اسكربيت
بقلم ايمان شلبي
هو ده دكتور العيون ؟!
-اه
ردت بهيام وهي بتميل برأسها : ده المفروض يبقي دكتور قلوب والنعمه
اختها وهي بتبصلها بضيق : غض البصر ياااا
نور: احم ا استغفر الله العظيم ،ماهو ماهو يعني ماهو حليوه اوي بصراحه بذمتك مش حلو ؟
اختها وهي بتعز رأسها بيأس من تصرفاتها : يابنتي انتي اي بني آدم عندك حلو حتي لو ك*لب معدي بتكراشي علي اي كل*ب ..
نور وهي بتبصلها بقرف: خليكي انتي في عم حماده بتاعك وسيبني انا في دكتور العيون العسليه ده ..
لسه هترد عليها الممرضه ندهت عليها
"نور محمد "
نور وهي بترفع ايديها بعفويه وكأنها في فصل مش في عياده
ايوه انا اهو
الممرضه: اتفضلي حضرتك
دخلت نور ومعاها اختها ...
-السلام عليكم
الدكتور وهو بيرفع عيونه من علي التحاليل اللي كانت قدامه وبيقول بابتسامه تخط*ف القلب والعقل ...
-وعليكم من السلام ورحمه الله اتفضلوا
نور بخفوت لأختها: جنتل وذوق انا نقطه ضعفي الجنتله
اختها وهي بت*ضرب*ها بخفه : اسكتي هتفضحيينا
نور بتذمر: طيب
الدكتور وهو بيتنهد وبيسند دراعه الاتنين علي المكتب : مين المريض؟
نور وهي يتسبل بعيونها بهيام : انا
الدكتور بتوتر: ا احم حضرتك بتشتكي من ايه؟!
نور : انا نفسي كل اللي سامعني يحس بقلبي اللي واجعني
اختها بتوتر وخفوت : يخربيتك فضحتينا
الدكتور بجديه : احم احم سلامه قلبك يا انسه بس انا دكتور عيون مش قلوب
نور بتوتر وخدودها حمرا : ا انا عيني بتوجعني حضرتك
الدكتور وهو بيقوم من مكانه : طب اتفضلي معايا حضرتك
نور وهي بتش*هق: نهار اسود اتفضل معاك فين ياضاكتووور لااااااا احنا بنات عائلات محترماااات منروحش مع حد ابداااا
الدكتور بذهول : انتي بتقولي ايه يا انسه هو انا قولتلك تعالي معايا الشقه انا بقولك اتفضلي معايا نكشف ؟!
نور بأحراج: أحم ا اسفه يادكتور ا صلي اندمجت سيكا
الدكتور وهو بيهز رأسه بيأس : طب حضرتك اتفضلي
قعدت نور علي الكرسي وهو قرب منها وريحه البرفيوم بتاعته اخترقت أنفها لدرجه انها غمضت عينيها بتوهان ...
-افتحي عينك يا انسه عشان اكشف عليكي
فتحت عينيها وهو قرب الليزر من عيونها اللي بان لونها البني الفاتح وكأن عيونها مركز العسل ....
قرب منها وهي اتوترت ودقات قلبها علت للسما ...
بلعت ريقها لما ق*رب أيده من عيونها وفتحها جامد ...
كانت باصه في عيونه الرمادي وهو بيتفحص عيونها وفاتحه بوق*ها علي آخره وهي بتتنفس بسرعه وتوتر ...
دقائق وبعد عنها بعد ما حست أنه سحب كل الأكسجين اللي في الرئتين ....
-اتفضلي ياانسه حاجه بسيطه متقلقيش
نزلت نور من علي الكرسي وهي ماشيه وراه وهو بيروح يقعد علي المكتب بتاعه ...
شاورلها بايده بابتسامته اللي بتخطف
-اتفضلي اقعدي
اختها بتوتر : ها يادكتور ريان طمني
نور بتلقائية: كارمن ريان
ريان باستغراب : افندم ؟؟
نور : ايه اسم ولادك
ريان : ولادنا مين يا انسه انا مش متجوز اصلا ؟!
نور وهي بتسند ايديها علي المكتب وبتحط ايديها تحت خدها : طب ما تتجوز وتكسب ثواب وتدخل الفرحه علي قلب مسلم ...
ريان وهو بيسند أيده علي المكتب وبيبص لأختها وبيقول بخفوت : هي تعبانه ؟!
اختها وهي بتهز رأسها : اه لسه خارجه من مستشفي العباسيه من شهر
ريان : عشان كده ديه شكلها هوبا خالص
نور وهي بتقفل عينيها نص قفله : انتوا بتقولوا ايه ؟!
ريان وهو بيعدل نفسه: احم متقلقيش يا انسه حاجه بسيطه خالص انتي محتاجه نضاره ..
نور وهي مبرقه: لا متقولش هلبس نضاره كعب كوبايه وابقي شبه ابله اعتماد ؟!
ريان برفعه حاجب : مين ابله اعتماد؟!
نور : ابله اعتماد ديه بقي ياسيدي كانت مدرسه عندي في المدرسه تعرف الغور*يلا ؟!
ريان وهو بيحاول يكبت ضحكته: اه مالها؟!
نور : هي بقي كانت زيها بالظبط العيال كانت تشوفها من هنا تطلع تجري وتستخبي في الفصول الا انا ...
ريان وهو بيجاريها في الكلام وهو مش حاسس: اشمعنا؟!
نور بفخر: أصلها كانت بتخاف مني
ريان برفعه حاجب واستغراب : منك انتي ؟!
نور بعفويه: اصل انا صورتها مره وهي بتسرق فلوس من مكتب المدير وقولتلها لو معاملتنيش كويس واحترمتيني هفض*حك ،كانت تخاف وتقولي خلاص انا هعمل اللي انتي عايزاها فكنت بستغل الموضوع واخليها تديني خمسه جنيه كل يوم ...
ريان وهو بيضحك بصوت عالي لدرجه صوت ضحكته خرجت برا الأوضه ...
الممرضه باستغراب : معقوله دكتور ريان بيضحك القيام هتقوم ولا ايه ؟!
أما عن نور كانت بتبصله بهيام ومرسوم علي وشها ابتسامه واسعه غبيه وكأنها مجنونه بالفعل مش نور العاقله المعيده في الجامعه اللي الكل بيحلف بأدبها وعقلها وتفوقها !! ....
اخت نور بتوتر : ا احم ط طب احنا نستأذن بقي
نور : ليه ما تخلينا شويه كمان المكان هنا طررراوه ...
اخت نور بأحراج : نور حبيبتي يالا الدكتور عنده شغل كتير ..لو سمحت يادكتور لو في علاج ممكن تكتب لنا عليه ...
كتبلهم ريان علي علاج وشرحلهم يعملوا اي ونور قاعده تبصله وسرحانه ....
اختها وهي بتشدها من ايديها : يالا يانور ..
بعد شويه كانت ماشيه نور هي واختها بعيد عن العياده بكتير
-انتي ايه اللي عملتيه ده يانور ؟
نور ببراءه: عملت ايه ؟
اختها بذهول : مش عارفه انتي عملتي ايه ده انتي فض*حتينا !
نور بضيق : يوه ماهو اللي حليوه دكتور ريان
اختها وهي بتهز راسها بيأس: انا رايحه الشغل يانور ربنا يهديكي
قالت جملتها ومشت ونور واقفه مكانها
-ياساااتر ده انتوا ناس كئيبه مش فرفوشه زي كده ...
-لو سمحتي يا انسه الوقوف هنا ممنوع
نور برفعه حاجب : وليه بقي أن شاء الله؟!
الشخص : عشان المكان ده تبع عيله غنيه اوي وممنوع اي حد من خارج العيله يقف هنا
نور بضيق : ليه احنا براغيت؟!
الشخص بضيق : يا انسه لو سمحتي امشي من هنا روحي اقفي في أي مكان تاني
نور بعناد وهي بتقعد علي الارض وبتربع رجلها : طب مش همشي من هنا واللي عندك اعمله ها
-في ايه ياسيد
نور وهي بتلف بنص جسمها لمصدر الصوت وبتفتح بوقها بصدمه وذهول ..
"الله انت مش كنت هنا ايه اللي جابك هنا "
الشاب برفعه حاجب : افندم ؟ مين ديه ياسيد
نور وهي بتقوم تقف وبتقول بابتسامه: انا نور وانت دكتور ريان صح مش عارفه انت جيت هنا بالسرعه دي ازاي بس ما علينا
الشاب وهو بيبصلها من فوق لتحت بقرف: انا اخوه التوأم ريان في العياده بتاعته سيد عرفها المكان
قال جملته ومشي وهي واقفه تبص بهيام وبتقول بتلقائية:بطل تقيل ومغر*ور انا نقطه ضعفي البطل المغرور ياختااااااي الشغل اتأخرت علي الشغلللل ...
قالت جملتها وطلعت تجري والحارس واقف يبصلها بصدمه وهو بيضرب كف فوق التاني
-لا حول ولا قوه الا بالله مجنونه ديه ولا ايه؟!
..................................................
طبعا لو حلفتلك اني كنت عند الدكتور مش هتصدقني ؟!
الدكتوره وهي بتلف لنور وبتهز رأسها بنفي: لا عشان عارفاكي بتاعه اشتغالات
نور بحرج: اوديكي فين ياشهره
الدكتوره بيأس : اتفضلي اتفضلي ياتعبااااني
نور بعفويتها: سلامتك من التعب ياقمر القمرات ..
الدكتوره برفعه حاجب : ديه رشوه يعني؟!
نور : حصل
الدكتوره " نرمين" : طيب يالمضه تعالي عشان عايزاكي في موضوع
نور وهي بتقرب منها بلهفه : ايه جيبالي عريس ؟ انا معنديش مانع والله الست اصلا ملهاش غير بيت جوزها تعمله رز وبسله ...
نرمين : هههههههه لا يالمضه مش عريس ده الدكتور ابني هيتعين دكتور مكاني وانتي هتكوني المساعده بتاعته ....
نور وهي يتسبل بعيونها : يانهار قمر ابنك انتي عندك عيال يادكتور نرمين ومتقوليش ؟! اكيد مز زيك صح
نرمين بمكر: واحللي
نور : هيييييح يانهار قمر والله هتوحشينا يادكتور ها بقي ابنك العسليه جاي امتي؟!
نرمين برفعه حاجب : لا واضح اني هوحشك اوي
نور بحرج : احم دايما ظالمني كده
نرمين وهي بتتنهد: انا عايزه منك خدمه لو عملتيها مش هنسهالك العمر كله يانور ...
نور باستغراب: خير يادكتور اتفضلي
نرمين : نور أنا عايزاكي تشغلي ابني
نور باستغراب : اشغله ؟!
نرمين : بأختصار عايزاه يحبك
نور بفضول وهي بتحط ايديها تحت خدها : يحبني ازاي يعني ياضاكتوره العتب علي النظر يعني شوفي حضرتك فين وانا فين وبعدين ابنك اكيد حليوه زيك و ...
نرمين وهي بتقاطعها: وانتي احلي من القمر يانور
نور بفرحه : شالله يسترك
نرمين بتوسل : نور بجد لازم تخلي ابني يحبك
نور: ا اشمعني انا يادكتور وليه اصلا؟!
نرمين وهي بتتنهد بحزن : عشان ابني بيحب واحده مش كويسه ومصمم يتجوزها وانا رافضه انا وباباه ده حتي اخوه رافض ...
نور : مع احترامي لحضرتك يعني بس ابنك كبير وعاقل ويقدر يحدد إذا كان ده الصح ليه ولا الغل*ط !
نرمين وهي بتهبد علي المكتب بضيق : بس ابني مش عارف مصلحته ابني حرفيا بيضيع مني مينفعش دكتور ومحترم وليه اسمه يتجوز واحده مش كويسه ..
نور بتوتر : ط طب يعني ا انا اخليه يحبني ازاي ؟ واصلا لو حتي حبني انا هستفاد ايه ؟ ولو حبني وعرف حقيقتي ساعتها هي*كرهن*ي ويرجعلها تاني !
نرمين : ليه بتقدري البلاء قبل وقوعه ياستي وهو هيعرف منين بس ؟ وبعدين يارب يحبك وانا هلاقي احسن منك فين يعني يانور انتي من اجمل واشطر واقرب البنات لقلبي هنا في الكليه ...
نور بشرود وهي بتسند ايديها علي المكتب بتحط ايديها تحت خدها: طب يادكتور سيبيني يومين افكر
نرمين بلهفه وهي بتقوم من مكانها وبتروح تقعد قدامها علي الكرسي : نور ارجوكي مفيش وقت خلاص انا ابني بيضيع مني ارجوكي وافقي ..
نور وهي بتبصلها بخوف وتوتر : ب بصراحه خايفه انا اول مره في حياتي اتحط في موقف زي ده !
نرمين : بس انا متأكدة انك هتخلي ريان يحبك ..
نور باستغراب : ريان ؟!
نرمين : ايوه ريان ابني
نور بتوتر : ا اوعي تقولي هو
نرمين باستغراب : هو مين ؟!
نور وهي بتبلع ريقها : ا اوعي تقولي أنه الدكتور ريان دكتور العيون اللي في ***
نرمين بفرحه : انتي تعرفيه؟!
نور وهي بتلطم علي وشها : نهار اسو**وود
نرمين بقلق : في ايه ؟!
نور بتوتر : ا انا يعني ا انا
نرمين: انتي ايه يابنتي في ايه قلقتيني؟!
نور : بصراحه كده يعني انا كنت عنده النهارده في العياده ولما شوفته معرفش حصلي اي ودخلت قولتله كلام ميصحش ومش هينفع اوريله وشي تاني
نرمين بفضول : قولتي ايه ها قولتي ايه يانور ؟!
نور وهي بتبصلها وبتقول بخفوت : قربي ودنك
قربت نرمين ودنها من نور وهي متلهفه تعرف نور قالت ايه
نور : اول ما شوفته حسيت قلبي بيدق وكأنه هيخرج من مكانه
نرمين وهي بتسقف بفرحه : الله اكبر حبيتي ريان لولو..
نور وهي بتحط ايديها علي بوقها : بس بس هتفضحييينا حبيته ايه هو انا اعرفه ؟!
نرمين بفضول : كملي كملي
نور بشرود : بصراحه كده اول ما دخلت وبصيت في عيونه الرمادي حسيت أن فيها مغناطيس بيجذبني ،فضلت اتعامل زي الع*بي*طه واقول كلام مش لازم يتقال لدرجه انه افتكر اني مجنونه انا اول مره يحصلي كده يادكتور نرمين ،ارجوكي مش هقدر ادخل في لعبه زي ديه خايفه احبه وانا مش حمل وج*ع قلب كفايه وج*ع وقصص حب من طرف واحد ارجوكي ....
نرمين وهي بتتنهد بغموض : خلاص يانور علي راحتك ..
نور وهي بتمسح دموعها اللي نزلت منها من غير وعي : عن اذنك يادكتور اشوف شغلي ..
نرمين وهي بتهز رأسها بابتسامه : ماشي حبيبتي ..
..................................................
في العياده بتاعه ريان كان قاعد ورا مكتبه وهو ساند ظهره علي الكرسي وبيبتسم بدون وعي منه وهو بيفتكر نور اللي خلته يضحك من قلبه لاول مره بعفويتها ...
غمض عيونه وهو بيفتكر لون عيونه العسلي اللي برغم عفويتها وجر*ائت*ها إلا أن فيها لمعه حزن استحاله تتمحي بمرور السنين طب ازاي وهي حبت ومتحبتش ؟!
الفون بتاعه رن برقم مامته اتنهد وهو بيرد عليها بهدوء
-الو
نرمين بتوتر : حبيبي ازيك
ريان برفعه حاجب : الحمد لله ياماما في حاجه ولا ايه ؟!
نرمين : هه لا ياحبيبي انا بتطمن عليك بس
ريان باستغراب : انا كويس ياحبيبتي الحمد لله
نرمين : انت اتغديت ياحبيبي
ريان : لا لسه ليه؟!
نرمين بحماس: طب حلو انا كمان لسه متغدتش ايه رأيك تيجي تتغدي معايا في المكتب ؟!
ريان باستغراب من تصرفات مامته لأنها أول مره تطلب منه حاجه زي كده ..
-طيب تمام ربع ساعه واكون عندك ..
ماشي ياحبيبي
..................................................
في المكتب طلبت نرمين نور وثواني ودخلت نور المكتب بعفويتها كالعاده
-يامساء الاناناس علي احلي الناس
نرمين بضحك: تعالي يامجن*ونه
نور بتلقائية: ايه هتقبضيني؟!
نرمين بمكر: ايه رأيك تقبضي تلات شهور مقدم
نور بشك وهي بتقفل نص عينيها : مقابل اني أوافق مش كده ؟!
نرمين بتوتر : نور أنا أول مره اطلب منك طلب اتمني تقبلي بجد انا مش عايزه ابني يضيع مني !
نور وهي بتبصلها بشفقه: موافقه بس بشرط
نرمين بلهفه: ايه هو ؟!
نور : لو حبيت ريان وهو محبنيش هتسفريني برا والمصاريف كلها عليكي لاني مش هستحمل افضل هنا مع ذكرياتي المؤلمه ..
نرمين : موافقه
نور وهي بتتنهد: هنبدء منين
نرمين : ربع ساعه وريان هيوصل هنا عشان يتغدي معايا
نور وهي بتبلع ريقها بتوتر : و وبعدين
نرمين بغموض : هقولك ...
بعد مرور ربع ساعه
صوت خبط علي باب المكتب خلي نور اللي كانت قاعده ورا المكتب بتفرك ايديها بتوتر تتنفض من مكانها وهي بتبلع ريقها
-ا اتفضل
ريان وهو بيفتح الباب وبيدخل بابتسامته اللي خطفت قلبها : مساء الجمال ي...
قطع جملته وهو بيقف في مكانه لما شاف نور قاعده ورا المكتب ..
-انتي ؟؟
نور وهي بتمثل انها متفاجئه: انت ؟
ريان باستغراب : انتي بتعملي ايه هنا ؟!
نور بعفويه: بلعب تحب تلعب معايا ؟
ريان برفعه حاجب : انا مش جاي اهزر يا انسه
نور : الله مالك كده قلبت مانت كنت حلو ياضاكتور قلبي ..
ريان بتوتر : ا انتي شغاله مع دكتور نرمين
نور وهي بتقرب منه وبتقف قدامه وهي بتبص في عيونه بهيام: اه
ريان وهو بيبعد خطوه لورا بتوتر:ط طب هي فين ؟
نور : روحت
ريان باستغراب : روحت ؟!
نور : اه
ريان : غريبه مع انها كانت قيلالي هنتغدا سوا ..
نور : وماله نتغدي انا وانت سوا انا معنديش مانع
ريان بضيق : وانا عندي مانع عن اذنك
نور بلهفه: استتني
ريان وهو بيحط أيده في جيبه ببرود : نعم ؟!
نور : ما تكسب فيا ثواب وتتجوزني
ريان وهو بيبصلها بقرف : انا مرتبط يا انسه روحي شوفي حد تاني يتجوزك
نور وهي بتمثل انها بتعيط : كده كده بعد ما غ*ر*غرت بيا
ريان بقلق: غ*رغ*رت بيكي ايه يا انسه انا اعرفك اصلا
نور : طب وابنك ،ابنك اللي في بطني هعمل فيه ايه
ريان بصدمه: ابني مين يخر*ب"يتك
نور وهي بتبص في عيونه : مش هتتجوزني؟!
ريان وهو بيبلع ريقه : ي يا انسه انا هخطب
نور : احلي مني في ايه ها ؟ احلي مني في ايه اللي هتخطبها..
ريان بتوتر : ا انتي احلي منها طبعا بس بس انا بحبها ...
نور بحزن : طب وانا ؟
ريان وهو بيمسح علي وشه بضيق : انتي ايه انا لسه عارفك الصبح !
نور : يعني محبتنيش زي الناس اللي هناك ديه؟؟
ريان بأستغراب : ناس مين؟!
نور : الناس اللي بتحب بعض من اول نظره وابتسامه وكلمه والسلامه ..
ريان وهو بيضرب كف فوق التاني بيأس: انتي باين عليكي بتقرأي روايات كتير
نور بابتسامه واسعه : ايه ده عرفت منين؟ وكمان سألت عني لااا ده انت شكلك وقعت ولا حدش سمي عليك
ريان بجنون : انا بخمن بخممن يا انسه سالت عنك ايه هو أنا لحقت؟!
نور وهي بتتنهد بضيق : يووووه جرا ايه ياعم الكاريزما ما تقول انك حبيتني وخلاص
ريان وهو بيتنهد : لا انتي شكلك هوبا خالص عن اذنك
نور بصوت عالي : ياحاااج اسماعيل ياحاااااج ...
ريان :اللهم طولك ياروح نعم خيرر يا انسه
نور وهي بتفرك ايديها بتوتر. : ه هو أنا ممكن اطلب منك طلب ؟
ريان : اتفضلي
نور : قر*ب
ريان وهي بيبلع ريقه : يا انسه فين الح*ياء مش كده
نور وهي بتشهق : يخربيتك انت فهمت ايه انا بقولك قر*ب ودنك
ريان : ااااه
قرب ودنه منها وهي وقفت علي طراطيف صوابعها وقربت من ودنه وهي بتقول
-ط*ز فيك ياضاكتور
قالت جملتها وطلعت تجري زي الكتكوت المبلول من قدامه وهو واقف يبص لأثرها بغيظ وهو بيتوعدلها ....
.................................................
نهار اسود يعني انتي قولتي لريان ابني ط*ز فيك !!
نور وهي بتاخد بوق من الفنجان اللي قدامها وبتحط رجل علي رجل ببرود : اه
نرمين وهي بتبلع ريقها : انتي عارفه ريان ممكن يعمل فيكي ايه ؟!
نور بشجاعه مزيفه: هيعمل ايه يعني ؟! ميقدرش يعملي حاجه اصلا
نرمين : انتي عارفه أن مره وهو صغير واحد صاحبه ش*تمه عمل فيه ايه؟!
نور وهي بتبلع ريقها بخوف : ع عمل ايه ؟
نرمين : عارفه العجوه ؟!
نور بعفويه : اه جميله بحبها وخاصه مع البيض بتبقي عظمه ..
نرمين : هو بقي عمل صاحبه ده عجوه وكان علي وشك يعمله في البيض زي ما بتقولي
نور بخوف وتوتر : ي يعني هو ممكن يعملني عجوه ؟!
نرمين : والله احتمال كبير
نور بخوف : ط طب اعمل ايه ا انا خايييفه
نرمين برفعه حاجب: الله انتي مش كنتي عنتر ابن شداد من ثواني حصلك ايه ؟!
نور وهي علي وشك العياط : لا هو انا مقولتلكيش ؟!
نرمين وهي بتحط ايديها تحت خدها بسخريه: لا مقولتليش ؟!
نور : انا عيله صغيره ومش قد كلامي اصلا سامو عليكوووو
وعليكم من السلام ورحمه الله وبركاته ...
نور وهي بتبلع ريقه وبتقول بخفوت : هو ورايا ؟!
نرمين وهي بتهز رأسها : اه
ريان برفعه حاجب : ايه يادكتوره نور مش هتسلمي علي مديرك في الشغل ولا ايه ؟!
نور وهي بتلف وبتبتسم ابتسامه واسعه : لا طبعا وده كلام برضو نورت مكتبك يباشا البشوات ،اعملك قهوه! هعملك قهوه ،وجايبه بقي طبق كيك عمايل ايديا هتاكله وهتاكل صوابعك وراه من الندم انك أكلته اصل بصراحه وانا بعملها نسيت احط بيض ونسيت احط كيك شيف ولبن بص ياريس هي كيك بس مش كيك في نفس الوقت انت فاهم حاجه ؟! اصل انا هحكيلك...
ريان وهو بيقاطعها بضيق : بس بس ايه بالعه راديو ؟!
نور بخوف : ل لا ده انا كنت هحكيلك بس
ريان بجمود : بعد اذنك يا امي بس بما اني همسك الشغل مكانك فأنا حابب اختار كل حاجه علي مزاجي ...
نرمين باستغراب : يعني ايه مش فاهمه ؟!
ريان وهو بيبص لنور من فوق لتحت : يعني انا مش عايز الانسه تكون سكرتيرتي الخاصه
نور بتلقائية: ااااااه عند الست الوالده
نرمين بحذر: نووور
نور بضيق وعصبيه : لا بقولك ايه يا استاذ بتنجان انت انا مش همشي من شغلي انا هنا بقالي سنتين بشتغل وانا اللي عارفه كل تفصيله في الشغل مش هيجي واحد زيك يطردني بكل سهوله لااااا ابسلوتلي
ريان وهو بيربع أيده الاتنين وبرفعه حاجب : خلصتي ؟!
نور : احم اه
ريان ببرود : تمام انا بالفعل طردتك وجبت غيرك
نرمين : نعم ومين بقي اللي هتشتغل معاك!
ريان وهو بيرفع رأسه ببرود : رانيا
نرمين وهي بتهبد علي المكتب بعصبيه: علي جثت*ي
ريان بعصبيه اكبر : في ايه ياماما انتي مش بتحبها ليه ؟! هي عملت ايه لكل الكره ده
نور : حربوق*ه يادكتور ريان متنفعكش
ريان بحده : متتدخليش
نور : احم اسفه كمل خن*اق
نرمين بعصبيه : رانيا مش زيييك رانيا بتاعه مصلحتها مش بتحبك هي عايزه فلوسك وبس افهم بقي يابني آدم
نور وهي بتهز رأسها : يا استاذ ريان رانيا مش زيك وبعدين مش حلوه انت احلي منها
ريان باستغراب : وانتي تعرفيها منين ؟!
نور : انا معرفهاش اصلا !
ريان بعصبيه: اومال بتتكلمي ليه ؟!
نور بتوتر : ب بحاول يعني اقنعك أن هي مش مناسبه ليك اقولك علي حاجه انا عندي ليك عروسه انما ايييه قمر عيون بني فاتح بشره بيضه وناعمه زي الاطفال زي ما بيوصفوا في الروايات ،ج*سم ممشوق شعر اسود طويل ولو أن شعري قصير سيكا بس خلينا نندمج مع وصف الروايات ،ولا رقتها حاجه كده اللهم صل علي النبي قمر ....
ريان : والله ؟! والعروسه ديه انتي مش كده
نور وهي بترفع رأسها بفخر : لا حويط وبتفهمها وهي طايره
ريان : وانتي مفكره اني ممكن احب أو يشرفني اتجوز واحده زيك ؟!
نور وهي بتحط ايديها في وسط"ها وبتشه*ق : ومالها بقي الواحده اللي زي ياعيوني ناق*صه ايد ناقصه رجل ناق"صه جمال
ريان: توء ناق*ص*ه عقل
نور بحرج : احم في دي عندك حق انا دماغي لاسعه حبتين بس قمر والله ربنا يحميني ..
نرمين بجديه: اخر الكلام ياريان رانيا مش هتشتغل هنا !
ريان : تمام يا امي شوفي بقي حد تاني يمسك الشغل مكاني عن اذنك
قال جملته وخرج من المكتب بأقصي سرعه ...
نرمين وهي بتجز علي أسنانها بعصبيه: ماشي ياريان يابن الجز*مه
نور : ابن ستين جز*مه كمان
نرمين بحذر : نوووور
نور : احم سوري سوري الله مش انتي اللي بتشتمي نفسك ؟!
نرمين وهي بتاخد نفس : نور جهزي نفسك
نور بلهفه: ليه طالعين رحله ؟!
نرمين وهي بتبص قدامها بغموض: اما خليت ريان ينسي رانيا مبقاش انا نرمين الغندوري ،يالا يانور
نور باستغراب : هنروح فين طيب ؟
نرمين بغموض : هقولك ..
..................................................
يعني ايه يارانيا مش هينفع نكمل ؟
قالها شخص لرانيا اللي كانت قاعده قدامه في الكافيه اللي بيتقابلوا فيه دايماً ..
رانيا وهي بتحط رجل علي رجل ببرود : يعني انا استنت تيجي عشان تخطبني كتير وبصراحه كده في ناس كتير اوي واقفين علي الباب وانا اللي كنت رافضه عشانك وانت مش بتتحرك ! يبقي اشوف حالي بقي مع حد شاريني
الشخص بحزن : بس انتي عارفه انا ليه لحد دلوقتي متقدمتش انا بقنع في اهلي وعلي وشك اخسرهم بسببك !
رانيا بقرف : وانا مش عاجبه اهلك في ايه بالظبط ؟!
هو بحزن : طب بصي نتجوز عرفي
رانيا وهي بتقوم وبتاخد شنطتها : بقولك ايه الكلام خلص انا خطوبتي يوم الخميس اللي جاي لو حابب تتقدم انا هرفض العريس ..
هو بيبصلها من فوق لتحت بكبرياء وشموخ: الف مبروك يا رانيا هانم انا ميشرفنيش اتجوز واحده مش بتعافر عشاني زي مانا بعافر عشانها الظاهر كده أن الكلام اللي اهلي قالوا عليه كله صح الظاهر كده انك بتاعه مصلحتك وبتعبدي الفلوس انا مش عايز اشوف وشك تاني ...
لاااا ده انتي طلعتي بتلفي علينا واحد ورا التاني بقي واللي يلحق الاول !
رانيا بفزع وهي بتلف لمصدر الصوت : ر ريان ا انا هفهمك ر ريان
ريان بحده : هتفهميني ايه يازب"اله انا سمعت وعرفت كل حاجه عرفت انك حق*يره وبتاعته مصلحتك الظاهر أن اهلي عندهم حق الظاهر انك بتعشقي الفلوس زي عينك انا مش عايز اعرفك تاني
قال جملته دفعه واحده وقام مشي من المكان ورانيا واقفه تبص لآثره بذهول وهي بتجز علي أسنانها ...
-ريان ريان استني
- يارب انا ايه بس اللي خلاني اسمع كلامك ياماما اهو ضاع من ايدي لا طولنا سما ولا ارض
..................................................
يالا يانور ادخلي ..
نور وهي واقفه قدام البيوتي سنتر وفاتحه بوقها ببلاهه
-ادخل فين لا مؤاخذه؟!
نرمين : زي مانتي شايفه هندخل البيوتي سنتر ..
نور : ليه ؟!
نرمين وهي بتتنهد بغموض: هغيرلك شكلك خالص
نور باستغراب : يعني ايه؟!
نرمين بغموض اكبر : لازززم لازم ريان يعجب بيكي تعالي معايا ..
قالت جملتها وهي بتشد نور من ايديها ودخلت البيوتي وهي مقرره من جواها تخلي ريان يحب نور ويتنازل عن فكره الجواز من رانيا ونرمين لما بتحط حاجه في دماغها بتعملها هل هتقدر تخلي ريان يحب نور ؟!
..................................................
الساعه ١٠ بالتحديد في بيت نور ..
فتحت نور باب الشقه ببطئ ووقفت علي عتبه الباب وهي بتتلفت يمين وشمال بتوتر وخوف ....
-قفشتتتك
نور بفزع: عاااااا سلام قولا من رب الرحيم هش هش انصرف
اخت نور وهي بتقفل عينيها نص قفله : لا مؤاخذه في السؤال ؟ لا مؤاخذه في ايه في السؤال ؟ هو انتي عامله ايه في وشك عشان ينور كده ،لا ولابسه فستان جديد اشترتيه أمتي ده كمان ؟ اممممم بقيتي تشتري حاجات من ورايا عشان ملبسهاااش وكده اممممم ،وايه الشنط ديه كلها ؟! اكيد كلهم اكل اه اصل انتي بتعشقي الاكل زي عينك ده القبض بتاعك كله بتجيبي بيه اكل وياريت بيبان عليكي ....
نور بذهول : هشش هشش ايه بالعه راديو ؟!!!
اختها : لاااا مانا لازم افهم حالا بالا
نور وهي بتبلع ريقها بتوتر : ا انا هفهمك
اختها برفعه حاجب: فهميني
نور : ه هقولك
اختها بابتسامه صفراء : سامعاكي
نور : ط طب تعالي معايا الأوضه بتاعتي وانا احكيلك ..
بعد مرور ربع ساعه
اخت نور وهي بتش*هق ب*عن"ف : يعني انتي عايزه تفهميني انك هتلعبي علي ريان وتشغيله عشان يحبك ؟!
نور وهي بتتنهد : ايوه
اختها بعصبيه : انتي اتجننتي ؟! انتي اصلا ازاي توافقي علي حاجه زي كده ايه ياست الدكتوره مالك كده فين عقلك وادبك اللي الكل بيحلف بيه ،فين الدين اللي اتعلمتيه انتي متعرفيش أن ال*كذ*ب ح*رام متعرفيش اصلا أن كلامك معاه وأنه لو فكر فيكي يبقي حرا*م ؟! متعرفيش غض البصر ،انا يومها كنت مستغربه انتي ازاي اصلا قولتي الكلام ده لواحد غريب ومحرم عليكي ! حطي عقلك في راسك يانور مت*غضبي*ش ربنا عشان واحد احتمال كبييير جدا جدا ميحبكيش لأن في قلبه غيرك وتأكدي أن ربنا مش هيزرع حبك في قلبه لان انتي كذابه اتعرفي أن في نهايه المطاف مش هتجلبي لنفسك حاجه غير التعب والق*هر زي المره الاولي وقصه الحب اللي كانت بينك وبين واحد زميلك من ورانا ...
كانت قاعده نور تسمعها وهي حاطه وشها في الأرض وبتسمع بشرود ومع كل كلمه اختها بتقولها كانت تستغرب حالها بالفعل !
هي ازاي بتعمل كده ،ازاي من بعد التزام سنه في الصلاه واللبس وغض البصر يجي هو في لمح البصر يغير حالها لحال تاني كله غل*ط في غل*ط !!
استغربت جرائ*تها وكلامها استغربت تفكيرها الزياده فيه وفي عيونه اللي سحرتها من النظره الاولي وكأن مفيش عيون في الدنيا غيره
ازاي في لحظه الشيطان قدر يغلبها بعد ما كانت هي غلبته سنه كامله بدون ما تعمل غل*ط ...
متنكرش ابداً أن هي كتير بتعمل غل*ط لكن كانت تستغفر ربنا لأن محدش معصوم من الغلط وربنا غفور رحيم ...
اختها وهي بتقرب منها وبتمسح دموعها اللي نزلت علي خدها من دون وعي : نور حبيبتي انا اسفه لو كلامي زعلك بس انا بحبك وعايزه مصلحتك
نور وهي بتترمي في حضنها وبتعيط بحر*قه : انتي مقولتيش حاجه غلط انا مش عارفه انا ازاي وافقت علي حاجه زي كده ...
اختها وهي بتبتسم بهدوء : كلنا بنغلط يانور محدش معصوم من الغل*ط بس لازم نصلح الغل*ط قبل فوات الاوان صح ولا ايه ؟؟
نور وهي بتهز رأسها : صح ا انا انا بكره هقول لدكتور نرمين اني مش هكمل في اللعبه ديه ..
اختها بابتسامه واسعه : اشطر كتكوت في الدنيا
نور بحب : انا بحبك اوي ياميان ربنا يخليكي ليا
ميان وهي بتحضنها: ويخليكي ليا ياروح قلبي ..
..................................................
يعني ايه يانور مش هتكلمي في اللعبه ديه هو لعب عيال ولا ايه ؟!
نور وهي بتتنهد : انا اسفه يادكتور نرمين بس انا فكرت كتير اوي وعرفت أن انا كده بكذب علي واحد عشان اوقعه في غرامي وعرفت أنه استحاله يحبني لاني مش من مستواه ولا نوع البنات اللي ممكن يحبها وعرفت أن اللي كنت هعمله هيزعل ربنا مني لاني هعمل حاجه مش صح وحرام ،دكتور نرمين اتمني تفهمي موقفي ومتزعليش مني ،واتمني كمان تسيبي الدكتور يختار حياته بنفسه هو كبير وعاقل وقادر يحدد إذا كانت رانيا كويسه ولا مش كويسه حاولي تقنعنيه للمره الآخيره اقتنع كان بها مقتنعش يبقي اللي بيشيل اربه مخرومه بتخر علي دماغه انا اسفه لو كلامي زعلك يادكتور نرمين بس انا بحبك ومش عايزاكي انتي كمان تعملي حاجه غل*ط وتندمي عليها في الآخر ...
نرمين وهي بتتنهد بحزن : انتي عندك حق يانور هزعل من ايه ؟!
نور بابتسامه رقيقه وهي بتمد ايديها لنرمين بظرف : طب عن اذنك اتفضلي
نرمين باستغراب : ايه ده ؟!
نور : ده حق الهدوم اللي جبتهالي امبارح وحق البيوتي سنتر
نرمين بزعل : اخس عليكي يانور انتي بتقولي ايه انا استحاله أخد منك الفلوس انتي زي بنتي ..
نور بتوتر : ش شكرا يادكتور ربنا يخليكي ب بس يعني دول كتير اوي
نرمين بابتسامه : مفيش حاجه تكتر عليكي يانور انتي زي بنتي وانا ربنا يعلم انا بحبك قد ايه
نور : ده انا بحبك قدددد البحر وسمكاته
نرمين : ههههه طب يالا يالمضه يالا روحي علي شغلك
نور : لا مؤاخذه في السؤال لا مؤاخذه في ايه ؟! في السؤال هو الضاكتور مش هيشتغل مكانك ؟!
نرمين بحزن : لا يانور ريان سايب البيت من امبارح عشان شدينا انا وباباه وأخوه معاه بسبب الموضوع إياه ...
نور وهي بتتنهد بحزن : معلش أن شاء الله يسيب الس"حليه اللي بيحبها
نرمين : هههههههه والله عندك حق هي شبه الس*حليه فعلا استني استني هوريكي صورتها ...
قالت جملتها وهي بتفتح الفون وبتجيب صوره رانيا وبتوريها لنور ..
نور بقرف : ايه ده ديه هي شعرها عامل شبه الغوريلا كده ليه ،وايه ده كمان يالهوي هي لابسه ريش ديه شويه وهتقلب فرخه ،وايه شعرها ده كمان لونه اصفر فاقع شبه الكتكوت ايه ده لابسه كعب خمسه سم ده انا بقع بالكوتشي هي اصلا طويله تقوم تلبس كعب ديه شويه وهتنافس برج خليفه ولا الراجل ابو عصايه اللي بيبقي في المولد .... هي مالها رفيعه كده ليه هي مش بتاكل محشي زينا؟!
نرمين بتوتر وهي بتبص ورا نور علي ريان اللي دخل من غير صوت وهو بيشاور لمامته متتكلمش
- احم خلاص يانور ياحبيبتي ا اتفضلي علي شغلك
نور وهي بتكمل كلامها : لا لا استني بس ايه ده ديه شبه البنات اللي بشوفها في صلاه العيد يالا ملناش دعوه بحد حرام النم ...
-ملناش دعوه بحد بعد ما قط*عتي فروتها؟!
نور وهي مبرقه وبتبلع ريقها وهي بتقول بهمس وخوف وهي بتبص لنرمين : ءنا اعمل ايه ؟؟
ريان وهو بيتنهد وبيقعد علي الكرسي اللي قدامها وبيقول بهدوء : كنت عايز اتكلم معاكي شويه ياماما
نرمين بزعل مصطنع : اتفضل يا دكتور ريان
ريان وهو بيبص لنور بضيق: علي انفراد
نور بحرج : ا احم ط طب انا همشي بعد اذنك يادكتور هروح دلوقتي عشان عندي مشوار
نرمين : تمام يانور خلي بالك على نفسك ياحبيبتي
نور : حاضر
خرجت نور من هنا ونرمين بصت لريان وهي بتقول بضيق
-طول عمرك هتفضل دب*ش كده ؟؟
ريان باستغراب : ليه انا عملت ايه يعني؟؟
نرمين : كده تحرج نور ؟!
ريان بضيق : ماهي اللي غبيه يعني المفروض تفهم !
نرمين وهي بتبصله بضيق : المهم عايز ايه ؟!
ريان وهو بيتنهد بحزن : انا سيبت رانيا
نرمين برفعه حاجب : سيبت رانيا ؟!
ريان : خطوبتها الخميس اللي جاي
نرمين: هي لحقت تسيبك عشان تتخطب ؟!
ريان وهو بيحط رأسه بين أيده الاتنين بتعب : الظاهر أن كلامكم كان صح
نرمين وهي بتقوم وبتقرب منه بقلق : ولا تزعل نفسك ياحبيبي بكره اجوزك ست ستها هي اصلا متستاهلكش ...
ريان بسخريه: اومال مين اللي يستاهلني الدكتوره نور اللي عايزاها تلعب عليا ؟!
نرمين بتوتر وهي بتفرك ايديها : ها ا ايه الكلام ده نور ؟! نور متعملش كده اصلا نور بنت محترمه وبنت ناس ...
ريان : عمومنا جاي هنا عشان اقولك انا هستلم الشغل مكانك من بكره
نرمين بفرحه : بجد
ريان : ايوه عن اذنك انا هروح انام عشان منمتش من امبارح
نرمين : ماشي ياحبيبي
نرمين في نفسها : يارب ازرع حب نور في قلبك ياريان يابني ...
..................................................
في مكان تاني وخاصه في المول كانت واقفه نور قدام الفساتين بتدور علي فستان معين شافته علي النت وعجبها اوي ....
-يارب ايه الحظ ده ليه مش موجود يعني ؟!
حضرتك بتدوري علي حاجه معينه يافندم ؟!
نور وهي بتلف لمصدر الصوت ...
-ايوه حضرتك بس الظاهر كده أنه مش موجود
-نور ؟!
لفت نور لمصدر الصوت وهي مبرقه عينيها بصدمه من الشخص اللي واقف قدامها واللي مكانتش تتوقع ابدا انها تقابله ولا كانت تتمني صدفه تجمعهم عشان مترجعش تاني لنقطه الصفر !
هشام بفرحه : ازيك يانور وحشتيني
نور بتوتر : هه ا الحمد لله عن اذنك
هشام بلهفه: نور استني بقولك وحشتيني
نور بحده: لو سمحت ياهشام ميصحش اللي بتقوله ده انا واحده مخطوبه دلوقتي عن اذنك
هشام باستغراب : انتي اتخطبتي؟!
نور بتوتر وهي بتبص في كل مكان ماعدا عيونه : ا ايوه
هشام بسخريه : وياتري مين بقي سعيد الحظ؟!
نور : ميخصكش ياهشام ولو سمحت سيبني امشي لأن وقفتنا كده متصحش !
قالت جملتها ومشت من قدامه وهو واقف ندمان أنه ضيعها من أيده بغب*ائه؟
لكن يفيد بأيه الندم ؟! ساعات كتير الندم مش بيزود غير الوجع والقه*ر وعمره ما يرجعنا للي كان لان اللي راح مش بيرجع زي اللي بيتك*سر مش بيتص*لح وزي اللي بيموت مش بيح*يا مره تانيه !
مش هنرجع ؟!
- لا ي سيدي.
لسه عايزك !
- مش بإيدي
نفسي اشوفك
- لا خِلصنا
الكافيه دايما ناقصنا
الحقيقه المره والم*وت المفاجئ، كل مره بتمشي بتفاجئ !
..................................................
في مكان تاني وخاصه في كافيه علي البحر كانت قاعده نور وقدامها الهوت شوكلت اللي بتعشقه وهي بتبص علي امواج البحر العاليه ونسمه الهواء في أوائل فصل الشتا بتخبط في وشها ،دموعها نازله علي خدها وهي بتفتكر اللي حصل من سنه فاتت في نفس المكان ونفس الطربيزه بالتحديد ....
فلاش باك
هشام :نور انا مش هقدر اكمل
نور بلهفه وقلق : ليه ياهشام انا عملت ايه؟!
هشام وهو بيهز رأسه بنفي : ا انتي معملتش حاجه
نور بدموع : اومال ليه مش هنكمل ؟!
هشام وهو بيتنهد : انا اسف يانور بس انا خطوبتي علي بنت خالتي يوم الخميس اللي جاي
نور بذهول : ط طب وانا ؟!
هشام وهو بيهز رأسه بقله حيله: انا اسف غصب عني
نور بزعيق ودموعها نازله زي الشلال : غصب عنك !!! هو ايه اللي غصب عنك ها رد عليا ايه اللي غصب عنك ياهشام ،انت ح*قير بكر*ه*ك بكرر*ه*ك ومش عايزه اشوف وشك تاني ياحي*وان ياحق*يرر
قالت جملتها وقامت مشت من قدامه وهي مش شايفه قدامها من كتر الدموع والصدمه والآحري القهر !
باك
-كنت متأكد انك هنا
نور وهي بتتنفض من مكانها بفزع : ه هشام ا انت ايه اللي جابك هنا ؟!
هشام وهو بيقعد قدامها وبيتنهد تنهيده طويله: عارف انك متخطبتيش ولا حاجه
نور بشراسه وهي بتمسح دموعها بقوه: ميخصكش ولو سمحت سيبني في حالي انت عايز مني ايه تاني ؟!
هشام : بحبك يانور انا سيبت بنت خالتي
نور وهي بترفع رأسها بكبرياء: وانا مش بحبك انا بحب خطيبي
هشام بعصبيه: انتي ك*دابه انتي اصلا مش مخطوبه !!
نور بتحدي: لا مخطوبه وهثبتلك حالا
قالت جملتها وهي بتبص علي ريان اللي كان داخل من باب الكافيه بالصدفه ...
قربت منه وراحت وقفت قدامه وهي بتقول بدموع
-ريان ساعدني
-باستغراب: انا يحي اخو ريان التوأم انتي
نور وهي بتقاطعه بلهفه : أياً كان لكن ارجوك تساعدني
يحيي : طب اساعدك في ايه ؟!
نور وهي بتتنفس بسرعه وهي بتبص علي هشام اللي كان واقف بعيد ومربع أيده وهو بيبصلها برفعه حاجب
-ا ارجوك تمثل معايا انك خطيبي
يحيي باستغراب : ليه مش فاهم
نور بتوتر ولهفه: مثل معايا بسرعه مفيش وقت للتفسير
قالت جملتها وهي بتشده من أيده وبتروح نحيه هشام وهو مش فاهم اي حاجه !
نور بتوتر : ا ا احب اقدملك خطيبي
هشام ببرود : اهلا يا استاذ
يحيي بابتسامه صفراء : يحيي ،مين ده ياحبيبتي ؟!
نور بتوتر وهي بتبلع ريقها وبتفرك ايديها : د ده
هشام بسرعه : انا هشام كنت زميلها في المدرسه ،الف مبروك يانور ربنا يسعدك عن اذنكم ..
قال جملته ومشي من قدامهم بأقصي سرعه لأنه خ*اف من نظره يحيي ونبرته الحاده وهو بيسأل عنه ،هو مش حمل خن*اق وصر*اع*ات ،وكأن الحب اللي كان بيتكلم عنه من ثواني حب مزيف !
أما عن نور وقفت تبص لآثره بدموع وقه*ر
يحيي بحزن : انا مش فاهم اي الموضوع لكن اياً كان مفيش حد يستاهل دموعك ابدا
نور بدموع : ا انا اسفه اني ورطتك
يحيي بابتسامه هادئه: ولا يهمك ياستي
نور بتلقائية: اومال هو مش زيك ليه؟!
يحيي برفعه حاجب : هو مين ؟!
نور : اخوك ، علي طول مكشر ومش طايق نفسه
يحيي: ههههه ريان ؟! لا ده العادي بتاعه بس هو طيب والله لو عرفتيه هتحبيه
نور : لا ياعم اعرفه ليه مش عايزه اعرفه
يحيي : صحيح أنتي تعرفي ريان منين؟!
نور وهي بتتنهد : كشفت عنده في العياده مره واكتشفت أن دكتور نرمين اللي بشتغل عندها تبقي مامتكم
يحيي : ايه ده انتي نور ؟!
نور بتلقائية: اوديكي فين ياشهره
يحيي: هههههههه الست الدكتوره ملهاش سيره غيرك
نور : اتاريني ليل نهار بكح
يحيي : تعرفي انها بتحبك اوي؟!
نور بابتسامه رقيقه: وانا كمان بحبها اوي ربنا يخليهالك
يحيي : يارب ا احم تسمحيلي اعزمك علي هوت شوكلت بدل اللي برد ده ؟!
نور وهي بتبص علي الهوت شوكلت بتاعها اللي مشربتش منه غير بوق واحد واتنهدت بحزن
-مش بحبه
يحيي: اومال طلبتيه ليه ؟!
نور : من اليوم اللي سبت فيه هشام وانا مبقتش احب*ه لانه نفس المشروب اللي طلبه وهو بيقولي مش هينفع نكمل مع بعض وفي نفس الكافيه وخاصه في نفس المكان ،جيت هنا عشان احاول أبين نفسي شجاعه واتعايش لكن الظاهر اني ض"عيفه واوي كمان ،عن اذنك يا استاذ يحيي انا تعبانه ومحتاجه اروح وشكرا علي اللي عملته ..
قالت جملتها وطلبت الشيك ومشت من قدام يحيي اللي كان واقف يبص لآثرها بحزن وهو بيهز رأسه بشفقه
..................................................
تاني يوم الصبح صحت نور من النوم وهي مقرره ترمي كل حاجه ورا ضهرها مقرره تكون نور تانيه خالص مقرره تنسي وتعيش يمكن من يومين بس كانت لسه بتفكر في هشام وبتفكر في حرجه ليها !
لكن لما شافته حست احساسيس غريبه لاول مره تحسها حست بالخ*وف النف*ور حست بالك*ره هي ازاي كانت معاه ازاي كانت بتحبه وهو ولا مره حسسها بالأمان أو الحب ،للدرجادي مرايه الحب عاميه!!
انك تحب ومتتحبش انك تكون خاي*ف لكن متبينش انك تفسر كل افعال اللي بتحبه حتي لو أفعال مؤ*ذيه علي انها مش مقصوده ،انك تعيش طول الوقت في حيره وخ*وف ومش بتبين ده ولا بتقول لحد خو*فاً علي مشاعر شخص هو نفسه مش بيراعي مشاعرك معقوله يكون حب ولا مجرد تعلق ولما فهمت حقيقه اللي قدامك راح لحاله !!
اتنهدت نور وهي بتلبس الطرحه بتاعتها قدام المرايه وهي بتحسم الجدل في الموضوع ده وبتفسره علي أنه كان تعلق وبس ومفيش حاجه من اللحظه ديه اسمها هشام في حياتها ....
بعد شويه كانت واقفه قدام موقف العربيات مستنيه عربيه عشان توصلها للشغل ....
وصلت الشغل ودخلت كالعاده من غير ما تخبط الباب
-صباح الخير يا...
قطعت جملتها وهي بتبص علي ريان اللي كان قاعد علي المكتب وسانده أيده الاتنين علي طرفه وهو بيبصلها ببرود ...
نور بتوتر : د دكتور ريان
ريان ببرود : اخرجي
نور باستغراب : نعم ؟!
ريان وهو بيحط رجل علي رجل : اخرجي خبطي الباب واما اسمحلك تدخلي يبقي تدخلي
نور وهي بتلوي بوقها: ايه جو الابتدائي ده ؟!
ريان بحده : عاجبك ولا أجيب غيرك ؟!
نور وهي بتبصله بغي*ظ: بعينك مش همشي من الشغل
ريان بغرور : يبقي تعملي اللي بقولك ايه
نور وهي بتخرج وبترطن بضيق وهي بتقفل الباب : نسال الله الخلاص عشان انا خلاص
ريان بصوت عالي : سمعتك علي فكره
نور بخفوت : نينيني
خبطت الباب وبعد دقائق سمحلها تدخل
نور وهي بتفتح الباب بابتسامه صفراء : ادخل ؟!
ريان بابتسامه صفراء : ادخلي
نور: ا احم شكلك كده نويت تمسك الشغل مكان الست الدكتوره
ريان بسخريه: لا ماشاء الله ذكيه
نور بفخر : طول عمري
ريان وهو بيضحك علي تعبيرات وشها: طب يا انسه نور اتفضلي علي شغلك كل حاجه هتمشي زي ما هي مفيش حاجه هتتغير ابدا غير حاجه واحده
نور : ايه هي ؟!
ريان : التأخير انا بحب الانضباط في المواعيد وأما تيجي تدخلي تخبطي الباب
نور بجديه: تمام يادكتور
ريان وهو بيتنهد: تمام اتفضلي
-ريان ريان حبيبي انا قالبه الدنيا عليك وحشتني اوي
نور وهي بتلف لمصدر الصوت وهي بتقول بعفويه وابتسامه واسعه : ايه ده سح*ليه انا طول عمري اسمع عنها انما اول مره اشوفها علي الحقيقه !
ريان وهو بيحاول يكبت ضحكته علي كلام نور وقال بجديه
-انتي ايه اللي جابك هنا يارانيا ؟!
رانيا بدموع مصطنعه: ريان اسمعني ارجوك ا انا هفهمك كل حاجه
ريان وهو بيبتسم ابتسامه صفراء : لا انا اللي هفهمك ياروني مش انا وماجد وصلاح وعمر كلنا صحاب ؟! ايوه متستغربيش بصراحه كده يعني انا لما صلاح ارتبط بيكي قولتله انك مش كويسه وهو مكنش مصدق قولتله هثبتلك واتفقنا كلنا نكلمك في نفس الوقت وانتي ماشاء الله قدرتي تثبتي دور البنت الشريفه العفيفه لدرجه ان صلاح قط*ع علاقته بينا بس احنا مسكتناش وقولنا هنكمل اللعبه عشان نلحق صاحبنا من سم الافعى تعرفي بقي أن النهارده صلاح شاف وسمع كل حاجه ؟! لا هو انا مقولتلكيش مش احنا كنا بنسجل؟! أما بقي حوار اني كنت عايز اخطبك فده عشان أثبت لصلاح انك في ثواني هتبعيه وبالفعل كنتي هتبعيه بس اتلحق معلش بقي ياروني جود لاك المره اللي جايه أن شاء الله تقعي مع عريس حلو وغني يالا برا
رانيا بذهول وهي بترفع ايديها عشان تض*ربه : اه ياحيو*انا**ااات
ريان وهو بيمسك ايديه قبل ما تلمس خده : توء توء براحه علي نفسك ياقطه الع*صبيه مش حلوه عشانك وانتي حامل
رانيا بصدمه وتوتر : ح حامل ايه ا انت بتقول ايه!!!
ريان ببرود : يالا من هنا وصدقيني لو ق*ربت*ي من حد تاني من صحابي مش هرحمك يارانيا فاهمه؟!
قال جملته الآخيره بتح*ذير شديد وهو بيبص في عيونها
رانيا بخوف وتوتر : ح حاضر
قالت جملتها وخرجت تجري بخوف ونور واقفه فاتحه بوقها بصدمه وذهول
ريان وهو بيحط أيده في جيبه : اتفضلي علي شغلك يانور
نور بذهول : ده حاجه ولا في الافلام ياجدع يعني ح*ربوقه طلعت حر*بو*قه بصحيح ؟!
ريان بضحك : ااه
نور بابتسامه : لا بس جدع عجبني حبك لصاحبك وتضحيتك عشانه ربنا يخليكوا لبعض عن اذنك
ريان بسرعه وتوتر : ن نور
نور بتوتر : ن نعم يادكتور ؟!
ريان : ا احم عينك اخبارها ايه دلوقتي ؟!
نور بابتسامه رقيقه :الحمد لله بقت احسن
ريان : ا احم طب يعني انا كنت عايز ادخل الفرحه علي قلب مسلم تفتكري ازاي ؟!
نور بعفويه: ممكن تتبرع بفلوس بهدوم تتبرع بمكان تعمله دار أيتام ممكن ...
ريان وهو بيقاطعها: بس بس ايه هو انا بقولك عايز ادفع صدقه
نور : اومال ايه؟!
ريان وهو بيتنهد : احنا جاين النهارده نشرب عندكم شاي
نور بغباء : تنور بس ليه انتوا معندكوش شاي في البيت
ريان : نور انتي شكلك كده غبي*ه ياحبيبتي انا جاي انا واهلي نتقدملك عشان انا اتنيلت علي عيني وحبيتك معرفش أمتي وازاي بس اهو حبيتك وخلاص وياريت بقي تتنيلي تروحي علي شغلك عشان جالي الضغ*ط والسكر
نور وهي بتلف ووشها احمر وبتغني عشان تداري كسوفها من اللي سمعته
-بيعاملني بطيبه واحساس وبيدلعني قدام الناس ....
بليل راحوا اتقدموا لنور اللي وافقت من غير نقاش لأن هي كمان كانت معجبه بريان نوعاً ما لا ياجماعه انا بكذ*ب هي حبته من اول ما شافته اصلا ها اي تاني
نور : افتح الفيس
ريان باستغراب : ليه ؟!
نور : افتح بس
فتح ريان كانت نور باعتاله ادد وهو قبله ثواني وعملت ريليشين مجنونه زيها
"وها قد اتي خضر حسنين الجبالي وبحوزته والده وقفص دجاج لخطبه سوسو لولولولولولولولي 😂❤️"
ريان وهو بيضحك : بقي انا خضر ؟!
نور : واحلي خضر
ريان وهو بيبص في عيونها : سوسو يابا مانت عارفها بحبها اكتر من امي وأبوي ...
جواكي نقاء مابقاش موجود
حتى جمالِك السر وراه
إنك عاملاه من غير مجهود
مش محتاجه لمكياچ ولا لون
ولا محتاجه لوقفة مرايات.
تمت بحمد الله