رواية حب في الصعيد
الفصل العاشر 10 والحادي عشر 11 والثاني عشر 12
بقلم فاطمة الألفي
حب: إيه دة عرفت منين كنت معانا ولا إيه هههه
وليد: هههه يابنتى نتكلم جد شويا ماشى
حب: ماشى
وليد: كنتى بتاكلي اكل مسلوق صحي بدون ثمن وكدة
حب بتوتر: ايوة مظبوط بس إيه العلاقة مش فاهمة
جواد: إيه ياعم الدكتور ماتفهمنا إيه الحكاية
وليد: واضح لم اكلتى هنا اكل ثمنة بقى وفطير وزبدة تعبتى ومعدتك ماستحملتش عشان مش واخدة على الاكل بس هو باباكى تعبان
حب: لاء مش بابا
وليد: خالتى عندها إيه سكر او ضغط.
حب: لاء عندها مشاكل في القلب
وليد بصدمة: إيه المشكلة بالظبط
حب: عندها كسور وعضلة القلب ضعيفة
جواد بصدمه: إيه
وليد بقلق: طب ماعملتش أى تدخل جراحي
حب: لا للاسف قالو ماينفعش تدخل اوضة العمليات حتى دخلتها مرتين بس الدكتور رفض يعملها
وليد باهتمام: لية إيه إللى حصل وبعدين هي تعبت من امتة.
حب: والله انا شكلى السبب ماما كانت كويسة بس وهي حامل فية تعبت وحصلها مشاكل في التنفس ولم عملت أشعة بين ان القلب في كسور وعيب في الصمام وبعد الولادة تعبت اكتر واخد ت العلاج اللازم وماكنتس تنفع ترضعنى طبيعى عشان عشان الأدوية إللى بتاخدها وفضلت منتظمة بس لم كان عندى خمس سنين بابا اخدها تعمل عملية بس الدكتور قال ماينفعش عضلة القلب ضعيفة ادها علاج عشان يقوى العضلة وكل فتره تعمل اكيو نطمن علي القلب وآخر مرة دخلت العمليات من سنة.
وخرجت تانى الدكتور رفض قال لبابا مش هعرف اجازف واخاطر بحياتها عشان القلب حصل في فشل ماينفعش أى تدخل جراحى وماما ماشية على العلاج وتبعد عن أى توتر وزعل واى مجهود وانا وبابا بنعمل شغل البيت ودلوقتى بابا ياحبيبى لايص من غيرى ههههه
جواد بحزن: لايص ههه
وليد: انا ممكن اشوف اشعة خالتى انا هتصرف ابقى هتيها اشوفها.
حب: بس انا مش عايزة كفاية ماما كل لم تدى امل بيضيع وانا مش مستعدة تتعرض لاى موقف يزعلها ويتعب نفسيتها كل لم تخرج من اوضة العمليات تتعب زيادة ونفسيتها تدمر مش عشان خايفة من الموت لا عشان خايفة علينا خايفة تسبنا لوحدنا واهلهم رافضين وجودهم بس انا عملت كدة عشان خاطر ماما نفسها تعيش ولو ساعة من عمرها وسط اهلها
جواد بحزن: ان شاء الله هتعيش معانا سنين مش ساعة.
وليد: ان شاء الله خير خلى املك في ربنا كبير وانا قصدى اشوف الأشعة من وراة خالتى مش لازم تعرف
حب: هحاول
وليد: طيب إيه رائيك تيجى معايا المستشفى انهاردة ونعمل اللازم عشانك
حب: هههه لازم
جواد بقلق: ايوة عشان ماتبقيش طفسة وتاكلى أى حاجة ههه
حب: انت مالك انت لسة مديون باعتذار
وليد: يلى مش فاضى ورايا مستشفى
حب بابتسامة: خلاص روح ربنا معاك.
جواد: يلى تعالى اركبى انتى هنا امانة في رقبتنا يلى اقول إيه لعمتى لم تسالنى عنك يلى بلاش جلع ماسخ ههههه
حب: ههههه ظريف
وليد: طب اركبو وبعد كدة نبق نهزر اتفضلو
في القاهرة
في شقة مصر الجديدة
جلس الزوجين يتثامرون في احداث عائلتهم وهل سوف تنجح فلذة كبدهم في لم شمل العائلتين
امنة: تفتكر يامحمد حب عاملة إيه مع اهلى طب امى وابويا حبوها حسو بيها لمحو ان فيها شبة منى
محمد: ههههه بنتى شبه ابوها يا منمن ههههه.
امنة: لا فيها منى لون عينها عسلى مش سودة زى عنيك
محمد: ههههه ماشى ياام عيون عسلى وعايز اطمنك مافيش اهل بيكرهو احفادهم دة اعز الولد ولد الولد وحتى هم لو زعلانين مننا مش هيزعلو من حفيدتهم عشان هي مالهاش ذنب في هروبنا وانا واثق في بنتى انها هتحل كل الخلاف القديم وهنرجع بلدنا وسط اهلنا ونقضى إللى باقى من عمرنا وكفايا غربة بقى
امنة: يعنى هنعيش هناك لو الخلاف اتحل والعيلتين اتصالحو.
محمد: طبعا امال ليه بنتك قدمت جامعة المنيا
امنة: بجد يعنى بتقرر انت وبنتك من ورايا بقى
محمد: ههههه مش بنتى
امنة: طب قلبى واجعنى عليها يلى نكلمها نطمن
محمد: لا بلاش توجعى قلبك يا حبيبتى ونكلمها فورا
داخل المستشفى في غرفه الأشعة
تحدث وليد مع الطبيبه وأخبرها بأنه يريد عمل الاشعه لحب لكي يطمئن على سلامه قلبها:
وليد: دكتورة شذى انسة حب بنت خالتى خلى بالك منها واوعى تتوتر عايز ايكو على القلب.
شذى: تحت امرك يا دكتور
اتفضلى معايا ياانسة
حب: اوكية خلى الموبايل معاك
جواد: هاتى واتفضلى بقى
امام غرفة الأشعة
جواد بقلق: وليد انت شاكك في حاجة حب كويسة
وليد: اهدى دة مجرد شك بسيط وهنتاكد منه بس مش اكتر
جواد بخوف: يعنى ممكن تكون زى عمتى.
وليد: ان شاء الله لا بس في احتمال بسيط انا كنت فاكر والدها إللى تعبان عشان جدها عبدالرحيم قلبة تعبان ودى ممكن يكون وراثة بس انصدمت ان خالتى هي إللى تعبانة معنى كدة ان المرض في العيلتين يعنى نسبة كبيرة تكون وراثة انا لم كشفت على حب امبارح كان قلبها واضح في السماعة في مشكلة عشان كدة لازم ايكو وخصوصا انهم بياكلو اكل صحى ولم لخبطت في الاكل عندنا تعبت ولم اتوترت اكتر وزعلت وحضرتك ضربتها حصلها اغماء من التوتر والضغط العصبى عايز اعرف دة بقى عرض عادى ولا مرضي والايكو هيوضح كل حاجة ورسم القلب كمان.
جواد بحزن: ربنا يستر انا حاسس ان قلبى هيقف لو حب فيها حاجة
وليد: بتحبها بجد ولا اعجاب ولا إيه
جواد: بحبها ياوليد اقسم بالله بحبها وهفضل جنبها العمر كله واول لم المشكلة إللى احنا فيها تتحل هتجوزها وجدى مش هيمانع
وليد: وانا واثق في كلامك بس لو لقدر الله هتكون حامله نفس تعب عمتى هتكون محتاجة رعاية خاصة.
جواد: هعمل عشانها أى حاجة المهم وجودها في حياتى عمرى ماتخيلت ان ممكن احب بسرعة كدة مش مصدق انى شوفتها بس من خمس أيام وكمان طلعت بنت عمتى
وليد: ان شاء الله خير ياجواد
أعلن رنين هاتفها عن اتصال من والدها (بابا حياتي)
جواد: دة ابو حب بيتصل
وليد: واية يعنى نرد ونطمنه ان احنا مع حب وهنساعدها ونكلم خالتى
جواد: لا عيب هي تبق تحكى بنفسها عشان هيحسو بفرحتها لم تحكى انا عارف.
وليد: ياعينى على الحب يعنى عايز تشوف فرحتها
جواد بثقة: هثبتلك لم تخرج ونقولها بابا كلمك واتصلى احكيلو ونكلم خالتك
وليد: ياسلام على الحلو لم تبهدلة الايام ههههه
امنة بقلق: مابتردش لية يامحمد
محمد: ياحبيبتى اهدى احنا لسة اول النهار تلاقى قاعدة مع بنات عمها
امنة: ربنا يستر عليها من سيدة ونعمة مش ساهلين خالص وطول عمرهم بيكرهونى انا ونجاة
محمد: ربنا يهديهم
هي لم تفضى هتتصل
امنة: ربنا يستر عليها.
.
🔴🔴🔴🔴🔴🔴🔴🔴🔴🔴🔴🔵🔵
الحلقة 11
.
الفصل الحادي عشر
في بيت الحاج عبدالرحيم
عبدالله: كيف صحتك يابوى
عبدالرحيم: نحمدو ياولدى اجعد ياعبدالله جارى عايزك في كلمتين ياولدى
عبدالله: جول يابوى خير
عبدالرحيم: بيكفى تأجيل في دخلة ماهر على بت خالة ياولدى حدد معاد الدخلة مع عوض على اخر الشهر ياولدى وخلى الولاد يجهزو كافة شئ اعمل فرح كبير واعزم كل المركز ياولدى دى آخر فرح في دارنا ياولدى.
عبدالله: اللى تشوفو يابوى عامر وعمار وماهر هنادم عليهم يعملو كافة شئ ماتحملش هم واصل يابوى
عبدالرحيم: ربنا مايجيب شر ياولدى نادم الحجة عاوزها
نجية: خير ياحج انت بخير ياخوى فيك حاجة
عبدالرحيم: لا اجعدى يانجية بدى اجولك كلمتين وتحطيهم حلقة في ودنك
نجية: جول ياخوى سمعاك زين.
عبدالرحيم: انتى خابرة بالعهد إللى بينى وبين الحاج صبرى عايزك لو جرالى حاجة تخبرى عبدالله والولاد كل حاجة وتبلغيهم ان راضى عن عمهم محمد ومش لية دخل في حاجة حوصلت زمان دة نصيب ومكتوب على الجبين لازمن تشوفو العين واوعاكى حد يخلف العهد إللى قطعتة على روحى يانجية اوعاك الدم وسلسال الدم كفايا إللى راح انتى خابرة زين ان اللى قتل ولدى مش ولد صبرى نفذى وصيتى يانجية وحج محمد لازمن يوصلو ياام الغالى دى ولدى الازغير وحتة من جلبى كيف اظلمة نفسى اشوفو يانجية جبل ماموت وشوف ولادو بجو كيف دلوقت عندو رجالة.
نجية بدموع: اتوحشنى جوى جوى ياحج دى حبة عينى وجلبى من جوة نفسى املى عينى من شوفتو ياحج ويوم المنى ان ابنى يرجع في حضنى زى زمان ويعيش وسط اهلة وناسو مش يعيش غريب في بلاد الله
عبدالرحيم: هيرجع يانجية ولدك هيرجع انا خابر لو بعد عمر هيرجع
خرجت حب من غرفة الأشعة
حب: اوف كدة تمام ولا لسة في حاجة تانية
وليد: ههه تمام انتى عاملة كدة لية
حب: تعبت من المشايا هو انا جايا جيم ولا مستشفى مش فاهمة.
وليد: مش مهم تفهمى دة شغلنا
حب: ماحنا هنكون زوملة يازميلى هههه
جواد: نعم زوملة فين بقى
حب: انا هكون وبلا فخر دكتور علاج طبيعى وليد دكتور قلب واوعية دموية يعنى زوملة ولا مش زوملة
جواد: ههههه انتى لسة داخلتى سنة اولى حتى
وليد: طبعا زوملة يابنت خالتى على فكرة والدك اتصل كنت هرد واكلم خالتى بس صبرت بالعافية الصراحة هههه
حب: بجد بابا طب فين الفون.
جواد: اتفضلى واحكى لعمى محمد ان احنا معاكى وهنساعدك وياريت نكلم عمتى
وليد: لا خالتى هههه
حب: طيب اتكلم انا الاول
اجرت الاتصال لوالدها لتقص عليه كل ما حدث مع عائله والدتها وتطمئن على احوالهم
حب: الو حمود حبيبى واحشتنى ومنمن كتير كمان إيه
محمد: ههههه وانتى ياحبيبتى مامتك مش مديانى فرصة.
حب: اوكية افتح سبيكر ياريس منمن واحشانى عاملة إيه اطمنى انا كويسة وتمام وباكل كويس اوى وتيتة وجدو بيحبونى جوى جوى والأمور تمام
امنة: طب خدى بالك من نفسك الاول طب انا عارفة ان جدتك وجدك بيحبوكى بس اخبار نعمة وسيدة انا عارفة اكيد مش حد بيطيقك ومن غير مايعرفو انك بنتى انا عارفة مش بيحبو حد
حب: ههههه بلاش تسيح ياست الكل اقولك على خبر فل الفل
محمد: قولى ياحبى
حب: في عضوين انضمو لفريقنا.
امنة: اكيد جدتك وجدك لم عرفو قالو إيه فرحو سئالوكى عنى قولتى إيه يابت انطقى
حب: انطق إيه ماانتى ماشاء الله مش مديانى فرصة
محمد: اتكلمى ياحبيبتى سيبك من امك
امنة: بقى كدة أنتو الاتنين روبطية علية اتكلمى ياحبيبه ابوكى
حب: حبيبه بابا وماما كمان هههه طب لحظة سكوت وانا هقولكم.
حب: احم احم لم قولت انضم عضوين في فريقنا دة صحيح بس مش جدى ولا تيتة دة وليد ابن خالتى نجاة وكمان جواد ابن خالى كامل وليد دكتور قلب وجواد ظابط قد الدنيا دى عيلتك يا ماما طلعت جامدة اوى وانا ماعرفش وهم دلوقتى معايا وعرفو كل حاجة وعايزين يكلمو منمن ها إيه رائيك بقى في بنتك
خطف وليد الهاتف من يد حب
وليد: خالتى ازيك انا وليد
جواد: عمتى عاملة إيه انا جواد.
امنة: بت ياحب دة بجد ياحبايبى انت ابن نجاة عامل إيه ياوليد انا آخر مرة شوفتك كان عمرك اربع
عامل ايه يا جبيبي
ونجاة عاملة إيه ومحمد ابوك عندك اخوات تانى
وليد: انا بخير ياخالتى ونجاة كويسة واول لم تعرف ان كلمتك هتفرح اوى وانا هخليكى تكلميها وبابا مات من عشر سنين واحنا قاعدين عند جدى وبس ياخالتى واطمنى على حب احنا اخواتها ومعاها
امنة: ياحبيبى ريحت قلبى نجاة واحشانى لازم اكلمها ياوليد.
وليد: من عنية ياخالتى ازيك ياعمى
محمد: بخير يابنى خلى بالك من حب
جواد: ماتقلقش عليها على يا عمى انا جواد ازيك ياعمتى
امنة: ياحبيبى كبرت وبقيت ظابط انا سيباك 8 سنين مش عارفة فاكرنى لسة ولا نسيتنى اخواتك عاملين إيه جمال وكامل وقمر ن
جواد: فاكرك والله يا عمتى انا كنت بحبك اوى ودايما كنتى بتلعبى معانا وتزاكرلينا كمان اخواتى بخير جمال اتحوز بدر بنت عمى حكم وكامل اتجوز قمر اختى وعندهم ادهم وصبرى.
امنة: سيدة خلفت بدر وكمان اتجوزت جمال اخوك
جواد: أيوة ياعمتى وعندهم كامل وهي دلوقتى حامل
امنة: ربنا يقومها بالسلامة ياحبيبى خلى بالك من بنت عمتك اوع حد يزعلها وخليك في ضهرها ياجواد انا كدة مطمنة عليها
محمد: كدة تمام ياحب نص الخطة ماشية تمام والحمدلله بقى معاكى اعضاء جدد ناقص النص التانى ها ركزى كويس عايز اسمع اخبار كويسة الحج عبدالرحيم واحشنى ياقلب ابوكى.
حب: حاضر ياحبيبى هنوضع خطة جديد مع الأعضاء الجدد وننفذ كن مطمئن انت وضع في بطنك بطيخة صيفى يا والدى العزيز هههه
محمد: ههههه ماشى يا بكاشة هههههه خلى بالك من نفسك
حب: حاضر ياحبيبى مع السلامة يا منمن
وانهت الاتصال مع عائلتها الصغيرة
طرق بال غرفه الاشعه و
دلف وليد إلى غرفة الأشعة ليطمئن من ظهور النتيجه
وليد: دكتورة شذى ممكن استلم الايكو إللى يخص حب
شذى: طبعا يادكتور هعمل التقرير وابعتها لحضرتك
وليد: اوكية.
جواد: اتفضلى عشان نروح بقى
حب: هو ممكن نروح عند خالتى واتعرف عليها واهو بالمرة نضيف عضو جديد لينا
جواد: ههههه إيه رايك نعمل انتخابات وربنا هتفوزى وباكتساح كمان
حب: لا انا متواضعة اوى احب اعمل في صمت هههه
جواد: حب انا اسف
حب بابتسامة: اوبا بجد بتتاسف لا دة احنا نعمل فرح بقى ونهيص
جواد: ههههه انتى علطول بتضحكى كدة وقالبة الموضوع هزار في ثواتى.
حب: اتعلمت ابسط كل حاجة من بابا لم تعرفه هتحبه اوى بابا دة احسن حاجة في حياتى وماما كمان ربنا يخليهم ليا يارب
جواد: يارب
جواد: يعنى مش زعلانة منى عشان ضربتك او زعلتك انا بقرر اسفى تانى يابنت عمتى
حب: اسفك مقبول ياابن خالى عايزة اعرف لم انت متفهم موضوع الطار وكمان وليد وجدو واكيد تيتة معاكم مين بقى المشكلة.
جواد: المشكلة في عمى حكم وكمان جمال اخويا عايش طول عمرة يحلم ان ياخد بطار ابويا وخلاص اتسبتت في دماغة وكمان امى طول عمرها تزرع في دماغنا حكاية الطار بس انا فضلت القانون عشان كدة دخلت شرطة عشان انفذ القانون وماعملش الغلط وكمان مقتنع بكلام جدى صبرى طول عمرة حكيم في كلامة والناس كلها تاخد بمشورتة وكمان بيقعدو في قعدات عرف كتير هتقولى يعنى إيه هقولك يعنى في نزاع أو خصام بين اشخاص بيعملو مجلس عرف والناس الكبار يحكمو في المجلس دة ولازم ياخدو براى الكبار والحكم إللى يتقال الكل يرضى بية وينفذة مهم كان.
حب: اه فهمت
جواد: الحمدلله وصلنا بيت جدتى نعمات تعالى بقى تشوفى خالتك.
.
🔴🔴🔴🔴🔴🔴🔴🔴🔴🔴🔴🔵🔵
الحلقة 12
.
الفصل الثاني عشر
في بيت الجدة نعمات
نجاة: يامرحب ياولدى
جواد: كيفك ياعمتى
نجاة: بخير ياولدى مين دى ياولدى
جواد: دى ياستى قريبتك جوى جوى دى تبق بنت عمتى امنة
نجاة: وها امنة خيتى انتى بنت خيتى
حب بابتسامة: أيوة ياخالتو انا حب بنت امنة ومحمد ههههه
نجاة: تعى في حضنى ياضنايا اشم فيكى ريحة خيتى
حب تحتضن خالتها وبعد فترة تم التعارف والاحاديث وكل شئ يخص حياة امنة
في المستشفى
شذى: دكتور وليد اتفضل الاشعة إللى تخص انسة حب.
وليد: شكرا ياشذى
شذى: العفو عن اذنك
وليد: اتفضلى: فتح وليد الأشعة وقرأ التحليل
وليد بصدمة: مش ممكن
جاء اتصال إلى جواد من القاهرة
جواد: الو تحت امرك ياافندم حاضر حالا هقطع الاجازة تحت امرك مع السلامة
نجاة: خير ياولدى
حب: هتنزل مصر
جواد: معلشى ياعمتى لازم دلوقتى ارجع في مامورية بينا ياحب اوصلك البيت واخد شنطة هدومى
حب: طيب ياخالتى مع السلامة
نجاة: هشوفك تانى يابتى وماتخفيش كلهاتنا هنية في ضهرك.
حب: اكيد ياخالتى
جواد: يلى مافيش وقت
بعد فترة وصلو المنزل
ذهب جواد إلى غرفتة وأحضر حقيبه السفر ووضع بها متعلقاته وبعد الانتهاء ذهب ليودع حب.
حب بحزن: خلاص هتمشى
جواد: لازم البى نداء الوطن ههههه
حب: ربنا معاك
جواد: خلى بالك من نفسك ووليد هنا معاكى وعمتى كمان اوعى تعملى أى حاجة وان شاء الله هخلص المأمورية دى وارجع عشان لازم نوضع حل بقى وعمتى وجوزها يرجعو وسطينا من جديد المهم اتصرفى بحكمة.
حب: انا بفكر اروح عند جدى عبدالرحيم وانتو تكملو هنا لازم أبدأ مع جدى هناك وتيتة
جواد بقلق: لا طبعا خليكى هنا اوعى تروحى هناك انا مش ضامن ارجوكى بلاش هناك دلوقتى خليكى هنا لازم نوضع خطط كتير الموضوع مش سهل ماشى خلى بالك من نفسك وانا هكلمك دايما اطمن عليكى دلوقتى اشوف وشك على خير
حب: مع السلامة هتوحشنا
جواد بابتسامة: وانتى كمان هتوحشنى اوى.
ودع جواد اهلة وعاد إلى القاهرة ليباشر عملة واستلام المهمة التي تنتظرة.
قررت حب بعد مهاتفة والدها ان تذهب الى بيت جدها عبدالرحيم لكى تحاول التقرب بينهم ولم الشمل المتفرق منذ عشرين عام.
احضرت حقيبتها هبطت إلى الاسفل تتحدث مع الجد والجدة
حب: ازيك ياجدى عامل إيه
صبرى: بخير يابتى كيفك
حب: الحمدلله
كريمة: وها انتى لامة خلجاتك وفيتانا يابتى ولا إيه عاد
حب بابتسامة: بصراحة انا مش عايزة اسيبكم بس اكيد هنتقابل تانى ياتيتة بس عشان مشكلة السكن اتحلت لازم امشى
كريمة: والله حبيتك كيف البنتة يابتى هتوحشك جوى جوى
صبرى: نويتى خلاص يابتى بس اعرفى ان اهنية بيت جدك تيجى تجعدى فوج روسنا يابتى.
حب تقبل جدها: ربنا يخليك ياجدى قدها وقدود وقبلت جدتها وودعت البنات قمر وبدر واولادهم ادهم وصبرى وكامل
وتركت المنزل
صبرى: استنى يابتى حد من الرجالة يوصلك كيف مابدك لتوهى يابتى
حب بابتسامة: لا ملوش لازم ياجدى الجامعة هتبعت حد يوصلنى السكن ماتقلقش اشوف وشكم بخير
صبرى: في رعاية الله يابتى.
خرجت حب بتنهيدة عميقة من منزل جدها وقررت أن تذهب إلى عائله والدها لتحاول الصلح بينهم تسعي لتحقيق هدفها الوحيد، عودة والديها إلى أحضان عائلتهم
حب بشرود: ياترى لينا نصيب نتقابل تانى ولا الامور هتتعقد ولا إيه ربنا يستر ويعينى على إللى...
الفصل الثالث عشر والرابع عشر والخامس عشر من هنا
لقراءة جميع فصول الرواية من هنا