قصة أسرت قلبي
البارت الثالث 3
بقلم زهرة الربيع
بصت لرقيه بخبث وقالت..وانتي كمان يا رقيه يا حبيبتي ادينا رايك انت بنت عم العريس وكمان ذوقك حلو
رقيه اتنهدت بخنقه وقالت ...ذوقك انتي احلى.. في النهايه ده فرحك انتي.
والدة فريد راحت لعند رقيه ومسكتها من ايدها وقالت تعالي يا حبيبتي اقعدي انتي تعبانه
رنا قالت ..صحيح ازاي ده حصل يا رقيه يا حبيبتي..عمتي بتقول انك وقعتي من البلكونه وانتي بتنضفيها غريبه قوي
رقيه محبتش تكدب مرات عمها وقالت..نصيب يا حبيبتي
فريد اتنهد وحاول يهدي الجو وقال.. طيب ماشي يا رنا انا معايا شغل دلوقتي لما ارجع ابقي سيبيلي الحاجات اللي انتي عايزه تختاري منها وانا هبقى اختار
رنا قالت بسرعه ..لا لا مش هينفع انت تاجل اي شغل النهارده وتختار معايا يلا تعالى ..عن اذنكم الجماعه مستنينا بره وسحبته من ايده وطلعت بيه وهو كان بيبص على رقيه الي كانت حابسه دموعها بالعافيه
فريد طلع بره مع رنا وكان مخنوق وهيه بقت تختار حاجات كتيره بالنسباله كانت تافه جدا ..وكان معاهم اخوها الكبير بيختار معاهم وكان بيبص على مدخل الباب كل شويه باستغراب وقال...فريد امال فين رقيه مشوفتهاش النهارده يعني
فريد بصلو بضيق شديد وقال... انت مالك ومالها
حمحم وقال..فيه ايه يعني عادي كل يوم بتطلع تشوف المكان معانا يعني احنا هنظبط الجنينه وكده وهي ما طلعتش خالص
فريد بصلو خنقه وقال بسرعه ...هيه تعبانه
قال بلهفه .. ايه ده تعبانه.. ليه محدش قالي هدخل اطمن عليها
ولسه هيمشي فريد مسكو من دراعه وقال.. تطمن عليها ليه هيه كويسه تعبانه عادي يعني
رنا قالت بسرعه.. لا على فكره يا محمد لازم تطمن عليها هي كسرت دراعها بيقولوا وقعت من البلكونه
محمد بصلهم بخضه وقال... ايه..وقعت ازاي
فريد قال بغضب وانت مال اهلك وقعت ازاي اظن دي حاجه متخصكش
محمد بصلو بغضب اكبر وقال.. لا تخصني طبعا..رقيه بنت خالي زي ما هيه بنت عمك واكيد تهمني
فريد قال بغضب..لا رقيه مش بنت خالك زي ما بنت عمي... رقيه مراتي ومحدش له فيها قدي
بقلم...زهرة الربيع
محمد بصلو بسخريه وقال... محدش معتبر ان اللي حصل ده جوازه غيرك انت ..انت كتبت عليها علشان البنت تقعد عندك وكلام الناس ما يكترش عليها وقريب هتطلق منك
قال كده و لسه هيمشي مسكه من ذراعه بغضب وقال وانت مين قالك اني هطلقها اصلا
محمد قال بتحدي.. هتطلقها غصب عنك هي اصلا مش طايقاك واكيد ما وقعتش من البلكونه..انا متاكد انها رمت نفسها علشان تخلص منك
قال كده ودخل عند رقيه وسابو بيغلي من الغضب قال لرنا بزعيق... قولي لاخوكي يا رنا يتقي شري احسنلو
رنا قالت بدموع.. انت مش قلتلي يا فريد ..ان مفيش بينك وبينها حاجه انت بتضحك عليا
فريد اتنهد بحزن وقال اكيد ما فيش بينا حاجه بس البنت على اسمي وميصحش كده انا مش اريال بعد ما طلقها يبقى يتقدم ولو هي وافقت عليه معنديش مشكله
عند رقيه كانت قاعده بخنقه من اسئله محمد الكثيره وقعت ازاي وامتى وفين.. بس اول ما شافت فريد داخل بصت لمحمد بانتباه وقالت ...خلاص بقى يا حماده قدر ولطف
محمد ابتسم لها وبقم يتكلموا وفريد كان بيبصلهم بخنقه وبيحاول يتجاهل طريقتها في انها تغيظه وتضايقه لحد ما محمد مسك ايدها وقال صوابعك بتوجعك
هنا فريد مقدرش يستحمل اكتر قرب عليه ومسكه من قميصه بغضب وقال.. وانت مالك ومال صوابعها توجعها ولا تتنيل على عينها انت مالك
رقيه لسه هتتكلم دفع محمد على الكنبه وشدها من ايدها بغضب وقال..عن اذنكم معاها دوا هتاخده دلوقتي وشدها بغضب وطلع بيها على الاوضه
اول ما دخل دفعها في الاوضه وقفل الباب وقال بغضب شديد ايه اللي بيحصل تحت ده
رقيه قالت بلا مبالاه ..عادي جوزي بيتجوز وخطيبتو واخوها بيختارو معاه الديكور قدامي عيني عينك وهيعملو فرحهم في جنينة بيتي كمان.. اهو اللي بيحصل اظن ما فيهوش حاجه غريبه
فريد مسح على وشو بغضب شديد وقال... انا بتكلم جد يارقيه وما قصدش الكلام ده.. ازاي تسمحيلو يمسك ايدك وصل بيك الاستهتار للدرجه دي علشان تغيظيني
رقيه قاطعته بغضب شديد وقالت.. وانا اغيظك ليه اوعى تعمل لنفسك قيمه ..هو اللي مسك ايدي لوحده ومش من الذوق اني اسحبها
فريد مسكها من ذراعها بغضب شديد وقال متستفزنيش يا رقيه احسنلك معاكي انا مقدر الي انتي فيه ومش عايز ازعلك ...و دفعها على السرير بغضب
رقيه اتجمعت الدموع في عبونها وبقت تحاول تحوشهم وتسيطر عليهم قدامه
فريد اخد باله لانه مربيها وعارفها لما بتبقى متضايقه ولما بتبقى زعلانه.. قعد جنبها وقال.. مش شرط دموعك تنزل قدامي علشان اعرف وجع قلبك يا رقيه .. ليه بتعملي فيا وفي نفسك كده
رقيه بصتلو بدموع وقالت ..انت الي بتعمل فينا كده ليه انا كنت ابتديت اتعود عليك كنت ابتديت اصدق اني فعلا اتجوزت كنت ابتديت افكر اني اديك فرصه ليه تعمل فيا كده وتخطب غيري للدرجه دي انا قليله
فريد بص لعيونها وقال ..انت مش قليله ابدا بالعكس انا مستكترك عليا.. انا مش عارف انتي مكبره الموضوع ليه قولتلك الف مره هيه حاجه وانتي حاجه تانيه خالص انت اصلا غير اي حد والله يا رقيه مكانتك في قلبي ما في واحده توصل لها
رقيه دفعته بغضب وقالت... شيل ايدك عني انا ردي واحد ومش هيتغير يانا يا هي..ويكون في علمك حتى اختيارك بعد دلوقتي ما بقالوش اي لازمه.. ياريت تسيبني في حالي بقى لحد ما تتجوز الحربايه بتاعتك و بعد كده هتطلقني يا فريد..بكيفك او غصب عنك هتطلقني حتى لو اضطريت ارفع عليك قضيه
ولسه هتمشي شدها عليه بغضب وقال.. ليه عايزه تشوفيلك سكه تانيه مش كده
رقيه بعدت من بين ايديه وقالت بدلال.. ومشوفش ليه يا حبيبي ينقصني ايه انا قمر والف من يتمناني.. يحقلي اعيش زيي زي اي واحده متجوزه...يحقلي احب واتحب وابات مع راجل ها.. فاهم ولا محتاجه شرح
ولسه هتمشي شدها عليه بقوه وقرب منها في لحظه جميله جمعتهم وفضل مكمل ورقيه استسلمت جدا بين ايديه
فريد ابتسم وبص لعيونها بقوه وقال ...جاهزه تباتي مع راجل..
رقيه بصت لعيونه وهزت راسها بالرفض وقالت بضعف.. لا والنبي يا فريد
فريد ابتسم وهو بيبص لعيونها بعشق وقال.. فريد بيحبك يا رقيه . ولا حب ولا هيحب زيك والقلب مدقش خالص غير ليكي يا بنت عمي
رقيه ابتسمت بسعاده على كلامه.. كانه مكتوب في عيونه كتابه وقرتوا من نظراته..و هو قرب منها تاني وممنعتهوش
بس مفيش ثواني وسمعت صوت رنا من بره بتزعق مع العمال وبتقول لهم على الحاجات اللي هي عايزاها حست بغضب شديد من نفسها ودفعته وبعدت وقالت.. انت ازاي وسخ كده يلا ...انا مش قلتلك ما تقربليش
فريد اتسعت عينيه بدهشه من قلبتها المفاجاه دي ولسه هيسألها سمع هو كمان صوت رنا
اتنهد وبلع ريقه بالعافيه هو بيحاول ياخذ نفسه
رقيه قالت بغضب... فريد انا عايزه اطلق
فريد جذب شعره لورى وبص لها وقال ..عارفه لو اتطلقنا هتوحشني كلمه طلقني دي... زي ما يكون دكتور كاتبهالي ثلاث مرات في اليوم او عند اللزوم يعني
رقيه حاولت ما تبتسمش على كلامه وقالت.. متغيرش الموضوع ..انا بجد عايزه اطلق
فريد ابتسم وقال..وانا عايز اتجوز هموت واتجوزك
رقيه ظهرت ابتسامتها على شفايفها وهو اتنهد جامد وقال.... اه لو الاقي عيدي.. وتقعي تحت ايدي
رقيه ابتسمت وهزت راسها بيأس وقالت.. اصلا مفيش فايده من الكلام معاك ...بس هدعي عليك ليل ونهار على فكره لان انا مش مسامحه تتجوز عليا وانا على زمتك
فريد قعد جنبها وقال.. بحبك يا بت قوي والله بكره الايام تثبتلك قد ايه دايب فييكي
رقيه بقت تبص لعيون وقالت بدموع... تعبانه موجوعه قوي
فريد استغرب وقال بقلق..ليه دراعك بيوجعك
رقيه ابتسمت بدموع و قالت .. كل حته فيا بتوجعني من الوقعه... بس قلبي واجعني اكتر مش قادره استحمل اللي بيحصل ..ليه بتعمل فيا كده انت كده بتتعبني قوي
فريد قرب منها وبس جبينها بحنيه وقال... كل اللي واجعك والله واجعني انا اكتر منك ..سامحيني على كل ده غصب عني
واتنهد واخد علبه السجائر بتاعته وطلع في البلكونه يشرب سيجاره
رقيه استغربت وبقت مش فاهمك تصرفاته ابدا وقالت هو ايه الي غصب عنو غصب عنو يعني ايه ووووو