قصة انا مجنونتك
البارت العاشر 10
بقلم ماجده انور
حماده:قدي من هنا لو تموتي م اعتزر ليك ....جوجو:طلعت الكيس وقلت ليهو اخر كلام سكت مني فتحت الكيس والقعويه الفيهو ذاتو م صدقت متين فتحت ليها جات ناطه في وشو تقريبا قالت الحرييييه🌚
حماده:في حاجه جات طايره في وشي م ركزت لحظه استوعاب القعويه كانت ماسكه في نخرتي وتعاين لي واعاين ليها اي اكبر مخاوفي القعونجه دي😬بقيت من فوق جسمي جامد وبي كراعي ارفس في جوجو عشان تزح من قدامي وهي حالفه كان تزح قمت فاحط واهز بي راسي جاي وجاي عشان القعويه تقع😰...
جوجو:التيس بقى ذي التور الهايج او تشبيه بليغ بقى ذي الخروف الداير ينطح😐قام جاري فوقي ونا جاريه وهو وراي نا اصلا م عارفه خايفه من شنو بس جاريه منو وبكورك يولد اختاني ي ولد زح من وراي من تلحقني وهو شغال يقول زحوهااااا زحووهاااا زحاكم بلا😵🤯نا للحظه اتخيلتو تور جايي ينطحني فاحطه في البيت كلو وهو وراي لقيت غرفه آدم فاتحه توووشك دخلت وقفلت الباب واتكيت عليهو حتى آدم كان بخلط ب التلفون لمن شافني اتخلع😂
آدم بسم الله فشنو....جوجو:دايره ارد ليهو كده فجاة اسمع ليك دزززز حلفت وقلت كما الباب باب حديد كان انكسر 🙂فتحت الباب لقيت ليك التيس واقع غمران والقعويه تنطط وفاتت مننا المسخوته🙂جبهتو كانت حمرا ذي الدم من ضربه الباب لمن خوفت😰لالا ي زفت انتو م خوفت عليهو خفت علي روحي بعد يقوم نا امشي وين ح يحمرني وياكلني😐المهم خليت اسيل وآدم ومرت عمي معاهو وانسحبت براحه ذي الما عملت شي وشردت البيت😶
في البيت اول م دخلت واتزكرت الموقف ضحكت بي صوووت😂لاقيت علوش في وشي اتزكرت تغير هديل مسكتو حضنتو وبقيت ازغرط يووووي💃مبررروك ي عريييس يلا يلا الفي المطبخ الفي الحمام الغاطس جووه عوضتو اطلعووو كلكم تعالو باركو لي عريسنا....علوش كان مصدوم وبعاين لي سااي البيت كلو اتلمى امي كانت شايله مفراكته جاتني من المطبخ وابوي جا من الصلاه ومياده جات جاريه شايله كتابها وعمار وأيمن كانو بلعبو بلايستيشن جو برضو حكيت ليهم بي هديل والتغير الحصل معاها اولا كلهم ابو يصدقو طبعا نا قبل اجي بيتنا غشيت بيتهم وطاوقت بي الحيطه لقيت ليك زولتك تصلي وتقرا في قرآن ساااي طوااالي صورتها وريتهم الصوره حتين اقتنعو وامي بقت تزغرط ومياده معاها وايمن وعمار شغالين لي علوش ابشرر ي عرييسنا وابوي قال ليهو على بركه الله نخطبها ليك بكره المغرب واول مره بعد سنتين اشوف ابتسامه علوش 🥺🥲
عيوني دمعو🥲واااع بهظر معاكم لا دمعت ولا شي بس بقيت اضحك فيهو بقى يتبسم ويتكشم ذي العروس 😂🥴خليتهم قاعدين في الصالون ويخططو لي الخطوبه ويدقدقو تلفونات لي الأهل جريت علوش على جنبه وباركت ليهو تاني 😂وقلت ليهو حمد لله الوافقو ...علوش:من غير اي مقدمات حضنتها علي وكانت اول مره احضن جوجو اختي وبست ليها راسها:تسلمي لي ي اغلا اخت لو م انتي م كان اقتنعو....جوجو:خلاص اتأثرت اسكت م نقلبها دراما هنديه 🤣المهم بس نا الشاغل بالي كيف هديل اتغيرت كده الخلاها تتغير
لقراءة جميع حلقات القصه من هنا