رواية حوريه في قلب الليل
الفصل الخامس والثلاثون 35
بقلم ميفو السلطان
كان جاسر وليل قد تحولا لاموات وكل واحد فيهم ياكل روحه من هول الجرم الذي ارتكباه والايام تمر دبح علي روحهما والشهور تتوالي وهما قد هلكا من القهر لا يتكلمان الا القليل منغمسان في العمل وفقط والشهور تنهش اجسادهما.ميفو السلطان .
كانا قد ذهبا الي دار العتامنه وارجعا الفتاتان واجتمع الكبار لتستعيد الفتاتان سمعتها الطيبه ويحق كل من ليل وجاسر نفسه لتلك العائله وتقام عقوبه قاسيه علي زكريا باخذ أجزاء من أرضه لحوريه ولؤلؤ. وهنا وقف ليل بينهم يحق نفسه للكل كان الكل مبهوتا ان ليل يفعل ذلك في عقر دار العتامنه. لكن الليل يفعل اي شئ من أجل حوريته واسترجاع كرامتها. وبهت الجميع عندما اخرج ليل ورقه حجه دار الرفاعيه مكتوبه باسم لؤلؤ وحوريه كان شيئا مستحيلا فدار الرفاعيه عريقة منذ زمن الزمن ولكن ليل ألقاها تحت أقدامهم.
هتف.. الدار دي دار حوريه ولؤلؤ ستات دار الرفاعيه. يامرو ويتحكمو وما حد ينطج. واي حاجه يرضو بيها اني كفيل اعملها لو طلبو ارض ليل الرفاعي كلها هرميها تحت رجل بنات العتامنه. لا عاد رفاعيه وعتامنه ولا حزن اسود. فيه ليل وحوريه وجاسر ولؤلؤ. فيه بنات دخلو شالو الغل من الجلوب وحطو جواه نور وخير الدنيا. ليل الرفاعي واجف في وسط العتامنه خزيان وموطي راسه رايد يستسمح الكبير والصغير. اهل مرتي الغاليه اللي هشيلها بعيوني. كان الكل مصدوما من فعلته ليعلمو انه يحب حوريه ويعشقها حتي يفعل ذلك.
مرت الايام وحالهم يغم. كان جاسر ذو الطبع اللين اصبح كالنار لا يقدر أحد أن يردعه من غضبه وعصبيته كان كلما احس بالغلط يدخل علي صابحه ينهال عليها فهو تحول الي ليل اخر كان يفعل مايفعله ليعود الي مقعده ولا يخرج منه وقد انعزل تماما. كان يناجي حبيبته ويعيب نفسه الف مره والشهور تمر وجنونه زاد وفاض.
اما الليل فأصبح في حال. اتشح ليل بالصمت لا ينطق ولا يغضب وتخلي عن العنفوان تحول الي ميت متهالك. كان الكل يستعجب أين ليل ولكن الليل تاه في الظلمه التي وضع فيها نفسه بيده. كان كل ما يفعله يعمل ويعود ليقفل علي حاله.. يخرج ملابس حوريه ويحتضنها كان لا يعرف كيف ينام كان يتلمس خصله شعرها ويذرف الدموع. نزلت دموع ليل حسره علي حب حياته الذي ادرك اخيرا انه هو الحياه. دواء الليل المظلم. كان الكل يتحسر عليهم والأب يشعر بالقهر فهو قد فقد أولاده فجاسر اصبح مجنونا لا يقدر عليه احد وليل لا ينطق ولا ينفعل لاي شئ سكون وسكوت غريب كأن روحه انسحبت جثه هامده تتنقل. فالنفس راح بروح الملاك الذي دخل حياته وقتله بيده ليقتل روحه. كان يركع لرب العباد ويطلب زوجته منه باكيا نادما كان اللين بقلبه وصل مداه حتي أصبحت شهقاته تسمع للكل في مناجاة ربه.
كان ليل يجلس في مرسمه ينظر الي لوحتها التي اكملها يتلمسها بحنان ويخرج من جيبه خصله شعرها يشمها بحنان نظر الي السماء ساهما و قلبه يرجف لتلك الجميله ذات الشعر الذهبي التي هام بهما ليغمض عينيه ويضع يده علي قلبه.
همس.... وحشتيني جوي.... تعبت والله تعبت يا جلب ليل والله جلبه ..يا تري عامله ايه يا جلب ليل لوحدك. رجعتي خايفه تاني رجعتي تترعشي. يا تري انتو فين جلبي بياكلني من رعبي عليكي يا عمري. بتعملو ايه طيب عايشين ازاي ومنين لتتساقط دموعه. ما مصدجش اني عملت فيكي اكده. اني كت شر يا جلبي والله بس تبت والله تبت عن غلي وجرفي. بعدك نضف جوايا ماحاسسش بغل لحد. ليل النار راحت من جواه. يا تري هياجي يوم واحطك تاني في حضني هتخشي تاني بكيفك وتنامي في حضني. اه ما استاهلش انك تبصيلي بس يمين بالله جلبي بيتمزع. الله يخربيت التار اللي حرج جلبي وهبلني خلاني راجل جاحد بيمشي ورا الغل والكبر.. دا حبيبي كان نايم جط صغير في حضني بشعره الجمر. اجول ايه جلبي بيصرخ شهور ماعارفش انام. ماهي كت دوا تدخل حضني انام واحس بجسمها يخدرلي جتتي.. يا رب ايه الوجع ده.. زمانتك خايفه يا جلب ليل واني مش جارك. ماكتش سند ولا حبيب حاسس بجهر السنين. تجابلني تجلي ماصدجتش فيك انا واثجه فيك وانا اجابلها بيدي علي وشها ينزل يهري جلبها. تجولي ماعتش هبقي لحمك.. كيف ده داني اموت يا جلبي وتبقي ضفرك اطوله. حبيبي الحنين الطيب اللي جلبه مليان مسامحه. عجلك كان فين يا محروج. دي بجلبها ده ماتعرفش غير انها تسامح. مابتعرفش الغل من اساسه طيبه السنين يا جاحد. التار هبلك وتربيه مرت عمك خلتك جاحد من الغل انت ماتستحجش حوريه انت حرجه جلبك تستحجها. شهور بعدها جهرني حاسس بعار ماحد حاسه غيري حاسس اني ماعت هنفع الا اني اكون مره وكيف النسوان من العار والشين اللي اتنجعت جواهم. بس يا رب إني تبت تبت والله. يا رب رجعهالي رجعلي حبيبي بس عهد عليا لارجعك جوا جلبي وفي نن عيني.
ظل جالسا ودموعه تنسال دونا عنه.مر الوقت. رن تليفونه تنهد وفتح تليفونه ليهوي قلبه عندما ياتيه صوت ذلك الرجل ويخبره عن مكانهما هب من مكانه وذهب لاخيه يصرخ في اخيه.... لجيناهم يلا بسرعه ليقوما ويحجزا طائره يصلا الي بيت البنات اندفعا يطرقان الي البيت
لتقوم لؤلؤ متعبه كانت قد حان ميعاد ولادتها لتتحامل علي نفسها تقوم تتسند الحائط فكانت متعبه شاحبه وقدماها متورمتان وتؤلماها بشده وعندها ضعف عام من سوء التغذيه.
وصلت الي الباب وهيا تلهث لتفتح الباب اخيرا هوي قلبها. فأمامها ليل وجاسر الذي انسل ما ان راها في تلك الحاله.
ترنحت هيا بتعب اندفع يحتضننا لتمسك يده وتحاول ان تستعيد وعيها. دفعت يده وتسند علي الحائط.
هتف وقلبه يخفق من السعاده... جلبي انت حامل يا عمري..
قطبت َمن نبره الحنين في صوته لتتحامل علي نفسها وتحاول ان تعود الي الكرسي .
نظر اليها والي تعبها وشحوبها وهيا تتاوه في مشيتها اندفع وحَملها وذهب بها الي الكرسي يجلسها برويه.
دفعت يده بعيدا تنهد يتاملها رغم شحوبها لا تزال جميله
هتفت بغضب.... انتو جايين ليه نعم خير.
هتف ليل.... حوريه فين..
ضحكت هيا.... ياه وبتسال ليه يا ليل بيه.
اندفع الي الداخل يبحث عنها وجاسر مشلولا يتاملها بعشق غير مصدق حالتها وانها تحمل طفله هتف ...وحشتيني..
نظرت اليه بغضب حارق تنهد.... والله وحشتيني.
عاد ليل ملهوفا.. حوريه فين.
ضحَكت....انت مال اهلك. تلزمك في ايه مش رميتها.
هتف... لؤلؤ.... متخلنيش اتغابي عليكي فين حوريه.
هتفت.... ايه هتضربني تاني يا ليل بيه والا هتعمل ايه قلي اعرف. والا المره دي جاسر بيه اللي هيضرب. جاي ليه منك له ايه البجاحه دي.
صرخ ليل.... ماتنطجي البت فين.
هتفت بسخريه...لا والله.. طب يا سبع .. اختي بتشتغل.
بهت ليل.. بتشتغل... بتشتغل ازاي دي مابتعرفش تعمل حاجه.
هتفت ضاحكه بسخريه... لا ماعقبال امالتك اتجرأت وقدرت عالدنيا اللي قدرت عليها بتشتغل في كافيه تخيل اختي بتقدم مشروبات للزباين وبتغني كمان.
صرخ ليل.... بتجولي ايه انت تقدم ايه دي تعرف تعمل اكده يا مري مرتي بتغني.
لتهتف وتحرق قلبه.. اه بقت بتعرف والزباين بيدوها بقشيش حلو. ما هي حلوه وصاحب المطعم شارط عليها تفرد شعرها وتلبس مسخره. ودا يملس ودا يحسس هتفرحلها قوي.
هوي قلبه... اني مرتي فارده شعرها للخلج ولابسه مسخره وبتغني وبيحسسو عليها ليتلبسه الشياطين.
هتف صارخا...... طب انطجي هيا فين.
ضحكت... لا اسفه والله ماحبش اخرب علي اختي وشغلها.
صرخ.. انت مجنونه يا بت انتي مرتي بتحسس عليها يا حرجه جلبي.
ضحكت.. ماتخافش التحسيس بفلوس وبقشيش مابيتحسسش عليها ببلاش.
انقض عليها ليدفعه جاسر.. بعد يدك.
صرخ.... مش سامعها بتجول ايه يا فضحتك يابن الرفاعي.
ضحكت لؤلؤ.. انت لسه هتتفضح يا دكر. لا الفضيحه طالتك من زمان تصدق منظركو قدامي عايزه اجيب اللي في بطني.
صرخ بحرقه.. بطلي فكري في اختك جولي هيا فين.
هتفت... هقلك والله بجد نفسي اشوف منظرك وانت مقهور. اه ابقي افتكر خد ورد وانت رايح عشان تبارك وتهني.
قطب جبينه ليهتف.... ابارك واهني انت بتجولي ايه.
ضحكت... اصل عقبال عندك حوريه هتتجوز.
صرخ.... نهارك اسود مين اللي هتتجوز. احس بقلبه سينشق ليهجم عليها يمسكها من ذراعها لتصرخ.
اقترب جاسر ودفعه.... اتجنيت بعد يدك عنيها.
صرخ ليل.... بتجولك هتتجوز واعي لحديتها ده.
اكملت هيا... الله وانت زعلان ليه. بس عموما لسه هتفرح اكتر لما تعرف ان الجوازه عرفي.
انحصر وتراجع ليهتف... انت بتجولي ايه يا مخبوله انت. مرتي هتتجوز عرفي ليحس ان جسده يلسعه وان قلبه سينجلط.
لتقول.... بقول اللي حاصل هتضرب َورقتين عرفي َوهتسافر بكره.
تراجع ليل يضع يده علي قلبه ويحس بنغزه في قلبه حوريه هتتجوز عرفي وتسافر.
هتفت لؤلؤ.... اه مانا محتاجه فلوس وولاده وعلاج. والراجل كتر خيره هيديها ميت الف مالك زعلان كده. عادي هما شهرين هتقضيهم معاه وترجع. هتديله جسمها شهرين بفلوس. الميت الف برضه هيفكو زنقه.
احس بالنار تسري في جوفه وفهم مكنون تلك الجوازه ليحترق ويهجم عليها يمسكها لتصرخ.
اندفع جاسر يبعده ويصرخ ....فيه انت اتجننت ايدك ما تتمدش عليها..
صرخ... مرتي هتتجوز عرفي مرتي هتتحضن ويدفعلها فلوس.
تحاملت علي نفسها واقتربت تنظر في عيونه تهتف بغل... حوريه باعت نفسها عشان تاكل لحمكو لتشير علي بطنها. حوريه اللي بتخاف باعت نفسها وهتتحضن بفلوس ويدفع لها فلوس. بس اهو عرفي اهون من الحرام مع انه كلو حرام في حرام. هتصرف علي لحمكو يا عره الرجاله من الحرام. لحمك عيالك هيبقي من حرام. هتفت.. مش من حرام وبس. لاااا دا حرام وعار وفضيحه. وجايز لما اخلف اروح اعمل زيها امال هناكل ونشرب منين.
صرخ بجنون..... بطلي انت ايه بطلي حرام عليكي جلبي انحرج.
ضحكت.. متعه وانا شايفاك كده.. تخيل بقه حوريه شكلها ايه... قالعه ومبينه نفسها وواقفه وسط الصاله بتغني. مرات ليل الرفاعي قالعه وبتغني لتضحك ابقي عرف بلدك عشان يزفوك يا دكر . لا والرجاله عينهم هتطلع عليها. تخيل مراد هياخدها انهارده ويتقفل عليهم باب بالعرفي ويحسس ويشبع بالعرفي. هيحسس علي جسم مراتك بالفلوس. حوريه هتبيع جسمها بالفلوس عشان مالهاش راجل يلمها ويصونها. حوريه هتنام في سرير واحد بالفلوس يا دكر الرفاعيه يا عره الرجاله ...
صرخ بجنون وهجم عليها... ليقف جاسر ليرزعه ليل في الحائط صرخ ....انطجي مرتي فين بدل ماجتلك دلوك.
صرخت.. مرتك ايه مش طلقتها انت ايه فجرك ده يا بجاحتك.
صرخ.... لاه اني رجعتها من شهور جلبي هيوجف .... لافيني العنوان اخلصي. اخلصي اما أنجد مرتي. ظلت تنظر اليه فصرخ لتعطيه العنوان.
صرخ في اخيه... هم اما نلحج النصيبه دي.. ليستدير جاسر ويمسك يدها ويقبلها ويخرج مسرعا..
كانت حوريه تقف مع ذلك الحقير في الكافيه وقد اعد كل شئ جلس ومعه المحامي لتحضر هيا وتقول.. هخلص اللي ورايا واجي نخلص.
استجاب لها لتذهب لتاتي فقرتها وتقف تغني ليشير اليها الرجل شعرت بالقهر ذهبت اليه وصدح صوتها شدها تقع في احضانه ظلت تغني وهو محاوطا اياها كان صوتها يقطر الما ووجعا.
لتقوم ليقف هو بجوارها واضعا يده علي وسطها ملتصقا بها وهيا تغني .
في تلك اللحظه دخل ليل الكافيه انشل عندما سمع صوتها ليجول المكان بعينيه توقف قلبه فزوجته تقف بملابس فاضحه. جيبه ضيقه سوداء قصيره فوق الركبه وعليها بادي حمالات ضيق يبرز مفاتنها. وهناك رجل يمسكها من وسطها ملتصقا بها وشعرها يتساقط عليه وهيا تحاول ان تبتعد ويبدو عليها البكاء .
جلس الرجل ليجدها تقع علي قدمي الرجل اندفع يهجم عليهم دفعها بعيدا وهجم علي الرجل ينهال عليه ضربا.
لترتعد هيا من منظره وجاسر يبعد من يقترب وليل في حاله من الجنون .اجتمع الحرس.. يدفعون جاسر وليل يطيح بهم بجنون .كان كأنه اصابه مس من الجنون ولبسته حاله من الهياج الشديد الا ان الحرس كثره ليهجمو ويأخذون الرجل وحوريه. اندفع ليل وتحمل علي نفسه وكلبش في حوريه.
انتفضت برعب داخل احضانه وجاسر يصارع الحرس يحاول الزود عن اخيه.
الا ان ليل كلبش في حوريه كان نفسه سينتزع من ضلعه وقف... ينظر اليها ليحس بخبط علي جسده وهو لا يتركها ويكلبش فيها كأنها روحه ظل الحرس يضربونه بعنف وهو يتحمل وهيا تنظر اليه بقهر ووجع عليه وهو يتحمل ويحاول ان ينجو بها بعيدا.
الا انهم تكاثرو عليه واتي شخصا ليخبطه علي راسه لينفتح راسه .وقع فكلبش في قدميها لتنهار من البكاء شدها تقع وقفز فوقها يحتضنها بقوه كان في حاله من الجنون كان في رعب ان يأخذوها من احضانه. تكالب عليه الحرس وهو فوقها ينظر في عيونها بقهر وهيا تنتحب.
كانت عيونهما كأنها سكنت لبعضها وعاد العصفور الي حضن عشه كان قد تاه في بحر عينيها ونسي من يوسعوه ضربا وهو فوقها كان يحس ان روحه بين يديه لو راحت لصعدت روحه الي السماء. كان الخبط والضرب لا يتحمله احد ولكنه الليل من أجل الحوريه ولحوريته فقط يقتل نفسه. ولكنهم تكاثرو عليه كان من يخبطه علي راسه ومن يرفسه برجله وهو صامد من أجل زوجته لا يفك ذراعيه عنها وهيا مرعوبه تنتحب ...همس ...هنجتل ولا اسيبك يا جلب ليل. لتنهار وتنتفض ولكن الكثرة تغلب كل شئ لياتي احدهم ويرزع راسه باحد العصيان ليفقد ليل قوته ويتهالك هو ليبعدوه وياخذوها من احضانه عنوه وقلبه قد انخلع .
رحلو وظل هو ملقيا عالارض اندفع اليه اخيه ليتحامل علي نفسه ويقوم.كان في حاله بشعه وليل كالمجنون لا يعلم كيف يدافع عنه زوجته فالحرس كثيرة. انشق قلب ليل ويصبح كالمجنون يحس انه سيصاب بالهبل فزوجته اخذت من احضانه. انفض الجمع ليهجم ليل علي صاحب المطعم هتف... البت اللي كت بتغني دي مرتي فين ولد المحروج ده.
هتف الرجل... يا استاذ دا مراد بيه رجل أعمال كبير ماتقدرش عليه وهو اتفق مع حوريه يديها قرشين هيا الحق يتقال مش بتاعه مسخره بس هو ماسابهاش ووافقت.
صرخ... لافيني العنوان بسرعه.
خرجا وقف جاسر... هنعمل ايه في المصيبه د،ي البت اتاخدت يا فضحتنا.
وقف ليل والغل ينهشه.. اني هجيبه لو تحت الارض.
هتف جاسر... طب تعالي اربطلك راسك انت متبهدل.
صرخ ليل.. ايكش اولع والا اموت والا اغور في نصيبه تاخدني.. بعد بلا تربط بلا تطين علي دماغي.
رفع تليفونه.. يتصل باحد تجار السلاح من الصعيد هتف.. كيفك يا حمدان باشا. معاك ليل الرفاعي.. عايز تردلي جميلتي اللي فى رجبتك يا باشا.. تسلم... عايز رجاله كيف الاسود في مصر مايجولوش لاه علي اي حاجه يفوتو في الحيط. عايز ناس ماعندهاش رحمه. ومالكش صالح بالفلوس اني بس عايزهم واللي يحصل مايسالوش ليه ولا يجولو ليه ولما تخلص يختفو من علي ضهر الدنيا....عايزهم استر شرفي يا حمدان باشا.. شرف ليل الرفاعي هيتاخد عايز ألحجه والا ألبس العيبه والعار طول عمري.
ليستجيب الرجل فورا ويجري اتصالاته. ليتجمع الرجال ويذهب الي فيله ذلك الرجل هتف ليل.... اني عايز اخش شوفو اني هنط من عالسور انتو اعملو واغش بره كنكو بتتخانجو. اشغلو الحرس هنا شكلهم مش كتير.
هم الرجال لتنفيذ ماطلبه هتف.. اول اما اخرج تجلبوها نار ورماد ..هم ان ينصرف.. مسكه جاسر ليهتف .. ليل استني ممكن تتجتل نبلغ البوليس.
صرخ ليل.. استني واخوك يلبس طرحه وعارف أن مرته جوه وراجل هيحط يده عليها.. لاه اني انجتل احسن ولا ان حد يمسها. مرتي اتاخدت من يدي واعي لدي.. لما مرت الصعيدي تتاخد من يده ياينجتل يا يرجعها. حرجه جلبي وهيا بتتاخد من حضني مالهاش تمن الا روحي. اني ربنا بيحط عليا عشان كفرت بنعمته اني ربنا بيحرجلي جلبي وهلبس العار. ليل الرفاعي لو مادخلش هيحط وشه في الطين العمر كله.. مرتي وشرفي وروحي جوه لو مادخلت اموت حالي. يبقي لارجعها لارجع جته ماتستحجهاش. استني ايه انت انهبلت داني روحي اتاخدت من حضني واعي لدي واعي انها كت بين دراعاتي وياجي راجل ياخدها جلبي بيتفرتك وبيتخلع حاسس اني هموت لو مارجعتش خش اهجم وهات حوريه وحطها في عنيك.
هتف بتحذير.... جاسر.. مرتي لو جرالي حاجه تجعد في دار الرفاعية تامر وتتحكم العمر كله ولا حد يمسها. وصيتي يا اخوي حالي ومالي لحوريه مرتي. سايبلك جلبي تصونه العمر كله وتريح اخوك في تربته. جولها اني اتربيت وتبت عن الغل. جولها ان ليل ربنا شفاه وجلبه ابيض وسواد الليل راح عشانها وهعمل كل ده عشانها. جولها ليل اتربي في بعدك ليل اهون عليه يجطعوه ولا يمس طرفك. جولها ليل عاش ميت يا جلب ليل. خليها تسامحني خليها تجف علي تربتي وتدعيلي وتترحم عليا. ولو مت هموت وهيا مرت لأجل تكون ليا في آخرتي لو هخش جنت ربنا ويمن عليا. عشت وهيا مرتي وهموت وهيا مرتي جولها كان نفسي اوطي علي رجلها ابوسها. جولها ليل عرف يعني ايه نضافه عرفهم لما النضافه بعدت عنه لما جلب الحوريه بعد عن ليل. جولها ليل اتعلم يبقي بني ادم اتعلم يحس. ليل كان هيعيش عمره مستنيك جولها ليل الرفاعي لو عاش هيفضل لبت العتامنه خدام عمره بس ترضي. . مرتي يا اخوي جولها حال ليل وماله كله ليكي مرتي يا اخوي في عنيك مرتي يا جاسر .
لينصرف ويبدا الرجال تحتك بالحرس لتقام مشاجره ...نط ليل من عالسور وتسحب كان الوقت ليلا.
كانت حوريه قد ارتعبت من منظر ليل لتتفاجئ بالحرس ياخذون الرجل ويشدها احد الحرس وهيا تصرخ ،ذهب بها الي فيلته.. وقف غاضبا.. مين الزباله ده اللي هجم علينا تعرفيه.
انتحبت حوريه بقهر.. صرخ.... مين قولي.
هتفت.. ده ده كان جوزي.
هتف.. وعايز ايه في سنينه السوده ماله محروق كده.
ظلت صامته تنتحب ليصرخ.... كنا هنتنيل نكتب اهي اتقفلت. ظل يدور غاضبا وهيا تنتحب.
هتف.. لا انت هتقرفيني انا راجل صاحب مزاج هاه واتفقنا يبقي تعدلي بوذك ده.
مسحت حوريه وجهها بخوف.
هتف.. ايوه كده.. قومي ضبطي نفسك هجيب الورقه نمضيها وبكره الصبح نسافر زي ماتفقنا.قام الرجل.
لترتعب وتقوم حوريه..... هعمل ايه هو جه ليه كان عايز ايه. هما ضربوه جامد ليه كده منهم لله لتسيل دموعها... انا خايفه هو كان هيموت عشاني . لتضع يدها علي قلبها تتذكر زوجها وهو مشتعلا يطيح بالكل.نهرت نفسها. بطلي بتفكري في ايه.. لتجد الرجل عاد يكتب الورقه.. يلا امضي..
احترقت حوريه.. طب اديني فرصه انا مهزوزه والنبي.
هتف.. امضي لاما اخلص عليكي.
اقتربت تمضي الورقه ليضعها جانبا ويقترب دلوقتي بقيتي مراتي حقي اتهني بعد ما الزباله جوزك قرفني. يلا خشي هتلاقي بدله رقص في الشنطه اللي جايبهالك افتحيها هاتيها يلاا...
نظرت اليه وتسيل دموعها هتف بحده.... ماتيلا هتحايل عليكي.
انتحبت حوريه بقهر ودخلت تلبس البدله لتقف تنظر لنفسها... لتشهق بقوه ودمعها تسيل. دي اخرتها يا حوريه تبيعي روحك. انت ضيعتي خلاص لتخرج وتقف.
هتف الرجل ....يلا عايز ليله ملوكي.
اقتربت حوريه تسيل دموعها تشعر انها ستموت حيه لا تقدر ان تسلم نفسها لغير حبيبها حاولت ان تعود للحمام ليقوم الرجل ويشدها ويتلمسها بوقاحه وهيا تقاومه.
في تلك الاثناء كان ليل قد اعتلي الشرفه تجمد عندما وجدها بتلك الهيئه ليجد الرجل يقترب بشفتيه يقبل زوجته ليندفع كان الشياطين تلبسته و.. ...
العااار العار يا جبيصي البندجه يا هريدي. 😂 😂 😂 😂 😂 وربنا صعب عليا الواد 😂😂😂😂..