رواية الاخ الاكبر
الفصل السابع والخمسون 57
بقلم حبيبه
وصل فارس لبيت محمد. كان يرتدي قميص بيچ على بنطلون ابيض وبيده علبه مغلفه ببراعه من الشيكولاته وبوكيه ورد 🌷..
مد محمد يده ليصافحه: اهلآ يافارس اتفضل اتفضل منور
#دخل فارس والقى تحية الاسلام. على الجالسين..
اسلام: اهلاً يافروس منور
عز: فروس يابيئه
فارس: هههههه
ناديه: بس ياواد منك ليه سيبوه يقعد اتفضل يابني
فارس بأبتسامة هادئه: حضرتك والدة روح
ناديه: ايوه
فارس: اتشرفت بيكي يا ا اا يا اا
ناديه بهدوء: خليها ماما ناديه احسن
فارس بسعادة: حاضر يا ياماما ناديه بجد شرف ليا اني اتعرفت عليكي....
ناديه: ربنا يخليك ياحبيبي اتفضل
#جلس فارس وبجانبه محمد وعز واسلام ومقابلهم ناديه ظل فل فارس صامتآ بعض الوقت حتى كسر اسلام ذلك الصمت الذي طال..
اسلام: احنا بنام بدري يافارس على فكره انطق يابني واخلص
#تأوه اسلام اثر تلك الوساده التي صدمت وجهه..
محمد: ماتبس ياذفت انت
عز: هههههه هههههه ماتحطش في بالك يافارس دا اسلام عادي
ناديه: يارب صبرني علي الاهبل ده
ابتسم فارس بهدوء على تلك العائله اللطيفه التي احبها
فارس: احم بصراحه انا بس كنت متوتر شويه علشان عمري مااجتمعت مع عيله خالص اسف
ناديه بعطف على ذلك المسكين: ولا يهمك ياحبيبي اعتبرنا ذي اهلك
فارس: الف شكر
اسلام: ياواد اتكلم في المفيد يالا
فارس: ههههه حاضر بصراحه انا جاي اطلب ايد الانسه روح احمد السيد بدايتآ كده انا اسمي فارس
طالب جامعي اخر سنه ان شاءلله والدتي ووالدي موجودين ربنا يعطيهم الصحه والعافية بس انا مش من معنوياتهم بس مهتمين بيا اوي ماديآ دادا فتحيه هيا اللي اهتمت بيا من يوم مااتولدت لحد الان
وكده انا قولة كل حاجه عني ماخبيتش حاجه علي حضرتكم...
ناديه: بتشتغل يافارس يابني
فارس: احم ايوه ياامي بصراحه ماكنتش حابب ان اهلي يصرفوا عليا لحد الان فا علشان كده بشتغل شغلانه صغيره كده مؤقته بجانب جامعتي تساعدني بس لحد مااتخرج اتطمني ياخالتي انا مش من اللي يحبوا يبقوا عاله على اهلهم
ناديه: بص يابني انا مش هاممني اذا كنت غني ولا لاء ولا الدهب والكلام ده مادام قادر تدخل قرش وتشيل حمل بيت على كتافك ده اهم. حاجه عندي والاهم عندي انك تحب بنتي بجد وتراعي فيها ربنا سبحانه وتعالى وتخليها مبسوطه وتستحمل مزاجاتها بنتي طيبه طيبه اوي بس صعب اللي يفهمها
فارس: اتطمني روح هاحطها فوق راسي قبل مااحطها في عيني هاتبقى بنتي قبل حبيبتي هاتبقى امي وصاحبتي واختي وابويا وكل عيلتي عمري ماهاكون سبب حزنها ابدآ وعد منى قدام ربنا سبحانه وتعالى ان شاءلله افضل راسم الضحكه على وشها
ناديه: وده اللي يهمني ياحبيبي بس اهم حاجه انك تلتزم بالوعد ده وتكون قده...
فارس: ان شاءلله هاكون قده ياامي ان شاءلله
ناديه: تمام ياحبيبي بعد اذنكم
#ذهبت ناديه واحضرت لهم العصائر وبعض المقبلات الخفيفه ثم تركتهم وذهبت لغرفة روح لتأخذ برائيها...
ناديه: ها يااخرت صبري موافقه ولا لا
روح بحرج: ها
ايمان: ها ايه يابنتي انتي هاتهوهوي لسه اخلصي قولي للوليه انك موافقه
ناديه: وليه هاخلي شبشبي يسلم عليكي يابت
ايمان: حبيبتي ياندوش دا انت الحب اجدع
ناديه: هههههه ماشي كلي بعقلي حلاوه المهم رائيك ايه يابنتي
روح: ينفع اقعد معاه ياماما الاول قبل مااقول رائيي...
ناديه: تمام يابنتي تعالي معايا
#ذهبت روح مع والدتها اخذت ناديه الشباب وخرجوا وتركوا باب الغرفه مفتوح وجلسوا بعيدآ عنهم قليلآ..
روح وهي تنظر ارضآ: استاذ فارس قبل مااوافق انا ليا شروط
ابتسم فارس بحب وهدوء: وانا موافق على اي شرط وعاوز اسمعهم..
#محمد في الخارج: ماما انتي خرجتينا ليه ماكنتي سبينا جوه معاهم..
ناديه بهدوء: بس يامحمد اهدى واقعد
محمد: طب علي الاقل كنا نقوله شروطنا ياماما
ناديه بهدوء وثقه: هانقوله ياحبيبي دا لو ماكانتش اختك أصلاً سبقتنا وشرطتهم على الواد هههههه
اسلام: ياعيني دا زمانها ماسكه الواد دلوقتي وواخده غسيل وماكوه
روح: انا اهم حاجه عندي انك تستمر في صلاتك عاوزك تستحملني في كل تقلبات مزاجي مش بحب الزعيق والصوت العالي عاملني بهدوء راعي ربنا سبحانه وتعالي فيا انا عارفه انها هاتبقى خطوبه لحد مااتخرج وانت كمان تستقر ماديآ وانا قابله بس انا مش من نوعية البنات اللي تخرج مع خطيبها وكده طول فترة الخطوبه ماتنتظرش مني اكلمك في التليفون واحب فيك والحاجات دي طول فترة الخطوبه عمر ايدي ماهاتلمس ايدك حتى وفي الخطوبه اختي اللي هاتلبسني الدهب عاوزاك تشجعني اقرب من ربنا اكتر مش تبعدني عنه لو راضي بالشروط دي يبقى انا موافقه ولو مش موافق يبقى كل شيئ قسمه ونصيب
فارس: هاستحمل ياروح هاستحمل عندك وراضي بمزاجك المتقلب وبحبك بكل تلقبات مزاجك وموافق على كل شورطك واوعدك احبك وعمر حبي ليكي مايقل انا بحبك ياروح بحبك ذي ماانتي كده بحبك بكل تفاصيلك بعيوبك قبل مميزاتك والله العظيم بحبك....
روح: ومش عاوزاك تكون بتشرب سجاير ياريت
فارس: هههههه انا ماكدبش اني كنت بشربها بس اتشجعت اني ابطلها واهو الحمدلله بعدت عنها خالص واستمريت في صلاتي وان شاءلله في المستقبل نشجع بعض اننا نقرب من ربنا سبحانه وتعالى اكتر
بس وافقي وافقي انك تكوني شريكتي وافقي على عبد كان تايه وربنا هداه ورده للطريق الصح...
ابتسمت روح بحب: تمام ردي اخويا هايقوله ليك بعد اذنك
محمد: لاء مش هاقدر اقعظ اكتر من كده انا هادخل دلوقتي
اسلام: انتي غيرانه يابيضه سيماله على اللى غيرانه على اختها ياناس ياختي بطه
محمد: حد يناولني اي حاجه اضرب السكر ده بيها
اسلام: ههههه طب وحيات امك غيران يابني اقتنع هي هاتتجوز وهاتبعد عنك. هههههه
محمد: ياماماااااا سكتي الذفت ده
ناديه: هههههه هههههه بس ياااسلام مالكش دعوه بيه وبعدين يامحمد اتهد واقعد ياحبيبي هما شكلهم خلصوا وروح خارجه اهي...
روان: اخص عليك يامحمد ماشوفتش الغيره دي عليا يعني لما اتجوزت
محمد: اذاي يعني ياقلبي دا انتي اختي حبيبتي اللي بتحس بيا وبتعبي وبتفهم اللي عاوزه من غير مااتكلم دا انتي سندي وحياتي ياروحي اذاي بقى ماغيرش عليكي دا الواد عز يوم ماخدك من حضننا كنت هام و ت واروح اجيبك منه..
روان: حبيبي ياخويا ربنا يخليك ليا وميحرمنيش منك ابدا ياروح قلبي يارب...
عز: ماخلاص ياعم انت راعي اني موجود وبغير برضو لم نفسك وانتي كمان ياختي اتهدي شويه
روان: هههههه دا اخويا ياعز
عز: برضوا لاء
ناديه: يخربيتكم صدعتوني
روح: محمد
محمد: نعم ياروحي
روح: انا موافقه
محمد بسعادة: الف مبروك ياقلبي روحي انتي على اوضتك
#ذهبت روح لغرفتها وذهب محمد لغرفة المعيشه
فارس بتلقائيه وتسرع: وافقت
محمد: مو.....
اسلام: بصراحه يافارس مش عارف اجبهالك اذاي والله
#نظر محمد اليه رافع احدى حاجبيه فغمز اسلام اليه ليصمت
فارس بقلق: ي ي يعني ايه
اسلام: اصل روح لما خرجت يعني قصدي كانت متغيره كده وشكلها غريب هو انت قولتلها ايه يابني
فارس: قصدك ايه مش فاهم ه هي رفضت
اسلام: الصراحه اه
صدم فارس من رده لم يكن هذا الرد الذي ينتظره أبداً
ظن انها ستوافق ظن انها قبلت الزواج منه كيف لا وكانت ابتسامتها تدل على غير ذلك
اسلام: فارس يابني روح فين
فارس: نعم موجود اهو
اسلام: كنت بقول انها رفضت
فارس: تمام كل شيئ قسمه ونصيب هاستأذن انا بعد اذنكم....
ناديه: خد يابني هنا رايح فين انت صدقت الواد ده
فارس: يعني ايه
عز: هههههه يعني موافقين
فارس بسعادة: بجد مش بتهزر انت كمان صح
عز: اخص عليك يافارس هو انا تافه ذي الواد ده
اسلام: حبيبي يازوز تسلملي
فارس: طيب تحبوا الخطوبه امتى
ناديه: بص يابني العروسه شارطه شرط اخير هي مش عاوزه دهب مش بتحبه علشان عندها حساسيه منه هي كل طلبها انك تجبلها خاتم فضه بس
ابتسم فارس بحب: وانا عنيه ليها ياامي اللي تأمر بيه انا مستعد انفذه...
ناديه: ربنا يسعدك ويفرح قلبك يابني....
#ذهب فارس بعد ان اتفقوا على كل شيء وتمت تحديد ميعاد الخطوبه الخميس القادم ذهب والسعادة تغمر قلبه لم يصدق انها قبلت به وسوف تصبح له فقد احبها....
#انتهى اليوم وذهب عز واسلام لمنازلهم
ظلت روح في غرفتها تتذكر كلام فارس لها واعترافه بحبه وكم ودت لو تخبره انها ايضآ تحبه...
#في غرفة محمد كان قد انتهى من تجهيز فراشه بينما خرجت مريم من الحمام ترتدي منامه صيفيه قط وبنطلون برموده وتركت لشعرها العنان لم تكن ترى تلك العيون التي كانت تنظر لها بأنبهار...
#لاحظت مريم نظرات محمد لها فنظرت له بأستغراب ظلت تلوح امام عينيه..
مريم: محمد محمد انت يابني
انتبه محمد اليها: ها نعم ايه
مريم: فينك روحت فين ايه اللي شاغل بالك
محمد: لاء مافيش انا موجود اهو بس ايه اللي انتي لابساه ده...
نظرت مريم لثيابها: مالها هدومي مش فاهمه
محمد: ملهاش بس اول مره تلبسي كده قدامي
ابتسمت مريم: لاء عادي بس حرانه وبعدين عادي هو مش احنا متجوزين ولا ايه
محمد: بس انتي عارفه احنا متجوزين ازاي ومعتبرين اننا اصحاب
مريم: معتبرين بعض اصحاب دي بينا بس قدام ربنا سبحانه وتعالى مراتك ومش حرام يعني حتى لو لابسه كده...
محمد: بس....
مريم: مابسش خلاص بقى انا تعبانه وعاوزه انام انت مش عاوز ترتاح ولا ايه
محمد: اه عاوز انام
مريم: طيب تصبح على خير بقى
محمد: وانتي من اهل الخير
#اخرج محمد تلك الصوره من تحت وسادته تحدث معها قليلآ...
محمد: عارف اني قولتلك الكلام ده كتير بس هاقوله تاني وحشتيني ياعمري لسه حبك في قلبي يانور وعمر حبي ليكي مايقل يلا ياقلبي تصبحي على خير
#كانت مريم تستمع لكل هذا وقلبها ينفطر حزنآ على حديثه لنور بحبه وعن مدى عشقه لها ازالة دمعه حزينه هبطت منها ودعت لربها ان يتحمل قلبها كل هذا....
♡♕♕♕♕♕♕♕♕♕♕♕♕♕♕♕♕♡
أغلبنا في السجود بنقول "سبحان ربي الأعلى ، سبحان ربي الأعلى ، سبحان ربي الأعلى"
فيه حاجه مهمة جداً نقدر نضيفها وهي سنة مهجورة عن النبي صلى الله عليه وسلم
ويا بخت الي يحيي سنة عن النبي
وهو دعاء جميل جداً
"اللهم لك سجدت ، وبك آمنت ، ولك أسلمت ، سجد وجهي ، للذي خلقه وصوره ، وشق سمعه وبصره ، تبارك الله أحسن الخالقين"
فـ ياريت تحفظه وتدعي بيه في سجودك ♥️
♡♕♕♕♕♕♕♕♕♕♕♕♕♕♕♕♕♕♕♡
مرت الايام وحان ميعاد الخطوبه.....
روح: مامااااااااااااااااااااااااا
ناديه: في ايه يابنت المج ا نين جرستينا
روح: انتم ناوين تعملوا الخطوبه ازاي ياوليه
ناديه: عادي ذي اي احد بس علشان رمضان هانعملها هنا في الشقه وبس
روح بحماس: اشطا هاخد مريومه وندى وانزل اجيب بلالين وحاجات كده لزوم التزيين..
ناديه: لاء خدي مرات اخوكي وسبيلي ندى تساعدني في البيت مريم من ساعت مااتجوزت وهي مابتخرجش غير لو راحت السوبر ماركت خديها معاكي واخرجوا جيبوا اللي تحبوه وارجعوا بس بلاش تطولوا ياروح
روح: خلاص ماشي هي مريم فين اما اقولها تجهز
ناديه: روح يابنتي عاوزه افكرك اننا هانعمل الخطوبه بين العيله بس يعني مش هانعزم دي هاتبقى عائليه بس ماشي ياحبيبتي...
روح بهدوء وحب: طبعاً ياماما فاكره وراضيه ومبسوطه كمان وحامده ربنا سبحانه وتعالى
ناديه: ربنا يباركلي فيكي يابنتي وفي عقلك اللي طلع موجود فجأه ده...
روح: دايما رافعه معنوياتي ياناديه
ناديه: طبعاً ياقلبي يلا روحي كلمي مريم في التليفون هي في شغلها دلوقتي شوفيها كده تعرف تيجي معاكي ولا لا
روح: اشطا يامزه