قصة طلاقي ليس نهايتي
البارت الثلاثون 30 والاخير
بقلم حنان عادل
لم صلاح طلب من الزواج انا اتشليت تمام جسدياً وحسيا حسيت بطعنه ف قلبي قلبت علي المواجع من جديد حسيت وكأنو قلبي ده طلع من مكانو ، تاااني زواج ؟ الحاجه دي ما عملت ليها حساب هه م عارفه ليه ، كان ف اعتقادي انو الاول فشل هينجح التاني؟لا مستحيل ارتكب نفس الغلط تاني وبالسرعه دي كمان لا طبعاً لا ما موافقه ، طلعت من الواتس من غير ما ارد وسرعان ما اتصل مكالمتين قفلت التلفون نهائي ونمت طوالي من غير تفكير اصلا الموضوع محسوم ✋يومين قافله تلفوني ما فتحتو الا لم امي قالت لي لدن بتسال منك ، اتصلت عليها بقت تشاكل فيني قالت قام عليك جنك مالك قافله تلفونك ؟لم نقت كتير وريتها الحاصل واريتني ما كلمتها شبعت فيني شتيمه انتي واحده حيوانه وما عندك موضوع وبهيمه ووو لم قفلت ف وشها 😤وهي طوالي رجعت لامي وكلمتها😱المسا جاتني ف غرفتي : الاء انتي صحي صلاح طلبك للزواج
انا : 😯😯منووو امي : عان ما تحاولي تكضبي علي لدن كلمتني بالحاصل
انا : امي لو سمحتي انا ما دايرة نقاش فالموضوع ده
امي : ليشنو ي الاء، ي بتي انا دايرة اشوفك سعيده ومبسوطه ف بيتك وصلاح شاريك والله
انا : ي امي لا انا بفكر فالحكايه دي حاليا ولا مناسبه لصلاح
امي : مالك ما مناسبه هاا؟ عشان انتي اتزوجتي قبل كدا وهو لا ؟ دا ما سبب ترفضي عشانو، يعني ما دايرة تتزوجي نهائي ولا شرطك هتتزوجي راجل مرة ؟ نحن علمناك وقريناك.عشان تجي تقرري مصيرك بالجهل ده
انا : ي امي بس الله يرضى عليك خليني براحتي
امي : جداً ي بتي بس لمتين هنخليك على راحتك كدا ؟ انا : فالوكت الحالي
امي : والوكت الحالي ده ما واقف ماااشي ووكتك بجي وهنشوف ، وطلعت مني زعلانه جاتني رسالة فالتلفون من صلاح : ممكن تردي علي عايز اتكلم معاك وبعدها بمسافه اتصل ما حبيت احرجو اكتر من كدا ومافي داعي اتهرب منو احسن اوقفو عديل وكان بها ، رديت عليه واول حاجه قالا : الناس برضو بتتعامل كدا؟ ما رديت ليه ، قال : الاء ليه ما عايزة تردي علي
انا : ما عارفه اقولك شنو
صلاح : كيف ما عارفه؟ قولي رايك بصراحه وبس
انا : في شنو
صلاح : هههه ما تستهبلي انا طلبت منك شنو ؟ ماشي ي ستي برجع اجدد طلبي ، الااء تقبلي تتزوجيني ؟
انا : اخدت نفس عميييق وقلت لا
صلاح : سكت مسااافه وانا كنت خايفه ومتوترة شديد قالي ليييه
انا : مافي سبب صلاح : مافي زول بقبل او برفض حاجه الا لسبب ممكن اعرف عذرك
انا : جد مافي شي
صلاح : على الاقل حاجه تقنعني عشان ما اكون ف حيرة رفضتيني ليه لشخصي ولا شي تاني
انا : لا والله انت مافي منك والف واحده تتمناك
صلاح : انا م شايف الالف ديل وما عايز واحده غيرك تتمناني ، في سبب تاني ؟
انا : صلاح انااا ما بناسبك
صلاح : اي وليييييه ؟ فضلت ساكته😷وصدمني لم قال عشان مطلقه ؟
انا : 😳😯😨 ، قالي ايوة عارف ي الاء ده سببك يعني ؟ برضو ما رديت واصل : جد انتي بتفكري بالطريقه الرجعيه دي ؟ انتي عارفه لو كان ده سببك مفروض انا اتراجع لانك واحده جبانه وضعيفه
انا : عفواً؟ 😯
صلاح : لا ما عفواً ياهو كدا خايفه من نظرة المجتمع ليك والناس شاغلين اكبر حيز من تفكيرك ودا اكبر غلط ، انتي انسانه زيك وزي غيرك من حقي تعيشي وتفرحي تاني وتالت ورابع المانع شنو ، بطلي جهل و سطحيه وفكري في نفسك وبس مافي الحوليك عشان الحوليك ما بفيدوك بشي ، بديك أسبوع تاني فكري فيه براحتك وفالحالتين انا ما منتظر ردك ، وقفل قبل اتم كلامي😯قصدو شنو بما منتظر ردك ، وافكر في شنو مافي مجال للتفكير خلاص منتهي✋ ، ورجعت تاني للصراع الداخلي عقلي بقولي : فعلا صلاح كلامو صح انتي خايفه من كلام الناس ونظرتم ليك عشان صلاح ما متزوج وغلط تفكري كدا وافتكر اتجاوزتي الحصل زمااان وخلاص ولا انتي لسه؟
وقلبي خايف ومرتبك ما متحمل صدمات تانيه وبقولي لا ما تسمعي كلامو ، وانا ما عارفه مصيري المجهول كيف و اتجاهو وين ما علي غير افوض امري لله وحده☝💙 ولدن ما زالت بتنق فالموضوع نزلت جامعتي ونسيتو نهائي وفعلا بعد اسبوع صلاح جاني الجامعه نفس حركتو الفاتت عامل بوصلني وزي ما اتوقعت فاتحني فالموضوع وما اديتو خط اخضر فضلت ساكته وهو بس بتكلم وبترجا فيني اوافق واديهو وادي نفسي فرصه معاه وكمان قالي انا عمري ما فكرت فالزواج الا لم عرفتك وحسيت واتاكدت انك الانسانه المناسبه لي ما غيرك ونفسي ومنى عيني ترضي علي ولو امي داعيالي زي ما بقولو ومحظوظ فالدنيا دي هتبقي من نصيبي ولو كمان لا شكلي هافضل وحيد طول عمري 💔 انا كنت سامعاه ومدنقرة بفرك ف يدي كعادتي لم اتوتر ما انتبهت للعربيه وقفت الا بعد مسااافه لم قالي الاء وصلنا عاينت للشارع كنا جمب بيتنا اتلفت عاينت ليه عشان اقولو شكراً لقيتو بعاين لي بنظرة غريبه شديد وفيها كلام كتييير لم جسمي قشعر عمري ما بنساها ، طول اليوم وكلامو بنفس لهجتو بتردد ف مسامعي على غير عادتي الليل كلو بفكر ف كلامو ما عارفه ليه 😤 فتحت الواتس اراسل لدن لقيتها طلعت دخلت الح
الات واريتني ما دخلت شفت حالتو كانت :
أاشيَـاءُ تترَاكَـمُ فِي أعمـاقِ القَلبِ ,,
إان فتَحنـا لَهـا مجـالًا للبَوح ,,
سَـ تُمطِرُ من العَينِ قَبلَ أن تُترجـم لكَلِمـاتٍ
واظن عرف اني شاهدتها طوالي جاني جاري الكتابه قفلت التلفون ورقدت ، بكرة بعد المغرب وانا بعمل فالشاي منذر جا قالي كبي لينا ف سيرمس معانا ناس
انا : منو 😯 منذر : صلاح ونفرين كده اظن قرايبو اول مرة اشوفن ، طوالي الفار نقز ف عبي قرايبو ؟ جونا لشنو ي ربي ف شنو ان شاءالله ما يكون الفي بالي وبقيت قاعده ف ملاله لحظات صعبه شديد مرت علي والف سؤال جايطين جوة راسي وما قادرة اهدأ نهائي لحد ما العشا اذن وابوي طلع معاهم للصلاة حسين بمصاريني اتماصت من الخوف 😢لحد ما ابوي جا وكلمن بالحاصل امي قالت ليه من فترة هو سالها بنفسو ورفضتو لسه مصر عليها 😐ابوي : استغرب 🥺 سألها؟ ورفضتو متين الكلام ده ؟ امي : يعني قبل فترة كده م بعيده
ابوي: وليه رفضتو ما سالتيها
امي : والله ما ادتني عقادا نافع البت متعقده من زواجها الاولاني 😢 ابوي : كدي ناديها لي ، لم امي قالت لي ابوك دايرك كنت بجرجر ف كرعي جرجير يااا الله حتى وصلتو وقالي اقعدي هنا وزي ما اتوقعت طرح علي الموضوع وسالني ليه رافضه ومالك ؟ واتبكمت تماما قدام ابوي غلبني الرد 😷فضل بتكلم معاي انو لازم ادي نفسي فرصه تانيه وياهو الكلام المعهود الكل كان بكررو لي باسلوب مختلف زادلي بانو صلاح زول كويس وشديد كمان وراجل ما بتفوت وافقي على مسؤليتي انتي ما بتثقي ف اختياري؟ وكلام كتير كان ردي عليه بالبتشوفو ي ابوي قالي خلي شوفي انا انتي شايفه شنو قلت ليه خير ان شاءالله 😔ده شنو انا كدا وافقته معقول ؟ لالا دقيقه استوعب🙉مافي زمن عشان استوعب تمت الخطوبه بسرعه شديده 😳🙊ورفضت تلبيس دبل لبست فستان عادي جدا بدون حتى كحل ف عيني قدام امو واختو وخالتو وقرايب من بعيد والرجال كانو فالصالون خالي وكمان عمي محمد جو للتعارف عزبتهم زاتو 😴 جابو لي حجات خياليه وعكس توقعي خالتو سعاد كانت فرحانه بي شديييد شديد لم حيرتني طول القعده مقعداني جمبها وماسكه يدي😢حتى سلمى وهدى اتصلت من كندا تبارك لي وكانت مبسوطه شديد وختت حالة الواتس : اخوي عرييييييييس😍😍😊💕وهو التاني خاتي شنو😒 : ليت الذي بيني وبينك عامرآ 🙈 😍و بيني وبين العالمين خراب !!
وووتاني : واقسمت عيناي الا تعشق غيرك 💚😏 رسلي مبروووك لا فتحتها ولارديتلو من اصلو😢 واتحدد العرس ف اجازة السمستر 😭اهلي وناس خالتو زينب ولدن طايرات من الفرحه وقالو لي كان نفسنا نكون معاك لكن بنجي للعرس ان شاءالله ،،، لدن كل مرة تسألني اها صلاح ما اتصل عليك بقولها لللا 👊بتقولي اتصلي انتي 😯تخيلو بس اتصل انا 😒احسن زاتو كدا مرتاحه واتقول هو بسمع نقتها بعد اسبوع اتصل علي بالليل قالي معليش سافرت و انشغلت منك شكلي زاتو ما فارق معاك صح😂 قلت ليه حمدالله عسلامة، سالني عن حالي والجامعه وكدا قلت ليه صلاح انت ليه جيت لابوي من غير ما تاخد موافقتي قالي انا ما قلت ليك ف الحالتين ما منتظر ردك لانك ما اديتيني سبب مقنع ي الاء وطالا ما مشكلتك ما معاي فرووقي واتقبلي الموضوع وماهتندمي ، سكت سااي 😷دايما ببكمني قال : الووووو
انا : ايوة ، صلاح : نسيتيني سبب اتصالي بكرة بجيك فالجامعه عشان ما تتخلعي لي زي كل مرة واعملي حسابك هنتغدا برا وتاني حاجه عم احمد كلمتو استكيني😂😂عايزة ارد اختصرني بتصبحي على خير وقفل😯حيرني زاتو بس امتشفت انو شخصيتو ظريفه شديد وبالو طويييل والا بقى مهندس كيف😄قبل اطلع الجامعه كلمت امي انو صلاح جاييني عشان ما تشفق لم اتاخر وتكون داريه قالت لي عاارفه ابوك كلمني😊😊خجلت جنس خجل وكلو بسببو ، امي اكتر زول كانت فرحانه بالخطوبه دي وبسبب فرحتم دي انا اتاقلمت واتعايشت مع القصه ☺صلاح جاني نهاية الدوام كان متانق شديد عكسي انا 😂لابس بنطلون بني داكن وقميص بيج والساعة بنيه والفريم 😎ملامحو عاديه وفي نفس الوكت وسيم 🙈عندو سكسوكه دائرية وفيهو شيب مبعثر بطريقه جميله ف شعرو هههههه عارفه بكون ضحكتو فيني ، كان متكل عالعربيه مربع بديه الكبار ديك طبعا بتشاف عملاق معاي انا رغم اني ما قصيرة شديد ومن شافني الابتسامه حدها الضرس الوراني وترني فوق ما انا متوترة فتح لي الباب وحركات شديده ما اتوقعتها منو😂قعدنا ف مطعم ظريف اتغدينا واتونسنا ونسه عامه وارتحت ليه شديييد شديييد كان قاصد يقرب مني خطوة خطوة وما وترني بحركات الشباب اياها ولا كانو خطيبي عجبتني فيه عقلانيتو وذكاوتو ف نفس الوكت قدر يشدني ليه و كل مرة بكتشف فيه حجات احلى 😊ومواقف بتكبرو ف نظري اكتر لحد ما اتعلقت بيه واعجبت بيه مبدئياً كخطوة اولى مني كل ما يلقى فضى كان بجي يوصلني من الجامعه ومرات بصادف منذر طالع معاي بنجي كلنا سوا ، مرات كتير بلقى نفسي بفكر فيهو 😊حتى مرة خاته لي قهوة فالنار وسرحت لم فارت ودفقت امي جات لقتني سارحه : هي ها الحقي الجبنه ، انا : هاا😯
امي : الشا
ل عقلك يتهنابو يختي😊 ،
انا : امي عقلي قاعد الهيشيلو منو بعني😌
امي : زول كدا ببدا بالصاااد 😄
انا : هههههههه امي بقيتي زي لدن بتاعة تشغيلات
امي : اصلا هي وصتني ما اقصر منك 😂المهم البوتجاااز ما تنسي نضفي معاك 😂دي حالا دي يا اخواني كلو منك ي صلاح 😄 وكمان
يوم عزمني شاي مغرب فالبيت كلم ابوي عينو قويه شديد كمان هو بحرجني مع اهلي 😒سقت منذر ومشيت خالتو رحبت بي شديد وقبل صلاح يجي من الصلاة قالت لي انا ما لقيت فرص ه اتكلم معاك قبل كده لم رفضتي صلاح اول مرة زعلت منك شديد لانو هو كلمني اولا وانا شجعتو من يوم شفتك اتمنيتك ليه جاني مكسور شديد ما شفتو ف الحاله دي قبل كدا وكنت عايزة اجيك بنفسي الا منعني قالي ما تضغطيها المهم انا ما عايزة منك غير تنبسطي وتبسطي معاك وانسي الباقي كللو اتفقنا ☺هزيت ليها براسي قالت لي ربي يحفظكم ويسعدكم ي بتي ما شفتي فرحان بيك كيف ،ونادت رزة تطلع لينا الشاي فالجنينه اياها😊صلاح جا داخل قالينا مساء النور😊ردينا ليه وسلم على مؤتمن قاليه وين انت ي بطل طولنا ما شفناك
مؤتمن : ياخ عاصرننا عصر الجن فالمدرسه ما قادرين حتى نتنفس 😂خالتي قالت ليه ربنا يوفقكم ي ولدي كدي تعال معاي فوق عايزاك ف موضوع ههه، انا اتخلعت طبعا مخلننا برانا ؟😯وكمان نادت رزة تطلع ليهم شاي فوق 😢كنت بعاين ليهم وهم طالعين صلاح جا جمبي وهمس لي نورتينا ابتسمت ليه ☺ قال ان شاءالله دايما 😷طلعنا الجنينه القعده كانت ظريفه شديد لحد ما خربها بسيرة العرس😕قالي مفروض نبدا نجهز بعد كده وتختاري عفشك على زوقك وكمااانن سكت وقالي تشوفي الشقه برضو لو ما عجبتك نغيرها انا : شقه؟ وين الشقه
صلاح شايفه العمارة الناصيتنا دي طوالي فيها
انا : مستغربه ، ليه نحن ما هنقعد مع خالتو 😢
صلاح : عاين لي مسااافه وانا لسه منتظرة ردو قالي هنا ؟
انا : اتلفت اول وين؟
صلاح : الاء انتي جاده هتسكني مع امي
انا : في مشكله؟ انت الجادي هتسكن برة منها
صلاح : انا عايز راحتك والمسافة ما بعيده كنت ناوي اجيب لها شغاله تاني وبفضلو معاها
انا : جد صدمتني فيك الشغاله اولى من جناها ؟ كيف قلبك يطاوعك ؟
صلاح : طيب اهدي انا ما عندي مشكله بس افتكرتك انتي ما هتقبلي شايف البنات هنا بفضلو العيشه المنفصله
انا : البنات كلهم ما واحد وماتقارني بيهم
صلاح بقى بعاين لي☺فعلا مافي مقارنه حقك علي ي ستي ، والفرحه بانت ف عيونو قالي امي هتنبسط اكتر لم تعرف قرارك ده
انا : ما محتاجه قرار البيت واسع وبشيلنا وخالتي محتاجه وجودنا جمبها
صلاح : انتي نعمه عارفه كدا ، 🙈بشتني شديد😂بعد رجعنا البيت وخشيت الواتس لقيتو مرسل لي : ﻋِﻨﺪﻣﺂ ﺃﺣﺂﺩِﺛﮓَ . . ﺗﻨﻬﺾ ﺿﺤﮕﺂﺗِﻲ ﻣﻦ ﺳُﺒﺂﺗﻬﺂ ~ ﻭﺗَﺪﺧُﻞ ﺃﻭﺟﺂﻋِﻲ ﺑﻐﻴﺒﻮﺑﻪ ﻃﻮﻳﻠﺔٌ ~وكلما هبت ريحك تمايلت ازهاري🌷🌷 ﺃﻟﻢ ﺃﻗُﻞ ﺃﻧﮓ [ سعادتي] 💜
كدا الكلام خش الحوش تووش لا حاله ولا تلمبح😊هدى نزلت للعرس واثناء الامتحانات كنت محبوسه ف نفس الوكت ولدن جاتني وائل اتصل بارك لي وهناني بشده😍البيت اتملا بالاهل والجيران واتكررت نفس المراسم والفرحه كانت متضاعفه شديد اكتر من فرحتم بي الأولى كنت عايزة زواج بسيط بس سلمى وهدى اصرو يتعمل زيو وزي اي عرس بعملو وكان ف صالة وحجزو لي عند.كوافير فاهم وطلعت حلوة شديد كنت فرحانه من جوة قلبي سبحان الله ما اتزكرت اي شيء ينكد علي الناس عقدو وصلاح اتصل بارك لي : اخيرا اسمك ارتبط باسمي قلت ليه هي ابرد نحن ما هنود ضحك ضحك😂وبعد شويه جا ساقني الحفله كانت بالنهار طبعا أتصورنا اوت دور ومعاي لدن وأخواتها اخواتي 😘وعندي صحبه كده من الماستر ما حكيتلكم عنها اسمها دعا😊برضو متزوجه وعندها بنوته زي القمر ، العرس تم بهدوء تام وكان ظريف جداً جداً طيب تاني جداً 🙈😂 جات هدى قالت لينا الا تقومو ترقصو اسلو قلت ليها بلا حركات انجليز معاك اختينا ي زوله😒 وصلاح يضضحك 😄 قاليها برنقص بعدين برانا😳وغمز لي 😉😱كان عاملي شهر العسل مفاجأة ف ماليزيا قلت ليه ما كان ف داعي لدا كلو قال لو اطول النجم بجيبو ليك ، صلاح ظريف شديد وشخصيتو مرحه وف نفس الوكت قويه بفرض نفسو على الحواليه باحترامو وهيبتو ولطافتو يخليك غصبا عنك تحبو وده الحصل معاي ، محبتو الكبيرة واحترامو واحتوائه لي خلا قلبي يدق ليه للمرة التانيه💜 وكان حب مختلف تماماً عن الاولاني حب ناضج وكبيييييير شديد💜احتل قلبي كلو ما خلى فيه مساحه فاضيه ابدا 💜لم رجعنا هدى كانت سافرت اصلا نزلت للعرس بس صداح كان اعتذر وما لقى طريقه ينزل ،،، لدن بتجهز خلاص عشان تسافر برضو😢 خالتي عملت لينا كرامه وفاجأني صلاح لم طلعنا الشقه الفوق قالي امي اصرت توفر ليك راحتك طبعا كان فيها عفش صداح اخوي اصلا هو بجي إجازات نقلنا ليه عفشو فالشقه البرة والفوق لهدى لم تجي براجلا لكن مطبخك تحت مع امي رضيانه كدا ☺
انا : جداً 😊 ، كان ببزل كل جهدو عشان يسعدني ومهتمي بي شديد وبادق تفاصيلي بالجد عوض ربنا السمح لي متمثل ف صلاح واهلو خالتو سعاد المرة الحنينه المافي منه
ا 😊واصلت قرايتي وصلاح بنفسو كان بوصلني وبجيبني لحد ما خلصتو واستلمت شهادتي ، منذر خلص سنتو التالته وفاجأنا بخطوبتو لمنن😍الفرحه الكبرى بجد أحلى مفاجأة واحلى ثنائي 😘اابوي قال نكتفي بحديث اسري ثغير مع عم حسن وخلاص لحد ما تخلص جامعتك لدن كان سافرت قالت لينا تخطبو اختي من وراي😒ابقو اعملوها بس👊
والكان حاصل ف الدامر 💔مأساة هالة معيشاهم فالجمر وعمتها ما بتقدر تفتح خشمها عشان اخوها وشماتة الناس فيها ساميه رحلت منهم نسبة لانها ما قدرت تستحمل الحاصل طبعا هي جابت اخت لهشوم الغريب فالموضوع انو ما سمعت بولاده هاله لدن قالت كانت بتكذب اصلا ما حملت وتقريبا الخلل من سامي والله اعلم 💘كان عايش بين نارين بين انو يصبر عليها ويسكت وبين يطلقها والناس تلومو على الاولاني من جديد ،، الاخبار دي كلها بتصلني عن طريق لدن خالة راجلا وكدا عمري ما حسيت بشماته عليهم ولا دي أخلاقي بالعكس كل ما اعرف عنهم بدعي ربنا يصلح حالم وحالنا كلنا ان شاءالله 💙وتاني اخبارم اتقطعت مني للابد وانا ما كنت فاقداها ✋جاتني فرصة عمل خالتي وصلاح شجعوني عليها وقبلتها☺لحد ما ظهر لي حمل😍عايزة شنو انا تاني 😭نفسي ف سجدة طويييييييله جوة الحرم اشكر فيها ربنا على فضايلو علي 😢فضلت اكرر سجدات شكري في بيتي لحد ما ربنا استجاب لي وسجدت فالحرم 😭وانا فالشهر الخامس صلاح ساقنا عمرة انا وخالتو 💛 الحمدلله والشكر لله
شكراً ي رب على امي وابوي واخواني السند الحقيقي ف كل عتراتي💙
شكراً ي رب على صديقتي واختي وقوتي لدن 💚
شكرا ي رب على خالتو سعاد وبناتها اخواتي وعيلتي التانيه 💜
الحمد لك والشكر لك ً بعدد خلقك وذرات الرمل وزبد البحر على هبة وابوها😍هم فعلا هبة من ربنا 😘 صلاح انا بحبك 🙊
صلاح : 😯قلتي شنو
انا : يخ ما بعيده 😊 ختى هبة في سريرها قاليها بابا انتظريني دقايق وجا حاوطني بيديه الكبار 😂لو ما عدتيها لي كلام تاني معاك
انا : صلاح ياخ بطل غلاظه ، صلاح : عضاني ف اضاني 😂لا ما ببطل يلا اكسبي زمنك ، قبلت عليه وحاوطت يديني ف رقبتو : بحبببك بحبك صلاح : اااه اخيرا ي الاء من متين وانا نفسي اسمعها منك
انا : خلاص اتعود انك هتسمعها دايماً وابدا😊
صلاح : كدي قوليها تاني
انا : اهاااا اغير راي 😒
صلاح : هههههه خلاص خلاص ما تعلي سعرك
انا : اصلا عالي 😉 صلاح : فعلا والله انتي وبتك اغلى ما املك وعل تدري يااااا ام هبة إني احبكِ بعدد المرات التي فكرت فيما لو كانت غيركـِ حبيبتي " كيف سأبدو بائساً ؟ وٓاعودُ استعيذ بالله من سوءِ الفكرة وٓ احبكـِ اكثــــــــر...
انا : بالاااهي ؟😄 صلاح : وحات عيونك السمحه دي 😙🙈🙈🙈
برجع وبقول ليك طلاقي ليس نهايتي ✋من اجلك سيدتي 💜لكل مطلقه خلي نظرتك دايما ايجابيه ولقدام هااا لقدااام نا تتلفتي للماضي المطلقه الببقى هوسها الانتقام من طليقها انتي بترتكبي حماقه ف حق نفسك اول شي لو كان بحبك او عامل اعتبار ما اتخلي عنك عشان كده زمن البتضيعي ف اتتقامك زاتو خسارة فيهو انتقامك ليه بتمثل ف شجاعتك وقوتك البتواجهي بيها المجتمع ونظرتو الغلط ليك ، بتمثل ف تطوير نفسك وتعلية شأنك وبناء مستقبلك ، ف تقدمك للامام دوما 💙 اصبري وناضلي وما تنسي قول ربنا لينا : ان بعد العسر يسرا وان وعد الله لحق 💛طاعة ربنا من اولوياتك عشان تنعمي بالسعاده الانتي بتستحيقها لازم تقربي من ربنا اولا وهيستجيب لدعواتك ،، انجزي اهدافك كملي دراستك لو وقفتي اشتغلي لو قاريه وصعدي وحضري دكتوراة نالي كم شهاده، ثقفي نفسك وزيدي مهاراتك استفيدي من زمنك وطاقك ولو عندك اولاد خليهم هدفك الأساسي حققي احلامك من خلالهم قريهم وعلميهم وربيهم احسن تربيه عشان تفخري بيهم لقدام وبنفسك انو ده مجهودك الخاص ✊من غير مساعدة ابوهم ، واياك ثم اياك من التصرف بجهل وتسيئ لابوهم او اهلو قدامهم لاااا بالعكس فهميهم انهم ناس كويسين وبحبوكم خليvهم يكبرو براهم وبعرفو وادعي ربنا انهvم نا يعرفو زاتو لانهم ما بستفيدو شئ 💙وفالختام ربنا يرزقكم على قدر نيتكم الطيبه ويوفقكم الى طرق الرشاد ويسعدكم وينور طريقكم ويصلح حالكم وايانا ياا رب العالمين💛
تمت بحمد الله
لقراءة جميع حلقات القصه من هنا
وايضا زورو قناتنا سما للروايات
من هنا علي التلجرام لتشارك معنا لك