قصة جميلتي المجنونة
البارت الرابع 4
بقلم آلاء إسماعيل
سهير بكره - انا عمري ما حبيتك لا انا و لا اي وحدة من بناتي عارفة ليه؟؟؟
- يمكن لانها احسن و انظف منكم انتو الاربعة ؟؟؟!
صدمت كل من سهير و البنات بالصوت القادم من امام الباب
كان فريد الذي ينظر اليهم بغضب جحيمي
فلاش
ذهب صديق فريد و اختبأ فريد قليلا في الخارج بالقرب من حديقة الفيلا مثل ما اتفقا هو و منار
- انا هاطلع استخبى في الجنينة تحت أوضتك اول ما اسمع صوتك هأطلع ..اوعي تخافي انا معاكي و مش هسيبك فاهمة؟
منار بحب : فاهمة يا حبيبي ...عندي ثقة كبيرة فيك ..
عودة من الفلاش
- يمكن بتكرهيها لانها احسن و انظف منكم انتو الاربعة ؟؟؟!
اكمل فريد بغضب : او يمكن لإن غيرتكم منها عمت عيونكم و السواد اللي في قلوبكم الحقودة ملاها بالكامل ؟؟!
وقع المقص من يد سهير و اصبحت ترتجف كالورقة في مهب الريح و قالت بتهتهة : ف ...ف فرييييد...انا ه ...ه .. هأفهم....
- هتفهميني ايه اكثر من اللي انا شفته و سمعته!؟؟
اطرقت سهير برأسها و هي تتمنى لو أن الأرض تنشق و تبتلعها في تلك اللحظة .
نظر إليها فريد بغضب : اطلعي من اوضتي حالاااا قبل ما انسى انك أمي و أتصرف تصرف يغضب ربنا
خرجت مسرعة و هي تتنفس الصعداء
كانت تهم البنات الثلاثة بالهروب من الغرفة
- لااااااا ...رايحين فين يا امورة انتي و هي هو انا سمحتلكم تنزلوا ؟؟ فاكرين دخول الحمام زي خروجه ؟؟؟
فك الحبل من منار و ربط الثلاثة مع بعضهن و اقفل الباب ثم
امسك الحزام و نزل فيهن ضربا على مرأى من منار لدرجة انهن كاد أن يغمى عليهن و علت اصوات صريخهن في الفيلا كلها
رمى الحزام و هو ينهج ثم فك الحبل و هو يقول بصوت عال هز ارجاء البيت : اطلعي انتي و هي برة اوضتي و لسة حسابي معاكم ما انتهاش ....برررة يا وا'طية انتي و هي !
خرجت البنات تتسحب من شدة الألم يسندن بعضهن البعض
ركضت نحوه تحتضنه بخوف و هي تقول- كانت هتقط....
احتضنها بحنان و هو يربت عليها بلطف - هششش يا روحي خلاص ما حصلش حاجة اهدي خااالص انا معاكي اهو انا وعدتك اني مش هسيبك ... غيري هدومك هنطلع انا و انتي
- على فين؟
- هقولك في السكة .. يالا
بعد مدة
فردوس- اااه يا دماغي ياماماا!! حاسة اني احوليت من كثر الضرب😭 و كل ده بسبب المشوهة
فريدة- و انا جسمي كله متكسر يا ماما عايزة اروح اعمل اشاعة شكل ايدي اتكسرت همووت من الوجع ااااه 😓😭
- اخرسي انتي و هي خليني افكر هنعمل ايه؟؟
فادية - تفكري ايه بس يا ماما ما اتفضحنا قدامه لسة هتعملي
فريدة : تفتكري يا ماما هيقدر يعمل معانا حاجة ؟
سهير بجبروت: هيعمل ايه يعني انتي ناسية اني امه؟! مش هيقدر يعمل لي حاجة ... أكيد متضايق هيطلع يفك شوية و يرجع تاني ... بصي انا اقولك انتي و هي .. احنا هنهدي اللعب و نعمل نفسنا ندمانين و نطلب منها تسامحنا و هي عب'يطة أكيد هتسامحنا و تصدقنا بسهولة ... و بعد ما تتنسي الحكاية انا هأعرف شغلي معاها
- هتعملي ايه تاني ؟؟ ماهو بعد اللي حصل فريد مستحيل يصدقنا و يكذبها !! و الدكتور أكدله إنها بقت زي الفل!
سهير بخبث : هو انتو فاكرين اننا هنقطعلها هدومها و نحلق لها شعرها المرة دي عشان ما يصدقناش!
فادية بتعجب : اومال ناوية على ايه ؟؟
- هنحطلها دوا مستحيل ينكشف في تحليل الدم و بيبين كأنه سكتة قلبية...قريت عنه في الانترنت ...بس مش دلوقت خالص ...خلينا نصلح علاقتنا بفريد عشان ما يفضلش زعلان منا ...حاولوا ترضوه بالحاجات اللي بيحبها ده اخوكم مش هنسيبه للحرباية اللي عاملة نفسها طيبة تلف عليه و تاخذه مننا بالخبث و التصنع؟؟
- معكي حق يا ماما ...
- حاضر
دخل فريد في تلك اللحظة و هو يصفق و بجانبه منار
- برافووو.... ده انتو طلعتو ولا الممثلات الهنود ..شوية و كنت هأتأثر ...لو مكنتش اعرفكم كنت فكرت انكم بتمثلوا بس احب اصححلك معلومة بسيطة يا سهير
إحتضن زوجته بحب و اكمل : منار اخذتني بطيبتها و قلبها الابيض مش بالحيل ولا بالخبث ولا التصنع.
سهير بخوف : فرييد اناااا...
قاطعها فريد بهدوء - انتي تدخلي انتي و بناتك تلموا حاجتكم مش عايزكم تفضلوا في البيت ده يوم واحد زيادة
سهير بغضب : بتطردنا من بيتك عشان وحدة مجنونة يا إبن بطني ؟؟! هي حصلت ترمي أمك و اخواتك اللي مالهمش غيرك في الشارع عشان دي !؟!
فريد بهدوء:: أولا انا مش باطردكم من بيتي . . ده بيتها هي
احنا رحنا الشهر العقاري و كتبت الفيلا بإسمها
شهيرة بصدمة - كمان !!! هي حص...
قاطعها فريد - دي أقل حاجة ممكن اعملها معاها بعد اللي عملناه فيها ....ايوة انا كمان كنت معاكم ظلمتها و صدقتكم و كذبتها و جيت عليها و مع كدة سامحتني لان قلبها طيب.
و اه ثانيا انا مش باطردكم عشانها هي .... اللي طردكم من البيت ده هو قلوبكم السودا و حقدكم الشديد ليها ..أكيد مش هأسمح ان مراتي تعيش في بيت واحد مع ناس عايزة تقت'لها ! خصوصا انها دلوقت شايلة حتة مني
وضع يده على بطنها بحب: منار مراتي و هتكون ام ابني قريب
ظهرت الصدمة على وجه الاربعة
سهير : ا...اب...ابنك ا..از..ازااي!!! و امتى !!!
- و انتو مالكم؟ انتو تباركولنا و بس و ملكمش دعوة بالتفاصيل
فادية: اومال ما حملتش لما كانت معاك هنا ليه ؟
سهير- راحت المستشفى حملت من واحد تاني و جات لك يا أهبل !!
فريد بغضب : كلمة زيادة هنسى انك ماما😤 بص لفادية و اكمل: يمكن لإن محدش هناك بيحطلها حبوب زيكم 😡😤
فلاش
احتضنها بعشق و عيناه تلمع رغبة و شوقا: وحشتيني اوي البيت من غيرك كان ظلمة بجد .
بادلته الحضن بحضن آخر و هي تقول بدلال : لحقت اوحشك بالسرعة دي ؟؟
- سرعة ايه حرام عليكي انتي بعيدة عني اسبوع بحاله 😓
منار بمزاح - إحمد ربنا و ادعي للدكتور عماد اللي بيسمحلك تقضي معايا ليلة في المستشفى و الا كنت ابقى بعيدة عنك اربع اشهر مش اسبوع بس
- معاكي حق يا روحي الدكتور طلع شهم بجد و بيفهم في الاصول..غمز لها و هو يتحسس خصرها و اكمل: راجل وعارف اني مش هاقدر اصبر عن مراتي أربعة أشهر بحالهم
منار بكسوف: احم فرييييد
فريد بتوهان: عيووونه
منار : اتلم بقى
عودة
- هو انا نسيت اقولكم !! انا لما كنت باغيب عن البيت كل أسبوع كنت بروح لمراتي المستشفى اقضي الليلة معاها هناك
فادية بصدمة : في مستشفى المجانين ؟؟
- بس على الأقل ناس نظاف و قلبها نقي...مفيش حد فيهم هيفكر يديها حبوب منع حمل في كوباية اللبن
نظر الاربعة لبعضهم بصدمة
- ايوة انا اكتشفت ان اللبن بتاع امبارح كان فيه حبوب زي اللي بتحطوهم من لما اتجوزنا يا ..... ماما
سهير بتصنع الندم : يا فريد يا ابني انا كنت عايزة مصلحتك
- مصلحتي ف انك تحرميني من البنت اللي حبيتها ؟؟ مصلحتي ف انك تحرميني من كلمة بابا ؟؟!
اه انا نسيت اقولك ... انا مش هرميكي في الشارع لانك أمي و لا هارمي اخواتي لانهم لحمي ... انا اشتريت بيتنا القديم من صاحبه و من بكرة هتجي عربية النقل تاخذ كل حاجاتكم على هناك مش عايز اشوف وحدة فيكم ... فاهمين؟
فادية بصدمة: هنرجع البيت المعفن ده تاني ؟؟؟
فريد - مش احسن من الشارع ؟؟!
سهير بحزن مصطنع: كثر خيرك يا بني...على الأقل فكرت فينا
- مش انا صدقيني....دي منار اللي صعبتو عليها ... لولاها مكنتش اعمل اعتبار لحد ...اه و اعملو حسابكم هتصرفو من معاش بابا الله يرحمه من النهاردة كل وحدة فيكم مسؤولة عن نفسها يا اما تخف مصروف او تدورلها على شغل ...اهو تنشغلوا شوية عن الخطط و المكايد و تتهدوا.
طلع هو و منار و هوما ناويين يبتدوا بداية جديدة .
في اليوم الموالي
انتقلت والدة فريد و اخواته مرغمات الى بيتهم في الحارة
سجل فريد لمنار ثانية في الجامعة لاستكمال ما تبقى من سنوات جامعتها مع العلم أنه قد انقطعت اي قنوات للتواصل بينها و بين عائلتها رغم انها حاولت كثيرا معرفة اخبارهم و الاتصال لكنهم كانوا يرفضون و الجميع يضعها على قائمة الرفض و لا أحد يحاول أن يعرف ماذا حدث معها منذ أن تزوجت و بالتحديد منذ أن دخلت مستشفى المجانين ثانية بعد ما فض"حتهم أمام زوجها على حد قولهم .
بعد فترة كفت عن المحاولة و سخٌرت كل وقتها و جهدها لدراستها و صحة حملها..
ولدت بنوتة جميلة اسمتها عشق و عيٌن لها فريد مربية و مدبرة منزل لمساعدتها في الطفلة و البيت كي تتفرغ لدراستها
بعد خمس سنوات
كانت منار في آخر سنة ليها بتدرس و في نفس الوقت بتشتغل في المستشفى متمرنة عند الدكتور صابر و اللي يعتبر صديق فريد و نفس دفعته ف ثانوي
وصلتهم حالة و سمعت الممرضات بيتكلمو عن المريض لما كانت هي و المتمرنين الباقيين مستنيين الدكتور صابر عشان يدخلوا عنده و بيقولوا حالته النفسية مش طبيعية
أول ما وصل الدكتور تبعه الطلبة و اولهم منار التي صدمت لما رأته
كان حاضرا غائبا.. ينظر بتيه لكل مكان
منار بصدمة : أنس !!!
فحصه الطبيب جيدا و عاين الكدمات الموجودة في جسمه
- الاصابة مش خطيرة الراجل اللي خبطه وقف على آخر لحظة بس للأسف زي ما انتو شايفين ...المريض فقد عقله و ادراكه
كتب في الملف الذي امامه ثم قال : يحول الى مستشفى الامراض النفسية ..... مش هنقدر نعمله حاجة هنا .
خرجت منار مع البقية و الصدمة تتملكها و هي تستمع للممرضات
- حالته النفسية مش مستقرة
- ايوة شفته لما دخلوه شكله اتجنن
- يا ختي حقه يتجنن بيقولوا أنه مراته خا'نته
- و انتي ايش عرفك ؟!
- ماهي شيرين بنت عمتي تبقى جارتهم و اول ما شفته افتكرت اني شفته كذا مرة قمت اتصلت بيها و سألتها اللي حصل قالتلي أنه رجع بيته بدري لقى مراته و عشي'قها في سريره ..لا و فوق كدة قالته بكل بجاحة و عين فارغة انها بتخونه من سنة لإنه مبقاش بيكفيها و قامت لمت له هدومه و رمتهاله و طردته من البيت بمساعدة عش'يقها .... ما هو الموكوس كان كاتبه بإسمها !!
-ربنا يستر علينا ... هااا و بعدين !!
- طلع تايه يا عيني و مش شايف قدامه قامت خبطته عربية و صاحبها هو اللي جابه على هنا !!
قالت منار في نفسها : فعلا الظلم ظلمات و ربنا يمهل و لا يهمل
مش شمتانة فيك يا أنس بالعكس.. انا باشفق على حالتك مع انك ما اشفقتش عليا ف يوم من الايام 😔 و سبحان الله ازاي مش حاسة بذرة حب ناحيتك ..مفيش غير الشفقة و بس
بالنسبة لعائلة فريد
فريدة توأم فريد هي الاخت الكبيرة لقت وظيفة بياعة في سوبرماركت و بقت بتساعد امها ف مصروف البيت لأنه معاش ابوها مش بيكفي اسبوع حتى ..و عشان المصاريف كثيرة كانت على طول لابسة فستان واحد لونه اخضر غامق ... حارتهم فيها شوية عيال صيع معروفين بالتنمر و ملهمش شغلة ولا مشغلة غير انهم على طول بيتابعوا الرايح و الجاي بقت فريدة معروفة بفستانها في الحتة كلها و بقى الكل يناديها البطيخة لانها ثخينة حبتين و قصيرة بعد ما كان كل لبسها من هدوم منار اللي بيجيبهالها فريد ..و اللي تعجبها تاخذها منها غصب و اللي ما تعجبهاش او متجيش على مقاسها تقطعها لها
فردوس يعتبر احلى وحدة في اخواتها و شايفة نفسها حبتين كانت دارسة تجارة انجلش و مش عايزة تشتغل اي شغلانة ..
بس لانها ملزمة تصرف على نفسها و فريدة وقفت عنها المصروف قررت تشتغل مؤقتا تبيع منتجات تجميل بتجيبهم وحدة جارتهم اونلاين و معاها ناس تساعدها و تأخذ عمولة على كل منتج بتبيعه ..و فردوس وحدة منهم
في مرة جارتهم دي نصحتها تستعمل كريمة تقشير عالية التركيز في وشها و قالت لها ان وشك هيلمع زي المراية و العرسان هتبقى قدام بيتكم طوابير بس ضروري تحطي بعدها كريم مرطب ... ادتها صورة الكريم و راحت تشتريه
البت الصيدلانية كانت متعينة جديد و لسة ما بتفرقش بين الأدوية و الماركات فالصيدلي كان مديها قسم مستحضرات البشرة لحد ما تتعلم
اتخربطت في العلبة و بدل ما تديها كريم مرطب ادتها مرهم للحبوب لان العلبتين بيشبهوا بعض لونهم ازرق ومن نفس الشركة المصنعة
فردوس حطت المرهم ده و اللي فيه معادن كثيرة بعد أسيد التقشير اللي كان ف وشها و نامت بيهم.
الصبح لقت وشها أحمر متشلفط بالكامل كإن النار هبت فيه
صرخت صرخة عظيمة و اغمى عليها
اخذوها المستشفى و عملوا لها الاسعافات الأولية بس للأسف المنتجين كانوا عاليين التركيز
الدكتور قال لوالدتها إن التفاعل بين الألفا هيدروكسي أسيد و المعادن الموجودة في المرهم كان شديد و حفر جوة الجلد بشكل عميق و ساب لها ندوب مستحيل تخف الا بعملية تجميل ...و اللي للأسف ممكن تكلفهم ثروة لانهم هيحتاجوا يشيلوا كل الطبقة الخارجية بتاعة الوش و يعملوا زرع بشرة جديدة من منطقة تانية من جسمها عشان عملية الزرع تنجح
فرودس وشها بقى مشوه بالكامل و كل اللي يشوفها يترعب
عشان كدة بطلت تطلع من البيت خالص من كثر الت"نمر اللي بقت تتعرضله و لقب المشوهة اللي اطلقوه عليها عيال الحتة
فادية و هي أصغر وحدة في اخواتها اتعرفت على واحد عالفيس اوهمها أنه بيحبها و وعدها بالجواز بعد ما فهمها أنه غني و ابن عيلة ... اتفق معاها يتجوزها عرفي لحد ما اهله يوافقوا عليها و ساعتها يعلن جوازهم
الع'بيطة صدقته طبعا وهربت من بيتهم و ما قالتش لحد عنه زي ما طلب منها و اتجوزها عرفي في شقة مفروشة
في الاخر اكتشفت انه مريض نفسي .. متجوز وحدة غنية بس جبروت جابتله مرض نفسي ...بقى عنده حب انتقام فظيع.. بيتستمتع بالتعذ'يب لاقصى درجة
بس لانه ما يقدرش ينتقم من مراته لان البيت وكل حاجة ملكها و بإسمها هي فقرر ينتقم من حد تاني و وقع اختياره على فادية الغبية اللي وقعت بسهولة بكلامه المعسول .
عاشت فادية اسوأ فترة ف حياتها في الشقة إياها
اول حاجة اخذ منها تلفونها و رماه و كان على طول بيربطها بسلسلة حديد من لما يطلع لحد ما يرجع لها .. لا بتقدر تتحرك ولا تاكل و لا تدخل الحمام و بتعملهم على نفسها و كله كوم و لما يجي كوم تاني .. كان بيغت'صبها و بيعذ'بها بطرق رهيبة و كل ده و هو بيشتمها باقذر الشتايم و الاوصاف و هو بيناديها بإسم مراته
كانت هتمو'ت كذا مرة بين ايديه...
كان بيديها من الاكل و المية اللي يخليها عايشة بس و طول الوقت قافل لها بوقها بآلة حديد عليها قفل و واخذ مفتاحها معاه عشان ما تعرفش تصرخش
حد من الجيران شك في تصرفاته و بلغ البوليس الي راقبوه بس طلع نبيه و حس أنه متراقب و فلت منهم
داهموا الشقة و لقوها بين الحياة و الموت لأنه بعد ما عرف ف آخر مرة جيه عندها انها حامل سقطها و سابها غرقانة ف د'مها
طلع خبيث و ذكي جدا ... مسابش اي أثر ليه في الشقة مش بيستعمل حاجة غير بجوانتي ..و لا فيه أثر للورقة العرفي و لا لصور ليهم مع بعض ولا أي حاجة تقدر تساعدهم يوصلوله و حتى الفيس بتاعه اتحذف... إختفى كإنه مكانش موجود اصلا
عرفت الشرطة على الأقل هي بتكون مين لان امها كانت عاملة بلاغ بإختفائها و حاطة صورتها
من لما رجعت البيت و هي بقت خرسا و وضعها النفسي مش مستقر
و بسبب الفض'يحة اللي اتفض'حوها في الحتة محدش منهم بقى بيطلع خالص من كثر ما بيسمعوا كلام جارح من لما هربت و بعد ما رجعت و حصل فيها اللي حصل
محدش بقى يحتك بيهم خالص لانهم في نظرهم بقوم عيلة بنات شما"ل و حتى فريدة انطردت من السوبرماركت بسبب الموضوع ده و محدش بقى راضي يشغلهم خالص
سبحان الله كما تدين تدان و ربنا بيسلط عالظالم الأظلم منه و بياخذه أخذ عزيز منتقم .
حاولت سهير كثير تستعطف فريد عشان يسامحهم و يرجعهم يعيشوا معاه و يخلصوا من الحتة و كلام الناس خصوصا بعد وضع اخته بس هو رفض رفض قاطع يدخلهم في حياة مراته تاني ...مع أنه سامحهم و اتكفل بمصاريف علاج فادية النفسي رغم الفض'يحة اللي فض'حتهاله ... لكنه رفض يدفع مصاريف عملية التجميل لفردوس لان بيته اولى بالفلوس دي .
مكانش بيسمح لهم يجوله بيته كان دايما هو اللي بيزورهم
بعد سنة
ولدت منار طفلا آخر : سامي و هاهو الآن يبلغ من العمر 6 اشهر ...عينت منار في نفس المستشفى الذي تربصت فيه سابقا
مع العلم انها قد سجلت في تخصص طب القلب و هاهي قد بدأت أول سنة لها في هذا التخصص
لقد تغيرت جذريا ... اصبحت اجمل اكثر ثقة من ذي قبل، أقوى بكثير ...كانت الاذكى بشهادة جميع اساتذتها الاطباء
بينما تقوم بدورتها الصباحية على المرضى
سمعت من بعيد صوتا يبدو مألوفا لكن لم تعرف مصدره لكنها لم تلق بالا و ظنته إحدى تهيؤاتها
- ارجوكم عايزين دكتووور حاااالا بابا هيضيع مننا ..
الممرضة : عنده ايه حضرتك ؟؟
- ازمة قلب ...ارجوكي بسرررعة الحقيناااا
الممرضة - حاااضر دخلوه هنا هانادي على الدكتورة المختصة في القلب
ركضت الممرضة نحو منار التي كانت تهم أن تنزع ملابس العمل فقد انتهت مناوبتها الليلية و تستعد للذهاب الى بيتها
- دكتورة منار في مريض قلب في الاوضة 105 ارجوكي تعاينيه بما انه اختصاصك
منار بمزاح : اختصاصي ايه يا نعمة ده انا يا دوب لسة في اول سنة تخصص
- بس عارفة انك شاطرة يالاااا يا دكتوووورة شكل المريض حالته حرجة جدا
منار: و لو إني خلصت الشيفت بتاعي ...بس حاضر جاية اهو اسبقيني و اعملي اللازم على ما اوصل
أخذت عدتها و انطلقت نحو الغرفة
كانت تجلس بجانبه و هي تبكي و تقول لإبنها
- كله من الحر'باية مراتك ..من لما دخلت بيتنا مشفناش يوم خير ...على طول خناق منها لله 😓😭
ابنها بغضب : لو مكانتش بنتك لسانها متربن مكانش حصل اللي حصل !!
اخته بحدة : انا اللي لساني طويل ولا هي اللي ناقصة تربية !!
- مراتي في بيتها تلبس اللي هي عايزاه هي حرة ملكيش دعوة بيها ...مش عشان عنستي هتطلعي عقدك و غيرتك عليها
-غيرتي !! دي طالعة تتفتل في الشقة بقميص النوم قدام ابوك يا دلدول مراتك ؟؟ 😤 لا و بدل ما تغور تحط اي حاجة فوق القر'ف اللي هي لابساه بتقوله بكل وقا'حة : اوبس مكنتش اعرف انك موجود يا عمي ...عماها دبب 😡
- بس انتي و هو اخرسوووو .. اهو وصل للحالة دي بسببكم لسة كمان جايين تكملو عليه هنا في المستشفى !! منكم لله😭
كانت نعمة تهم بالدخول حين سمعت اصواتا عالية تاتي من الداخل
نعمة بحدة - مينفعش كدة حضرتكم انتو ف مستشفى لو سمعتكم الدكتورة هتطلب لكم الأمن ...
شافت الباب اتفتح فقالت بهمس : هسسسس اهي وصلت
دخلت منار و صدمت ما إن راتهم
فقد كان المريض والدها و تحيط به اختها و اخوها و امها!!
لم تكن صدمتهم اقل من صدمتها وقف اخويها و فتحا فميهما بتعجب : منار ؟؟؟
فوزية بدهشة مختلطة بفرحة : مناااار ... بنتي ....
لقراءة جميع حلقات القصه من هنا