رواية الأميرة والمغترب
الفصل الثامنون 80 جزء أول
بقلم آلاء اسماعيل
ابتسمت سما و نظرت الى ايهاب الذي بادلها ابتسامة الشماتة و الانتصار و ما كاد ان يفرح حتى تلاشت ابتسامته و حلت محلها صدمة شديدة و هو يسمع ذلك الداخل عليهم رفقة شخص آخر و هو يقول بصوت عال
-و لو كان ليه عم يا مولانا؟؟
نظر الجميع إلى الداخلين رفقة بيتر و كان المتحدث شاب في أواخر العشرينات وسيم يشبه ياسين الى حد ما و معه رجل في اوائل العقد الخامس من العمر و كانا نسخة عن بعضهما
الشيخ بتوجس-في هذه الحالة فالعمة لا ترث لوجود عصب وارث ذكر ! لكن من انت ولدي ؟
-آسف دخلت من غير استئذان ...السلام عليكم
رد الجميع السلام بذهول فأكمل الشاب بثقة : اعرفكم على نفسي :حسام يوسف المنشاوي و ده والدي يوسف المنشاوي : عم المرحوم
ايهاب بصدمة: عمه !! 😳
تهامس الجميع بصدمة و تراجع خالد الى الخلف قليلا ثم نظر الى احدى الكاميرات بتعجب دون ان يلفت انتباه أحد : عمك !! 😕🤨🤔
بينما اكمل ذلك الكهل بإبتسامة وقورة
-أيوة عمه ...يعني خالك يا إيهاب 🙂
ايهاب بصدمة: لاااا ....مستحييييل !! انا مليش اخوال غير خالي محمود ...الراجل ده أكيد واحد نصاب يا مولانا !!!
اخرج الرجل بهدوء ظرفا و اعطاه للمحامي
-تستطيع التحقق من ذلك ... هويتي و جواز سفري..شهادة ميلادي و شهادة ميلاد ابي ..و كل ما يثبت كلامي موجود بهذا الظرف
أمسكه المحامي و تمعن في كل الوثائق و فتح حقيبته و راح يقارنها مع معطيات ياسين الموجودة عنده
ثم نظر الى الشيخ و قال : الرجل يقول الصواب ...كل الوثائق تدل على أنه اخو السيد محمود المنشاوي من الأب
ايهاب بصراخ : كذذذذب !! سأثبت ان الوثائق مزورة !
السيد مارتن: الوثائق صحيحة ولا غبار عليها ...ألا تعتقد اني أستطيع ان افرق بين وثيقة حقيقية و اخرى مزورة !!
ايهاب بضياع : لكن ...كيف !! متى ...لا مستحييييل !! 😱😱
أمسك رأسه بصدمة و من خلفه سما المصدومة اكثر منه وهي تسأل المحامي
-ما معنى هذا الكلام !!؟؟ 😳🤔
نظر المحامي الى الشيخ فاجابها هذا الأخير : معناه ان السيد يوسف المنشاوي هو الوريث الشرعي لكل ممتلكات السيد و لا يمكن للعمة او الخالة أن ترث بوجوده هو او وجود ابنه من بعده
همس خالد لنفسه : هي دي المفاجأة يا ياسين ؟؟ عندك عم و ما قلتليش !!!
فاتن : ايه الي بيحصل يا صالح ! هو طلع له عم امتى !!
صالح : مش مهم امتى المهم أنه هياخذ منهم هوما الإثنين كل حاجة ..و الأهم الوا'طي طلع خايب
همست سحر لأم أحمد بشماتة : دلوقت الوا'طي هيطق له عرق 🙄😂...دي صدمة مكانش مستنيها أبدا !
ام أحمد : ولا مراته اللي جاية متشيكة و ناوية تقعد هنا بجد
في تلك اللحظة توجه يوسف نحو أميرة و قال : اولا اعزيكي في وفاة الغالي علينا كلنا ياسين ابن اخوي... البقاء لله يا بنتي محدش دايم فيها و ربنا يديكي الصحة و الصبر و طول العمر من بعده
أميرة بحزن: تسلم يا عمي ربنا يكرمك
ثم وقف يوسف وسط الردهة و قال بصوت عال أمام الجميع : و ما دمت هنا يا مولانا يا ريت تبقى شاهد على اللي هقوله
و نظر الى خالد قائلا : يا ريت تترجم للمحامين عشان الكل يبقى شاهد 🙄
-أنا يوسف المنشاوي ابن الشهيد توفيق المنشاوي و اخو المرحوم محمود المنشاوي اتنازل بكل اللي هيطلعلي من تركة المرحوم ياسين ابن اخوي لأرملته أميرة رجب ابراهيم
توجه نحوها و نظر إليها قائلا بصدق: الحمد لله احنا مش محتاجين حاجة و الفضل يرجع لربنا و للمرحوم اخوي و للمرحوم ابنه من بعده...افضالهم كانت مغرقانا طول السنين الي فاتت دي....عشان كدة اللي سابه محدش ليه حق فيه غيرك ...انتي أحق وحدة بيه و اعتبريه عوض من ربنا عن خسارتك الكبيرة اللي ما تعوضهاش فلوس الدنيا كلها
نظرت أميرة إليه بدهشة و لم تقل شيئا
لم تقل دهشة الباقين عنها !!
فمعنى كلامه ان المرحوم محمود كان على علم بوجوده ! بل و كانا على تواصل دائم ..وكذا ياسين من بعده !! اذن لماذا اخفى أمره عن الجميع!
غادر ايهاب بصدمة و هو يقول : لالا ... لالا أكيد الموضوع ده في حاجة غلط. . أكيد دي لعبة حقي"رة منه !! انا مش هأخسر يا ياسين ...لا ...مش انا اللي اخسر ...انا هوريكم كلكم مين ايهاب المنصور!! انا مش هأسكت عالمهزلة دي !! 😤
غادرت سما من خلفه و هي تستشيط غضبا و تنظر لأميرة بنظرات نارية قائلة : الموضوع لسة ما خلصش !!
نظر المحامين الى بعضهما و قال السيد مارتن
-اسمحوا لنا بالإنصراف لقد انتهى دورنا الان
غادر المحاميين و قال الشيخ : لقد حلت المسألة اذن استأذنكم أيضا
أم أحمد: اتفضل يا مولانا متشكرين مجيتك النهاردة
غادر الشيخ و نظر خالد اليهما بدهشة ثم قال: ممكن بقى تتفضلوا وتحكولنا ايه حكايتكم بالضبط 🤔!
ابتسم حسام و قال : مش لما نرتاح الاول.. .ابوي عيان و جاي من سفر....هنبقى نقولكم كل حاجة بعدين
ام أحمد : طبعا .....اتفضلوا من هنا يا ابني
كان سينصرف خلف ام أحمد حين اوقفته أميرة : استنى
التفت يوسف إليها بتوجس فتوجهت نحوه و امسكت يده و هي تقول بإمتنان: اشكرك لإنك جيت في الوقت المناسب يا عمي يوسف .. بس انا مش محتاجة حاجة ...انا بس مكنتش عايزة شقا المرحوم يروح للي اسمه ايهاب لأنه مكانش هيحافظ عليه ..بس صدقني انا مكنتش عايزة غيره هو ..لا يهمني قصر و لا فلوس و تقدر تحتفظ بيهم
همست فاتن : شوف بنت العبي'طة!
لكزها صالح بمعنى اخرسي
يوسف : عارف و متأكد يا بنتي .. سيماهم في وجوههم
بس مع كدة دي فلوس جوزك انتي هتقدري تحافظي عليها زي المرحوم و اكثر.. واضح انك جدعة و قوية و الا مكنتيش تقفي ف وش ايهاب من تاني يوم ..
أميرة : اشكرك بجد يا عمي ...و الحمد لله على السلامة... اتفضل ترتاح .
دخل حسام و يوسف و قال صالح
-كدة يا جماعة احنا اتطمنا على اميرة نستأذنكم بقى
و نظر الى فاتن
-يالا يا فاتن !!
رجب : الحمد لله عدت على خير كنت خايف اوي يا فاطمة
-ربنا عالظالم يا رجب ...الحمد لله
فاطمة: انا عايزة اكلم مرات اخوك اتطمن على ندى
-تلفوني جوة
-طب انا داخلة أكلمها
رجب :و انا طالع أشم شوية هوا الوا'طي اللي اسمه ايخاب عكر لي مزاجي
غادر الجميع و قال خالد و هو ينفخ بتعجب بينما ينظر الى بيتر : اوووف !! يا له من يوم يا بيتر !!
خرج بيتر مبتسما لان الموضوع مر بسلام
و قال خالد لسحر : كنت عارف انه هيحصل سيسبانس و إثارة و كدة بعد قراية الوصية ...بس مكنتش اتوقع ده يحصل أبدا !!
سحر بدهشة : معاك حق !! مين كان يقول ان ياسين يطلعله عم !! 😳
خالد : اه و الله بس طلع جدع زي اخوه ...الحمد لله اننا اتطمننا على اميرة 😊
سحر : صح معاك حق ...دلوقت نقدر نمشي مرتاحين البال
خالد بدهشة:تمشو فين؟
سحر : بيتنا طبعا! هو احنا هنقعد هنا على طول !!
التفتت خالد يمبنا و يسارا و لم يكن هناك غيرهما
-طب بقولك ايه يا سحورتي
سحر : ايه؟
-انا بقول لو أكلم عمي صالح بخصوص تحديد معاد الفرح
سحر: فرح اي يا اهبل انت اتجننت !! ده صاحبك حتى ما عندوش ثلاث ايام مدفون ! 😡😡
-و انتي مالك هو كان صاحبي انا ولا صاحبك انتي ؟ 🙄😤
نظرت إليه سحر بغضب : يعني كل الناس تبقى حزينة على صاحبك و انت بتفكر في الجواز!! 😡
انصرفت و هي تقول: بجد بني أدم غريب !! 😤
7
نظر حوله و لم يكن هناك غيره في الردهة فإلتفت الى احدى الكاميرات و قال بهمس و هو يعلم ان ياسين يتقن لغة الشفاه
-عاحبك كدة ! أهي لعبتك السخيفة دي هتبوظ جوازتي انا كمان ! متأكد طبعا انك قاعد بتبتسم ببلاهة دلوقت... صبرك عليا لما اشوفك بس يا ياسين الگلب 😤بقى انا تخبي عني ان ليك عم !! 😤
خرج ايهاب بصدمة لا يدري ماذا يفعل و قد عقدت الصدمة لسانه..
سما : ايه الي بيحصل يا ايهاب !! هو مين الجدع ده !!معقولة عندك خال ما تعرفش عنه حاجة !!
ايهاب بضياع :مش عارف يا سما .. مش عارف ...
سما : طب هنروح فين دلوقت ؟ اوعة تقولي اننا هنرجع للشقة المع"فنة دي تاني !!!
-اومال عايزة تروحي فين ؟! الشيراتون !!! ما انتي سمعتي بوذانك !! المحامي بيقول كل حاجة بقت لواحد لسة عارفين دلوقت حالا أنه موجود !! لا و فوق كدة متنازل عنها للبرنسيسة!! يعني كل اللي خططتله من سنين ضاع في ثانيتين يا سما !! 😱
-طب ناوي تعمل ايه دلوقت 😥
-مش عارف ...سيبيني لوحدي دلوقت ! محتاج افكر برواقة
سما بدهشة: اسيبك ايه انت اتجننت !! اروح فين يعني ؟
اوقف ايهاب تاكسي و اركبها رغما عنها و اعطاه العنوان و النقود و هو يقول : روحي انتي الشقة انا عندي مشوار مهم
عند الزعيم
الزعيم لوي : جايكوب هل كل شيء جاهز ؟
-أجل أبي الزعيم سننطلق انا و بابلو و اليساندرو حالا
-لا يا جايكوب...أنت لم تتعاف بعد ...ستبقى هنا معي لنحضر استقبالا يليق بالوغد
نظر الزعيم إلى الإثنين الواقفين بجانب جايكوب -اليساندرو ..بابلوو انتما ستذهبان و خذا فرقة دعم إضافية تحسبا لأي طاريء ... لأ اريد أي خطأ مفهوم!!
-مفهوم يا زعيم
في القصر
اجتمعت العائلة لتناول طعام الغداء ثم رفعت السفرة و جلس الجميع في الصالة
خالد : ها يا استاذ يوسف....ممكن بقى نعرف حكايتك ايه ؟
يوسف : هأقولكم حكايتي بإختصار
أبوي اتعرف على أمي لما كان في مأمورية و اتجوزها على سنة الله و رسوله ..و لإن المرحومة أم محمود كانت روحها فيه ما قدرش يصارحها و فضل جوازهم في السر لحد ما يلاقي الوقت المناسب
بس ما لحقش يلاقيه لإنه إستشهد ...انا وقتها كان عندي 3 سنين
أمي حاولت تتعرف على عيلة ابوي و تقولهم عني بس لما سألت من بعيد لبعيد عرفت أن أم محمود حالتها كانت صعبة جدا بعده ...مقدرتش تكسر قلبها أكثر و قررت تكتم على الخبر و تبعد تاني لحد ما تلاقي الوقت المناسب ...
بس السنين عدت و ما فكرتش ترجع لهم تاني او ده اللي كنت فاكره ... و كنت كل ما اسألها عن عيلة بابا تغير الموضوع و تحور عليا لحد ما تميت 18 و قررت ادور عليهم بنفسي و اعرف الحقيقة اللي هي مخبياها عني و سافرت لهم و سألت
و عرفت أن عندي اختي اسمها مفيدة عندها 27 سنة و عندها ولد اسمه ايهاب عنده 9 سنين ، و اخوي الكبير محمود كان عنده 31 و عرفت أنه هيتجوز بنت صاحب الشركة اللي بيشتغل عنده ...رحت ليه و عرفته عليا و وريته كل الأوراق اللي تثبتله اني اخوه... بس ساعتها عرفت ليه أمي مكانتش عايزاني أقرب منهم ..
اتاريها كانت سألت و عرفت الحقيقة
محمود حكالي ان الاوضاع مضطربة بينه و بين عيلة اختي مفيدة و السبب جوزها لإن حالته العقلية مش مستقرة... و طلب مني ما اظهرش لحد من العيلة و خصوصا جوز اختي و فضلنا نتواصل انا و هو في السر حتى بعد ما سافر .. كنت كل ما أطلب منه يسمحلي اتعرف على مفيدة كان بيقولي لما يوصل الوقت المناسب. ... بس عمره ما قالي عالوقت ده امتى !
كانت دايما عنده شكوك. .. و الشكوك دي كانت بتكبر كل ما كان ايهاب بيكبر ..كان بيلمحلي بس مش بيقولي بصريح العبارة هو خايف من ايه ...كل اللي كان بيقولي عليه هو ان ايهاب هيبقى نسخة عن ابوه..
كان بيزورنا في مصر و كنا نزورهم في كندا و فضلنا عالحال ده حتى بعد ما اتجوزت انا بس محدش كان عارف نوع العلاقة بينا الكل كان فاكرنا اصدقاء عيلتهم
لما مات محمود الله يرحمه خلى لي وصية و قالي خلي بالك من ياسين و اوعة تكشف نفسك الا لما يوصل الوقت المناسب ...
كنت دايما افكر في العبارة دي و أقول يا ترى هو كان خايف من ايه عشان يقول كدة ...و اي الوقت المناسب اللي مستنيه !!
بعدها بسنين اكتشفت ايه السر اللي مخبيه
و من يومين بس عرفت أن ده الوقت اللي كان يقصده ...
أميرة -سر ايه ده ؟؟
يوسف:كل اللي اقدر أقوله دلوقت ان ايهاب كان دايما بيكره ياسين ، و محمود كان طول عمره شاكك فيه و متأكد أنه هيحاول يوقعه عشان ياخذ منه كل حاجة
اول ما عرفت بالخبر قررت اظهر و اكشف نواياه
الحكاية كلها هتلاقيها في مذكرات المرحوم
أميرة : مذكرات؟؟
حسام -أيوة ...ياسين كان عنده دفاتر بيكتب عليها كل مذكراته ..غالبا هتلاقيها في المكتب
وصلت حسام رسالة نصية فأومأ لوالده الذي قام من مكانه
-و دلوقت لو تسمحولنا انا عايز اروح المدافن اقرأ الفاتحة على روحه
أميرة : اتفضل يا عمي
خالد : انا جاي معاكم .
قام خالد فقام خلفه صالح و هو يقول
صالح : خالد اتمنى ما تكونش نسيتنا يا ابني
خالد : لا يا عمي انا حجزتلكم فعلا و طيارتكم بعد ساعة و وصيت توني يوصلكم المطار كمان
صالح : تشكر يا ابني ..يالا يا سحر جهزي شنطتك انتي كمان
فاتن : لا انا خلاص جهزتها لها لما كانت مع بنت خالتها امبارح
صالح : يبقى هنستأذن احنا يا دوب نلحق المطار
نظر الى فاتن و سحر : هسيبكم تسلموا على الجماعة و تودعوهم انا هستناكم برة
في المدافن
ايهاب يقف أمام قبر ياسين يتجول كالمجنون يحاول استيعاب ما حدث
- كنت عارف ان عندك عم و مخبيه عننا !!
و ابوك عارف ان ليه أخ و مع كدة كتم عالخبر طول السنين دي!! أكيد عشان انا ما اعرفش.. فاكرين نفسكم محدش ذكي زيكم مش كدة !! 😤😤
حتى ابوي كان دايما بيشكك في ذكائي و مهما عملت بيقول لي ياسين احسن منك ...و انت غبي ما تنفعش لحاجة
كل ما كنت انت تعمل حاجة تستحق المدح كنت أنا اتعرض للعقاب و للتعذ"يب بسببك ....عشان كدة انا بكرهك انت و ابوك و عمري ما كرهت حد زي ما كرهتكم انتو الإثنين
ازاح قميصه و اظهر ندبة حرق عن كتفه الأيمن : بص !! بص بسببك عملي ايه !!! فاكر دي ؟؟ فاكر !! أبوي سخن السگينة و علم عليا بسببك ..عشان ما انساش أبدا انك اتغلبت عليا و أحاول أكثر لحد ما ابقى احسن منك !
جلس يتذكر ثم قال
كنتو رايحين انت و ولاد العيلة تلعبوا جنب البير في العزبة
انا يوميها عملت فخ على اساس انك المفروض تتكعبل فيه و تقع جوة البير و اخلص منك او يتكعبل حد من صحابك و تبقى انت السبب لإنها فكرتك بس انت عملت ايه !!
وقفت صحابك صف واحد على جنب و اكتشفت ان فيه حاجة غلط ...طبعا !! مش ياسين اللي عنده نظرة حادة وذكاء استثنائي!
نزلت تستكشف الارض و اكتشفت الخيط الرفيع المخفيً تحت أوراق الشجرة اللي جنب البير و بدل ما تنقذ صحابك و ترجع قررت تستعرض ذكائك زي العادة و تكشف الحقيقة للكل ...و خليتني اعترفت لك من غير ما اعرف انك عامل لي فخ و اضطريت اظهر بمظهر الغب'ي و انا باعتذر قدام الكل و أقول اني كنت بهزر معاكم مش اكثر ...و بقى ياسين الصغير بطل في عين الكل و بقيت انا الكبير الاهبل! 😡
بس لا ... دي كانت آخر مرة ووعدت ابوي انها مش هتتكرر تاني
اعترف يا ياسين ...اعترف ان انا اتغلبت عليكم انت و ابوك !
نجحت و بقيت دكتور ...و اثبتت لبابا انك مش احسن مني في حاجة .. ..لا انت و لا ابوك .. بدليل انكم انتو الإثنين تحت التراب و أنا عايش ....
اوعة تفتكر كدة انك انتصرت لما اخذ الغب'ي اللي اسمه يوسف ده مني الورثة !! لاني زي ما خلصت منكم هأخلص من عمك ده ....يا ريتك بس كنت حي عشان تعترف ان البقاء للأذكى
صحيح في الاول كنت يحاول اكون اغنى منك و عملت المستحيل عشان كدة بس كل ما كنت باكبر و انجح مرة انت كنت تكبر عشر اضعافها و تنجح اضعاف اضعافها !
حاولت اعمل ثروة ما عرفتش ...
ضحك كالمجنون ثم قال : بعدين فكرت و قلت لنفسي . اتعب نفسي ليه ؟ ما دامت ثروة ياسين موجودة .. الذكاء مش في الشغل و التعب اكثر .. الذكاء ف أني احصل على كل اللي حصلت انت عليه بتعبك من غير تعب ولا مجهود ...ولا قطرة عرق
ضحك مطولا :
و لا حد قدر يكشف الطريقة اللي كنت بأطلع بيها المعلومات برة البلد في كل مرة اسافر بحجة مؤتمر طبي.. ولا حد قدر يكشف تورطي مع عصا"بات الأعض"اء
و كمان محدش قدر يثبت ان حادثة الطيارة كان سببها الدوا اللي اخذه الطيار في ازازة المية اللي شربها قبل الرحلة ...و اللي مكانش ممكن يظهر في التحليل ... لاني خلطته بطريقة عبقرية مع دوا تاني يخلي من المستحيل الكشف عنه ...😁
و لا حد قدر يكتشف ان حادثة العربية بتاعتك كان سببها جهاز تشويش يخلي العربية تفقد توازنها .. على فكرة دي كانت فكرتي مش فكرة دانيال ...انا حطيتله كل السيناريوهات هو كان عليه ينفذ و بس
ايوة يا ياسين انا دايما الي بأكسب .. عارف ليه ؟؟ لإني اذكى منك .... أيوة...اذكى منك
و هأثبتلك ده أكثر ما يشرف عمك و ابنه قريب عشان يونسوك ... هاكون انا ساعتها في قصرك باتمتع بأملاكك
بعد ما أخلي مراتك طبعا تندم عاليوم اللي فكرت تتحداني فيه ...كانت فاكرة نفسها ذكية ...
ضحك كالمجنون و قال
مش عارفة اني خلصت من اللي كان فاكر نفسه اذكى حد في الدنيا و دفنته بإيدي دول
اتمنيت لو اقدر أقول للدنيا كلها ان ايهاب المنصور قدر أخيرا يقضي على ياسين المنشاوي اللي كان الكل فاكره أسطورة
-ما تخافش يا ابن عمتي ...اديني حققتلك امنيتك ...و الدنيا كلها عرفت 🙄🙂
ايهاب بصدمة: ياسين !!! 😱