رواية حب في الصعيد
الفصل الرابع 4 والثالث 5 والسادس 6
بقلم فاطمة الألفي
ذهب وليد وجواد إلى بيت جدته نعمات وطلب منه أن يقص عليه سبب تعرفه بهذة الفتاه: .
وليد: احكيلى إيه حكاية البت الامورة إللى هي ضفتك دى
جواد: إيه ياعم الدكتور عمال تقول أمورة امورة شايفها عيلة بضفاير ولا إيه
وليد: اوبا دة احنا بنتحمق عشانها اهو اظهر وبان عليك الامان يا سيادة الرائد
جواد: انت مجنون يابنى انت
وليد: خرج مافى جوبعتك ههههه
جواد: مُصر تعرف انا هريحك يا سيدى الحكاية بدات في القطر. : ...
وقص على وليد كيف تعرف على حب إلى أن اوصلها بيت العزازي
على الصعيد الاخر في المستشفى
عامر: عمار ياخوى ادلة انت على مصر وانا اهنية مع جدى شوف الارض محتاجة إيه ياخوى وجيبو عمار: وها وسيب جدى كدية لا
عبدالله يفكر في كلام ابية قبل أن يتعب
عبدالله لنفسه: ياترى وين ارضيك ياولد ابوى عايش ولا ميت ولا وين.
كريمة: اقعدى يابتى كولى لجمة تلاقيكى على لحم بطنك
حب بحزن: شكرا ياتيتة مش عايزة انا هطلع انام تصبحو على خير.
قمر: مش تاكلى الاول يا حب
نعمة: احسن سبوها مش عايزين جلع بينتة
حب: قبلت كريمة: تصبحى على خير ياجمر انت
كريمة: بابتسامة: وانتى من اهل الخير والنعيم يابتى
صعدت إلى غرفتها وهي تفكر بحديث وليد عن حاله مرض جدها عبدالرحيم وقررت أن تفعل شئ لتطمئن علي جدها.
حب بشرود: ياترى حالتك إيه ياجدى وازى اشوفك مش عارف تصير شويا ياجدى لم اقربك من بابا يارب طول في عمره يارب عشان احس انى لية عائله يارب كان نفسى يكون عندى اهل وناس وعائلة بقى عندى عيلتين بس كارهين بعض يارب
وذهبت إلى النوم بعد أن ارهقها التفكير.
في قاعة الحاج صبرى
كريمة: مالك ياحج شايل الهم لية عاد
صبرى بتفكير: مش عارف ياكريمة جلبى بيجولى ان في حاجة حتحصلو جلبى مخلوع.
كريمة: سلامت جلبك يانضرى جوم صلى ركعتين لله هيزيح عنيك جوم
صبرى: طيب جايم بس تعرفى يا كريمة البت حب دى مش عارف حاسسها حتة من جلبى اول مااطلعت ليها مع جواد كانى واعيلها من زمان
كريمة: تصدج ياحج دخلتها علية فرحتنى واصل كانى شايفة بتى.
صبرى: كملى ياام الغالى تجصدى امنة بتك مش اكيدة
كريمة بحزن: بتى ياحج وغصب عنى جلب الام ياخوى محروج على بتى بجالى يااما مامليت عينى عليها وهي الصغيرة.
صبرى بتنهيدة: اةةة جلبى مخلوع عليها وعلى والولاد ياكريمة خايف بحر الدم جمال يفتحو ومايتسد واصل
كريمة: تقدر تمنعنة ياحج جمال مايتنيش كلمتك واصل
صبرى: العهد ياكريمة لو حد فينا مات انتى عارفة إيه حيوحصل
كريمة: ربك كبير جوى ياحج
صبرى: العهد بينى وبين الحاج عبدالرحيم هيموت لو حد فينا مات العهد العهد
كريمة: مش وليد جال بجى زين خالاص عاد
صبرى: ربنا يجيب العواجب سليمة.
وليد: و الله بقى دى كل الحكاية في القطر لا حلوة يبق قصة الحب ابتدت في القطر وياترى هتنتهى في أى محطة بقى، حب في قطر الصعيد والله تنفع ههههه
جواد: حب إيه بس هههههه هي اسمها حب
وليد: يابنى كفايا اسمها لوحدة مشكلة هههه
جواد: طب بطل ياظريف وخبط على جدتك
في بيت الجدة نعمات
جواد: كيفك ياعمتى اتوحشتك جوى
نجاة: جلب عمتك ياولدى اتوحشتك كتير
وليد: طب بالنسبالى إيه ياام وليد.
نجاة: ههعههه روح جلبى ياولدى تعالو خشوة جوة سلمو على ستيكم.
بعد فتره عاد وليد وجواد إلى منزلهم وصعد كل منهما إلى غرفته: وغرفه جواد بجانب غرفه حب
جواد أبدل ملابسة وارتدي جلباب صعيدى فهى عادته اذا حضر الصعيد يرتدي مثل أشقائه وظل شارد يفكر في( فتاة القطار) وخط اسمها بالقلم على اوراق مكتبة.
وتذكر عندما لمس يدها والاحساس الجميل الذي شعر به لأول مرة وتذكر قبلتها إلى جدو وسلامها على جدتة وابتسامتها وطريقة كلامها وتعاملها مع جميع من بالمنزل ونام على ثغرة اجمل ابتسامة. :
قبل اذان الفجر استيقظ الحاج صبرى لاداء فريضة الصلاة في الجامع المجاور للبيت والجميع يستيقظ بعدة ويتوضا ويذهب إلى الصلاة كل يوم على هذا الدوام فصلاة عبادة وعادة تعودو عليها ان يستيقظو ويذهبو لقضاءها في الجامع.
جمال استيقظ وخرج ودق باب قاعة كامل وذهب إلى قاعة جواد ووليد. : استيقظ جميع رجالة البيت وذهبو إلى الجامع.
شعرت بقلق وسمعت أصوات وهمسات
حب بخوف: إيه دة صوت إيه ليكون حرامى هنا ولا إيه اهدى كدة يابت ياحب واجمدى هو الصوت جاى من فين بالظبط
وضعت الحجاب على شعرها وفتحت باب الغرفة وظلت تتلفت شمال ويمين ولم تجد شئ ودخلت غرفتها مرة أخرى.
دلفت الحمام الموجود بالغرفة وتوضئت وصلت فرضها وبعد دقائق سمعت صوت ياتى من خارج البيت ولأن الجو هدوء وسكون كان صوت الهمس يتضح:
ذهبت إلى شباك الغرفة وفتحتة ورأت الجد والاحفاد يتجمعو في حوش الدوار(زى جنينة أو حديقه)
ظلت تنظر إليهم بابتسامة من خلف الشباك فهذة عائلة والدتها التي تنتمى إليهم وتريد أن تسعد معهم وتحظى بحبهم.
صبرى: حكم هتتوكد من العلف وخد كامل امعاك وانت ياجمال هتابع المحصول واوعاك والدودة تطولو ياولدى
جمال: اطمن ياجدى
وليد: وانا هكمل نوم عندى مستشفى كمان كام ساعة بالاذن ياجدى
صبرى: وانت ياجواد مش طالع تريح بدنك ياولدى
جواد: انا تمام ياجدى
صبرى: كيفو شغلك ياولدى
جواد: زين ياجدى
صبرى: ابج دير بالك على حالك ياولدى واوعاك رصاصة طايشة تصيبك خلى عنيك على عدوك واوع تغفل عنية ياولدى شغلنتك واعرة جوى وخيطرة ياولدى.
جواد بابتسامة: الأعمار بيد الله: وقل لن يصيبنا ألا ما كتبة الله لنا
صبرى: ونعم بالله ياولدى خد بيدى جومنى
جواد يمسك بيد جدو. على مهلك ياجدى
كريمة الفطور ياحج
تعا ياجواد اوفطر ياولدى
جواد: لا يا كريمة انا عايز انام خفيف ههههه افطرى انتى ياجمر مع راجلك عاد
كريمة: بجى اكيدة...
حب طلعت أمام الغرفة
حب: بس بس بس
جواد: هههه إيه موقفك هنا وبعدين إيه بس بس هو انا قطة ولا إيه ههههه
حب بهمس: عايزة اتكلم معاك.
جواد: ماينفعش نوقف كدة لو حد شافنة هيفهم غلط ادخلى اوضتك وهاتي رقمك وهكلمك
حب: طيب هههه
جواد: في إيه اكتمى هتفضحينا
حب: انت بتلبس كدة هههه
جواد: نعم ياختى هو سيدتك لسة واخدةبالك ان لابس جلبية ولا إيه بس قمر صح
حب: إيه الغرور دة
جواد يظبط هندام الجلبية: ثقة طبعا ايش فهمك انتى ادخلى هاتى موبايلك اسيف رقمى علية
حب: ثوانى
بعد دقيقة حب اتفضل الموبايل
جواد: ايفون: 8 لا دة انتى غنية بقى
حب: سجل بسرعة
جواد: اتفضلى.
حب: شكرا
دلفت الغرفة واجرت الاتصال برقمه
جواد داخل غرفتة واستمع لرنه هاتفه علم انها هي
جواد بمراوغة: الو مين بيتصل في وقت دة
حب: ياعم انا حب
جواد: حب إيه وكلام فاضى إيه
حب: وربنا هقفل
جواد: يكون احسن انا عايز انام
حب: طب جوابنى الاول عشان ماعكش الدنيا لم حد يسالنى
جواد: حد مين ويسالك ف إيه خلاص ماتقلقيش انتى هنا في امان وحماية جدى وماحدش هيكلمك
حب: طب لية قولت انى اخت صاحبك
جواد: عشان كدة احسن في حاجة تانية.
حب: انت ظابط إيه جيش ولا شرطة ولا جوية ولا بحرية ولا إيه
جواد: ولا واحد من دول هههه
حب: امال ظابط إيه ايقاع
جواد: ايقاع ههههه انتى مجنونة يابنتى
حب: الله ماانتى بتقول ولا واحد من إللى قولتة اعملك إيه
جواد: عايزة تعرفى لية
حب: عشان ان اتفاجئت انك ظابط وانا اخت صاحبك والمفروض تكون عارفة انت بتشتغل إيه وصاحبك إللى هو اخويا كمان بيشتغل إيه واسمةاية.
جواد: اه كل دى اسئلة انا عايز انام لم اصح فايق ورايق كدة هقولك روحى نامى سلااام.
.
🔴🔴🔴🔴🔴🔴🔴🔴🔴🔴🔴🔵🔵
الحلقة 5
.
الفصل الخامس
في بيت الحاج عبدالرحيم
كان الوضع مقلق بسبب تعب وغياب الجد عاد ماهر وعمار إلى البيت وترك عبدالله وعامر مع جدهم بالمستشفى.
نجية بفزع: خير يا ولدى جدك فينو وكيفو دلوك
عمار: اطمنى ياجدتى جدى بخير بس هيبيت في المستشفى كمان ليلة عشان نطمنو علية
ماهر: ادعيلو ياجدتى
نجية: ربنا يشفية ويرجعة بيتو بالسلامة ياولدى
عمار: مها جهزيلى خلجات عشان أدلى على مصر نجيب طلبات الأرض.
مها زوجه عمار وابنه عمه عبدالله: مها: وها مش تنعسلك هبابه ياعمار انت تعبان يانضرى
عمار: انا بخير يامها جوم عايز الحج الجطر(القطار )
مهجة مرات عامر واخت مها وماهر
مهجة: وعامر وبوى مع جدى
ماهر: ايوة عاد ابجى جهزى وكل وابعتية مع أى حد من الرجالة
مهجة: من عنية ياخوى
هنية: ام عمار وعامر.
خلى بالك على حالك ياولدى
عمار: ماتخفيش علية يا اماى
نجية: ربنا يستر طريجكم ياولدى
زينب: خد بالك على حالك يا ماهر ياولدى.
ماهر: يااماى احنا مهاجرين عاد ولا إيه سلامو عليكو
في بيت الحاج صبرى العزازى: نعمة في غرفه ولدها جواد
نعمة: جواد ياولدى جوم افطور مع جدك عشان عيكلمك في موضوع مهم ياولدى
جواد: حاضر يا امى
أبدل ملابسة وهبط الدرج وتوجه إلى مكان جده
على الطبلية قاعد الحج صبرى ووليد
جواد: صباح الخير ياجدى
صباح الخير ياجدتى وقبل يد كل منهم وجلس بجوار وليد بعد دقايق نزلت حب
حب بابتسامة: صباح الخير ياجماعة
صبرى: صباح النور يابتى.
كريمة: صباح العسل يابتى نمتى مليح
حب: جوى جوى ياتيتة هههه
جواد: هههههه قولى جوى جوى ياستى ههههه
نعمة: افطور المشلتت هيوبرد ويبج ماسخ
حب: اممم هو إيه دة
كريمة: دى فطير مشلتت بالذبدة والقشطة يابتى عمايل ستك كريمة
حب بابتسامة: جدى هو ممكن ادوق
صبرى: وها مدى يدك يابتى
حب: شكرا ياجدى بس البنات ياكلو معانا عشان بدر حامل وكمان قمر شكلها مرهق اوى وجدتى طبعا هي محتاجة تاكل وترتاح.
جواد وليد ينظر كل منهما لاخر، منتظرين قرار جدهم
صبرى: اجعودو يابنتة والحجة كريمة جبليكم
حب بفرحة: هااااى تسلم يا جدو
صبرى بابتسامة: تعيشى يابتى مدى يدك بجة
حب: الله طعمة جميل تسلم يدك ياتيتة
سيدة: ماكفايك جلع ماسخ
نعمة: بنتة عايزة حش رجبتها
حب: ههههههه عسل ياطنط
كريمة: رايدة عسل نجبلك يابتى بس بالمش بيكون طعم زيك
حب: تسلمى يا عسل انتى هههه
صبرى: هههههه
وليد: طيب انا رايح المستشفى ياجدى.
صبرى: ربنا امعاك ياولدى
حب: هو ينفع ياجدى اشوف الأرض الزراعية واشوف البلد مع جواد
صبرى: لا يابتى الناس تتحدتو عليكم لو لاجوكم ماشين لحالكم
حب: لدرجادى الناس علطول تفكيرها غلط
جواد: مش غلط بس دى طبع وعوايد وتقاليد وكل بلد لها عادات مختلفة
حب: بس انا عارفة ان المنيا فيها اثار ومعالم سياحية عايزة اشوفها ان سمعت عنها كتير
صبرى: جواد طلع العربية ياولدى وفرجها على تراث بلدك ياولدى بس بلاش مشى.
جواد بابتسامة: حاضر ياجدى يلا معايا ياحب
حب: قبلت جدها: ربنا يخليك ليا يا جدو
جواد يقو سيارته وحب جانبة.
حب: قولى بقى ياحضرة الظابط انت ظابط إيه
جواد بابتسامة: ظابط نفسى ههههه
حب: اتكلم بجد
جواد مُصرة تعرفى
حب: اه طبعا مش انت صاحب اخويا هههه
جواد: ظابط في العمليات الخاصة
حب: يعنى إيه
جواد: يعنى عمليات سرية مهام صعبة.
حب: فهمت زى مثل تعملو هجوم على الارهابين زى عملية الوحات كدة لم ضربتو الضربة ورجعتو الظابط الرهينة
جواد بابتسامة: ايوة زى كدة
حب: مابتلبسش زى رسمى
جواد: لا بقولك خاصة وسرية مش فضحية ههههه
حب: الله
جواد: الله إيه عجباكى الشغلة تشتغلى معايا
حب بحماس: بجد هو ينفع واكون ظابطة بقى واعمل اكشن وضرب نار بجد والله ينفع
جواد: ههههههه انتى مجنونة يابنتى ولا إيه انتى جايا علاج طبيعى ولا تقطعى على شغلى ههههه.
حب: نفسى اعيش جو الاكشن والمغامرة وكدة
جواد: والله ههههه هبق اخدك يوم واعيشك الجو دة بس خطر على فكرة
حب: العمر واحد والرب واحد
جواد: قلبك جامد بقى
حب بابتسامة: قلب اسد ههههه
جواد: ههههه دة انتى مصيبة قوليلى بقى إيه حكايتك
حب: حكاية إيه ماانا قايلك في القطر كل حاجة
جواد: اممممم متاكدة
حب: اه طبعا وهخبى إيه
جواد: تمام عايزة تروحى فين
حب: اشوف الزرع والناس وهي بتزرع وجو الصعيد دة بقى.
جواد: هههه مش كنتى عايزة تشوفى الآثار
حب: لا فسحة تانية بقى
جواد: داخلة على طمع بقى هههه
وصل وليد المستشفى وفحص حالة الحاج عبدالرحيم وخرج طمئن عائلته وظل يباشر عملة في هدوء.
جواد: اوعى تنزلى من العربية تتفرجى من بعيد لبعيد
حب: نعم مش هعرف اشوف من بعيد
جواد: بس ماينفعش تنزلى وسط الرجالة كدة
حب: طب مانروح نزور وليد في المستشفى.
جواد: هههه على اساس واحشنى مثلا دة لسة سايبة تعالى هفرجكك على زريبة المواشى واسطبل الخيل
فحب: بجد طب يلا بينا
بعد فترة ذهب جواد و حب إلى البيت
جواد: ها ياستى مبسوطة
حب: جدا شكرا
جواد بابتسامة: العفو...
صبرى بتنهيدة: بدى اشوف عبدالرحيم ياكريمة بس ماخبرش كيف
كريمة: جول لوليد ود بتك
صبرى: جمال لو خد خبر هيزعل وكمان عيال عبعزيز اكيد هتجوم حريجة عاد
كريمة: يبج بلاش ياحج مانعن للمشاكل ياخوى
صبرى: ربك يسهلها.
.
🔴🔴🔴🔴🔴🔴🔴🔴🔴🔴🔴🔵🔵
الحلقة 6
.
الفصل السادس
تحسنت حالة الحاج عبدالرحيم وخرج من المستشفى ومازال ليزم الفراش والراحة.
في غرفة حب كانت تجلس معها قمر وبدر ويتبادلو اطراف الحديث بينهم، والتعرف على عائلتعا
قمر: وها واعر جوى ياحب
حب: دة حلو اوى عليكى دى اسمة شانل يعنى قميص بيتى البسية في اوضتك ودة عشانك يا بدر
بدر: وها أنا حبلة(حامل ) يعنى هيجسم علية
حب: ههههه عادى مش قدام جوزك انتم مكسوفين لية هههههه ياعينى عليك ياجمال انت وكامل ههههه
قمر: وها عيب اتحشمى هههههه
حب: هههههه طب بتعرفو ترقصو.
بدر وقمر: وها كيف المسخرة دى عيب عاد
حب: والله انتو إللى مسخرة هههههه انا عندى اغانى جامدة ممكن اعلمكم عليها ها إيه رائيكم هنرقص مع بعض لوحدنا واحنا بنات عادى يعنى
بدر: انا مش هعرف انا حبلة وتعبانة
حب: لا انا وقمر ههههه عشان تجلع على كامل هههه وانتى لم تولدى ابقى اجلعى على جمال ههههه:
اسمعوا بقى
وفجاة اقتحمت نعمة وسيدة غرفتها بدون استاذان.
سيدة: انتو جاعدين اهنية بتعملو إيه جومى منك ليها ورانا شغل الدار مش وجت مسخرة مع بنت البندر
نعمة: فزى يابت
قمر: طيب اها
بدر: وهة مانرتاحش هبابة عاد
حب بحزن: استنى ياقمر نسيتى حاجتك وانتى يا بدر
قمر وبدر: تعيشى يا جشطة
نعمة: اياك وحدة منيكو تجعد معاها احنا لانعرف اصلها ولا فصلها
سيدة: بلا هم بنتة عايزة قطع رقبيهم انتى سامعة يابت
بدر: طيب يااماى
نعمة: اوعاكى ياجمر
قمر: طيب دى غلبانة جوى وطيبة جوى جوى.
نعمة: هي كلمة ومش هتنيها تانى واعين
وليد مع جواد
جواد بصدمة: نعم بتقول إيه
وليد: زى مابقولك كدة والله شايفه بنفسى
جواد: يعنى إيه بتستغفلنى ورحمة ابويا ماانا سايبها هي فاكرة إيه هتقدر تضحك علية
وليد: اهدى ياجواد استنى نتاكد الاول
جواد: انا عارف هتاكد ازى
وليد: اوع تتهور
جواد: ماتخفش انت هتروح
وليد: هعدى على امى ويمكن تروح معايا
جواد: طيب انا ماشى سلام.
جواد بشرود بقى كدة طيب صبرك علية وانا هربيكى من جديد مش جواد العزازى إللى يتختم على قفاة، وظل يتوعد لها طوال الطريق إلى ان وصل المنزل.
بعد وصله إلى بيت العزازى
وبعد أن تاكد ان الجميع مشغول بأعمال البيت صعد إلى غرفتها واقتحمها بدون أى إنذار ليعطيها فرصه اخيرة لتخبرة عن حقيقه وجودها
حب بخضة: اه جواد في إيه وازاى تدخل اوضتى من غير ماتخبط
جواد يغلق الباب ويقترب لها بهدوء
وحب بدأ القلق والتوتر يرتسم على ملامحها
جواد بجديه: انتى هنا لية ومش هقرر كلامى
حب: بتوتر: هو ينفع تدخل اوضتى كدة افرض يعنى انى
جواد ببرود: اه كملى تقصدى إيه.
حب بتوتر: عايز إيه
جواد: انا سالت اتفضلى جاوبى
حب: انت عارف وانا قولتلك كل حاجة اول لم شوفتك
جواد: تمام هاتى بطاقتك عشان هروح الجامعة وهظبطلك الورق تدخلى بيت المغتربات
حب بتوتر: لا شكرا انا هبق اتصرف
جواد: بيقرب منها: انا ظابط مهم وليه اسمى وسمعتى وعندى معارف كتير يتمنو بس اشارة منى ويخدمونى
حب بتوتر: مش معايا ورقى
نسيتو في مصر
جواد: غريبة مصر ولا دبى
حب بتوتر اكتر: مصر.
جواد: بس انتى قولتلى جايا من الإمارات ولسة اهلك هناك يبقى فين الورق بقى
حب: لا ماانا نزلت مصر الاول يعنى وبعدين جيت على هنا
جواد: اممم طيب تمام عادى ورقك دلوقتى في الجامعة الصبح تكونى جاهزة نروح نخلص كل حاجة وانا دخلت بسرعة ياستى عشان شوفت جدتى وماينفعش تحس سورى وعن اذنك
حب: حصل خير
جواد: اوعى تنسى بكرة الصبح تكونى جاهزة نروح مع بعض
حب: اه طيب
دلف غرفته بعد أن ترك حب وهو في قمة غضبة.
ومازالت تصر على كلامها وعلم وقتها بكذبها، لانه يعلم بحكم عمله ماذا تخفيه العيون وعلم من تهربها وتوترها انها كاذبه، فهو ضابط العمليات الخاصه، ويدرك الناس
جواد بضيق. بردو رافضة تتكلم يعنى كلام وليد صح ودة باين عليها من توترها انا مش عبيط
في حاجة مش مطمن ليها. : اخرج هاتفة واتصل باحد الاشخاص في مديرية القاهرة واعطى اسمها
خالد: اومورنى ياجواد.
جواد: معلشى ياخالد عايزك تجيبى معلومات عن صاحبة الاسم دة كل حاجة تكون عندى انهاردة ضرورى
خالد: قولى الاسم وخلال ساعة هيكون عندك تاريخ حياتها
جواد: حب محمد عبدالرحيم المنشاوى.
الفصل السابع والثامن والتاسع من هنا