رواية حوريه في قلب الليل
الفصل الرابع 4
بقلم ميفو السلطان
كان ليل قلبه يرجف من ذلك الصوت الذي يصدح كسحر ينساب بداخل القلوب تقدم ليظهر طرف فستان من وراء الاشجار ...تقدم وهو يستغفر ربه انشل مكانه فامامه جنيه خرجت من الماء او هكذا ظن كان يقف وجد فتاه ذو شعر طويل اقل ما يقال عليه انه اشعه من الحرير الصافي .كان شعرها يخطف الاعين وضوء القمر يسطع عليه وهناك ضوء خافت من احد الاعمده القريبه نظر الي وجهها سهم في هذا السحر الرباني وصوتها سيفجر مشاعره نظر الي فستانها كانت كسندريلا هربت من الروايات لوحه فنيه يصدر منها اعذب الالحان.. حوريه نزلت من السماء شعرها يتدلي حولها وفستانها يهفه الهواء ويداعب شعرها ليطير في جمال خلاب وجسدها ينير من الفستان وعيونها سارحه تدندن بحالميه وسعاده تلهب القلب .كتم انفاسه وصمت حتي لا تقفز في الماء اقترب بهدوء ونزل ورائها ركن بهدوء علي الشجر يراقب تلك المخلوقه الغير آدميه.
كان ليل من الشخصيات الشديده التي لا تتاثر بشئ ولكنه احس انه لبس وان الجنيه تلبسته تماما يقف مسحورا....
ايه دي دي جنيه والا عفريته بسم الله الرحمن الرحيم فيه اكده.
اقترب اكثر وركن بجوارها تتطاير خصلات من شعرها لتقع علي جسده وهو جالس مد يده مسحورا ومسكه ورفعه الي انفه كان كأنه خدر .ظل فتره جالس عيونه تلتهم وجهها وجسدها الذي يسطع في نور القمر وشعرها بين يديه كسلوك الذهب مختلطا باشعه القمر كانت لوحه رائعه .اقترب اكثر ليصبح خلفها تماما وتدخل رائحتها في انفه انساب لاول مره ليل الرفاعي اسد الرفاعيه ينساب بداخله شئ غريب وقلبه يخفق بعنف من قربها فشعرها بالكامل اصبح شلالات علي جسده هلك قلبه .حسس علي جيبه ويخرج مديه صغيره ليمسك جزء من شعرها ويقصه ويشمه اغمض قليلا كالمسحور وخرج منديله يضعها بداخله يعود لينسحر بذلك الجمال.
سمعها تتنهد وتهمس.... يا ربي هفضل طول عمري لوحدي كده.. قلبي وجعني من وحدتي لا ليا حبيب ولا ليا حد يملس علي قلبي.. قلبي وجعني ودنيتي وجعتني.. احس انه يريد ان يحتضنها ليسمعها تهمس بحنان....
انا وحيده.. دانا من كتر ما جرالي... بيصعب حالي علي حالي.. ومش عارفه منين جايه ورايحه لفين.
انا ضعيفه... ليالي الوحده دي مخيفه... حياتي ممله وسخيفه... في نفس الدايره انا ماشيه بقالي سنين. بنام بس الوجع صاحي... ومين بيحس بجراحي... لامتي يا قلبي هتخبي... وامتي يا روحي ترتاحي... وجايه دنيتي عليا ومنسيه... ساعات ببكي وانا بغني... واطمني وبحضني مانا اصلي ماليش غيري وبمسح دمعه في عنيه بايديا... ومش فارق بقا بيا بقيت حتي مابحلمش في يوم ارتاح... وموعوده بتعبي وخوفي موعوده... بنام يس الوجع صاحي ومين بيحس بجراحي واملي يا روحي ترتاحي وجايه دنيتي عليا.
صمتت وانهالت دموعها لتركن براسها للخلف علي كتفه .رجف قلبه من فرط مشاعره وتلبسه حاله من السحر . كانت حوريه تغني وحالمه في دنياها لا تشعر بذلك الهائم الذي يهيم بها ظنا انها ساحره لتحس بعيونها تقفل فهي كانت تريد النوم واختها شدتها عنوه لتركن وتغمض وتتوه وترتخي رويدا رويدا.
سقط راسها علي كتف ليل احس بقلبه يرجف لم يتحرك خوفا ان تستفيق لتغوص في النوم غصبا عنها فهي متعبه .احس بها ثقلت علي كتفه ركن اكثر وقعت علي صدره ليتلقفها بيديه همس... هو فيه ايه يا مري مين الجمر دي لينهال شعرها علي يديه تلمسه.. ده ايه ده... طب اعمل ايه دلوك نايمه كيف الجمر ولابسه ايه وكتفها بينور يا مري لو حد وعالها كت هتبقي مرمغه اروح بيها فين اخطفها دي عاد انت مين يا بت الناس .ظل سارحا فيها مسد علي شعرها و راسها علي قدميه لتتململ هيا رجف قلبه.... حاسس اني هفطس من كتمتي ظل سارحا فيها نائمه كطفله صغيره.. ايه حد ينام اكده هبله دي والا ايه. واحد تاني كان خدها طفش بيها وماهي لازمن تتاخد ماتتسابش دي لتتحرك. كتم أنفاسه ....اكتم هتصحي منك لله. اخذ شعرها يضعه علي صدره وملس عليه.. دا ايه ده بالله ماشفت جلبك هينط من مكانه يا ليل وانت واعر كيف الحجر .وجدها تتاوه لا ماتصحيش.حركت يدها لتمسك يده رجف قلبه.. هموت يا بت الناس اقسم بالله اخذ يدها يضعها علي قلبه النابض .. فتحت عيونها لتظل ساهمه لتجد عيون تنظر اليها بقرب شديد وهيا في احضان شخصا غريب فاقت الي نفسها َ دخل الرعب الي قلبها وتهب مره واحده لتترنح وكانت ستسقط في الماء مسكها ليل مره واحده وشدها اليه لتنظر الي عينيه سرح بهما كان ملموسا بها .وجدها تنتفض وتبعد برعب وتتلفت يمينا ويسارا والرعب بادي عليها كانت تنظر وتبحث عن اختها وبدات تنتفض وترتعش وتدخل في هيستريه وخوف.
هتف مسرعا... اهدي اهدي مفيش حاجه...
الا انها اندفعت لتبتعد احس بها ستهرب ذهب مسرعا يقف امامها لتاتيها حاله من الرعب التي تتلبسها لتبتدي ان تنتفض بشده وترتعش.
هتف... فيه ايه بتعملي اكده ليه مش هاذيكي فيه ايه.
لم تعرف كيف تتصرف من رعبها سقطت علي الارض وتتكور علي نفسها وتحتضن نفسها وتأن برعب ولم يجد طريقه الا ان اندفع واحتضنها .احس انه يريد ان يدخلها الي اضلعه كانت تنتفض بين يديه وتأن بهستيريه.
همس... اهدي والله ماهعملك حاجه ظلت بين يديه وهو يضمها همس والله ماهعملك حاجه اهدي يا بت الناس كانت تتشنج ...مسك يديها ويضمها وهمس اهدي والله اهدي.. الا انها اغشي عليها من الرعب .احس بها استكانت بين يديه بعدها ليهوي قلبه فهيا كانت بلا حول ولا قوه .تلمس وجهها بحنان يطبطب علي خدها ويناديها لعلها تفوق كانت راسها علي صدره وقلبه يدق بعنف من قرب تلك الحوريه.. همس .....هو فيه ايه مين دي وطلعتلي منين ومالها اتنفضت اكده.. كيف الجمر جاعده لحالها كيف ده انجنت واهلها انجنو يسبوها اكده.. دي تتساب لوحدها دي يتجفل عليها الف باب ماحد يوعالها ليبدا في تاملها اكثر ..نظر الي شعرها.. ومسكه.. ايه ده ده بجد والا ايه ماشفتش اكده كانت خصلاتها تلف علي ذراعه ليتلمسه ويضعه علي انفه.. ايه جلبي هيوجف اتجنيت اياك داني ليل..
نظر الي عيونها المغلقه.. كانو كيف السحر دول ولم يعرف ماذا حدث له نظر لشفتيها واحس ان صدره سينفجر ما بداخله..... مين دي عامله اكده ليه دي زي اللي جاين من الروايات ايه الشعر ده. ده حجيجي ازاي مسكه يتفحصه.. ايوه حجيجي هو فيه اكده ولابسه ايه يا مري الجمر ده حد يلبسه اكده دا يغطوه ويخبوه عن عين اي حد.. رفعها بالقرب منه وهتف.. فوجي يا بت الناس ايه يا ليل جلبك هيتفرتك من مكانه عملتلك ايه هيا ...مسك يدها وضعها علي قلبه واغمض عينه احس بجسده ينساب اكثر تنهد وفتح عيونه.. كيف تمشي اكده وجتتك النار دي تبان اكده لو حرمتي ما هسيبش طرفك يبان.. مامتحملش منظرك ده لو حد وعالك يا مري. شعرك ده لوحد سحر ليلمه ويضعه في احضانه ليحس انها ملكه بشعرها بجسدها بكلها ليراقب وجهها .مد يده مسحورا يتلمس شفتيها .. احس بلسعه اصابته ايه دول دول بجد هما لونهم عامل اكده كيف ...ظل يملس عليها بيديه مسحورا.. انتفض مره واحده وخرج من حالته.
همس... اتجنيت انت دي حرمه الله يخربيتك عتحسس عليها منك لله..تجلد .... انت يا بت الناس فوجي انت مالك اكده منين انت والا طلعتيلي منين جلبي هيجف يادي السواد هو فيه حرمه اكده ما وعيتش شفت وسافرت ورحت ماجابلتش .
بدات هيا في التململ والتاوه خفق قلبه فهيا كالبدر في تمامه جنيه خرجت له من حيث لا يعلم لتبدا هيا في الافاقه وما ان رات نفسها بين يدي ذلك الغريب حتي اطلقت صرخه عاليه احتضنها مره اخري لعلها تهدا..
********
عند لؤلؤ كانت عادت ادراجها من الطريق ووجدت احد الجسور عليها ورود لتسعد كثيرا بدات في قطف مجموعه منها وظلت هكذا ووضعت احد الورود في شعرها.
همست.... ايه الورد القمر ده قمر زيك يا بت يا لؤلؤ .. يلا انجزي زمان اختك الهبله خايفه.. ربنا يهديها عسليه يا بت يا لؤلؤ واختك عسليتين يا سلام لو الاقي فارس احلامي المز بتاعي والله ماهعتقه يا خراشي يا ناس البت حوريه دي اجوزها الاول ما هي هبله لازم اطمن عليها يجلها حد عسليه كده زيها بس مايبقاش اهبل هيبقو اتنين بس حنين عشان هيا غلبانه وبعدين اشوف نفسي بقه.. والاقي قمر زيي كده ولاسع يحب ويسحسح واد مز وحنين ومطرقع كده يا لهوي دانا اقفش فيه قفش. هتيجي امتي يا واد تاخدني عالحصان الأبيض..
سمع ضحكه ورائها لتستدير وجدت احد الرجال يقف ينظر اليها ويبتسم عليها قطبت جبينها تحس بالرهبه.
سمعته يقول... واقفه وسط الضلمه ومستنيه تحبي وتسحسحي في مين يا جمر.
قطبت جبينها وابتعدت قليلا تقيم الموقف وهو مبتسم ينظر اليها فلم يكن الا جاسر الرفاعي كان يراقبها وهيا تقطف الورد وسمع كلامها .ضحك علي تلك الشقيه لتستدير وتبتعد من سكات فكان الموقف لا يحتمل اي مجادله .
بهت من انصرافها اسرع يقف امامها لتحاول ان تتخطاه ضحك ويعود يقف امامها لتهتف... ماتتلم يا جدع انت.
ضحك فكان بطبيعته مشاكسا.. دا المز العسليه االي هيسحسح طلع له لسان وجامد.
هتفت...... لا والله وطلعت خفه وبتفهَم ...رفع حاجبيه من طريقتها هتفت...... وسع من خلقتي احسنلك..
هتف... ولو ما وسعتش هتعمل ايه يا جمر ياللي مستني فارس الاحلام.
نظرت اليه بغضب.. بقلك ايه لتكون فاكرني هخاف منك لا يا شاطر انا صعبه اوعي تفكر اني هسكتلك.
اقترب منها يهمس ويغمز لها.... لا من جهه صعبه فانت صعبه موت وجمر وعيون الجمر جلبت مش كت زرجا بجت رمادي كيف يالهوي يابوي ايه ده جمال ينفع يبجي لوحده اكده ايه ده ماشفت اكده واصل.
هتفت ساخطه... وسع بدل ماطين عيشتك.
هتف... لاه ماليش مزاج اوسع رايد افضل اكده بس الجمر منين.
قالت.. ماتوسع بقه بلاش تناحه فين نخوتك ابعد بقه.
هتف.. نخوتي اني ماسيبش مزه جامده اكده لوحدها في حته مجطوعه تتاكل وهيا عن حج تتاكل بلبسك ده يا جمر.
صرخت... احترم نفسك والله اسوي وشك بالاسفلت .
ضحك... نفسي اعرف جايبه جوه جلبك دي منين والجمر شكل العسليه بس رايد يضبط ينفع شعرك اكده اللي يهبل يبان للكل اكده مش عارفه ان اهنه ماحدش بينكشف يا بت الناس.
صرخت... وانت مال اهلك انكشف والا اولع... ماتغور بقه من قدامي ايه الجبلنه دي..
هتف... بت مين انت وبتعملي ايه اهنه.
قالت... مَالكش دعوه يا بارد وحاولت ان تمشي قف امامها .اقترب منها لتبتعد.
هتف... ايه خايفه مني.
صرخت... لا يا حيلتها مش خايفه انا مابخافش لتنزل علي الارض وتاخذ احد الاحجار يمين بالله لاكون معلمه عليك ابعد احسنلك.
هتف ....ايه ده دا المز المسحسح طلع له خرباش اهوه وبيهدد بس يد الجمر ماتشيليش الا الورد نزل الحجر يا عسليه لتتعور.
هتفت... ولااااا بقلك ماتخلنيش اتغابي عليك ماعنديش خلق وسع بقه.
هتف... يا بت الناس اوسع كيف ماهينفعش واسيبك دلوك لوحدك اتخبلتي اياك ..اقترب منها اهوه مش بتدوري علي فارس الاحلام شبيكي لبيكي يا عسليه نرجع الجمر موطرحها.
هتف .... فاكراني هسيبك اياك .
صرخت... انت واحد ماعندكش دم وقليل الربايه.
اقترب ومسكها من يدها بقوه... لاه تطولي لسانك المز هيزعل..
رفعت يدها تصفعه فشبك يدها واحتضنها .
صرخت... اه يا سافل اوعي ياض احسنلك.
ضحك وهتف جنب اذنها ليقول... يعني متكلبشه وبرضه لسانك مبرد ايه ده بس جمر وشعر جمر وعيونه جمرين يا جط انت.
كانت تحاول ان تنفلت منه لتنزل علي يده تعضها.
صرخ وافلتها هتف... اه يا بت العضاضه لتنزل تحضر طوبه وتحدفها فيه لتاتي في راسه ليتاوه.
هتف... لا انت قليل الادب اوي وانا مش هقعدلك تتكلم عالفاضي وعلمت عليك يا زباله وبينما هيا تتكلم سمعت صرخه عاليه رجف قلبها.. حوريه نهار اسود.
بهت جاسر من صرختها وجدها تندفع وتدفعه وتعدو علي اخر جهدها وقف لحظه يضع يده علي راسه مكان الحجر يتالم قليلا ثم اندفع ورائها.
ظلت تعدو كان الشياطين تلبستها لتصل اخير ارتعبت لتجد احد الرجال يحتضن اختها وهيا تصرخ وجدت احد العصيان بجانب الشجر لتاخذها وتخبطها به ...ترنح قليلا لتندفع وتاخذ اختها وتشبث بها حوريه من الخلف برعب كانت منهاره مرتعبه.
في تلك الاثناء وصل جاسر ليري ما حدث هتف ليل غاضبا... انت مجنونه يا بت انت.
صرخت لؤلؤ وتشوح بالعصا... يمين بالله اللي هيقرب لكون مموتاه.
كان جاسر عيونه منصبه عليها وكيف تلبستها تلك القوه اما حوريه فتكلبش فيها.
هتف ليل وقلبه يرجف... جوليلها ماتخافش هيا مرعوبه ليه اني ماعملتلهاش حاجه واصل..
ابتعدت لؤلؤ باختها وتلوح بالعصا.... ابعد والله هديك واحده تموت فيها.
هتف جاسر... اهدي ماحدش هياذيكو.
صرخت... ماحدش يقدر يأذينا يا بتاع انت.
رفع جبينه... بتاع اني بتاع.
هتف... وسع ياض عشان هصور جنايه والله.
هتف ليل بصوت عالي.... ماتتلمي ابت انت انت طايحه ليه.. رتعشت حوريه من صوته و بدات تنتفض صرخت لؤلؤ... حوريه اتعدلي مش وقت خوف.
هتف ليل بحنان.. بطلي تزعي فيها ماحدش هياجي جنبك يا بت الناس بطلي تتنفضي اكده. شدتها لؤلو وهمست..... هعد تلاته ونجري ماشي هزت راسها ..ظل دقيقه ينظر اليهم ليجدهم قد انطلقا كالريح.
بهت وتراجع وظل ينظر اليهم وقلبه يخفق من بعد تلك الحوريه ادرك انهم ابتعدو هب يعدو خلفهم فلم يستطع ان يتركها وهيا تبتعد وعيونه تسهم وجدها ترحل الا انهم سبقوه ودخلو وسط البيوت وظلو يسرعو حتي وصلو الي البيت دخلا من سكات ودخلا الي الحجره انفجرت حوريه بالبكاء .
احتضنتها لؤلؤ هتفت...... خلاص يا حبيبتي اهدي اهدي والله هتبقي كويسه انا اسفه اني سبتك والله اسفه يا عمري.
نظرت اليها حوريه.. انا خفت اوي دا حضني يا لؤلؤ ماعرفتش ابعده انا ليه كده ليه ضعيفه وجبانه كده لتنتحب علي حالها.
احتضنتها لؤلؤ... لا انت مش ضعيفه انت جميله وحساسه يا قلبي والله انت مفيش زيك.
هتفت حوريه ....مش عارفه قلبي مقبوض يا حبيبتي ونفسي طابق عليا خايفه.
هتفت اختها... اهدي احنا في بيت جدك اهوه يا عمري في امان ربنا يخليه لينا..
*****
عند ليل كان يبحث عنهم كالمجنون ومعه جاسر صرخ... راحو فين دول طلعو منين.
هتف... جاسر اهدي فيه ايه هنلاجيهم مالك اكده.
هتف ليل بقوه... فيه ازاي بنات بالشكل ده واللبس ده يجعدو لحالهم. ولاد مين دول شكلهم مش من اهنه ولا يعرفو عوايدنا واحده لابسه اجصير والتانيه كشفالي دراعتها وشعرها مدلدل للارض كان يحترق ولكنه لا يعلم لماذا يغلي..ليكمل.. كيف الحال لو حد من الواغش شافهم ليفور اكثر فمنظر حوريه خلع قلبه .هتف ....يا مري دي كانت هتبقي مدعكه والبنته تروح فيها.
هتف جاسر ....ماتجلحش كان معاهم طلجه البت التانيه طلجه اقسم بالله وجفت خبطتك وكانت هتاكل جلبك ايه جنيه تخطف العجل.
سرح ليل في حوريه... جنيه تخطف العجل واي عجل.
هتف جاسر ....ماتجلجش هشوف مين دول وهعرف َ. واللي ساب بناته اكده هيتحاسب.
هتف ليل... تجبهولي احاسبه كيف يطلجهم اكده بلا حيا وخشا انا فاير من منظر البت التانيه ايه كانت تسحر لو حد وعالها ماكانش هيسيبها.... سهم قليلا..... ماهي ماتتسابش واصل..
هتف جاسر... هدعبس عليهم ماتخافش ويلا هم الوجت وخر هم بينا لينصرف جاسر فظل يتحسس خبطته ويبتسم ....يا بنت الجنيه ايه طايحه مش خايفه اياك واجفه جمر بس فرسه ايه. مين دي يا حزين وهتعرف موطرحها ازاي البت عيونها جمر وبتجلب كيف الجطط تتوه فيهم وشعرها لون الليل ولابسه ايه دي دا لو حرمتي اخبيها والبسها شوال مايوعالوش حد. كشفالي رجليها ودراعتها وجتتها اللي بتنور دي الحزينه كت بتجطع ورد لحالها فين راجلهم كيف يسيبهم اكده دا مرار جلبي محروج لو حد وعالهم كان هيسود ايامهم بس وحش فارد ايه ده واجفه لا خايفه ولا حاجه بطحتني وخبطت ليل الحزين اللي كان جافش في الجنيه ام شعر مين دول اللي طلعولنا من تحت الارض.. ظل يتململ ..تنهد ..نام بجه والصباح تعس تجيب خبرهم من تحت الارض.
ذهبا الي بيتهم وذهب كل الي حاله وكل يحمل ذكري من فتاه لا يعلم ماذا اصابه منها فليل جلس طول الليل يتذكر حوريه وطلتها وصوتها وملمسها وقت ان كانت في احضانه.
هتف.. هو فيه حد اكده كيف الَملاك جمر جاعد ورجه مالهاش زي لاه وصوتها ده والا شعرها دا واصل للارض انا ماشفتش اكده دانا ختها في حضني البت انشلت ليه تترعش اكده وتخاف ماكتش هعملها حاجه مين دي وبت منين وبتعمل ايه اهنه لو حد وعيالها كان خلص عليها مين راجلهم اروح اجتله كيف يسيب جمر بدر منور مكشوف اكده .
هب.. اعمل ايه ماعرفش اتهببت محروج من منظرها.. ده شعر ازاي طيب .. اغمض عينيه وخرج من جيبه خصله الشعر ويشمها لتنساب مشاعره.هلمسه تاني ده دا سحر عامل ليه اكده. كان يلمسه بحنان . ايه يا ليل مالك انخبلت اياك مين دي وفيه ايه كانت جاعده حوريه من السما بتنور في وسط الليل تنشال وتنخبي جوهره تتراعي (اه امال دانت هتخلص عليها مراعيه 😂يا حزنك يا بنت سالم) .. لاه لازمن تعرف مين دي.. ليتنهد ويحاول ان ينام ولكن النوم ابي ان يزور عينيه فهناك ما شغله ولا يعرف كيف يخرج منه....