قصة طلاقي ليس نهايتي البارت الرابع والعشرون 24 بقلم حنان عادل

قصة طلاقي ليس نهايتي

البارت الرابع والعشرون 24

بقلم حنان عادل

رديت : الوووو ، اللووو ما جاني رد ختيت التلفون واتلفت كده تاني اتصل وبرضو مافي رد طوالي انفصمت فيه : لو ما عايزين تردو بتتصلو ليه  ملعبه هي ولا كترة رصيد فالفاضي الله يحرق دمكم سمعت لي تنهيده كده مؤؤلمه جاية من زول شايل تقييل ف قلبو زول مكسور كسر ما اظن بعدو جبر  حسيتها كده جووة قلبي ومسكتني رعشه ف حواسي لمن خفت منها بقيت متجمده ف مكاني وبعد صعوبه وبصوت متقطع تاني قلت اللووو بس الخط قغل 😯

امي : ي بت بتجوطي مع منو 

انا : ده رقم مكرهني يتصل وماف رد 😤

امي : انتو التلفونات الجديده ما فيها ميزة توقف الرقم الازعاج بقى كتير خلاص 

انا : فعلا والله في دقيقه احظرو 😄وحظرت الرقم وارتحت بس من كل ما اتزكر التنهيده ديك ما بعرف بخش ف حاله كده عجيبه خلاص حكيت للدن قالت لي امكن بتهيالك 😒منذر خلص امتحاناتو وكان مصر انو يسافر الخرطوم بدل ابوي غشى اعمامي في شندي قعد معاهم كم يوم وواصل (طبعا كل اهلي لم سمعو خبر طلاقي زعلو شديد وفي نفس الوكت وقفو معاي طواالي كان بتصلو يطمنو علي عند امي ومرة مرة يكلموني ☺) مؤتمن اصر يمشي يعدي الاجازة سواحه من شندي للمتمه 😂ابوي اداهو شهر بس ومشى مع منذر ، وبسرعة الريح خلص الشهر وخلصت الاجازة كلها ونزل تامن الدرش الجد 😊بيتنا شبه خلص وباقي عالطشطيب بس طبعا مرة يمشي منذر ومرة ابوي يطمنو عالشغل ويجو ، انا ولدن جارين في شغلنا طبعا كده قفلت 3 شهور معاهم 🙂كان معاي واحد اسمو شريف زول وناااس ودمو خفيف وحاول كم مرة يلمح لي عن اعجابو وكأيس لمدخل يفتحبو معاي الموضوع وانا مسفهة فالحته دي وما اديتو خط اخضر غير اني مارة بتجربه قريبه ! الزواج تاني اخر اهتماماتي وشلتو من راسي نهائي الا ان يشاء الله💙الحاجه المؤسفه جدا جدا ونوع من انواع التخلف الفكري والثقافي في مجتمعنا انو المطلقه تعتبر احد مخلفات الحياة وبتنبذ وتهمش من الغالبيه العظمى لدي الحولينها اتاكدت من الكلام ده لم جات وصال زميله معانا رسلا لي شريف انو معجب بي وعايزني لقدام وريتها اني طويت صفحة الزواج من حياتي فالوقت الحالي واني مطلقه ولقيت فرصه اطور من ذاتي وابني مستقبلي 😯طبعا اتفاجأت لانو ما جبنا السيرة ده لزول ابدا مشت سألت لدن قالت ليها ايوة صح☺وتاني لو زول رسلك لالاء عشان موضوع زي ده اقفلي طوالي لانها ما هتفكر فيه ✋من يومها وشريف فجأة اتغير مني😂بقى رسمي شديد.ما بكلمني الا عند الضرورة وفي الشغل وبس 😂😂طيب ي سيد شريف ما قلت معجب وعايزني لي قدام فجأة كده الإعجاب اتلاشى والسبب شنو ؟ هههههههه سبحان الله غرائب وعجائب بشوفها الزول لو ربنا مد.عمرو فالحياة 😄في يوم البنك كان زحمه شديده خلاص نسبة لانو حكاية بتاعة خمسة يوم الصرف واقف اول من جات السيوله الناس دي كبت فينا تقول سنه ما صرفو قرش انا خلصت مشيت للدن لقيتها لسه فالحسابات قعدت انتظرها والناس لسه ماشا 

لدن : وووب علينا الليله ده شنو 😴ي علي وينم ناس اهانيد  يجو يستلمو ورديتم دي😢

علي : ههههه شيلي شيلتك الليله لو ما جو ما ليك طلعه😄اثناء ما بتطنطن وعلي الشغال معاها يضحك ويكاوي فيها جا واحد يصرف شيك شخصية ما غريبه علي و مألوفه شديد.كمان لدن وقفت متسمرة😐 تعاين ليه وفي نفس الوكت صرت ليه 😒ونادت علي يصرف ليه وهو كان بعاين لي شدييد بدون حتى ما يرمش انا كمان عاينت ليه بنظرات ثاااابته وكمان معاها  ابتسامة🙃 نصر وفخر باللحظه الشفتو فيها وما اهتزت لي شعرة 😍ايوه هو بشحمو ولحمو سامي ما غيرو بس كان متغير شديد ما ىكزت ف تفاصيلو كعادتي بس شكليا كده ما مرتب كعادتو سامي المهندم الشيك البلمع من بعيد.داك كان زيو وزي غيرو من الناس الما تلفت الانتباه بدون اي تميز ، انشغلت مع تلفوني وما اتحركت من مكاني مفتكرني هاطلع اخليلو المكان ؟ لا طبعاً ☺كان مواصل نظراتو لي لحد ما علي طقطق ليه ي استاذ طلبك حتى انتبه صرف شيكو وطلع ، اخيرا اهانيد والمعاها جو استلمو الورديه بعد زله من لدن😂وطلعنا متأخرين اليوم ده ف المواصلات :- 

لدن : عندو عين يرفعها عليك كمان الحيوان

انا : بسم الله مالك ي بت 

لدن : بقصد الزفت سامي 😒ما شفتي كان بعاين ليك كيف😠 

انا : واذا؟ ما بهمني😊

لدن : اخخخ كان نفسي اتف ليه ف وشو خاين العشرة واتف ف وشي برضو لاني ف يوم من الأيام اعتبرتو صديق واخ 

انا : ضغطت على يدها روقي حبيبتي ما مستاهله تفوري دمك قدر ده 😘وما تندمي عل افعالك الحسنه عشان ما تضيع و تلقيها قدااام☝ انسينا منو ☺

لدن : عاينت لي 😍😍جد.بسطيني بموقفك الليله واثبتي لي انك اتغيرتي للأحسن طبعا💪

انا : وانتي لسه شفتي حاجه 😊وقعدنا نضحك وماسكين يد بعض لحد ما وصلنا 😘لقيت امي كالعاده شفقانه علي لاني اتاخرت اليوم قبل تتكلم مسكتها حضنتها شدييد لمن استقربت فيني وقلت ليها : قبل تسالي الشغل اليوم كان كتيير فما في داعي للخوف ده كلو ☺

امي : بكرة تبقي ام وتعذريني خشي غيري سريع وتعالي اكلي ما تقعدي جعانه زي كل مرة😒 انا : ههههه حاااضر ي استاذة😊جا يوم

النتيجه امي ومنذر محارسين المؤتمر برااهم وانا كل دقايق اتصل اها ما انتهي؟يقولو لي للا  ولدن تجيني لسه مافي خبر؟ وهو التاني حلف ما يدينا الرقم حقو 😂المؤتمر انتهى وزاعو الاوائل والناس بدت تطلع نتايجها انت ي منذر مجرجرنا لحد ما.خلص دوامي ورجعت بس مع وصلتنا نسمع الزغاريد جرينا انا ولدن لقينا امي وخاله فاطمه وزينب يباركن ويزغردن اها جاب كم جاب كم😍 

امي : 92 😍ولدن فكت الزغاريد واريتها لو بتعرف زي الناس😂منذر جا شايل الحلاوة والبارد والابتسامة حدها الضرس الأخير 😊☺حضنتو شديد وباركت ليه طبعا شماني شمه قدام الحريم 😄انا زاتي من فرحتي ما انتبهت ليهن عشان هو خجول شديد تاني زاغ ما شفنا وشو 😄لدن مسكت البارد وزعتو وانا فتحت الحلاوة خالتو زينب رجعت البيت ورسلت لينا منن شايله علبتين حلاوة 

لدن : شوفي كبرناوبقينا نهدي😉

منن : رسلتني امي 😒     لدن : اجي ي امي 

انا : لدن اتفكي منها مرت اخوي دي😂 

منن : اساسا ماشهما قاعده ليكن😏 

لدن : لا والله خلاص معليش😂 اقعدي ساعدي خالتو عشان نحن جايين تعبانين انا ماشه بجيك بعدين ي الاء 👋طبعا من زمان بكاوي منن بمنذر  ولدن بتقولي يختي شكلو ف حب بس لسه برعم ما ازهر كويس بنمزح ساي والله لكن يبدو انو القصه حقيقه 😉وفي نفس الوكت كل زول كاتم احساسو عليه ، منن قعدت معانا لحد ما المغرب اذن كل ما تجي مرة تضيفها بعد مشت ما شفتها سألت منها امي قالت لي : اي والله مشت ي حليلا زينب وبناتها ديل كان ختيناهم الطير يطيربنا دايما بنلقاهم وكت الحوجه الله يمد ف ايامن ويرزقن اولاد الحلال ☺ابوي قال لازم نعمل كرامه لمنذر ويعزم اصحابو

انا : بس لازم يوم الجمعه عشان ما بقدر اخد اجازة 

امي : اي فعلاًاول الداير يخدمها منو براي؟

ابوي : هههههه والله كان قلتي بسم الله بتقضى الجارات ما بقصرن معاك

امي : ما بقصرن والله بس برضو ما زي ست البيت😊

مؤتمن : والله ي امي بقيتي كسارة تلج كتير خلاص 😄

امي : كيف يعني😯

انا : ي ولد بطل قلة ادب😂امي شن عرفها ف كلامك ده 

امي : لا هو بقصد شنو 

مؤتمن : بقصد انك بكاشه يعني طلاسه يعني بتضربي بوهية تقيله 😂 ابوي مات عليه ضحك طبعا 

امي : والله لسانك المعوج ده كان ما عدلتو ليك

مؤتمن : ما تخافي ي حاجه بعلمك لحد ما تتعودي على كلامنا 😄😄

ابوي : مؤتمن عيب😒انت بعد كده بقيت زول كبيير حاسب لتصرفاتك 

مؤتمن : حاضر😔     انا : شوفو المسكنه😄😄   امي : كر علي حنني😂

ابوي : هووي ي حروم شن دخلكن بي ولدي الراجل الضكر اففو مسكنه ما معانا 

مؤتمن : مان قمت صعععب بس بحاسب لتصرفاتي زي ما قلت 😊

ابوي : كففو ابو الرجال ، وادهو ضربه ف ضهرو مؤتمن : طيب انا كان نجحت بتعملي كرامه زيهم

ابوي : كييييف انت كمان نضبحلك عجل مش خروف بس انت انجح 

امي : والله ي احمد انا قااايله كدا بتنفخلك ف قربه مقدوده😄😄

الجمعه جات وعملنا الكرامه غداء ، عمي محمد جانا من يوم الخميس بس عمي عبد الله اعتذر وكمان جا خالي باولادو واليوم كان ملان شديد منذر جا قال عندي ناس بجو متأخرين شديد خلو لي ليهم صينيه وكل مرة يجينا باوامر جديده لم امي طردتو 😄الحاجه الفتت انتباهي انو كل ما منذر يجي داخل منن بتتلبك  وتسيب المكان الهو فيه طوالي حتى منذر قبل يمشي كان بديها نظرة سريه بسرعة البرق😊خلص الغدا والضيوف مشو والجارات رجعن وناس عمي اصر انو يسافرو طوالي بي خاي اجرو هايس ومشو لدن قالت لي انا ماشه بعد.كده تعبت و عايزة اغسل 

انا : عايزة تغسلي ولا شغلناك من سيد الريد الليله 😉

لدن : اموووت ف فهمك وذكاوتك😘يلا تشااو هههه

خالتي كمان ساقت البنات ومشن الا انا مسكت منها منن : والله ما بتمشي الضيوف ما خلصو ف اصحاب منذر جايين حسيتها اتوترت بس قعدت مجبورة😄امي دخلت تصلي العصر قعدت اتونس معاها واسال فيها من اصطاف المدرسه غيرو ولا لسه زي ما خلينا طبعا هي حاليا بتقرا ف اولى، بقت تحكيلي ومندمجييين مع بعض لحد ما جا منذر المزعج وكركب لي البت البتسوي غلبها بقت تمشي يمين شمال يمين شمال😄 انا : منذر لو سمحت اطلع بعد نخلص بناديك 

منذر : هههه طيب ،،، بعد اصحابو اتغدو وعملت ليهم الشاي شالو منن قالت الا تغسل باقي العده اصلا كانت شويه فالمغسله خلصتها وطلعت اثناء ما هي طلعت منذر كان جاي على باب الصالون بعد قدم اصحابو شافها طالعه 😍وقفها ، وفي نفس الوكت امي قالت لي الحقيها دايرة اديها عشا لاخواتها الاكل ده ببوظ ساي قبيل زينب حلفت ما تشيل الا ينتهو الضيوف جريت بسرعه قبل تدخل كان القاهم واقفيين 😄بعييد من بعض وبتكلمو منذر عامل ظريف وبشكر فيها تعبناك معانا وان شاء الله عقبالك كدا ي رب وهي التانيه بتبارك ليه ي دوب لقت فرقه😂بس قطعت عليهم اللحظه التاريخيه دي 😄منذر خش جوة طوالي وهي اتهجمت الخجلة كاتلاها 🙈🙈 بكرة حكيت للدن قالت لي مراهقين ي بتي بكرة يكبرو وينسو ههه

انا : هيي ي سجم اخوي وااعي وراجل قدر الدنيا 😒

لدن : اسي قلت حاجه انا 😄 خلينا فالمهم بعدين نحاول نطلع بدري امي موصياني لسوية حاجات

 

انا : ان شاءالله ☺، اخر الدوام مشينا الماركت وكم محل كدا كل ما تلاقينا حتجه لدن تقولي شيلي وانا برفض جينا بجمب مكتبه لقيت نفسي دخلت بدون اشعر وبقيت افتش عن كتب من زمان بحب القرايه والمطالعه بسالفترة الاخيرة دي انشغلت عنها كتيير اظن ده انسب وكت ارجع فيه علاقتي مع اصدقائي الاوفياء الكتب😊اشتريت لي كم روايه كده لاجاثا وشكسبير وادهم صبري وكتابين دينيات 😍

لدن : هي كفاكي لم تخلصي ديل تاني تعالي شيلي  

انا : امكن المرة الجايه ما بلقاهم خليني اشيل وكت صادفوني 

لدن : على أساس عندك زمن ؟ خلاص هترجعي لهوسك تاني 

انا : كيف ما بلقى ان شاءالله يوم الجمعه بقراهن 

لدن : بس اوعي تجي تحكيلي بالذات قصص اجاثا المخيفه دي 😒

انا : ههههه طيب ما بحكيلك ، سبحان الله لدن ما بتحب تقرا نهائي بالذات الروايات  ما عندها ليهن صبر بتقولي قراية المدرسه و الجامعه شيبت راسي 😄  لفت انتباهي كتاب مهارات الحياة بعنوان اقتحام الاسوار واكتشاف الاسرار كتاب حلو شديد ومفيد فيهو مواقف وحكم بتساهم في تطوير الذات وتنمية الشخصيه وكمان القصص حقيقيه من الواقع  ملخص حكمة الكتاب  :- 

" . ﺇﺫﺍ ﺃﺭﺩﺕ ﺃﻥ ﺗﻌﻴﺶ ﺣﻴﺎﺓ ﺳﻌﻴﺪﺓ ﺧﺎﻟﻴﺔ ﻣﻦ ﺍﻟﻘﻠﻖ ﻻ ﺗﻜﻦ ﺟﺎﺩﺍً ﻣﻊ ﻧﻔﺴﻚ ﻓﻲ ﻛﻞ ﺍﻷﻭﻗﺎﺕ ﻭﺍﺳﺨﺮ ﻣﻨﻬﺎ ﻭﺍﺿﺤﻚ ﻋﻨﺪﻣﺎ ﺗﺼﻞ ﻟﺤﻘﻴﻘﺔ ﻋﺪﻡ ﻭﺟﻮﺩﻫﺎ ﻭﻛﻢ ﻗﻠﻘﻨﺎ ﻋﻠﻰ ﺃﺷﻴﺎﺀ ﻭﺟﻌﻠﻨﺎﻫﺎ ﻛﺒﻴﺮﺓ ﻭﻓﻲ ﺍﻟﻨﻬﺎﻳﺔ ﻭﺟﺪﻧﺎ ﺃﻧﻬﺎ ﻣﺠﺮﺩ ﺃﻭﻫﺎﻡ ﺧﻠﻘﻨﺎﻫﺎ ﺑﺄﻧﻔﺴﻨﺎ"  

وفيه كتير من الحكم منها : 

"ﺇﻧﻪ ﻣﻦ ﺍﻟﻐﻠﻂ ﺃﻥ ﺗﻈﻬﺮ ﻟﻤﺤﺒﻮﺑﻚ ﺍﻟﻤﺤﺒﺔ، ﻓﺈﻧﻪ ﻳﺸﺘﻂ ﻋﻠﻴﻪ، ﻭﺗﻠﻘﻰ ﻣﻨﻪ ﺍﻷﺫﻯ ﻣﻦ ﺍﻟﺘﺠﻨﻲ ﻭﺍﻟﻬﺠﺮﺍﻥ وده حقيقه اكتر ☺

واقوى حكمه فيه كانت: 

 ﻋﻠﻰ ﺍﻟﻌﺎﻗﻞ ﺃﻥ ﻳﺆﻧﺲ ﺫﻭﻱ ﺍﻷﻟﺒﺎﺏ ﺑﻨﻔﺴﻪ، ﻭﻳﺠﺮﺋﻬﻢ ﻋﻠﻴﻬﺎ، ﺣﺘﻰ ﻳﺼﻴﺮﻭﺍ

ﺣﺮﺳﺎً ﻋﻠﻰ ﺳﻤﻌﻪ ﻭﺑﺼﺮﻩ ﻭﺭﺃﻳﻪ، ﻓﻴﺴﺘﻨﻴﻢ ﺍﻟﻰ ﺫﻟﻚ، ﻭﻳﺮﻳﺢ ﻟﻪ ﻗﻠﺒﻪ، ﻭﻳﻌﻠﻢ

ﺃﻧﻬﻢ ﻻ ﻳﻐﻔﻠﻮﻥ ﻋﻨﻪ ﺇﺫﺍ ﻫﻮ ﻏﻔﻞ ﻋﻦ ﻧﻔﺴﻪ ". -الحكمه دي بتتمثل في اسرتي تاج راسي ولدن رفيقة عمري 💙💛💜💚بنصحكم تقروه ☺👋👋👋👋👋 ...

      البارت الخامس والعشرون من هنا 

   لقراءة جميع حلقات القصه من هنا

تعديل المقال