قصة انا مجنونتك
البارت السادس والثلاثون 36
بقلم ماجده انور
مياده كانت ساكته وجوجو فهمت الحاصل يعني طلع صح حماده اتزوج فيها وقت محنتها استغل انو هي كانت مريضه وعمل عملتو حتى م تمو شهر من زواجهم وجاب فوقها ضره😥بقت تكورك لاااا كذااابه انتي كذاااابه اطلعي من بيتنااا اطلعييي😭.....حماده نزل وام عمار جات برضو :خيرر فشنو....جوجو جرت ع حماده وبقت تضربو في صدور الضخم بيدينها الصغيره ديك نا بكرهك بكرهك انت تافه وواطي استغليت انو نا مريضه واتزوجت علي ي عديم الاحساس احنا شهر م تمينا سوا انت تافه بكررهك نا ووقعت في الأرض ع ركبها وغطت وشها بيدينها الاتنين وبقت تبكي وتشهق(اتخيلو المنظر💔)....حماده:عاين ل روان وشماها شمه م كان عايز يوري جوجو الخبر ده ب الطريقه دي نزل تحت ل مستوى جوجو وداير يزح يدينها من وشها ابت وبقت تبكي اكتر حماده حضنها عليهو وبقى يمسد ع شعرها فجأة دفرتو وقامت م تلمسنني م تلمسني بكرهك نا بكررهك كانت ماسكه صفحتها اليسار وبتتكلم....حماده:جوجو اسمعيني ح افهمك نا....جوجو:معايزه افهم زح مني اطلعو من بيتي الاتنين ي خاينين اطلعوو....حماده:جوج...م تمى جملتو فجأة جوجو صرخت ااااه وكانت ماسكه خصرها من جهتها اليسار وبتصرخ وتبكي ام عمار جاتها جاريه خير ي بتي مالك حماده جوجو انتي كويسه؟....جوجو:ااااه ززح مني انت اممي عايزه اطلع غرفتي ااه
.....ام عمار:نوديك المستشفى احسن شكلك تعبانه....جوجو:لا عايزه غرفتي بس ....ام عمار بس انتي....فجأة جوجو صرخت تاني اااااااه والمره دي لامن وقعت في الارض وماسكه صفحتها وبتبكي تاني صررخت ااااه مقادره واغمى عليها حماده بقى يرجف وطلعوها المستشفى هو وام عمار ومياده اما روان ففضلت في البيت القلبها اسود دي😒....جاتها مكالمه.....
المشعوذ:انتي م ناويه تجيبي باقي القروش نا زهجت منك يا بتنا اديني قروشي صبرت ليك كتير😠.....روان:اسمع هنا حسك م يعلا علي فاهم وم عندي ليك قروش ح تعمل شنووو هااا قول اذا م اديتك ح تعمل شنو؟.....المشعوذ:انتي الحسك م يعلا علي فاهمه ودايره تعرفي كان م اديتيني قروشي بعمل شنو نا مشعوز لو ناسيه وبقدر اعمل ليك اكعب من العملتو لي قريبتك ديك😈.....روان:(بجواها خافت بس م بينت ليهو)تاني في الرقم ده م تتصل ي ختيار الجن فاهم وقفلت الخط في وشو......المشعوذ:اذا م خليت حالتك اصعب من حالة قريبتك تشوفي وح تندمي ع كلامك ده✋😈......
عمار جاتو مكالمه من مياده وورتهم بحاله جوجو عمار جدع التلفون وقعد في الأرض.... اسيل:عمار خيررر انت كويس الحاصل شنو عمماار رد عليا.....عمار:البسي طالعين المستشفى..... (علوش وهديل سافرو الإمارات قررو يستقرو هناك وايمن خطيب اروى سافر معاهم عشان يكون نفسو ويتزوج 😚)
في بيت محاسن (ام راشد واروى وروان😒)...محاسن:انتي ي اروى اختك دي بالغت ليها قريب التلاته اسبوع في الشي داك شنو يربي كدي قولي معاي...اروى:قصدك بحث ي امي....محاسن بس ياهو متين ح ترجع البت دي وتلفون م عندها غايتو بس لمن تجيني عندي معاها كلام تاني دي كدي ه
البارت السابع والثلاثون من هنا