رواية حوريه في قلب الليل
الفصل الثاني 2
بقلم ميفو السلطان
كان سالم يجلس مع زوجته فهتفت... انا ابني لو جراله حاجه هاخده واطفش بيه بقلك اهوه.
هتف... مانا طلبت الصلح والكفن ماعيرضوش يا منى.
هتفت... يبقي النسب فوقه تودي الكفن والنسب كمان.
هتف... وابنك العيل هناسبهم ازاي مابيدوش بناتهم لحد.
هتفت بخبث... خلاص نديهم بناتنا.
هتف.... بنات مين يا وليه انت اتخبلتي هما فين.
صرخت...... بناتك مش عندك بنات.
بهت قليلا.. انت بتجولي ايه بنات ايه ماني مهملهم من زمن ولا اعرف عنهم حاجه.
هتفت....... لا انت بقه تروح لابوك وتقله اننا هنديهم البنتين فوق الكفن واظن كده عدانا العيب ياما اطفش بالواد.
جلس سالم يفكر...... ودي هعملها ازاي دي اروح اجولهَ ايه انت عجلك راح ماهيعبرونيش.
هتفت........ لا انت بقه هناك تفهم ابوك انهم بنات خرجو من تحت طوعك وسابوك من بعد امهم ما ماتت وهيجبولك العار ولازم تسترهم وهو هيتصرف يحبسهم يعمل مابداله ابوك قوي وهيعرف يتصرف بس تقوله يخبي عن البنات وادينا بنسترهم وعيله الديه اغنيه وولادك متمرمطين وبيشتغلو يبقي نكسب فيهم ثواب ونخلص من التار.
هتف سالم.. لا يا مني اكده كتير.
هبت تهتف... شوف بقه يا انا و ابني يا البنات انا والواد بروحك يجراله حاجه واخده واطفش بيه يبقي بقلك اهوه انت حر.
تنهد.. ياستي طيب اصبري بقه اما اروح لابوي واجوله.
هتفت...... من النجمه تروح وماترجعش الا بحل للقضيه دي بقلك اهوه.
*********
عند لؤلؤ وحوريه كانت حوريه تقف ترسم احد الصور المطلوبه منها لتدخل عليها لؤلؤ..... ايه يا مزتي مش هتيجي تقعدي معايا بقه زهقت..
هتفت حوريه.... خلاص اهوه يا حبيبتي خلصت والله.
هتفت لؤلؤ.... طب يلا انا جايبه اكل من برا اهوه مهيصاكي.
اطرقت حوريه وهتفت... يا لؤلؤ انا عارفه اني عبئ عليكي بس والله غصب عني انا حد ضعيف وغلبان.
هتفت لؤلؤ.. بس ابت هو ايه اللي عبئ انت هبله.. انت رقيقه وبسكوته ماينفعش تتمرمطي انت ملكه تتشالي عالراس.
هتفت حوريه... ملكه ايه بس وانت ذنبك ايه.
وقفت لؤلؤ... ربنا خلقني قويه اعمل ايه اكفر بالنعمه كنا هنبقي الاتنين خيبانين.. اسكتي دانا النهارده واكله دراع واحد هجمت عليه طينت عيشته.
شهقت حوريه... نهار اسود اتجننتي.
هتفت... اعمل ايه كان عايز ياكل حقي و يلبسني طلبيه طلبها َمش عايز يدفع بس علي مين كلت دراعه فدفع.
هتفت حوريه.... نفسي ابقي زيك.
ضحك لؤلؤ... ماهتعرفيش يا قطتي انت سوسو خالص عسليه روبونزل القمر انت رقيقه وحساسه وتتلفي في حرير بس نفسي تنشفي شويه الا البت الزرقه اللي اسمها نوسه غيظاني .
تنهدت حوريه.. مالها طيب لسه زعلانه منها.
صرخت لؤلؤ.. انت معاقه واحده خانتك وطلعت عليكي كلام وحش وهانتك قدام الخلق وسكتيلها زي المتخلفين لا واللي يشل اول ما جت قدامك طبطبت عليكي سامحتيها وعايزاها تيجي وتقعد. تقعد فين دانا لو شفتها هشقها نصين من غيظي بنت الجزمه.
تنهدت حوريه فهيا طيبه بزياده...... يا لؤلؤ ماهي قالت معلش خلاص اعمل ايه يعني.
هتفت لؤلؤ.. تعملي.. العمليه شالتها تبهدليها وتقطعي علاقتك بيها.
تنهدت حوريه.. مابعرفش يا لؤلؤ مانت عارفه مابعرفش غير اني اسامح. اول ما حد يقلي معلش بيصعب عليا وقلبي يوجعني. ماتحملش ازعل من حد.
تنهدت لؤلؤ.. عارفه يا غلبانه السنين.. يا رب اعمل ايه واحده هبله وبتسامح علي روحها وواحده بتعض في خلق الله.. يلا يلا بقه عشان ناكل..
سهمت حوريه... هو احنا ليه مابنسالش علي قرايبنا الصعايده.
بهتت لؤلؤ.. نعم ياختي ايه اللي جاب السيره دي مابوكي رامينا هنسال علي مين.
هتفت... لا مش لينا جد وجده واعمام ليه ما بنعرفهمش.
قطبت لؤلؤ... عشان مقاطعين ابوكي مثلا ورافض وجودنا.
هتفت حوريه.. نفسي يبقي ليا عيله وعزوه.. نفسي يبقي ليا حد يحميني ويدافع عني.
هتفت لؤلؤ... وانا ايه دانا ادافع عنك واخد نن عين اللي يقربلك يا قلبي.
تنهدت حوريه... لحد امتي ما اكيد هتتجوزي هفضل راكبه علي نفسك.
هتفت لؤلؤ... وانت كمان هتتجوزي والله ربك عاين لينا الخير دا يقيني.
هتفت حوريه... انا عمري ماهتجوز اتجوز واحد يتجبر عليا وانا مابعرفش انطق يجيلي واحد يخرسني ويقهرني وانا غلبانه وماليش خرباش انا لو اتجوزت اموت.
هتفت لؤلؤ... لا يا حوريتي انت ماينفعش تعيشي لوحدك لازم تحبي وتنحبي وتعيشي وانا متاكده ان ربنا هيبعتلك احن واحد في الدنيا.انت مفيش منك كفايه طيبتك وقلبك المليان مسامحه انا عمري ماشفت واحده مابتزعلش من حد ولا بتاخد علي خاطرها اللي هيحبك هيحبك لقلبك الدهب.
هتفت حوريه.... مفيش يا لؤلؤ مفيش حد حنين اسكتي سيبي السيره دي بدل مايجيلي بانيك انا مش ناقصه..
اقتربت منها لؤلؤ تداعبها وظلا يضحكان.
*******
عند سليم سافر الي بلده ليدخل علي والده هتف.... ازيك يا حاج عبدالرحمن..
هتف.... ابوه كيفك يا ولدي شالله تكون بخير وعيالك بخير.
هتف.... بخير يا ابوي عملت ايه في موضوع التار.
هتف... اهو بنتكلم يا ولدي بس ابنهم ليل مجوم الدنيا حريجه الله يحرجه.
هتف... طب يا حاج اني عندي فكره احنا نديهم النسب يا حاج ونحيل عليهم كبرات البلد.
هتف.. نسب نسب ايه يا واد الرفاعيه مابيدوش بناتهم لحد شايفينها عيبه.
هتف... لاه يا حاج اني الي هديهم بناتي.
هتف... بناتك كيف ده.
هتف... بنات فكريه يا حاج بناتي خرجو عن طوعي يا حاج وعايز ألمهم.
هتف بدران... كيف ده فكريه ما هتلمش ولادها دي كت بت زينه.
هتف... فكريه ماتت من زمان يا حاج وانا خبيت عليكو الجهر والهم االي اني فيه اجولك ايه ان مرتي اللي هملتني وخدت الولاد عصيتهم عليا.
هتف... ايه بتجول ايه اني كت خابر انكو اتطلقتو بس تهملهم وتعصيهم عليك.
هتف... ايوه يا ابوي عشان اكده اتجوزت مني وخلفت فريد ولدي اللي الرفاعيه عايزين يجتلوه.
هتف عبد الرحمن.. وجاي بعد السنين دي تتكلم ايه لبست توب الحريم اياك.
هتف سالم.... اعمل ايه البنات طايحين يا بوي ولا يسمعوليش ولا هيرضوش اصلا يجربو ميني. رحتلهم كتير وطردوني يا ابوي.
هب عبد الرحمن.. يا مري بناتك فجرو يا سالم دا عايزين الجتل.
هتف سالم... لا يا ابوي الله يرضي عنك دول ولادي برضك نسترهم يا ابوي نديهم للرفاعيه يتسترو. ونلم فضايحهم نديهم رجاله يشكموهم يا ابوي.
هتف عبد الرحمن... خلاص يا سالم اديني عناوين البنته وانا هتصرف.
هتف.. ماعيرضوش يجو معاك يا ابوي وهيعملو فضيحه.
هتف عبد الرحمن... ابوك مش اهبل يا سالم اخدهم دارنا الاول وبعدين نتصرف.. ليعطيه سالم العنوان وهنا قام عبد الرحمن وهتف الاول نخلصو من الرفاعيه وبعدين نجيبو بناتك يا سالم يلا هم معاي.
ذهب سالم وعبد الرحمن الي بيت الرفاعيه وقف لهم ليل.. ايه الي جابكو اهنه.
هتف عبد الرحمن.. ايه يا ولد الاصول حد يكلم كبيره اكده يا ولدي جاي دارك.
هب بدران.. وسع يا ولدي حجك عليا يا عبد الرحمن انت عارف ليل.
هتف عبد الرحمن... احنا مستنين الحاج عابد وكبيرنا الحاج علوان وكبرات البلد.
بهت ليل ويقول..... ودول جاين ليه دلوك.
وجد بقيه الرجال يدخلون عليهم .جلس مهدي كبير العائلات واضطر ليل الي ان يجلس فعلوان كلمته علي الرقاب .
هتف مهدي ....دلوك الكبار اتجمعو نسمع الكلام من عندك يا عبدالرحمن.
هتف عبد الرحمن ....احنا عرضنا الكفن مارضيوش يا حاج علوان يبقي هنعرض النسب واظن اكده عدانا العيب.
هب ليل... نسب ايه ده بناتنا ما هيروحوش في حته دا عار ده لينا.
هتف عبد الرحمن.... لاه يا ليل احنا بنعرض بناتنا تاخدوهم نسب الرفاعيه مع العتامنه واكده انت خدتو حجكو تالت ومتلت وبدل النسب اتنين بناتنا الاتنين ولاد سالم عيتجوزو من عنديكو ليل وجاسر.
صرخ ليل..... نهار اسود ومطين علي اخر الزمن اناسب العتامنه انا ليل كبير الرفاعيه ياخد بنت رفاعيه زيه بدل ماجتل واخد تاري اخد بتهم.
صرخ علوان... اجفل خاشمك يا ليل وبطل رط فاهم الكبار بيتكلمو.
هتف ليل بقهر فعلوان لا يجرؤ احد ان يتكلم او يخالف كلامه..هتف بقهر.. يا جدي اكتير اكده هنجلط ماهتحملش لو طولتها تحت يدي هجتلها.
هتف علوان... هتجتل حرمتك اتجنيت ازاي.
هتف ليل.. حرمتي انت عملتها حرمتي دا ايه العار ده.
هتف علوان... احنا الكبار لما نجول انت تسمع يا ليل والا كبرت علينا اياك.
ليهتف ليل بقهر... لاه يا جدي معاذ الله كلمتك سيف علي رجبتي.
هتف جاسر .... اني موافج يا جدي اخد بت الحاج سالم وماهخالفش رايك واصل لينظر اليه ليل بغضب حارق فاخيه لين الطبع وليس مثله.
هتف علوان... اكده زين يا جاسر ابن ابوك صوح لسه الكبير مستنينه يتصرف متل الكبار ايه جولك يابن بدران.
نظر ليل بغضب.. عايزني ارمي تاري يا جدي وابقي كيف الحريم َاخد كمان حرمه اوكلها والبسها واعيشها.
هتف علوان... مين جال يا ولدي انك هتبقي كيف الحريم.. دانت هتاخد بت عتمانيه ماصله والكل هيجول انك نهيت التار يا ولدي وهتبقي السبب في وجف سلسال الدم ها ايه جولك تاني يا ولدي..
هتف بدران... لاه يا حاج علوان هو فيه جول بعدك.
قال علوان.... لاه يا بدران اخدها من لسان ولدي ماهسيبهاش الا اما اسمعها لاجل نجفلو القصه دي من أساسها.
كتم ليل نفسه وغضبه وهتف... اللي تامر بيه يا جدي بس البت اللي تدخل اهنه تبقي تحت طوع الرفاعيه تنسي انها عتمانيه ماشي ده اخري في الكلام وقام ورحل وتركهم والحقد ينهش قلبه ...ذهب ورائه اخيه يهدئ من حاله..
هتف علوان... خلاص يا حاج عبد الرحمن جهز بناتك عالسبوع الجاي يكون الفرح َكتب الكتاب وشوار البنات عندي من مجاميعو هديه فض التار.
ابتهج سالم انه انهي سلسال الدم برمي بناته وقف ذلك الجاحد سعيدا بعد ان فقد ابوته تماما ليقذف ببنتيه الي النار دون ذره رافه .استمع الي كلام تلك الحقيره التي منذ ان اخذته من علي زوجته حتي صار منساقا لها لا يستطيع ان ينطق..
*****
وقف ليل ياكل نفسه ويسب تلك العائله اقترب منه اخيه.. اهدي يا ولد ابوي ايه ده هتنجلط اكده خلاص عاد عشان نجفلو الدم يا ولد ابوي.
صرخ ليل... شالله عنه مانجفل اتجوز عتمانيه يا مري اطيجها ازاي. دي دانى لو طلتها هجتلها.
هتف جاسر... اهدي اهي هتبقي مره زي اي مره اهدي ماني اهوه مبسوط اني هتجوز عشان رجبتي كانت هتتجاب ماعايزش اموت اني.
نظر اليه ليل بغضب.... عشان نحنوح كيف النسوان مفيش في جلبك عنفوان الرفاعيه جايب مياعه ماعرفش حايبها منين
هتف جاسر.... انت اللي طور بينطح ماتبطل تخليجتك دي الله اهدي الجوازه دي في مصلحتنا ولو ماعجبتكش البت اتجوز عليها عادي ما ده اللي هعمله اشوفها لجيتها حلوه وطيبه هاخدها تفرج ايه
هتف... حلوه وطيبه اتخبلت اياك اطيجها ازاي دي اتجنيت يا بتاع انت داني حاسس اني هجتلها
هتف جاسر.. طب اهمد بقه ومرر عيشتك
تنهد ليل... همررها وهمرر عيشت البت اللي هتاجي ان ما طينت عيشتها ما ابجاش اني ليل علي اخر الزمن اخد بت من العتامنه دا فضيحه.
هتف جاسر.. يابني ماهي جوازه زي اي جوازه ايه مشكلتك.. انا عن نفسي راضي ومبسوط هتجوز مره زي غيرها تفرج ايه المهم تطلع طيبه وتسمع الكلام.
هتف ليل.. هيا كمان ماتسمعش الكلام وتبقي ست تحت يدي دا غلب بعد من وشي بلا مبسوط بلا زفت وتركه وذهب ياكله عنفوان وغل التار .
*******
كانت لؤلؤ وحوريه يجلسان هتفت.... حوريه بت يا لولو مش الدكتور بتاعي المتنيل عايز يتجوزني..
قطبت لؤلؤ.. ايه ده هو لسه معلق معاكي مش قلتيلو لا خلاص.. وسيبتي الكليه.
تنهدت.... اعمل ايه باعتلي تاني مع واحده صاحبتي لا وايه مش طالب مني حاجه بشنطه هدومي.
ضحَكت لؤلؤ.. امال انت فاكره ايه حد يشوفك وماينهبلش يا بت انت قمر نازله من عالم ديزني ساعات اقعد ابصلك واقول البت دي اكيد امك متوحمه علي كرتون كانت بتتفرج كتير الظاهر.
ضحكت حوريه.... والله انت لاسعه كرتون ايه مالي.
هتفت لؤلؤ... يا لهوي مالك.. طب نعد كده قمر وعيونك قمرين وشفايفك لوز اللوز حاجه كده من بلاد بره وحطي عليهَ المصيبه التقيله اللي ماحد بيشفها الا اما يتلوح شعرك يا موكوسه دانت تقعدي كده وتنقي العريس ابن السفير والا ابن الوزير اسكتي اسكتي صحيح معاقه فكريا. خوافه وعامله زي البيبي بس كلو فدا القمر
ضحكت حوريه... انفخي فيا انفخي..
هتفت لؤلؤ.. طب يا حوريه مالواد عايزك ايه المشكله.
هتفت...... بخاف منه يا لؤلو كان عامل زي هولاكو مابيبطلش زعيق ونرفزه دانا كت مابعرفش ابصله انا مش نتجوز اساسا مفيش حد هيتحملني بهبلي وخوفي وانا مش هتحمل حد اساسا.كان بيجي يكلمني بحسه لو رحت بيته هيخرسني من تعصيبته انا ماصدقت خلصت الكليه وهربت منه. انا بخاف يا لؤلؤ انا عمري ماهتجوز.
تنهدت لؤلؤ... بكره يا قلبي ربك هيبعتلك الحنيه كلها بس قولي يا رب.
تنهدت حوريه.. يبعتلي... يبعتلي مين. انا حد ماينفعش لحاجه خالص بخاف يا لؤلؤ ابويا منه لله دمرني وخلاني هبله مين هيصبر عليا مين هيعرف اني غلبانه ويراعي ربنا فيا. مين يا لؤلؤ هحن عليا عشان انا بتصرف مش زي الناس وبثق وبصدق ويسامح مش زي الناس.
احتضنتها لؤلؤ... عارفه مين.. اللي هتشبعيه طيبه اللي هيقابل طيبتك تخش قلبه تملاه حنيه. حتي لو صعب اول ما تقربي منه هتلمسي قلبه يا حوريه انت علاج ودوا لاي حد دخولك حياته نعمه هتقلبيها وتحوليها. ماحدش بشوفك الا اما بيحبك عشان جمال قلبك.
تنهدت حوريه.. ازاي طب لو طلع قاسي القاسي مابيتغيرش وانا هموت ساعتها.
هتفت لؤلؤ... لو جواه خير هيتغير. لو عرف حوريه عن حق هيتغير وهيعوز يتغير بس عشان يقرب منك ولو حبك هيقطع نفسه عشان يتغير انت يا حوريه غير صدقيني ساعات ببقي زعلانه منك بس ابصلك وابص لبرائتك انسي كل حاجه واعرف انك عمرك ماهتعملي حاجه تاذي حد لأنك عند حاجه ماهياش عند حد. عندك طيبه وحنيه وفوقهم قلب مسامح وده لوحده ربنا شايف وهيعطي ليكي ويراضيكي لتتنهد حوريه وتفكر في حالها سمعا خبطا علي الباب لتفتح لؤلؤ الباب لتنصدم عندما..