رواية حب في الصعيد
الفصل الاول 1 والثاني 2 والثالث 3
بقلم فاطمة الألفي
في شقة مصر الجديدة
دخلت غرفة ابنتها ولم تجدها في الفراش فصرخت بأعلى صوتها
الام امنة: الحقنى يامحمد بنتك مش موجودة اه يابنتى
محمد: في إيه ياامنة بتصرخى لية
امنة: بنتك اكيد نفذت إللى في دماغها إيه يابنتى ماليش غيرك راحت للنار برجليها هيقتلوها يامحمد
بنتى هضيع منى انا عايزة بنتى ماليش غيرها اتصرف الحق بنتك
محمد: طب اهدى انتى عارفة بنتك عنادية انا واثق فيها ياامنة هي إللى هتقرب بين العيلتين.
امنة بدموع: تقرب إيه دة دم وطار انت ناسى ولا إيه هيقتلو بنتى اه ياحرقة قلبى عليكى ياريتنا مانزلنا من دبى ياريت فضلنا هناك بقالنا عشرين سنة في غربة ولم نرجع اخسر بنتى انا عايزة بنتى هاتلى بنتى
محمد: يعنى هنفضل طول عمرنا هربانين وعايشين في الغربة العمر كلة كان مسيرنا نرجع وبعدين البت كبرت محتاجة يكون ليها عيلة وسند وتكمل تعليمها هنا.
امنة: انت السبب انت إللى طلعت في دماغها تعرفها على العيلة البت هتضيع منى
محمد: لا بنتك عارفة هي بتعمل إيه انا واثق فيها هي الوحيدة إللى تربط بين عيلتك وعيلتى وهتتصرف صح ماتقلقيش
امنة بدموع: انت إيه بارد كدة لية دى بنتك سايبها تروح الصعيد برجليها عشان يقتلوها اه يابنتى
محمد: بطلى نواح بقى البت هتكون بخير انا واثق الدم عمرة مايبق مية.
امنة: دة طار بايت وبحور دم وبنتى لو جرالها حاجة انت هتكون السبب وتشيل ذنبها
محمد: بطلى نواح دى تربيتى وانا عارف انها عنادية وقوية وقدها وقدود اصبرى لم توصل هناك هتكلمنا وطمنة عليها
امنة: عمالة اتصل قافلة المخروب
محمد: لم توصل هي هتتصل انا عارف بنتى.
في محطة مصر كانت فتاة شابة تنظر إلى القطار الموجة إلى مدينة المنيا.
الفتاة: لوسمحت قطر المنيا هيطلع امتة
راجل كبير في السن: دلوقتى يابنتى اهو اطلعى علطول.
الفتاة: شكرا. : دلفت الفتاة داخل القطار وهي تحمل حقيبتها بيدها، واستقلت المقعد وبعد لحظات سار القطار إلى خط الصعيد...
في مدينة المنيا بالتحديد في قرية المنشاوي: كانت رجال العائلة تتجمع على طبلية الطعام
(الحاج عبدالرحيم وولدة عبدالله واحفادة عمار وعامر اولاد المرحوم عبدالعزيز ابنة البكرى وماهر ابن عبدالله ولدة )
والستات تقف عندما ينتهى الرجال من الطعام يبدو الطعام بعدهم هذة العادات والتقاليد
كانت الحاجة نجية وحريم الدار تقف بجوارها زوجات أولادها واحفادها البنات
الحاج عبدالرحيم: عملت إيه ياولدى في المحصول.
عبدالله: هنشولة ونبيعو يابوى
عمار: جدى انا هتدلة على مصر في لاوزم الغيط (الأرض )لازمن ندلو نجبوهم
الحاج عبدالرحيم: ومالو يا ولد الغالى
عامر: ميتى نخلص على ولد المركوب عاد
عبدالرحيم: الصبر ياولدى الصبر
عبدالله: لحد ميتى يابوى لازمن ناخد بطار اخوى كفيانا عاد
عامر: دم ابوى في رقبتى ياجدى ولازمن ابوى يرتاح في نومتو عاد
الحاج عبدالرحيم: قولت الصبر وكلمتى تنسمع ولا قولتو جدى كبر وخرف وكلامة ماراح يتسمع اياك.
عامر: العفو ياجدى كلمتك على العين والراس ياجدى
عبدالله: كلمتك سيف على رقباتنا كلهاتنا يابوى انت الخير والبركة ياحج
الحاج عبدالرحيم: يبق كلو باوان ياولدى
في دار عائلة العزازى
الحاج صبرى: الوكل يا كريمة
الحاجة كريمة: جاين ياحج
كريمة: خلصي يابنتة جدكم عم ينادم على الوكل
قمر: اهو ياستى خلاص
بدر: الوكل اهو على الطبلية ياستى.
وضعت قمر وبدر الاكل على طبلية الطعام.
الحاج صبرى: نادمى على الرجالة يابدر.
بدر: حاضر ياجدى
توجهت إلى غرفته عمتها نجاة
بدر: عمتى ياعمتى وينو وليد جدى عم ينادم علية عشان الفطور
نجاة: جاين ياجلب عمتك
في غرفة كامل وقمر
كامل متزوج من بت عمة قمر
قمر: كامل جوم عشان تاكل لقمة جبل ماتروح الغيط
كامل: جايم اهو ياجلبى
في غرفه جمال وبدر
جمال متجوز من بدر بت عمة
بدر: جمال جدك عم ينادم عليك
جمال: طيب نازل وين العيال
بدر: بيلعبو جدام الدوار.
جمال: حرصى على الولاد يابدر مش حد ضامن ولاد الابلسة بيفكرو كيف عاد لازمن اخاد بطار بوى
بدر بهلع: واهه عاد انا مخلوعة عليك ياجمال بلاش دم يا جلبى خايفة عليك طب وعيالك مين يربيهم ياود عمى
جمال: دة طارى وطار ابوى يا بدر وعيالى رجالة مش حريم راح يتربو
نعمة ام جمال: ياولدى كيفو اخوك
جمال: بخير يا اما وزمانتو في الطريج(الطريق)على وصول
الحاج صبرى: يجى بالسلامة اتوحشنى كتير.
الحاجة كريمة: واتوحشنى كمان ياحج ولد الغالى الله يرحمة
نعمة بحزن: الله يرحمة وجمال ياخد بطار ابوة
جمال: جدى دى امر وانا هخليها بحر دم
مايكفينى فيهم عشر رقاب
الحاج صبرى: الصبر ياولدى
جمال: لحد ميتة ياجدى ولاد عبعزيز عامر وعمار ماراح يفلتو من يدى
كريمة: بلاش ياولدى احنا محتاجينك ياولدى
الحاج صبرى: بيكفى حديت جدامى اتكمى منك ليها.
في القطار.
كانت تجلس تفكر في أى طريقة تدخل إلى عائلتها وماذا تقول وفجاة ظهر شاب امامها: الشاب: انتى ياانسة دة الكرسى بتاعى انا حاجزة اتفضلى قومى
الفتاة: نعم اقوم
الشاب بحدة: أيوة دة مكانى
الفتاة: انت انسان عديم الذوق واتفضل اشبع بالكرسى بتاعك
وبعدت الفتاة ولم تجد كرسى لتجلس علية وظلت واقفة جاء شاب بجانبها وحاول مدايقتها بالكلام والمعاكسة.
الفتاة في قمة غضبها حاولت الأبعاد عن الشاب، ولكن الشاب ظل يلاحقها، لمحها الشاب الذي جلس بمقعدها يراقب تصرفاتها
فجأة صرخت بالشاب الواقف جابنها
الفتاة: انت حيوان وعديم الرجولة والاخلاق ابعد عنى ياوقح
الشاب: انتى إللى عمالة تلزقى فية وكمان عايزة تحضنينى
الفتاة بعصبية: انا يا واقح ياسافل
امسكها الشاب من معصمها: اتعدلى في الكلام وبطلى قلة ادب
الشاب تدخل: سيب ادها ياحيوان ولكمه بوجه.
وسحب الفتاة من يدها واجلسها بالمقعد خاصته
الشاب: اقعدى هنا
الفتاة: مش دة كرسيك وانت قومتنى
الشاب: خلاص اقعدى وبطلى كتر كلام انا راجل ومش اقبل ان اقعد وانتى تفضلى واقفة والشباب تعاكسك مش من الرجولة اقف اتفرج عليكى
الفتاة: شكرا
الشاب بابتسامة: العفو بس شكلك مصرية انتى رايحة فين
الفتاة: المنيا
الشاب: بجد انا كمان رايح المنيا. :.
.
🔴🔴🔴🔴🔴🔴🔴🔴🔴🔴🔴🔵🔵
الحلقة 2
.
الفصل الثاني
الفتاة: لا جايا دراسة
الشاب باستغراب: دراسة إيه انتى جايا كل المسافة دى عشان تدرسى في المنيا دول بيهربو من هنا وينزلو القاهرة يدرسو ويشتغلو وانتى سايبة هناك وجايا هنا هههه
الفتاة: نصيبى بقى ومكتب التنسيق نعمل إيه بقى دنيا ههه
الشاب بابتسامة: اممم بس لعلمك مافيش قرية بإسم المنشاوية في المنيا
الفتاة بصدمة: ازى
الشاب: هو في توضيح بسيط اسمها متغير من زمان وبقت مركز سمانوط.
الفتاة: تمام الحمد لله يعنى مش توهت
الشاب: لا ياستى مافيش توهة بس انا بكلمك طول الطريق وماتعرفناش على بعض انا جواد العزازى وحضرتك
الفتاة لنفسها: اوبا دة طلع قريبى يا على القدر لم يلعب لعبتة
الشاب: ياانسة إيه روحتى فين
الفتاة بابتسامة: حب
الشاب باستغراب: نعم حب إيه
الفتاة: اسمى حب إيه مش عجبك
جواد باستغراب: لا سورى بس استغربت بس مش
حب: هو حضرتك ممكن تساعدنى الاقى مكان اسكن غير فية.
جواد: لية مش رايحة بيت المغتربات
حب: للاسف لاء
جواد: لية المفروض انك من محافظة تانية ويقبلوكى عادى إيه يمنع
حب: عشان اتقبلت في الجامعة بالعافية باب التقديم كان اتقفل وكمان السكن كان اتحدد كل حاجة
هو فاضل قد إيه ونوصل
جواد ينظر إلى ساعة يدة: لسة حوالى ساعتين
حب: طب هتساعدنى
جواد: اكيد طبعا هسيبك ازى وانتى لوحدد وماتعرفيش أى حاجة عن البلد
حب بابتسامة: شكرا ليك على ذؤقك وكرم اخلاقك.
جواد: هههه غريبة بس كان من شويا عديم الذؤق
حب: قلبك ابيض بقى ههههه
جواد: ماشى عشان تعرفى ان راجل صوح ههههه
حب: ههههه
جواد: تسمحيلى اسألك ازى اهلك سابوكى تيجى لوحدك الصعيد وانتى بنت وماينفعش يعنى على الاقل عشان يطمنو عليكى
حب بتوتر وكذب: اصل اصل هم برة مصر اصلا احنا كنا عايشين في دبى وانا نزلت عشان الدراسة
جواد: ازى ماينزلوش معاكى وهيطمنو عليكى ازى وانتى لوحدك.
حب بثقة: بابا بيثق فية جدا وماما بتخاف علية بس هي مطرة تصبر وتتحمل فراقى عشان اكمل دراستى وبابا تعبان اوى وماما ماتنفعش تسيب بابا ولا ينفع ينزلو مصر في الوقت الحالى غلط على صحة بابا
جواد بتفهم: اممم طب هتدخلى أى كلية هنا
حب: علاج طبيعى
جواد: الله ماانتى شاطرة اهو انا فكرت انك جايبة مجموع واقع حدفك على هنا
حب: هههه لا انا شاطرة اوى كمان.
جواد: بصى اول ماننزل من المحطة اخويا الكبير هيقابلنى خليكى معايا وانا هوصلك عند الحاج صبرى العزازى جدى واكيد هيسكنك معانا في الدوار هو بيت كبير بس هنا بيسموة الدوار يعنى هترتاحى معانا
حب بابتسامة: شكرا بجد مش عارفة اقولك إيه
جواد: اشكرى جدتى هي السبب ان اركب القطر بتخاف ارجع بعربيتى عشان المسافة كبيرة اوى 8ساعات كتير.
حب لنفسها: كمان هقابل جدى وجدتى كنت عاملة حسابى على بيت جدى المنشاوى لكن القدر صادفنى بابن خالى وهروح عند اهل ماما الاول مش مهم المهم انى ماشية صح وربنا معايا
جواد: انتى يابنتى احنا وصلنا
حب: بجد
جواد: ايوة استنى هنا رايحة فين دلوقتى زحمة اوى في المحطة خليكى هنا جنبى
حب: حاضر
بعد فترة
جواد: تعالى ننزل بقى هاتى ايدك عشان مش نضيع من بعض
حب بكسوف وتوتر: ايدى لية.
جواد بتفهم: ماتخفيش يابنتى انا عندى اخوات بنات ولازم تكونى جنبى لم امسك ايدك هعرف اوصل بيكى ومش تضيعى منى في وسط الحشد دة
حب لنفسها: هو قريبى بردوة وابن خالى يعنى اعتبرة اخويا
أمسكت بيده بتوتر وشعرت بالخجل فلاول مرة تمسك بيد شاب
جواد ابتسم وشعر بشعور جميل: اول مرة يلمس يده بيد فتاه وشعر بنبض قلبه يزداد
بعد دقائق كان يقف بالطريق وتقابل مع اخية الأكبر جمال
جمال بفرحة: حمدلله على سلامتك يا ولد ابوى.
جواد: بلهجة اخية: الله يسلمك ياخوى اتوحشتكم ياخوى كيفكم
جمال: بخير ياخوى والكل متوحشك ياخوى
حب مستغربة طريقة جواد تغيرت وبقت لهجة الصعيد
جمال: مين الحرمة دى عاد
جواد: دى صديقتى
جمال: وهة كيف بجى
جواد: في البيت نتحدتو عاد ماينفع اهنى
جمال: يامرحب بضيوف اخوى
حب تمد يدها لتسلم: اهلا
جمال: مابسلمش على حريم
جواد: سورى ياحب اصل اخويا صعيدى جوى هههه
حب: ههههه ماحصلش حاجة
جمال: مش تركبو بحى وكفياكم حديت عاد.
جواد: اركبى احسن يطخنا عيران ههههه
في منزل المنشاوى
الحاج عبدالرحيم بتعب: يانجية يا نجية
نجية: ياحزنى مالك عاد ياحج
عبدالرحيم: تعبان وماقادر اصلب حيلى شيعى لعبدالله ولولد الغالى
نجية بفزع: وهة كيفك بس ياخوى اهة صابك يانضرى
بت يامهجة يامهجة
مهجة: ايوة ياستى بتنادمى
نجية: شيعى حد من الرجالة يروح الغيط يعيط على بوكى وجوزك جدك تعبان واعر
مهجة بهلع: جدى فيك إيه ياجدى.
عبدالرحيم: بخير يا بتى شيعى لبوكى وجوزك وجوز خيتك
مهجة: طيب ياجدى
وصل جمال إلى الدوار الخاص بعيلة العزازى
ترجل جواد من السياره وفتح الباب الآخر لتترجل حب
حب: شكرا
الجدة كريمة: اتوحشتك ياضنايا
جواد يحضن جدته ويقبل يدها: اتوحشتك كتير جوى جوى ياغالية في
عمه حكم: نورت البيت ياولدى كيفك
جواد: الحمد لله بخير ياعمى
نعمة: اتوحشتك ياضنايا كيفك عم تاكل عم تشرب كيفك وشك كيف اللمونة
جواد: هههه باكل والله كويس يا امي.
جواد: ازيك ياقمر واحشتنى يابت
قمر: اتوحشتك جوى جوى ياخوي
جواد: ازيك يا بدر كيفك وينو كامل
بدر: بخير ياود عمى كامل في الزريبة عم يشوف البهايم
صبرى: مين دى ياولدى
جواد: دى حب ضيفتى ياجدى بعد اذنك طبعا هي اخت صاحبى وامانة في رقبتى
صبرى: تنور ياولدى ولو الارض مشلتهاش نشيلها فوج روسنا ياولدى
جواد: دة العشم ياحج كيف صحتك
صبرى: زين ياولدى نحمدو
قمر: وهة اسمها حب.
نعمة: عشنا وشوفنا وكيف اهلها يرضو تيجى معك لوحديكم مافيش خشة ولا حيا
صبرى: بدر طلعى البنتة القاعة بتعتكم القديمة
بدر: حاضر ياجدى
بدر: تعى معايا ياخيتى
حب: شكرا يابدر والله اسم على مسمى...
صبرى: في إيه عاد ياام جمال دى ضيفة ولازمن نكرمها وعيب حديت الحريم
نعمة: حجك على دماغى ياحج
صبرى: اعملو الوكل ونادمو على الضيفة
كريمة: من عنيناة ياحج
صبرى: تعالى معايا المونضرة نتحدتو ياولدى
جواد: حاضر ياجدى.
صبرى: اقعد جارى هنية وخبرنى مين البنتة دى واية حكايتها واوع تقول اخت صاحبى وكدية انا خابرك زين
جواد: طول عمرك لماح ياجدى ودماغك توزن بلد
صبرى: العجز والشيبة وحنية الضهر مش شويا ياولدى
جواد: ربنا يخليك لينا ياحج
صبرى: اتحدت ياولد الغالى.
.
🔴🔴🔴🔴🔴🔴🔴🔴🔴🔴🔴🔵🔵
الحلقة 3
.
الفصل الثالث
في بيت الحاج عبدالرحيم
حضر الجميع بقلق وخوف على جدهم
عبدالله: كيفك يابوى عامر شيع نجيبو ضاكتور
عبدالرحيم: لا ياولدى دول شوية تعب وهيروحو لحالهم بس اسمعنى زين
عبدالله: خير يابوى.
عبدالرحيم: لو مت ياولدى ادى اخوك محميد حجو ياولدى في الارض والمال ياولدى ولو باع اشترى انت الأرض ياولدى وبلاش تظلمة ياولدى دة خيك برضك واوعاك تغضب ربنا ياولدى هو غلط زمان لم طلع عن طوعى بس إللى حصل ياولدى وبلاش سلسال الدم ياولدى وقف سلسال الدم بلاش بحر دم عاد ياولدى انا خسيرت ضنايا زمان مش عايزك تخسر ولدك وولاد اخوك ياولدى خليك في ضهرهم ياولدى واوعاك تبعد عنيهم عامر: وطار ابوى ياجدى نهملة.
عبدالله: مش وجت الحديت ياولد اخوى حات العربية جدام الدوار عشان ناخد جدك الميستشفى
عامر: امرك ياعمى
عبدالرحيم: كان نفسى املى عينى بشوفت خوك جبل ماموت ياولدى وابج جولة ابوك مسامحك ياولدى وراضى عنيك
عبدالله: طيب ارتاح يابوى.
ذهب عبدالرحيم إلى المستشفى.
في بيت الحاج صبرى العزازى.
بدر وقمر مع حب في القاعة
قمر: دى بجى قاعتنا جبل مانتزوجو انا متجوزة كامل ولد عمى خى بدر وبدر متجوزة من خى جمال.
حب: يعنى متجوزين ولاد عمكم بس دة عرف ولا حكم عندكم لازم يتنفذ
بدر: وهة دى عوايدنا عاد
قمر: احنا وعينا على الدنيا لاجينا بيجولو قمر لكامل وبدر لجمال والبت ود عمها اولا بيها
حب بابتسامة: طب في حب ولا عشان ولاد عم وبس
قمر بابتسامة: لازمتة إيه الخشى دة حنا نستحى
بدر: من يوم ماوعيت على الدنيا وجمال جدام عينى وحبيتة وعشجتة كمان
حب: ايوة بقى يعنى في حب حقيقة عندكم كام سنة
قمر: 21 وبدر 20.
قمر: انا عندى ادهم 4سنين اصبرى 2 وبدر عندها كامل 3 سنين وحبلة
حب: انتى متجوزين من زمان بقى
قمر: متجوزة من خمس سنين وبدر أربعة
جب: انتو متجوزين صغار اوى 16 سنة
قمر: ولا صغيرين ولا حاجة
بدر: هنية عاد غير حداكم في البندر وكمان كبيرنا وخراط البنتة خرطنا
حب بعدم فهم: يعنى إيه معلشى مش فاهمة نص الكلام
قمر: ههههه يعنى بلغنا ولفينة وادورنا وحلوينا عاد
حب: هههه انتو زى القمرات والله.
بدر: نهملك تخلعى خلجاتك وتنزلى عشان الوكل
حب بابتسامة: حاضر
بدأت حب في تفريغ حقيبه ملابسها وأجرت اتصال بوالدها.
حب: بابا حبيبى واحشتنى
ماما عاملة إيه
محمد: بخير المهم انتى وصلتى بيت جدك ولا مش عارفة تتصرفى
حب: وصلت في وكر عائلة العزازى وانا بكلمك من موقعى هذا في بيت جدى صبرى العزازى
محمد بصدمة: إيه انتى قولتى وهتوصلى لجدك عبدالرحيم مش صبرى.
امنة بخوف: حب انتى كويسة حد قالك حاجة عملو فيكى حاجة اتكلمى يابنتى انتى كويسة وعرفو انت مين
حب: هههه بالراحة علية ياماما وانا اكيد كويسة ماانا بكلمك اهو وبعدين ماحدش عرف انا مين وشوفت جدى طيب اوى وجدتى كريمة حنينة خالص مالص ههه واطمنى انا قولت جايا هنا عشان الدراسة وهم بقى لكرم اخلاقهم استقبلونى في بيتهم ضيفة معززة مكرمة واهدى بقى يا منمن.
محمد: طب وصلتى ازى واية حصل: حب: لا دة موضوع طويل يطول شرحة المهم أن الخطة ماشية تمام زى مامترتب لها وحصل تغير بسيط بدل مااروح عند جدى المنشاوى روحت عند العزازى المهم الحكاية واحدة يا بابا والهدف إللى جايا عشانة ان شاء الله يتحقق ثق فية
محمد: ربنا معاكى خلى بالك من نفسك
امنة: كل يوم تكلمينى اطمن عليكى
حب: بس كدة حاضر يا منمن من عنية: قمر بتخبط على قاعة حب.
قمر: الوكل ياحب والكل تحت ينطروكى قاوم عشان حضابط مش ياخد على خاطرة منينا وانت ضيفة حدانا
حب مستغربة: حضابط مين
قمر: وها جواد خى امال كيف بجى تبجى خيت صاحبة وماخبراش ان ضابط مش خيك ضابط
حب بابتسامة: اه اه معلشى اصلى كنت مش مركزة معاكى يلى ننزل بقى
قمر: وها غيرى خلجاتك
حب: بس انا غيرت
قمر: بس اهنية عيب تطلعى برة طاعتك اكيدة في رجالة بالدار وميصوحش.
حب: انا محجبة ولابسة بليزر وبنطلون واسع كتان اهو مش في حاجة في لبسى
قمر: كيف مابدك
في المستشفى دخل عبدالرحيم بغرفة الكشف ودكتور وليد العزازى فحص الحالة ووضعه تحت الملاحظة في غرفة العناية وذهب ليبلغ عائلتة بوضعة.
عامر بصدمة: انت اهنية هو مافيش ضاكتور غيرك في المخروبة دى عاد.
وليد بهدوء: انا دكتور وموجود هنا وبتابع حالة جدك ولو مش عاجبك خد المريض ودية اى مخروبة تانية بس احب اوضحلك خطر على حياتة لانة اتعرض لازمة قلبية وهيفضل تحت الملاحظة في العناية وممنوع الزيارة وانا هنا بشوف شغلى عن اذنكم بقى
عامر بغل: جبر يلمك
عمار: اهدى ياخوى وهنية احسن لجدك بلاش مرمطة عاد
ماهر: معلش ياود عمى مطرين وخطر ننجلة أى مستشفى تانى.
عبدالله: بس بجى عاد ماحدش فيكم يفتح خاشمة بكلمة وبلاش حديت ماسخ جدكم مريض مش ناجص.
في بيت الحاج صبرى العزازى
على الطبلية يجلس الجد وولدة حكم واحفادة جمال وجواد وكامل وحريم الدار واقفين: كريمة: رم عضمك يا ولدى انا عملالك الوكل بيدى ياغالى
جواد: تسلم يدك ياجدتى وقبل يدها
حب: هو انتو هتفضلو واقفين مش هتاكلو ولا إيه
نعمة: كيف يابت البندر نقعد جار الرجالة وهمة بياكلو عاد
سيدة: دى عوايدنا وتقاليدنا نستنى الرجالة لم تخلص وكل وناكل بعدهم.
حب: بس ازى طب بدر حامل وغلط عليها قلة الاكل والوقفة دى تتعبها
نعمة: وبدر مشتكتش سكى خاشمك
صبرى: خبر إيه يا مرت الغالى البنتة لستها صغيرة ومش خابرة بعوايدنا ودى ضيفتى انى والكل هنية يتحدت معاها زين ويعاملها زين دى ضيفت الحاج صبرى العزازى خابرين
حب بابتسامة تقبل دماغ جدها: ربنا يخليك ياجدى
الجميع بصدمة: وهااا
سيدة مرت حكم: اتحشمى يابنتة.
حب: وانتى إيه مدايقك دى تيتة مازعلتش مع أنه جوزها انتى زعلانة لية بقى ههه
كريمة: هههههه جاتك إيه يابنتة
نعمة: جلع ماسخ
حكم: كفياكم عاد
جواد: ههههه
جاء وليد (ولد نجاة بنت صبرى العزازى متجوزة من ود عمها محمد العزازى وبعد وفاه زوجها تعيش بمنزل: والدها )
وليد بابتسامة: السلام عليكم حبيبى ياجواد حمد لله على سلامتكم
جواد: الله يسلمك يا دوك
وليد: اخيرا هلاقى حد يفهمنى ونتكلم براحتنا ههههه بس اوعى تقولى انك جاي.
ساعة24
جواد: لا دة أسبوع بحالة
وليد: بجد لا دة احنا نحتفل بقى هههه
صبرى: اقعد ياولدى كول لجمة
وليد: الله مين الامورة
جواد: دى ضيفتى
وليد بابتسامة: اوعى تكون عملتها من ورايا
جواد: اقفل خاشمك عاد ههههه
وليد: وينها امى
كريمة: حدة ستك نعمات بعافية شويا راحت تشق عليها
وليد: ستى طب لية ماحدش قال
صبرى: بعد الوكل ياولدى روح طول عليهم
وليد: حاضر ياجدى
كريمة: عوقت لية ياولدى.
وليد: اسكتو مش تعرفو إللى حصل وانا خارج من المستشفى جت حالة صعبة شويا كانت ازمة قلبية رجعت اطمن على الحالة ويطلع مين بقى المريض مش هتصدقو مين
صبرى: انطق ياولدى مين
وليد: كبير عيلة المنشاوى بنفسه
الجميع بصدمة من سماع الاسم
حب بقلق تحاول اخفاء وتدعى في نفسها: يارب جدى يفضل عايش لم اشوفو ويسامح بابا يارب
صبرى: لا حول الله يا رب وكيف حالتة يا ولدى.
وليد: زى القطط بصراحة الازمة إللى اتعرضلها صعبة على القلب بس تجاوزها
جمال: لا لازمن تعمل معاة الواجب ياضاكتور انا عايز عبدالرحيم يعيش لم يقف ويدفن احفادة كلهاتهم
نعمة: راجل من ضهر راجل ياولدى
وليد: انا دكتور وبعمل إللى علية
انا رايح اشوف جدتى ياجدى
جواد: انا جاى معاك عشان اسلم على عمتى
وليد: يلى واحكيلى عن ضيفتك هههه....
الفصل الرابع والخامس والسادس من هنا
لقراءة جميع فصول الرواية من هنا