قصة انا مجنونتك
البارت السادس والعشرون 26
بقلم ماجده انور
حماده:مسح وشو واستغفر ومسك يدها شديد:نا لمن اتكلم معاك تسمعي الكلام فااهمه يزفت وافردي وشك ده م يقع منك نا دفعتي كلها بره م تحرجيني قدامهم....جوجو:سكتت وخافت منو كان جادي فكلامو طلعو بره تحت زغاريط وتبشيرات اصحابو وصحبات جوجو وجوجو كانت بتتبسم مجامله ركبو وراحو الصاله....
في الصالــــــــــه♡
وصلو ودخلو تحت زغاريط وتبشيرات الاهل والاغاني تبع العرسان ديك والبلد كان هجيج وفرح جد والعرسان اي واحد اتوجه على الكوشه مع مرتو والكلل مبسوووط م عدا جوجو كانت حاسه انو فحاجه غلط وده م مكانها وم دايره تكمل الكل كانو بعاينو للعروسات وب الاخص اسيل كانت قمممر قمر بمعنى الكلمه بس جوجو طافيها ب حواجبها المقرونه ديك الكل مركز مع جوجو وشكلها المكشر داك وبقى يطلع كلام انو هي م راضيه وجبروها ع حماده وحماده اضايق شديد من الحاجه دي هو عارفها م عندها نفس المشاعر اللي عندو هو ليها بس كمان خلاص هي لازم ترضى ب الواقع انو بقت مرتو.....اسيل وعمار جابو ليهم اللبن شربو ورشو فبعض بحب وكان منظرهم كيوت🥹بس جوجو كانت مضايقه وم معروف السبب كانت ما باقي ليها الا تبكي تعاين ل حماده كل دقيقتين وتكشر وتتوتر اكتر حماده لاحظ ل تصرفاتها وهو برضو اضايق ل ضيقها ده بس برضو ده م بعني انو م قادر يصدق انو القمر ده قبل بيهو نسيت اوصف ليكم الابطال (جوجو بت لونها اسمر مايله للشكلاطي حواجبها مقرونه وانفها من فوف سياف وشفايفها مليانه وده الشي الجذب حماده ليها اكتر 🤭وشها مدور وعندها صحه وخصر رهيب يعني قوام الساعه الرمليه⏳وعيونها بني محروق .....اما حماده طويل اسمراني ملتحي وشعرو كيرلي بلبس جلاليب وقمصان حواجبو غزيره ل درجه وعندو دقن وشنب خفيف وجسمو ضخم اضخم من جسم جوجو بكتير 🤭)جوجو كانت مضايقه وحماده مبسوط انو هي بقت حقتو جا دورهم وجابو ليهم اللبن مدو الكبايه ل جوجو وكان عيونها فيها لمعه وخايفه بس من جواها معارفه خايفه من شنو حاسه انو فحاجه ح تحصل مسكت الكبايه من مياده وابتسمت مجامله شربت رشفتين من اللبن ودنقرت راسها طوالي لا ارديا بلعت منو حماده شرب وقبل عليها لقاها مدنقره وهو مالي خشمو لبن داير يرشو فيها😂بقى يهز فيها م ردت ولا رفعت رأسها....ام عمار:جوجو ي بتي ارفعي راسك عشان نتم الجرتق يبت جوجو مالك ههه تكون خجلانه ي جماعه مشت قربت منها وهمست ليها في اضانه يبت
م تفضحينا مالك ارفعي راسك ده م إكسرو ليك فجأة كلها بقت ترجف وتتهزا وتتمتم ب كلمات م مفهومه حماده خاف عليها تفه اللبن وقعد تحت قدامها في الارض....حماده:جوجو مالك انتي كويسه...جوجو:ز..ز...زح زح مني فجأة بقت تكورك ودفرت حماده شدييد لمن طار هناك حماده بضخامتو دي قدرت تدفرو بعيد كده بقت تكورك وتبكي و ده م بكى دموع عاديه رفعت رأسها والكل انصدم لمن شافها بتبكي دم💔...؟🌡ام عمار:مسكت صدرها وصرخت واااي بتي مالها مياده بقت بس بترجف في مكانها من منظر اختها جوجو وعيونها اتملو دموع عمار وادم مشو رفعو حماده