واية الاخ الاكبر الفصل الثامن والخمسون 58 بقلم حبيبه

رواية الاخ الاكبر

الفصل الثامن والخمسون 58

بقلم حبيبه

ذهبت روح لغرفتها تبحث عن هاتفهها الذي وكالعاده نست مكانه 

روح: يووووه راح فين بس انا فاكره اني رميته هنا 

ولا هنا لاء باين هنا يوه بقى شكلي نسيت مكانه 

#ثواني وجائتها مكالمه بحثت روح خلف الصوت حتى وجدته 

روح: لقيتك يامدوخني هوووف الووووووووو

فارس: يخربيت صوتك ايه يابنتي براحه خرمتي ودني 

روح: فااا.. قصدي انت 

فارس: ليه الرخامه كنتي كملي الاسم يابنتي 

روح بأستغراب: اشمعنا يعني 

فارس: عادي كنت حابب اسمع اسمي منك 

روح بتوتر: هه هو هو انت بتتصل ليه خير في حاجه 

فارس: بصراحه كنت بتصل علشان اقولك اني بحبك 

#اخذت طبول قلب روح تقرع بخجل شديد ظلت صامته لم تقوى على التحدث ولو بكلمه. تود التحدث ولكن تشعر وكأن لسانها قد شل .. 

فارس: عارف انك مش هاتردي عليا هو انا مش عارف انتي بتحبيني ولا لاء بس اوعدك اني هاحبك وافضل وكل يوم حبي ليكي هايزيد عن اليوم اللي قبله اوعدك اني هاغمرك بحبي ليكي.. 

روح:............... 

فارس: انا اسف لو ازعجتك بكلامي  بس حبيت اعترف بحبي واني بحبك والله العظيم بحبك ومع الوقت ان شاءلله هاثبت حبي ده ليكي وهافضل مستني اسمعها منك هاصبر وهاستنى مهما تطولي برضو هاستناكي يلا هاقفل دلوقتي واشوفك بعد الفطار علشان خطوبتنا سلام ياقلبي السلام عليكم ورحمة الله وبركاته 

#اغلقت روح الهاتف ووضعت يدها على موضع قلبها: يالهوي يالهوي هو  ايه اللي حصلي ده حاسه ان قلبي هاينفجر من دقة ده يخربيته خبطني في وشي بكلامه ده سكتني حسيت كأن لساني اتشل مش قادره اتكلم يوه بقى وبعدين انا قولة الكلام ده ممنوع دلوقتي بس حاسه اني مبسوطه اوي لما سمعت كلامه ده ليا معقوله يكون حبه ده حقيقي طبعاً حقيقي لو مش حقيقي ماكنش اتقدملي بس ثواني هو اتجنن ولا ايه هو نسي اننا صايمين  يوه بقى اعوذ بالله من الشيطان الرجيم انا هاروح الحق اشوف مريم اروحلها واخدها من السوبر ماركت احسن واهو بالمره اقول لمحمد واستأذنه.... 

♡♕♕♕♕♕♕♕♕♕♕♕♕♕♕♕♕♡

*فيه حاجات بمقدورك تغيرها و فيه حاجات خارجة عن سيطرتك*

اوعي تزعّل نفسك علي حاجة خارجه عن سيطرتك، لان دي حاجة مش ب ايد حد انه يغيرها غير ربنا. ده قَدَر. 

بس لو حاجة انت شايف انه ب ايدك ممكن تعمل مجهود و تقدر تغيرها.. هنا ممكن تراجع نفسك و تقول "ازاي اعملها المرة الجاية بالطريقة صح"

خليك حنين علي نفسك.. كلنا بَشَر 🙂🌹🦋

♡♕♕♕♕♕♕♕♕♕♕♕♕♕♕♕♕♕♕♡

كانت ايمان منهمكه في العمل وتضع كل حواسها في الاوراق التي امامها حتى اخرجها من تركيزها ذلك الصوت الانوثي... 

سوزن: هاي 

رفعت ايمان وجهها بصدمه مما راءته: وعليكم السلام ورحمة الله وبركاته تحت امرك 

سوزن: ابلغي مستر توربيني ان سوزن تريد مقابلته 

ايمان: هل يوجد ميعاد سابق 

سوزن: لا انتي فقط اخبريه اني اريد مقابلته 

ايمان: اعتذر  لا استطيع ان اسمح لكي بالدخول مالم يوجد ميعاد سابق 

سوزن: قولة لكي اخبريه اني هنا فقط

ايمان في سرها: استغفرالله العظيم واتوب اليه طب ادخلها ازاي دي بس ياربي الراجل صايم والمنظر ده غلط عليه وعلى البشريه كلها وبعدين طيب دي مصممه تدخل وشكلها مهمه وان مادخلتش هاخسر شغلي واتشلوح انا مالي انا هاعمل اللي عليا وابلغه يقبل او يرفض...... 

سوزن: انتي يافتاه 

ايمان: حسنآ سأبلغه 

#سوزن فتاه شقراء ذات عيون زرقاء طويلة القامه ترتدي فستان يصل إلى ماقبل الركبه قط ملتصق بجسدها لديه فتحه من الظهر تضع ميكاب صارخ 

#طرقت ايمان باب المكتب فأذن لها التوربيني بالدخول 

التوربيني: خير ياايمان في حاجه 

ايمان: احم في واحده مش لابسه عاوزه حضرتك 

التوربيني باستغراب: نعم يعني ايه واحده مش لابسه ايمان هو الصيام مأثر عليكي... 

ايمان: لاء والله دا حتى الجو حلو ومش حر ولا حاجه 

التوربيني: طب اومال مالك يابنتي فهميني 

ايمان بأحراج: بصراحه في واحده استغفرالله العظيم بره مصممه تدخل لحضرتك وانا مش عاوزاها تدخل علشان صيامك مايضعش حرام....... 

التوربيني: ليه كده هي مين دي اللي عاوزه تدخل ولو دخلت صيامي يضيع.... 

ايمان: هي شكلها اجنبيه اسمها سوزن 

التوربيني وقد فهم مقصد كلامها لمعرفته بسوزن وطريقة ملابسها: اااه سوزن هههههه علشان كده خايفه صيامي يضيع 

ايمان: ايوه طبعاً عينك بس تلمحها دي غلط وصيامك هايضيع حرام ....... 

التوربيني: خلاص ياستي قوليلها اني مشغول دلوقتي  وممكن اقابلها بالليل 

ايمان: بالليل ازاي يافندم الشركه بتخلص قبل المغرب بكتير... 

التوربيني: النهارده هانطول شويه ياايمان 

ايمان: لحد امتى يعني 

التوربيني: مش عارف ياايمان بس في شغل كتير اوي النهارده وعندي اجتماعات كتير في الشركه النهارده فالموظفين كلهم هاتسهر النهارده وهايبقى عمل اضافي.... 

ايمان: وانا كمان هاسهر 

التوربيني: اكيد ياايمان انتي السكرتيره تبعي وماتقلقيش ياستي فطاركم كلكم عليا... 

ايمان: طيب هاكلم خالتي في البيت واستأذنها لو سمحت 

التوربيني: تمام وماتنسيش سوزن 

ايمان: تمام حاضر بعد اذنك 

التوربيني: اتفضلي... 

                #خرجت ايمان وذهبت لسوزن#

ايمان: اعتذر   لن يستطيع مقابلتك الان لديه الكثير من العمل سيقابلك اليوم هنا سوف اهاتفك عندما يتفرغ من عمله.... 

سوزن: اممممممممم هو من قال لكي هذا 

ايمان: نعم 

سوزن: حسنآ وداعآ... 

ايمان: وماله ياختي مايضرش وداعك معاكي يالهوي نسيت اما اكلم خالتي اعرفها واستأذنها وكمان اكلم روح اتأسفلها اني هاتاخر شويه علشان خطوبتها.اشوفك ذي ماانا عاوزه يامستر توربيني... 

توربيني من خلفها: وياترى بقى عاوزه تشوفيني ايييه ياام لسان ونص انتي

ايمان بتوتر: في الحج ياباشا في الحج يارب اشوف كده بتلف حوالين الكعبه الشريفه يارب وبتدمع من فرحتك برؤيتها امين يارب 😍

توربيني بأبتسامه حنونه: امين يارب تفتكري هايسامحني على اغلاطي ويتقبلني تاني 

ايمان: هايسامح انت بس قرب منه  خطوه وربنا سبحانه وتعالى هايقرب منك خطوات 

بسم الله الرحمن الرحيم (قل ياعبادي الذين اسرفوا على انفسهم لا تقنطوا من رحمة الله إن الله يغفر الذنوب جميعآ إنه هو الغفور الرحيم) صدق الله العظيم 

...... #يعني ايه بقى ياسيدي 

قل ياايها الرسول لعبادي الذين تمادوا في المعاصي واسرفوا على ان انفسهم بإتيان ماتدعوهم اليه نفسهم من الذنوب لا تيأسوا من رحمة الله لكثرة ذنوبكم ان الله يغفر الذنوب جميعآ لمن تاب منها ورجع عنها مهما كانت انه هو الغفور لذنوب التأئبين من عباده وهو  الرحيم بهم... 

يعني انت بس عليك تتوب وتخلص نيتك لله وهو جاهز يغفرلك... 

توربيني: تسلمي ياايمان بجد انتي جميله اوي وانا بتعلم منك كتير... 

ايمان: احم احم اخجلتم تواضعي كفايه بقى هاتغر في نفسي اجدع.. 

توربيني: هههههه ماشي يامتواضعه المهم اطلبي اكل للموظفين كلهم وماتنسيش العصير ولو هاتعبك كمان بيبس بصي اطلبي انتي الاكل وخلي عمي محمد يجيب البيبيس والعصير ومش هاصويكي قهوتي بعد الفطار على طول الله يخليكي علشان دماغي ها تن ف جر... 

ايمان: ثواني بس انا هاعمل ده اذاي انا ماعرفش في هنا كام موظف وكمان ماعرفش اجبلهم ايه وكمان ماعرفش ارقام مطاعم... 

توربيني: سهله بصي ياستي اولآ دوري في اي درج عندك في المكتب هاتلاقي نوته صغننه كده في ارقام المطاعم اللي حوالينا كلها وقصاد كل رقم تخصص المطعم ده اما بخصوص عدد الموظفين اللهم صلِّ على النبي وخمسه وخميسه في عينك كده اطلبي حوالي400وجبه 

ايمان: كااااااام ودا مطعم ايه ده اللي يقدر يعملهم قبل الفطار..

توربيني: ايه يابنتي سمي الله في قلبك هانقر علي موظفيني من اولها وبعدين لسه بدري علي الفطار ان شاءلله هايلحقوا يخلصوا بصي اطلبي بيتزا لكل موظف كذا طعم تمام ومعاهم اتنين حواوشي جنب كل وجبه  يلا خليهم يشبعوا وبسرعه علشان  المطعم يلحق يجهز ووصيهم يخلصوا بسرعه ماشي 

ايمان: ماشي 

توربيني: والبيبس والعصير ياايمان

ايمان: طيب بجملتها بقى ممكن اقول لعمي محمد يجيب بلح علشان يكسروا صيامهم عليه... 

توربيني بأبتسامه: ماشي ياستي اطلبي منه يجيب اللي تحبيه المهم ابعتي ايميل للموظفين كلهم ان النهارده في عمل اضافي والفطار عليا  وماحدش يمشي تمام .... 

ايمان: ماشي حاضر 🫡

ذهبت ايمان لتهاتف خالتها اولآ.. 

ايمان: سوسو قلبي عامل ايه ياجميل

ابتسام: بخير ياحبيبتي لسه في شغلك

ايمان: اه ياقلبي كنت عاوزه استأذنك اني هاتأخر النهارده في الشغل شويه

ابتسام: تتأخري لحد امتى يعني 

ايمان: لبعد الفطار كده

ابتسام: نننعم 

ايمان: والله مش انا لوحدي دي الشركه كلها اصل في شغل كتير اوي هانشتغل اضافي غصب عني والله ياسوسو 

ابتسام: يابنتي متأخر اوي وانا بخاف عليكي 

ايمان: ماتخافيش ياحب وبعدين انتي مش واثقه فيا ولا ايه ياوليه دا انا بميت راجل

ابتسام: واثقه فيكي طبعاً بس مش واثقه في الناس وقلبي هايفضل واكلني عليكي.. 

#لم تشعر ايمان الا والهاتف يخطف من يدها ولم يكن سوى التوربيني.. 

توربيني: السلام عليكم ورحمة الله وبركاته 

معاكي رشيد مدير الشركه يافندم

ابتسام: وعليكم السلام ورحمة الله وبركاته اهلاً يابني 

توربيني: اسف لو بكلمك كده فجأه بس حبيت اطمن حضرتك على ايمان وان شاءلله وقت ماشغلها يخلص هاطلبلها عربيه توصلها لحد البيت... 

ابتسام: ايوه يابني بس يعني 

توربيني: انتي دلوقتي بتقوليلي يابني اعتبريني ذي ابنك وثقي فيا وياستي لو وصلتلك فيها خدش واحد اعملي فيا محضر وانا موافق اتحبس على ايدك ياست الكل... 

ابتسام بأستسلام: ماشي يابني ربنا يبارك فيك طيب هي هاتفضل صايمه كده.. 

توربيني: ماتقلقيش للاسف قررت افلس الشركه واضحي وافطر الشركه كلها علي حسابي مش كده بس لااااا بوشكش محفوظ بيضحي دا انا هافطرهم على بلح كمان يلا ان شالله ماعن حد حوش... 

ابتسام: هههههه ماشي يابني يجله في ميزان حسناتك يارب ويحفظك يارب ويسعدك يابني 

توربيني: ربنا يخليكي يارب 

ابتسام: يلا هاقفل انا علشان شغلكم 

توربيني: في حفظ الله ♥اي خدع ياستي اقنعتهالك عدي الجمايل.. 

ايمان: واحد اتنين تلاته

توربيني: بتعملي ايه 

ايمان: بعد الجمايل

توربيني: يخربيت السكر اللي بينقط خدي ياسكر التليفون صحيح كنت جاي اقولك جهزيلي ملف شركة (###**) وراجعيه كويس اوي ياايمان ها كويس اوي  وجبهولي. تمام... 

ايمان: تمام حاضر

#لما اظل الحقك لما اريد النظر اليك كثيراً كيف اصبحت هكذا كيف وانا معك اصبح شخصآ اخر شخصآ كافحت كثيراً لاقتله وادفنه بداخلي كيف تأتي انتي وبكل بساطه تعيدي اليه الحياه من جديد اريد ابعادك عن عالمي ولكن لا استطيع لا اعلم لما ولكن كل مااعلمه اني لا اريد بعدك... 

♡♕♕♕♕♕♕♕♕♕♕♕♕♕♕♕

*اوقات بنلاقي نفسنا محطوطين في وضع مقارنه و بالذات من الاهل.*

شوية نقط تفكر فيها لما تلاقي نفسك اتحطيت في الموقف ده. 

- المقارنه بالغير هي اوحش حاجة ممكن تعملها في نفسك. لانك عمرك ما هتبقي راضي بوضعك مهما حصل😒🙆‍♀️

- لو اهلك هم الي قارنوك بحد.. متخليش الموضوع يأثر فيك لانهم فاكرين انهم بيشجعوك بالطريقة دي لانهم ميعرفوش طريقة تانية. عدي الموضوع بس متخليهوش ياثر فيك😑😑

#بلاش جو انا مش هاقدر اعمل حاجه انا ماليش منفعه انا فاشل  والكلام ده.. 🙂😠🤦‍♀️

وانت هاتعرف اذاي انك ليك منفعه اذا كنت أصلاً عمال تكسر في نفسك بالكلام ده خليك واثق في نفسك وماتبصش لاي حد وتتمنى تبقى ذيه لاء بص لنفسك انت وشوف هاتقدر تعمل ايه... 😇🫡

*المقارنة مهمة في حالة انك بتقارن نفسك بنفسك. كنت فين و بقيت فين.. اتحسنت ولا واقف مكانك ولا بقيت اوحش.* 😌😌

متقارنش نفسك بأي حد تاني.💞🦋🪻🌹

♡♕♕♕♕♕♕♕♕♕♕♕♕♕♕♕♕♕♡

ارتدت روح دريس سماوي به بعض الورود البيضاء واختارت خمار ابيض وحذاء ابيض وحقيبه بيضاء فكانت جميله كانها ملاك... 

خرجت من غرفتها: ياندوش دندش ياولييييه 

ناديه: يارب الصبر من عندك يارب خير ياهاديه ياعاقله خير 

روح: ايه رايك فيا اجيب عرسان مش كده

ناديه: قمر ياروحي خمسه في عيون الناس اللي تبصلك ياقمري بس ياروحي انتي منفوخه نفخه كدابه ثم لسانك ده يطفش العرسان مش يجبهم احمدي ربنا ان فارس ابن ام فارس عبرك انا عارفه عاجبه فيكي ايه كته نيله.. 

روح: انا قولة انك مش امي ولقتيني قدام باب الجامع في كرتونه ماحدش صدق اعترفي ياوليه صح ولا لاء 

ناديه: صح ياقلبي انا بس كنت خايفه اجرح مشاعرك بس يلا اهو بقيتي ش ح طه اهو والحمدلله ماعندكيش فسفوسة دم وعرفتي الحقيقه... 

روح: اخ ياقلبي وبتقوليها وبتقوليها في وشي ياناديه ياقلبك القاسي... 

ناديه: اومال اقولها في قفاكي 

روح: ماشي ياناديه ماااااااااااااشي اقول ايه لاوضتي اللي طلعت مش اوضتي اقول ايه لفرشة سناني اللي طلعت مش فرشة سناني يالهوي.. 

#ركضت روح فور رؤية والدتها تخلع حذاء قدمها(الشبشب يعني) وتقذفه اتجاهها 

ركضت روح اتجاه الباب سريعآ: ماشي ياناديه حسابنا لما ارجع ياماما ياللي طلعتي مش ماما سلام ياحب

ناديه: هههه مخلفه مجنونه... 

كانت ندى ترتدي عبائه بيتي على بنطلون بيچاما رافعه نصفها في البنطلون رابطه اسكارف طويل على راءسها تمسك.بيدها مقشه  : اه ياختي ناس تتفسح وناس تمسح وتكنس في ايه ياماما حرام اللي بتعمليه فيا ده انتي نفختيني والله راعي اني بنتك والله وصايمه  بلاش افترى #وجدت ندى الحذاء الاخر ينزع ويتجه اليها ركضت باقصى سرعتها وهي تصرخ... 

...................... 

              #ذهبت روح اولآ لمكان عمل #اخيها🪻

روح: عاوز مساعده يااسطى.. 

محمد: روح ايه اللي جابك  خير في حاجه ولا ايه ماما كويسه... 

روح: ياعم اهدى ماتقلقش ماما ذي الفل فوق وبتعمل اكل 

محمد: اومال جايه ليه هنا يابت 

روح: بت طب حافظ على البرستيج تبع اختك حتى اجدع 

محمد: هاتقولي عاوزه ايه ولا امسك برستيجك ده اعلقه علي باب الورشه وامة لا إله إلا الله تشوفه 

روح: هدي نفسك يامعلم اختك الصغيره وهبله هتاخد على كلام واحده هبله. المهم هاستلف مراتك ساعه كده... 

محمد: مريم ليه رايحه فين ياختي

روح: يعني هاشتري شوية حاجات كده لزوم خطوبتشي 

محمد: طب ماتقولي عاوزه ايه وانا ابعت اي صبي من هنا يجبلك اللي انتي عاوزاه 

روح: لاء عاوزه انقي على زوقي وبعدين دول شوية بلالين على حبة حاجات بسيطه وكمان علشان هاشتري دريس ليا وعلشان ماما طلبت مني ان مريم كمان تجيب حاجه ليها واهو تخرج تشم هوا شويه.. 

وضع محمد يده في جيبه واخرج منها بعض النقود: ماشي وخدي دول كمان علشان لو الفلوس اللي معاكي قصرت وخلي مريم تجيب اللي نفسها فيه ماشي 

روح: ماشي ياعم من عونيا يلا فوتك بالعافيه 

محمد: الله يعافيكي ياختي... يارب يامريم ترجعي ذي الاول وحشتني مريم الشقيه اللي كانت مش بتبطل ضحك وهزار وحشتنى ضحكتك اللي كانت على وشك طول اليوم يارب اسعد قلبها يارب... 

#ذهبت روح لمكان عمل مريم: مسا مسا ياابو صلاح 

مريم: روح خير في حاجه ولا ايه ماما بخير 

روح وهي تضرب كف بكف: استغفر الله العظيم يارب هو في ايه اجدعان هو كل اللي اكلمه يتخض هو انا مكتوب علي وشي مشاكل ولا ايه ياناااس في ايه ابت.. 

مريم: ايه يابنتي انا بس بطمن 

روح: ياحنينه يخربيت حنيتك انتي وجوزك اتطمنوا ياختي خير ان شاءلله وماما ذي الفل ولسه هبداني شبشب عسل من شويه وبتعمل اكل وندى ياستي منفوخه شغل مسيح وكنس وغسيل هههههه ياقلب امها شحطط بنزين وامك ماعهاش فلوس تفول هعهعهعهعهعهعهع

مريم: بوريه منك يابت شمتانه في اختك ياقرده انتي.

روح: هو اللهم لا شماته بس انا شمتانه ههههههههههه

مريم: امشي يابت من هنا امشي انا خلاص خلصت اهو وهاسلم عمي الحج وهاروح اساعدها واساعد ماما.. 

روح: لاء ياختي انسي انتي ذي الشاطره كده هاتيجي معايا 

مريم: اجي معاكي فين 

روح: هانروح نشتري زينه علشان خطوبتشي وتساعديني اجيب دريس ليا وخمار لطشيف وانتي كمان تجيبي دريس 

مريم: انا 

روح: اه احم اصل جوزك اعطاني فلوس لكي واوصاني ان تجلبي دريس وخمار وحذاء لكي... 

مريم: ليا انا انتي متأكده يابنتي محمد قالك اجيب ليا انا 

روح: هههههههه اه والله العظيم وبعدين اخلصي انتي لسه هاتتصدمي يلا خلينا نرجع قبل الفطار وعلشان نلحق نزين الصاله ياوليه 

مريم: وماما

روح: والله هي اللي قالتلي اخدك معايا يلا بقى وبطلي رغي... 

مريم: هههههه حاضر 

    #ذهبت ندى لتفتح الباب لذلك الطارق #المزعج

اسلام: مسا مسا ياعسل لو سمحتي نادي لستك ناديه 

ندى برفعة حاجب: افندم 

اسلام: مالك ياحلوه متعصبه ليه هو انتي مين صحيح هي خالتي جابت شغاله ولا ايه اول مره تعملها

ندى بعصبيه: اسلام هاطلع تعبي وجوعي على راسك اتظبط 

اسلام: اسلام حاف كده من غير سي اسلام وكمان لسانك طويل انا هاقول لخالتي تعلمك الادب.. 

ندى: يارب صبرني يارب يارب صبرني واكمل صيامي لاخره النهارده امشي ياض من هنا انا داخله

اسلام: هههههه طب خلاص خلاص هو انتي عامله كده ليه بصراحه شكلك مسخره هههههه هههههه 

ندى: اسلام هانكد عليك ياابن صفيه اتظبط 

اسلام: هههههه طب خلاص خلاص بس عارفه رغم ان شكلك متشلوح وفيكي شبه من مديحه اسهال بس قمر برضو 

ندى: احم اللهم انك صايم ها... 

اسلام: هههههه حاضر هاسكت المهم خدي من ايدي يلا علشان خلاص ايدي اتخدلت... 

ندى: ايه ده كله يابني 

اسلام: دا ياختي فضلت خيرك واسماله على مقامك كده جاتوه وحلويات ومعاكي كمان شوية تسالي كده لزوم القعده وطبعآ مانسيتش الشيكولاتة والشيبس  بتاع قلبي وروحي انا من جوه وكمان فستان قمر للقمر بتاعي ويارب زوقي يعجبك بس  وماتقلقيش مانسيتش خماره وكمان ياستي جزمته وكلام في سرك كده من ورا ناديه جبتلك اندومي بالاطعمه اللي بتحبيها .. 

#كانت ندى تنظر اليه بكل حب وقد ارتسمت على وجهها ابتسامه حب لذلك. الذي اخذ قلبها بأهتمامه بها وبأدق التفاصيل الخاصه بها وبذلك الحب الذي يغمرها به دائماً.. 

اسلام: لاء الله يخليكي ماتبصليش كده علشان بضعف وانا مش مسؤل عن تصرفاتي 

ندى بأبتسامه: هههه ماشي خلاص ربنا يخليك ليا يارب 

اسلام: ويخليكي ليا وميحرمنيش منك ابدا ياقلبي ويجمعني انا وانتي في بيت واحد بقى امين يارب.. 

ندى: هههههه طب يلا هات وادخل 

اسلام: لاء انتي دخلي الحاجات دي وانا ورايا شغل ساعه بالكتير وراجع ماشي وسلميلي علي ندوش ماشي 

ندى: ماشي خلي بالك من نفسك 

اسلام: حاضر ياقلبي سلام 

ندى: في حفظ الله

ناديه: مين ياندى

ندى: دا اسلام ياماما جاب الحاجات دي وقال وراه شغل هايخلصه ويجي 

ناديه: ماشي يابنتي ربنا يسترها معاه يارب ويحفظه ويحميه يارب.. 

#مرت دقائق وانتهت ندى من تنضيف المنزل وغيرت ثيابها وارتدت عبائه اخرى فضفاضه وحجاب لعلمها ان اختها وزوجها في طريقهم اليهم فقد اعلمهم بذلك اخوها بعد مهاتفة عز #مرت نصف ساعه وذهبت ندى لتفتح للطارق ولم تكن سوى روان سلمت عليها ودخلت وخلفها عز الذي يحمل بيده بعض الاشياء ايضآ 

ناديه: ايه ده كله يابني ماكنش في داعي لده كله 

عز: ايه ياماما هو انا غريب دا بيتي وروح اختي كمان 

ناديه: طبعاً يابني ربنا يخليك يارب 

#ثواني وسمعوا طرق على الباب فتح عز للطارق وكان فارس.. 

فارس بأحراج: السلام عليكم ورحمة الله وبركاته 

عز: وعليكم السلام ورحمة الله وبركاته اتفضل يافارس 

فارس: اسف لو ازعجتكم بس كنت حابب اجيب الحاجات دي ومضطر امشي بسرعه 

ناديه: طب ادخل يابني الاول خد نفسك وبعدين انت مكسوف مننا ولا ايه دا احنا اهلك ياواد 

فارس بحب: اكيد ياماما ناديه ربنا يخليكم ليا يارب بس غصب عني والله مضطر امشي جيت بس اوصل الحاجات دي وامشي علي طول 

عز: حاجات ايه دي كلها 

فارس: دا بيبس وجاتوه وشيكولاته 

واحم  وده فستان لروح بلوازمه وكده يارب يعجبها بس  

ناديه: ليه يابني تعبت نفسك لده كله كلفت نفسك يابني حرام عليك.. 

فارس بأبتسامه: ولا تعب ولا حاجه ياامي هستأذن انا 

ناديه: في حفظ الله ياحبيبي  ... ندى 

ندى: ننننننعم 

ناديه: دخلي الحاجات دي ياحبيبتي حطيها في التلاجه والفريزر كمان يلا ياماما اعمليلك همه 

ندى: ياماما حرام بقى وخداني غسيل وماكوه من الصبح  حسي بيا والله العظيم انا صايمه احجه 

ناديه: اعملي بصيامك ياروحي يلا بقى ياقلب ماما 

عز: هههههه طب خلاص ياندى هاريحك ياستي خدي بس انتي الفستان دخليه اوضة روح وانا هادخل باقي الحاجات جوه وماما ناديه هاتحطها في الفريزرصح ياماما..

ناديه:ماشي امري لله روحي انتي حطي الفستان جوه لحد ماتيجي اختك روح هي ومريم

روان: هما فين صحيح انا مش شيفاهم 

ناديه: روح خرجت تشتري زينه وشوية حاجات بسيطه للخطوبه المهم خشي انتي ياحبيبتي ارتاحي في اوضة اخواتك. شويه انتي تعبانه ياقلبي من المشوار وكمان انتي مصممه تصومي وانتي تعبانه 

روان بهدوء وابتسامة حب: ياماما ياحبيبتي انا كويسه اهو وذي الفل وبعدين عز بيأكلني في السحور كمية اكل دا لو بطه وبيربيها مش هايأكلني كل ده ومابيسبنيش غير لما اشرب اللبن كمان

ناديه: ربنا يهنيكم ويسعدكم بابنتي يارب بس برضو ياحبيبتي خلي بالك من نفسك وعلشان خاطر ربنا  افطري يابنتي اللي في بطنك لازم يتغذا ياحبيبتي 

روان: بس 

ناديه: مابسش افطري ياروان وبعد ماتولدي عوضي الايام دي بس ياقلبي علشان العلاج بتاعك لازم تاكلي انتي وشك دبل وتعبانه من قلة اكلك  

روان بأستسلام: حاضر ياحبيبتي هاكمل بس النهارده وان شاءلله هافطر بعد كده ماشي 

ناديه: ماشي ياروحي طيب يلا روحي ارتاحي جوه ذي الشاطره كده واتفرجي علي التليفزيون ماشي 

روان: لاء بقى على خليني اساعدك حتى في المطبخ 

ناديه: عنيا ياقلبي روحي بس اقعدي وحاجات السلطه هاتكون وراكي على طول اهو تسلي نفسك 

روان: سلطه تاني ياناديه 

ناديه: ايوه ياروح قلب ناديه ويلا بقى ماتأخرنيش عن المطبخ امشي يلا 

روان: هههههه حاضر 

#مرت دقائق وذهبت ندى لفتح الباب للطارق: انا حاسه اني خدامة البيت على رائي اسلام هههههه 

روح: مسا مسا 

ندى: مسا ياللي تعباني وامك نفخاني ومش رحماني 

روح: هههههههه علشي ياختي علشي يابيضه 

ندى: عبو شكلك يابت 

مريم: انا هاجي معاكي اساعدك 

ندى: لاء ياقلبي خلاص انا خلصت ومش فاضل غير ان الاكل بس علي النار اهو وخلاص بح المهم وروني جبتوا ايه يامصايب وتعالوا اوريكم اسلام جبلي ايه وصحيح ياروح فارس بعتلك فستان جامد يابت 

روح بسعادة وصدمه: بجد جبلي فستان 

ندى: اه تعالوا ناخد روان وندخل جوه نتفرج ونشوفهم ونبقى نطلع نجهز الزينه اشطا 

روح: اشطا يلا بينا 

مريم: محمد جه ولا لسه 

ندى: جاي انا لسه كنت بكلمه وجاي علشان عز عندنا واسلام كمان جاي المهم يلا بينا.. ...

      الفصل التاسع والخمسون من هنا 

تعديل المقال