍﻟﺴﻴﺪ ﻣﺎﻭﺻﻞ .. ﻭﺳﺘﻮ ﺧﻼﺹ ﻗﺎﻟﺖ ﻣﻌﻨﺎﻫﺎ ﺟﺎﻱ ﻳﻮﻡ ﺍﻻﺗﻨﻴﻦ .. ﻭﻳﻮﻡ ﺍﻻﺗﻨﻴﻦ ﺟﺎﺀ .. ﺍﻟﺼﺒﺎﺡ ﻋﺎﺳﺖ ﻛﺴﺮﺗﻬﺎ ﺑﺪﺭﻱ ..

 ﻭﻗﺎﻟﺖ ﻟﻲ : ﻣﺤﺎﺳﻦ ﻭﻣﻠﻜﺔ ﺍﻧﺎ ﻋﻨﺪﻱ ﻣﺸﻮﺍﺭ .. ﻣﺎﺷﺔ ﺍﻟﻔﺘﻴﺤﺎﺏ .. ﻭﺍﺣﺘﻤﺎﻝ ﺍﺻﻞ ﺳﻮﻕ ﺍﻣﺪﺭﻣﺎﻥ ﻭﺟﺎﻳﺔ .. ﺍﺣﺘﻤﺎﻝ ﺍﺗﺎﺧﺮ .. ﻟﻮ ﺍﻟﺼﺪﻳﻖ ﺟﺎﺏ ﻟﻴﻜﻢ ﺍﻣﺎﻧﺔ ﻫﻨﺎ .. ﻗﻮﻟﻲ ﻟﻴﻬﻮ ﺍﻣﻨﺎ ﻃﻠﻌﺖ .. ﻭﺍﺳﺘﻠﻤﻮ ﻣﻨﻮ ﺍﻻﻣﺎﻧﺔ ..

ﺍﻧﺘﻈﺮﺕ ﺍﻟﺤﺒﺸﻴﺔ ﺟﺎﺕ ﺑﺪﺭﻱ .. ﻭﺷﺎﻟﻦ ﺍﻟﻜﺴﺮﺓ ﺍﻻﺗﻨﻴﻦ .. ﻭﻣﺸﺖ ﻣﻌﺎﻫﺎ ..

ﺍﺻﻼ" ﺳﺘﻮ ﻋﻨﺪﻫﺎ ﻓﻜﺮﺓ ﻓﻲ ﺭﺍﺳﻬﺎ .. ﻛﺎﻳﺴﺔ ﻟﻴﻬﺎ ﻟﻲ ﻃﻠﻌﺔ ﻣﻦ ﻗﺒﻞ ﻛﻢ ﻳﻮﻡ .. ﻭﺍﻟﻠﻴﻠﺔ ﺍﻟﻤﺮﻗﺔ ﻣﻦ ﺍﻟﺒﻴﺖ ﺑﻘﺖ ﻟﻴﻬﺎ ﺿﺮﻭﺭﻳﺔ .. ﻋﺸﺎﻥ ﻣﺎﺗﺸﻮﻑ ﺍﻟﺮﺍﺟﻞ ﺩﻩ ﻭﻻﺗﻼﻗﻴﻬﻮ ..

ﺑﻌﺪ ﻣﺎ ﺳﺘﻮ ﻣﺮﻗﺖ ﺑﻌﺪ ﺳﺎﻋﺘﻴﻦ ﻳﻤﻜﻦ .. ﺻﺪﻳﻖ ﺍﻟﺴﻴﺪ ﻭﺻﻞ ﻭﺩﻕ ﺍﻟﺒﺎﺏ .. ﻋﻠﻰ ﺍﻟﻤﻮﻋﺪ ﺍﻟﻤﺘﻮﻗﻊ .. ﻭﺟﺎﺕ ﻣﺤﺎﺳﻦ ﻓﺘﺤﺖ ﻟﻴﻬﻮ ﺍﻟﺒﺎﺏ ﻭﻣﻦ ﺷﺎﻓﺘﻮ ﻋﺮﻓﺘﻮ ﺩﻩ ﺻﺪﻳﻖ .. ﺑﺲ ﻋﻤﻠﺖ ﻓﻴﻬﺎ ﻣﺎﻋﺎﺭﻓﺎﻫﻮ .. 

ﻗﺎﻝ ﻟﻴﻬﺎ : ﻛﻴﻒ ﺍﻟﺤﺎﻝ .. ﺍﻥ ﺷﺎﺀ ﺍﻟﻠﻪ ﻃﻴﺒﻴﻦ ..

ﻗﺎﻟﺖ ﻟﻴﻬﻮ : ﻧﺤﻤﺪ ﺍﻟﻠﻪ .. ﻣﺎﻋﺮﻓﺘﻚ ..

 ﻗﺎﻝ ﻟﻴﻬﺎ : ﺍﻧﺎ ﺍﻟﺼﺪﻳﻖ ﻭﺩ ﺍﻟﺴﻴﺪ ﺳﺖ ﺍﻟﺒﻴﺖ ﻣﻮﺟﻮﺩﺓ؟

ﻗﺎﻟﺖ ﻟﻴﻬﻮ :  ﻭﺍﻟﻠﻪ ﻣﺮﻗﺖ ..

 ﻗﺎﻝ ﻟﻴﻬﺎ : ﺑﺘﺠﻲ ﻣﺘﻴﻦ؟ 

ﻗﺎﻟﺖ ﻟﻴﻬﻮ  : ﻋﻠﻰ ﻗﻮﻻ .. ﻭﺍﻟﻠﻪ ﻗﺎﻟﺖ ﺑﺘﺠﻲ ﺍﻟﺴﺎﻋﺔ 5 ﺍﻟﻤﺴﺎﺀ  ﺍﻱ ﺧﺪﻣﺔ ؟ ..

ﻗﺎﻝ ﻟﻴﻬﺎ : ﺍﻟﻨﺎﺱ ﺩﻳﻞ ﺍﻫﻠﻲ .. ﻭﻧﺤﻦ ﻣﻦ ﺑﻠﺪ ﻭﺍﺣﺪﺓ ؟ .. ﺍﻧﺘﻲ ﻣﻨﻮ ﺍﻧﺎ ﻣﺎﻋﺮﻓﺘﻚ ؟؟

 ﻗﺎﻟﺖ ﻟﻴﻬﻮ :  ﺍﻧﺎ ﺟﺎﺭﺗﻬﺎ ﻭﺯﻱ ﺍﺧﺘﻬﺎ ..

ﻗﺎﻝ ﻟﻴﻬﺎ :  ﺍﺳﻤﻚ ﻣﻨﻮ؟

 ﻗﺎﻟﺖ :  ﺍﺳﻤﻲ ﻣﺤﺎﺳﻦ .. 

ﻗﺎﻝ ﻟﻴﻬﺎ : ﻣﻤﻜﻦ ﺍﺩﺧﻞ ﺍﺳﻠﻢ ﻋﻠﻰ ﻣﻠﻜﺔ؟

 ﻗﺎﻟﺖ ﻟﻴﻬﻮ : ﺍﺗﻔﻀﻞ ..

ﺩﺧﻞ ﺟﻮﺓ ﻻﻗﻰ ﻣﻠﻜﺔ ﻭﺳﻠﻢ ﻋﻠﻴﻬﺎ .. ﻭﻛﻔﺮ ﻟﻴﻬﺎ .. ﻭﻋﺰﺍﻫﺎ ﻓﻲ ﺍﺑﻮﻫﺎ ..

 ﻭﻗﺎﻝ ﻟﻴﻬﺎ :  ﻭﺍﻟﻠﻪ ﻛﻨﺖ ﺩﺍﻳﺮ ﺍﻻﻗﻲ ﺍﻣﻚ .. ﻟﻜﻦ ﻣﺎﺑﻘﺪﺭ ﺍﻧﺘﻈﺮ ﺍﻧﺎ ﻋﻨﺪﻱ ﻣﺸﻐﻮﻟﻴﺎﺕ ﻛﺘﻴﺮﺓ .. ﻟﻤﻦ ﺗﺠﻲ ﺳﻠﻤﻲ ﻋﻠﻴﻬﺎ .. ﻭﻗﻮﻟﻲ ﻟﻴﻬﺎ :  ﺻﺪﻳﻖ ﺍﻟﺴﻴﺪ ﺟﺎﻙ ﻫﻨﺎ .. ﻭﺟﺎﺏ ﺍﻻﻣﺎﻧﺔ ﺩﻱ ﻣﻦ ﻳﻮﺳﻒ ﻭﻟﺪﻙ .. ﻭﻗﺎﻝ ﻟﻴﻚ ﻳﻮﺳﻒ ﻛﻮﻳﺲ ﻭﺷﻐﺎﻝ ﻛﻮﻳﺲ .. ﻭﺑﺴﻠﻢ ﻋﻠﻴﻜﻢ ..

ﻳﻼ ﻓﻲ ﺍﻣﺎﻥ ﺍﻟﻠﻪ .. ﻣﺤﺎﺳﻦ ﺟﺎﺑﺖ ﻟﻴﻬﻮ ﻛﻮﺯ ﻣﻮﻳﺔ ..

 ﻭﻗﺎﻟﺖ ﻟﻴﻬﻮ :  ﺍﺷﺮﺏ ﺍﻟﺸﺎﻱ .. ﻭﺍﺧﺪﻟﻚ ﻗﻌﺪﺓ .. ﻳﻤﻜﻦ ﺳﺘﻮ ﺗﺠﻲ ..

ﻗﺎﻝ ﻟﻴﻬﺎ :  ﺍﺗﺼﻠﻲ ﻋﻠﻴﻬﺎ ﺷﻮﻓﻴﻬﺎ ﻭﻳﻦ .. ﻋﺸﺎﻥ ﻟﻮ ﻗﺮﻳﺒﺔ ﺑﻨﺘﻈﺮﻫﺎ .. 

ﻣﺤﺎﺳﻦ ﻗﺎﻟﺖ ﻟﻴﻬﻮ : ﻭﺍﻟﻠﻪ ﻣﺎﻋﻨﺪﻧﺎ ﺗﻠﻔﻮﻥ .. ﻃﻠﻊ ﺗﻠﻔﻮﻧﻮ ﻣﻦ ﺟﻴﺒﻮ ﻭﻗﺎﻝ ﻟﻴﻬﺎ : ﻫﺎﻙ ﺍﺿﺮﺑﻲ ﻟﻴﻬﺎ ..

ﻣﺴﻜﺖ ﻣﻨﻮ ﺍﻟﺘﻠﻔﻮﻥ .. 

ﻭﻗﺎﻟﺖ ﻟﻲ ﻣﻠﻜﺔ : ﻋﻠﻴﻚ ﺍﻟﻠﻪ ﻳﺎﻣﻠﻜﺔ ﻣﻠﻴﻨﻲ ﺭﻗﻢ ﺍﻣﻚ ..

ﺍﺗﺼﻠﺖ ﻋﻠﻴﻬﺎ .. 

ﻗﺎﻟﺖ ﻟﻴﻬﺎ : ﻳﺎﺳﺘﻮ .. ﺟﺎ ﺯﻭﻝ ﻫﻨﺎ ﺍﺳﻤﻮ ﺍﻟﺼﺪﻳﻖ ﻭﺩ ﺍﻟﺴﻴﺪ ..

ﻗﺎﻝ ﺷﻐﺎﻝ ﻣﻊ ﻳﻮﺳﻒ ﻓﻲ ﻣﻜﺎﻥ ﺍﻟﺪﻫﺐ .. ﻭﺟﺎﺏ ﻟﻴﻬﻮ ﺍﻣﺎﻧﺔ  ﻭﻗﺎﻝ ﻋﺎﻳﺰ ﻳﻘﺎﺑﻠﻚ .. ﺍﻧﺘﻲ ﻗﺮﻳﺒﺔ ﻭﻻﺑﻌﻴﺪﺓ؟؟ ..

ﺳﺘﻮ ﻗﺎﻟﺖ ﻟﻴﻬﺎ : ﺍﺩﻳﻨﻲ ﻟﻴﻬﻮ ﻓﻲ ﺍﻟﺘﻠﻔﻮﻥ ..

ﻣﺴﻚ ﻣﻨﻬﺎ ﺍﻟﺘﻠﻔﻮﻥ .. ﻭﺍﻭﻝ ﻣﻦ ﻗﺎﻝ ﺍﻟﻮ .. ﻭﻫﻲ ﻗﺎﻟﺖ ﺍﻟﻮ .. ﺳﻜﺘﻮ ﺍﻻﺗﻨﻴﻦ .. ﻗﺮﻳﺐ ﺍﻟﺪﻗﻴﻘﺔ ﻣﺎﻓﻲ ﺯﻭﻝ ﺑﺘﻜﻠﻢ .. ﺑﻌﺪ ﺩﻗﻴﻘﺔ ﻗﺎﻝ ﻟﻴﻬﺎ :  ﺍﻟﻮ ..

 ﻗﺎﻟﺖ ﻟﻴﻬﻮ : ﺍﻟﻮ ﻭﺑﺮﺿﻮ ﺳﻜﺘﻮ ..

ﻭﺍﻟﺤﺎﺻﻞ ﻓﻲ ﺍﻟﻘﻠﻮﺏ ﻳﻌﻠﻢ ﺑﻴﻬﻮ ﻋﻼﻡ ﺍﻟﻐﻴﻮﺏ .. ﻭﻣﺤﺎﺳﻦ ﻭﻣﻠﻜﺔ ﺷﺎﻳﻔﺎﺕ ﺍﻟﺮﺍﺟﻞ ﺳﺎﻛﺖ .. ﻗﺎﻳﻼﺕ ﺳﺘﻮ ﺑﺘﺘﻜﻠﻢ ﻭﻫﻮ ﺑﺴﻤﻊ .. ﻣﺎﻋﺎﺭﻓﺎﺕ ﺳﺘﻮ ﻛﺎﺑﻴﻦ ﻓﻮﻗﺎ ﻣﻮﻳﺔ ﺗﻠﺞ ..

ﺍﻟﺮﺍﺟﻞ ﺍﺗﺸﺠﻊ .. 

ﻭﻗﺎﻝ ليها :  ﻛﻴﻒ ﺣﺎﻟﻚ ﻳﺎﺳﺖ ﺍﻟﺠﻴﻞ .. ﻭﺍﻥ ﺷﺎﺀ ﺍﻟﻠﻪ ﺍﻟﺒﺮﻛﺔ ﻓﻴﻚ .. ﻭﻓﻲ ﺍﻭﻻﺩﻙ .. ﺍﻧﺎ ﺟﻴﺖ ﻫﻨﺎ ﺍﻟﺒﻴﺖ .. ﻭﻣﺎﻟﻘﻴﺘﻚ ﻭﺡ ﺍﺧﺖ ﻟﻴﻚ ﺍﻻﻣﺎﻧﺔ ﺍﻟﺮﺳﻼ ﻳﻮﺳﻒ ﻣﻊ ﻣﻠﻜﺔ ﻭﻣﺤﺎﺳﻦ .. ﻛﻨﺖ ﺩﺍﻳﺮ ﺍﻻﻗﻴﻚ ﻭﺍﻋﺰﻳﻚ ﺍﻧﺘﻲ ﺑﻌﻴﺪﺓ ﻭﻻﻗﺮﻳﺒﺔ؟ .. 

ﻗﺎﻟﺖ ﻟﻴﻬﻮ : ﺍﻧﺎ ﻓﻲ ﺍﻟﻔﺘﻴﺤﺎﺏ .. ﻭﻋﻨﺪﻱ ﻛﻢ ﻣﺸﻮﺍﺭ ﻛﺪﻱ ﺑﻜﻴﺎﺕ ﻣﺎ ﺑﻜﻴﺘﻦ .. ﺍﺣﺘﻤﺎﻝ ﺍﺗﺄﺧﺮ ﺷﻮﻳﺔ ..

ﻗﺎﻝ ﻟﻴﻬﺎ :  ﺧﻼﺹ ﻣﺎﻓﻲ ﻣﺸﻜﻠﺔ ﺍﺧﺪﻱ ﺭﺍﺣﺘﻚ .. ﺍﻧﺎ ﺑﻤﺸﻲ ﻭﻧﺘﻼﻗﻰ ﻓﻲ ﺳﺎﻋﺔ ﺧﻴﺮ ﺍﻥ ﺷﺎﺀ ﺍﻟﻠﻪ ..

ﻗﻔﻞ ﺍﻟﺘﻠﻔﻮﻥ ﻭﺳﻠﻤﻬﻢ ﺍﻟﻘﺮﻭﺵ ﻭﻃﻠﻊ .. ﺑﻌﺪ ﺭﺑﻊ ﺳﺎﻋﺔ ﺑﺲ ﺳﺘﻮ ﺟﺎﺕ ﺧﺎﺷﺔ ﺍﻟﺒﻴﺖ .. 

ﻣﻠﻜﺔ ﻗﺎﻟﺖ ﻟﻴﻬﺎ : ﺍﻧﺘﻲ ﻣﻮﺵ ﻗﻠﺘﻲ ﻟﻠﺮﺍﺟﻞ ﺍﻧﺎ ﻓﻲ ﺍﻟﻔﺘﻴﺤﺎﺏ ﻳﻌﻨﻲ ﺑﺘﻜﺬﺑﻲ ﻋﻠﻴﻬﻮ ؟ .. ﺍﻧﺘﻲ ﺍﻟﺮﺍﺟﻞ ﺩﻩ ﻣﺸﻜﻠﺘﻚ ﻣﻌﺎﻫﻮ ﺷﻨﻮ ﻳﺎ ﺍﻣﻲ؟؟ .. ﻗﺒﻴﻞ ﻃﻠﻌﺘﻲ ﻋﻠﻰ ﻏﻴﺮ ﻋﺎﺩﺗﻚ .. ﻭﺷﻜﻠﻚ ﻛﻨﺘﻲ ﻣﺴﺘﻌﺠﻠﺔ ﻋﺸﺎﻥ ﺗﻄﻠﻌﻲ ﻣﺎﺗﻼﻗﻴﻬﻮ .. 

ﻗﺎﻟﺖ ﻟﻴﻬﺎ : ﺑﺲ ﺳﺎﻛﺖ ﻛﺪﻱ ﺑﻜﺮﻫﻮ ..

ﻗﺎﻟﺖ ﻟﻴﻬﺎ : ﻭﺍﻟﻠﻪ ﺣﺮﺍﻡ ﻋﻠﻴﻚ ﻳﺎ ﺍﻣﻲ .. ﺍﻧﺘﻲ ﻋﺎﺭﻓﺔ ﺍﻧﻮ ﺩﻩ ﺍﻟﺰﻭﻝ ﺍﻟﺴﺎﻕ ﻳﻮﺳﻒ .. ﻣﻦ ﻫﻨﺎ ﻟﻠﺪﻫﺐ ﻭﻓﺘﺢ ﻟﻴﻬﻮ ﻣﺠﺎﻻﺕ ﺍﻟﺸﻐﻞ ﻫﻨﺎﻙ .. ﻭﺍﻟﻠﻪ ﺭﺍﺟﻞ ﺍﻟﻄﻴﺒﺔ ﻓﻮﻕ ﻭﺷﻮ ﻇﺎﻫﺮﺓ ..

ﻗﺎﻟﺖ ﻟﻴﻬﺎ :  ﻳﺎﻣﻠﻜﺔ ﻋﻠﻴﻚ ﺍﻟﻠﻪ ﺍﻧﺎ ﻣﺎﻓﺎﺿﻴﺔ ﻟﻴﻚ .. ﻭﻣﺮﻗﺖ ﻣﺸﺖ ﻋﻠﻰ ﺍﻟﻤﻄﺒﺦ ..

 ﻣﺤﺎﺳﻦ ﺟﺎﺗﻬﺎ ﻗﺎﻟﺖ ﻟﻴﻬﺎ : ﻃﺒﻌﺎ" ﺍﻟﻠﻴﻠﺔ ﺍﻧﺎ ﺷﻔﺖ ﺍﻟﺤﺮﺍﻣﻲ .. ﻗﺎﻟﺖ ﻟﻴﻬﺎ : ﻳﺎﺗﻮ ﺣﺮﺍﻣﻲ؟ ..

ﻗﺎﻟﺖ ﻟﻴﻬﺎ : ﺍﻟﺤﺮﺍﻣﻲ ﺍﻟﺴﺮﻕ ﻗﻠﺐ ﺳﺘﻮ ..

 ﻗﺎﻟﺖ ﻟﻴﻬﺎ : ﻋﻠﻴﻚ ﺍﻟﻠﻪ ﻳﺎﻣﺤﺎﺳﻦ ﺧﻠﻴﻨﻲ ﻣﻦ ﺣﺮﺍﻛﺎﺕ ﺍﻟﺸﻔﻊ ﺩﻱ ..

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎﺳﺘﻮ ﺍﻧﺎ ﻣﺎ ﻗﺎﻳﻼﻫﻮ ﻛﺪﻯ .. ﺍﻟﺮﺍﺟﻞ ﻣﺎﺷﺎﺀ ﺍﻟﻠﻪ ﻫﻴﺒﺔ ﻭﻭﻗﺎﺭ .. ﻭﻃﻴﺒﺔ ﻭﺍﺑﺘﺴﺎﻣﺔ .. ﻭﻛﺖ ﻳﺒﺴﻢ ﻛﺪﻱ ﺗﺤﺴﻲ ﺑﺎﻟﺪﻧﻴﺎ ﺩﻱ ﻛﻠﻬﺎ ﺑﺘﺮﻗﺺ ﺟﻤﺎﻳﻜﺎ ..

ﻋﻠﻴﻚ ﺍﻟﻠﻪ ﻫﺴﻲ ﺩﻩ ﺭﺍﺟﻞ ﺑﺘﻌﺎﻣﻠﻮ ﻣﻌﺎﻫﻮ ﻛﺪﻱ ؟

ﻗﺎﻟﺖ ﻟﻴﻬﺎ : ﻣﺤﺎﺳﻦ .. ﺍﻧﺎ ﻭﺍﻟﻠﻪ ﻫﺎﻣﺔ ﻣﻦ ﺣﺎﺟﺔ ﻭﺍﺣﺪﺓ .. ﺍﻟﺰﻭﻝ ﺩﻩ ﻣﺎﻛﺎﻥ ﺗﺘﺼﻠﻮ ﻋﻠﻲ ﻣﻦ ﺗﻠﻔﻮﻧﻮ .. ﻫﺴﻲ ﻟﻮ ﻗﺎﻡ ﺣﻔﻆ ﺭﻗﻤﻲ .. ﻭﺑﻘﻰ ﻳﺘﺼﻞ ﻋﻠﻲ ..

ﻗﺎﻟﺖ ﻟﻴﻬﺎ : ﻣﺎﻟﻮ ﻣﺎﻳﺘﺼﻞ .. ﺩﺍﻳﺮ ﻳﺠﺒﺮﻙ ﻋﻠﻰ ﺣﺎﺟﺔ ﺍﻧﺘﻲ ﻣﺎﻋﺎﻳﺰﺍﻫﺎ؟ ..

ﺍﻟﻤﻬﻢ ﺳﺘﻮ ﺍﺧﺘﺼﺮﺕ ﻣﺤﺎﺳﻦ ﻓﻲ ﺍﻟﻜﻼﻡ ..

ﻟﻜﻦ ﺍﻟﺤﻘﻴﻘﺔ ﺍﻟﺠﻮﺍﻫﺎ ﻏﻴﺮ ﺍﻟﻜﻼﻡ ﺍﻟﺒﺘﻘﻮﻝ ﻓﻴﻬﻮ ﺑﻲ ﺑﺮﺓ .. ﻭﺍﻟﻴﻮﻡ ﺩﻩ ﻛﻠﻮ ﻓﻜﺮﻫﺎ ﻛﺎﻥ ﺷﻐﺎﻝ ﻓﻲ ﺍﻟﻤﻮﺿﻮﻉ ﺩﻩ .. ﻭﻗﺪﺭ ﻣﺎﺗﺤﺎﻭﻝ ﺗﺘﻨﺎﺳﻰ ﺍﻟﻤﻮﺿﻮﻉ ﻳﺸﺒﻚ ﻟﻴﻬﺎ ﻣﺮﺓ ﺗﺎﻧﻴﻪ ..

ﺍﻟﻤﻬﻢ ﺍﻟﻴﻮﻡ ﺩﻩ ﺍﻧﺘﻬﻰ .. ﻭﺑﺎﻟﻠﻴﻞ ﻛﺎﻧﻮ ﺑﺘﻮﻧﺴﻮ ﻓﻲ ﻣﻮﺍﺿﻴﻊ ﻣﺨﺘﻠﻔﺔ

ﺳﺘﻮ ﻗﺎﻟﺖ ﻟﻴﻬﺎ :  ﻳﺎﻣﺤﺎﺳﻦ ﻭﺍﻟﻠﻪ ﻓﻲ ﻣﺸﺮﻭﻉ ﻟﻮ ﻧﺠﺢ ﻣﻌﺎﻧﺎ  ﺍﻧﺎ ﻭﺍﻧﺘﻲ ﺑﻨﺮﺗﺎﺡ ..

ﻗﺎﻟﺖ ﻟﻴﻬﺎ : ﺍﻫﺎ ﺍﺣﻜﻲ ..

 ﻗﺎﻟﺖ ﻟﻴﻬﺎ : ﻃﺒﻌﺎ" ﺍﻧﺎ ﻗﺒﻴﻞ ﻣﺸﻴﺖ ﻟﻲ ﻋﻠﻲ ﺑﺘﺎﻉ ﺍﻟﺒﻘﺎﻟﺔ ﺍﻟﻘﺪﺍﻡ ﺩﻩ .. ﻗﻠﺖ ﻟﻴﻬﻮ : ﺍﻧﺎ ﻋﺎﻳﺰ ﺍﻋﻤﻞ ﻟﻴﻜﻢ ﺣﺎﺟﺎﺕ ﺯﻳﺎﺩﺓ .. ﻃﻌﻤﻴﺔ .. ﻛﻴﻚ .. ﺯﺑﺎﺩﻱ ﺑﺎﻟﺠﺮﺩﻝ .. ﺭﺍﻳﻚ ﺷﻨﻮ؟

ﻗﺎﻝ ﻟﻲ : ﻭﺍﻟﻠﻪ ﺍﻧﺘﻲ ﺍﻱ ﺷﻲ ﺗﻌﻤﻠﻴﻬﻮ ﻟﻴﻬﻮ ﻃﻌﻢ ﻭﻣﺬﺍﻕ ﺧﺎﺹ .. ﻫﺴﻲ ﻛﺴﺮﺗﻚ ﺑﺲ ﺍﻟﻤﺎﺷﺔ .. ﻭﺍﻏﻠﺒﻴﺔ ﺍﻟﺤﺮﻳﻢ ﺍﻟﻜﺎﻧﻦ ﺑﺠﻴﺒﻦ ﻛﺴﺮﺓ ﻣﻌﺎﻙ .. ﺷﻐﻠﻬﻦ ﻭﻗﻒ .. ﻟﻜﻦ ﺍﻧﺎ ﻋﻨﺪﻱ ﻟﻴﻚ ﺷﻐﻞ ﻟﻮ ﺑﺘﻘﺪﺭﻱ ﻋﻠﻴﻬﻮ .. ﻣﺎﻓﻲ ﺯﻭﻝ ﺑﻘﺪﺭ ﻳﻨﺎﻓﺴﻚ ..

ﻗﻠﺖ ﻟﻴﻬﻮ : ﺷﻨﻮ ﻫﻮ ﺍﻟﺸﻐﻞ؟ ..

 ﻗﺎﻝ ﻟﻲ : ﻋﻨﺪﻱ ﺯﻭﻝ ﺍﺧﻮﻱ ﺷﺪﻳﺪ ﺑﺘﺎﻉ ﻣﻨﺎﺳﺒﺎﺕ .. ﺍﺳﻤﻮ ﺣﺴﻦ ﻣﻤﻜﻦ ﺗﺸﺘﻐﻠﻲ ﺷﻐﻞ ﺍﻟﻤﻨﺎﺳﺒﺎﺕ .. ﻭﺍﻟﻠﻪ ﻓﻴﻬﻮ ﻗﺮﻭﺵ ﺯﻱ ﺍﻟﺘﺮﺍﺏ .. ﻛﺎﻧﺖ ﻣﺎﺳﻜﺎﻫﻮ ﻟﻴﻬﻮ ﻭﺍﺣﺪﺓ .. ﻭﺍﺭﺗﺎﺣﺖ ﻭﻫﺴﻲ ﺑﻘﺖ ﺗﺴﺎﻓﺮ ﺩﺑﻲ ﻭﻣﺎﻓﺎﺿﻴﺔ ..

ﺭﺍﻳﻚ ﺷﻨﻮ ﺍﻛﻠﻤﻮ ﻟﻴﻚ؟ .. ﻭﺍﻧﺎ ﻭﺍﻟﻠﻪ ﺩﻩ ﺍﻟﻤﺸﺮﻭﻉ ﺍﻟﻜﻨﺖ ﺑﺤﻠﻢ ﺑﻴﻬﻮ ﻓﻲ ﺣﻴﺎﺗﻲ ﻳﺎﻣﺤﺎﺳﻦ .. ﻟﻜﻦ ﺑﺲ ﻣﺤﺘﺎﺝ ﻟﻲ ﻋﺪﺓ .. ﻭﻣﺎﻋﺎﺭﻓﺔ ﺍﻟﻘﺮﻭﺵ ﺍﻟﺮﺳﻼ ﻳﻮﺳﻒ ﺩﻱ .. ﺗﻜﻔﻲ ﺗﺸﺘﺮﻱ ﻟﻴﻨﺎ ﺍﻟﻌﺪﺓ ﻭﻻﻻ .. ﺩﺍﻳﺮﻳﻦ ﺣﻠﻞ ﻛﺒﺎﺭ ﻭﺻﺎﺟﺎﺕ ﻭﻛﻮﺍﻧﻴﻦ ﻭﻛﺪﺍ ..

ﻣﺤﺎﺳﻦ ﻗﺎﻟﺖ ﻟﻴﻬﺎ :  ﻛﻴﻒ ﺍﻟﺸﻐﻞ ﺩﻩ؟؟ ﻣﺎ ﻓﺎﻫﻤﺎﻫﻮ ..

 ﻗﺎﻟﺖ ﻟﻴﻬﺎ : ﻣﺜﻼ" ﻳﻜﻮﻧﻮ ﻧﺎﺱ ﺍﻟﻌﺮﺱ ﺩﺍﻳﺮﻳﻦ ﻳﻮﺩﻭ ﻓﻄﻮﺭ ﺍﻟﻌﺮﻳﺲ .. ﻳﺠﻮ ﻳﺘﻔﻘﻮ ﻣﻌﺎﻱ .. ﻭﺍﺧﺪ ﻣﻨﻬﻢ ﻧﺺ ﺍﻟﻤﺒﻠﻎ ﻣﺜﻼ"  ﺍﻇﺒﻄﻮ ﻟﻴﻬﻢ ﻛﻞ ﺍﻻﺻﻨﺎﻑ ﺍﻟﺪﺍﻳﺮﻧﻬﺎ ﻭ ﻳﺠﻮ يستلمو ﻣﻨﻲ ﻳﻮﺩﻭﻫﻮ .. ﻧﺎﺱ ﺩﺍﻳﺮﻳﻦ ﻏﺪﺍ ﻛﻮﻛﺘﻴﻞ .. ﻳﻮﺭﻭﻧﻲ ﻋﺪﺩ ﺍﻟﺼﺤﺎﻧﺔ ﺍﻟﺪﺍﻳﺮﻧﻬﺎ .. ﻭﻛﺪﺍ .. ﻭﺍﻧﺎ ﺍﺟﻬﺰﻫﺎ ﻟﻴﻬﻢ ﻳﺠﻮ ﺑﻲ ﻋﺮﺑﻴﺘﻬﻢ ﻳﺸﻴﻠﻮﻫﺎ ﻣﻘﺼﻄﺮﺓ .. ﺍﻫﺎ ﺭﺍﻳﻚ ﺷﻨﻮ؟

ﻗﺎﻟﺖ ﻟﻴﻬﺎ : ﻭﺍﻟﻠﻪ ﻟﻜﻦ ﺩﻩ ﺷﻐﻞ ﻛﺒﻴﺮ .. ﻭﺑﺮﺍﻙ ﻣﺎﺑﺘﻘﺪﺭﻱ ﻋﻠﻴﻬﻮ ..

 ﻗﺎﻟﺖ ﻟﻴﻬﺎ : ﻧﺤﻦ ﺍﻻﺗﻨﻴﻦ ﻭﻧﺠﻴﺐ ﻣﻌﺎﻧﺎ ﻭﺍﺣﺪﺓ ﺑﻲ ﺣﻘﻬﺎ ..

ﻳﺎ ﻣﺤﺎﺳﻦ ﻧﺤﻦ ﺍﺻﻼ" ﻣﺎﻧﺴﺘﺴﻠﻢ ﻟﻠﻈﺮﻭﻑ .. ﻭﻧﻘﻌﺪ ﻣﺮﺑﻌﻴﻦ ﻳﺪﻳﻨﺎ ﺯﻱ ﺍﻟﻔﺎﺷﻠﻴﻦ .. ﺍﻟﺤﻴﺎﺓ ﺩﺍﻳﺮﺓ ﻣﻜﺎﺑﺴﺔ .. ﻣﺎﻧﻲ ﻣﻜﺠﻨﺔ ﻓﻲ ﺣﻴﺎﺗﻲ ﺩﻱ ﻏﻴﺮ ﺍﻟﻜﺴﻞ ﻭﺍﻟﺨﻮﻑ .. ﻭﻟﻴﺪﺍﺗﻨﺎ ﻣﺤﺘﺎﺟﻴﻦ ﻟﻴﻨﺎ  ﻭﻳﻮﺳﻒ ﻭﻟﺪﻱ ﺍﻟﺸﻐﻞ ﺍﻟﺸﻐﺎﻝ ﻓﻴﻬﻮ ﺩﻩ ﺷﻐﻞ ﺣﻈﻮﻅ .. ﻭﺣﺎﺟﺔ ﻣﺎﻣﻀﻤﻮﻧﺔ .. ﻻﺯﻡ ﻧﺤﻦ ﻧﺴﺘﻌﻴﻦ ﺑﻲ ﺍﻟﻠﻪ .. ﻭﻧﺄﻣﻦ ﻭﺿﻌﻨﺎ .. ﻋﺸﺎﻥ ﻣﺎﻧﺤﺘﺎﺝ ﻟﺰﻭﻝ .. ﺍﻟﺪﻧﻴﺎ ﻣﻲ ﻣﻌﺮﻭﻓﺔ ﻳﺎ ﻣﺤﺎﺳﻦ ..

ﻣﺤﺎﺳﻦ ﻗﺎﻟﺖ ﻟﻴﻬﺎ :  ﻭﺍﻟﻠﻪ ﺑﺲ .. ﺍﻧﺎ ﺧﺎﻳﻔﺔ ﻟﻴﻚ ﻣﻦ ﺍﻟﺨﺴﺎﺭﺍﺕ .. ﺗﻤﺸﻲ ﺗﺸﺘﺮﻱ ﺍﻟﻌﺪﺓ ﺑﻲ ﻣﺒﻠﻎ ﻭﻗﺪﺭﻭ .. ﻭﺍﻟﺸﻐﻞ ﺑﻌﺪﻳﻦ ﻣﺎﻳﻐﻄﻲ ﻣﻌﺎﻧﺎ .. 

ﻗﺎﻟﺖ ﻟﻴﻬﺎ ‏: ( ﺍﻟﺰﻭﻝ ﺍﻟﺒﺨﺎﻑ ﻣﻦ ﺍﻟﺨﺴﺎﺭﺓ ﻋﻤﺮﻭ ﻣﺎﺑﺮﺑﺢ ‏) ..

ﻫﻮ ﺍﻟﺰﻭﻝ ﻟﻮ ﻣﺎﺧﺴﺮ ﻓﻲ ﺣﻴﺎﺗﻮ .. ﺑﻀﻮﻕ ﻃﻌﻢ ﺍﻟﺮﺑﺢ ﻛﻴﻔﻦ؟ ﺍﻧﺎ ﺍﺗﻮﻛﻠﺖ ﻋﻠﻲ ﺍﻟﻠﻪ .. ﻗﺒﻠﺖ ﺍﻟﺸﻐﻞ ﻭﺑﺎﻛﺮ ﺑﻤﺸﻲ ﻟﻲ ﺣﺴﻦ ﺍﻟﻘﺎﻟﻮﻫﻮ ﺩﻩ ﻭﺍﺗﻔﻖ ﻣﻌﺎﻫﻮ .. ﺗﺼﺒﺤﻲ ﻋﻠﻲ ﺧﻴﺮ ..

ﺑﺎﻛﺮ ﺍﻟﺼﺒﺎﺡ ﻓﻲ ﺯﻭﻝ ﺩﻕ ﺍﻟﺒﺎﺏ .. ﻃﺒﻌﺎ" ﺳﺘﻮ ﻣﺎ ﻣﺘﻮﻗﻌﺔ ﺍﺑﺪﺍ" ﺍﻟﻔﻲ ﺍﻟﺒﺎﺏ ﺩﻩ ﻣﻨﻮ ؟ ﻣﺸﺖ ﻓﺘﺤﺖ ﺍﻟﺒﺎﺏ .. ﻟﻘﺘﻮ ﺩﻩ ﺻﺪﻳﻖ ﻭﺩ ﺍﻟﺴﻴﺪ .. ﻟﻤﻦ ﺷﺎﻓﺘﻮ ﺭﺣﺒﺖ ﺑﻴﻬﻮ ﻛﻮﻳﺲ .. ﺑﺎﻟﺮﻏﻢ ﻣﻦ ﺍﻧﻬﺎ ﻟﻤﻦ ﻓﺘﺤﺖ ﺍﻟﺒﺎﺏ ﻣﺎﻛﺎﻧﺖ ﻻﺑﺴﺔ ﺗﻮﺑﻬﺎ .. ﺍﺻﻼ" ﻣﺎﺧﺠﻠﺖ ﻣﻨﻮ .. ﻭﻻ ﺍﺳﺘﺤﺖ ..

ﺳﻠﻤﺖ ﻋﻠﻴﻬﻮ .. 

ﻗﺎﻟﺖ ﻟﻴﻬﻮ : ﺍﺗﻔﻀﻞ .. ﻭﺩﺧﻞ ﺟﻮﺓ .. ﻭﺟﺎﺑﺖ ﻟﻴﻬﻮ ﺍﻻﻛﺮﻡ ﻭﻗﻌﺪﺕ ﻣﻌﺎﻫﻮ .. ﻫﻮ ﺑﺘﻜﻠﻢ ﻭﻫﻲ ﺑﺘﻌﺎﻳﻦ ﻟﻴﻬﻮ ﺗﺘﺒﺴﻢ .. ﻭﻣﻌﺠﺒﺔ ﺑﻴﻬﻮ ﺟﺪﺍ" ..

ﻗﺎﻝ ﻟﻴﻬﺎ : ﻭﺍﻟﻠﻪ ﻳﺎ ﺳﺖ ﺍﻟﺠﻴﻞ .. ﻃﺒﻌﺎ" ﺍﻧﺘﻲ ﻋﺎﺭﻓﺔ ﺍﻧﻚ ﺍﻧﺘﻲ ﺧﻴﺎﺭﻱ ﺍﻻﻭﻝ ﻗﺒﻞ ﻣﺮﺗﻲ .. ﻭﻟﻴﻚ ﺍﻟﺤﻖ ﻓﻲ ﺣﻴﺎﺗﻲ ﺍﻛﺘﺮ ﻣﻨﻬﺎ  ﻭﺍﻧﺎ ﺑﺮﺿﻮ ﻛﻨﺖ ﺧﻴﺎﺭﻙ ﺍﻻﻭﻝ ﻗﺒﻞ ﺍﻟﺨﻴﺮ .. ﺍﻟﻠﻪ ﻳﺮﺣﻤﻮ .. ﻭﻟﻲ ﺍﻟﺤﻖ ﻓﻴﻚ ﻣﻦ ﻗﺒﻠﻮ ﻟﻜﻦ ﺍﻟﻘﺴﻤﺔ ﻭﻗﻔﺖ ﺿﺪﻧﺎ .. ﺭﺿﻴﻨﺎ ﺑﺎﻟﻤﻘﺴﻮﻡ .. ﻣﺎﺩﺍﻡ ﺭﺑﻨﺎ ﺳﺒﺤﺎﻧﻪ ﻭﺗﻌﺎﻟﻰ .. ﺍﺧﺘﺎﺭ ﺍﻟﺨﻴﺮ ﻟﺠﻮﺍﺭﻩ .. ﺍﻧﺎ ﺑﻌﺘﺒﺮ ﺍﻧﻮ ﺭﺑﻨﺎ ﺍﺩﺍﻧﺎ ﻓﺮﺻﺔ ﻧﻌﻴﺶ ﺣﻴﺎﺗﻨﺎ ﺍﻟﻜﻨﺎ ﺑﻨﺘﻤﻨﺎﻫﺎ .. ﺣﺘﻰ ﻟﻮ ﺑﻌﺪ ﺍﻟﺴﻨﻴﻦ ﺩﻱ ﻛﻠﻬﺎ .. ﻳﺎﺳﺖ ﺍﻟﺠﻴﻞ ﺍﻟﺤﺐ ﻣﺎﺑﺸﻴﺦ ﻭﻻ ﺑﻜﺒﺮ .. ﺍﻟﺤﺐ ﺯﻱ ﺍﻟﺮﻭﺡ ..

ﻗﺎﻟﺖ ﻟﻴﻬﻮ : ﻟﻜﻦ ﻳﺎ ﺍﻟﺼﺪﻳﻖ .. ﻭﻟﻴﺪﺍﺗﻲ ﻣﺎﺑﻘﺒﻠﻮ .. ﻭﺯﻭﺟﺘﻚ ﻣﺎﺑﺘﻘﺒﻞ .. ﺍﻟﻀﺮ ﻣﺎ ﺑﺘﻘﺒﻞ .. 

ﻗﺎﻝ ﻟﻴﻬﺎ : ﻣﺮﺍﺗﻲ ﺷﺎﻭﺭﺗﻬﺎ ﻭﻣﻮﺍﻓﻘﺔ .. ﻭﻛﻠﻤﺖ ﻳﻮﺳﻒ .. 

ﻗﺎﻝ ﻟﻲ : ﻟﻮ ﺍﻣﻲ ﻭﺍﻓﻘﺖ ﺩﻩ .. ﻳﻮﻡ ﺍﻟﺴﻌﺪ ﻭﺍﻟﺴﻌﺎﺩﺓ .. ﻳﻌﻨﻲ ﺍﻧﺎ ﻟﻤﻦ ﺟﻴﺘﻚ ﺟﻴﺖ ﻭﺍﻣﻮﺭﻱ ﻛﻠﻬﺎ ﻭﺍﺿﺤﺔ ..

ﻗﺎﻟﺖ ﻟﻴﻬﻮ : ﻛﺎﻥ ﻛﺪﻱ .. ﺍﻧﺎ ﺫﺍﺗﻲ ﻣﺎﻋﻨﺪﻱ ﻣﺎﻧﻊ ﻭﺍﻟﻠﻪ .. ﺑﺲ ﺍﺩﻳﻨﻲ ﻓﺮﺻﺔ ﺍﺷﺎﻭﺭ ﺍﻟﻤﻠﻜﺔ ..

 ﻗﺎﻝ ﻟﻴﻬﺎ : ﻟﻮﺍﻟﻤﻠﻜﺔ ﻭﺍﻓﻘﺖ ﺍﻧﺎ ﻣﺎﺑﺴﺎﻓﺮ ﺍﻻ ﺍﻋﻘﺪ ﻋﻠﻴﻚ ..

ﻭﺑﻌﺪ ﺍﻟﻌﻘﺪ ﺍﻣﺸﻲ ﺍﺟﻴﺐ ﻳﻮﺳﻒ ﻭﺍﺟﻲ ﺍﺗﻢ ﺍﻟﻌﺮﺱ .. ﺭﺍﻳﻚ ﺷﻨﻮ ؟ 

ﻗﺎﻟﺖ ﻟﻴﻬﻮ : ﻭﺍﻟﻠﻪ ﺩﻩ ﻣﻨﺎﻱ ﻳﺎ ﺍﻟﺼﺪﻳﻖ ..

ﻗﺎﻣﺖ ﻣﺸﺖ ﺷﺎﻭﺭﺕ ﺍﻟﻤﻠﻜﺔ .. 

ﺍﻟﻤﻠﻜﺔ ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎ ﺍﻣﻲ ﻃﺒﻌﺎ" ﻣﻦ ﺣﻘﻚ ﺗﻌﻴﺸﻲ ﺣﻴﺎﺗﻚ .. ﻟﻮ ﻳﻮﺳﻒ ﺍﺧﻮﻱ ﻣﻮﺍﻓﻖ ﺍﻧﺎ ﻣﻮﺍﻓﻘﺔ .. 

ﻗﺎﻟﺖ ﻟﻴﻬﺎ : ﻳﻮﺳﻒ ﻫﻮ ﺍﻟﺮﺳﻠﻮ .. 

ﻗﺎﻟﺖ ﻟﻴﻬﺎ  : ﺧﻼﺹ ﻳﺎ ﺍﻣﻲ ﻋﻠﻰ ﺑﺮﻛﺔ ﺍﻟﻠﻪ ..

ﻗﺎﻟﺖ ﻟﻴﻬﻮ : ﺍﻟﻤﻠﻜﺔ ﻭﺍﻓﻘﺖ ..

 ﻗﺎﻝ ﻟﻴﻬﺎ : ﺧﻼﺹ ﺑﺎﻛﺮ ﺍﻟﻌﺼﺮ ﺭﺳﻠﻲ ﻟﻲ ﺍﻱ ﺯﻭﻝ ﻣﻦ ﺍﻫﻠﻚ ﻳﻜﻮﻥ ﻟﻚ ﻭﻛﻴﻞ .. ﻭﻧﺠﻲ ﻧﻌﻘﺪ ﻓﻲ ﺍﻟﺠﺎﻣﻊ ﺍﻟﺠﻨﺒﻜﻢ ﺩﻩ .. ﺑﺎﻛﺮ ﺍﻟﺼﺒﺎﺡ ﺑﺪﺭﻱ ﺿﺮﺑﺖ ﻟﻲ ﺍﻭﻻﺩ ﺧﺎﻟﻬﺎ ﻭﺍﻗﺮﺑﺎﻫﺎ .. ﻭﻛﻠﻤﺘﻬﻢ ﻭﺟﻮ .ﻛﻠﻬﻢ ﺍﻟﻌﺼﺮ ﻭﻋﻘﺪﻭ ﻟﻴﻬﺎ ﻋﻠﻰ ﺍﻟﺼﺪﻳﻖ ..

ﻭﻓﺮﺣﺖ ﻓﺮﺣﺔ ﻣﺎﺑﻌﺪﻫﺎ ﻓﺮﺣﺔ ﻓﺮﺣﺔ .. ﻭﺻﺪﻳﻖ ﺳﺎﻓﺮ .. ﻭﺳﺘﻮ ﺑﻘﺖ ﺗﺤﺴﺐ ﻓﻲ ﺍﻻﻳﺎﻡ ﻋﺸﺎﻥ ﻳﺠﻴﻬﺎ ﺭﺍﺟﻊ .. ﻓﺠﺄﺓ ﻛﺪﺍ ﻳﻮﺳﻒ ﺟﺎ ﻳﻮﻡ ﻻ ﺧﺒﺮ ﻭﻻ ﺍﻋﻼﻥ .. ﻭﺿﺮﺏ ﺍﻟﺒﺎﺏ ﺑﻲ ﺭﺟﻠﻪ ﻭﻫﺎﻳﺞ ﻭﻳﻜﻮﺭﻙ .. ﻭﻗﺎﻝ ﻟﻲ ﺍﻣﻮ ﺍﻧﺘﻲ ﻻ ﺍﻣﻲ ﻭﻻ ﺍﻧﺎ ﺑﻌﺮﻓﻚ .. ﺍﺑﻮﻱ ﺍﺗﻮﻓﻰ ﻻﻫﺴﻲ ﻣﺎﺗﻢ ﻟﻴﻬﻮ ﺍﺭﺑﻌﺔ ﺷﻬﻮﺭ .. ﺗﻌﺮﺳﻲ؟؟ ﻳﺎﻣﺮﺍﺓ ﻳﺎ ﺧﻔﻴﻔﺔ ﻳﺎ ﻣﺎﻋﻨﺪﻙ ﻣﺦ .. ﺍﻧﺎ ﻭﺍﻟﻠﻪ ﺗﺎﻧﻲ ﻭﺷﻲ ﺩﺍ ﻣﺎﺗﺸﻮﻓﻴﻬﻮ .. ﻗﺎﻟﺖ ﻟﻴﻬﻮ ﺑﺲ ﺩﻗﻴﻘﺔ ﺍﺩﻳﻨﻲ ﻓﺮﺻﺔ ﺍﻭﺿﺢ ﻟﻴﻚ ..

ﻗﺎﻝ ﻟﻴﻬﺎ : ﺗﻮﺿﺤﻲ ﻟﻲ ﺷﻨﻮ؟ ﺍﻟﺼﺪﻳﻖ ﻋﻘﺪ ﻋﻠﻴﻚ ﺑﺮﺿﺎﻙ ﻭﻻﻻ؟ 

ﻗﺎﻟﺖ ﻟﻴﻬﻮ :  ﻓﻌﻼ" .. ﺣﺼﻞ ﻟﻜﻦ ..  ﺍﺻﺒﺮ ﺍﻛﻤﻞ ﻟﻴﻚ ﺍﻟﻜﻼﻡ ..

ﻗﺎﻝ ﻟﻴﻬﺎ : ﺗﺎﻧﻲ ﻣﺎﺩﺍﻳﺮ ﻣﻨﻚ ﻭﻻ ﻛﻠﻤﺔ .. ﻛﻔﺎﻳﺔ ﺍﻟﻔﻀﻴﺤﺔ ﺍﻟﻌﻤﻠﺘﻴﻬﺎ ﻟﻲ ﻭﺳﻂ ﺍﻟﻨﺎﺱ ..

ﻣﻠﻜﺔ ﻗﺎﻟﺖ ﻟﻴﻬﻮ : ﺍﻧﺖ ﻣﺎﺷﻲ ﻭﻳﻦ ﻳﺎ ﻳﻮﺳﻒ ؟ 

ﻗﺎﻝ ﻟﻴﻬﺎ : ﺍﻧﺎ ﻭﺍﻟﻠﻪ ﺗﺎﻧﻲ ﺍﻟﻤﺮﺍﺓ ﺩﻱ ﻭﺷﻲ ﻣﺎﺗﺸﻮﻓﻮ ..

 ﻣﻠﻜﺔ ﻗﺎﻟﺖ ﻟﻴﻬﻮ :  ﺍﻧﺎ ﺫﺍﺗﻲ ﺩﻱ ﻣﺎ ﺍﻣﻲ ﺩﻱ ﻛﺬﺍﺑﺔ ﻭﻣﻨﺎﻓﻘﺔ ﺳﻮﻗﻨﻲ ﻣﻌﺎﻙ .. ﺳﻮﻗﻨﻲ ﻣﻌﺎﻙ ﻳﺎﻳﻮﺳﻒ .. ﻣﺤﻞ ﻣﺎ ﻣﺎﺷﻲ  ﺍﻧﺎ ﻫﻨﺎ ﺑﻤﻮﺕ ﺍﻟﻤﺮﺍﺓ ﺩﻱ ﺑﺘﻜﺘﻠﻨﻲ ..

ﻳﻮﺳﻒ ﺳﺎﻕ ﺍﺧﺘﻮ .. ﻭﻣﺮﻗﻮ ﻣﻦ ﺍﻟﻴﺖ .. ﻭﺳﺘﻮ ﺩﺍﻳﺮﺓ ﺗﻤﻮﺕ ﻣﻦ ﺍﻟﺒﻜﺎ .. ﻓﺠﺄﺓ ﺻﺤﺖ من ﺍﻟﻨﻮﻡ .. ﻟﻘﺖ ﻧﻔﺴﻬﺎ ﺑﺘﺒﻜﻲ .. ﻭﺗﺮﺟﻒ ﻭﺍﻟﻜﻼﻡ ﺩﻩ ﻛﻠﻮ ﻛﺎﻥ ﺣﻠﻢ ..

ﺑﻘﺖ ﺗﻘﻮﻝ : ﺍﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ .. ﻳﺎﺭﺑﻲ ﻻﺗﺒﻠﻴﻨﺎ ﻭﻻﺗﺼﻴﺒﻨﺎ ﻭﻻﺗﻔﺮﻗﻨﺎ ﻳﺎﺭﺏ .. ﻭﺗﻘﺮﺍ ﻓﻲ ﺍﻳﺔ ﺍﻟﻜﺮﺳﻲ ..

ﻭﺗﺎﻧﻲ ﺍﻟﻨﻮﻡ ﻣﺎﺟﺎﻫﺎ ﻧﻬﺎﺋﻲ .. ﻻﻣﻦ ﺻﺒﺤﺖ ﻭﺍﻃﺎﺕ ﺍﻟﻠﻪ .. ﻭﺑﻘﺖ ﺗﻘﻮﻝ ﺍﻟﺤﻤﺪ ﻟﻠﻪ ﺍﻧﻲ ﻣﺎﻗﺎﺑﻠﺘﻚ ﻳﺎ ﺍﻟﺼﺪﻳﻖ ﻭﺩ ﺍﻟﺴﻴﺪ ..

ﺑﺲ ﺍﻟﺮﺍﺟﻞ ﺩﻩ ﺗﺎﻧﻲ ﻟﻮ ﺿﺮﺏ ﻟﻲ ﺗﻠﻔﻮﻥ ﺑﻜﻠﻤﻮ ﻋﺪﻳﻞ ﺍﻗﻮﻝ ﻟﻴﻬﻮ ﺷﻴﻠﻨﻲ ﻣﻦ ﺭﺍﺳﻚ .. ﻭﻟﻮ ﺳﻤﺤﺖ ﺍﻣﺴﺢ ﺭﻗﻤﻲ ﺩﻩ ﻣﻦ ﺗﻠﻔﻮﻧﻚ .. ﺍﻧﺎ ﻣﺎﻓﺎﺿﻴﺔ ﻟﻲ ﻣﺸﺎﻛﻞ ﻭﺍﻧﺎ ﻣﺎ ﺍﻟﻤﺮﺍﺓ ﺍﻟﺒﺪﻣﺮ ﺣﻴﺎﺗﻲ ﺑﻲ ﻳﺪﻱ ..

ﻓﻲ ﺍﻟﺤﻘﻴﻘﺔ ﻃﺒﻌﺎ" ﺍﻟﺼﺪﻳﻖ ﺗﺎﻧﻲ ﻳﻮﻡ ﺍﺻﻼ" ﺳﺎﻓﺮ .. ﻣﻦ ﺳﻠﻢ ﺍﻻﻣﺎﻧﺔ ﺭﺟﻊ ﺟﺒﺮﺓ .. ﻭﺍﻟﺼﺒﺎﺡ ﺟﺎ ﺷﺎﻝ ﻗﺮﻭﺷﻮ .. ﻭﻭﺭﺩﻫﻦ ﻓﻲ ﺣﺴﺎﺑﻮ ﻭﺳﺎﻓﺮ ﻣﺸﻰ ﺍﻟﺸﻤﺎﻟﻴﺔ ..

ﻟﻜﻦ ﻭﺻﻞ ﻫﻨﺎﻙ ..

 ﺣﻜﻲ ﻟﻲ ﻳﻮﺳﻒ ﻭﻗﺎﻝ ﻟﻴﻬﻮ :  و ﺻﻠﺖ ﻟﻴﻚ ﺍﻻﻣﺎﻧﺔ ﻟﻐﺎﻳﺔ ﺍﻟﺒﻴﺖ .. ﺑﺲ ﻣﺎﻟﻘﻴﺖ ﺍﻟﻮﺍﻟﺪﺓ ﻛﺎﻧﺖ ﻣﺎﻓﻲ .. ﻟﻘﻴﺖ ﻣﻠﻜﺔ ﺍﺧﺘﻚ ﻣﺎﺷﺎﺀ ﺍﻟﻠﻪ .. ﻭﻣﻌﺎﻫﻢ ﻭﺍﺣﺪﺓ ﻣﻦ ﺍﻟﺠﻴﺮﺍﻥ ﺍﺳﻤﻬﺎ ﻣﺤﺎﺳﻦ .. ﺑﻲ ﻭﻟﻴﺪﺍﺗﻬﺎ .. ﺣﺎﺭﺳﺔ ﻟﻲ ﺍﻣﻚ ﺍﻟﺒﻴﺖ .. ﻭﺍﻛﺮﻣﺘﻨﻲ ﻭﺍﻟﻠﻪ ﺯﻱ ﺍﻟﻜﺎﻧﻬﺎ ﺳﺖ ﺍﻟﺒﻴﺖ ..

ﻗﺎﻝ ﻟﻴﻬﻮ : ﺍﻟﻐﺮﻳﺒﺔ ﺍﻧﻮ ﺍﻧﺎ ﻛﻠﻤﺖ ﺍﻣﻲ .. ﻗﻠﺖ ﻟﻴﻬﺎ : ﻋﻢ ﺍﻟﺼﺪﻳﻖ ﺑﺠﻲ ﺍﻻﺣﺪ ﺍﻭ ﺍﻻﺗﻨﻴﻦ ..

ﻗﺎﻝ ﻟﻴﻬﻮ : ﺑﺘﻜﻮﻥ ﻇﺮﻭﻑ ﻳﺎ ﻳﻮﺳﻒ .. ﺍﻧﺖ ﻛﻴﻒ ﺍﻻﻥ ؟ ﻭﺍﻟﺸﻐﻞ ﻣﻌﺎﻙ ﻣﺎﺷﻲ ﻛﻴﻒ .. 

ﻗﺎﻝ ﻟﻴﻬﻮ : ﻭﺍﻟﻠﻪ ﻳﺎﻋﻢ ﺻﺪﻳﻖ ﺍﻟﺸﻐﻞ ﺗﻤﺎﻡ .. ﺍﻟﺒﺎﺭﺡ ﻣﻄﻠﻊ 30 ﺟﺮﺍﻡ .. 

ﻗﺎﻝ ﻟﻴﻬﻮ : ﻭﺍﻟﻠﻪ ﻣﺎﺷﻲ ﻓﻲ ﻃﺮﻳﻖ ﺍﻟﻐﻨﻰ ﻳﺎ ﻭﺩ ﺍﻟﺨﻴﺮ ..

 ﻗﺎﻝ ﻟﻴﻬﻮ : ﻭﺍﻟﻠﻪ ﺍﻟﺤﻤﺪ ﻟﻠﻪ ﻳﺎ ﻋﻢ ﺻﺪﻳﻖ ﺍﻻﻣﻮﺭ ﻣﺎﺷﺔ ﺗﻤﺎﻡ ..

ﻣﺮﺕ ﺍﻻﻳﺎﻡ ...... ﻳﻮﺳﻒ ﺑﻘﻰ ﻛﻞ ﺍﺳﺒﻮﻉ ﺑﺮﺳﻞ ﻟﻲ ﺍﻣﻮ ﻗﺮﻭﺵ ﻭﻣﻌﺘﺼﻢ ﺑﻤﺸﻲ ﻳﺠﻴﺒﻬﺎ ﻟﻴﻬﻢ ﻣﻦ ﺍﻟﺤﻮﺍﻟﺔ .. ﻭﺳﺘﻮ ﺍﺗﻔﻘﺖ ﻣﻊ ﺍﻟﺮﺍﺟﻞ ﺑﺘﺎﻉ ﺍﻟﻤﻨﺎﺳﺒﺎﺕ ﻭﺍﺷﺘﺮﺕ ﺍﻟﻌﺪﺓ .. ﻭﺑﺪﺕ ﺍﻟﺸﻐﻞ ﻣﻌﺎﻫﺎ ﻣﺤﺎﺳﻦ ﻭﻣﺤﺎﺳﻦ ﻋﻨﺪﻫﺎ ﻧﺴﺒﺔ ﻓﻲ ﺍﻻﺭﺑﺎﺡ .. ﻭﻣﻌﺎﻫﺎ ﻣﺮﺍﺓ ﺗﺎﻧﻲ ﻭﺍﻟﺤﺒﺸﻴﺔ ..

ﻭﻣﻠﻜﺔ ﻛﺮﻋﻴﻬﺎ ﻃﻠﻘﻦ .. ﻭﺑﻘﺖ ﺗﺴﺎﻋﺪ ﻣﻌﺎﻫﻢ ﻓﻲ ﺍﻟﺸﻐﻞ ..

ﻭﺍﻟﻘﺮﻭﺵ ﺑﻘﺖ ﻛﺎﺑﺔ ﻓﻮﻕ ﺳﺘﻮ .. ﻣﻦ ﺷﺮﻕ ﻭﻏﺮﺏ .. ﻭﻳﻮﻡ ﻣﻌﺘﺼﻢ ﺟﺎﺀ ﺳﺎﻕ ﺳﺘﻮ .. 

ﻗﺎﻝ ﻟﻴﻬﺎ : ﺍﺭﺡ ﻋﺸﺎﻥ  ﺗﻜﺘﺒﻲ ﻟﻲ ﺗﻮﻛﻴﻞ ﻻﺳﺘﻼﻡ ﺩﻳﺔ ﺍﻟﻮﺍﻟﺪ .. ﻻنها ﻳﺎﺩﻭﺏ ﻃﻠﻌﺖ ﻧﻤﺸﻲ ﻧﺴﺘﻠﻤﻬﺎ ﻣﻦ ﺍﻟﻤﺤﻜﻤﺔ .. 

ﻗﺎﻟﺖ ﻟﻴﻬﻮ : ﺩﻳﺔ ﺷﻨﻮ ﻛﻤﺎﻥ؟ 

ﻗﺎﻝ ﻟﻴﻬﺎ : ﺩﻩ ﺣﻖ ﺍﻻﻭﻻﺩ ﺍﻟﻤﺴﺎﻛﻴﻦ ﺩﻳﻞ .. ﻭﺍﻧﺎ ﻛﻨﺖ ﺳﺎﻛﻴﻬﻮ ﻟﻴﻜﻢ ﺍﺭﺑﻌﺔ ﺷﻬﻮﺭ ﻣﺤﺮﻙ ﺍﻟﻘﻀﻴﺔ .. ﻭﻫﺴﻲ ﺍﻟﺤﻤﺪ ﻟﻠﻪ .. ﺍﻟﻘﺮﻭﺵ ﻣﺮﻗﺖ ﻣﻦ ﺷﺮﻛﺔ ﺍﻟﺘﺎﻣﻴﻦ .. ﻭﺳﻠﻤﻮﻫﺎ ﻟﻠﻤﺤﻜﻤﺔ ..

ﺳﺘﻮ ﻣﺸﺖ ﻣﻌﺎﻫﻮ ﻟﻲ ﺍﻟﻤﺤﺎﻣﻲ ﺑﻲ ﺑﻄﺎﻗﺘﻬﺎ ﻭﻗﺴﻴﻤﺔ ﺯﻭﺍﺟﻬﺎ

ﻭﻛﺘﺒﺖ ﻟﻴﻬﻮ ﺍﻟﺘﻮﻛﻴﻞ .. ﺑﻲ ﻛﻞ ﺛﻘﺔ ﻭﺍﻣﺎﻧﺔ .. ﻭﻣﺸﻰ ﺟﺎﺏ ﻟﻴﻬﺎ ﺍﻟﻤﻼﻳﻴﻦ  ﻭﺟﺎﺀ .. ﺳﻠﻤﻬﺎ ﻟﻴﻬﺎ ..

 ﻭﻗﺎﻝ ﻟﻴﻬﺎ : ﻳﺎ ﺍﻡ ﻳﻮﺳﻒ ﺍﻧﺎ ﻣﻨﺘﻈﺮ .. ﻣﻠﻜﺔ ﻫﺪﻱ ﺑﻘﺖ ﻛﻮﻳﺴﺔ ..

 ﻗﺎﻟﺖ ﻟﻴﻬﻮ : ﺷﻴﻞ ﺍﻟﺼﺒﺮ ﻳﺎ ﻧﺴﻴﺒﻲ ..

ﻭﻣﺤﺎﺳﻦ ﺍﻣﻮﺭﻫﺎ ﺍﺗﺼﻠﺤﺖ .. ﻭﻃﺒﻌﺎ" ﻋﻨﺪﻫﺎ ﻧﺴﺒﺔ ﻣﻦ ﻗﺮﻭﺵ ﺍﻟﻤﻨﺎﺳﺒﺎﺕ ﺯﻱ ﻣﺎ ﺣﻜﻴﻨﺎ .. ﻭﻫﻲ ﺑﻘﺖ ﺍﻟﻤﺪﻳﺮﺓ ﺍﻟﺘﻨﻔﻴﺬﻳﺔ ﻟﻠﺸﻐﻞ .. ﻭﺍﻻﻣﻮﺭ ﻣﺎﺷﺔ ﺯﻱ ﺍﻟﺴﺎﻋﺔ ﻭﻫﺪﻭﺀ ﻓﻲ ﺍﻷﺟﻮﺍﺀ ....

            البارت السابع عشر من هنا 

   لقراءة جميع حلقات القصه من هنا

تعديل المقال