قصة طلاقي ليس نهايتي
البارت الثاني 2
بقلم حنان عادل
اصبح صباح جديد بلون جديد صحيت وانا مقررة ابدأ صفحة جديده وارمي الماضي وراي قمت بكل نشاط وحيويه لقيت امي وابوي فالحوش بشربو فالشاي صبحت عليهم : صباح الخير ☺
ابوي : صباحك نور ي وش الخير😍
امي : كيف اصبحتي انا : تمااام وانتو، ردو لي : تماااام الحمدلله مشيت وانا مبتسمه وامي وابوي كاهو مراقبني اتسوكت وصليت جيت لمؤتمن صباااحو مؤتمن : 😦يسعد صباحك
انا : هااا شنطتك جاهزة ؟ وبقيت اتفقد فيها
مؤتمن : مسكها مني لحظه لحظه✋قايلاني ا بعرف ارتبها الا تبشتنيها علي يتي قلت ليك انا كبرت ي اختي 😊وبقيت اعتمد على نفسي
انا : طب يلا قدامي ي عم الكبير😄 شغالي احم احم جيما طالعين نضحك 😂
امي : الله يديمها ي رب قلنا مع ابوي امييييين
جا منذر برضو صبح وبشربو فالشاي ابوي قالنا يلا استودعكم الله والسلام عليكم ، قلنا وعليكم السلام
امي : ربنا يغطيك ويرزقك ان شاءالله ، امييييين
بعديه طلعو منذر ومؤتمن برضو ودعونا وامي ادتهم دعوتهم ربنا يغطي عليكم ويوفقكم ياا رب قلنا امييين ، لميت الكبابي بقيت شايله الصينيه و واقفه لامي مبتسمه ☺ ضحكت وقاتلي : 😄ربنا يحفظك ويسعدك ويقويك ويقدرك على نضافة البيت ده 😂 ضحكت وقلت ليها اميييين ي حاجه ، وعلى هذا الموال بنبدا صباحنا كل يوم بدعوات امي وابوي المنورة حياتنا ومسهلة امورنا والحممدلله ، وربنا استجاب لدعاء امي وقدرني على نضافة البيت 😂 لحد الصالون نضفتو بعديها جيت شغلت الغساله غسلت الملايات وباقي هدوم كده لحد ما فطرنا كنت خلصت ، امي : خلاص ي بت بتموتي امشي نومي بعد كده انا : لالا ي امي عايزة اكوي لو رقدت بتكسل
امي : ي بت ان شاءالله ما يتكون على مهلتن
انا : اجيي اسي اخليهن بعدين تقولي تعالي اكوي 😂😂بضرب للدن تجي تكوي معاي
امي : هي لدن زاتها فترت من شغلتنا ما عندها شغله غيرنا هي
انا : عندها منو غيرنا 😂😂 امي : 😒 سجمانه والله البت فالشهرين الفاتو ديل ماتت عديل معانا الله يحفظها ويديها ود الحلال اليسعدها ويصونها يااا رب
انا : امييييييييييييييييييييييييييييييييييييين كبيرة ،"يلا جيبي تلفونك ده اضربلها
امي : وانتي تلفونك ما ناويه تشغلي ؟😒
انا : هشغلو طبعا ي امي ☺ ضربت للدن فصلت في وشي قلت اجي دي مالا كمان 😳 بعد.شوية الباب فتح سمعت صوتها بتسلم على امي : ده شنو ي خالتو غسلتي براك والله انا اسي جايه اغسلك امي : بري دي الاء والله
لدن : 😳😧😦 جيت ضربتها من ورا سجممم😊 ما تجي تسلمي ومسكتها خنقتها بالحضن 😮وهي لسه ما مستوعبه امي تنضفلها ف باميه شبكتني كتلتي بتي 😄
انا : وانا وانا نكرتيني 😱
امي : لسه ما نكرتك بس بفكر😂😂قعدنا نضحك الا لدن تعاين لي ولامي جريتها من يدها ودخلنا غرفتي قعدنا فالسرير وهي بتعاين لي 😶 رضبتها ي بت ها مالك من جيتي مقهيه ؟ مسكتني جضمتني وقلت كده قرصتها من تحت بضفوري واااي صرخت 😭 قلت : مفروض انا الاقرصك عشان تصحي ما انا 😂😂 بقت تحك فيها ي حوانا وشالت المخده تضربني بيها وساكاني فالفرفه وانا اصرخ واكورك لامي الحقيييني ي امي المجنونه كتلتني وامي برة تضضحك 😃عارفه جننا 😃بعد.شويه مسكتني حضنتني شديييد وقعدت تبكي 😭فكيتها مني ومسحتلا دموعها 😢 لدن : ما مصدقه انك رجعتي لي 😍 رجعتي الاء القديمه خلاص تاني مافي حزن ولا دموع وانا بهزلا بي راسي لالا 😊 حضنتني تاني وهي بتتنهد.مبسوطه منك شدييد.شدييد رجعنا قعدنا فالسرير مسكت يدي قووي وهي بتعاين لي ومبتسمه☺والدموع في عيونها ختيت يدي ف خدها وقلت : طول ما عندي اهل زي ديل واخت زيك هفضل قويه ومافي حاجه بتكسرني ابدا ابدا
لدن : ابدددا 😃😃وقعدنا نضحك ، واصلت ااه الحمدلله انك قدرتي تتخطي المرحله دي واثبتي انك لسسه قويه والحياة بتستمر صح بنمر بمشاكل ومصائب بس المؤمن مصاب وكل شي لي خير لينا الانسان مهما اتكسر ما يكسر ثقته بربنا اول وثقته بنفسو ثانيا وباقي الناس الحوليه البحبوه وبتمنو ليه الخير وانو يمشي لقدام وانتي قدرتي تتغلبي عليها وبسرعه كمان ☺ انا : اممم فعلا التاثير حاصل نحن فالنهاية بشر وعواطفنا بتغلب علينا احيانا بس لم نحس بيها موديانا لورا لازم نفلت منها ونواصل للإمام ونثبت للطرف الاخر انو نحن قادرين نكمل من غيره واحسن من قبل كمان
لدن : وكمان ما تفقدي الامل في كل الرجال لازم تدي نفسك فرصه تانيه عشان تثبتي نفسك بالجد
انا : خليها على الله الفيهو خيير ربنا بسوي
لدن : ونعم بالله، ما ملاحظة انو بقينا فيلسوفات زيادة عن اللزوم 😌
انا : ما ملاحظه انك مسكتي بي زمن ونسيتني انا ضربت ليك ليشنو قدامي بجاي عالمكوى 😄
لدن : رمه من يومك اسي مويه ما ضيفتيني 😂😂😂ضحكنا ومشينا كوينا حبه وقلت للدن انعمل القهوة لدن : جنزبيلكم خلصان على فكرة انا : 😦لااا ده انتي حافظه مطبخنا صم كمان لدن : زي ما حافظاك😊 😂 قلت لامي لييه الجنزبيل خلصان ؟
امي : ههههه نسيتو صدقي عارفانه ما بنشربها الا يجينا ضيف ، عملتها منغير بهار طلعت ظااابطه والله😍 وختيت معاها من كيك امبارح اديت امي ومشيت للدن 😍ي يلااام خالتو عامله كيك
انا : انا انا لوسمحتي😒 لدن : بجد 😍 كدي اضوق شالت قطعه اممممممم 😍 حامضه زي وشك طاااخ لبعتها في ضهرها 😃 خلصنا كي ورتبنا لاي زول ملابسو فالدولاب وجينا رقدنا في سرير واحد قصاد التكييف طوالي بنتشاكل فيه اخر شي اتفقنا انو نندبل فيه سوا 😂 قلت : ها كيف الشغل معاك ؟
لدن والله ماشي حالو الا التعب
انا : ممكن اجي اشتغل معاكم خدمه الزاميه ؟
لدن رفعت راسها تعابن لي 😍انتي جاده ؟
انا : كل الجد😊 لدن : 😄طبعا ممكن ومن بكرة كمان بكلم ليك المدير
انا : لا بكرة شنوانتي كمان 😄نسيتي اني لسه ما خلصت العدة لدن : كسريها ساي ياخ 😂😂 انا : عارفه فالشهر ده عايزة ادعم نفسي بكل ما املك واطلع الاء جديده تاني خالص لدن : صفرت 😄ده الكلام 👏وبرضو انا هكلمو ليه ونخلي ليك.مكان شان تنزلي طوالي بعد.تخلصي نو تايم
انا : ان شاءالله ☺ اها انتي اخبارك شنو مع وائل لدن : شالت نفس ما عارفه الفترة الاخيرة دي بقى مالي نفس احكي معاه ولا نكمل مع بعض
قمت على حيلي 😳😱لييييه في شنو
لدن : اممم صراحة كرهتو من عملة سامي معاك انا : لدن انتي جنيتي كيف تفكري بالطريقة دي واتعبرت دموعي جرو 😭 انتي حيوانه وائل ذنبو شنو بس ودخلو شنو ف موضوعنا
لدن : ما تساليني ي الاء خلاص
انا : لا بسالك وبلطشك كف كمان وريني الحاصل شنو لدن : ياهو بس كده
انا : يعني عايزة تقنعيني تصرفك ده بس مجرد انو هو وسامي اولاد خالات ؟؟؟؟ سكتت وهي مدنقرة هزيتها من كتفها ردي علي ما تسكتي قامت كوالي بكت والدموع 10 عشرة حضنتها وبكيت معاها (شغتو عمق الصداقه وين ؟ حين قال ابو بكر : شرب الرسول فارتويت انا💙صلى الله عليه وسلم ) قلت : لدن تصرفك ابدا ما منطقي انتي عارفه وائل كويس لا هو ولا اهلو زي ناس سامي حتى امو ما بتقولي اخت خالتو نجاة لانو نهائي ما بتشبها لا شكلا ولا طبعا وعارفه اتاثر كيف لانفصالنا زيك بالضبط ومش على أساس انا ما افقد الثقه في كل الرجال بسبب سامي وانتي بتعملي في شنو اسي هااا فضلت ساكته 😷
لدن الله يخليك ما تدمرك حياتك بسبب مشكلتي انا ما تربطيهم ببعض الله يخليك شنو هو انا بحنس فيك ؟ ده كسر رقبه ترجعي البيت تتصلي لوائل وتعتذري منو وترجعي زي ما كنتي فاهمه ولا لا 😠 لدن : هههه حاضر
انا : زفته سديتي نفسي من الاكل بعد.م كنت عايزة اعملو ليك يلا طيري بلا غدا
لدن : هه مع نفسك يختي بغشى المطبح اتغدا برااااي وامشي😒
انا : 😱بتعمليها ي اشعوبه أحسن اقوم اسممك براي عشان ما تكملي علينا ابتسمت لي وبقت ترمش في عيونا 😄مشيت عملت الغدا اتغدينا بعد الضهر كده قاتلي مع انو ما زمنو بس جوعتيني بموكتك الكتيرة دي
انا : يمح اطفحي اطفحي 😂بعديها شرلنا عصير وقالت يلا ماشه بجيك بكرة بعد الدوام
انا : ان شاءالله حبيبتي 😘اوممح كوني بخير وطلعت ، جيت لامي : يمه انا عايزة انوم ما تصحوني لغدا
امي : اجي هو تتغدي كم مرة سمح نومي 😄😄 انا : طييب ي امي 😢😂ودخلت انوم بالرغم من اني كنت تعبااانه بس لاازم الماضي الاليم يرجع ينكد علي لو قلت ليكم فعلا قدرت اتخطيت وبالسهولة دي اكون كذبت عليكم وعلى لدن قبل شوية وعلى نفسي كمان صصح ابتديت اتقوى ي داب وبحاول انسى واستمر بس ما البسهوله الانا متوقعاها لكن فالنهاية هافوز واتغلب على ضعفي ان شاءالله ورجعت تاااني لنقطة البداية :
فاليوم الوصلنا سامي المدرسه اتعرف على أسمائنا وبندرس وين وشنو وكذا وقال لينا انا شغال مع ابوي ما قدرت اكمل دراسه لانو ابوي محتاج لي وانا ولدو الكبير وكده كان عمرو 24 المهم رغى كتير حتى انا بعد نزلنا قلت لدن نظام بورينا انو بضحي وكده 😏 هه ما ياهو دورو ابوه لو ما لقى ومت حوجتو يلقى متين يعني غاااايتووو لدن : غايتو انتي دي الولد بعرف فينا على نفسو والكلام جاب الكلام انتي الما عاجبك الوضع اجي ماله شامه ود الناس
انا : اااي شميتكم الاتنين ولو مرة كرريها تاني وركبينا مع زول غريب 😠
لدن : ما غريب الا الشيطان الود جارنا بسم الله
انا : صببرني يااا رب فرستني طبعا تمينا يومنا ده على خير واوول من طلعنا قناة الحدث ما تفوتكم لدن صبت الشمار لسماح وهي كمان : وب علي ركبتن معاه لالا كده كتير اقيفي براحه علي مسكت ملاذ من يدها وسرعنا قدامن ولا اشتغلن بينا حتن قرض حتى لحقننا 😄 لكن انا لدن مانت جارية وراي لمن دخلت بيتنا اسمع فيها تناديني ولا هببتها خلي الشمارات تنفعها 😒 المساء جات تقرا معاي قلت : وقسما بجلالة ربي تجيبي سيرتو افنك بالشباك
لدن : بسسسسم الله ابت ها اسي انا فتحت خشمي ده شكلك براااك دايرة سيرتو😉
انا : لدننننن😠 لدن : خلااااص اها 😷 وركزنا على قرايتنا لمن عصرتها بكترة الاسئلة والمراجعه قاتلي : يلا زاتو زعلت منك😟 تهينيني في نص بيتك وكبت الزوغه 😂بت مجنونه خلاص 😊 فيما بعد اتكررت اللقاءات بينا انا وسامي عن طريق الصدف
ه وكانو القدر ختانا في طريق بعض يوم العصر كده وانا ماشه البقالة منزر كان مافي ومؤتمن كان صغييرو حلف ما يمشي امي قالت لي ما تمشي براك بس اصريت اتلثمت بتوبي وطلعت كان القى ليك واقف بطبظ في تلفونو شكلو جا يحول رصيد المهم فالبدايه اتربكت تاني قلت هو زاتو ما بعرفني ها اول من سلمت على سيد البقاله رفع راسو عاين لي سريع كده ودنقر راجع اشتريت وطلعت ماشة سريع الحين الاسمعو ليك لو سمحتي ما اتلفت تاني قالي يا الاء 😱😳😳😳
لا سلطـة لنـا على قلوبنـا هى تنبـض لمـن أرادت ......